اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×
Scorpion

أخي المسلم صباح الخير

Recommended Posts

الصوم الكبير

نيجى بقى لسؤال الحلقة .. إيه هو الصيام اللى بيبقى 55 يوم ؟

استاذي الفاضل ابو محمد / اسمحلى اتكلم عن صوم ال55 يوم ..........

اولا : صوم ال55 يوم او كما يطلق عليه الصوم الكبير لأنه أطول أصوامنا أياما ولأنه يمتد إلى ثمانية أسابيع فهو اهم اصوامنا

س : لماذا يعتبر اهم اصوامنا ؟؟

السبب الأول:

هو أنه الصوم الذى صامه السيد المسيح و قدسه بنفسه، وهو الذى أسسه وبدأه، فصام أربعين نهارا و أربعين ليله.

السبب الثانى:

لأنه يبتهى بأعظم أعيادنا أهمية وهو عيد القيامة المجيد، فخر أعيادنا و أهمها، هو عيد الأعياد، عليه يقوم كل كيان المسيحيه .

لهذا فإن هذا الصوم له المكانة الأولى بين جميع الأصوام العامه المعروفة فى الكنيسة المسيحية .

س : لماذ 55 يوما وليس اربعين يوما ؟؟ ما سر اضافة اسبوعين للصوم الكبير ؟ ؟

ج:

1-الأسبوع الأول ويسمى بـــــــ مقدمة الصوم الكبير.

هذا الأسبوع أضافتة الكنيسة على الأربعين المقدسه التى صامها السيد المسيح .كبدايه

والسبب

+ لما كان صوم الأربعين المقدسة من أهم أصوامنا واقدسها، فقد أمرت الكنيسة أن يصام انقطاعيا إلى ساعة متأخرة ولا يفطرون إلا على القليل من الطعام الخالى من الدسم

*فإشفاقا منها على المؤمنين وضعت لهم هذا الأسبوع ليتدرج به الصائم فى فترة الانقطاع عن الطعام حتى لا يتعب ولا يحس بالارهاق إذا ما دخل فى الاربعين المقدسة بعد ذلك وصام فترة انقطاع طويلة. وفى هذا حكمة لصحة الروح والنفس والجسد.

2- الاسبوع الاخير او أسبوع الالام:

وهو الأسبوع الذي أضافتة الكنيسة على الأربعين المقدسه التى صامها السيد المسيح وهو :

صوم أسبوع الفصح و يبدأ بعد انتهاء صوم الاربعين المقدسة، أى بعد جمعة ختام الصوم وينتهى بعيد القيامة المجيد. والسبب تذكار الالام المسيح فوق الصليب .

ما المقصود بالصوم في المفهوم الأرثوذكسي؟!

هو الامتناع عن الطعام الحيواني طوال فترة الصوم، لضبط الجسد عن الشهوات

يمتنع عن الطعام والشراب إبتداء من منتصف الليل إلى ساعة متأخرة من النهار التالي، ثم تناول طعام نباتي(خالي من الدسم).

اهم التدريبات فى الصوم الكبير

1- تدرب على محبة الخطاة كمرضى في حاجة لعلاج لا عقاب.

2- تدرب على الصفح والسماح والرحمة لكل من يسئ إليك.

3- تدرب على الإختلاء للصلاة والقراءة الروحية.

4- تدرب على نقاوة القلب والفكر والحواس الخمس.

5- تدرب على عمل الخير للغير(للعدو والصديق).

صوم اللسان:-

هو الذي يوقع المرء فى 64 خطية، ويدفع بالنفس للهلاك.

+ راجع إصحاح 3 من رسالة القديس يعقوب الرسول.

دقق الان فى هذة الكلمات الإلهية عن اخطاء اللسان :

- الموت والحياة في يد اللسان (أم 19:21).

- بكلامك تتبرر، وبكلامك تدان (مت 12:27).

- من قال لأخية {ياأحمق} يكون مستوجب نار جهنم (مت 5:22 ).

- كلمة بطالة (لا نفع منها) يتكلم بها الناس، سوف يعطون عنها حسابا يوم الدين (مت 12:36).

