اذهب الي المحتوي
ArabHosters
fatfouta

الملوخية الخضراء

Recommended Posts

معلش بقي يا مدامات .....

مع احترامي الكامل لجميع الوصفات دي .. لكن الملوخية اللي هي ما يعملهاش غير رجالة المحاورات ..

و علشان احنا رجالة و وقفنا وقفة رجالة .. الوصفة بتاعتنا ما تغلاش عليكم ...

اتفضلوا ...

بالهنا و الشفا ...

سكوب

الملوخية بتاعتك اكيد تحفة..........بس انا دخلت عاليوتيوب اللى انت حطيته زعلت قوى قوووووووى.........عارف ليه؟

اللى بيعملوا الملوخية فيه وهما بيشهقوا وارهم باب الحمام مفتوح :roseop: :roseop:

مش ده يأثر برضو ولا ايه؟؟ :roseop:

شارك هذه المشاركه


رابط المشاركه
شارك
هو الموضوع دا مش هايتهد بقى و يقعد في ركن المطبخ بدل ما هو عاملي حول على البانر ليل نهار كده

الله يسامحكم تصدقوا هاخلي ماما تعملي النهاردة ملوخية بالعند فيكوا كلكم :lol:

اعترفى يا ريم اعترفى

طب وماما تعملها ليه؟؟؟ اعمليها انتى ولا اقولك........احسن انك تعترفى ذينا برضو

عجبك كده يا ستي اهي ما رضيتيش تعمل ملوخية و عملت بيتزا :roseop:

بصي يا فتفت الملوخية من الاطباق اللي مش بحبها بس لااااااا دي عشق كده :roseop: :P

جدتي لماما كانت بتعملها رووووووووووووووووووووووعة حاجه كده فوق الوصف

و ماما اخدت الصنعة من مامتها بس برضو هذا لايمنع اني ما شوفتش و لا هاشوف في طعامة الملوخية بتاعت جدتي الله يرحمها

انا بقى كنت خيبة لحد سنة كده ما عمريش عملتها الا لما لقيت الاخت مريومة هانم ورثت حب الملوخية مني

فا ضطريت اعمل عمل بطولي و اجرب اعملها

جربت جميع انواع الاكياس المجمدة و من قبل ما تتاكل تترمي طعمها استغفر الله العظيم يقرف

و مريم يا حبيبتي تتقهر و تزعل

قولت لا يا بت يا ريمو هاتي الخضرا الطازة و جربي

و الله العظيم ما اعرف بتطلع حلوة ازاي

لدرجة ان جوزي مالوش في الملوخية اوي بقى يحب ياكلها

بس ما حدش يسالني الطريقة لاني باعملها كده بالبركة و انتي عارفه البركة دايما بتكون حلوة :roseop:

و الحمدلله رب العالمين

شارك هذه المشاركه


رابط المشاركه
شارك

استوب .........

يتم غلق الموضوع بناءا على تزايد احجام اوراق الملوخية فى المنتدى مما قد يسبب تمدد غذائى لا معنوى فى الاوانى المعدنية ..

وهاقولك على التركات الجهنمية ...وكل شيخ وليه طريقة يا عسلية ..

اولا شوربة لحم ...موش فراخ...

ثانيا ... حرف المعلقة توم مفروس ....اه ,,,مفرووس على الشوربة وهى بتغلى

اخبرا استعملى حلة المونيوم موش صاج ولا استنلس...

وطبعا فيه ناس ...بتغطى وناس بتكشف الغطا بتاع الحلة ..انتى ونصيبك بس المهم الخميرة يعنى ..حضرتك تحضرى كيس الملوخية ..فى كوب شوربة وتخمريهم قل التجهيز بربع ساعة ...

وعلى العموم انا علية ملوخية اسكندرانى تجنن....عليكم ...بس تظبطولى معاد وانا هاوضبلكم ..قدرة الملوخية التمام ..أو الموت الزؤاااااام

شارك هذه المشاركه


رابط المشاركه
شارك

أغيب يومين ألاقي موضوع 3 صفحات عن الملوخية حبيبة الجماهير؟ :blink:

طيب كدة في اختلافات واضحة جداً في الطرق اللولبية لعمل الملوخية :

