اذهب إلى المحتوى
محاورات المصريين

أيه أحلى مطعم في وجهة نظرك ، وأحلى أكله أكلتها فيه ؟


الغريب
 مشاركة

Recommended Posts

هنا في الرياض

ستيك هاوس ... كان زمان ما فيش غير فرع واحد في تلاتين العُليا .. دلوقت بقى في فرع في شارع الأحسا .. والتالت في غرناطه مول في الدايري الشرقي .

أسماك النافورة ... واوووووووووووووووووووووووووووووووووووووو .... المطعم الوحيد اللي أتمنيت يبقى عندي معدتين .... واحده للمين كورس .. والتانية للحلويات ... سي فود واوبن بوفيه وضرب نار للصباح الباكر ... له فروع كتيره بس أقرب فرع لي في الملك عبد العزيز ... وسعره محترم قوي بالنسبة لكمية الأكل اللي بتاكلها ... أنا عن نفسي بأدفع 115 ريال للفرد ... وباكل جنبري - مش جمبري - :closedeyes: وأستاكوزا وكافيار وسيمون فيميه بحوالي 1227 ريال

مطعم " فخار " التركي في مجمع المطاعم اللي في التخصصي جنب جاد وأمونه والناس اللي هناك دي

ما حدش يضحك بقى ... " البيك " في جده والمدينة ومكه .... هاموت وأعرف سر خلطة الفراخ دي .. والسعر المضروب ده ( مش عارف بأفتكر موديست كل ما تيجي سيرة البيك ليه ؟ )

مطعم السي فود في فندق ماريوت ... بأنشن على اليوم اللي فيه سي فود وبأروح أمثل فيلم " عاد لينتقم "

المشويات عند مطاعم " جاد " حلوه برضوا وخصوصاً الطرب ... بس بقيت ما استحملش الدهون والحاجات دي.. فبادوس ريش أو كباب

-----------------------------

في مصر

البرج اللي في شارع الطيران للسي فود ...

فرحات ... اللي في الحسين .. بصراحه الحمام المحشي مقدد وما عجبنيش غير المج المليان شوربة وتحس إنك بتشرب فودكا - قال دوقت الفودكا يعني عشان أعرف طعمها -

وسبق أن نوهت عن " شلبي " بتاع الحواوشي اللي في الزنقة المتفرعه من شارع 26 يوليو بعد المحكمة عاليمين كده

تشيلز حلو برضوا ... وفرايديز ...

الشبراوي للفول والطعميه ... وعشان كل قرد دلوقت بقى يسمى نفسه شبراوي .. فغير أسم الفروع الجديدة بتاعته وسماها " أرابياتا " في واحد فتح في العبور عندنا جنب كارفور ...

رابط هذا التعليق
شارك

على فكرة انا لاجئة فى التوبيك ده ...انا جبت شنطة هدومى ..وقاعدة على الباب .

في مصر

البرج اللي في شارع الطيران للسي فود ...

احييك ...اختيار موفق ...بس الفرع بتاع بور سعيد لا يعلى عليه

وسبق أن نوهت عن " شلبي " بتاع الحواوشي اللي في الزنقة المتفرعه من شارع 26 يوليو بعد المحكمة عاليمين كده

شلبى ...ده اكل ولا مرسحية العيال كبرت ... :closedeyes:

تشيلز حلو برضوا ... وفرايديز ...

..لا ناس ذوق ذوق ذوق الصراحة... wst::

الشبراوي للفول والطعميه ... وعشان كل قرد دلوقت بقى يسمى نفسه شبراوي .. فغير أسم الفروع الجديدة بتاعته وسماها " أرابياتا " في واحد فتح في العبور عندنا جنب كارفور ...