داه محاولة لشرح مبسط للصوم الكبير ....

شارك هذه المشاركه


رابط المشاركه
شارك

سؤال صغير

ما هي رؤيتكم و وجهة نظركم في الآخر؟ (الغير مسيحي)

سواء كان يعتنق ديانه سماويه او غير سماويه (حسب معتقدكم)

هل تعتقدون بدخوله النار في الحياة الآخرة ؟ و كيف اوصاكم دينكم بالتعامل معه في الدنيا؟

شكرا

شارك هذه المشاركه


رابط المشاركه
شارك
صاحبى وصديقى ورفيق سلاحى اللى ورطنى انا وام محمد وخللى عرقى مرقى قدام الأستاذ "عياد" جارنا .. كان بيبقى صايم أيام الكلية بس كان بياكل سندوتشات فول وفلافل من بوفيه الكلية واحنا بناكل جبنة وحلاوة بالقشطة (وش محمد سعد فى اللى بالى بالك) .. وكنا بنضحك ونقول له صيام إيه ده اللى انت صايمه ؟ .. أكل وشرب وتدخين وآخر منجهة ... يومها شرح لى حكمة الصيام كما شرحتها أختنا "أغابى" .. وقال لى حاجة لسه فى بالى لحد دلوقت .. قال لى إن والده ووالدته بيصوموا "صيام مسلمين" .. والله قال لى كده : "صيام مسلمين" لحد الساعة 3 او 4 وبعدين يكملوا "صيام مسيحيين" .. شايف البساطة والعفوية فى التعبير ياسكوب ؟ ...

على فكره بمناسبة الصيام

كان لينا جاره الست ام وائل ذى اخت لامى مسيحيه و ست متشدده جدا صايمه طول السنه تقريبا و ابنها مش عايز يصوم ابد و تيجى تشتيكلنا منه

ابنها يجى يصرخ مش هصوم ده صيام المسلمين اسهل انا ماقدرش اعيش من غير لحمه المهم اترهنت معاه انوا مايقدرش على صيامنا

و اتفقنا كل واحد يصوم صيام التانى اسبوع وا نا مش عارفه اصوم اذاى

الصبح اكلمها ينفع اكل جبنه لا بيض لا طب كورن فلكس تقولى من غير لبن طب افطر ايه فول و طعميه

نجى على الغدا ممكن اكل خضار و رز لا امك عاملهم على شوربه فراخ ايه ده هو انا كمان مش هشرب شوربه

طب اتغدى ايه طعميه و فول

و العشا شرحه ماكملتش يومين الا و رحت اشوف اخونا وائل اخباره ايه اسئال الست ام وائل تقولى هو صايم عن الاكل انما بيشرب ميه

خيانه ........................

انا ماصدقت بصراحه نفسى اشرب شوربه

بجد صيامكم مش سهل ابدا

شارك هذه المشاركه


رابط المشاركه
شارك

الآخر في المسيحية

سؤال صغير

ما هي رؤيتكم و وجهة نظركم في الآخر؟ (الغير مسيحي)

سواء كان يعتنق ديانه سماويه او غير سماويه (حسب معتقدكم)

هل تعتقدون بدخوله النار في الحياة الآخرة ؟ و كيف اوصاكم دينكم بالتعامل معه في الدنيا؟

شكرا

عزيزى مزهرى احنا كلنا بشر ربنا خلقنا على صورتة ومثالة وديننا علمنا الا نحكم على الغير انة هيدخل الجنة او النار لان ربنا هو العالم

بالقلوب وهو اللى بيحاسب

لذلك ليس لى الحق ان انتقد غيرى وادينة فيقول لنا اليسد المسيح ( يا ابنى قبل ان تخرج القذى اللذى فى عين اخيك اخرج الخشبة

التى فى عينك ) وهى تعنى اننا قبل ان نحاسب غيرنا يجب ان نحاسب انفسنا اولا

وقال ايضا السيد المسيح ( احبو ا اعدائكم 0 باركو لا عنيكم 0 احسنو الى مبغضيكم )

