اذهب إلى المحتوى
محاورات المصريين

القرضاوي: الاحتفال بالأعياد غير إسلامية "حرام"


النسر المصري

Recommended Posts

لقرضاوي: الاحتفال بالأعياد غير إسلامية "حرام"

54130_hanein.info.jpg

الدوحة: أكد الدكتور يوسف القرضاوي، رئيس الاتحاد العالمي لعلماء المسلمين، أن احتفال المسلمين بالأعياد الغير إسلامية "حرام ويعني تنازل الأمة عن شخصيتها الإسلامية"، داعيا المسلمين للحرص على تميزهم في أعيادهم وتقاليدهم.

وقال الشيخ القرضاوي خلال خطبة الجمعة بجامع عمر بن الخطاب بالعاصمة القطرية الدوحة إن: "احتفال المسلمين بما يسمى عيد الميلاد حرام وعيب ولا يليق"، متسائلا بنبرة يملؤها الحزن والحسرة: "في أي مجتمع نحن؟ هل نحن في مجتمع مسلم أم في مجتمع نصراني؟".

كما هاجم المحلات التجارية التي تعرض ما يسمي "شجرة الميلاد" بارتفاع عدة أمتار في بعض شوارع العواصم الإسلامية، وطالب هؤلاء التجار بأن يمتنعوا عن عرضها والإعلان عنها، وخاطبهم قائلا: "لماذا تظهرون الاحتفال بدين غير دينكم في الوقت الذي يجور فيه أتباع المسيحية علينا ويمنعوننا من بناء مآذن جميلة الصورة والمعمار في المساجد"، في إشارة إلى الحظر السويسري لبناء المآذن.

وشدد على أن المبالغة في عرض السلع الخاصة بأعياد الميلاد تفقد المجتمعات المسلمة هويتها، مبديا أسفه لانتشار مظاهر الاحتفال بأعياد الميلاد في الدول العربية الإسلامية، في الوقت الذي تتصاعد فيه الدعوات في أوروبا لمنع إقامة المآذن، وقال: "حرموا علينا بناء المآذن ويوشكون أن يحرموا بناء المساجد ونحن نشاركهم الاحتفالات بأعياد الكريسماس".

ولفت الشيخ القرضاوي إلى المفارقة التي تحدث حاليا، "ففي حين يعجز ملايين المسلمين في أوروبا وأمريكا عن الاحتفال بشهر رمضان والأعياد الإسلامية وسط العواصم الغربية، نرى غير المسلمين يحتفلون بأعيادهم ومناسباتهم بشكل ظاهر للعيان في الجزيرة العربية ومختلف العواصم العربية الإسلامية"، وقال إن: "المسلمين احتفلوا قبل أيام بعيد الأضحى ولم نر مظاهر للعيد في محلات المسلمين هناك".

وحول حقيقة تاريخ عيد الميلاد قال القرضاوي: "عيد الميلاد اختلف المسيحيون في موعده وانقسموا إلى فريقين، الأول يقول إنه يوم 25 ديسمبر، والثاني يؤكد أنه 7 يناير"، وأشار إلى أن الطرفين على خطأ؛ لأن مولد المسيح (عليه السلام) لم يكن في الشتاء، مستدلا بقوله الله عز وجل: "وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَبًا جَنِيًّا"، وتساءل: هل يوجد نخل في الشتاء يسقط رطبا؟!

وأبدى العلامة القرضاوي استغرابه من هرولة الكثير من المسلمين للاحتفال بميلاد المسيح، في حين يتجاهلون الاحتفال بمولد النبي محمد (صلى الله عليه وسلم)، قائلا بنبرة يملؤها التعجب إن بعض بلاد المسلمين "لا يحتفلون بمولد النبي محمد (صلى الله عليه وسلم) ويعتبرون الاحتفال بدعة، فكيف يسارع أهلها للاحتفال بالكريسماس؟!".

السؤال بقى....ليه احنا بنخدع نفسينا ونخلي بعض فئات (الموسكفييين) يأثروا علينا وعلى تفكيرنا

ماخلاص نفضها سيرة....ونسلم بالامر الواقع

هو لازم علشان المسيحي يبقى صاحبي واخويا وشقيقي اروح اهنيه باعياده!!!!!!!!!!!!!

ما احنا بنرمي التصابيح والمسا كل يوم على بعض..

وبسأل عليه...ولو غاب بتصل عليه اطمن عليه... ولو احتاج حاجه بروح اعمل معاه اللي يقدرني عليه ربنا....ودول كلهم احسن من ميت مليون عيد اهنيه بيه!!

