اذهب إلى المحتوى
محاورات المصريين

أيه أحلى مطعم في وجهة نظرك ، وأحلى أكله أكلتها فيه ؟


الغريب

Recommended Posts

سؤال بسيط

مطعم كان جميل ..

وأكلة فيه كانت جميلة ..

داخل مصر ، أو خارج مصر ..

أبدأ بنفسي

داخل مصر : أحلى مطعم مسمط الركيب بالدقي ، وأحلى أكلة فيه كانت شوربة الكوارع :lol: :lol:

خارج مصر : أحلى مطعم كان فيش ماركت -الكويت- ، وأحلى أكلة فيه شوربة السي فود مع سلطة الجمبري البارده مع سمك زبيدي كويتي

آآآآآآآآآآآآآآآآآه يا قلبيييييييييييييييي :roseop: :blink:

ehm448.gif

رابط هذا التعليق
شارك

سى هورس على النيل فى المعادى شوربه سى فود

دار القمر عالنيل برده فته لبنانى

طبعاااااااااا ابوشقره

فى الكويت : قيصر وتاكل عنده ستيك سيزر بالذات خرااااافه

برج الحمام اللى عالخليج 000المأكولات البحريه هناك ممتازه " عشقى انا "

هاقوم اكمل الغدا بقى لحسن جوعتنى ياغريب

294043709.gif
رابط هذا التعليق
شارك

برج الحمام اللى عالخليج 000المأكولات البحريه هناك ممتازه " عشقى انا "

عفوا سيدتي

فالمشويات في برج الحمام لها مذاااق آآآآآخر

ehm448.gif

رابط هذا التعليق
شارك

مطعم مشهور فى جامعة عين شمس بيعمل سندويش كبده اسكندرانى يا اوحى عليه

و ابو رامى فى الموقف بس ندظف ذياده عن اللزوم بصراحه و بعدين السندوتش بقى فعلا فيه كبده

و الله انا ما بهزر دول فعلا احلى ماكنين كلت فيهم فى مصر و مش عايزه انسى الشبراوى عشان الفول و الطعميه بس الكبده تكسب

I shall be telling this with a sigh

Somewhere ages and ages hence:

Two roads diverged in a wood, and I—

I took the one less traveled by,

And that has made all the difference

رابط هذا التعليق
شارك

هنا في السعوديه بحب الاكل الهندي جدا زي مطاعم تندوري ومهراني

لكن للاسف ماببقاش عارف الانواع اللي باكلها ايه غير انها لحوم او دجاج او اسماك لكن اسامي لا

في مصر فعلا اكتر اكله بحبها وبعد الايام عشان الاجازه تيجي

فول وطعميه من عند الجحش في السيده زينب

بحس اني هاعيط كل مافتكره

:roseop:

رابط هذا التعليق
شارك

افضل ما اكلت في القاهرة...

مطعم ابو رامي ايلي عند سور مجري العيون او السلخانة

مشاوي وكانت افضلهم علي الاطلاق الموزة الضاني..

رابط هذا التعليق
شارك

والله فيه واحد بتاع كبدة بيقف عند حلوانى العبد كده من جوا فى شارع طلعت حرب

اتشجعت السنة اللى فاتت واكلت العيال من عنده خلصوا وقالوا عاوزين تانى وفى كشك جمبه تجيب منه بيبسى عشان تبلع بيه

الكبدة عنده طعمها تووووووووحفةةةةةة.......مش ممكن اموت واعرف بيعملها اذاى!!!!!!!

