نصايح عاطشفية....ليك يا تامر انت و شوقية

[لماضة مصرية جدا]

السلام عليكم و رحمة الله و بركاته

لفيت و طفت و جايبالكم من كل حتة في العالم شوية نصايح من اللي هي للحياة العاتشفية (وش جلال علام بتاع برنامج مواقف و طرائف...حد فاكره.... )

بصوا دي خولاصة الخولاصة و بهاريز البهاريز

بس طبعا ممكن حضراتكم كل واحد يحط النصايح اللي عنده.....و رؤيته بين الواقع و المأمول...... :Laie:

نفسي نعمل كوتاب كده....نسميه....دليل الخناقات الزوجية: حلول فورية....من غير تقطيع الجلابية...

و ان شاء الله انا مستبشرة بيكو خير....(ليه هف عليا مثل ان كان فيه خير مكنشي رماه الطير.... )

هنقول هنخلص الكوتاب امتي يا شطار..... يارب السنة دي.....

عشان كل حبايبنا المحاورين و المحاوراتية اللي هيتجوزا الايام الجاية.....

يبقوا معاهم سلاح التلميذ...و بكده أقدر اقابل وجه كريم و انا مطمنة عليكم

و هبتدي بشوية النصايح دية...... ع فكرة هما ملطوشين.......بس استمخيت منهم.....و قولت يلا مش خوسارة فيكم

1- لا تشغل نفسك كثيرا قبل الزواج بتعلم اي شيء عن الطبخ....أو اي شيء عن العيش المشترك...كل هذا من الممكن أن يمشي بالتساهيل وببركة دعا الوالدين....الشيء الوحيد الذي تحتاج أن تتعايش معه و تتعلم الكثير منه هو كيفية التعايش مع الملل....

المفروض انهم يقولوا ايه بقي....

هبقي معاك يا حبيبي ف الصحة و المرض....

في الغني و الفقر....و في الملل و الزهق.

2-تذكر ان المرحلة الفاصلة بين الحب و الزواج....هي المرحلة التي يقوم الزوج فيها بالتخلص من هوائه الداخلي أمام زوجته......حاول تأخير هذه المرحلة ما استطعت.....استخدم اقراص ديسفيلاتيل لتساعدك علي ذلك.

3-تعلم دائما أن تتحكم في أعصابك عندما تثير زوجتك غضبك....ضرب الزوجة يفضي الي الحبس في عهد تمكين المرأة...الافضل ان تذهب الي الحمام و تغلق الباب علي نفسك و تقف قدام المراية و تاخد نفس عميق و تقول بصوت عالي 3 مرات "هاكونا ما تاتا".....هتقولي مين هم اللي هاكونا ما تاتا....اللي شاروا علينا بالجوازة دي.

4-يوم كتب كتابك لا تنم جيدا ابدا....محدش يقولي من الفرحة.....لا خالص عشان لما تتحجج في المستقبل تقول....انا مكنتش في وعيي.

5-عندما تشاهد تنويهات موعد إذاعة ملكة جمال لبنان ابدأ في تذكير زوجتك بالاحاديث النبوية الشريفة التي تخص صلة الرحم و أد ايه هي مقصرة في حق والدتها....و اقترح عليها كمان انها تبات عندها آخر الاسبوع.

6-حاول تتعايش مع التسريحات المفزعة التي تقوم بها زوجتك....حاول ان تضبط رد فعلك عليها و خصوصا في الطلعة الاولانية....

اتدرب مرارا و تكرار علي الخلط بين شهقة الفزع و شهقة الاعجاب....

حاول تستخدم كلمة ذات معنيين يعني فيه جمل ليها معني واحد...."يا نهار اسود....او الحقيني يا امه"....

لكن انت ممكن تبقي واد لعيب و تقول ايه بقي...."يا خبر ابيض او ياااااااااااااااه أو جديدة التسريحة دي مش كده".

7-لو مراتك بتسالك انا شعري بيقع خالص صح......؟؟؟

لازم ترد نافيا و تقول: أبدا يا حبيبتي أعوذ بالله....

بينما خيالك الذي تراه في الجزء الفارغ من شعرها بيقولك: اخص عليك يا كدااااااااااب.

8-إذا كنت ستلتقي امراة احتمال ان تحبها أو تتزوجها فلا تقل لها في اول لقاء انها قمحية....كل الستات بيضاوات.

يااااااااااه تعبت (وش سنية....عبلة كامل في وجهة نظر....)

