اذهب إلى المحتوى
محاورات المصريين

احذروا هذا الدواء ..ممنوع للأطفال .


Salwa

Recommended Posts

احذروا هذا الدواء ..

primperan ..

دواء ضد الاستفراغ ..

هو دواء موجود فى كل انحاء العالم ..ويستعمل بكثرة فى مصر ..وفى اى مكان .

انا مثلا..واحدة من الناس اللى سبق لى واعطيته لأطفالى عندما كانوا صغارا .

المفاجأة ....بالنسبة لى على الأقل....علمت بالصدفة انه لازال يتم بيعه فى مصر ....وفى السعودية .

انه يسبب الصرع ....( بالطبع خصوصا اذا استعمل بطريقة متكررة ).ويؤثر على اعصاب المخ.

ف اوروبا تم منعه تمامااااا......الآن .

للأسف الشديد لم اكن اعلم انه لم يمنع هناك والا كنت حذرتكم من وقت طويل ..

اظن انه ممنوع له عام او اثنين ..

ارجو الحذر .

الاسبرين ممنوع للاطفال......حتى لو كان اسبرين جونيور .

الفولتارين ...ايضا ممنوع.

ارحو الا اكون قد سببت لكم اى ضيق..

رجاء اى رد من الأخوة الصيادلة ...يطمئن بناتنا الأمهات هنا.

تحياتى للجميع ..

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

يا نهار مش فايت

ده العيال هنا بيلبعوه زي الميه ...

وكمان في منه حُقن

ما تقول حاجه يا دكتور رفاعي يا بتاع الصيدلة

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

فعلاً يا ماما سلوى الدكتور بتاع ابنى حذرنى من البرينبران ده قبل كده بس بدون ما يدخل فى تفاصيل

الحمد لله لسه فيه دكاترة فى مصر بتفهم

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك

ربنا يجازيكى خير يا امى على الموضوع ده

الحمد لله من ساعة ماقالوا على الفولتارين ده ساعة انفلونزا الخنازير وانا مش بستعمله خالص مع ان معظم أطباء الاطفال الى الان بيوصفوه لما بيكون فيه ارتفاع فى درجه الحرارة عند الاطفال

ومنه التحميلات (اللبوس) اللى هى 12.5

انما الدوا اللى حضرتك بتقولى عليه الحمد لله ماسمعتش عنه قبل كده او لم نستخدمه يعنى ودى من نعم ربنا علينا

على فكرة يا سى السيد الدكتور الرفاعى فى جدة قلنا لما ارجع هرد عليكوا........

فيزة كندا غيرته قووووووووووى

رابط هذا التعليق
شارك

بارك الله فيكم وعليكم

وشكراا لكم

﴿ قال رسول الله صلى الله عليه وسلم
كلمتان خفيفتان على اللسان ثقيلتان فى الميزان حبيبتان الى الرحمن


24556918.jpg

nX0pp2.png
رابط هذا التعليق
شارك

هذا العلاج موجود في بعض الدول الاوروبية والاسيوية حاليا وله بعض الاعراض الجانبية المسجلة منها الم في البطن وتغيرات في الجهاز التنفسي والدم ولم يسجل ان له تأثير على الجهاز العصبي او يسبب الصرع

رابط هذا التعليق
شارك

هو مش بيسبب صرع بالضبط يا مدام سلوى و لكنه من أعراضه الجانبية الشائعة ما سيمى بالحركات اللاإرادية و هى شىء معروف عنه من زمان و عند ظهور مضادات للقىء لا تسبب هذه الأعراض قل إستخدام البريمبران و إن كان لا يزال هناك حالات لا تستجيب سوى له و هنا يتم إعطائه و تنبيه الأبوين للحركات اللاإرادية الوارد حدوثها و هى غالبا مؤقته.

(و بالنسبة للصرع هو فقط قد يسبب نوبة صرع فى مرضى الصرع لذا غير مستحب إستخدامه معهم)

المهم أن الأسبرين غير ممنوع فى الأطفال بصورة مطلقة فقط عندما يكون هناك إرتفاع حرارة نتيجة لعدوى فيروسية.. و هذا مهم حتى لا يفزع أحد عندما يصف الطبيب لأبنه أسبيرين.

