اذهب الي المحتوي
ArabHosters
MZohairy

مسيحيين أم نصارى

قيم هذا الموضوع:

Recommended Posts

أنا لو واحد مسيحى قال على إنى كافر مش ها آخذها بحساسية خالص لأنى بالفعل كافر.

كافر بما يعتقده من وجود طبيعتين للرب وهى لاهوت وناسوت وكافر بالأقانيم الثلاثة وبصلب المسيح عليه السلام وبقيامته من بين الأموات.

وبالتالى المسيحى برضه لما يصفه الإسلام بأنه كافر فى مجال بحث علمى أو شرح موضوع عقائدى فلايوجد مبرر أن يزعل لأنه بالفعل كافر بأن محمد "صلى الله عليه وسلم رسول من عند الله وإلا ماكانش هايبقى مسيحى.

إلا لو كان الوصف فعلاً مقصود بيه شتيمة وإستفزاز فدى قصة تانية وبعيدة عن خلق المسلم.

انا مش مقتنع واكيد انت كمان مش مقتنع

يعنى لو واحد قابلك فى الطريق وقال لك يا كافر

عاوز تفهمنى انك مش هتزعل ومش هتتخانق معاة0000000000000

اتحداك

لو قابلنى فى الشارع ولقيته مبرق عينه ويقولى من غير مناسبة يا كافر أنا ها أديه بالبوكس فى عينه :roseop:

لكن لو إنت نفسك يا جو قلت لى "أنا شايف إنك كافر بسبب كذا وكذا وكذا " مش ها أزعل لإنك بتحكم بمقاييس أنا مش مقتنع بيها أساساً.

والله الموضوع بسيط ومش محتاج تنشنة وهو ده الباب الوحيد إللى ممكن يرفع الإحتقان

أيوه ممكن نبقى على عقيدتين مختلفتين وأنا متأكد 100% إنك غلط وإنت متأكد 100% إنى غلط ونعيش ونتعاون فى الحياة المشتركة.

لكن إللى بييجى بطريقة يابخت من وفق راسين فى الحلال

ويحاول يقنع المسلمين والمسيحيين إنهم زى بعض بالظبط والإثنين رايحين الجنة وكل واحد بيعبد ربه حسب شريعته فده كلام بصراحة إللى بيقوله بيفقد مصداقيته عندى تماماً لأنه بيناقض الواقع وبيناقض قناعات أتباع الديانتين وعلماؤهم وهو من باب المجاملة الساذجة التى تضر ولا تنفع.

تم تعديل بواسطة msayed

شارك هذه المشاركه


رابط المشاركه
شارك

والله يا جماعة شايف اننا شاغلين نفسنا بحاجات سطحية الى ابعد حد

المسميات اقل شيء له قيمة , اللي له قيمة هو الفعل , هو العقيدة , هو الايمان .

سمني كيف شئت .

المهم انا صح ولا غلط

ليه التعصب

كل واحد ماشي في طريق للاسف بيحب يدي الشعور لنفسه طول الوقت انه صح وان الطرق الاخرى غلط ويحاول يقول لنفسه كل شوية هم غلط هم غلط انا صح انا صح عشان يرتاح

ليه مش كل واحد بيقول انا صح يركز في طريقه الصح ويسيب اللي في الغلط في الغلط بدون مايفكر فيه وفي غلطه ويقوله يا غلطان يا غلطان.

مش عارف ليه احنا متعصبين للاسماء بالشكل ده

تم تعديل بواسطة محمد الششتاوي

شارك هذه المشاركه


رابط المشاركه
شارك
لو قابلنى فى الشارع ولقيته مبرق عينه ويقولى من غير مناسبة يا كافر أنا ها أديه بالبوكس فى عينه :roseop:

لكن لو إنت نفسك يا جو قلت لى "أنا شايف إنك كافر بسبب كذا وكذا وكذا " مش ها أزعل لإنك بتحكم بمقاييس أنا مش مقتنع بيها أساساً.

والله الموضوع بسيط ومش محتاج تنشنة وهو ده الباب الوحيد إللى ممكن يرفع الإحتقان

أيوه ممكن نبقى على عقيدتين مختلفتين وأنا متأكد 100% إنك غلط وإنت متأكد 100% إنى غلط ونعيش ونتعاون فى الحياة المشتركة.