تم تعديل بواسطة Scorpion

شارك هذه المشاركه


رابط المشاركه
شارك
سؤال صغير

ما هي رؤيتكم و وجهة نظركم في الآخر؟ (الغير مسيحي)

سواء كان يعتنق ديانه سماويه او غير سماويه (حسب معتقدكم)

هل تعتقدون بدخوله النار في الحياة الآخرة ؟ و كيف اوصاكم دينكم بالتعامل معه في الدنيا؟

شكرا

استاذ زوهير

اسمحلى اجاوب الاخت jasmin الاول على سؤلها لانه من صلب الموضوع وله علاقة بصوم ال 55 يوم حاليا

ثانيا انا انبسطت بسؤالك لانه مهم بالنسبة لى شخصيا - وهما مجموعة اسئلة - انت سالت 3 - اسئلة - وانا حارد عليك

بس اهم حاجة ما نخرجش يره سياق الموضوع - لان فيه معلومات الكل يعرفها الاول عن الدين المسيحي - كدين - وبعدين يجي دور الاسئلة - اتفقنا

احنا كبداية وبما اننا فى الصوم المقدس يبقي نتكلم علشان تسلسل الافكار والاحداث نتكلم عن الصوم المقدس واسبوع الالام

ولنفس السبب انا اجلت الكلام عن اسرار الكنيسة

اختى الفاضلة / Jasmin Hamed

انا حاعمل مقدمة بسيطة حتفهمى منها ليه صحبتك المسيحية بتصوم على المية مش زيت

الصوم الكبير - قال عنه احد الاباء الرهبان هو - خزين السنة – المقصد روحانى طبعا

وحابسط المعنى - زمان عارفين ان اجدادنا كانو فى موسم حصاد القمح يخزنو القمح اللى يكفيهم سنة – وهنا الصوم من كثرة التدريبات الروحية اللى موجودة فيه وانه صوم طويل وصعب جدا بيبقي روحانياته خزين سنة كاملة . والتدريبات الجديدة اللى اتعلمتيها فيه ممكن تفضل معاكى وقت كبير فليكن كنت قبل الصوم بتشتمي او بتديني الناس او بتكذبي ... الخ .... واثناء الصوم اتدربتى انك ما تعمليش الصفات دى وتتغيري وفعلا بتاخدى قرار وربنا بيساعد الانسان لما يكون صادق - وبعد الصوم ما يخلص بتلاقى نفسك وقت كبير لغاية ما تلف السنة ويجي تاني الصوم الكبير السنة اللى بعدها وانت لسة محتفظة بالصفات الجديدة اللى اتدربتى عليها روحانيا او اى صفة دربتى نفسك عليها خلال الصوم وهنا اتغيرتي ومن هنا هو خزين السنة روحانيا .

فمن هنا كل واحد بيشوف اللى يناسبه فى تدرج الصوم وقدرته فمثلا فيه ناس زي صاحبتك بتصوم على الميه مش الزيت

بمعنى انها بتوصل للتقشف فى انها اى حاجة حتى لو مقلية بالزيت مش بتاكلها وكل اكلها سوتيه وبس مسلوق بالميه – بس دي قدرات مش اى حد يوصلها وانا كان عندي - تيتة الله يرحمها كانت ست كبيرة فى السن وكانت تصوم الصوم الكبير كله عادى كترتيب الكنيسة - لكن الاسبوع الاخير من الصوم وهو اسبوع الالام كانت تصوم على العيش والملح والدوقة يعنى بس تدق دقة سمسم وملح وعيش لاسبوع الالام - دي كلها درجات صوم وكل واحد ومقدرته والصوم وسيلة توصلنا للزهد واننا نوصل لدرجة نرفع فيها قلوبنا بعيد عن اى خطية فى العالم - او اننا نبطل خطية كنا مدمنين عليها قبل الصوم .