على الاقل لما ابني يسالني يقول انت بتقف مع المسيحي ليه يابابا...اقوله لان الرسول صلى الله عليه وسلم علمنا كده...وحتى لو يهودي وكان بياذيني بردو هسأل عليه....

لكن لما يسال انت بيتهنيهم على العيد ازاي يابابا والعيد لسه ماجاش.....ارد عليه اقوله ايه بقى

يارب الرحمه..!!

رابط هذا التعليق
شارك

  • الردود 76
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

هو لازم علشان المسيحي يبقى صاحبي واخويا وشقيقي اروح اهنيه باعياده!!!!!!!!!!!!!

اسمح لي اختلف معاك اخي الفاضل ..

في فرق كبير اوي مابين اني اهني حد بعيد وبين اني شخصيا احتفل بهذا العيد ..

القرضاوي مقالش ( متهنوش ) وانما قال ( متشاركوش ) بمعنى منهتمش باقامة مظاهر العيد ده عشان يبقى لنا ( هوية ) اسلامية ..

دي بالظبط زي واحد صاحبك مثلا اتجوز فبتقوله مبروك الي القرضاوي بيقوله مش انك متقولوش مبروك وانما انك متاخذش اجازه من شغلك اسبوع عسل وتطلع على شرم تقضي لك يومين على اساس انك يعني ( عريس ) ..

هم لهم اعيادهم واحنا لا اعيادنا ومفيهاش حاجه ابدا لما نهنيهم بالعيد بالظبط زي مامفيهاش حاجه لما هم يهنونا وبرضه مفيهاش حاجه لو اكلنا من اكل اعيادهم بالظبط زي مافيهاش حاجه لو ارسلنا لهم من اكل اعيادنا لكن الي فيه اننا نحتفل بالعيد ده بالظبط زي مااكيد هم مش بيحتفلوا بالعيد بتاعنا ..

الموضوع بسيط والي بستغرب له فعلا ان في لسه فتاوى بتطلع فيه ..

تحياتي ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

السلام عليكم

اولا حضرتك جبت كلام الشيخ القرضاوي بتستشهد بيه بان المفروض مانقولش للمسيحي كل سنة واتت طيب

اسمحلي

اولا

ايه علاقة الكلام ده بتعليقك ... كلام الشيخ القرضاوي عن تحريم الاحتفال وحضرتك بتحرم المعايدة على المسيحيين!!!

ثانيا

ياريت كنا نعرف رأي الشيخ القرضاوي في يوم او عيد اليتيم؟ وعيد الشرطة وعيد تحرير سيناء؟

ليه ماعلقش عليهم وقال انهم مش من الاسلام وانهم بدعة

ثالثا

احنا بنحتفل بيوم راس السنة مش بيوم ميلاد المسيح ده لو الشيخ القرضاوي ما يعرفوش ودي تعتبر احتفال اجتماعي مش احتفال ديني وهو ليلة الاول من يناير مش 26 ديسمبر ولا 7يناير

رابعا

غريبة ان الشيخ القرضاوي يحث الناس على الاحتفال بمولد النبوي رغم انه بدعة , فطالما موافق على البدع الدينية فمن باب اولى يوافق على البدع الاجتماعية.

خامسا

كل مشكلة حضرتك انك مش عارف تقول لابنك ايه العيد ده؟

يعني حضرتك عرفت ترد على ايه الكنيسة دي وايه الناس اللي فاطرة في رمضان دي وايه الجريد اللي بيشلوه ده ولا لابسين جديد وراحين الملاهي ليه النهاردا ووقفت على تفسير انك ليه تقوله كل سنة وانت طيب؟؟؟؟؟؟؟؟؟؟؟؟؟؟؟؟

رابط هذا التعليق
شارك

لا حول ولا قوة الا بالله العلي العظيم

الموضوع ده نُفخ بحثاً واتناقش الاف المرات ومنهم 999 مره في المنتدى هنا

وهناك فرق كبير جداً بين أنك تجيب بلالين وتحتفل معهم

وبين ان تصدر منك كلمة محترمة للتهنئة

لكن لما يسال انت بيتهنيهم على العيد ازاي يابابا والعيد لسه ماجاش.....ارد عليه اقوله ايه بقى

قول له يا حبيبي رسولنا الكريم قال " الكلمة الطيبة صدقة " وأنا بأقول لشركائنا وأخواتنا في الوطن كلمة طيبة عشان هما ناس محترمين بيشاركونا وطننا وهمومنا ولقمتنا وأنا لما أبقى مُسلم كويس وبشوش فبكده بأعبر عن ديني خير تعبير

هو لازم علشان المسيحي يبقى صاحبي واخويا وشقيقي اروح اهنيه باعياده!!!!!!!!!!!!!