تم تعديل بواسطة tantrum
رابط هذا التعليق
شارك

الاسبرين ممنوع هنا فى الكويت بكل شدة على الاطفال دون 16سنة حتى الانواع ذات تركير 100مللجم (بيطلق عليها اسبرين اطفال ) والكلام ده منذ اكثر من 20 سنة

رابط هذا التعليق
شارك

حضرات الأفاضل..

(( من قال لااعرف فقد افتى ))....

انا لااعرف اكثر مم قلته لكم .

...لااعرف اى تركيبات دوائية ..ولكنى اعرف مثلا انه توجد ادوية مكوناتها لاتتحد مع مكونات ادوية اخرى ويجب الا تختلط ببعضها ..!!!...مثلا يعنى .

هنا..قال الأطباء ان هذا الدواء ..خطر..

ولا يتم بيعه الآن ..

وجدت كثيرررر من الآراء ...

بحثت ف جوجل .....ووجدت هذا الرابط ....لعله يوضح انه فعلا . ...فيه حاجة غلط ..(( والصيادلة هنا والأطباء منعوا هذا الدواء ))..

سوف اضع الرابط فقط حتى نتأكد من خطورته ...

http://www.pharmacistsworld.com/forum/showthread.php?t=8366

والأطباء يفضلون اعطاء الأطفال براسيتامول ..او.يعنى .(( ابيريتال ))...لكن؟؟ اسبرين ..لأ.

لاتنسوا ان حفيدى عنده اربع سنوات ...

وانا اعيش كل هذا ...عمليااااا...

.

البريمبران ممنوع...حتى للحوامل .. :roseop:

..يعنى مش حكاية اطفال فقط ..

على فكرة ..

اول واحد اكتشف ان البريمبران خطر ....كان طبيب يابانى وده كان عام 2006.......كان يعالج مريض (( يابانى برضه ))..وده كانت جت له جلطة فى القلب ..

والمهم ..

علشان يعالج الرغبة فى القئ وكل ده..اعطى له بريمبران ...

اتعالج المريض لمدة شهر ..

و...

توفى ..

وقال الطبيب اليابانى ان السبب كان ف استخدام البريمبران ..

لم يعطه الناس اهمية فى ذلك الوقت ...لكن؟؟

الآن ..

اتضح انه كان على حق ..

عموما....توجد بدائل كثيرة ....وتوجد بدائل طبيعية جدااا افضل من الأدوية ....مثلا...(( ابنى لم يكن يتحمل البريمبران وربما كان الطفل الوحيد اللى بتزيد عنده الرغبة فى الاستفراغ اذا اخذ بريمبران ...ونصحنا الطبيب ان نعطيه ........قليل من الكوكاكولا مذاب بها ملعقة سكر .

وفعلا..

كان يأخذ الكوكاكولا ..ببساطة .

وكل شئ يبقى تمام ..

تحياتى ..

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

البريمبران ممنوع للاطفال وعلي فكره انا حتي لما خدته مره جاتلي دوخه شديده وكرشه نفس مابالكوا بالاطفال والبديل كورتيجين وده فيتامين ب6 حقن والاسبرين ممنوع جدا للاطفال لانه بيسبب مرض اسمه متلازمه (مش فاكره الاسم اوي) المهم بديله الباراسيتامول

رابط هذا التعليق
شارك

السلام عليكم ورحمة الله وبركاته

احب اقول ان الموضوع ده صحيح وان البريمبران حتى النقط ممنوع للاطفال ومحذر منه في العالم كله وطبعا في مصر لا حياة لمن تنادي ومعظم الدكاترة والصيادلة واحتمال وزارة الصحة كمان متعرفش كده