شارك هذه المشاركه


رابط المشاركه
شارك
على فكره بمناسبة الصيام

كان لينا جاره الست ام وائل ذى اخت لامى مسيحيه و ست متشدده جدا صايمه طول السنه تقريبا و ابنها مش عايز يصوم ابد و تيجى تشتيكلنا منه

ابنها يجى يصرخ مش هصوم ده صيام المسلمين اسهل انا ماقدرش اعيش من غير لحمه المهم اترهنت معاه انوا مايقدرش على صيامنا

و اتفقنا كل واحد يصوم صيام التانى اسبوع وا نا مش عارفه اصوم اذاى

الصبح اكلمها ينفع اكل جبنه لا بيض لا طب كورن فلكس تقولى من غير لبن طب افطر ايه فول و طعميه

نجى على الغدا ممكن اكل خضار و رز لا امك عاملهم على شوربه فراخ ايه ده هو انا كمان مش هشرب شوربه

طب اتغدى ايه طعميه و فول

و العشا شرحه ماكملتش يومين الا و رحت اشوف اخونا وائل اخباره ايه اسئال الست ام وائل تقولى هو صايم عن الاكل انما بيشرب ميه

خيانه ........................

انا ماصدقت بصراحه نفسى اشرب شوربه

بجد صيامكم مش سهل ابدا

:closedeyes: هو داه الصوم ولا بلاش

طب هو عمره كام سنة ؟؟

شارك هذه المشاركه


رابط المشاركه
شارك
سؤال صغير

ما هي رؤيتكم و وجهة نظركم في الآخر؟ (الغير مسيحي)

سواء كان يعتنق ديانه سماويه او غير سماويه (حسب معتقدكم)

هل تعتقدون بدخوله النار في الحياة الآخرة ؟ و كيف اوصاكم دينكم بالتعامل معه في الدنيا؟

شكرا

ارجوك ابوس ايدك سيب الموضوع يكمل لغايه الاخر وبلاش تقفله من نوعيه الاسئله الصادمه بتاعه من انت؟

طبيعي كل فريق شايف التاني هايخش النار فبلاش اسئله محرجه

شارك هذه المشاركه


رابط المشاركه
شارك

هل كل مسيحى لابد ان يكون راسم الصليب على يده ؟

واين يتم رسم الصليب ؟

وهل له سن معين للرسم يعنى

ولماذا تختلف اماكن رسم الصليب فى اليد ؟

ولما تختلف ايضاً اشكال الصليب ؟

شارك هذه المشاركه


رابط المشاركه
شارك
هل كل مسيحى لابد ان يكون راسم الصليب على يده ؟

واين يتم رسم الصليب ؟

وهل له سن معين للرسم يعنى

ولماذا تختلف اماكن رسم الصليب فى اليد ؟

ولما تختلف ايضاً اشكال الصليب ؟

شاطر يا عنبوو انا كنت لسه هسأل السؤال ده

وكمان كان ليا زميلة فى الشغل مرة لقيتها راسمه صليب جديد على ظهر ايدها فى المنتصف كده وكان مزرق جامد لانه جديد

فسألتها بيوجع وانتى بتدقيه قلتلى........ناااااار .......باللفظ بالضبط

يبقى اكيد طالما بتتعذبوا وانتوا بتدقوه ومع ذلك انتوا بتصروا على كده فهو حاجة مهمة او مقدسة بالنسبة لكم جدااااا

طبعا انا اقصد دق الصليب هو اللى مهم لكن الصليب نفسه وقدسيته فـ سكوب قام بشرحه قبل كده وطبعا مشكور لانه فهمنا

شارك هذه المشاركه


رابط المشاركه
شارك

عادة رسم الصليب علي اليد

رسم الصليب على اليد ليس لة علاقة ابدا بالمسيحية

دى حرية شخصية ودق الصليب زية زى اى وشم بيترسم بنفس الالة عند بتوع الوشم

بس لو حد دق صليب لازم يكون فى اليد اليمنى وهو ملوش سن معين يندق فية

بس المفروض ان محدش يعملة لا هو ولا اى وشم لان الابر بتاعة الوشم مش مضمونة وممكن تجيب امراض

