CMA® Certified Management Accountant النظام الجديد مراجع كتب أسئلة إستفسارات وغيرها متجدد

[ACCOUNTING LOVER]

ألف مبروك يا أستاذ محمد وربنا يوفقك في البارت المتبقي ليك وتحصل على الشهادة لأنك بتشرفنا كعرب بحصولك على هذه الشهادة وبكدة نثبت للغرب بأن العرب هم اصل الحضارة والعلم

تمنياتي بالتوفيق :rolleyes: :roseop:

أخوك

ACCOUNTING LOVER

[mohammed]

ماشاء الله والف الف مبروك وعقبال اخر مادة بجد بجد انا اتفائلت بيك جدا ربنا يوفقك ويكملهالك علي خير

الله يبارك فيكي وان شاء الله ربنا يوفقك ويوفق كل الناس انها تحصل علي الشهاده

انا سعيد جدا بالتعليقات الي بشوفها لان بحس انها طالعه من القلب وده يدل ان الناس كلها هنا في المنتدي بتحب الخير لبعض

ربنا يوفقنا كلنا لما فيه الخير

امين يارب

[mohammed]

ألف مبروك يا أستاذ محمد وربنا يوفقك في البارت المتبقي ليك وتحصل على الشهادة لأنك بتشرفنا كعرب بحصولك على هذه الشهادة وبكدة نثبت للغرب بأن العرب هم اصل الحضارة والعلم

تمنياتي بالتوفيق :rolleyes: :roseop:

أخوك

ACCOUNTING LOVER

الله يبارك فيك يا استاذي العزيز ويجزيك خير علي المجهود الاكثر من رائع في المنتدي وفعلا احنا كعرب محتاجين نطور من نفسنا عشان نثبت للغرب اننا مش ققل منهم عاوز اقلك انك لو جيت شفت الوضع هنا في الامارات نادرا اما تدخل شركه وتلاقي فيها مدير مالي او مدير حسابات مصري عاوز اقلك انك لو لقيت محاسب مصري يبقي كويس حتي لما تجيب اعلانات الوظائف تلاقي الشركات بتشترط محاسبين باكستان او هنود عموما ربنا يعينا ونقدر نغير الفكره ده عننا وده مش هيحصل الا اذا بقينا محاسبين معتمدين

[melhamy]

على فكرة يا mohammed بيه كلامك صحيح لانى لما راجعت للموقع و أيصال التسجيل لقيت هم بيقول ليا بكل وضوح

Another important Note ... if you do not test in the assigned testing window for any active exam authrization , your exam fee will be forfeited

وده يخلينى ارجع وأسال عن وضعى فى حاله لا قدر الله مقدرتش اعدى بارت 3 فى شهر 6 هل من الممكن اعمل إعادة فى شهر 9 بمجرد سداد رسوم إعادة الأمتحان تانى وقبل نهاية 2010 .

و بخصوص أوراق أثبات الهوية اللى بتاخدها معاك فى الامتحان كانت ايه ؟

وشكراً جزيلاً والف الف مبروك :lol: -_-

[anoosha]

السلام عليكم ورحمة الله وبركاته انا لسة جديدة فى المنتدى

وكنت محتاجة باقى كتاب الهوك لانى خلصت جليم الاول وبصراحة الوحدات النظرى مش مرتبة كما يجب وكنت محتاجة الهوك جدا عشان اخلص وادخل الامتحان فى شهر 6

[melhamy]

أختى محتاجه هوك بارت 3 ولا بارت كام ؟؟؟

[anoosha]

أختى محتاجه هوك بارت 3 ولا بارت كام ؟؟؟

باقى الجزء الاول الهوك اللى الاخ عمدة بينزله

انا طلبت بس لانى كنت متوقعة ينزله يوم الجمعة اللى فات ده بس لما مالقيتش قلت اطلب لانى بصراحة مستعجلة شوية

[اغابي]

اخونا / عماد

طب الشهادة دى - معتمدة ومعترف بيها فى كندا ؟؟

بمعنى المحاسب اللى معاه الشهادة دى حيستفسد منها فى كندا ؟؟

ولا حيحتاج تانى معادلة هناك ؟؟

وهل فى الكويت فى مجال لدراستها بتكاليف اقل ؟؟

اغابي

[mohammed]

على فكرة يا mohammed بيه كلامك صحيح لانى لما راجعت للموقع و أيصال التسجيل لقيت هم بيقول ليا بكل وضوح

Another important Note ... if you do not test in the assigned testing window for any active exam authrization , your exam fee will be forfeited

وده يخلينى ارجع وأسال عن وضعى فى حاله لا قدر الله مقدرتش اعدى بارت 3 فى شهر 6 هل من الممكن اعمل إعادة فى شهر 9 بمجرد سداد رسوم إعادة الأمتحان تانى وقبل نهاية 2010 .