ناس قالت لا نضع عنق الورقة .. وناس قالت نضع العنق

و ناس قالت لا نغطى الحلة ... و ناس قالت نغطيها بس نسيب الباب موارب

ناس قالت شوربة فراخ ... و ناس قالت شوربة لحمة

ناس قالت لا نغليها أصلا

طيب أنا حاقول لكم التكات بتاعة مامتي حبيبتي

( أكلها كله روووعة ... و الملوخية رهييييييبة ... و بشهادة الجميع مش عشان مامتي يعني :blush2: )

1) لا نضع العنق بتاع الورقة و لكن نضع البرعم اللي فوق في عود الملوخية

2) تفضل شوربة الفراخ أو الأرانب .. بس عادي لو ما فيش ممكن بشوربة اللحم

3) لا نغطي الحلة

4) توم مدقوق بالملح و الكسبرة ني مع الشوربة و هي بتغلي

5) تغلى غلوة واحدة فقط يادوب تتقلب بالغليان

6) لا تقلب إلا عند الحاجة تقليبة واحدة فقط ( ده بالنسبة للخضراء ..مامتي لا تعترف أصلا بالأكل المجمد )

7) الشهقة طبعاً أساسية و كلنا نضحك بعد ما نتخض :roseop:

8) مكعب ماجي .. مع إني عارفة إنه مضر جداً .. بس بأقول هو احنا بنعمل ملوخية كل يوم؟

أما عن طريقتي :

أنا طبعاً ماشية على الصراط المستقيم زي ما إتعلمت من أمي الحبيبة

و برضه زي فتفوتة ما قالت :

مرة ساقطة و مرة ناجحة ..

مش كدة بالضبط بتنجح بنسبة 75% .. فيه أمل مش كدة ؟ :sad:

هي الحمد لله في كل الأوقات طعمها حلو و بتتاكل

لكن لما بتبقى ساقطة شكلها مش بيكون حلو أبداً

أعتقد المنتدى كدة بقى ممزلق على الآخر

شارك هذه المشاركه


رابط المشاركه
شارك

السلام عليكم ورحمة الله...

يانهاار...

ده أنا كنت فاكرة أن ده موضوع العضو " سكوربيون"...واستغربت وقلت مش كان اسمه "خضرا ياملوخية؟

أتارىه موضوع تانى خالص....بس بجد شدنى جداً من أول طشة.....قصدى من أول مداخلة...وشعرت أن موضوع الملوخية ده من الموضوعات الشائكة :P

استفدت جداً من كل مداخلة فى الموضوع ...وتذكرت مقولة " اختلفت الطرق والملوخية واحدة"...:roseop:

عن نفسى...بصراحة شديدة جدا...عمرى ما خرطت ملوخية خضرا..ولا بأعرف أخرطها لحد يومنا هذا...وكمان ماعنديش مخرطة..يالالا بقى..ودايما كنت بأستعين بصديق لخرط الملوخية ..ولانى كتير جدا الاصدقاء بينفضوا من حولى ويبيعونى زى ماباعوا ريتشارد كده....فتحولت الى الملوخية المجمدة....وأنا وحظى..اذا نوعها كويس بيمشى الحال..اذا لأ...خلاص بقى يعوض ربنا..

لكن اتعلمت انى أسيب كيس الملوخية لحد مايفك براحته...بتكون جميلة ومش بتاخد وقت على النار ولا تسقط برضه وبتحتفظ بخضارها...لانها مش بتغلى كتير..

بالنسبة للماجى...مافيش خلاف طبعا على أضراره...لكن لانه بيضيف للاكل طعم ألذ ألذ..ألذ..... حتلاقو الملح الصينى فى السوبر ماركت بيضيف نفس النكهة للطعام..بس هو مش مالح على فكرة...

اسمه أجى . نو . موتو

AJI - NO - MOTO

لو قدرت أضيف صورته ..حأضيفها ان شاء الله...

تحياتى

:roseop:

شارك هذه المشاركه


رابط المشاركه
شارك
السلام عليكم ورحمة الله...

يانهاار...

ده أنا كنت فاكرة أن ده موضوع العضو " سكوربيون"...واستغربت وقلت مش كان اسمه "خضرا ياملوخية؟

أتارىه موضوع تانى خالص....بس بجد شدنى جداً من أول طشة.....قصدى من أول مداخلة...وشعرت أن موضوع الملوخية ده من الموضوعات الشائكة :roseop:

استفدت جداً من كل مداخلة فى الموضوع ...وتذكرت مقولة " اختلفت الطرق والملوخية واحدة"...:)

عن نفسى...بصراحة شديدة جدا...عمرى ما خرطت ملوخية خضرا..ولا بأعرف أخرطها لحد يومنا هذا...وكمان ماعنديش مخرطة..يالالا بقى..ودايما كنت بأستعين بصديق لخرط الملوخية ..ولانى كتير جدا الاصدقاء بينفضوا من حولى ويبيعونى زى ماباعوا ريتشارد كده....فتحولت الى الملوخية المجمدة....وأنا وحظى..اذا نوعها كويس بيمشى الحال..اذا لأ...خلاص بقى يعوض ربنا..

