إنتقال للمحتوى


صورة
- - - - -

الجنسية المصرية لأبناء الأم المصرية


  • من فضلك قم بتسجيل الدخول للرد
23 رد (ردود) على هذا الموضوع

#1 se_ Elsyed

se_ Elsyed

    Super Member

  • Members
  • PipPipPipPipPipPip
  • 25138 مشاركة
  • النوع:ذكر

شريط الأوسمة:

الأعضاء الحاصلين على أوسمة

تاريخ المشاركة 23 September 2003 - 09:01 AM

جريدة الاهرام ...بتاريخ 23/9/2003
وزارة الداخلية تبدأ قبول طلبات أبناء الأم المصرية
لمنح الجنسية لمن تنطبق عليه الشروط



بدأت مصلحة الجوازات والهجرة والجنسية بوزارة الداخلية قبول الطلبات من أبناء الأمهات المصريات للنظر في منح الجنسية لمن تنطبق عليه الشروط من هؤلاء الأبناء‏.‏ ومن المتوقع أن يستفيد من ذلك عدة آلاف من أبناء المصريات‏.‏
وصرحت مصادر مسئولة لمندوب الأهرام أحمــد موســي بأن العديد من السيدات المصريات المتزوجات من أجانب تقدمن بأوراقهن إلي إدارة الجنسية بمجمع التحرير‏,‏ وتتضمن المستندات المطلوبة التي تثبت جنسيتهن للحصول علي الموافقة بمنح أبنائهن الجنسية المصرية‏.‏

وأوضحت هذه المصادر أن القانون يعطي الحق لوزير الداخلية في منح الجنسية المصرية لمن تتوافر فيه شروط منحها حفاظا علي تركيبة المواطنين‏,‏ وهو أمر جوازي للوزير وفقا لما يراه محققا للمصلحة العامة‏

.‏

تعليق على الخبر


طب يا اخواننا يا بتوع الحكومة هي أيه الشروط دي ؟ ولا هي أسرار حربية يستحسن أن تحتفظوا بها لأنفسكم ....

بالفعل هذه مشكلة تخص الأف الأسر المعذبة .... وكم من اطفال وشباب تربوا وترعرعوا في أرض مصر ولكن اكتشفوا الحقيقة المره فلا هم مصريين ولا هم أجانب يحملون جنسية الأب الذي تخلى عنهم وهرب.
الأحـــرار يؤمنون بمن معه الحق ..
و العبيــد يؤمنون بمن معه القوة ..
فلا تعجب من دفاع الأحرار عن الضحية دائماً ..
و دفاع العبيد عن الجلاد دائماً

#2 White heart

White heart

    Super Member

  • Editors
  • PipPipPipPipPipPip
  • 5409 مشاركة
  • النوع:ذكر

تاريخ المشاركة 23 September 2003 - 12:20 PM

طب يا اخواننا يا بتوع الحكومة هي أيه الشروط دي ؟

تنص المادة (2) من قانون الجنسية رقم 26 لسنة 1975

1- من ولد لأب مصرى .
2- من ولد في مصر من أم مصرية ومن أب مجهول الجنسية أو لا جنسية له .
3- من ولد في مصر من ابوين مجهولى الجنسية ، ويعتبر اللقيط في مصر مولدوا فيها ما لم يثبت العكس .

[url=http://www.egyptiantalks.org/bforums/viewtopic.php?t=7233&highlight=%E7%E1%ED%E1+%E7%E1%EF%E8%E1%E6%E3%E7%F3%ED][size=18]"الحل الدبلوماسي"

لا أعلم اذا كان هذا القانون ماذال قائما أم تم الغائه أو تعديله؟

#3 بنت شعنونة

بنت شعنونة

    Super Member

  • Members
  • PipPipPipPipPipPip
  • 3273 مشاركة

تاريخ المشاركة 25 September 2003 - 02:15 PM

اعتقد والله اعلم ان اهم الشروط ها تبقى
انه ما يكونش الأب فلسطيني عشان حبايبنا ما يزعلوش لما نديهم جنسية
وانه يكون معاه المعلوووووووم اللي يدفع للبهوات عشان ياخد الجنسية
وانا من البلد ديييييييييييي

#4 DARWEEN

DARWEEN

    Super Member

  • Banned
  • PipPipPipPipPipPip
  • 2627 مشاركة
  • النوع:ذكر
  • المكان:السعودية

تاريخ المشاركة 25 September 2003 - 08:46 PM

بمنتهى الصراحه أنا كنت ومازالت أرى عدم منح الجنسية للأبناء من اب غير مصري
ومبرراتي كالتالي :

اولا : التي تتزوج بغير مصري تعلم مسبقا أن أبناؤها لن يحملوا الجنسية المصرية وبالتالي لا يحق لها الشكوى مما فعلته وهي تعلم عواقبه