و بخصوص أوراق أثبات الهوية اللى بتاخدها معاك فى الامتحان كانت ايه ؟

وشكراً جزيلاً والف الف مبروك :blush2:

يا محمد باشا انت تقدر تدخل الامتحان في ويندو 6 بس لازم تحدد اي يوم في شهر 6 بناء علي المواعيد المتاحه وبعد كده بتعمل confirm اما في حالة لا قدر الله ما اقدرتش تعدي في شهر 6 فانت ليك 3 محاولات لنفس البارت خلال السنه يعني تقدر تدخل تاني في شهر 9 وان شاء الله ربنا يوفقك وتعدي في شهر 6 وزي ما قلت قبل كده ركز جدا علي اسئله CMA Exam Retired Questions هتلاقي منها افكار كتير في الامتحان ان شاء الله

اما بخصوص الاوراق الي بتاخدها معاك لازم يكون معاك اثبات يكون عليه صورتك وامضتك زي جواز السفر ولازم ما يكونش منتهي وانا تحت امرك في اي مساعده .

[tamer on line]

أ / محمد

بعد التحية ,,,

أود سؤالك هل استعنت بأى مراكز للتعليم ساعدتك فى تحصيل الشهادة ؟؟ واذا كانت الاجابة بـ لا

فما العامل الاساسى فى تحصيلك للمادة ؟؟؟ وهل كان عندك وقت بعد الشغل للمذاكرة 3 ساعات وفى آخر شهر 6 ساعات ؟؟؟

وشكرا لك وبالتوفيق

[mohammed]

أ / محمد

بعد التحية ,,,

أود سؤالك هل استعنت بأى مراكز للتعليم ساعدتك فى تحصيل الشهادة ؟؟ واذا كانت الاجابة بـ لا

فما العامل الاساسى فى تحصيلك للمادة ؟؟؟ وهل كان عندك وقت بعد الشغل للمذاكرة 3 ساعات وفى آخر شهر 6 ساعات ؟؟؟

وشكرا لك وبالتوفيق

أ/ تامر

اولا احتراما لطلب الاستاذ عماد وهو اني هتكلم عن التجربه كلها في القسم الجديد فانا ان شاء الله هتكلم باستفاضه عن طريقه المذاكره والمصادر وازاي نقدر نفهم ونستوعب الي بنذاكره وكل شئ ان شاء الله في القسم الجديد . ولكن احتراما لحضرتك هرد عليك

بخصوص المراكز انا ما فكرتش اطلاقا اني اروح او حتي اتابع في مركز رغم اني ما عنديش اي مشكله ماديه في اني اروح مركز وده لعدة اسباب من وجهة نظري طبعا هفسرها لاحقا ان شاء الله .

اما المصدر الرئيسي للمذاكره فكان هوك وعن تجربه هو كافي جدا جدا كتحصيل ومذاكره اما التطبيق فا افضل مصدر هو اسئلة جلايم وطريقة التوفيق بين المذاكره من هوك و التطبيق من جليم هوطحها لاحقا بالاضافه طبعا لحل اسئلة الريتاير بعد الانتهاء تماما من المذاكره يعني ده اخر خطوة قبل الامتحان

اما بخصوص الوقت فا اكيد هيختلف من شخص لاخر وكل واحد يقدر ينظم وقته بالي يتناسب معاه وباللنسبه ليه انا شغلي من الساعه 8 الي 4 وبعد الشغل بنام وبصحي الساعه 7 و بفرغ نفسي تماما للمذاكره لحد الجزء الي انا محدده يوميا يخلص وطبعا انت لما تدخل في مود الشهاده هتلاقيك بتزود ساعات المذاكره يوميا الي ان تصل الي 5 او 6 ساعات وباللنسبه ليه انا ما كنتش بذاكر يوم الخميس والجمعه خالص ماعادا اخر اسبوعين قبل الامتحان .