لكن اتعلمت انى أسيب كيس الملوخية لحد مايفك براحته...بتكون جميلة ومش بتاخد وقت على النار ولا تسقط برضه وبتحتفظ بخضارها...لانها مش بتغلى كتير..

بالنسبة للماجى...مافيش خلاف طبعا على أضراره...لكن لانه بيضيف للاكل طعم ألذ ألذ..ألذ..... حتلاقو الملح الصينى فى السوبر ماركت بيضيف نفس النكهة للطعام..بس هو مش مالح على فكرة...

اسمه أجى . نو . موتو

AJI - NO - MOTO

لو قدرت أضيف صورته ..حأضيفها ان شاء الله...

تحياتى

:roseop:

تصدقى يا فولانه يا اختى انا قلت الموضوع ده اكيد هلاقى فولانه فيه لكن قعدت تلات صفحات وادور يا ناس فين فولانة مش لاقياكى

واتاريكى كنتى خايفة تدخلى تقولى انك عمرك ماخرطتى الملوخية

تصدقى والله ده اسهل حاجة فيها الخرط وخصوصا بالمخرطة اليدوى دى يااااااااما خرطت وعلى راى كروس فيلد كمان بغطا الحلة........بتطلع جميلة

طب والله بيبقى طعمها احلى لكن نيجى بقى عند الطبيخ فمعايا لازم تسقط او تطلع صايصة

مع ان ولادى يا عينى مضحوك عليهم وبيموووووووتوا فيها كده لانهم ماداقوهاش برا والحمد لله

لكن مرة روحنا مطعم مصرى وباباهم طلب ملوخية فـ محمد ابنى عجبته قوى وسالنى ايه دى يا ماما قلتله دى سبانخ يا حبيبى...عشان مايفتريش ويعترض على ملوخيتى

بس احب ابشركوا انا عملتها النهاردة بطريقة ضحى وماما سلوى وطلعت تحفة ومش ساقطة وجميلة وفعلا طعمها مختلف

عاروز طلب منك يا فولانة الله يخليكى لينا انا سمعت عن الملح الصينى ده وبما انى بجيب الماجى دى بالعلب ونفسى ابطلها فياريت تصوريه بجد وتحطيه فى اقرب وقت..........ممكن؟؟؟

تم تعديل بواسطة fatfouta

شارك هذه المشاركه


رابط المشاركه
شارك

إلى الجماعة العزاب المقيمين فى الرياض واللى نفسهم فى طبق ملوخية يرد الروح, عليكم وعلى مطعم الفخار فى الفود كورنر على ما أتذكر فى العليا, الكلام ده كان من اكتر من خمس سنين يعنى فبحاول أتذكر على قد ما أقدر.

بصراحة كنت باكل ملوخية هناك فظيعة فكرتنى بملوخية مصر, ومعاها عيش طعمه جميل جداً مع الملوخية, والطبق كان ب 5 ريال, الله اعلم دلوقتى بكام.

شارك هذه المشاركه


رابط المشاركه
شارك
إلى الجماعة العزاب المقيمين فى الرياض واللى نفسهم فى طبق ملوخية يرد الروح, عليكم وعلى مطعم الفخار فى الفود كورنر على ما أتذكر فى العليا, الكلام ده كان من اكتر من خمس سنين يعنى فبحاول أتذكر على قد ما أقدر.

بصراحة كنت باكل ملوخية هناك فظيعة فكرتنى بملوخية مصر, ومعاها عيش طعمه جميل جداً مع الملوخية, والطبق كان ب 5 ريال, الله اعلم دلوقتى بكام.