عليه ضرب نااار وكله بياخد فى حجره على راى عادل امام

انا كنت خايفة لا يجيلهم نزلة معوية بس ولا جرالهم حاجة وروحنا البيت قعدوا يعيطوا لما جاعوا وقالولى ماجبتيش تانى معاكى ليه :roseop:

رابط هذا التعليق
شارك

كان ليا موضوع قديم بيتكلم ذو صله :

http://www.egyptiantalks.org/invb/?showtopic=20614

تم تعديل بواسطة Tafshan

الماتش متباع

رابط هذا التعليق
شارك

والله فيه واحد بتاع كبدة بيقف عند حلوانى العبد كده من جوا فى شارع طلعت حرب

اتشجعت السنة اللى فاتت واكلت العيال من عنده خلصوا وقالوا عاوزين تانى وفى كشك جمبه تجيب منه بيبسى عشان تبلع بيه

الكبدة عنده طعمها تووووووووحفةةةةةة.......مش ممكن اموت واعرف بيعملها اذاى!!!!!!!

عليه ضرب نااار وكله بياخد فى حجره على راى عادل امام

انا كنت خايفة لا يجيلهم نزلة معوية بس ولا جرالهم حاجة وروحنا البيت قعدوا يعيطوا لما جاعوا وقالولى ماجبتيش تانى معاكى ليه :roseop:

شوفي يأخت 'fatfouta' في وسط البلد مفيش كبدة تحفة غير في مطعم "على بركة الله" في رمسيس وده بعيد عن الوصف

تاني مكان تحفة ومتهيألي أنك تقصديه هو نصبة الكبدة بتاعت عضو مجلس الشعب السابق رجب هلال حميدة وهو تقريبا في نفس المكان اللي بتوصفيه

بالهنا والشفا فعلا الكبدة في مصر حاجة تانية

ehm448.gif

رابط هذا التعليق
شارك

فول وطعميه من عند الجحش في السيده زينب

بحس اني هاعيط كل مافتكره

الجحش من احب المطاعم لقلبي و خصوصا الفول بالسمنه البلدي

يليه الاوبن بوفيه بتاع فندق بلاتزا في مانهاتن نيويورك

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

لالالا معلش مفيش احسن من بلبع فى اسكندرية

لما اروح اسكنرية كل يوم عندة

الريش الضانى والكباب والكفتة والفراخ المشوية لا قبلها ولا بعدها ولا برام الرز بالحمة ياااااااااااا بوووووووووووووى

بس بأ علشان جعت

[وسط][/وسط]2ah7ju81.gif

رابط هذا التعليق
شارك

ايون كده ....هى دى المواضيع ولا بلاش...021.gif

احلى مطعم يا بت ياشيكو ...احلى مطعم ..؟؟؟

ايون ..افتكرت هى دى حاجة تتنسى ...

فارس......"شرم الشيخ" ......(شوربة سى فوود---كابوريا مشوية)e4d45e8741dffda94dc44ab4a5dbed9d.gif

البرج ...7e1cc57dd09a50d64c70305d21ed9161.gif.."بورسعيد".........(مكرونة بالوايت صوص والجمبرى--وقارمشوى على الفحم--جمبرى مشوى)...انا حاسة انى هايجيلى هارت اتاك كل ما افتكر

تشيليز.....66377bc48d61be029c46ee62a205c52d.gif."المعادى"..........(ستيك راب اى--شوربة الكريمة--بطاطس بوريه--فرايد موتزريلا--تشيلى كوكا ) ياعينى..والله انا حاسة انى حافظة المنيو ...موش فاهمة ...024.gif

بس بصراحة انا ريقى جرى وهاااااموووووووووت من الجوع...e976345d73ee54b6941cdd3e6ffc6658.gif

================================

على جنب ياسلام لو سندوتش طعمية بالشطة فى عيش فينو الساعة 1بالليل ..على الكورنيش والدنيا ساقعة ..ياسلااام

18344710.jpg

رابط هذا التعليق
شارك

والله فيه واحد بتاع كبدة بيقف عند حلوانى العبد كده من جوا فى شارع طلعت حرب

اتشجعت السنة اللى فاتت واكلت العيال من عنده خلصوا وقالوا عاوزين تانى وفى كشك جمبه تجيب منه بيبسى عشان تبلع بيه

الكبدة عنده طعمها تووووووووحفةةةةةة.......مش ممكن اموت واعرف بيعملها اذاى!!!!!!!