ثانيا : أن هذا سيفتح أبواب لاحصر لها للتلاعب حتى من غير ذوي الحاجه للحصول على الجنسية المصريه

ثالثا : أن أكثر من 90% من المتزوجات من غير مصريين كانوا يبحثون عن الثراء المادي حين أقدمن على الزواج وليس من الواجب على البلد تحمل تبعات مغامراتهن بحثا عن الثراء

رابعا : أن بلد الزوج ( التي هي غالبا أكثر ثراء ) أولى بأبنائها من بلد يعاني أبناؤه في سبيل الحصول على رغيف خبز فلا يعقل أن نطالب لهؤلاء أيضا بدعم في السلع والتعليم والعلاج

القسوة أن ألقاك غريبا ... في وطن ناء عن وطنك

والأقسى غربة أنفاس ... بين الخلان وفي أهلك

#5 se_ Elsyed

se_ Elsyed

    Super Member

  • Members
  • PipPipPipPipPipPip
  • 25138 مشاركة
  • النوع:ذكر

شريط الأوسمة:

الأعضاء الحاصلين على أوسمة

تاريخ المشاركة 25 September 2003 - 09:19 PM

[quote]

رابعا : أن بلد الزوج ( التي هي غالبا أكثر ثراء ) أولى بأبنائها من بلد يعاني أبناؤه في سبيل الحصول على رغيف خبز فلا يعقل أن نطالب لهؤلاء أيضا بدعم في السلع والتعليم والعلاج


مش كلها والله يا ابو الدراوين .... فالأحسن انهم يعالجوا حاله بحاله لأنها بتختلف .. وفعلاص فيه ناس عايشة في مأساة حقيقية.

هأحكيلك على موقف بخصوص موضوع الجنسية ده بإختصار ..

كان لي في أيام الجامعة زميل وصديق صومالي شكلاً بس لكنه مولود فى مصر وأبوه عايش في مصر أكتر من 30 سنة ومتزوج مصرية طبعاً ... صاحبنا طقت في دماغه ييجي السعودية عمره فى اجازة الجامعة ويشتغل شوية ... المهم اتمسك طبعاً علشان مقيم إقامة غير شرعية .... الكلام ده كان في سنة 91 ... في عز الحرب الصومالية وقوات فرح عيديد عماله تدب فى قوات سياد بري والدنيا مولعه ومابقاش في دولة من اساسه ... طبعاً حبيبنا معاه جوزا صومالي والسلطات السعودية قالت له احنا هانرحلك على الصومال ... تعرف الواد عمل أيه ؟!!! ... سخسخ على نفسه من الضحك ومابقاش عارف يقول أيه ... المهم من هنا وهنا له عم مقيم في السعودية وواخد الجنسية من زمان أتوسط له في الأخر رحلوه على مصر ...
الأحـــرار يؤمنون بمن معه الحق ..
و العبيــد يؤمنون بمن معه القوة ..
فلا تعجب من دفاع الأحرار عن الضحية دائماً ..
و دفاع العبيد عن الجلاد دائماً

#6 linux

linux

    Advanced Member

  • Members
  • PipPipPipPipPip
  • 1229 مشاركة
  • المكان:ماما امريــكا
  • الإهتمامات:مصـــــر أم الدنيا

تاريخ المشاركة 25 September 2003 - 09:53 PM

أخي العزيز داروين،

أسمح لى أن أختلف معك تماما ...

1. أنا مش شايف أن الجنسية المصرية أنتفاع فقط، لأ فيه عبء برضة (دخول الجيش مثال على ذلك).

2. القانون الحالى بيفرق بين الرجل و المرأة من ناحية الوطنية و مين فيهم "مصــري أكتر من التاني".

ممكن حضرتك تشوف مثال واقعي:

أبن خالى هاجر أمريكا و تزوج أمريكية. و عندهم تلات أولاد ربنا يخليهم. كل الأولاد أتولدوا فى نيويورك و طبعا معاهم الجنسية الأمريكية. مافيش واحد منهم بيتكلم جملة عربى. أبوهم طلع لهم شهادات ميلاد مصرية و دة طبعا من حقهم. الأولاد زاروا مصر مرة واحدة.

فى نفس الوقت، جيرانا اللى ساكنين فى الشقة اللى قصادنا في القاهرة أبوهم الله يرحمة كان سوري و أمهم مصرية. جم القاهرة من السويس بعد عملية التهجير بتاعت 1967. عندهم بنتين و ولادين. عمر ما حد فيهم زار سورية و "كلهم" مولودين فى مصــر و عايشين فيها طول عمرهم.

حسب القانون هما مش مصريين و لازم يدفعوا مصاريف مختلفة و يجددوا أقامة الخ. في حين أن ولاد أبن خالى مصريين قانونا.