عموما سامحني علي التقصير وان شاء الله نتناقش باستفاضه في القسم الجديد .

[Mohammed Sobhy]

السلام عليكم ورحمة الله وبركاتة

في البداية اود ان اسجل اعجابي الشديد بالروح الموجودة بين كل الشباب اللي موجودين بالموضوع هنا وبالاسلوب الاكثر من الرائع اللي انتم متناولين بية الموضوع دة

انا من اكتر من سنة وانا واخد القرار اني اخد ال سي ام اية وديما كنت بحاول اعررف كل حاجة عنها وفي كل مرة بيحصل حالة من التشتت والضياع ودي اول مرة الاقي فيها موضوع في كل حاجة من الالف الى الياء عن الشهادة دي.

الاسلوب الرائع اللي بيدار بيه الحوار هنا واللي بيتم بيه عرض المعلومة جذاي وسلس لدرجة اني اخدت 3 ايام كاملين علشان اقرا كل كلمة اتكتب في ال 36 صفحة اللي فاتت ودي اول مرة في جياتي اسجل على منتدى لاني عاوز اسجل فية فعلا

بحب اوجة تحياتي وتقديري واحترامي الشديد لعمدة اللي كان هو النواة الرئيسية للموضوع دة ولولا عمدة بعد ربنا مكنش شكل الموضوع بقى كدة

وكمان بشكر المدام ضحى على الدعم المعنوى الكبير اللي قامت بية في الموضوع دة

وبشكر اكونت لفر على الحماس الشديد والاخلاص والبذل والعطاء اللي بيقوم بية

وبشكر كل واحد كتب مشاركة في الموضوع هنا علشان انا استفدت من كل كلمة اتكتب هنا بجد ومش ممكن تتخيلوا اد اية الحماس زاد فيا ولاول مرة اخدت القرار اني اتنقل من مرحلة التفكير الى مرحلة التنفيذ

بتمنى قبلوني معاكم وتتقبلو مشاركاتي وبتمنى اني اكون عضو فعال معاكم وربنا يقدرنا على رد جميل لكل شخص كتب حرف في الموضوع هنا

اعرفكم بنفسي

انا محمد صبحي محاسب مصري مقيم بالرياض 26 سنة خريج 2004

تقبلو مروري

[عماد حمدي]

الأخ محمد صبحي بنرحب بيك معانا .. ومتشكر جدا جدا جدا ع كلامك الجميل دا ,, ودا والله بيعطيني حافز أكتر أني أكمل ,,

وعايز أقولكم حاجة بالمناسبة دي ,, ان الدعم المستمر منكم ودعم الأخت ضحي خصوصا ً وطبعا ً أستاذنا الكبير أكونت لافر هو اللي خلاني أفكر أني أوسع دائرة النقاش وأعمل قسم مخصوص للسي ام اية .. ويكون بفضل الله وان شاء الله تعالي أول موقع عربي بيتناول السي ام اية بطريقة مفصلة ومرتبة : من حيث إنشاء قسم متخصص بالمكتبة إنشاء قسم متخصص بمحاضرات الشرح والقسم العام وبه موضوعات غاية في الأهمية أنا صغتها من هنا وضفت أشياء تانية في صورة سؤال وإجابة

وأخي أكونت لافر حاليا ً بتناقش في إنشاء قسمين كمان الأول هيكون مكتبة الصوتيات والمرئيات ودا هيتحط فييه شرح فيديو وصوت !!

وقسم للترجمة .. وحتي نكون متميزيين أكتر وأكتر فإنشاء الله تعالي من المحتمل فتح غرفة دردشة وتقسيم مجموعات يومين في الأسبوع لكن مازالت تحت الدراسة وع اي حالة هيتعمل إستفتاء بخصوص موضوع الترجمة دا وكمان عرفة الدردشة ..

وبإذن الله انا حضرت قوائم بريدية بها ما لا يقل عن مليون عضو من المنتديات العربية ومنتديات المحاسبة وغيرها وذلك لإنضمام أكبر قدر ممكن من الأعضاء ونعمل إنتخابات قريبة لإختيار مشرفي القسم .. بس دا مش هيحصل غير لما انتوا الأول هنا تدخلوا وتقولوا رأيكم اية لان أنتم المؤسسين ولولاكم ما كنت فكرت ولا تعبت في تقسيم قسم جديد ..