من تشيلز لفرايدايز ...لشبراوى ...موش شايف كده المعدة ممكن تتقلب...لا بس انا بحب الشبراوى موش ارابياتا ..على فكرة فى فرع بتاع ارابياتا ..كمان فى الرحاب فى منطقة الفود كورت :lol:

...تقبل منى تحياتى على اصحاب الذوق الرفيع

تم تعديل بواسطة shiko
رابط هذا التعليق
شارك

فى اسكندرية طبعا قرية عبد الوهاب للمشويات بصراحة احسن من حسنى و بلبع بكتيير

و احسن حاجة باكلها هناك المشويات طبعا

اما خارج مصر مطاعم الفاست فود فى ماليزيا جربتها بصراحة احسن و اطعم من السعودية و مصر بمراحل زى كنتاكى و بيتزا هت و ماكدونالدز

فى السعودية بقى مطعم صينى فى الرياض اسمه بوابة قصر الجزيرة الاكل اللى فيه صينى طبعا :closedeyes:

فين قرية عبد الوهاب دى 00 علشان اجربو فى العيد

كل سنة النتم طيبين

رابط هذا التعليق
شارك

في أقصى الشمال الغربي من فرنسا

منطقة قريبة من نورماندي

تجد هناك مطاعم البحريات .. وهي مناطق شبه قروية ..

إلا أن المطاعم هناك تقدم أنواعاً من المأكولات البحرية والتي أتت من المحيط الأطلسي ..

تلك المطاعم هي أفضل مكان أكلت فيه حتى الآن

رابط هذا التعليق
شارك

موضوع يجوع رغم اني لسه متغديه والله

في اسكندرية مدقتش احلى من كبدة هوهو اللي هو في وش باب كليه السياحة في المجمع النظري شارع سوتر

بجد يجنن .. لغاية دلوقتي انا وجوزي بنروح ناكل من عنده واحنا كبار وعاقلين كده بس مش بناخد البنت معانا

احنا الله يعوض علينا خلاص ادمنا كبدة القطط وبقينا ننونو ( مشيها قطط وننونو ) واللي كان كان لكن البنت لسه المستقبل قدامها

البيتزا من عند واحد اسمه دهب في وش بوابه نادي اسبورتج على الترام .. اللي بالجمبري فظيييييييييييعة

الكشري من عند الطيب اللي في محطة الرمل

المشويات بلبع لا يعلى عليه بس السي فوود من عنده بجد حاجة وهم

سربنا البنت عند جدتها لأنها بتلغوص وتحوس نفسها ومش بتاكل ورحت انا وجوزي يامعلم

بجد بعد ماخلصنا قعدنا مايقرب من تلت ساعة مش قادرين نتنفس ولا شاي بالنعناع نافع ولا حاجة ساقعة بتحوق

ده جوزي حالف ينزل من المطار عليه بس محتارين نسيب الشنط فين .. يتهيألكم ممكن التاكسي يرضى يستنانا بالشنط ونبقى نحدفله جمبريتين وحتتين سبيط ؟

اما في الرياض العزيزة للاسف الاكل كتير جدا بس الطعم مفيييييييييييش

الحاجة الوحيدة اللي عجبتني جدا ويكاد يكون بيجيلي اغماءة بعدها من حلاوتها

الايس كريم من عند قرية المنجا .. الصنف اسمه لبناني .. شيء عجيب كده فيه فاكهة ومانجه هبابير وايس كريم ومكسرات وعسل نحل .. والسعر وااااااااااقع .. الصغير ب 6 ريال وباكله واقول سمعني سلام ودع اهلك .. الاحجام الاكبر للناس المعلمين الكبار اللي عندهم موهبة المعدة الاسترتش زي جوزي ربنا يديه الصحة

والجميل ان بنتي بتنزل فيه بدماغها رغم انها في العادي عدوه الفاكهة وبتاكله وتناااااااااام كأن فيه بنج .. عشان كده بنتعشى عنده مرتين في الاسبوع .. ويبقى يوم اغبر مش معدي لو البرنسيسة جالها كيفها بعد 11 بالليل .. والله مابتصدق انه قفل وبتنام معيطة وبتنكد على اللي خلفونا

هو في مكان ما في التخصصي .. هاجبلكم الوصفة بالضبط من جوزي

كفايه كده بأه .. افتكرت اسكندرية والمواجع بتعل عليا

تم تعديل بواسطة ام نور محمود
رابط هذا التعليق
شارك

هنا في الرياض

ستيك هاوس ... كان زمان ما فيش غير فرع واحد في تلاتين العُليا .. دلوقت بقى في فرع في شارع الأحسا .. والتالت في غرناطه مول في الدايري الشرقي .