لكن إللى بييجى بطريقة يابخت من وفق راسين فى الحلال

ويحاول يقنع المسلمين والمسيحيين إنهم زى بعض بالظبط والإثنين رايحين الجنة وكل واحد بيعبد ربه حسب شريعته فده كلام بصراحة إللى بيقوله بيفقد مصداقيته عندى تماماً لأنه بيناقض الواقع وبيناقض قناعات أتباع الديانتين وعلماؤهم وهو من باب المجاملة الساذجة التى تضر ولا تنفع.

هو كفر او ايمان شريكي ف الحياة علي كوكب الارض ... هيفرق معايا ف ايه...؟؟؟

انا يهمني منه مستوي معين من الاحترام المتبادل و التعامل بالمعروف

و بس

شارك هذه المشاركه


رابط المشاركه
شارك

ا

اشكرك وأعتذر عن الاستمرار في هذا الموضوع بسبب خروج البعض عن أداب الحوار

السلام عليكم ورحمة الله

أخي الفاضل كيت كات

ممكن اعرف ايه اللي زعلك او مين اللي زعلك؟

انا شايف انك انسان محترم وراقي وخسارة انك تزعل وتنسحب

وانا عن نفسي بعتذر اذا كنت انا اوغيري اتسبب لك في اي مضايقة

شارك هذه المشاركه


رابط المشاركه
شارك

جو

دامو

ياسر

بداية الحوار ده عاجبنى جداً لإننا بنتكلم فى حاجة حساسة جداً والناس بتخاف تتكلم فيها من غير أى تشنجات

ونفطة أحب أوضحها لكم، انا ليا زملاء فى الشغل وجيران مسيحيين ولو تعرض واحد منهم لموقف يستوجب منى أن أغامر حتى بحياتى لإنقاذه فلن أتردد، يعنى لو بيته لا قدر الله لاقدر الله إتحرق وكان لازم أدخل أنقذه فسأفعل ذلك حتى لو كان المتوقع ان أموت أنا مكانه.

وليا فى مصر جارة مسيحية مسنة ووحيدة شباكها أمام باب بيتنا أقسم بالله إنى كل ما أشوفها واقفة فى الشباك أذهب وألح عليها تقول لى هى عاوزة إيه وأروح أشتريهولها بنفسى ووصيت زوجتى برضه تعمل كده فى عدم وجودى، وإبنى كل مايشوفها بقيت أعلمه أنه يروح يسألها "عاوزة حاجة يا تيتا".

يعنى نقطة الغل والحقد والكلام ده ياريت ماتخلهوش يدخل تفكيركم.

هذه نقطة ينبغى أن تكون واضحة للجميع حتى نستكمل الحوار فى جو صحى.

بالنسبة لموضوعنا أنتم يا جماعة فاهمنى غلط

أنا مش بأقول إن الواحد ينكش شعره ويمشى كل ما يشوف واحد مسيحى يقول له يا كافر.

لكن أقصد فى مجال البحث العلمى أو حوار زى بتاعنا ده فى الأمور الدينية

وياريت الناس ما تخلطش بين البحث العلمى والعواطف ويفترضوا أن إحنا بنتناقش فى موضوع تافه

فمن قواعد الإسلام إن إللى مش بيؤمن إن محمد صلى الله عليه وسلم هو خاتم الرسل والأنبياء وانه يجب إتباع شريعته فهو كافر حتى لو كان مؤمن بكل عقائد الإسلام الأخرى، وأظن مافيش مسلم بيعترض على كده.

حتى لو مسلم ورجع فى كلامه فى حاجة من المعلومة من الدين بالضرورة كأن يقل أن الصلاة مش فرض مثلاً فبالتالى يصبح كافر.

طبعاً المسيحى واليهودى له وضع إستثنائى وأحكام خاصة عند المسلمين وهو أنه من أهل الكتاب أى مؤمن بكتاب من عند الله بغض النظر عن مدى صحة الكتاب نفسه.

وهذه الأحكام غير موجودة للمسلم الذى يرتد عن الإسلام، فممكن المسلم "شرعاً" يتزوج مسيحية أو يهودية ولكن لا يمكنه الزواج من واحدة مسلمة بالبطاقة ولكنها تتبنى فكرة مثلاً أن الصلاة مش فرض وإن الناس المفروض تبطل صلاة -وهذا على سبيل المثال.

ومن قواعد المسيحية أن إللى مش بيؤمن بألوهية المسيح عليه السلام وعقيدة الخلاص والصلب والفداء والأقانيم الثلاثة فهو أيضاً كافر "Unbeliever".