عليه ضرب نااار وكله بياخد فى حجره على راى عادل امام

انا كنت خايفة لا يجيلهم نزلة معوية بس ولا جرالهم حاجة وروحنا البيت قعدوا يعيطوا لما جاعوا وقالولى ماجبتيش تانى معاكى ليه :roseop:

شوفي يأخت 'fatfouta' في وسط البلد مفيش كبدة تحفة غير في مطعم "على بركة الله" في رمسيس وده بعيد عن الوصف

تاني مكان تحفة ومتهيألي أنك تقصديه هو نصبة الكبدة بتاعت عضو مجلس الشعب السابق رجب هلال حميدة وهو تقريبا في نفس المكان اللي بتوصفيه

بالهنا والشفا فعلا الكبدة في مصر حاجة تانية

هو بعينه

صح يا الغريب يا خويا مافيش غيره

رابط هذا التعليق
شارك

فى اسكندرية طبعا قرية عبد الوهاب للمشويات بصراحة احسن من حسنى و بلبع بكتيير

و احسن حاجة باكلها هناك المشويات طبعا

اما خارج مصر مطاعم الفاست فود فى ماليزيا جربتها بصراحة احسن و اطعم من السعودية و مصر بمراحل زى كنتاكى و بيتزا هت و ماكدونالدز

فى السعودية بقى مطعم صينى فى الرياض اسمه بوابة قصر الجزيرة الاكل اللى فيه صينى طبعا :roseop:

3402924cfb.gif
رابط هذا التعليق
شارك

و انا عروسه كده صغنونه و الحياه قدامى بمبى فى بمبى و لسه ممرش على جوازى اسبوع

قام جوزى قلى تعالى هاكلك النهارده حمام

انا افتكرت ابوشقرا و لا حاجه ( لسه على نياتى )

راح معلن لى المفاجاه

قالى انسى هاكلك عند واحد عمرك ما دوقتى حمام زى الى عنده قبل كده بس المهم متستغربيش المكان لغايه ما تدوقى

انا برضه لسه طيبه و مش فاهمه قولت يعنى هيودينى فين

اتارينى مش عارفه ايه الى مستنينى

ودانى عند واحد كده و اعتذر بجد لانى مش عارفه اسمه فى باب اللوق

حاجه كده تحت السلم و يمكن مصطلح تحت السلم يكون ارقى من المكان الى انا رحته بشويه

انا شوفت المنظر قولت لا يمكن

قالى بس اصبرى على رزقك دا انتى هتلاقى جوه كل الفنانين و الوزا

اناطبعا مصدقتش

بس دخلت و فعلا لقيت ناس مشهوره جدا و الراجل عليه بالضرب و مش ملاحق

و دقت عنده فعلا الذ حمام اكلته فى حياتى

وفيه واحد تنى برضه بالضرب لكن بتاع مشويات و تلاقى عليه مشاهير طوابير بس دا بقى فى الجياره

معرفش ليه جوزى بيحب يعيش فى جو افلام المدمنين بتاعه التمانينات بس بجد الحاجات هناك ميه ميه

EjGPv-c584_381280136.jpg

ما اجمل الانوثه عندما تمتطى صهوه الحياه

رابط هذا التعليق
شارك

السلام عليكم ورحمة الله.....

أيوه يا مغتربة ..عارفة أنا المحل اللى تقصديه.. md2:

اسمه محل الجمهورية....مش حأعرف عنوانه بالظبط لكن هو فى باب اللوق وراء مكتبة الكيلانى تقريبا كده...