المهم الموضوع زي ما درست في الصيدلة الاكلينيكية في كلية الصيدلة ان القيء متعلق ببعض المراكز والمستقبلات في المخ منها منعا للإطالة مستقبلات الدوبامين(Dopamine receptors) علشان كده بنستخدم مواد بتقفل المستقبلات دي زي ال Metoclopramide اللي هو البرمبران لمنع القيء ولكن ظهر ان ليه أثار جانبية زي صعوبة الحركة وحركات لا ارادية شبه الشلل الرعاش كده وذالك لنقص ال دوبامين المسئول عن سهولة وليونة حركة الاعضاء وده بنشوفه في كبار السن والناس اللي عندها شلل رعاش وبما ان الاطفال لسه الغلاف الواقي للمخ اللي بيسمح بمرور مواد ويمنع اخرى من المرور للمخ لسه مكتملش فال metoclopramide بيعبر بسهولة ويسبب اعراض على الحركة زي التشنجات والتخشب وحركات لا ارادية تسمى dystonia and tardive dyskinesia والاعراض دي مثبته عمليا وفعليا وشوهدت كتير في مستشفيات في مصر زي القصر العيني فلذلك اتمنع تقريبا في معظم دول العالم المتقدم وطبعا مصر مش فيهم وبتستخدمه زي ادوية اخرى ممنوعة في العالم زي ال novalgin و chloramphenicol لسوء اعرضاها الجانبية وكمان اللي اتمنع حديثا في مصر مادة ال nimosulid اللي موجودة في السوليد شراب والنيمالوكس والاطباء بيكتبوه للاطفال مع انه مكتوب في النشرة بتاعته انه لا يستخدم للاطفال اقل من 12 سنة لانه بيسبب تدمير للكبد وطبعا الناس اللي اتخرجت ومش متابعة ولا بتقرا ومش واخدة ان حياة الناس امنة في رقبتهم ويحاسبو عنها بيكتبوه وحسبي الله ونعم الوكيل

يا جماعة لازم ناخد بالنا من الاطفال لانهم اهم شيء في المجتمع وناخد بالنا من الادوية دي والله على ما اقول شهيد ومعذرة على الاطالة

رابط هذا التعليق
شارك

الاسبرين ممنوع هنا فى الكويت بكل شدة على الاطفال دون 16سنة حتى الانواع ذات تركير 100مللجم (بيطلق عليها اسبرين اطفال ) والكلام ده منذ اكثر من 20 سنة
البريمبران ممنوع للاطفال وعلي فكره انا حتي لما خدته مره جاتلي دوخه شديده وكرشه نفس مابالكوا بالاطفال والبديل كورتيجين وده فيتامين ب6 حقن والاسبرين ممنوع جدا للاطفال لانه بيسبب مرض اسمه متلازمه (مش فاكره الاسم اوي) المهم بديله الباراسيتامول

مشكلتنا إننا بنعتبر أرائنا النتاتجة عن تجربة شخصية كلام علمى موثق

بالنسبة للأسبرين كما قلت هو ممنوع فقط فى علاج حالات إرتفاع درجة الحرارة الناتجة عن عدوى فيروسية و المتلازمة التى يسببها فى هذه الحالة إسمها متلازمة راى.

و لو حب أى حد دليل موثق ممكن أوفره

كلكم طبعا تعرفون مرض الحمى الروماتيزمية و هو مرض يصيب فى العادة الأطفال من سن 5-15 سنه إحدى علاجاته الأساسية هو الأسبرين و بجرعات عالية جدا.

فياريت يا جماعة لا نقول اراء بصورة مؤكدة قد تؤثر فى قرار أى أب أو أم قد يقرأ الموضوع عندما يصف لهم الطبيب الأسبرين.

أما بخصوص البريمبران فمشاكله تلك معروفة من زماااااااااااان و لذلك هو غير مستحب أن يكون الخيار الأول لعلاج القىء,

و لكن هل تعلموا أن القىء المستمر فى حالات النزلات المعوية مثلا قد يؤدى للوفاة و ذلك للجفاف و الخلل فى أملاح الجسم الذى يحدثه.

و أنه فى حالات القىء الشديدة التى لا تستجيب للموتيليم أو الكورتيجين قد يضطر الطبيب لإستخدام البريمبران لإنقاذ حياة الطفل المريض.

تم تعديل بواسطة tantrum
رابط هذا التعليق
شارك

مشكلتنا إننا بنعتبر أرائنا النتاتجة عن تجربة شخصية كلام علمى موثق

حضرتك عندك حق في الموضوع ده

أما بخصوص البريمبران فمشاكله تلك معروفة من زماااااااااااان و لذلك هو غير مستحب أن يكون الخيار الأول لعلاج القىء,

هو فعلا المشاكل معروفة من زمان بس قليل عندنا في مصر والدول العربية اللي متابع للاسف ومفيش توعية للحاجات دي

و لكن هل تعلموا أن القىء المستمر فى حالات النزلات المعوية مثلا قد يؤدى للوفاة و ذلك للجفاف و الخلل فى أملاح الجسم الذى يحدثه.