ما احنا بنرمي التصابيح والمسا كل يوم على بعض..

يا سيدي والله لو الكلمة بتطلع من الأنسان من غير نفس .. يبقى قلتها احسن ويوفرها الأنسان على نفسه وبالتالي يكشف عن وجهه الحقيقي ..

يعني ليه يمسي ولا يصبح عليه ؟ لأ بدل كده لما يشوفه طالع أو نازل على سلم العمارة يروح باصق في وشه أو مديله بالبوكس عشان هو كده بيرضي ربنا وبيتمسك بدينه ... صح كده ؟

وطبعاً خلط فظيع زي اللبن والسمك والتمر هندي لما أضع الناس كلها في سلة واحده وأقول إزاي اهني المسيحي المصري بعيده او اعامله بما يُرضي الله وسويسرا بتمنع المآذن ... يالله ما هو كله عند العرب صابون

آه صح ..... إنت عاوز سويسرا ما تمنعش بناء مآذن ... خلي بالك مش مساجد .. يعني في هناك فعلاً مساجد لكن دي بلدهم وقالوا مش عاوزين شكل مآذن ... في حين إن في مصر ممنوع بناء كنائس الا بقرار جمهوري وروتين يستغرق عشرات السنين .... ما سألتش نفسك يا عمرو ولقيتها مفارقه غريبة شويتين تلاته قول 100 ؟

هاتقول إحنا بلد دستورنا مصدره الرئيسي هو الأسلام واحنا بلد إسلاميه وأحرار في اللي بنعلمه

فمعنى ذلك إنت حُر وهما عبيد مثلاً ؟؟؟

والحمد لله ليس نفاقاً أو مسح جوخ لأحد ... هذه شهادات أسمعها من أقرب الناس لي وهما أشقائي الذين يعيشون باوروبا ويحملون جنسيتها والحمد لله يربون أولادهم تربية أسلاميه .. وهو انهم لا يتعرضون هناك لأي مضايقات أمنية في ممارسة دينهم .... بالعكس .... الغريب بقى إنهم في الدنمارك .. تخيل ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

صديق عُمري وأخي الذي ألجأ إليه في أي مشكلة تعرفت عليه هنا في الغربة لكنه نزل وأستقر في مصر .. ما شاء الله عليه .. ألتزام بالمظهر والسلوك الإسلامي ودقن ومواظبة على الصلاة وبناته وزوجته منقبات .. لكنه مثال للمُسلم السمح ... معاه في العمارة جار مسيحي .. فبدأ هو بالتودد اليه والسلام عليه في الرايحه والجايه والسؤال عن احواله لو تغيب مثلاً .. لوجه الله وليس وراء ذلك أي غرض

فما كان من الراجل إلا ان اندهش وقال له : والله يا شيخ أنا كنت باخاف منكم وباخاف أقرب لكم حتى .. من الصورة السيئة اللي رسمها الناس عنكم وأولهم إحنا كمسيحيين ..

لكن لما شوفت معاملتك وحُسن أخلاقك بقيت أفتخر إن حضرتك جاري .

مع العلم إنه قضى في السعودية أكتر من 20 عاماً مغترب .

لا تعليق

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

بالرغم من مداخلة الاستاذ سى السيد والتى اوفت فأكفت .....

وبالرغم من ان الموضوع موش جديد ....والفتوى دى عدى عليها اكتر من 3 شهور...

وبالرغم من ان الشيخ القرضاوى ...وضح فحوى الفتوى فيما بعد وهو ما لم يشر اليه الاخ ...صاحب الموضوع

الا انه بقى لى توضيح بسيط

اولا:

فضيلة شيخنا القرضاوى تعرض لذلك الموضوع من ناحية باب الاحتفال وتزيين شجرة الكريسماس ...

ولماسئل فضيلته هلى يجوز تهنئة الاقباط بعيد الكريسماس؟؟

اجاب بإنه يجوز ولا كراهة فى ذلك على الاطلاق....

ثانيا:التهنئة لغير المسلمين ...جاءت على النحو التالى:

باب الاحسان

الكلمة الطيبة

ولا اتعرض هنا لعقيدتى بالمرة ....ولا عقيدة الغير مسلم ....

فالتهنئة بنية الود ...والاحسان لا غير....

والله تعالى اعلى واعلم

================

مؤخرا وعلى جنب ...ماننساش ...فليقل خيرا او ليصمت

18344710.jpg

رابط هذا التعليق
شارك

حيكام حيلكم يا جماعة.....بالراحة كده بس عشان يمكن المعلومة ماوصلتش كويس..!!