تم تعديل بواسطة Scorpion

شارك هذه المشاركه


رابط المشاركه
شارك

عزيزى الزميل المسيحى

الإخوة المسلمون

هل تعتقدون أن حوارا كهذا قد يفيد و يكون منطقيا

حوارا بين معتنقى ديانتين كل منهما يؤمن بأن الأصح للطرف الأخر الدخول فى ديانته

هل تعتقدون أن حوارا كهذا قد يفيد و يكون منطقيا و حتى لنقل ليستمر فى منتدى مثل المحاورات

قد يحدث ذلك فقط أن يستمر هذا الحوار فى إحدى حالتين لا ثالث لهما

إما أن يقتنع طرف بما يقوله الطرف الأخر و بصحة كلامه و فى حالة هذا الموضوع لا أعتقد حدوث ذلك و أنفى طبعا تهمة التبشير عن الموضوع

أو أن يكون الطرف المتلقى مكذبا لما يقال فى نفسه و لا يعلنه فتستمر عزيزى المسيحى فى سرد موضوعك و كل من يرد عليك من المسلمين مكذبا فى داخله لما تقول أو وجوب فعل ما تقول فهل يرضيك ذلك يا عزيزى المسيحى؟

قد يقول قائل إنما الموضوع نوع من معرفة أمور الأخر شريك الوطن و الحياة و التى نجهلها

و ربما يكون ذلك صحيحا

و لكن عندما نصطدم بعبارات مثل هذه

تعاليم الكتاب المقدس متفقة فيما بينها تماماً .... ولها اتجاه واحد هو إعلان مقاصد الله للبشر....

من يقرأ توراة موسى ونظام الذبائح والرموز يدرك قصد الله من حيث نعمته إلى ذلك المخلص .... وهكذا فصل الله بين الوثنية واليهودية واختار شعباً يأتي منه المخلص لجميع الأمم.... وفعلاً جاء السيد المسيح من امرأة عذراء وكما تنبأ عنه الأنبياء في التوراة والزبور.

و تذكر يا عزيزى المسيحى أنك من بدأت بعرض موضوعك للمسلم و بدأت توجيه كلامك له

فالمسلمين يؤمنوا أن مقاصد الله للبشر هى- حاليا- هى ما جاء بالقرأن و أن من بعث لجميع الأمم هو رسولهم.

و هنا هل سيتحول الموضوع لحوار أديان و مناقشة هذه الأمور

أم أن على المسلم أن يقرأ هذه الكلمات و يمررها بدلوماسية حتى لا يكون متشددا متشنجا ذو تدين هش.

أم أن على المسلم أن يكون لديه غيرة تجعله يقف عند كلمات كهذه.

أنا فغلا كمسلم محتار

و لكنى كواحد من المسلمين الذين بادرت بخطابهم يا عزيزى المسيحى لا أستطيع تمرير كلمات كهذه دون الوقوف عندها و أناشدك يا شريك الوطن أن يكون تعطنا الفكرة عنكم دون الدخول فى العقائد.

شارك هذه المشاركه


رابط المشاركه
شارك
سؤال صغير

ما هي رؤيتكم و وجهة نظركم في الآخر؟ (الغير مسيحي)

سواء كان يعتنق ديانه سماويه او غير سماويه (حسب معتقدكم)

هل تعتقدون بدخوله النار في الحياة الآخرة ؟ و كيف اوصاكم دينكم بالتعامل معه في الدنيا؟

شكرا

ارجوك ابوس ايدك سيب الموضوع يكمل لغايه الاخر وبلاش تقفله من نوعيه الاسئله الصادمه بتاعه من انت؟

طبيعي كل فريق شايف التاني هايخش النار فبلاش اسئله محرجه

هو ده الفرق بينهم و بين بعضنا للأسف

الديبلوماسيه و الأدب في مراعاة مشاعر الآخر حتى لو شايفه اكفر الناس

ببساطه بيقولها في سره

شارك هذه المشاركه


رابط المشاركه
شارك

الفاضل tantrum ...

أتفهم تمامآ ان موضوعآ مماثل قد يصيب البعض بالتوتر ... بالقلق .. بل بالضيق .. فهو شيئآ أكثر من متوقع و طبيعي ....