و أنه فى حالات القىء الشديدة التى لا تستجيب للموتيليم أو الكورتيجين قد يضطر الطبيب لإستخدام البريمبران لإنقاذ حياة الطفل المريض.

عند حضرتك حق طبعا ومن كلام حضرتك نستنتج ان البرمبران اخر حل نلجأله في حاله القيء

اجمل حاجة هنا التفاعل بجد لمصلحة الجميع جزاكم الله خير

رابط هذا التعليق
شارك

ياجمااااااااااااااااااااااااااعة

اولا

البرمبران الحقن :- يؤخذ تحت اشراف الطبيب فى حالة الاطفال لانه بيعطى بالشرطة ( الشرطة فى السرنجة تساوة 1/10 من الملليلتر ) لانه اذا تجاوز جرعته بيسبب تشنجات للطفل ودى اثر جانبى ممكن يحصل بس مش بالشكل اللى انتوا متخيلينه وحتى لو حصل الطبيب فى الحال بيعطى للطفل اى حقنة مهدئة للتشنجات زى الديازيبام بتبطل مفعول البرمبران

البرمبران عامة للاطفال اقل من عمر سنتين لاااااااااازم طبيب يوقفه ويعطى تحت اشرافه

بالنسبة للفولتارين ...... اسمه فى مصر فولتارين او ديكلوفين او دولفين او دولف كى وطبعا للاطفال بيكون فى صورة لبوس ( تحاميل ) وهو ممنوع لاى طفل فى عمر اقل من سنة لانه ممكن يسبب له قرحة فى الاثنى عشر او المرىء ينتج عنها نزيف داخلى وحصلت فى مصر جالة وفاة بسبب اللبوس لطفل عمره اقل من سنة

اما فوق السنة وحتى عمر ال 5 سنوات فممن ياخد تركيز ال 12.5 مجم لبوس مرة كل 12 ساعة فقط مع طبعا شراب باراسيتامول كل 5 ساعات او 6 ساعات

طبعا الفولتارين ميزته انه سريع وفعال جدا فى خفض الحرارة علشان كده الاطباء فى مصر بيوصفوه دايما بس فى مصر بيستسهلوا ويوصفوا جرعات عالية منه .... انا فاكر دكتور جنبى كان بيوصف لبوس الدولفين قوة 25 ملجم للاطفال اللى عمرهم سنتين

بالنسبة للاسبرين ......... فهو ممنوووووع لاى طفل اقل من 12 سنة وخصوصا لو حرارته مرتفعة لان ارتفاع الحرارة دى ممكن يكون ناتج عن اصابة بفيروس والاسبرين بيسهل للفيروس اختراق الجهاز العصبى وممكن الطفل يحصله مضاعفات خطيرة

اخوكم صيدلى

الصمــــت لغـــة العظمــــــاء

رابط هذا التعليق
شارك

ما يقال عن البريمبران ( الميتوكلوبراميد ) ليس بجديد بل هو معروف من زمن بعيد . وهو لا يسبب تشنجات ولكن يسبب حركات لا إرادية وتصلبات عضلية بالذات فى الأطفال الأقل من عامين (ونادراً ماتحدث بعد هذا السن ) وتزول غالباً من تلقاء نفسها أو بعلاجات بسيطة ، ولعله من الخطأ المسارعة بإعطاء حقن الفاليوم لهذه الحالات ، فخطر الفاليوم كبير وكثيراً ما يؤدى إلى توقف التنفس .

وأما الموتيليوم ( الدومبريدون ) فهو أكثر أمناً من البريمبران من ناحية الحركات اللا إرادية ( ولكنه لا يخلو منها تماماً ) لذلك يمكن استخدامه بأمان أكثر فى الأطفال أقل من عامين ، وبعد هذا السن يمكن استخدام البريمبران أيضاً بدرجة معقولة من الأمان.