اولا التهنئة هي شكل من اشكال المشاركة..هل هذا صح ام خطأ..؟!

ثانيا بما أني انا وغيري من الكثيرووون جدا (مش هحط عدد عشان ماحدش يقولي هو انت عديتهم !!!) ...بما ان رأينا ان التهنئة شكل من أشكال المشاركة.. ... وفي ظل عدم رغبتنا في الاعتراف بمعتقدات جاري المسيحي ...... وبما انني ارى من واجبي تبادل التنحية والاحترام والزيارات تحت شعار الآية التي تقول (لكم دينكم ولي ديني)

فانني لا أرى مانع من مصادقة ومصاحبة صاحبي وجاري المسيحي والوقوف بجدعنه معاه في اي موقف يحتاجني فيه!!

هل هذا يقلل من شأنه عدم تهنئته باعياده...... يا أخي هي الحاجات اللي بعملها دي كلها مش حلوه ،مالهاش طعم الا لما أهنيه باعياده.....

اساسا ولا جار مسيحي (وهم ثلاثه في العماره)...سالني انت ماهنتنيش ليه بالعيد.....لكن في واحد اتصل عليا ودعاني اسهر معاه الهناردة في المزرعة ..واعتذرت انا بادب

ورغم ان الراجل اتحايل شوية ..لكنه كان ذكي وماحاولش يتطرق ليه ومش ليه ....لانه بالتاكيد هو فاهم ليه...!!!

باختصار بقالي تلات سنين في العماره..ومراتي ومراتاتهم بيشوفوا بعض كل كام يوم.... واخنا الرجاله صحاب وبنزور بعض....والحياة عادية جدا بنا... وأحلى من الحلاوه.......وماشفتش عدم التهنئة عملت مشكله ولا ربع حتى؟!

وبعدين يا أونكل س س ....انا مالي ومال المآذن وأروربا......وانا اساسا مقتنع ان اروبا في مسلمين أحسن من اللي عند العرب بكتييييييير

اما موضوع بنى الكناتيس فاسمحلي ...اساسا احد القساوسة الكبار لسه طالع من قريب ورافض فكرة بناء الكنايس عمال على بطال... في ظل عدم الحاجة اليها لان عدد المسيحيين اقل بكثييير مما تحتاجه تلك الاعداد من الكنائس......ولا هم عاوزين كنيسه لكل مسيحي!!!!

اما الراجل صاحبك الملتحي....فده تصرف التصرف العادي اللي المفروض يعمله اي مسلم عاقل....لكن لاحظ انه عمل زي مانا عملت بردو....لانك ستجد انك كتبت انه بيسال عنه في الروحه والجيه والتاغيب....ولم تكتب انه هناه في اعياده!!!!....مفارقة وجبت التاكيد عليها:blush2:

صلوا عالنبي بس واستهدوا بالله كده ونقطه من اول السطر تاني عشان نوصل مع بعض

السؤال باختصار ...ينفع صاحبي يبقى مسيحي وابقى جدع معاه وهو جدع معايا ...من غير ما اعترف يمعتقداته او جزء منها؟!

يارب الرحمه..!!

رابط هذا التعليق
شارك

إضغط هنا لزيارة موقعي

ده موقع اسلام أون لاين وفيه أجوبة وافية جدا عن الموضوع ده نقلا عن شيوخ واساتذة جامعات اجلاء ومن بينهم الشيخ القرضاوي نفسه ورأية بالتفصيل

أتمني أني أكون قد اسهمت في أستفادة لأحد ما

تم تعديل بواسطة myusername

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك

ارى انه لايجب ان نهنأ المسيحيين فى اعيادهم

ولانلقى عليهم التحية

واذا قابلت مسيحيا تعرفه الحق بادره بالكلام قبل ان يلقى اليك بالتحية ولكن لاتلقى اليه بالتحية ولكن قل له اى شيئ ،

مثلا قل له " انت وشك اصفر ليه "

او " ايه مالك ؟ باين عليك عيان "

ولو سبقك والقى عليك بالتحية اعمل نفسك مشغول بأى حاجة ، بتتكلم فى الموبايل مثلا حتى لو ماعندكش موبايل ، او اعمل انك كنت حتقع ورجلك حاتنكسر وينقلوك على المستشفى ، او مثل ان جاء لك سكتة قلبية ومدد على الارض ، المهم لاتعطيه الفرصة لالقاء التحية عليك ، ولو وجدت انه لامفر وانه القى اليك التحية ، هز دماغك واعمل اخرس .