ايوه عارفاه يا استاذ محمد وجمبه مطاعم كتير منه امونة اللبنانى ده اللى عنده برضو ملوخية لبنانى

بس نصيحة لوجه الله المطعم ده قفل السنة اللى فاتت فترة لانه سمم كام واحد والله على ما اقول شهيد شفته بعينى وهو متشمع وكمان قريت فى جريدة سعودية انه متشمع عشان عدم النظافة.......بس دلوقتى رجع فتح تانى خلاص لكن بصراحة عمرى مادخله تانى ابدااااااااا

لكن احب اقولك لو عاوز تاكل ملوخية بجد انت والعزاب روحوا مطعم المشربية فى نفس المنطقة دى برضو توووووووحفةةةةةةة ملوخيتهم

جربوا ومش هتندموا

اى خدمة

شارك هذه المشاركه


رابط المشاركه
شارك

السلام عليكم ورحمة الله...

صدقينى يافتافيتو أول مرة أدخل الموضوع النهاردة..ولو أعرف انه بيتكلم عن أحدث طرق صناعة الملوخية..كنت أشتريت مخرطة وأنا داخلة...حتى مايبقاش شكلى وحش كده وأنا أعلن انى مش باعرف أخرطها بعد كل هذا العمر الضائع فى أروقة المطبخ.... :roseop:

انا صورت لك البوضاعة...أهى:

pFD76780.jpg

شارك هذه المشاركه


رابط المشاركه
شارك

يارب يخليكى ليا يا فولانة ياااااااارب

دايما مدعمانا بالصور ويااااما افتدينى

اقولك حلاوة المولد جبتيلى صورتها

اقولك البيبى ليس تجيبيلى صورتها

اقولكال ملح الصينى برضو جبتيه

والله ما عارفة اقولك ايه غير ادعيلك ربنا يكرمك فى ولادك وفى صحتك دايما يااااااارب

شارك هذه المشاركه


رابط المشاركه
شارك

تسلم ايدك يافولانة

بس هاستأذنك عايزة اعرف طريقة استعماله

يعني احطه على ميه مثلا واعمل عليها شوربة لسان عصفور زي الماجي

ولا ايه النظام ؟

بعد اذنك يافتفوتة طبعا

شارك هذه المشاركه


رابط المشاركه
شارك

السلام عليكم ورحمة الله...

يارب يخليكى ليا يا فولانة ياااااااارب

والله ما عارفة اقولك ايه غير ادعيلك ربنا يكرمك فى ولادك وفى صحتك دايما يااااااارب

يا ستى ربنا يعزك ويبارك فيك...أنا عملت إيه يعنى...

ولك مثل ما قلتى....ربنا يتقبل منك ويبارك فى جميع الأحبة ان شاء الله... :roseop:

تسلم ايدك يافولانة

بس هاستأذنك عايزة اعرف طريقة استعماله

يعني احطه على ميه مثلا واعمل عليها شوربة لسان عصفور زي الماجي

ولا ايه النظام ؟

أهلا بك أختى الكريمة أم نور...ربنا يعزك....

هو النظام الحقيقة أنا ما أعرفهوش بالظبط..... :) أنا بأشتغل ببركة ربنا كده....وبأستخدمها بدل الماجى مع اضافة ملح لانها مش مالحة...

هى بتدخل فى صناعة الماجى..او ممكن تكون أحد العناصر الأساسية فى صناعته ( مونو صوديوم جلوتامات )....

وحضرتك حتستخدميها فى أى شىء بدل الماجى....أنا جربتها فى شوربة بطاطس..كانت رائعة...

يعنى أضفتها على الماء فعلا وعملت الشوربة.....وبالتالى ممكن تعملى شوربة لسان العصفور....وحضرتك حتلاقى الطريقة والمقادير لكل صنف على ضهر الكيس......

بس انا برضه بأشتغل من غير مقادير smk:

وبالمناسبة.....أنا كنت بأشترىها من السعودية لاستخدامى هنا...لكن وجدتها فى السوبر ماركتس هنا ومنها انواع تانية...أو اسماء تجارية أخرى لسه مش جربتها...

ممكن تجربوا كيس صغير وتشوفوا اذا حيعجبكوا ولا لأ...

ملحوظة:

أنا قرأت دلوقت على ضهر الكيس انه صناعة ماليزية..بترخيص من شركة اجى نوموتو باليابان...يعنى طلع ملح يابانى ..مايخالف مش كده؟

md2:

تحياتى

:roseop:

تم تعديل بواسطة Folana

شارك هذه المشاركه


رابط المشاركه
شارك
السلام عليكم ورحمة الله...
يارب يخليكى ليا يا فولانة ياااااااارب

والله ما عارفة اقولك ايه غير ادعيلك ربنا يكرمك فى ولادك وفى صحتك دايما يااااااارب

يا ستى ربنا يعزك ويبارك فيك...أنا عملت إيه يعنى...