تم تعديل بواسطة msayed

شارك هذه المشاركه


رابط المشاركه
شارك
...

و بهذا اللفظ دون غيره صدرت كافة الاحكام الشرعية المتعلقة بالتعامل مع اتباع سيدنا عيسى بالمطلق

ومن هم أهل الكتاب اذا ؟

فهو بعيد كل البعد عما نناقش هنا

ا

شكرا للمداخلة ولكن انا هادي لحضرتك مثال لما بنطلق علي حد من سوريا انه شامي هنا لفظ الشام وأهل الشام ل دول عدة ولكن جواز التخصيص من المجموع يعني مثلا بتقولي علي يهودي انه من أهل الكتاب هل هناك مايمنع التخصيص بالصفة ؟

بالنسبة للفظ القبطي فهو كان مسمي عموم أهل مصر فعلا وهو مشتق من كلمة كابتاح

اشكرك وأعتذر عن الاستمرار في هذا الموضوع بسبب خروج البعض عن أداب الحوار

فعلا" إن منكم منفرين"

هو انا اسفه لانى بجد مش فاهمه سؤال حضرتك

بس هحاول اجاوب على الى فهمته

يعنى ينفع انى اقول على اليهودى انه من اهل الكتاب كصفه ليه و ليس كاسم لديانته

يعنى مينفعش لما حد يسالنى ديانته ايه اقول ديانته اهل الكتاب

لا هتكون الاجابه ديانته يهودى

لكن لو جاوبت ان دا من اهل الكتاب ففى الحاله دى الشخص السائل قد يكتفى بمعرفه هذا الاطار العام دون تحديد الديانه

او سيكون السؤال المنطقى التالى هو هل هو يهودى ام مسيحى

و بالتالى فان الاسم يمكن ان يغنى تماما عن الصفه و لكن الصفه لم تغنى بمفردها عن الاسم و ان كانت قلصت نطاق البحث

و بالتالى لو هناك احكام صدرت تحت لفظ اهل الكتاب فهذا للدلاله على انها احكام عامه دون تخصيص لليهود و النصارى معا

لكن لتخصيص فئه منهم بكلام او احكام عن الاخره فيلزم هنا ذكرها تحديدا دون الاكتفاء بلفظ اهل الكتاب و فى هذه الحاله الاسم الذى اعتمده القران و الاحاديث من بعده كان فقط لفظ نصارى على اتباع سيدنا عيسى و لفظ يهود على اتباع سيدنا موسى

اجمل التحايا

شارك هذه المشاركه


رابط المشاركه
شارك

السلام عليكم

على مدار الأجيال والازمان والعصور كان دائما مايتم تمييز الغرباء بالمكان الذى التى منه فيقال هذا افغانى وهذا طهطاوى وجرجاوى واسكندرانى وشرقاوى والمصرى والشامى والحبشى ، حتى ايام الرسول صلى الله عليه وسلم ، قيل الفارسى والقبطية ، وهكذا ، وبالطبع لم نسمع عن فلان الكافر او علان الملحد او زعربان المشرك .

وحيث ان الدين هو علاقة بين العبد وربه ، ومن الممكن ان يغير العبد دينه وقتما شاء ، فما الداعى لان نقرن صفات الدين بشخص ما لتمييزه؟

اليس من الافضل ان نقول مصرى وكفى؟

الغريب ان ندخل الفتوى فى الموضوع !!! وان نستدل بآراء وقصص وحكايات !!!

اليس من الافضل ان نضيع مجهودنا فى أمور افضل لنا ولمجتمعنا ؟ أم اننا أصبحنا " ناس فاضية " فقدت البوصلة فاصبحنا نبحث عن " ******* " ونتصدر ؟

شارك هذه المشاركه


رابط المشاركه
شارك

  • محاورات مشابهه

    • عشرة أسباب لاستخدامي كلمة أقباط بدلا من مسيحيين!

