[abofasad]

كنا حتى وقت قريب نستقبل قناة النيل للأسرة والطفل على النايلسات تردد 11842 أفقي
ولكن اختفت هذه القناة وحل محلها إعلان عن قناة جديدة اسمها "كوميدي"
واعلوا ان قناة النيل للأسرة والطفل ستظهر على تردد آخر هو 10853 رأسي
ولكن هذا التردد لا يوجد عليه أي قناة

لقد احترت وأصبحت لا أستطيع أو اواجه السيدة "أم فصاد" والتي كانت تتعلم الكثير من الأكلات المصرية اللذيذة من برنامج "من كل بلد أكلة" خاصة بعد تغيير مقدمه المايع المدعو "شريف مدكور"

اخواني .. لا تحرجوني أمام أم فصاد
واللي يعرف التردد الجديد لهذه القناة .. يلحقني به

تحياتي

جدو أبو فصاد

[Diab]

هو لسة في حد بيتفرج علي القنوات دي في الزمن ده
أنصحك بقناة إسمها فتافيت متخصصة في الأكل بس و علي أعلي درجة من الإحترافية

تحياتي
دياب

[se_ Elsyed]

ابوفصاد, on Jan 9 2009, 05:52 PM, said:

واعلوا ان قناة النيل للأسرة والطفل ستظهر على تردد آخر هو 10853 رأسي
ولكن هذا التردد لا يوجد عليه أي قناة

اول ما بأشوف اسم عمو ابو فصاد بأدخل الموضع على طول ان شالله يكون موضوع عن الفجل البلدي ..

وعشان خطرك اقتحمت الستالايت وعملت محاولات مضنية واتصالات على اعلى مستوى بمسئولي القمر الصناعي النايل سات وقلت لهم : تقبوا وتغطسوا تجيبوا الي اسرة وطفل من اي حته ان شالله تستوردوهم من بلاد بره

وبالفعل ... رجعت القناة تاني وانا دلوقت بأتفرج على برنامج اكل يجري الريق وجايبين طريقة عمل اكلة " بتنجان بالسي فوود " آه والله .. وماحدش يقول لي ايه علاقة البتنجان بالمأكولات البحرية


اي خدمة اجتماعية لعم ابو فصاد ولطنط ام فصاد وكل فصائل الفصايد في اسبانيا

[fatfouta]

se_ Elsyed, on Jan 9 2009, 08:34 PM, said:

ابوفصاد, on Jan 9 2009, 05:52 PM, said:

واعلوا ان قناة النيل للأسرة والطفل ستظهر على تردد آخر هو 10853 رأسي
ولكن هذا التردد لا يوجد عليه أي قناة

اول ما بأشوف اسم عمو ابو فصاد بأدخل الموضع على طول ان شالله يكون موضوع عن الفجل البلدي ..

وعشان خطرك اقتحمت الستالايت وعملت محاولات مضنية واتصالات على اعلى مستوى بمسئولي القمر الصناعي النايل سات وقلت لهم : تقبوا وتغطسوا تجيبوا الي اسرة وطفل من اي حته ان شالله تستوردوهم من بلاد بره

وبالفعل ... رجعت القناة تاني وانا دلوقت بأتفرج على برنامج اكل يجري الريق وجايبين طريقة عمل اكلة " بتنجان بالسي فوود " آه والله .. وماحدش يقول لي ايه علاقة البتنجان بالمأكولات البحرية


اي خدمة اجتماعية لعم ابو فصاد ولطنط ام فصاد وكل فصائل الفصايد في اسبانيا

ايوه ماشى انتوا بتتفرجوا وبالهنا والشفا عالاكل بس ماقلتوش ايه التردد
عشان انا كمان مش لاقياها مش عارفة ليه

[abofasad]

يا سي السيد يا جميل .. والله انت ما فيش منك اتنين
ذوق وأدب وأخلاق .. وكمان يعمل المستحيل علشان يلبي طلبات الناس اللي بتحبه
والف هنا وشفا .. ومطرح ما يسري يمري
ولكن .. أه من لكن
ولكن ما هو التردد الجديد يا سيد الكل

دي حتى الست فتفوتة سابت قناة "جمع اسمها"
وطلب كمان التردداتلقناة النيل للأسرة والطفل

في انتظار ردك

جدو ابو فصاد

[se_ Elsyed]

ابوفصاد, on Jan 9 2009, 11:44 PM, said:

يا سي السيد يا جميل .. والله انت ما فيش منك اتنين
ذوق وأدب وأخلاق .. وكمان يعمل المستحيل علشان يلبي طلبات الناس اللي بتحبه
والف هنا وشفا .. ومطرح ما يسري يمري
ولكن .. أه من لكن
ولكن ما هو التردد الجديد يا سيد الكل

دي حتى الست فتفوتة سابت قناة "جمع اسمها"
وطلب كمان التردداتلقناة النيل للأسرة والطفل

في انتظار ردك

جدو ابو فصاد

إلى جميع الأعزء التردد هو 10853 horizontal

تخيل إن البرنامج اللي فتحت عليه إمبارح كان بتاع أكلات من كل البلاد ... وزي ما قلت لك كانت الأكله إمبارح " بتنجان رومي بالسي فوود "