ولك مثل ما قلتى....ربنا يتقبل منك ويبارك فى جميع الأحبة ان شاء الله... :roseop:

تسلم ايدك يافولانة

بس هاستأذنك عايزة اعرف طريقة استعماله

يعني احطه على ميه مثلا واعمل عليها شوربة لسان عصفور زي الماجي

ولا ايه النظام ؟

أهلا بك أختى الكريمة أم نور...ربنا يعزك....

هو النظام الحقيقة أنا ما أعرفهوش بالظبط..... :) أنا بأشتغل ببركة ربنا كده....وبأستخدمها بدل الماجى مع اضافة ملح لانها مش مالحة...

هى بتدخل فى صناعة الماجى..او ممكن تكون أحد العناصر الأساسية فى صناعته ( مونو صوديوم جلوتامات )....

وحضرتك حتستخدميها فى أى شىء بدل الماجى....أنا جربتها فى شوربة بطاطس..كانت رائعة...

يعنى أضفتها على الماء فعلا وعملت الشوربة.....وبالتالى ممكن تعملى شوربة لسان العصفور....وحضرتك حتلاقى الطريقة والمقادير لكل صنف على ضهر الكيس......

بس انا برضه بأشتغل من غير مقادير smk:

وبالمناسبة.....أنا كنت بأشترىها من السعودية لاستخدامى هنا...لكن وجدتها فى السوبر ماركتس هنا ومنها انواع تانية...أو اسماء تجارية أخرى لسه مش جربتها...

ممكن تجربوا كيس صغير وتشوفوا اذا حيعجبكوا ولا لأ...

ملحوظة:

أنا قرأت دلوقت على ضهر الكيس انه صناعة ماليزية..بترخيص من شركة اجى نوموتو باليابان...يعنى طلع ملح يابانى ..مايخالف مش كده؟

md2:

تحياتى

:roseop:

جزاكي الله كل خير

ماشي نجرب

وياستي مايخالف

ياباني ولا صيني اهو كلهم من ذوي العيون الضيقة والعقول الواسعة

شارك هذه المشاركه


رابط المشاركه
شارك

السلام عليكم ورحمة الله...

الاخوات العزيزات...

مافيش داعى من الملح الصينى ولا اليابانى ...اختنا الفاضلة أم نور عملت بحث عليه واكتشفت اضراره...

فلو ممكن بعد اذنها تتفضل بعرض ما توصلت اليه فى الموضوع حتى يعلم الجميع...ولو ممكن رابط الموضوع اكون شاكرة جدا

وأنا بأقول مال نظرى ضعف ليه كده ... smk: :)

بأشكرك جدا أختى الكريمة أم نور..وجزاك الله خيراً

لا تشتروا الملح الصينى من الاسواق...اشتروه منى أنا ..أنا عندى كتيررر... :roseop:

أنا عاجبنى توقيعك جدا يا أختى الفاضلة أم نور.... :roseop:

شارك هذه المشاركه


رابط المشاركه
شارك

مبروك يا فتفوتة على نجاح المهمة القومية لعمل طبخة الملوخية

:roseop::roseop: :)

معلش ملحوظة مهمة

المكون المسبب للضرر في مرقة الدجاج هو أحادي جلوتامات الصوديوم (MonoSodiumGlutamate)

يعني المكون دة هو الملح اللي حضرتك قلتي عليه يا فولانة

اقروا كدة :

منكهات تحسن من الطعام وتسيء للصحة!

* إعداد: مي مغربي

"يعتبر مركب أحادي جلوتامات الصوديوم من المواد الطبيعية الموجودة في عدد كبير من الأطعمة ومن بينها عشبة الكومبو البحرية والتي استخدمها اليابانيون منذ مئات السنين لتحسين نكهة الطعام حيث تمكن أحد الأطباء اليابانيين من استخرج أحد مكوناتها الرئيسية وهي مادة أحادي جلوتامات الصوديوم ومن ثم تسويقها كمادة طبيعية محسنة للنكهة. ومنذ ذلك اليوم كثر استخدام هذه المادة في عدد كبير من الأغذية الجاهزة. المعلبات، المأكولات السريعة والمأكولات الصينية لتشمل أكثر من 60% من المنتجات التي نتناولها يومياً."