هذا الموضوع مثلما كان واضحآ تمامآ في تقديمه هو محاولة لتحطيم هذا "التابو" الذي تم فرضه علي المسيحيين ... سواء منهم هم شخصيآ بتقوقعهم و تحرجهم من التكلم عن عقيدتهم في مناخ يعتبر شيئآ مماثلا رجسآ من أعمال الشيطان .... فهو عملآ تبشيريآ ... و دليلي علي ذلك هو هذا الموضوع نفسه ... فمن أعترض من الأخوة الأعزاء كان بناء علي اعتقاده ان المسيحيين يحاولون التبشير بدينهم بين المسلمين ... و هو شيئآ غير صحيح .... و اختياري لباب الثقافة و العلم كان مقصودآ تمامآ ....

لقد ذكرت و أكدت عدة مرات انه لكسر حاجز الجهل .... جهل كلآ مننا بالآخر .... و رددت دائمآ قبل ذكر الكلمات التي اقتبستها حضرتك ان هذا في اعتقاد المسيحيين ... و لا أطلب من أحدآ أن يصدقه او يؤمن به .. فهو علي سبيل الشرح فقط ... و لكنني لا أستطيع ان اشرح شيئآ دون أن أعطي "ومضة" من اعتقاد المسيحيين حولها و الا ستظل دائمآ غير مفهومة .. و ثق انها دائمآ بدون اي تفاصيل .. فلم يتحدث أحدآ عن الناسوت و اللاهوت .... لم يتكلم أحدآ عن قلب الدين المسيحي نفسه .... و لا أعتقد انني جرحت مشاعرك بتلك الكلمات التي اضفتها حضرتك الآن ذاكرآ انها صدمتك ... و لن أطلب من حضرتك بالمثل ان تقارنها باقوال كثيرة جدآ "صادمة" بالفعل لنا نحن المسيحيين يتم ترديدها بكل بساطة و اقتناع هنا ... فسوف انهج بهذا منهاج خاطيء و معاكس لما أطالب به دائمآ ....

اعتراضات مماثلة .. أتفهمها و أحترمها بالفعل .. و تجعلني أفكر كثيرآ قبل اضافة كلمات تثير أي مشاكل .... و لكنها لن تمنعني قطعآ من الأستمرار ... ما دمت أحترم قواعد المكان و الأهم أحترم عقل أشخاصه ....

مداخلتي تلك كانت فقط لأحترامي لشخصك الكريم و ليست للدفاع عن منهجي أو أسلوبي .. فثقتي في حسن نية كل من يخط حرفآ هنا أكبر كثيرآ من ان تحتاج الي دفاع أو تفسير ...

تحياتي و احتراماتي

شارك هذه المشاركه


رابط المشاركه
شارك

استاذ زهيري

حضرتك ممكن بالشكل ده بتفتح مجال لبعض الناس انها تغير مجرى الحديث تماما

الموضوع بيتكلم عن الطقوس وليس العقائد , والفرق في الحوار كبير جدا جدا

ولو انا وحضرتك وغيرنا هنتكلم في العقائد في حدود , غيرنا مش هيلتزم بالحدود دي , لاننا مش في حوار شخصي انما في منتدى عام وممكن اي شخص يشترك في الحديث

مش نتكلم على الطقوس افضل ؟!

:roseop:

شارك هذه المشاركه


رابط المشاركه
شارك
عزيزى الزميل المسيحى

الإخوة المسلمون

هل تعتقدون أن حوارا كهذا قد يفيد و يكون منطقيا

حوارا بين معتنقى ديانتين كل منهما يؤمن بأن الأصح للطرف الأخر الدخول فى ديانته

هل تعتقدون أن حوارا كهذا قد يفيد و يكون منطقيا و حتى لنقل ليستمر فى منتدى مثل المحاورات

قد يحدث ذلك فقط أن يستمر هذا الحوار فى إحدى حالتين لا ثالث لهما

إما أن يقتنع طرف بما يقوله الطرف الأخر و بصحة كلامه و فى حالة هذا الموضوع لا أعتقد حدوث ذلك و أنفى طبعا تهمة التبشير عن الموضوع

