إنتقال للمحتوى


صورة
- - - - -

هل يمكن تحويل الاولاد من مدارس الكويت الى مصر خلال منتصف العام الدراسى


  • من فضلك قم بتسجيل الدخول للرد
2 رد (ردود) على هذا الموضوع

#1 احمد عبد العظيم

احمد عبد العظيم

    new Member

  • MemberN
  • Pip
  • 2 مشاركة

تاريخ المشاركة 13 September 2010 - 06:24 PM


اخوانى انا اعانى من مشكله ارجو من الله ان استفيد من مشورتكم انا اعمل بالكويت ولدى ابنه بالعام الاول الابتدائى بالمدرسه الباكستانيه
سوف يتم انهاء عملى بالكويت خلال 3 اشهر على قبل انتهاء العام الدراسى
قد الله وماشاء فعل
هل يمكن ان انقل ابنتى الى نفس الصف الدراسى بمدارس مصر
وماالاجرأت الازمه ام يجب ان انتظر للعام القادم 2011 وتضيع سنه دراسيه كامله على ابنتى
ارجو المشوره جزاكم الله خير و فرج على كربتى


#2 doha

doha

    Super Member

  • Members
  • PipPipPipPipPipPip
  • 3241 مشاركة
  • النوع:أنثى
  • المكان:مصر

تاريخ المشاركة 14 September 2010 - 08:37 AM

هو القاعده العامة ان العائدين من الخارج لهم الحق في دخول اي مدرسة هم عاوزينها وفي اي وقت طالما معاهم شهادات موثقة تفيد موقفهم الدراسي

المشكلة بتكون في الصف الاول الابتدائي تحديدا .. لان ده الي اكتشفته وانا بقدم لبنتي السنة دي لما رفضت مدارس كتير قبولها بحجه عدم وجود اماكن فارغه ورحت سألت في الادارة التعليمية فقالوا انهم كانوا يقدروا يجبروا اي مدرسة على قبولها لو لم تكن في اولى ابتدائي لان الصف الاول ده بالذات اختصاص المدرسة نفسها يعني ان كان فيها مكان يقبلوها مكانش فمحدش يقدر يغصبهم ..

برضه في مدارس عريقة قالت لي انتظري لبداية العام الدراسي تكون ( الزحمة خفت ) وممكن في الحالة دي نقبلها بدون مانلفت النظر لان المشكلة في مصر لو قبلوا طفل ذوظروف معينة وحد عرف وكان لطفله نفس الظروف من حقه يشتكي على اساس ان يتم قبول طفله وكل الاطفال التانية عشان كده هتلاقي المدارس بتدقق اوي في المواضيع دي لانهم مش عاوزين وجع دماغ..

بالنسبة لك الي تقدر تعمله انك توثق الشهاده بتاعتها من الخارجية الكويتية ومن السفارة المصرية في الكويت وتكون شهاده موضح فيها درجات المواد وتكون بالانجليزي طبعا طالما بنتك في مدرسة لغات ولو مامكنش هات اي ورقة منهم تفيد تسجيل البنت عندهم وهي في اي صف واهم من الورقة طبعا هو التوثيق بتاعها ..

هتحط كل ده مع صورة جواز السفر الي تثبت ان البنت كانت في الخارج ( ختم الدخول والخروج ) وهتروح مباشرة للمدرسة لو هتدخلها خاص او تروح الادارة التعليمية لو هتدخلها حكومي ..

حاول الاول مع المدارس الكويسه الي انت ناوي تكمل معاهم لو ملقيتش في مكان عندهم دخلها اي مدرسة لو حتى حكومي تكمل فيها السنة وبعد كده باذن الله بيكون النقل سهل السنة الجاية باذن الله بس اوعى مهما حصل تضيع عليها السنة ..

هو كان التصرف السليم انك كنت قدمت لها في شهر يوليو الماضي كنت اكيد لقيت لها مكان حتى لو في حكومي .. لكن على العموم ممكن تبدأ من دلوقت ترسل اوراقها لاي حد قريبك هنا في مصر يقدم لها ومش مشكلة تيجي بعد كام شهر لان الصف الاول اساسا مفيش فيه حضور وغياب .. طبعا ممكن برضه تنتظر لما تيجي بالسلامه بس كل ماتحركت اسرع كل ماكان افضل ومتخافش هو موضوع بيعمل صداع وبيحتاج مجهود شويه بس في النهاية باذن الله هتلاقي لها مدرسة كويسه .. متقلقش ..

..إذا دعتك قدرتك على ظلم الناس فتذكر قدرة الله عليك ..


#3 احمد عبد العظيم

احمد عبد العظيم

    new Member

  • MemberN
  • Pip
  • 2 مشاركة

تاريخ المشاركة 15 September 2010 - 04:46 PM

جزاك الله خير وبارك الله فيك
على المعلومات القيمه والف شكر لك




0 عضو (أعضاء) يشاهدون هذا الموضوع

0 الأعضاء, 0 الزوار, 0 مجهولين


زار هذا الموضوع 17 عضو


    , amh, احمد عبد العظيم, dena donia, Diab, doha, ebnalqym, emadkhalel, خالد شحاته, om marawan, OrionNebula, Scorpion, seeem, Simba, solimady, كدة رضا, كريم طاهر