- مخاوف صحية لدى بعض العلماء

يعتقد العديد من العلماء، وذلك استناداً إلى بعض التجارب التي أجريت على الحيوانات، أن مادة أحادي جلوتامات الصوديوم هي بمثابة السم الخطير الذي قد يكون له تداعيات سيئة على صحة الإنسان. فهذه التجارب العلمية كشفت عن قدرة هذه المادة على إحداث إضطرابات عصبية وسلوكية مثل نقص في التركيز والقلق كما أنها قد تلعب دوراً مهماً في ظهور مرض الزهايمر، مرض التصلب العصبي المتعدد، مرض الباركنسون ومرض التوحد لدى الإنسان.

- مصادر مخفية لأحادي جلوتامات الصوديوم

يلجأ الكثير من المصنعين إلى تضليل المستهلك بعدم ذكر أحادي جلوتامات الصوديوم ضمن لائحة المكونات الغذائية المطبوعة على المنتجات التي يصنعون وذلك خوفاً من انخفاض استهلاك هذه المنتجات من قبل الأشخاص الذين يدركون المخاطر التي قد تلحق بهم من جراء الإكثار من تناول هذه المادة. فيقوم هؤلاء المصنعون باستخدام تعابير أخرى يجب التأكد مع عدم وجودها على المنتجات التي نتناول إن كنا نريد الابتعاد عن تناول هذه المادة. ومن بعض هذه التعابير المستخدمة؛ خلاصة البروتين، كايسينات الصوديوم، خلاصة الخميرة، بروتينات نباتية متحللة، خلاصة بروتين الصويا، الأنزيمات، منكهات طبيعية، نشاء الذرة المعدل وغيرها من الأسماء.

- ما المأكولات التي يجب تجنبها؟

تحتوي مأكولات عديدة على كميات كبيرة من مادة أحادي جلوتامات الصوديوم ومنها:

الحساء الجاهز المصنع، مكعبات المرق، التوابل الجاهزة المصنعة، الوجبات السريعة، ثمار البحر المثلجة، عدد كبير من الصلصات مثل صلصة الباربيكيو والصويا صوص، الوجبات الجاهزة المصنعة مثل وجبات النودلز الجاهزة، رقائق البطاطا المنكهة وغيرها الكثير من المنتجات.

- ماذا تقول هيئة الغذاء والدواء الأمريكية؟

نشرت هيئة الغذاء والدواء الأمريكية تقريراً تعتبر فيه تناول هذه المادة من قبل الإنسان آمنة، حيث لم تجد الهيئة من خلال أبحاثها التي أجرتها بهذا الخصوص ما يمنع استخدام هذه المادة. فلا يوجد ليومنا هذا أدلة علمية كافية تؤكد وجود أي علاقة بين تناول أحادي جلوتامات الصوديوم وبين الإصابة بأي من الأمراض.

- أعراض صحية اعترفت بها هيئة الغذاء والدواء الأمريكية

من خلال الأبحاث العلمية تبين أن تناول هذه المادة قد يسبب بعض الأعراض عند عدد من الناس مثل: التعرق، انشداد الجلد خاصة الوجه، التخدر والوخز حول الفم، تسارع في دقات القلب، والآلام في الصدر، ضيق في التنفس، الشعور بالتعب والغثيان.

عادة ما تكون هذه العوارض خفيفة ولا تحتاج إلى علاج ولكن في بعض الأحيان تأتي شديدة على بعض الناس وقد تتطلب منهم الدخول إلى المستشفى.

- هل يمكن للإنسان الإدمان على أحادي جلوتامات الصوديوم؟

يقول بعض الباحثين أن الإنسان يمكن له الإدمان على هذه المواد وذلك بسبب قدرتها الكبيرة في التأثير على الجهاز العصبي في الجسم، كما قد يكون لهذه المواد دور في تشغيل بعض أنظمة الجسم مثل عملية إفراز الأنسولين والأدرنالين، عملية تخزين الدهون وعملية زيادة الشهية لدى الإنسان، فذلك قد يفسر الشعور بالجوع مجدداً بعد تناول الأطباق الصينية أو الشعور باشتهاء رقائق البطاطس والوجبات السريعة وإن كان الإنسان في حالة شبع.