هكذا يجب ان تكون معاملة النصارى ، لاحب ولامهادنة ولاسلام ولاكلام وتهانى .

تحيا الفرقة الوطنية

مات الهلال مع الصليب

سؤال محتاج فتوى:

هل يجوز الدخول فى الخلاء لو لم يكن هناك بابا للخلاء؟

سؤال تانى:

هل من الممكن نقل الموضوع الى باب " الابتسامات " ؟

شكرا مقدما

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A

***************

رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط
القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك

صلوا عالنبي بس واستهدوا بالله كده ونقطه من اول السطر تاني عشان نوصل مع بعض

السؤال باختصار ...ينفع صاحبي يبقى مسيحي وابقى جدع معاه وهو جدع معايا ...من غير ما اعترف يمعتقداته او جزء منها؟!

كدة ممكن نرد عليك يا نسر ...

من الممكن ان تكون جدع معاة وهو كمان يكون جدع بس لية انت روحت بعيد قوي كدة حد قلك انك لازم تؤمن بمعتقداتة او جزء منها ..المفروض علينا ان ربنا أمرنا بالمعروف والنهى عن المنكر والجار اولى بالمعروف والنهى عن المنكر ان اراة يحتاج الى مساعدة مهما كانت ديانتة وأتركة او اتفرج علية وهو يحتاج الي لرفع ظلم او سد حاجة لة او صد مكروة عنة هكذا يكون المسلم

اما شيخنا القرضاوى .. فهو كان يتكلم عن اعياد يتم فيها اختلاط المفهيم وخطرها على ابناءنا كلاحتفال بالكريسماس وبابا نويل وهذة اعياد لاخواننا المسيحيين ولو صبرت شوية على باقى الخطبة وموقعها الزمنى لعرفت ما يقصد الشيخ العالم

يأخى انا أكل من طعام المسيحيين واشرب ماءهم ونتعامل تجاريآ فلا ضرار اما ان اجعل طقوس اعيادهم احتفال لى فهذا ليس صحيح ولا لهم بالنسبة لى ومن يفعل ذلك من الجانبين فهو منافق

للأخر فالدين عقيدة (عقدة ) لا يتم فكها الا بالنفاق

لا تقلق من تدابير البشر، فأقصى ما يستطيعون فعله معك هو تنفيذ إرادة الله .

رابط هذا التعليق
شارك

هو الموضوع في الدين ولا في السياسة والوطنية؟

انعدام الوطنية مافيش عقاب عليها يخلي الواحد يبقى عنده وطنية؟

اللي بيحرك العالم ثلاثة فقط

المال والجنس والدين

واي " شعارات" أخرى ليس لها فائدة

رابط هذا التعليق
شارك

اشكر الفاضل ماي يوزر نيم على المشاركة الكريمة

ولكن لنسمع احد كبار الأئمه ماذا يقول في ذلك الاقتباس

أنقل إليكم فتوى فضيلة الشيخ الوالد / محمد بن عثيمين عن حكم تهنئة النصارى بأعيادهم

نقلا من كتاب الصحوة الإسلامية ضوابط وتوجيهات ( ص 306 - 308 )

ما حكم تهنئة المسيحيين بأعيادهم وغير ذلك ؟

أما تهنئة النصارى أو اليهود بأعيادهم فحرام باتفاق أهل العلم كما ذكر ذلك ابن القيم رحمه الله في كتاب أحكام أهل الذمة ، وإليك نص كلامه :

قال : " وأما التهنئة بشعائر الكفر المختصة بهم فحرام بالاتفاق ، مثل أن يهنئهم بأعيادهم وصومهم ، فيقول : عيد مبارك عليك ، أو تهنأ بهذا العيد ونحوه ، فهذا إن سلم قائله من الكفر فهو من المحرمات ، وهو بمنزلة أن تهنئه بسجوده للصليب ، بل ذلك أعظم إثما عند الله ، وأشد مقتا من التهنئة بشرب الخمر وقتل النفس وارتكاب الفرج الحرام ونحوه ، وكثير ممن لا قدر للدين عنده يقع في ذلك ولا يدري قبح ما فعل " ا.هـ .

والله أعلم .