وعشان ما يبقاش فاتك حاجه ... إليك المقادير ( عشان لما أجيلك أتفرج على ديربي برسلونة وريال مدريد يبقى لك عندك عزومة .. ( بس ياريت ما ترساش على بتنجان بس وأنا أساسا|ً قلبي محروق من كتر اكله .. بس وليكن .. بصلة المُحب خروف وكل اللي ييجي منك كويس )

المقادير :

1- 3 بتنجانانات رومي اللي هو دي

وبعدين نقطعهم بالطول نصين ونقور كل نص شويه من جوه كده عشان يبقى غويط شويه .. ونعمل خلطة عبارة عن حليب وبيض وبهارات .. ونسقط فيهم كل نص بتنجانه ... وبعدين نطلعهم ونسقطهم في بقسماط من بتاع البانيه ونقليهم في الزيت لحد ما يحمر .. ونطلعهم ونركنهم شويه على جنب ..

2- وبعدين نجيب بقى سي فوود اللي هو كاليماري ( سُبيط ) اللي هو ده ... وجمبري كلنا عارفينه ( أقصد الطبقة الإرستقراطية اللي هي احنا عارفينه ) وسمك فيليه يعني سمك من غير شوك عشان نزلطه بسهوله

نجيب بقى طاسة وفيها شوية زيت طبخ ونحمر فيهم بصلاية وفلفل رومي أخضر وأخر ألوان زي ده - تخيل في السعودية هنا الفلفلايه الملونة الواحده بحوالي دولار ... حاجه إفترا ؟ -

ونحمر الحاجات دي مع التوابل وفص توم وحركات نص تحميرة كده ... وبعد كده نحط أول حاجه الكليماري لإنه ما بيستويش بسرعه لمدة 10 دقايق وبعدين نحط الجمبري والسمك الفيلية ونقلب ...

الكل بيسأل نفسه دلوقت : هو البتنجان راح فين يا عم ؟

أصبروا شويه علي

وأول ما تستوي الحركات دي .. نروج جايبين نص بتنجانيه ونحط فيها معلقيتن من المخلوط العجيب ده وهكذا .. ونرصة بقى في صينية فيها 4 أو 6 بتنجانات وفيهم الحاجات دي .. وعلى وش كل بتنجانية نحط شريحة جبنة شيدر على وش كل بتنجناية وندخلهم الفرن لمده دقيقتين فقط ..

ونطلع بقى الصينية اللي بيبقى شكلها بعد الجبنه ما تسيح على الوش حكككككككايه وننقله في طبق البرزينتيشن ( بالإنجليزي يعني طبق العرض .... الله يرحم أيام زمان لما كنا بناكل من الحله رأساً إليك .. دلوقت حله للطبخ ... وصينية للتحمير .. وطبقة للعرض .... وأغسلي مواعين ياللي مانتيش غرمانة )

احلى حاجه عجبتني إمبارح إن الشيف المجرم جاب المبشرة بتاعت الجبنة الموتزريلا وبشر شوية جزر وشوية بطاطس وقلاهم في زيت .. وبعدين رشهم حوالين الصينية .. الفكرة دي حديدة ومن الواضح إن طعم الجزر والبطاطس الشرايح المقلية دي بيبقى كريسبي يعني مقرمش بالألماني ............وبالهنا والشفا

أخوكم الشيف س س

[abofasad]

أشكر الشيف سي السيد على دقة وصفه للأكلات المصرية المشهية

وطبعا مهارتك دي حتخليك كل يوم توصفلي كل الأكلات التي تظهر في برنامج من كل بلد أكلة

لأن هذا التردد لا يظهر عندنا في جنوب اسبانيا .. معلش حظك كده

والسؤال الآن لشمال أسبانيا الى الأخت الفاضلة السيدة سلوى

هل يمكنك مشاهدة قناة النيل والأسرة على التردد 10853 أفقي

أرجو وساطة سي السيد لدى كبار المسئولين أصدقائه في النايلسات .. يكلمهم في هذا الموضوع علشان خاطرنا وان شالله يبعتوا يستوردوه

سي السيد .. لك كل التحية والاحترام

جدو ابو فصاد

[ssmaly]

تسلم ايدك يا شيف سين سين

اعتقد بعد العرض الشيق اللى موتنى من الضحك مش لازم قناة النيل و الافضل ان تقوم سيادتك بتقديم برنامج وموضوع ثابت هنا فى المحاورات كل يوم

ونسميه

طبق سين سين للى فى الطبخ مش نافعين

[abofasad]

تم الاتصال بالمسؤولين عن القمر الصناعي نايلسات، وتم عرض المشكلة

والعجيب أن الشركة لم تتأخر في الرد وأفادت ان هذه القناة - قناة النيل للأسرة والطفل - تم نقلها لتبث عن طريق القمر الصناعي نايلسان 103، وهذا القمر لا يغطي شمال المغرب ولا أسبانيا.

وبهذا أشكر الشيف سي السيد لو استمر يوميا في عرض حلقات برنامج " من كل بلد أكلة" إذ أن السيدة "ام فصاد" لاحظت ان الشرح الذي قدمه الشيف سي السيد أفضل بكثير مما يقدمه الشيف حسن أو الشيف يسري في البرنامج

فما رأي السادة اعضاء المنتدى

جدو ابو فصاد