صدور دجاج .. محشية خضار وجبن

[بندق أفندى]

اليوم وصفتنا بسيطة ..

نجيب صدور كاملة عشان تكون بالجلد (عشان التماسك) .. هنخليها ونرقها هنرقها 3 طبقات بدون من نفصلهم عن بعض كأنها زجزاج) .. وندقهم بمطرقة البوفتيك على خفيف .. ونتبلهم بخل عنب وملح وفلفل أسود وعصير ليمون زيت زيتون يفضل من الليلة اللى قبلها ..

الحشو .. جبنة متماسك .. شيدر أو موزاريلا أو بارميزان أو حتى جبن رومى أو براميلى أبيض .. استخدمت جبن حلوم .. مع كوسة مشوية وباذنجان مشوى وبقدونس ومتبل بملح وفلفل وزيت زيتون

تلف كما فى حشو ورق الكرنب وتلف فى ورق فويل .. وتسوى اما على الشواية .. أو فى حلة أو قلاية على أن تغطى الحلة أو القلاية ويضاف قليل من الماء كلما جف .. حتى لا يحترق .. وتقلب كل 5 دقائق .. ويحتاج من 25 الى 30 دقيقة .. بعدها .. يمكن وضعه فى بيض ثم بقساط ويتم تحميره .. أو كما فعلت ملعقة زيت مع ملعقة زبد ويتم تحميره

ثم تقدم مجملة بالبقدونس الأخضر بعد تقطيعها

وبالهنا والعافية

[زعلان]

الفراخ شكلها حلو عاملة زي الحمام كده بس بلاش الجبنة خليها تبقى محشية خضار مشوي مشروم و كوسة و بروكلي اي حاجة واعملي واحدة بالفريك لو سمحت

[بندق أفندى]

:aslam: الفراخ شكلها حلو عاملة زي الحمام كده بس بلاش الجبنة خليها تبقى محشية خضار مشوي مشروم و كوسة و بروكلي اي حاجة واعملي واحدة بالفريك لو سمحت

أى خدمة يا زعزع بك .. فايدة الجنبة انها تمسك كل حاجة مع بعضها .. هى فعلا طعمها جبار .. وكمان خفيفة .. بالفريك تنفع شريطة يكون الفريك مستوى من قبل اما يستوى معاها مش هينفع .. وبعدين فيه منها محشى جبنة وزيتون وفيه منها محشى لحمة وفيه منها محشى أى حاجة .. وأى خدمة مرة تانية

[fatfouta]

جميلة اوى يا شيف بندق بتفكرنى بالكوردون بلو انا بعملها باللحمة بتبقى جميلة جدااا وكمان بحط جواها ذرة صفراء مسلوقة وبطاطس لانى مش بحب الكوسة اوى فبتطلع تجنن

بس هجربها بالفراخ لكن انا بصرحة هشيل الجلد لانى مش بحبه حتى لما باجى اسلق الفراخ بشيل الجلد واللى تحته كمان

وفعلا الجبنه بتديها طلعم حلو وبتخلى الخضار يمسك فى بعضة وكمان لما بتتعمل فى البيض والبقسماط بتبقى حلوة اوى بس بتزيد دسامة لكن طعمها بيبقى جميل

افكارك حلوة وتسلم ايدك يارب

فتفوته

[بندق أفندى]

جميلة اوى يا شيف بندق بتفكرنى بالكوردون بلو انا بعملها باللحمة بتبقى جميلة جدااا وكمان بحط جواها ذرة صفراء مسلوقة وبطاطس لانى مش بحب الكوسة اوى فبتطلع تجنن

بس هجربها بالفراخ لكن انا بصرحة هشيل الجلد لانى مش بحبه حتى لما باجى اسلق الفراخ بشيل الجلد واللى تحته كمان

وفعلا الجبنه بتديها طلعم حلو وبتخلى الخضار يمسك فى بعضة وكمان لما بتتعمل فى البيض والبقسماط بتبقى حلوة اوى بس بتزيد دسامة لكن طعمها بيبقى جميل

افكارك حلوة وتسلم ايدك يارب

فتفوته

الله يخليكى يا فتفوتة هانم .. لو تلاحظى هتلاقيها من غير جلد فى النهاية .. بس حكاية الجلد دى فكرتنى بالدكتور بتاع العيلة .. لما كان زعلان وهو بيحكى .. ن مغاتى بقت تقشغ البطة بعد ما تحمغها .. عشان بقى عندى سكغ مع انى بأموت فى جلد البطة وهو مقغمش كده .. يووووووه .. لذيذ بشكل .. فعملت وصفة اليوم قائمة على جلد الفغخة .. معلش الفرخة