بالذمة ده مش تهريج و تخلف؟

#7 فــيــروز

فــيــروز

    Super Member

  • Members
  • PipPipPipPipPipPip
  • 6505 مشاركة
  • الإهتمامات:reading<br />writing<br />family visits<br />travelling<br />tea tea teaaaaaaa

تاريخ المشاركة 26 September 2003 - 12:59 AM

خرجت من القفص مخصوووووووووووص عشان اناقش الاخ العزيز دارون فيما كتبه فى هذا الموضوع :-)

اولا : التي تتزوج بغير مصري تعلم مسبقا أن أبناؤها لن يحملوا الجنسية المصرية وبالتالي لا يحق لها الشكوى مما فعلته وهي تعلم عواقبه


السؤال الآن لم لا يكون من حقها اصلا ان يحصل ابناؤها على الجنسيه بصرف النظر عن علمها او عدمه !! النقاش حول دستورية هذا القانون الذى يحرم ابناء المصريه من ان يحصل ابناؤها على ما يحصل عليه ابناء المصرى .. وليس علمها او عدم علمها بالامر !! السؤال هو عن قانونية و شرعية هذا الامر

ثانيا : أن هذا سيفتح أبواب لاحصر لها للتلاعب حتى من غير ذوي الحاجه للحصول على الجنسية المصريه


ماينفعش نلغى قانون او نحرم مواطن او مواطنه من حق لان البعض سيستغل هذا الحق استغلال سئ !! لم لا تقول نفس الكلام عن ابناء المصريين المتزوجات من اجنبيات او حتى غير مصريات !! لم لا تفترض ان بعضهم قد يكون ولاؤه اكبر لبلد الام وقد يشكل ضررا على المصالح المصريه و بالتالى الافضل حرمانه من هذا الحق حتى نسد على نفسنا الباب اللى بييجى منه الريح !!

ثالثا : أن أكثر من 90% من المتزوجات من غير مصريين كانوا يبحثون عن الثراء المادي حين أقدمن على الزواج وليس من الواجب على البلد تحمل تبعات مغامراتهن بحثا عن الثراء


هل هناك احصائيه عن هذه النسبه؟ ده اولا
ثانيا .. ما العيب ان تبحث الزوجه عن زوج مستريح ماديا !! الرسول عليه الصلاة و السلام قال ان من احد اسباب نكاح المراه مالها !! فهل من المقبول ان يتزوج رجل امراه لمالها بينما يحرم على المراه ان تتزوج رجل لديه مال !!
ثم من قال اصلا ان هدف المراه الوحيد فى هذه الحاله كان الثراء؟ وهل هذا الهدف يحرم ابناءها من حق الحصول على الجنسيه !! ما العلاقه بين الامرين اصلا !! كثيرون يتزوجون اجنبيات للحصول على اقامه او تسهيلات معينه فهل نحرم ابناءهم من الجنسيه عقابا لهم على هذا الهدف !! ثم ان اى زوجه لا تتزوج وفى راسها انها ستطلق .. ولكن الحادث ان كثيرات قد يطلقن او يموت ازواجهن فهل نقول لهم آسفين لا تريد الدوله ان تتحمل عبء مغامراتكم !! من قال ان المراه تتزوج كمغامره !! بس هى مش مغسله وضامنه جنه وهذا ليس عبء على الدوله هذا حق للمواطنه المصريه الحكومه مش بتتفضل بيه عليها ..

رابعا : أن بلد الزوج ( التي هي غالبا أكثر ثراء ) أولى بأبنائها من بلد يعاني أبناؤه في سبيل الحصول على رغيف خبز فلا يعقل أن نطالب لهؤلاء أيضا بدعم في السلع والتعليم والعلاج 


المشكله فى افتراض ان ابناء الزوجه المصريه مش من ابناء البلد اصلا !! هو ده جوهر القضيه .. ليه يكون ابناء المراه من زوج اجنبى اقل درجه من ابناء الرجل من امراه اجنبيه حتى لو كانت اسرائيليه مثلا !! من يحكم على هؤلاء انهم ليسوا مواطنين مصريين بينما اولئك لهم كافة الحقوق !! اذا كان الرجل و المراه متساويين حقا امام القانون و بحكم الدستور يبقى يحصل كل منهما على نفس الحقوق ومنها حصول الابناء على الجنسيه

وتانى .. لو تزوج رجل من امراه من دوله اغنى من مصر .. نقول له آسفين بلد امهم اولى بتحمل اعبائهم لاننا فقراء مش لاقيين نجيب عيش !!