أسماك النافورة ... واوووووووووووووووووووووووووووووووووووووو .... المطعم الوحيد اللي أتمنيت يبقى عندي معدتين .... واحده للمين كورس .. والتانية للحلويات ... سي فود واوبن بوفيه وضرب نار للصباح الباكر ... له فروع كتيره بس أقرب فرع لي في الملك عبد العزيز ... وسعره محترم قوي بالنسبة لكمية الأكل اللي بتاكلها ... أنا عن نفسي بأدفع 115 ريال للفرد ... وباكل جنبري - مش جمبري - :closedeyes: وأستاكوزا وكافيار وسيمون فيميه بحوالي 1227 ريال

مطعم " فخار " التركي في مجمع المطاعم اللي في التخصصي جنب جاد وأمونه والناس اللي هناك دي

ما حدش يضحك بقى ... " البيك " في جده والمدينة ومكه .... هاموت وأعرف سر خلطة الفراخ دي .. والسعر المضروب ده ( مش عارف بأفتكر موديست كل ما تيجي سيرة البيك ليه ؟ )

مطعم السي فود في فندق ماريوت ... بأنشن على اليوم اللي فيه سي فود وبأروح أمثل فيلم " عاد لينتقم "

المشويات عند مطاعم " جاد " حلوه برضوا وخصوصاً الطرب ... بس بقيت ما استحملش الدهون والحاجات دي.. فبادوس ريش أو كباب

-----------------------------

في مصر

البرج اللي في شارع الطيران للسي فود ...

فرحات ... اللي في الحسين .. بصراحه الحمام المحشي مقدد وما عجبنيش غير المج المليان شوربة وتحس إنك بتشرب فودكا - قال دوقت الفودكا يعني عشان أعرف طعمها -

وسبق أن نوهت عن " شلبي " بتاع الحواوشي اللي في الزنقة المتفرعه من شارع 26 يوليو بعد المحكمة عاليمين كده

تشيلز حلو برضوا ... وفرايديز ...

الشبراوي للفول والطعميه ... وعشان كل قرد دلوقت بقى يسمى نفسه شبراوي .. فغير أسم الفروع الجديدة بتاعته وسماها " أرابياتا " في واحد فتح في العبور عندنا جنب كارفور ...

تسلم اختيارتك ياابوالاسيان

امبارح كنت فى النافورة مطعمى المفضل بس الفرع اللى عند بداية العروبة مع الملك عبدالعزيز ,

عايز اقولك على مطعم مالوش حل فى الملك عبدالله اسمه دارين بيعمل شوربة اسمها توميم سوب هتشربها من هنا وعمرك ماهتنساها ابدا هى شوربه تايلندى حارة بحريات

مطعم السى فوود اللى فى الماريوت جيد بردة

فرايدز بيعملو مكرونة فوتيتشينى رائعة

مطعم فندق ويستن بجدة بيعملو بحريات مالهاش حل

فيه مطعم فى رمسيس بالقرب من الجمعيه الشرعية بيعمل اكثر من 12 نوع من الفول بس رهيب وناسى اسمه !

رابط هذا التعليق
شارك

أنا ما عنديش خبره قوي بالمطاعم في مصر لأني بصراحه بقلق شويه منها بس أخر أجازه رحت و كنا في رمضان و طلعنا إتسحرنا عند الجحش و بعدين كملنا السهره في الحسين و هناك مطعم ألبان بس روعه أسمه ( المالكي ) علي ساحة المجد مباشرةً بس تاكل عنده رز بلبن أو بليله أو أم علي بس حاجه سلطنه بصراحه .

أما عن الكويت فهناك مطعم بيتزا أسمه ببيز و ده غير بابيز اللي هوه جزء من ليتل سيزر بس طبعاً شتان الفرق و ببيز موجود جنب فندق الهوليدي إن في السالميه علي البحر مقابل شوبيز القديم . بس بصراحه البيتزا عنده شيء مختلف تماماً عن بيتزا هت و غيره من مطاعم البيتزا و المطعم نفسه شاعري جداً و علي طول بتعشي فيه كل عيد جواز .

أما المطعم اللي أنا معجب بيه جداً و هو يشابه البيك في السعودية من حيث الإقبال و السعر أيضاً لكن هو مطعم كباب ايراني بس جامد جداً و أسمه ( كباب الحجه) و هو في بنيد القار علي طريق الفحاحيل و أنا أعرفه من حوالي 14 سنه و الجميل فيه أنه نفس المستوي بدون تغيير .