الفاضل النسر المصري

قمت بحذف جزء من الاقتباس لاحتوائه على ما يطعن مباشرة في أحد الديانات السماوية ويخالف القاعدة الأولى من قواعد المشاركة في محاورات المصريين:

1. الإلتزام بتعاليم الأديان السماوية وذلك بعدم الكتابة أو التلميح بما يمس أو يسيء بصورة مباشرة أو غير مباشرة للديانات السماوية الثلاثة أو وصف الطوائف أو المذاهب أو الأفراد المختلفة بالكفر أو النفاق أو ما يسيء الي الكتب المقدسة و الأنبياء و الرسل .. والالتزام - عند مناقشة التاريخ أو التفاسير أو الفقه الدينى - باحترام وتوقير الأئمة من أهل البيت و الصحابة و أمهات المؤمنين والشخصيات الدينية الأخرى ، وعدم استخدام الألفاظ البذيئة أو الرديئة أو أساليب الاستهانة أو السخرية التي لا تقبلها الأخلاق الدينية والتى تتنافى مع التقاليد العامة .

يرجى مراعاة هذه النقطة عند النقل مستقبلا.

عن الإدارة

أحمد سيف

يارب الرحمه..!!

رابط هذا التعليق
شارك

كامل احترانى لآرائكم جميعا وكل واحد خر فى رأيه

ومع اختلاف الفتاوى باختلاف المفتيين اعتقد انه من الاجدى ان نرجع للكتاب والسنه واخيرا استفتى قلبك

اعتقد اننا فى وقت تخطينا فيه هذه المرحله يعنى لو انا عيدت على جارى المسيحى عدد المسلمين هايقل ولا عدد المسيحين هايزيد؟

اللى اعرفه اننى لااعصى الله فيما امرنى وعصيانى له ان اوجد فيما نهانى عنه او بعدى عما امرنى به " بكل بساطه ولا تعقيد "

انا اعيد على جارى المسيحى من باب تبسمك فى وجه اخيك صدقه

لا ضرر ولا ضرار -قال الله تعالى: "لا ينهاكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا إليهم إن الله يحب المقسطين"

ياجماعه الخير كفايانا تشتييت بقى 000الدين المعامله

294043709.gif
رابط هذا التعليق
شارك

سؤال عمال ينقح علي ويلعب في نفاخيخي...وحاولت امسك نفسي وماسلش السؤال بس ماقدرتش بصراحه

ياترى مين المتخفي اللي داخل وعمال يقرا الموضوع كده على طول!!! :blush2:

يارب الرحمه..!!

رابط هذا التعليق
شارك

ياجماعه الخير كفايانا تشتييت بقى 000الدين المعامله

وانا معاك يا قلب ابيض

لا تقلق من تدابير البشر، فأقصى ما يستطيعون فعله معك هو تنفيذ إرادة الله .

رابط هذا التعليق
شارك

لقرضاوي: الاحتفال بالأعياد غير إسلامية "حرام"

54130_hanein.info.jpg

الدوحة: أكد الدكتور يوسف القرضاوي، رئيس الاتحاد العالمي لعلماء المسلمين، أن احتفال المسلمين بالأعياد الغير إسلامية "حرام ويعني تنازل الأمة عن شخصيتها الإسلامية"، داعيا المسلمين للحرص على تميزهم في أعيادهم وتقاليدهم.

وقال الشيخ القرضاوي خلال خطبة الجمعة بجامع عمر بن الخطاب بالعاصمة القطرية الدوحة إن: "احتفال المسلمين بما يسمى عيد الميلاد حرام وعيب ولا يليق"، متسائلا بنبرة يملؤها الحزن والحسرة: "في أي مجتمع نحن؟ هل نحن في مجتمع مسلم أم في مجتمع نصراني؟".

كما هاجم المحلات التجارية التي تعرض ما يسمي "شجرة الميلاد" بارتفاع عدة أمتار في بعض شوارع العواصم الإسلامية، وطالب هؤلاء التجار بأن يمتنعوا عن عرضها والإعلان عنها، وخاطبهم قائلا: "لماذا تظهرون الاحتفال بدين غير دينكم في الوقت الذي يجور فيه أتباع المسيحية علينا ويمنعوننا من بناء مآذن جميلة الصورة والمعمار في المساجد"، في إشارة إلى الحظر السويسري لبناء المآذن.

وشدد على أن المبالغة في عرض السلع الخاصة بأعياد الميلاد تفقد المجتمعات المسلمة هويتها، مبديا أسفه لانتشار مظاهر الاحتفال بأعياد الميلاد في الدول العربية الإسلامية، في الوقت الذي تتصاعد فيه الدعوات في أوروبا لمنع إقامة المآذن، وقال: "حرموا علينا بناء المآذن ويوشكون أن يحرموا بناء المساجد ونحن نشاركهم الاحتفالات بأعياد الكريسماس".