القانون لا يوضع بناء على حاله فرديه ننظر فيها الى ان بعض الزوجات تزوجن رجال من دول ثريه .. هذا لا يعنى واضع القانون ولا يخصه فى اى شئ وليس له ان يقول بلد ابوهم اولى بيهم .. القانون يوضع لخدمة جميع المواطنين بنفس القدر

آسفه لو كنت انفعلت يا اخ دارون .. بس انا فعلا بيثيرنى جدا الظلم .. هارجع القفص تانى آخد هدنه :-(
"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"
صدق الله العظيم

-----------------------------------

قال الصمت:
الحقائق الأكيده لا تحتاج إلى البلاغه
الحصان العائد بعد مصرع فارسه
يقول لنا كل شئ
دون أن يقول أى شئ
صورة
مريد البرغوثى

#8 DARWEEN

DARWEEN

    Super Member

  • Banned
  • PipPipPipPipPipPip
  • 2627 مشاركة
  • النوع:ذكر
  • المكان:السعودية

تاريخ المشاركة 26 September 2003 - 03:53 AM

شاطره يافيروز .... أهو كده تقولي اللي عندك وجري عالقفص

ربنا يهديك كمان وكمان

ندخل بقى في الجد .......

الموضوع ليس موضوع ظلم وعدل .... الموضوع في الأساس مبدأ وشرع ... الأبن يتبع أبوه نسبا وأسما ومن باب أولى جنسية

النقطه الأولى ... أن العقد شريعة المتعاقدين .... جميل ؟؟؟
الأم تعاقدت على أن تتزوج فلان من حاملي الجنسية الفلانيه ... وبموجب هذا ستكتسب من الحقوق أ , ب , ج ... وسستخلى عن الحقوق س , ص , ع ...... أي أنها قبلت من البدايه أن من ستنجب من أبناء لن يكتسبوا الجنسية المصرية .. فلا تأتي بعد أنجابهم وتبدأ ملحمة البكاء الحريمي وآه يامظلومه وآه يامسكينه والكلام ده ...

النقطه التانيه .. مبدأ الأمن القومي ... يعني بأفتراض أن هؤلاء الأبناء أبوهم ليبي مثلا .... يعني سيحملوا الجنسيتين المصريه والليبيه وبما أن الدولتين تفرض التجنيد الأجباري يبقوا حيتجندوا في الجيشين .... ينفع ؟؟؟؟؟؟ حتقوليلي بلاش يخدموا في جيش مصر ؟؟؟ 1) يبقوا أكتسبوا ميزه لم تمنح لغيرهم 2) يبقوا أكتسبوا حقوق لا يقابلها واجبات ..... عندك أعتراض ؟؟؟
نيجي بقى لشيء أخطر وهو لو أن الأب ليس عربي أصلا أوروي أمريكي أسيوي ... يبقى دخلنا متاهات ليس لها آخر

النقطة الثالثه .. أيوه الأحصائيات موجوده في وزارة العدل ومكاتب الشهر العقاري وهناك قانون سن أصلا لتحديد فرق السن عند زواج المصريات من غير المصريين بسبب هذه المشاكل وأساسا نسب الزواج من غير المصريين لأسباب عاطفيه أو دينيه تكاد لا تذكر

النقطه الرابعه هي نفس النقطه الأولى ... مين هو أبن البلد ومن هو اللي مش أبن البلد ... قصدك المولود في البلد ؟؟؟ معظم دول العالم لاتمنح الجنسية بالولاده على أرضها ... أنا أبني الأول مولود بالسعوديه والأثنين الآخرين بدوله غير عربيه ولم يمنح أي منهم جنسية البلد المولود فيها .....
غير أن أبن الغير مصري من أم مصريه لو أكتسب الجنسيه سيمنح من الحقوق ماهو أكثر من غيره أي سيستفيد من حقوق دولتين
نفرض جدلا أبن لأم مصريه وأب كويتي ... سيتم تعليمه في مصر بالمجان ويستفاد من كافة بنود الدعم من غذاء وعلاج (بأفتراض أنه موجود ) في حين أنه غير مستحق لهذا
حتقوليلي الأم أتطلقت ؟؟؟ يبقى الأبن في حضانة أبوه شرعا عند بلوغه العاشره والبنت عند بلوغها الثانية عشر

نقطه تلخيص لكل مافات ... الموضوع كله موضوع ناس أجننت على عريس معاه قرشين بياخد البنت يومين ويرميها وفي أيدها عيل ... صح ؟؟؟ طيب هل هذا ذنب البلد ؟؟؟؟
وفيه مبدأ شرعي هام أسمه درأ الأضرار ... ملخصه أنه من الممكن أن المصلحه العامه تستوجب ذلك حتى لوكان على حساب البعض لدفع الضرر المحتمل عن باقي أفراد المجتمع

سيبك من اللي فات دا كله وأحكيلك عن تجربه أشهد عليها وحضرت بعض أجزائها ... كانت لي زميله في الجامعه تزوجت وهي في الثانوي من أحد أعضاء منظمة التحرير أيام الزعيم الخالد حيث كان لأعضاء المنظمه حقوق تفوق حقوق المصريين على أرض مصر وبعد 3 أطفال جاء السادات وطرد المنظمه فرحل الزوج وأنقطعت أخباره وداخت مراته بالعيال علشان تاخد الجنسيه وشكاوي وقضايا ... رجعت الميه لمجاريها مع المنظمه رجع الأب وخد الكل ورحل من البلد ... تقدري تقوليلي كان يبقى أيه الوضع لو الولاد أخدوا الجنسيه ؟؟؟؟