إعجابي بالمطعم ده لأنه مطعم نضيف جداً جداً .... يكفي أن اللحمه بتتشفي قدام عينك و بيستبعدوا منها الدهن و الجلد و غيره و بعده بتتفرم قدام عينك و تتحط علي السيخ و تتشوي قدام عينك ... حتي الخبز يتم عجنه و خبزه قدام عينك و حتي غسيل الأسياخ يتم غسلها بمكينه خاصه و تجفيفها و رصها برضه قدام عينك .... و كل معداته من الإستانلس استيل .

و أنا من اعجابي بالمطعم ده و نضافته فكرت أعمله موضوع بالصور و أنزله علي المحاورات و بنصح كل المصريين بالكويت بتجربته .

رابط هذا التعليق
شارك

والله فيه واحد بتاع كبدة بيقف عند حلوانى العبد كده من جوا فى شارع طلعت حرب

اتشجعت السنة اللى فاتت واكلت العيال من عنده خلصوا وقالوا عاوزين تانى وفى كشك جمبه تجيب منه بيبسى عشان تبلع بيه

الكبدة عنده طعمها تووووووووحفةةةةةة.......مش ممكن اموت واعرف بيعملها اذاى!!!!!!!

عليه ضرب نااار وكله بياخد فى حجره على راى عادل امام

انا كنت خايفة لا يجيلهم نزلة معوية بس ولا جرالهم حاجة وروحنا البيت قعدوا يعيطوا لما جاعوا وقالولى ماجبتيش تانى معاكى ليه :roseop:

ياواد ياجامد

جيتى ع الجرح.....انك لمتمكن....الراجل ده ظيع ويا سلام لما نقعد على ترابيزة جنبه ونشم بس ؟؟؟؟ظ

هههههههههههههه

رابط هذا التعليق
شارك

السلام عليكم و رحمة الله و بركاته

ايه ده يا جماعة حرااااااااااااااااااام

يعني انا قاعدة ماسكة بسككوت بتاع ريجيم كده حاسة اني احسن لي اعضعض في رجل الكورسي احسن..... و اذ فجأتن تهب عليا روايح شمالية غربية جمبرية....مشوية

لا حرااااااااااام

ارحموا الضعفااااااااااااااااء

طب ممكن تكتبوا بالحبر السري.....انا عارفة نفسي انا هنام و اقوم هنا.....

فوتكم بصينية رقاق....بمرقة بط......و عليها بطة مالوظة كده في النص.......و معاهم حبة ملوخية.....(بس مش اللي قعدنا نقرطف فيها عند توبيك فتفوتة... :roseop: )

آه يا قلبي

رابط هذا التعليق
شارك

أما المطعم اللي أنا معجب بيه جداً و هو يشابه البيك في السعودية من حيث الإقبال و السعر أيضاً لكن هو مطعم كباب ايراني بس جامد جداً و أسمه ( كباب الحجه) و هو في بنيد القار علي طريق الفحاحيل و أنا أعرفه من حوالي 14 سنه و الجميل فيه أنه نفس المستوي بدون تغيير .

إعجابي بالمطعم ده لأنه مطعم نضيف جداً جداً .... يكفي أن اللحمه بتتشفي قدام عينك و بيستبعدوا منها الدهن و الجلد و غيره و بعده بتتفرم قدام عينك و تتحط علي السيخ و تتشوي قدام عينك ... حتي الخبز يتم عجنه و خبزه قدام عينك و حتي غسيل الأسياخ يتم غسلها بمكينه خاصه و تجفيفها و رصها برضه قدام عينك .... و كل معداته من الإستانلس استيل .

و أنا من اعجابي بالمطعم ده و نضافته فكرت أعمله موضوع بالصور و أنزله علي المحاورات و بنصح كل المصريين بالكويت بتجربته .