وأما حقن الكورتيجن فهى من عجائب الطب فى مصر . وقد لا تجده فى أى دولة بها رقابة طبية معتبرة ، وقد لا تجد لهذا الدواء أى ذكر فى كتب طب الأطفال المعتمدة مثل ( نلسون ) ، وكان من الأولى أن يقوم البعض بمهاجمة هذه الحقن التى تحتوى على الكورتيزون الذى هو ( بعبع العوام ) ، حيث أنه من المضحك جداً أن تجد غير المتخصصين يصيبهم الهلع عندماً يذكر إسم الكورتيزون وتجدهم يحذرون بعضهم بشدة من استخدامه ، بينما هو دواء عظيم إذا استخدم تحت الإشراف الطبى الواعى .

وخلاصة الأمر أن جميع الأدوية المعروفة تنطوى على مخاطر يعرفها المتخصصون ، وأى دواء مهما كان بسيطاً يمكن أن يتسبب فى حدوث حساسية مفرطة قد تؤدى إلى الوفاة . وحتى التطعيمات نحن نعرف جيداً أنها قد تسبب وفاة بعض الأطفال ولكننا نستخمها لأن خيرها يفوق شرها بمراااااااااااااحل ..

لذلك فليس هناك داعى للتحذيرات المفاجئة التى يطلقها غير الأطباء بين الحين والآخر ، ويكفى إرشاد الناس الى تلقى العناية الطبية تحت إشراف طبى متخصص وأمين

تم تعديل بواسطة عز الدين
رابط هذا التعليق
شارك

ربنا يجازيكم خير كلكم والله

سواء الدكاترة البشريين او الصيادلة اللى قالوا رأيهم :)

فعلا افادتونا والله

شكرا يا ماما سلوى ربنا يخليكى :happy:

رابط هذا التعليق
شارك

ما يقال عن البريمبران ( الميتوكلوبراميد ) ليس بجديد بل هو معروف من زمن بعيد . وهو لا يسبب تشنجات ولكن يسبب حركات لا إرادية وتصلبات عضلية بالذات فى الأطفال الأقل من عامين (ونادراً ماتحدث بعد هذا السن ) وتزول غالباً من تلقاء نفسها أو بعلاجات بسيطة ، ولعله من الخطأ المسارعة بإعطاء حقن الفاليوم لهذه الحالات ، فخطر الفاليوم كبير وكثيراً ما يؤدى إلى توقف التنفس .

وأما الموتيليوم ( الدومبريدون ) فهو أكثر أمناً من البريمبران من ناحية الحركات اللا إرادية ( ولكنه لا يخلو منها تماماً ) لذلك يمكن استخدامه بأمان أكثر فى الأطفال أقل من عامين ، وبعد هذا السن يمكن استخدام البريمبران أيضاً بدرجة معقولة من الأمان.

وأما حقن الكورتيجن فهى من عجائب الطب فى مصر . وقد لا تجده فى أى دولة بها رقابة طبية معتبرة ، وقد لا تجد لهذا الدواء أى ذكر فى كتب طب الأطفال المعتمدة مثل ( نلسون ) ، وكان من الأولى أن يقوم البعض بمهاجمة هذه الحقن التى تحتوى على الكورتيزون الذى هو ( بعبع العوام ) ، حيث أنه من المضحك جداً أن تجد غير المتخصصين يصيبهم الهلع عندماً يذكر إسم الكورتيزون وتجدهم يحذرون بعضهم بشدة من استخدامه ، بينما هو دواء عظيم إذا استخدم تحت الإشراف الطبى الواعى .

وخلاصة الأمر أن جميع الأدوية المعروفة تنطوى على مخاطر يعرفها المتخصصون ، وأى دواء مهما كان بسيطاً يمكن أن يتسبب فى حدوث حساسية مفرطة قد تؤدى إلى الوفاة . وحتى التطعيمات نحن نعرف جيداً أنها قد تسبب وفاة بعض الأطفال ولكننا نستخمها لأن خيرها يفوق شرها بمراااااااااااااحل ..