ياللا بقى خليكي في القفص

القسوة أن ألقاك غريبا ... في وطن ناء عن وطنك

والأقسى غربة أنفاس ... بين الخلان وفي أهلك

#9 White heart

White heart

    Super Member

  • Editors
  • PipPipPipPipPipPip
  • 5409 مشاركة
  • النوع:ذكر

تاريخ المشاركة 26 September 2003 - 10:15 AM

linux كتب:

حسب القانون هما مش مصريين و لازم يدفعوا مصاريف مختلفة و يجددوا أقامة الخ. في حين أن ولاد أبن خالى مصريين قانونا.

بصراحه يا linux انا مش فاهم حاجة؟
منين مايبقوش مصريين، و منين البند التانى من نص المادة (2) من قانون الجنسية رقم 26 لسنة 1975 بيقول:

2- من ولد في مصر من أم مصرية ومن أب مجهول الجنسية أو لا جنسية له .



#10 linux

linux

    Advanced Member

  • Members
  • PipPipPipPipPip
  • 1229 مشاركة
  • المكان:ماما امريــكا
  • الإهتمامات:مصـــــر أم الدنيا

تاريخ المشاركة 26 September 2003 - 05:48 PM

linux كتب:

حسب القانون هما مش مصريين و لازم يدفعوا مصاريف مختلفة و يجددوا أقامة الخ. في حين أن ولاد أبن خالى مصريين قانونا.

بصراحه يا linux انا مش فاهم حاجة؟
منين مايبقوش مصريين، و منين البند التانى من نص المادة (2) من قانون الجنسية رقم 26 لسنة 1975 بيقول:

2- من ولد في مصر من أم مصرية ومن أب مجهول الجنسية أو لا جنسية له .


و مين اللى قال "مجهول" الجنسية؟ الوالد كان "سوري" الجنسية.

#11 White heart

White heart

    Super Member

  • Editors
  • PipPipPipPipPipPip
  • 5409 مشاركة
  • النوع:ذكر

تاريخ المشاركة 26 September 2003 - 06:09 PM

linux كتب:

و مين اللى قال "مجهول" الجنسية؟ الوالد كان "سوري" الجنسية.

ماهو هو دة اللى انا مش فاهمه؟
ازاى طفل والدة "مجهول الجنسية" و يحصل على الجنسية المصرية لأنه ولد بمصر و من أم مصرية ... فى حين تمنع عنه فى حاله معرفه جنسية والدة؟؟؟!!!!


#12 Arabisc

Arabisc

    Advanced Member

  • Members
  • PipPipPipPipPip
  • 629 مشاركة

تاريخ المشاركة 26 September 2003 - 09:08 PM

سلام عليكم

أنا لي وجهة نظر مختلفة في موضوع جنسية الابناء
الجنسية هي حق و واجب و لكن ليس على الابوين أو لهم بل للمولود. فهو الذي سيحمل الجنسية و هو الذي سيتحمل تبعاتها و يستفيد بميزاتها

لو كان الأمر بيدي لحكمت منذ زمن بعيد بأحقية المولود - دون قيد أو شرط - بالحصول على الجنسية المصرية اذا كان أحد الأبوين أو كلاهما حاصلا عليها

أنا أصلا لا أستوعب التكييف الدستوري لمبدأ حرمان أبناء المصرية المتزوجة من غير مصري من الجنسية المصرية و هو الذي يتعارض صراحة مع " المصريون متساوون في الحقوق و الواجبات "

باختصار, لقد كان وضعا خاطئا لا يقره شرع و لا عقل و لا منطق

سلام عليكم
ولو أنا إذا متنا تركنا .... لكان الموت غاية كل حي
و لكنا إذا متنا بعثنا .... ونسأل بعدها عن كل شى

#13 فــيــروز

فــيــروز

    Super Member

  • Members
  • PipPipPipPipPipPip
  • 6505 مشاركة
  • الإهتمامات:reading<br />writing<br />family visits<br />travelling<br />tea tea teaaaaaaa

تاريخ المشاركة 27 September 2003 - 01:37 AM

الموضوع ليس موضوع ظلم وعدل .... الموضوع في الأساس مبدأ وشرع ... الأبن يتبع أبوه نسبا وأسما ومن باب أولى جنسية


موضوع من باب اولى ده اظن اجتهاد شخصى من حضرتك .. النسب و الاسم الذى يمنحه الاب للابن شئ و الجنسيه التى تمنحها الدوله لمواطنيها رجالا ونساء شئ تانى خالص .. ولا اعتقد ان هناك فتوى دينيه صدرت تبيح حرمان ابناء الام المصريه من الجنسيه المصريه لو حضرتك تحب نتكلم فى الامر من وجهة نظر الدين ..