حبيب قلبي ياغالي

طبعا مطعم كباب الحجة في بنيد القار هو أصل الكباب العراقي بالكويت

بس نصيحة مني علشان تتظبط هناك حاول وأنت بتملي أسمك على الأوردر تقولهم أسمك علي ولا حسين ههههههههه أظن فهمتني :roseop:

رابط هذا التعليق
شارك

مين ينسى اخر ساعة مش ساندويتشات

المطعم نفسه وسرفيسه وخدمته....تحس انه مش فول وطعمية

حاجة تحفة ...والخدمة والعيش والمخلل...وطواجن امسقعة باللحمة المفرومة....الفول بالصلصة.....الطعمية الجبارة...الفول باللحمة المفرومة

مشششششششششششششششششكلة

وارجو اغلاق الموضوع عشان معدتى مش مستحملة التعذيب ده

رابط هذا التعليق
شارك

بيعمل شوربة اسمها توميم سوب هتشربها من هنا وعمرك ماهتنساها ابدا هى شوربه تايلندى حارة بحريات

يا دكتور أنا من كُتر شُرب التوميم سوب بقيت أتكلم صيني لبلب

حتى شوف

هون شونج بونج كونج

في مطعم بقى بنروحه انا والعيال المقاطيع صحابي لما يكون السلك ضاربنا ... بس ظريف والله وأبن حلال ... أسمه " بكين " جنب المستشفى العسكري ... الوجبة بـ 40 ريال ... بس عليه شوية توميم بيسمعوا في النافوخ على شوية جمبري على مخلل مسكر .. آه والله المخلل الصيني مسكر على رز بالخلطة على جركات تاني كده

ولا أنسى مطعم عرفني عليه صديقي أسد في شارع الضباب أمام توكيل " بورش " أسمه ( فاهيتا ) مكسيكي هو لكن بيعمل شوية ستيك فاهيتا وشوربات وسلطات ... واووووووووووو

-------------------

نقطة نظام

شوية غلاسة اشرافية بقى

1- الناس اللي بتعمل ريجين .. يا ريت ييسبونا نلغوص براحتنا ويكتفوا بالفرجه او .... الشم

2- بلاش تجيبوا سيرة الأكلات المجعلصه زي لحمة الراس وكبدة هو هو والممبار والكلام ده بالمفتشر كده ... ونستعيض عنها بمصطلح " اللي بالي بالك "

أصل بيتهيألي في ناس معانا هنا لو قرت الأسم بس ممكن يجيلها تسمم عاطفي ..... واخده بالك يا لولا :roseop:

وسيبونا بقى نرمرم ونشوف نفسنا

رابط هذا التعليق
شارك

اما في جدة بقي ... فيه مطعم جميل جدا ... لو جربتوه اكيد هتدعولي

مطعك اسمه جوديز .. ده مطعم لبناني بس اجمل حاجة عجبتني فيه السي فود

طبعا مع كل انواع المشويات الللبناني

مكانه في استارز أفينيو مول تقاطع شارع صاري مع الملك .... أو كورال مول بالتحلية

بالهنا والشفا

تعرف من اول ما ابتديت اقرا بالتوبيك وانا عاوز افتكر اسم المطعم اللبناني دا ، وقلت فعلاً حرام حرام حرام انه ما يتقالش اسمه في الموضوع وكويس اللي فكرتني فيه ..

تعجبني بالمطعم دا المشويات بالكمأة .. لعلمك سمعت ان الامراء يتناولون عشائهم فيه دائماً .. وانه متعاقد مع بعض قصورهم ..

مطعم راااااااااااائع بمعنى الكلمة ..

واللي يحبوا الحلويات انصحهم بايسكريم الكوكيز من فرايديز ... تحففففة ...

اما في مصر .. من ساعة ما اجي حتى اروح ما افارق مطعم فرحات ..

وبالاسكندرية مدمن مطعم سي جل للمأكولات البحرية .. ااااااااااه بس .. يا ويلي ويلاه ..

رابط هذا التعليق
شارك

- بلاش تجيبوا سيرة الأكلات المجعلصه زي لحمة الراس وكبدة هو هو والممبار والكلام ده بالمفتشر كده ... ونستعيض عنها بمصطلح " اللي بالي بالك "

أصل بيتهيألي في ناس معانا هنا لو قرت الأسم بس ممكن يجيلها تسمم عاطفي ..... واخده بالك يا لولا :blink:

وسيبونا بقى نرمرم ونشوف نفسنا

أنا كنت لسه هسأل الناس محدش كتب عن مسمط ليه لحد دلوقتي وكويس أنك وضحتلي أن الناس لسه عندها رهبة ، لأ يا جماعة أدخل بصدرك وشمر إيدك وقول براحتك وأخونا بتوع الدايت يبتعدو قليلا ..