أو أن يكون الطرف المتلقى مكذبا لما يقال فى نفسه و لا يعلنه فتستمر عزيزى المسيحى فى سرد موضوعك و كل من يرد عليك من المسلمين مكذبا فى داخله لما تقول أو وجوب فعل ما تقول فهل يرضيك ذلك يا عزيزى المسيحى؟

قد يقول قائل إنما الموضوع نوع من معرفة أمور الأخر شريك الوطن و الحياة و التى نجهلها

و ربما يكون ذلك صحيحا

و لكن عندما نصطدم بعبارات مثل هذه

تعاليم الكتاب المقدس متفقة فيما بينها تماماً .... ولها اتجاه واحد هو إعلان مقاصد الله للبشر....

من يقرأ توراة موسى ونظام الذبائح والرموز يدرك قصد الله من حيث نعمته إلى ذلك المخلص .... وهكذا فصل الله بين الوثنية واليهودية واختار شعباً يأتي منه المخلص لجميع الأمم.... وفعلاً جاء السيد المسيح من امرأة عذراء وكما تنبأ عنه الأنبياء في التوراة والزبور.

و تذكر يا عزيزى المسيحى أنك من بدأت بعرض موضوعك للمسلم و بدأت توجيه كلامك له

فالمسلمين يؤمنوا أن مقاصد الله للبشر هى- حاليا- هى ما جاء بالقرأن و أن من بعث لجميع الأمم هو رسولهم.

و هنا هل سيتحول الموضوع لحوار أديان و مناقشة هذه الأمور

أم أن على المسلم أن يقرأ هذه الكلمات و يمررها بدلوماسية حتى لا يكون متشددا متشنجا ذو تدين هش.

أم أن على المسلم أن يكون لديه غيرة تجعله يقف عند كلمات كهذه.

أنا فغلا كمسلم محتار

و لكنى كواحد من المسلمين الذين بادرت بخطابهم يا عزيزى المسيحى لا أستطيع تمرير كلمات كهذه دون الوقوف عندها و أناشدك يا شريك الوطن أن يكون تعطنا الفكرة عنكم دون الدخول فى العقائد.

والله هذا ما قصدته ...فى المداخلة اليتيمة...بعيدا عن سوء النية

شارك هذه المشاركه


رابط المشاركه
شارك

و أنا رديت علي هذا الأعتراض يا استاذي الفاضل .. و أتمني بالفعل ان يتم وضع الأمر في حجمه الحقيقي ... بدون تهويل او تهوين .. بدون شكوك لا مجال لها .. فسؤ النية هذا هو ما تم اتهامي به بأسلوب ديبلوماسي.

شارك هذه المشاركه


رابط المشاركه
شارك

معلش يا سكوربيون قديكون سؤالى نابع عن سوء فهم

زماااااااااااااان أيام الطفولة كان لى صديقة مسيحية ومش فاكرة ايه الحوار بالظبط لكن المهم انى حلفت بالله على حاجة مش فاكراها فقالت لى بالحرف "احلفى بحاجة عدلة"

هل القسم بالله فى عقيدتكم ليس كافياً؟؟؟ و الا البنت دى كانت بتهبل؟؟؟

و مين مارى جرجس اللى باسمع ساعات حلفانات بيها؟؟؟؟؟؟

و فيه جملة ساعات باقراها على العربيات هل من الانجيل؟"إن الرب معى فلا يعوزنى شئ فهو على يمينى فأنا لا أتزحزح"

و سؤال بالغ الحساسية أرجو أن يمر بسلام (و يا رب ما يفتحش علية فاتوحة انا لا بتاعة فتنة طائفية و لا غيره بس و الله الكلام ده حصل فعلاً)

جارة أختى مسيحية و فى حوار جدلى عقيم بينها و بين أختى قالت لها بالحرف انها تفضل ان يحكم اليهود مصر على أن يحكمها المسلمون

مع ان حتى فى عقيدتكم كان اليهود أكثر الناس إيذاءً للمسيح... طيب ليه مشحونين كده من المسلمين؟ و الا دى كمان جاهلة و بتهبل؟ هل هى عقدة الفتح العربى؟؟؟؟