كملوا انتو بقي يا ولاد

فوتكم بعافية

لماضة......مش عاطشفي بوتاتا

خدوا قرطفوا في دي............

[mekkawy]

موضوع لذيذ و مفيد و مهم

و أظن كدة ان هيكون ليا نصيب الأسد من مشاركاتي هنا ان شاء الله

متابعة و لي عودة بس بكرة الصصبح باة عشان عاوز أكوي البدلة البني و القميص البني و ألمع الجزمة البني عشان أمسح النضارة البني و أجهز الساعة البني و الشراب البني .... اه صحيح و الكرافتة البني كنت هنساها

مكاوى ... الراجل البني يحب البني

تم تعديل 16 أبريل 2010 بواسطة mekkawy

[نورسين]

ازيك يالماضه

وحشتينى

اخبارك ايه

يارب تكونى فى احسن حال

سؤال على جنب انتى معانا ولا معاهم

باى ولى عوده

[mekkawy]

السلام عليكم و صباح شريف لكل المحاوراتية

انا مش هأرغي كتير

أنا هأدخل كل مرة أقول نصيحة واحدة من واقع تجاربي الشخصية ... و هاحاول أخلط بين النصيحة الدينية و النصيحة الدنيوية ... أنا مش عاوز أفصلهم .. لأن الدين ما سابش حاجة في موضوع الجواز ده ... بس هأحاول ما أتكلمش بمثالية عشان ما أبقاش ممثل :) و كل مرة هنقول واحدة حريمي و واحدة رجالي

النصيحة الأولى للأزواج

حسس مراتك إنها اول و آخر ست في الدنيا ... و إنت كمان حس كدة .. لأنك لو محستش كدة ... هي مش هتحسه منك و عينيك هتزوغ و الستات كتير ... و الفتن أكتر ... حسسها إنك من غيرها هتموت يعني نظام (إنتي بابا و إنتي ماما و إنتي كل حاجة في الدنيا) .. و لما هي تحس بكدة منك بصدق و إخلاص ... هتلاقي نفسك متدلع آخر دلع ... يلا ادعولي يا رجالة.

النصيحة الأولى للزوجات

بالله عليكي يا شيخة ... لو بتحبي ربنا ... ما تخنقيش جوزك ... لما تفتحي موضوع و انتي عارفه ان اخرته مش حلوة و هو يقولك ... حبيبتي خلينا اخوات أحسن و بلاش نخسر بعض و قفلي على التوبيك ده ... قفلي و بلاش العند النسائي المشهور ... انتي اللي هتضري في الاخر ... لعله في الوقت ده مش جاهز لمناقشة زي دي لكن ممكن يكون جاهز بعدين

مكاوى ... سوشيال

[لماضة مصرية جدا]

السلام عليكم و رحمة الله و بركاته

ايه ده

ابننا عكاوي شرف المنطشقة......و هيمسك المكرفون......استمر......سر يا نورماندي مرساكي و مجراكي

بنتنا نورسين......ايه يا بنتي سماعة التليفون اللي ماسكاها و ماشية بيها دي.....سلامات و طيبون دول ع الخاص يا حبيبة قلب ماما من جوه..... :) ...(و انتي كمان وحشتيني آآآآآد السما بلونها الصافي)

الحقيقة يا جماعة انا كنت محضرة خولاصة سهر الليالي

و دي كانت عن

- الغباء في الحياة الزوجية.......يا تري مطلوب...و امتي.....امتي تتغابي يا بااااتعة.....و امتي لمؤاخذة تتغابي يا نوفل.....عشان المركب تعدي.....بس يا توري يا هل توري هيأثر ع جيل الناشئين؟؟؟؟

2- إزاي تحرقي دم خطيبك؟؟؟

3- إزاي تحرق دم خطيبتك؟

4- إزاي تطفشي ولد او عريس....؟؟؟

5- إزاي تخنق بنوتة كده منك؟؟؟

و غيرها من الموضوعات العميكة دي.....مش عارفة اكمل و لا ايه...(بس انا هشتغل جمعة و سبت بس آه عشان نبقي علي وايت واتر)

بس بفكر نحطها كده اسئلة مفتوحة.....و الناس تشمر كده و تخدف اجابات

ايه رايكم؟؟؟

صباااااااااحكم........عاطشفي آآآخر حاجة

[mekkawy]

عدد القراء الحاليين لهذا الموضوع (1 الزوار 0 المتخفين)

2 الأعضاء: mekkawy, se_ Elsyed

مورنينجات لسين سين و للزائر ... السلام عليكم

[mekkawy]