على فكرة أنا في أول مشاركة قولت عن المسمط المفضل ليا وهو "الركيب" بالدقي .. يعيني على شوربة كوارع مووزة من عنده بس متنساش توصيه على السلاكة علشان الماسورة

اما في مصر .. من ساعة ما اجي حتى اروح ما افارق مطعم فرحات ..

فرحات (بالحسين) .. أصل الحمام المحشي في مصر يأستاذ

رابط هذا التعليق
شارك

إيه ده يا مصريييييت ( على رأي اللمبي)

الأكل فعلاً له ناسه .... وأنا أقدر البني آدم الأكيل.....خد عندك بقى:

أولاً القاهره :

- الحمام ما يتاكلش إلا عند فرحات اللي في الميرلاند ( الحمامه عدم اللامؤاخذه زي القنبله اليدويه ترميها في جوف حضرتك بكامل مكوناتها).

- فرايديز و أحلى ريب أي مشوي مع البروكلي و شوية الدره الأصفر.

- طعميه وفول وبيض و خلافه : الشبراوي - جاد - آخر ساعه (بتاع الأتوستراد اللي قبل شارع النزهه) ويا سلام على سندوتش ديناميت من عنده.

- الدهان في الحسين (اللي في شارع الصاغه) شوية مشااوي و طرب ونيفه على مزاجك

- تطلع من عنده على المالكي بتاع الألبان و تضرب طبق رز بلبن بالقشطه و المكسرات و سمعني سلام "بأودعك"

- كوك دور و بونا ابيتي ...و احلى سندويتشات فراخ.

- أبو شقره الميرغني و أجمل طبق مشاوي في العصر الحديث.

ثانياً إسكندرية:

- قدورة اللي عالبحر (مش القديم) و أحلى سمك دينيس مقلي مع واحدة وقار سنجاري و طاجن جمبري ماركة " ارحمني الله يكرمك"

- مطعم سي جل في المكس و سمك موسى على واحدة استاكوزا و الحلو جمبري.

- مشاوي أبو شعره ( رحته مره واحده متهيألي مكانه قرب أبو العباس ) بس مشاوي ضرب نار يفضي إلى النطق بالشهادتين.

- أوبن بوفيه في هيلتون جرين بلازا ..يا جمالو

- حلواني صابر بكل فروعه وطبق الرز بلبن أبو 9 جنيه

- ايس كريم بوسي اللي عالكورنيش في ميامي

- خروب أمال في شارع صفيه زغلول ( وفيه واحد تاني بتاع خروب برضه عند كلية الطب بس مش فاكر اسمه)

ثالثاً دبي - الامارات العربيه المتحدة:

- ribs and rumbs ده في دبي مول ...مطعم جنوب إفريقي و بيقدم قطعية ريب آي من اللي وصى عليها داوود الأنطاكي في التذكرة .... يا جماعه خبراء اللحوم يقوللك إن أحلى قطعيات لحم من اللي جايه من مكانين جنوب أفريقيا و نيوزيلاندا (علشان المراعي طبيعية).

- مطعم Urbano في سوق البحار تحت برج خليفة ( برج دبي سابقاً) و على النافورة الراقصه مباشرة مع قطعية لحمة وزنها نص كيلو تخليك عاوز ترمي نفسك في النافوره.

- Jimmys بيقدملك أنجر جمبري مالوش حل ( في أب تاون مردف)

- أوبن بوفيه في هيلتون رأس الخيمه ..... حيث الطعم و البحر و الوجه الحسن

- فرايديز شارع الشيخ زايد- كراون بلازا

يا جماعه باختصار- بعد ما طولت عليكم - أن بأعشق الأكل و بأقدر قوي الناس اللي بتفهم فيه ( الأخت لماضه و صينية الرقاق و البط .... خليتي ريقي يجري من ساعة ما قريت لحد دلوقتي )

رابط هذا التعليق
شارك

فيه مطعم في الزمالك مش فاكر اسمه ايه wst::

بس قريب من برج أم كلثوم

روحت عنده مش افكر امتى :)

بس ييجي من حوالي 15 سنة

عنده مكرونة مش فاكر اسمها ايه wst::

بس اسمها بالايطالي

بس كانت لذيذه جدا

بس مالقيتش حد يعزمني هناك تاني :blink:

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

  • المتواجدون الآن   0 أعضاء متواجدين الان

    • لايوجد أعضاء مسجلون يتصفحون هذه الصفحة

×
×
  • أضف...