ولفت الشيخ القرضاوي إلى المفارقة التي تحدث حاليا، "ففي حين يعجز ملايين المسلمين في أوروبا وأمريكا عن الاحتفال بشهر رمضان والأعياد الإسلامية وسط العواصم الغربية، نرى غير المسلمين يحتفلون بأعيادهم ومناسباتهم بشكل ظاهر للعيان في الجزيرة العربية ومختلف العواصم العربية الإسلامية"، وقال إن: "المسلمين احتفلوا قبل أيام بعيد الأضحى ولم نر مظاهر للعيد في محلات المسلمين هناك".

وحول حقيقة تاريخ عيد الميلاد قال القرضاوي: "عيد الميلاد اختلف المسيحيون في موعده وانقسموا إلى فريقين، الأول يقول إنه يوم 25 ديسمبر، والثاني يؤكد أنه 7 يناير"، وأشار إلى أن الطرفين على خطأ؛ لأن مولد المسيح (عليه السلام) لم يكن في الشتاء، مستدلا بقوله الله عز وجل: "وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَبًا جَنِيًّا"، وتساءل: هل يوجد نخل في الشتاء يسقط رطبا؟!

وأبدى العلامة القرضاوي استغرابه من هرولة الكثير من المسلمين للاحتفال بميلاد المسيح، في حين يتجاهلون الاحتفال بمولد النبي محمد (صلى الله عليه وسلم)، قائلا بنبرة يملؤها التعجب إن بعض بلاد المسلمين "لا يحتفلون بمولد النبي محمد (صلى الله عليه وسلم) ويعتبرون الاحتفال بدعة، فكيف يسارع أهلها للاحتفال بالكريسماس؟!".

السؤال بقى....ليه احنا بنخدع نفسينا ونخلي بعض فئات (الموسكفييين) يأثروا علينا وعلى تفكيرنا

ماخلاص نفضها سيرة....ونسلم بالامر الواقع

هو لازم علشان المسيحي يبقى صاحبي واخويا وشقيقي اروح اهنيه باعياده!!!!!!!!!!!!!

ما احنا بنرمي التصابيح والمسا كل يوم على بعض..

وبسأل عليه...ولو غاب بتصل عليه اطمن عليه... ولو احتاج حاجه بروح اعمل معاه اللي يقدرني عليه ربنا....ودول كلهم احسن من ميت مليون عيد اهنيه بيه!!

على الاقل لما ابني يسالني يقول انت بتقف مع المسيحي ليه يابابا...اقوله لان الرسول صلى الله عليه وسلم علمنا كده...وحتى لو يهودي وكان بياذيني بردو هسأل عليه....

لكن لما يسال انت بيتهنيهم على العيد ازاي يابابا والعيد لسه ماجاش.....ارد عليه اقوله ايه بقى

السلام عليكم ورحمة الله

استاذ نسر اسمحلي اسألك..وياريت حضرتك تتكلم بصراحة اكثر من كدا ..

هو ليه حضرتك مش عايز "المصريين" يهنوا بعضهم في أعيادهم ومناسباتهم العامة .. ؟؟!!

أو بمعنى آخر لما المصريين بيهنوا بعض في أعيادهم الموضوع دا بيدايقك في إيه ..؟؟!!

تم تعديل بواسطة الترجمـان

Socrates : virtue is knowledge

أمنمؤبي:لا تمنع أناسا من عبور النهر إذا كان في قاربك مكان ,خذ الأجر من الغني ورحّب بمن لا يملك شيئاً

رابط هذا التعليق
شارك

يعني بدأنا بالقرضاوي ولفينا لفينا وفي الآخر رجعنا لبن عثيمين علشان نثبت وجهة نظرنا.

خلاص يا جماعه عرفنا أن هناك وجهة نظر معينة بتقول أن تهنئة غير المسلمين بأعيادهم حرام ... وعرفنا من هم أصحابها.

اللي عايز يتبع وجهة النظر دي هو حرّ ... واللي عايز يتبع وجهة النظر الأخرى التي يمثلها القرضاوي هو حرّ كذلك.

وكل واحد ينام على الجنب اللي يريحه.

الموضوع قتل بحثا ولا أظن أن هناك جديدا يقال فيه ... فوفروا على الجميع الوقت والجهد المبذول لمناقشته يرحمنا ويرحمكم الله.

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

سبحان الله ... الموضوع ده يثار كل سنة بشكل عجيب و مريب

الإحتفال بالأعياد الغير إسلامية حرام بإجماع أهل العلم .. سمعنا و أطعنا ..

آراء أهل العلم اختلفت.. رأي مع تهنئة إخواننا النصارى بأعيادهم

و رأي ضد ذلك .. ماذا نفعل نحن العوام ؟؟؟

نستفت قلوبنا كما أمرنا الرسول صلى الله عليه و سلم .. الموضوع منتهي!!