يا استاذ داروين

ليس معنى انه ليس هناك قانون يتيح لابناء المصريه المتزوجه من اجنبى الا تطالب بهذا الحق .. خصوصا انه ليس هناك سند دستورى لهذا الامر لانه يتعارض مع مبدا تساوى المواطنين امام القانون
وبالتالى انا لا اناقش موضوع هى تعرف او لا تعرف .. انا اناقش اصلا المبدا الذى يجعل حصول ابنائها على الجنسيه امر متعذر لهذه الدرجه

وبعدين ايه موضوع البكاء الحريمى ده !! ولم استبعاد انها مظلومه اصلا !! اذا كانت تحرم من حق بغير سند دستورى فهى بالفعل مظلومه وليس هناك معنى للسخريه من آلامها او بكائها اذا لم يكن لديها سوى البكاء !!

اعتقد ان التجنيد اجبارى على من كان ابويه مصريين .. وبالتالى ليس فرض عليهم التجنيد فى مصر .. هتقول لى ده ظلم خلاص يبقى القانون يفرض التجنيد على اى من كان ابويه مصريين .. ولا هو الموضوع استسهال و حرمان الام المصريه اسهل من اعطائها حقها !! وبعدين يا اخى العزيز امريكا بجلالة قدرها بيدخل جيشها اي انسان مهما كان اصله ولا اظن ان امننا القومى اهم من الامن الامريكى .. ثم ان ابناء الاب المصرى من ام اجنبيه لم يشكك احد فى ولائهم !! ولا حد قال اشمعنى دول مش هيدخلوا الجيش .. ولا حد قال الامن القومى هيتهدد بحصولهم على الجنسيه !! يبقى ما سر التفرقه يا ريت نفهم

نيجي بقى لشيء أخطر وهو لو أن الأب ليس عربي أصلا أوروي أمريكي أسيوي ... يبقى دخلنا متاهات ليس لها آخر


ولم لا تقول نفس الكلام على ابناء الام الاوربيه !! رغم معرفتنا كثيرا ان تاثر الابناء و ميلهم بيكون نحو الام وليس نحو الاب المصرى

النقطة الثالثه .. أيوه الأحصائيات موجوده في وزارة العدل ومكاتب الشهر العقاري وهناك قانون سن أصلا لتحديد فرق السن عند زواج المصريات من غير المصريين بسبب هذه المشاكل وأساسا نسب الزواج من غير المصريين لأسباب عاطفيه أو دينيه تكاد لا تذكر


النسبه اللى حضرتك قلت عليها؟ 90%؟ عاوز تقول حضرتك انهم عملوا استفتاء بين المتزوجات من اجانب و سالوهم اتجوزتوهم ليه قاموا الستات قالوا عشان الفلوس !! وما شان القانون اصلا باسباب زواج امراه من رجل؟ هل يسال القانون اى رجل لم تزوجت امراه اجنبيه عشان يتاكد الاول من ان اسبابه كانت عاطفيه او دينيه !! وكيف يستطيع التاكد من صدق اجابته اساسا :-) والاهم من هذا كله .. ما شان القانون باسباب زواج المراه من اى رجل كان؟ هذا ليس مبرر اطلاقا لحرمانها من اعطاء ابنائها الجنسيه !!

ويا ريت مانخلطش الموضوعات .. هناك فرق بين ان تكون انت و زوجتك غير سعوديين وبالتالى لا يحق لابنكم المولود بالسعوديه ما يحق لابناء الام السعوديه مثلا .. او ما يحق لابناء الام الامريكيه من اب غير امريكى .. نحن نتحدث عن حاله احد الابوين فيها ينتمى للبلد التى يطلب جنسيتها وليس الوضع الذى تشرحه حضرتك

غير أن أبن الغير مصري من أم مصريه لو أكتسب الجنسيه سيمنح من الحقوق ماهو أكثر من غيره أي سيستفيد من حقوق دولتين


وكذلك يحدث مع ابن الاب المصرى المتزوج من اجنبيه !! سبحان الله

نفرض جدلا أبن لأم مصريه وأب كويتي ... سيتم تعليمه في مصر بالمجان ويستفاد من كافة بنود الدعم من غذاء وعلاج (بأفتراض أنه موجود ) في حين أنه غير مستحق لهذا


مين قال اصلا انه غير مستحق؟ كون امه مصريه يجعله يستحق .. لم تعتبر ان الام المصريه لا تستطيع ان تمنح ابنها جنسيتها بينما يتمتع الاب المصرى المتزوج من اجنبيه هو و اولاده بالامتيازات التى تمنحها له ولاولاده دولة الام !! اذا كان الانسان ممكن يحصل على الجنسيه باقامته فى بلد ما لمده معينه يبقى ازاى يحرم منها وامه من هذه البلد !!