تمنياتي لكم جميعا ً بالتوفيق وانتظرونا قريبا ً بإذن الله تعالي ,,

اخوكم

عماد حمدي

[need cma]

السلام عليكم ورحمة الله وبركاته

الى الاخ عماد والاخ accounting lover بجد انتم حاجة فوق الوصف وبجد عايز اشكركم بالنيابة عن كل المهتمين بموضوع cma فى هذا المنتدى المحترم وبجد انا سعيد انى بقيت عضو فى المنتدى واكيد هبقى سعيد اكتر لو قدرت اشترك معاكم وابقى عضو فى هيئة تعليم cma وشكراااا جزيلا .

[عماد حمدي]

اخونا / عماد

طب الشهادة دى - معتمدة ومعترف بيها فى كندا ؟؟

بمعنى المحاسب اللى معاه الشهادة دى حيستفسد منها فى كندا ؟؟

ولا حيحتاج تانى معادلة هناك ؟؟

وهل فى الكويت فى مجال لدراستها بتكاليف اقل ؟؟

اغابي

أهلا ً أهلا ً يا أغابي .. اللهم اجعل كلامني خفيف عليكي ... :rolleyes:

في كندا أعتقد والله أعلم بيكون ليها معادلة .. لان السي ام اية معتمدة من أمريكا .ز

وعاما ً في نفس القسم هنا موجود موضوع اسمة المحاسبة الكندية وفي الصفحة الأخيرة تطرق النقاش حول هذه النقطة يرجي مراجعة الموضوع لتحصلي ع معلومات أكتر ..

بالنسة لتكاليفها في الكويت هيا هيا تكاليفها في أي منطقة في العالم كلة لأن الرسوم ثابتة لا تتغير لكن الإختلاف بيكون في سعر شرحها حسب كل معهد وقوته بناء ً عليه بيتم تحديد السعر ..

بس فية ناس كتير جدا ً أخدتها عن طريق Self Study وتكلفتها ثابتة في حدود 4000 ريال ..

عاما ً دا سؤال ممتاز أحييكي عليه وهحطة أكيد في القسم الجديد وياريت تبقي تشرفينا بزيارتك

عماد

[عماد حمدي]

السلام عليكم ورحمة الله وبركاته

الى الاخ عماد والاخ accounting lover بجد انتم حاجة فوق الوصف وبجد عايز اشكركم بالنيابة عن كل المهتمين بموضوع cma فى هذا المنتدى المحترم وبجد انا سعيد انى بقيت عضو فى المنتدى واكيد هبقى سعيد اكتر لو قدرت اشترك معاكم وابقى عضو فى هيئة تعليم cma وشكراااا جزيلا .

ربنا يخليك يا جميل .. أنا سعيد جدا ً والله لما بشوف ناس زيك كدا فيها حماس وإصرار

ان شاء الله هتنبسط أكتر معانا في قسمنا الجديد ,,

وأعذروني ع التأخير ,, وبتأسف للمرة التانية أني مش هقدر أضع اي مشاركات جديدة في الوقت الراهن

تقبلوا مروري ,,

عماد

[tamer on line]

السلام عليكم ورحمته وبركاته :roseop:

السلام والتحية للأخ عمده والأخ Accounting lover وجميع الأعضاء الجدد والقدامى جعلكم الله جميعا فى المقدمة دائما لما فيه نفعا لكم وللمسلمين

اقتراح بسيط للأخ عماد أعتقد أنك أخذته فى اعتبارك وهو

1 - أنك لا تضيع مجهودك فى 36 صفحة السابقة من معلومات عن الشهادة فى جميع النواحى وبنفس الاسلوب المميز الذى جذب العديد من الاعضاء للاشتراك

فى هذا المنتدى

2 - رجاء مراجعة 36 صفحة والوقوف على الاستفسارات الهامة من بعض الاعضاء واجابتك عليها حتى يكون هناك مرجع لأى معلومة مطلوبة من أى عضو جديد

أو نسيان شئ ما لأى عضو قديم لذا أرجو ادراج بعض التعليقات الهامة فى قسم cma الجديد من الصفح السابقة

3- وأخيرا لاتنسى أن سبب اهتمام الاعضاء المشتركين والذين سوف يشتركوا ان شاء الله هو النهر الغزير من المعلومات التى لا تقدر بثمن وتدل على مجهودك