السلام عليكم و رحمة الله و بركاته

ايه ده

ابننا عكاوي شرف المنطشقة......و هيمسك المكرفون......استمر......سر يا نورماندي مرساكي و مجراكي

طبعاً طبعاً لازم نمسك المكروفون ... هو احنا فديك الساعة ولا فرخة الساعة لما نكتب في موضوعات الأستاذة لماضة ... لماضة آخر حاجة الصراحة :)

و دي كانت عن

- الغباء في الحياة الزوجية.......يا تري مطلوب...و امتي.....امتي تتغابي يا بااااتعة.....و امتي لمؤاخذة تتغابي يا نوفل.....عشان المركب تعدي.....بس يا توري يا هل توري هيأثر ع جيل الناشئين؟؟؟؟

مطلوووووووووووووب جداً ... و هنا في بيت شعر انا ماشي بيه و مريحني جداً و مريح البيت عندي (ليس االغبي بسيد قومه ... لكن سيد قومه, يتغابى)

فالتغابي مطلوب جداً و بشكل أكتر من الراجل لما حضرتها تخربها في حاجة معينة و هو عارف و شايف بس عارف انه هيلحق الخريبة دي و عارف هيعمل ايه ... فخلاص ما فيش داعي تكسفها و تنكد عليها ... اعمل عبيط و لمها بعدين طالما عارف هتلم الليلة ازاي

2- إزاي تحرقي دم خطيبك؟؟؟

طبعاً مرحلة و عدت لأنها ما استمرتش أكتر من 15 يوم wst:: و كان فيه كتب كتاب .. بس هأعتبرها فترة خطوبة ... الطريقة ... سيبيه يتصل يتصل يتصل و يقلق و دمه يتحرق و أعصابه تبوظ و ياري اتخطفت ولا ماتت ولا حد اغتصبها ... ولما ترد فيييييين و فيييييييين و بعد ما هو يموت ... تقوله ... سوري يا بيبي اصل التليفون كان سايلنت :lol: .... يا ربناااااااااا

3- إزاي تحرق دم خطيبتك؟

بسيطة جداً ... ما تجبلهاش دبدوب في الفالنتيس :lol: ... ده للخطايب السيس المنتشرين اليومين دول ... بس للبنات العاقلة العادية ... اقعد قلها مالك ... تقولك مفيش حاجة ... قولها مالك بالله في ايه ... تقولك و الله ما فيه (و هي كويسة جداً و الرخم شايف انها كويسة) ... طب بالله مالك شكلك زعلان ... و خد فوشك باة بعد كدة يا معلم انت اللي تستاهل

4- إزاي تطفشي ولد او عريس....؟؟؟

أنا طبعاً هأسيب دي للبنات هم أدرى ... بس أصل أنا من النوع السقيل اللي ما كانش بيطفش :lol:

5- إزاي تخنق بنوتة كده منك؟؟؟

نفضلها

و غيرها من الموضوعات العميكة دي.....مش عارفة اكمل و لا ايه...(بس انا هشتغل جمعة و سبت بس آه عشان نبقي علي وايت واتر)

لا لا كملي بأة طالما جمعة و سبت بس لازم نستغل التشانس

بس بفكر نحطها كده اسئلة مفتوحة.....و الناس تشمر كده و تخدف اجابات

أديني أول المشمرين أهو ... يلا ع البركة

ايه رايكم؟؟؟

منتااااااااااااز

صباااااااااحكم........عاطشفي آآآخر حاجة

يا خبر أبيض ع العاطفة المدلدئة في أرجاء المحاورات

مكاوى ... إيموشنز

[لماضة مصرية جدا]

2- إزاي تحرقي دم خطيبك؟؟؟

طبعاً مرحلة و عدت لأنها ما استمرتش أكتر من 15 يوم :lol: و كان فيه كتب كتاب .. بس هأعتبرها فترة خطوبة ... الطريقة ... سيبيه يتصل يتصل يتصل و يقلق و دمه يتحرق و أعصابه تبوظ و ياري اتخطفت ولا ماتت ولا حد اغتصبها ... ولما ترد فيييييين و فيييييييين و بعد ما هو يموت ... تقوله ... سوري يا بيبي اصل التليفون كان سايلنت :lol: .... يا ربناااااااااا

إذن الي القتااااااااااااااااااال

عزيزتي حواء......سيبك م التقلية دلوقتي.....و خشي قوليلنا

إزاي تحرق دم خطيبك؟؟؟

و يا توري يا هل توري هيصمد...........الله يكون في عونه بقي

بس احب افكر اعزائي المستمعين.....ان احنا بنتكلم عن اتنين مش طااااااااااااااايقن بعض آآآخر حاجة..