- ما الذي يجب علينا فعله؟

في حين عدم توافر الأدلة القاطعة على علاقة هذه المادة بالأمراض المذكورة أعلاه وفي حين عدم وجود أبحاث جديدة تظهر لنا النتائج الصحية البعيدة الأمد المترتبة على تناول كميات كبيرة من هذه المواد يومياً، أنصح بالابتعاد عن هذه المواد بقدر المستطاع، فنحن نجهل حقيقة نتائجها ويفضل علينا توخي الحذر منها، فالابتعاد عنها يكون بالابتعاد عن المأكولات السريعة والمصنعة واللجوء إلى استخدام أطعمة ومكونات طبيعية معروفة المصدر، كما أنصح الأمهات بمنع أبنائهن من الإسراف في تناول المأكولات الملونة والمنكهة مثل رقائق البطاطا، البسكوت، الحلويات وغيرها.

المصدر

شارك هذه المشاركه


رابط المشاركه
شارك

بعد اذن فتفوتة وفولانة هانسخ لكم المعلومات اللي لقيتها

وطبعا ممكن تتأكدوا بنفسكم

ومش لازم المصدر لأن كل المواقع اجمعت على كده واعملوا سيرش على جوجل وشوفوا ( مش فاكره اسم الموقع بصراحة )

جلوتاميت أحادي الصوديوم ( مونو صوديوم جلوتاميت) ويرمز لها بالرمز E621

هي عبارة عن مادة معززة للنكهة , شكلها يشبه شكل الملح ، تعطي المنتج نكهة جذابة

ولكنها خطرة على الصحة فجميع الأبحاث أثبتت أنها مسرطنة. وآخر أبحاث يابانية أو صينية أثبتت أن زيادتها مسببة للعمى. ونجدها في منتجات الشوربات سريعة التحضير وهي المسؤولة عن النكهة اللذيذة لتلك المنتجات مثل شوربة ماجي , أندومي... وكذلك الروبيان البطاطس مثل غندور بالكاتشب وتلك المكتوب عليها بعبارات من شرق آسيا

أما بالنسبه للأندومي المشكله ليس في الشعريه ولكن المشكله تكمن في البهارات المستخدمه فيها، من هذه المكونات ماده تسمى أحادي جلوتامات الصوديوم أو أحياناً تسمى مونوا صوديوم جلوتامات MSG هذه الماده تضاف الى الأطعمه لأعطاءها نكهة اللحم ليكون طعمها مقبول ولذيد بالنسبه لهذه الماده فهي موجوده في الجسم أساسا ً ولكن البعض يقول أنها ممكن أن تسبب مايسمى متلازمة المطعم الصيني Chines Restaurunt Sindrom والتي من أعراضها عدم الشعور بالراحه والشعور برغبه بالإستفراغ وأحيانا الصداع أذا تم تناولها بكميات كبيره وسميت بذلك لأن هذه الماده يكثر أستخدامها بكميات كبيره في المطاعم الصينيه ويوجد بعض الأشخاص الذين لايتحملون هذه الماده.

ربنا يرحمنا برحمته ويشفي مرضانا ومرضى المسلمين

صحة ابنائنا امانه في اعناقنا ياجماعة

وبعدين مش لازم معزز نكهات خالص

هو يعني من سده النفس ؟!

الطرشي احسن واضمن

تقبلوا مروري

شارك هذه المشاركه


رابط المشاركه
شارك
السلام عليكم ورحمة الله...

الاخوات العزيزات...

مافيش داعى من الملح الصينى ولا اليابانى ...اختنا الفاضلة أم نور عملت بحث عليه واكتشفت اضراره...

فلو ممكن بعد اذنها تتفضل بعرض ما توصلت اليه فى الموضوع حتى يعلم الجميع...ولو ممكن رابط الموضوع اكون شاكرة جدا

وأنا بأقول مال نظرى ضعف ليه كده ... smk: :)

بأشكرك جدا أختى الكريمة أم نور..وجزاك الله خيراً

لا تشتروا الملح الصينى من الاسواق...اشتروه منى أنا ..أنا عندى كتيررر... :roseop:

أنا عاجبنى توقيعك جدا يا أختى الفاضلة أم نور.... :roseop:

جزانا واياكي يا اختي الكريمة

معلش بأه اتدبستي في اللي عندك

ممكن تنظفي بيه الحمام على فكرة .. بلي الارض ورشيه عليها وبعد شويه ادعكيه واشطفي

واحدة كانت قالتلي بينظف زي ملح الليمون

التوقيع بصبر بيه نفسي على البعد والشوق

يارب نرجع بلدنا سالمين غانمين

شارك هذه المشاركه


رابط المشاركه
شارك

كلاكيت تاني مرة

لازم اخرط على قلبكم بصل عشان محدش يدخله بيته تاني

معزز النكهات

أجي .نـــو.مـــوتـــــو

ملح احادي جلوتاميت الصوديوم

قام أحد الاخوان بزيارة الى أحد مطاعم الرز المشهورة بالرياض وأعجب بالطعم الرهيب للرز (الرومانسي) لديهم.