أنا لا أرى داعي لفتح هذه المواضيع لأنها توغر الصدور فقط

بسم الله الرحمن الرحيم

"لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ ۚ إِنَّ اللَّهَ يُحِبُّ الْمُقْسِطِينَ (8) إِنَّمَا يَنْهَاكُمُ اللَّهُ عَنِ الَّذِينَ قَاتَلُوكُمْ فِي الدِّينِ

وَأَخْرَجُوكُمْ مِنْ دِيَارِكُمْ وَظَاهَرُوا عَلَىٰ إِخْرَاجِكُمْ أَنْ تَوَلَّوْهُمْ ۚ وَمَنْ يَتَوَلَّهُمْ فَأُولَٰئِكَ هُمُ الظَّالِمُونَ (9)"

صدق الله العظيم

سورة الممتحنة

تحياتي

تم تعديل بواسطة لونا

ربنا آتنا في الدنيا حسنة .. و في الآخرة حسنة .. و قنا عذاب النار

.. يا رب ..

احفظ مصر و المصريين

رابط هذا التعليق
شارك

لا ضرر ولا ضرار -قال الله تعالى: "لا ينهاكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا إليهم إن الله يحب المقسطين"

ياجماعه الخير كفايانا تشتييت بقى 000الدين المعامله

صح كده والله كنت داخلة احط الآية دى بالضبط معاكى حق يا القلب الابيض يا ختى

الدين معاملة فعلا.......ياناس ابتسموا فى وش بعض عيدوا على بعض...شيلوا الحقد والغل اللى بينكوا

حد فكر اشمعنى هما بييجوا فى عيدنا يعيدوا علينا......هل ده واجب عليهم؟؟؟..لأ طبعا

انا عن نفسى ههنيهم فى كل أعيادهم حتى لو طلعت فتوى ان حرام اهنى المسيحى فى عيده!!....برده ههنيهم فى كل أعيادهم

أقول ايه يعنى بنناقش ايه؟؟ هقول كل سنة وانتوا طيبين ولا لأ؟؟؟ صح فعلا يا شيكو والله(فليقل خيرا او ليصمت)

وكل سنة وكل الناس طيبة مسلمين ولا مسيحيين بمناسبة شم النسيم وعيد القيامة المجيد

أنا لا أرى داعي لفتح هذه المواضيع لأنها توغر الصدور فقط

والله عندك حق يا لونا :blush2:

تم تعديل بواسطة fatfouta
رابط هذا التعليق
شارك

صبااااح الفل

بصوا بقى انا مانمتش من امبارح هريت الموضوع ده بحثا وفتاوى وفى النهايه خلصت انه شرعا لايجوز ان نهنىء غير المسلم على عيده وذلك لاننا بذلك نؤازره فى الشرك بالله ولكن يجوز ان نتعامل ونتصافح وناكل وكل شىء معا فيما عدى ان نؤيد فى الشرك وعدم وحدانيه الله 0000والاسلام يجب ما قبله وتحت هذه الجمله خطوووط كثيره

ولكن خلصت الى ان الاختلاف فى الراى لايفسد للود قضيه 000انت تستفتى قلبك وقوى ايمانك ولكل منا عقيدته الراسخه وربنا وحده اللى هايحاسبنا جميعا اينكانت

ديانتنا وعقيدتنا للكون اله واحد احد 00واحنا بشر قدنخطىء وقد نصيب

من الاخر انا بقول كلنا مصريين فراعنه ماليش دعوه بمرقص ولا ميكائيل بتاع اوروبا انا بتعامل مع اخويا ابراهيم وكامل وجرجس وايزيس ومريم المصريين اللى بنشتغل

سوا وولادهم مع ولادى فى مدارسهم وجامعتهم اللى بنفرح لنجاح ولادنا سوى ونزور بعض فى المرض ونشم النسيم بتاع اجدادتا الفراعنه سوى ف النادى والجنينه

وعند الصلاه هما يروحوا الكنيسه واحنا نروح الجامع 0000يا ناس للكون اله واحد فاعبدوه

وكفى الله المؤمنين شر القتال .

صباحكم زهور الربيع بكل الوانها الجميله نتنسم شذاها كلنا مسيحى ومسلم :sad:

وكما قيل الدين لله والوطن للجميع

على فكره على هامش المؤتمر ادعوكم لمشاهده حسن ومرقص (((فيه الروح المصريه عند الجد والشده ))))

بس خلاص :sad:

تم تعديل بواسطة قلب ابيض
294043709.gif
رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...