اتفضلوا الميكرفون معاكم

و دي عربون محبة من عندي:

إيه رايكوا في عوبارة "ماما قالت.......!!!"

هو: حياتي....ازيك......هتعملي ايه النهاردة....

هي: ماما قالت ان احنا هنروح نزور خالتي

هو: طب ممكن اجي معاكم...هوصلكم (كتر خيره و الله اهو وفر تمن التاكسي)

هي: ماما قالت......بلاش تخيله ينطلنا في الرايحة و الجاية كده....(و يا ريت تقوليها بصوت مخنشر احسن يفتكر انك بتهزري و لا حاجة...احنا عايزين حرقة دم....مش بنلعب)

===========================

مشهد شراء النابوليا........

هو:ايه رايك في الدولاب ده......ده ع اعتبار انها هتقضي حياتها هناك مثلا....او ع اعتبار ان حياتهم هيبقي فيها غارات جوية و هنحتاج نستخبي في الدولاب من وقت للتاني

الرد يكون ايه بقي......

هي:مش عارفة بس.........."ماما قالت.........!!"

حتي لو ماما مش معانا لازم يحس طول الوقت انها الحاضر الغائب......و لو اعترض........يووووووومه مش فايت

عليكي بتوكنيك 247.......

مشهد "يا حبيبي رد عليا ازيك سلامات"

يبقي داخل عليكي و الفرحة مالية عينيه.....كده.....و هيموت عليكي...

تسيبيه لغاية ما يقرب و هيسلم عليكي بقي....قوووووم ايه

ألوي بوووووووووزك علي اي حاجة.........

المهم عايزاه كده من كتر اللوي......يخبط في عينك الشمال

اي خدمة

و استنوا مني المزيد.........

كان معكم لماضة حرقة دم

فوتكم بعافية

حد ينزلنا بأغنية عبد الغني السيد(مين ده).........نار نار نار....و انا جلبي جايد ناااااار....... :) (اوعي حد يقولي دي اغنية حكيم.....علي حسب انتوا قاعدين فين ع المدرجات)

[mekkawy]

ألوي بوووووووووزك علي اي حاجة.........

يا ستير يا رب

ايه يا عم النكد الأصلى ده ... الحمد لله إن أم سلمى مش زبونة هنا و الا كانت هتبا عيشة فلة ع الآخر ... الصراحة نفس اقابل سي الاستاذ اشوف كانت ايه ظروفه في موضوع البوز ده :lol: ... الله يكون في عونك يا أبو نسمة ... دي عملالك فونت سبعة يا معلم

مكاوى ...

[لماضة مصرية جدا]

السلام عليكم و رحمة الله و بركاته

ابو نسمة بيسلم عليك......و بيقولك كلمة السر جزر

مين ابو نسمة بقي

هو حضرتك باذن الله وان شاء الله هيكون ابو مروان....و ريان.....و بعدين يا ولدنا عكاوي.....لو ابو نسمة....و لا ابو مروان و لا ابو جلمبو اصلا دخل و قرا الحاجات دي احنا مبنخفشي يا عم.......(وش شجيع السيما في الليلة الكبيرة بس من غير الشنب البريمة)

احنا بنترعب......... :lol:

و نحمد الله كثيرا يا اخواني ان نصنا الحلو مبيخش يقرا الكلام العميك دوت......و بعدين احنا بنتكلم ع ناس تانيين خالص...... اللي هما راحوا للناس الاولانين مش لقوهم اخدوا تاكسي و رجعوا

عجبك كده خرجتني بره مووود حرقة الدم........هحاول امخمخ في حبة تاني و رجعالكم......

و اذا مرجعتش اعرفوا ان ابو نسمة...قصدي ابو مروان حرج عليا مركبشي السوارس...... :)

فوتكم بعافية

[mekkawy]

السلام عليكم و رحمة الله و بركاته

فوتكم بعافية

يا خووووووفي يا بدران ... في ناس كدة بتعمل سبع رجالة و بعدين أبو وردة بيشتغل لبلب يا معلم .... شكل أبو نسمة هيشغل أبو وردة و هتبا مجزرة ...