نقطه تلخيص لكل مافات ... الموضوع كله موضوع ناس أجننت على عريس معاه قرشين بياخد البنت يومين ويرميها وفي أيدها عيل ... صح ؟؟؟ طيب هل هذا ذنب البلد ؟؟؟؟


اولا ليس من حقك او من حقى او من حق اى انسان ان يفتش فى ضمائر الآخرين ونواياهم .. اعذرنى على هذه الجمله يا ريت
ثانيا سبق و قلت ان الرجل قد يتزوج امراه لمالها ولا احد يعترض رغم انه راجل
ثالثا القانون لا يوضع بناء على نوايا الناس .. وليس من المفترض ان يتاثر بها .. ولو هناك امراه مصريه واحده لها هذا الحق يبقى مش من حق القانون ان يحرمها بدعوى ان نوايا الاخريات لم تكن سليمه رغم تحفظى اصلا على السؤال عن اسباب و دوافع هذا الزواج
رابعا كلمة ذنب البلد دى بتحسسنى ان البلد بتمن على الام بما تمنحه لها وهذه النظره مرفوضه تماما .. بلدى كامراه مصريه يبقى تعطينى كافة حقوقى كما تعطى لاخى و زوجى و ابى و عمى وباقى الرجال .. ومش من حقها تقول لى ذنب و مش ذنب لان ده حقى .. والحق لا يمن به احد على الآخر

وفيه مبدأ شرعي هام أسمه درأ الأضرار ... ملخصه أنه من الممكن أن المصلحه العامه تستوجب ذلك حتى لوكان على حساب البعض لدفع الضرر المحتمل عن باقي أفراد المجتمع


ده اما يطبق القانون على الجميع .. رجالا و نساء مش نروح نعرض على صباح و رغده الجنسيه المصريه ونحرم ابناء الام المصريه منها بدعوى المصلحه العامه .. او نعطيها لابناء المصرى المتزوج من اجنبيه وننسى موضوع المصلحه العامه ومانفتكروش غير اما المراه المصريه تطلبه !!

تقدري تقوليلي كان يبقى أيه الوضع لو الولاد أخدوا الجنسيه ؟؟؟؟


كان ايه بقى الوضع مش فاهمه !! ايه المشكله لو كانوا خدوها يا ريت تفهمنى حضرتك لان غايب عنى ما كان سيحدث !!

انا قاعده شويه بره القفص :-)
"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"
صدق الله العظيم

-----------------------------------

قال الصمت:
الحقائق الأكيده لا تحتاج إلى البلاغه
الحصان العائد بعد مصرع فارسه
يقول لنا كل شئ
دون أن يقول أى شئ
صورة
مريد البرغوثى

#14 DARWEEN

DARWEEN

    Super Member

  • Banned
  • PipPipPipPipPipPip
  • 2627 مشاركة
  • النوع:ذكر
  • المكان:السعودية

تاريخ المشاركة 27 September 2003 - 04:11 AM

لأ يا فيروز الموضوع ليس أجتهاد شخصي ولا حاجه ... الشرع أن يتبع الأبن أبوه حتى في الديانه لو كانت الأم غير مسلمه ...

وبعدين مين اللي قال أن ميل الأبناء للأم بيكون أكبر ؟؟؟
الشرع أن الأبن يكون في حضانة أبوه من سن 10 سنين والبنت من 12 سنه .... يعني المآل في النهايه لابد أن يكون للأب ..

لا أعرف لماذا تنظرون للموضوع على أنه عدل وظلم ... الموضوع موضوع حق سيادي الدوله ... أنتي تتكلمين على الأم وظلم الأم ووضع الأم بينما الأم أصلا ليست طرفا في القضيه .... القضيه أن هناك فرد (الأبن) يطالب بأن يمنح الجنسيه المصريه ولما كانت الشروط لاتنطبق عليه فلايحق له التمتع بها .... هذه واحده
أما الثانيه فالحالات التي تطالب بالجنسيه هي الحالات التي تحدثت عنها ... ونعم هناك أحصاءيات أن أكثر من 90% من المصريات المتزوجات من غير مصريين فهن متزوجات من عرب وأكثر من 90% من هؤلاء متزوجات من خليجيين وفلسطينيين ..... وهؤلاء أصلا هم سبب المشكله وهؤلاء هم سبب أثارة الضجه من أساسها
ونعم يافيروز من حقي أن أفتش في الضمائر إذا كان الموضوع يخصني .... من البدايه معلوم أن الأبناء لن يحصلوا على الجنسيه من الأم واللي مش عاوز بلاش .... ولتعلمي أن سبب مطالبة هؤلاء بالحصول على الجنسيه أن كل منهن عادت تحمل رضيعا بعد أن ألقي بها وبأبناؤها في الشارع بعد أن أستنفذ (الشاري) غرضه منها .... ولو كانت الأمور عاديه والأحوال الزوجيه بدون مشاكل ...فما عيب جنسية الأب ؟؟؟؟؟؟
ولو تبحثي عن الحق والعدل فالحق يقول أن الأب أولى بأبناؤه والحق يقول أني لا أسدد ضرائب للدوله لتعلم وتداوي أبن الكويتي والسعودي والقطري بينما أنت تطالبين بعدم تأديتهم الخدمه العسكريه التي هي واجب بمعنى أن يحصل على كل الأمتيازات دون تأدية الواجبات