      1 الأقباط هم مسيحيو مصر ولا يشاركهم أحد في هذا الاسم. 2 الاسم ليس حالة اختيار خارجية، إنما هو مرتبط بهوية قد تكون منفردة أو تكون ملتصقة بالوطن، وشركاء الوطن يُعرّفون أنفسهم بالأقباط، فكيف نسرق منهم اسماً عاشوا به ثلث تاريخ مصر؟ 3 قبطي تعني مصري، هذا صحيح في كتب التاريخ واللغات والقواميس العتيقة، لكن انتماء شركاء الوطن لها ملكية خاصة ووجدانية ونفسية واجتماعية. 4 إن خلط الأوراق لشركاء الوطن يسبب ارباكاً لمنحى قضية عادلة، فالمغتربون والمهاجرون والمقيمون تجمعهم كلمة ( أقباط)

      في المغتربين المصريين - egyptian expatriates

    • الأسئلة الحرام.. هل يكره الأقباط عمرو بن العاص؟ .. لماذا يرفض المسيحيون تسميتهم باللفظ القرآنى "نصارى"؟ .. هل هناك أسلحة فى الأديرة والكنائس المصرية؟ "منقول"

      السؤال الأول يُحمل قطاع كبير من الأقباط المصريين المعاصرين «عمرو بن العاص» وزر فتح مصر عام 641م ميلادية، أى قبل أكثر من 1500 عام من الآن، بل إن كلمة «فتح» التى اتفق المؤرخون على استعمالها فى كل ما يخص دخول المسلمين إلى مصر، تتحول إلى غزو فى بعض المواضع رغم أن للكلمتين دلالتين مختلفتين علميًا وتاريخيًا، ورغم الخطأ الشائع الذى يحاول من خلاله القارئ الحكم على حوادث تاريخية بعيون معاصرة بعيدة عن سياقها وزمنها ومعطياته. الفتح لغة يعنى الدخول فى بلد والاستقرار فيه، فى حين يعنى الغزو قتالاً يعود ا

      في الملتقى العام لزوار محاورات المصريين

    • نقل مدير أمن المنيا على خلفية مقتل مسيحيين في طريقهم ل دير الأنبا صمويل المعترف

      تم نقل مدير أمن المنيا على خلفية حادث مقتل أقباط في طريقهم لزيارة دير الأنبا صمويل المعترف . قالت مصادر مسؤولة بوزارة الداخلية، فجر الاثنين، إن اللواء مجدي عبدالغفار، وزير الداخلية، أقال اللواء فيصل دويدار، مدير أمن المنيا، على خلفية الهجوم الإرهابي الذي وقع في المحافظة، الجمعة الماضي، وقرر نقله إلى «جهة أخرى بالوزارة». وأضافت المصادر، في تصريحات لـ«المصري اليوم»، أنه تقرر تعيين اللواء ممدوح عبد المنصف قائمًا بأعمال مدير المنيا. وذكرت المصادر أنه «منذ وقوع الحادث حقق قطاعي التفتيش

      في موضوعات جادة

    • المسيحيين المصريين يقتلون في ليبيا ... لانهم مسيحيين

      حلقة جديدة فى مسلسل الاعتداء على المصريين بليبيا.. مقتل 7 واحتجاز عشرات الحافلات المصرية مقابل الإفراج عن 3ليبيين.. الخارجية تطالب بتحقيق فورى.. مسئول ليبى: بدأنا التشاور مع الوزارات المعنيةالإثنين، 24 فبراير 2014 - 22:51 المصريون القتلى فى ليبيا كتبت : أميرة عبد السلام وحسن مشالى و السيد زيادة أحمد جمعة عثرت الشرطة الليبية على سبعة مواطنين مصريين مسيحيين قتلى فى شرق ليبيا، وأكد ضابط بالشرطة الليبية أن الجثث عثر عليها مصابة بأعيرة نارية فى الرأس. وأجرت الخارجية المصرية اتصالات مكثفة مع

      في موضوعات جادة

    • {ولتجدن أقربهم مودة للذين آمنوا الذين قالوا إنا نصارى}

      في المنارة التاليه السببَ الأهم الذي جعل النصارى يودون المسلمين وتتمة لبيان معنى الآية، نبيِّن: لِمَ كان موقف النصارى إيجابيًّا بإزاء موقف غيرهم من الكفار؟ لقد شهدت الآيةُ للذين قالوا: إنا نصارى، بأنهم أقرب الناس مودة للمسلمين، ونبيِّن السبب مباشرة، فنقول: ذلك لأن بينهم ومنهم رجال دين - من قسيسين ورهبان - أصحاب مواقفَ إيجابيةٍ تجاه الإسلام وأهله، حتى تطور هذا الموقف، وأدى إلى دخول بعضهم في الإسلام؛ {ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لَا يَسْتَكْبِرُونَ * وَإِذَا سَمِع

      في سياسة داخلية

×
×
  • اضف...