الرائع فى هذا القسم

الخلاصة أنى أقترح عمل قسم خاص للمعلومات السابقة واللاحقة لهذه الشهادة حتى تكون مرجع لنا جميعا عند الاحتياج اليها وايضا بعض الاستفسارات واالاجابات عليها حتى نحقق أكبر استفادة ممكنة وحتى لا تتكرر الاسئلة لإجابات أنت قلتها من قبل

وأكرر أن هذا الاقتراح بالتأكيد لم يفوت على واحد مثل عمده (أستاااااااااااااااااااااااااااااااااااااااااااااااااااااااااااااذ)

ولك منى مليون سلام :roseop:

[ACCOUNTING LOVER]

أولا السلام عليكم جميعا

في البداية أحب أرحب بزملائنا الأفاضل الجدد في المنتدى وأتمنى لهم التوفيق وأن يشاركو معنا بفاعلية لتعم الفائدة على الجميع.

وأحب أطمئن الجميع أن قسم الشهادات المهنية حاليا تحت التطوير وسيكون في ثوب جديد وبتنسيق جديد لأول مرة على المنتديات العربية وذلك نظرا لأهمية هذه الشهادة

كما أحب أن أطمئن الجميع بأن حلقات الورشة مستمرة وبعون اللة لن تتوقف بل هو وضع مؤقت فقط لحين الإنتهاء من تطوير القسم الجديد بما يعود بالفائدة على الجميع وذلك بالمجهود المشرف للأخ عماد الذي لا توفية كلمات الشكر والعرفان حقة فصبرا جميلا من الجميع وإنتظروا المفاجأة

أخوكم

ACCOUNTING LOVER

[mosliny]

مشكورين جزيلاً

[عماد حمدي]

السلام عليكم ورحمته وبركاته :happy: :happy: :blink:

السلام والتحية للأخ عمده والأخ Accounting lover وجميع الأعضاء الجدد والقدامى جعلكم الله جميعا فى المقدمة دائما لما فيه نفعا لكم وللمسلمين

اقتراح بسيط للأخ عماد أعتقد أنك أخذته فى اعتبارك وهو

1 - أنك لا تضيع مجهودك فى 36 صفحة السابقة من معلومات عن الشهادة فى جميع النواحى وبنفس الاسلوب المميز الذى جذب العديد من الاعضاء للاشتراك

فى هذا المنتدى

2 - رجاء مراجعة 36 صفحة والوقوف على الاستفسارات الهامة من بعض الاعضاء واجابتك عليها حتى يكون هناك مرجع لأى معلومة مطلوبة من أى عضو جديد

أو نسيان شئ ما لأى عضو قديم لذا أرجو ادراج بعض التعليقات الهامة فى قسم cma الجديد من الصفح السابقة

3- وأخيرا لاتنسى أن سبب اهتمام الاعضاء المشتركين والذين سوف يشتركوا ان شاء الله هو النهر الغزير من المعلومات التى لا تقدر بثمن وتدل على مجهودك

الرائع فى هذا القسم

الخلاصة أنى أقترح عمل قسم خاص للمعلومات السابقة واللاحقة لهذه الشهادة حتى تكون مرجع لنا جميعا عند الاحتياج اليها وايضا بعض الاستفسارات واالاجابات عليها حتى نحقق أكبر استفادة ممكنة وحتى لا تتكرر الاسئلة لإجابات أنت قلتها من قبل

وأكرر أن هذا الاقتراح بالتأكيد لم يفوت على واحد مثل عمده (أستاااااااااااااااااااااااااااااااااااااااااااااااااااااااااااااذ)

ولك منى مليون سلام :wub:

ازيك يا تامر .. والله يا تيمو أنا بعمل كدا حاليا ً ومثبت مواضيع مهمة كالتسجيل والإمتحان والإشتراك بالسي ام اية موضوعات مهمة ومقتبسة طبعا ً من هنا + أني براجع كل يوم صفحات المنتدي هنا علشان أقتبس الأسئلة المهمة والإجابات بتاعتها وكمان بعيد رفع كل الماتيريال تاني :sad: ومحاضرات الشرح وأخويا اكونت لافر جزاه الله كل خير بنتشاور الأن بإضافة أقسام مميزة وان شاء الله يصير خير ..

تمنياتي لكم بالتوفيق ,,

عماد