فلما ألح على أحد الطباخين بالمطعم لمعرفة سر الطعم فتبين أنهم يضعون كمية من الماجي الأبيض المعروف بأجينو موتو Agino Moto أو الملح الصيني Chinese Salt

هنا تذكرت حادثة حصلت لنا قبل شهر حيث كانت زوجتي تعاني من دوار ودوخة شديدة استمرت معها أكثر من اسبوع وعندما راجعت الدكتورة في أحد المستشفيات الكبيرة وأجرت بعض التحاليل والأشعة لزوجتي ، سألة زوجتي هل أنتي تستخدمين الماجي الأبيض في الطبخ

أو أنك كنت تأكلين من المطاعم كثيرا !!!!

سألتها زوجتي ولماذا تسألين ؟؟ قالت :إن الماجي الأبيض له تأثير ضار على المخ .

أيضاً تذكرت مقولة خادمتنا الأندنوسية قبل 10 سنوات كانت تنصح أهلي بعدم استخدام الماجي الأبيض وتقول أنه يسبب ظهور الغدد أسفل الحلق .

وهذا ملاحظ في السنوات الأخيرة من اضطرابات في الغدة الدرقية بين كثير من الناس وخاصة النساء

وهذا له علاقة بالموضوع نقلته من أحد المنتديات

اقتباس:

الماجي الأبيض يسبب الفشل الكلوي بنسبة 95 %

عندما كنت في الجامعة قمنا بدراسة خطورة الماجي الأبيض والإندومي حيث أن :

1- الماجي الأبيض والمداومة عليه يسبب الفشل الكلوي بنسبة 95 % بسبب وجود مادة (جلوتاميت الصوديوم).

2- الإندومي يسبب تلف في خلايا المخ.

هذه للأسف دراسات أكيدة وحذرت منها وزارة الصحة ولكن وزارة التجارة لم تُحرك ساكناً ... ومما يُزيد الأمر سوءاً أن مجتمعنا يكاد لايستغني عنها ..........

منذ أن عرفت بهذه المعلومة منعتها عن أهلي والأقارب وقمت بعمل نشرات طبية للتوعية ولكن لم أحصل على موافقة النشر من جهة الإختصاص بسبب خوفهم على مصلحة الشركات على حساب صحة الشعب ..

______________________________ __

الماجي الأبيض المعروف بأجينو موتوAgino Moto أو الملح الصينيChinese Salt,طبعاً هو ليس بملح, يحتوي على الألمنيوم (ألمنيوم أمونيوم سلفيت)

Aluminium Ammonium Sulphate White/Red (Ammonia Alum)

الألمنيوم هو أكثر المعادن إنتشاراً في قشرة الكرة الأرضية و يوجد في الطعام و الماء و الهواء. و الأجينو موتو له طعم حلو و يُمكن أن يتحلل بالماء ليُطلق حمض السلفوريكSulfuric Acid الذي يُمكن أن يُسبب تهيج الجلد أو العين أو الجهاز الهضمي مُسبباً الغثيان و الإسهال, كذلك أبخرة تُسبب تهيج الجهاز التنفسي.

يستهلك الإنسان البالغ تقريباً 8 مليجرام يومياً من الألمنيوم عن طريق الطعام, يُصنف الألمنيوم بأنه غير ضار بإستهلاك الكميات المُتعارف عليها و لكن مؤخراً ثُبت بأنه يؤثر على الجهاز العصبي و رُبط مع حدوث مرض الزهايمر Alzheimer's Diseaseو الخرفDementiaو فرط الحركة و خلل التعلم عند الأطفال Hyperactivity & Learning Disorders.

من هذا يتضح بأن من الأفضل تجنب الملح الصيني (أجينو موتو) حيث أنه غير ضروري و معرفتنا بمضار النسب الزائدة من الألمنيوم للجسم غير معروفة تماماً (الوقاية خير من العلاج).

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...