ألا عندي استفسار و الله جاد جداً ... ليه لما الراجل يكون حريص على مشاعر زوجته و مراعيها .. يعني مثلاً صحابه يقولوله هتخرج النهاردة معانا ... يقولهم لأ مثلاً خارج مع زوجتي أو رايح عند حماتي .. يقولوله ليه هو أبو وردة اشتغل ... يا ريت بجد نحاول نغير و ننفي الثقافة المغلوطة دي لأنها ثقافة سيئة جداً في مجتمعاتنا سواء كان في مصر فعلاً او المصريين اللي هنا

مكاوى ...

[ذهبية]

يا لموضةةةةةة الاستشارات العاطفية دى تصدقى انا دخلت قولت هلاقى احلى رومانسية

لاقيت ابو وردة و وابو نسمة و احلى قصص على احلى لحظات رومانسية

طيب هنذكر بعض اللحطات الرومانسية اللى من الحقيقة

شوقية قاعدة مستنية حبيب قلبها فى نار

تامر يدخل البيت اول حاجة يعملها انة يقلد المخبر فى حركاتة يدخل على المطبخ و يحشر مناخيرة الحلوة فى كل حاجة فىة

من اول ما يرفع غطى الحلة و يدوق و يسال الشوكة دى مش فى مكانها لية و استخدمتى المعلقة دى لية

هو الاكل حادق لية

و طبعا اول كلمة انتى عملتية زى ما ماماتى كانت بتعملة ولالا لو مكنش كدة مش هادوقة اصلا

هى امى مش علمتك طريقتها

و يطلع على باقى الشقة دى بيعمل اية هنا و البتاع دة اتحرك من مكانة لية و انتى مطلعة البطانين برة لية

هو انتى كنتى بتعملى اية من الصبح

طبعا عارف عمالة ترغى فى التليفون مع صحبتك مش كدةةةة مساء الرومانسية يا تامر

و عودة الى شوقية الرومانسية

فى مداخلة اخرى

[kitkat]

السلام عليكم و رحمة الله و بركاته

3-تعلم دائما أن تتحكم في أعصابك عندما تثير زوجتك غضبك....ضرب الزوجة يفضي الي الحبس في عهد تمكين المرأة...الافضل ان تذهب الي الحمام و تغلق الباب علي نفسك و تقف قدام المراية و تاخد نفس عميق و تقول بصوت عالي 3 مرات "هاكونا ما تاتا".....هتقولي مين هم اللي هاكونا ما تاتا....اللي شاروا علينا بالجوازة دي.

بيس جداااااااا

هي بقت هاكونا ومطاطا ؟ wst::

متشكرين عالنصايح الجهنمية دي

[عماد حمدي]

يا خبر أبيض .. دا انتو كدة هتعقدوا اللي ناوي يتجوز

أنا قاعد في آمان الله :D لقيت الموضوع دا مشي فوق كدة لواحده قولت بس بوادر الإستخارة بانت وقاعد هطنتطط من الفرحة

وقولت في عقل بالي اكيد لماضة هيا اللي عملاه هيا بعينها ... وهنلاقي موضوع زي السكر نخش نسمعلنا كلمتين

يفيدونا ونستعين بيهم مع خطة مكاوي أخش ياخويا عينك ما تشوف الا النو :sad:

والله هتعقدونا .. بجد :D منه له منه له flx:

وانتة يا مكاوي معلشي يا بيبي أصلة كنت عاملاه سايلنت wst:: ... وانا قاعد أنفخ واشرب في سجاير وقهوه ودمي محروق phn: وتقولي ي الآخر يا بيبي وسايلنت .. طيب تعرف ان دي فعلاً أكتر حاجة تستفز الشاب .. وربنا دا انا ممكن أخبطها بونية m8: في وشها ألوحها آل سيلنت آل .. ياعم انته معانا ولا معاهم الله يهديك الأسرار دي بلااااااااااااااش .. خدي دي bsh:)

فتوكو بعافية ,, رجعلكم بقا بإزاي ..

تتطهق خطيبتك وإزاي تخليها تتشعلق في المروحة وتمشي تكلم نفسها

تم تعديل 17 أبريل 2010 بواسطة omda2006

[kitkat]

يا خبر أبيض .. دا انتو كدة هتعقدوا اللي ناوي يتجوز

تتطهق خطيبتك وإزاي تخليها تتشعلق في المروحة وتمشي تكلم نفسها

هههههههه هو انت لسه شفت حاجة

ادخل في عداد المفقودين ادخلللللللللل

تطهق خطيبتك ممكن تطهق مراتك نوووووووووو وااااااااااااااااااااااي مستحيل يا حضرت

ده لاممكن ابدا

يعافيك ياخويا wst::