ثم أني لا أخلط المواضيع ... أغلب دول العالم لاتمنح الجنسية لأبناء الأب الأجنبي حتى الدول العربيه التي تتطالبين أنت بالجنسيه لأبناءهم لاتمنح الجنسية للأبناء من أب من غير مواطني الدوله

أما عن رغده وصباح وفايزه أحمد وورده فلهن حق أكتساب الجنسية بموجب القانون لزواج كل منهن بمصري زواجا متصلا مدة جاوزت العامين أو أنجاب من أب مصري أيهما أسبق .... علما بأنه يحق لوزير الداخليه عدم الموافقه على منح الجنسيه دون أبداء أسباب

وبعدين نعم نعم نعم ... الجنسية المصرية نعمه ومنه ومنحه غاليه جدا جدا والي قبلت على نفسها تتزوج غير مصري عليها تحمل عواقب ذلك كما أستمتعت بمزاياه

ماشي أقول لحضرتك أيه اللي كان حيحصل .... كا حيحصل أن هؤلاء الأبناء بعد حصولهن على الجنسية مرافقة أبوهم الغير مصري أصلا إلى بلده أو أي بلد آخر بعد حصولهم على كافة الأمتيازات من تعليم مجاني وخلافه .... يعني أولا بنصرف على غيرنا ونبعزق ...

المشكله أنكم واخدين الموضوع من زاوية حقوق المرأه لكن مش من زاوية الصالح العام للدوله .... لم يخطر على بالكم أن المشرع أصلا لم يتوسع في منح الجنسية لظروف أمنيه وأقتصاديه

القسوة أن ألقاك غريبا ... في وطن ناء عن وطنك

والأقسى غربة أنفاس ... بين الخلان وفي أهلك

#15 amir

amir

    Advanced Member

  • Members
  • PipPipPipPipPip
  • 1467 مشاركة

تاريخ المشاركة 27 September 2003 - 12:30 PM

آقول كلمتى و امشى

عندما تتزوج فتاه مصريه من شخص أجنبى سواء عربى أو غير عربى ثم تنجب منه طفل ، فأن الطفل سيحمل جنسية الوالد فور ولادته ، فاذا تم الطلاق أو مات الزوج فأن الطفل يظل محتفظا بجنسية والده ، و السؤال هنا لماذا تطلب الأم الجنسيه المصريه لأطفالها وهم يحملون جنسية ابائهم ، بالتأكيد هى تريد الأستفاده من بعض المميزات التى يكفلها القانون للمصريين كالتعليم المجانى مثلا أو حقه فى التعيين فى الوظائف الحكوميه و خلافه .

و كما قال السيد DARWEEN

الأم تعاقدت على أن تتزوج فلان من حاملي الجنسية الفلانيه ... وبموجب هذا ستكتسب من الحقوق أ , ب , ج ... وسستخلى عن الحقوق س , ص , ع ...... أي أنها قبلت من البدايه أن من ستنجب من أبناء لن يكتسبوا الجنسية المصرية ..

فلماذا عادت الأن تطالب ما تنازلت هـى عنه سابقا بمحض أرادتها ؟
طبعا هناك بعض الحالات الأنسانيه و التى يمكن بحثها بصوره منفرده .
اما سبب أعطاء الجنسيه لأبناء الرجل المصرى المتزوج من أجنبيه فهو لكون الجنسيه تمنح للطفل بناء على جنسية ابيه اذا لم يكن قد تنازل عنها أو اسقطت منه ... و على حسب معلوماتى هناك بعض الدول التى تشترط أن يتنازل المهاجر اليها عن جنسيته الأصليه كشرط لمنحه جنسيتها .

الموضوع لا يمت بصله لحقوق المرأه و لا تجنى من الرجل عليها و أنما هو قوانين يجب اتباعها ، فلا يعقل أن يستفيد الطفل المدلل بالتعليم و العلاج المجانى ثم يتم أعفائه من الخدمه العسكريه ، و عندما ينهى دراسته الجامعيه يغادر مصر معزز مكرم ليعمل فى بلد والده الأصليه و ينسى مصر و المصريين .
يا وطنى : كل العصافير لها منازل
الا العصافير التى تحترف الحريه
فهى تموت خارج الأوطان
ـ نزار قبانى ـ

صورة




0 عضو (أعضاء) يشاهدون هذا الموضوع

0 الأعضاء, 0 الزوار, 0 مجهولين


زار هذا الموضوع 1 عضو


    Salwa

Free counter and web stats