لذلك فليس هناك داعى للتحذيرات المفاجئة التى يطلقها غير الأطباء بين الحين والآخر ، ويكفى إرشاد الناس الى تلقى العناية الطبية تحت إشراف طبى متخصص وأمين

كلامك يدل على أنك راجل فاهم بصرف النظر عن وظيفتك

خصوصا الكلام عن الكورتيجين و هو دواء تم تصنيعه على أساس الفهلوة أكثر من العلم

و أحب أن أضيف لجميع الإخوة

أى دواء ينطوى إستعماله على مخاطر حدوث أثار جانبيه

و هناك أدويه شهيرة جدا قد تكون مستعمله ببيوت كثيرة لو ذكرت أثارها الجانبية المحتملة هنا قد تسبب الرعب للناس

و الوصف الصحيح للدواء هو الذى يراعى ما يسمى فى الطب بال Risk/Benefit ratio و أيضا ال Cost/Benefit ratio خصوصا فى دولة مثل مصر.

و إلى الأخ الصيدلى بحار الغربة الذى قال أن الإسبرين ممنوع بصفة مطلقة قبل 12 عام أطلب منه الدليل على ذلك بصفته رجل علمى.

تم تعديل بواسطة tantrum
رابط هذا التعليق
شارك

اسف ياجماعة على التأخير كنت خارج دولة الرياض العظمى وراجع وكل حقد على محمد العنبى واخونه الجداويين :)

نرجع للبريمبران (ميتكلوبراميد ) والاسبرين (اسيتيل سالسيليك اسيد )

الاخوان صراحة ماجصروا وانا اأيدهم فى معظم ماقيل وكنت كتبت مداخلة فى الاول بالموبيل تحمل نفس المعنى ولكنها مسحت ,

المهم بأختصار

البريمبران معروف عنه وجميع من درس فارماكولوجى يعرف ان له اثار جانبية مؤقته على CNS وتظهر فى الجرعات العالية على هيئة tardive dyskinesia

هو امن فى الجرعات الصغيرة وتحت اشراف طبى بينما تظهر اعراض فى صورة ارق .قلق ,ارهاق ,تشنجات عضلية وبالذات للوجه فى حالة الجرعات السامة

انا شخصيا لا استخدم البريمبران من 10 سنوات ولا اوصفة لأى مريض واوصف بدلا منه دومبيردون (موتيليوم -دومبى ) وان كان الدومبيردون له بعض الاثار ايضا فى الجرعات العاليه او الاستخدام لفترة طويلة ,

خلاصة القول , لا تستخدم البرمبيران من نفسك وفى الحالات البسيطة يمكن استبداله بموتيليوم

الاسبرين وخصوصا اسبرين 81 مملج او 100 او مايعرف بأسبرين الاطفال

الاسبرين عامة بيطلقو عليه ماجيك درج او الدواء الساحر او العجيب لأنه ببساطة بيعالج الكثير من الامراض كما اشرط فى موضوع سابق

فهو عامة (مسكن للألم ,خافض للحرارة , مضاد للألتهاب , مضاد للتجلط , بيقلل سرعة الترسيب فى مرضى الحمى الروماتيزمية )

الاسبرين بجرعة 325 بيستخدم للكبار فقط كمسكن وخافض للحرارة ومضاد للألتهاب

ولكنه يستخدم بحظر لمرضى المعدة والقولون والاشخاص اللى بيعانو من امراض الدم والمصابين بالفيروسات

اسبرين الاطفال هام جدا وحيوى للأطفال اللى عندهم سرعة فى معدل الترسيب (الحمى الروماتيزمية ) ويوصف فقط من قبل الطبيب

ايضا بيستخدم بهذا التركيز فى مرضى الضغط والقلب والذين معرضون للجلطات (تحت استشارة طبية فقط )

بينما لو الاستخدم الشخص المسن الجرعات الكبيرة ممكن ان تؤدى الى نتائج عكسية

ايضا محظور على مرضى النقرس استخدام الجرعات الصغيرة من الاسبرين

خلاصة القول فى الاسبرين

انه علاج فعال وله فوائد عديدة لا غنى عنها وله اثار جانبية ايضا والفيصل فى الموضوع هو الطبيب لأنه ادرى بتقييم الحالة كما وضح الاخوان فى المداخلات السابقة

دومتم بخير وبصحة وعافية

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...