أنا جربته مرة..وعرفت السبب وراء جمال الحمام عنده...أنه بيتأخر جدا فى الطلبات...وبنجوع جدا لدرجة اننا ممكن نأكل الترابيزة وحتكون فى نفس جمال الحمام عنده.... :roseop: ...أفتكر انى يومها أكلت الحمامة كلها بريشها من شدة الجوع... :lol:

بالنسبة لابو رامى الكبابجى...مش عايزة أقول رائى بعد تجديداته للمحل....لكن أرشح لكم محل كباب اسمه "عوف" ..اظن فى نفس المنطقة او حواليها...منطقة اسمها زين العابدين....

بالنسبة لتشيلز ...برضه مش عايزة أقول رائى...لكن أرشح لكم "إسبيكترا"...فى المهندسين ورا مسجد مصطفى محمود"

بالنسبة للمطاعم الصينى...أرشح لكم مطعم صينى بيور.اسمه الفردوس ..يعنى أصحابه صينين مسلمين..وأكلاتهم صينى من بلادها..والخامات برضه من الصين...أصحابه بيدرسوا فى الازهر الشريف ومقيمين فى مدينة البعوث...

والمطعم نفسه فى الظاهر..مش عارفة الحقيقة فين...لكن على ناصية الشارع سوبر ماركت اولاد رجب..والشارع المقابل يودى على العباسية..(غالبا)...

المشكلة اللى حتقابلكم هناك ان المنيو مكتوبة بالصينى....وهم نفسهم بيتكلموا عربى على طريقة ترجمة جوجل كده....بس فعلا مختلف عن أى أكل صينى أكلته...

مفروض انى اقول احسن مطعم اكلت فيه؟.....

هو كان فى الخارج...وكانت مأكولات بحرية وشوربة سى فود بجوز الهند وأرز بالالاناس والكاجو..كان مطعم على البحر فى بيبى آيلند..بتايلاند...ممكن تجربوه wst::

تحياتى

:) .

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

لو سيادتكم كده ان شاء الله ناويين تزوروا المنصورة

يبقي أكيد تجربوا رمضان بتاع الكباب ( عنده حمام جميل اوي برضه ) ده ع البحر

لو نفسكوا هفتكم ع الفول والطعمية .. اكيد هتكون من عند البغل

اسكندرية يبقي لازم تاكل سمك من عند قدورة ... وفول من عند محمد أحمد

اما في جدة بقي ... فيه مطعم جميل جدا ... لو جربتوه اكيد هتدعولي

مطعك اسمه جوديز .. ده مطعم لبناني بس اجمل حاجة عجبتني فيه السي فود

طبعا مع كل انواع المشويات الللبناني

مكانه في استارز أفينيو مول تقاطع شارع صاري مع الملك .... أو كورال مول بالتحلية

بالهنا والشفا

تم تعديل بواسطة INVESTOR

العقول الكبيرة تبحث عن الأفكار ..

والعقول المتفتحة تناقش الأحداث ...

والعقول الصغيرة تتطفل علي شؤون الناس ....

رابط هذا التعليق
شارك

مفروض انى اقول احسن مطعم اكلت فيه؟.....

هو كان فى الخارج...وكانت مأكولات بحرية وشوربة سى فود بجوز الهند وأرز بالالاناس والكاجو..كان مطعم على البحر فى بيبى آيلند..بتايلاند...ممكن تجربوه wst::

لا تصدقى الوصفة دى اسهل وصفة اتكتبت فى الموضوع

عادى طبعا ممكن نجربها :lol:

ايه التعقيد ده اعمل فى نفسى ايه انا يا ناس......... انا داخلة اقول بتاع الكبدة وفولانة تقولى تايلاند :closedeyes:

رابط هذا التعليق
شارك

السلام عليكم ورحمة الله.....

...لكن أرشح لكم "إسبيكترا"...فى المهندسين ورا مسجد مصطفى محمود" .

تحفة بجد..انا بحبه جدا...هو كمان ليه فرع فى المعادى جنب روسترى...بجد بجد تحفة

18344710.jpg

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...