شكراً

شارك هذه المشاركه


رابط المشاركه
شارك

Join the conversation

You can post now and register later. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • المسلم العادي لا يحتاج لفتاوى في حياته العادية هل ترون غير ذلك ؟

      هل يحتاج المسلم العادي  الطبيعي  في حياته  العادية  للتواصل مع أحد الفقهاء ليطلب منه الفتوى ما سبق كان إستهلالا لابد منه من شهور  تم إنشاء أكشاك على أرصفة مترو الأنفاق لتقديم الفتوى لمن يحتاجها ، لم يستمر الأمر طويلا و تم إزالة هذه الأكشاك ، و قبلها كان هناك سؤالي الإستنكاري  هل يمكن أن يكون أحد الركاب  مزنوق جدا في فتوى دينية  و هو على رصيف محطة مترو الأنفاق ! مع الإسلام  كدين الفطرة   الطبيعي  أن إحتياجنا للفتوى سيكون في أضيق نطاق هذا الموضوع  كتبته تعليقا على رأي للفاضل أب

      في هدى الإسلام

    • الأزهر و مايكروسوفت - مقالة رئيس التحرير مجلة صباح الخير

      يتغير العالم حولنا كما نرى. تغيير عنيف نحو اقتصاد جديد يتبعه ثقافة جديدة وحياة اجتماعية جديدة مرتبطة بتغير الدول بجغرافيتها وهويتها وحتى قيادتها. هناك صراع عنيف بين قوى العالم سيؤدى حتما لسحق هويات وتدمير دول وإعادة رسم خرائط واختفاء قوميات من الوجود. يحدث هذا ومازلنا فى مصر نعانى من إرث قديم قذر وضع بذرته المستعمر الأوروبى وهو خرافات الدين المسيطرة على عقول الشعب. ففى الوقت الذى اخترعت فيه شركة مايكروسوفت نظارات هولونس التى تعرض الصور بشكل مجسم ثلاثى الأبعاد وهو أحدث اختراعات الشركة مازال يثار

      في مختارات من الصحف

    • الي أهل الخير .. مترحل ظلم

      السلام عليكم كنت بزياره لخالي وكنت واقف معه بصيدليه بيطري وجاء تفتيش من الزراعه وسالني قلت انه خالي واخد اسمي وبعته لمكتب العمل وجه مكتب العمل في يوم وانا كنت معاه والصيدلية مغلقه وكنا بالمخزن اساعده في حمل بعض الأشياء وعملي محضر وبصمت علي اقوالي اني في زياره لخالي وبصمت علي ورقه مكتوب بالأعلى إقرار بمخالفة الماده 35 لقانون العمل ورحت الشميسي وكفيلي بعتلي إقرار اني في زياره لخالي وعمل عمره وانه علي علم بالزياره وانه محتاجني للعمل وموقع غرفه تجاريه ولم ينظروا لها واترحلت واخدت أبعاد 3 سنوات 

      في المغتربين المصريين - egyptian expatriates

    • صباح الخير ....

      صباح الخير ... صباح جميل ... مشرق بلون الندى

      في معرض الصور

    • ما عقيدتك ؟؟ حديث هادئ فى عقيدة المسلم

      كثر الحديث فى الآونة الأخيرة .. سواء فى المحاورات أو خارجها عن الاختلاف الشديد بين فرق من المسلمين فى قضايا اسلامية .. مما حدا البعض لاتهام البعض بالخروج عن الملة .. اتهامات تلقى بمنتهى السلاسة التى تكتب بها الكلمة .. و اننى أعتقد بشكل كبير أن كثيرا ممن يلوكون كلمات التكفير و اخراج المسلمين عن الملة لا يعلمون ماذا تعنى الكلمة ناهيكم عن تبعاتها المفزعة .. كنت قد قرأت الكثير عن فرق خرجت من تحت عباءة الاسلام فى عصور قوة الدولة الاسلامية من أموى أو عباسى أو أندلسى.. فرق قد ابتدعت .. و غيرت .. و أت

      في هدى الإسلام

×
×
  • اضف...