CMA® Certified Management Accountant النظام الجديد مراجع كتب أسئلة إستفسارات وغيرها متجدد

[محمد افندى]

بقى كدة يا عمدة

اسيب المنتدى شوية الاقى الموضوع بتاع cma انطلق ما شاء الله كدة

والله بجد اسلوبك جميل جدا وتستاهل تدرس كمان زى ما قالت الاخت ضحى

متقلقش طالما عدد الزيارات كبيرة كويس يبقى الموضوع مهم

هيحصل تفاعل ان شاء الله

انا هبدأ احمل دلوقتى الحاجات اللى انت حاططها بس مش عارف ابدأ منين

مش انت قلت نذاكر من هوك

نعمل اية بجليم دلوقتى

لو انا غلطان او فى سوء فهم

دلنى

دلنى يا عمدة يا حبيبى الله يخليك

والله بجد فتحت نفسنا على الشهادة دى والله

[عماد حمدي]

محمد افندي .. بقولك اية يا خويا انا قولتك من اولها هشرب البيبس وهنبدا في المعمعة أنته اللي نمت وشخرت كمان ..

سيبك من ترابيزة البلياردوا بتاعت عمك حسن وانتبه لمذاكرتك هنا

تعاطفك لواحدة مش كفاية

بص هوك دلوقتي انا كلمت واحد هيرفعة كلة مرة واحده علي سيرفر وهحط الرابط هنا قريب إن شاء الله .. حجم الكتاب 400 صفحة مش كبير علشان تكون مطمن

بالنسبة لجليم .. اهو افتح الكتاب إقرالك كلمتين ينفعوك يابني وقت الإمتحان اهو تاخد فكرة النهارده وتشتري بكرة

إنتظروا كتاب هوك الجزء الأول النطام الجديد قريبا ًَ بإذن الله

بالتوفيق للجميع ,,

أخوكم

Omda2006

Emad Hamdy

تم تعديل 20 مارس 2010 بواسطة omda2006

[عماد حمدي]

الحلقة السادسة :

:bsmal:

بعد طول إنتظار .. وصل بحمد الله تعالي عمنا هوك من رحلتة الشاقة التي إستغرقت الكثير من الوقت .. :110:

كتاب هوك النظام الجديد CMA 2010 - البارت الأول

من الصفحة رقم ( 0 حتي 67 ) فقط // عدد صفحات الكتاب 400 صفحة

الطبعة بالألوان الطبيعية ..

وللأمانة والحفاظ ع حقوق الناشر ..

منقول من منتدي دي في دي .. لكن قمت برفعة مرة أخري ع سيرفر أخر وذلك لوجود مشاكل في التحميل كذلك وجود باسوردات لا تعمل لفك الضغط وخلافة .. لذا لذم التنويه ..

:sad:

تم الإتفاق مع الناشر حين الإنتهاء من رفع باقي الكتاب إبتداءً من الصفحة رقم 68 سأقوم برفعه هنا ....

:wub: wst::

للتحميل إضغط هنا

يرجي من السادة الزوار والسادة الأعضاء متابعة الموضوع .. لإستكمال الكتاب .. و

معرفة كل المتغيرات التي تطرأ علي CMA New System

:waf:

mfb: md2:

أخوكم

omda2006

Emad Hamdy

تم تعديل 21 مارس 2010 بواسطة omda2006

[عماد حمدي]

:rolleyes:

وزي ما إتعودنا اننا هنقف وقفة كل 3 حلقات علشان منتوهش :

دا ملخص للحلقات الرابعة والخامسة والسادسة :

- عرفنا درجات الإمتحان بالنسبة للنظام الجديد وطريقة توزيع الدرجات لكل بارت في الإمتحان

- عرفنا طريقة الإمتحان واين يؤدي الإمتحان

- عرفنا الأماكن المعتمدة لعقد دورات دراسة CMA في مصر والسعودية

- عرفنا اية الفرق بين أقوي 3 شهادات في سوق العمل وهما ( CMA و CPA و CFA )

- عرفنا اية هو دور المحاسب الإداري المعتمد الحاصل ع الـ CMA

- عرفنا اية الفرق بين المحاسبة المالية والمحاسبة الإدارية والمحاسب المالي والإداري

- جاوبنا علي إستفسارات وأسئلة السادة الأعضاء .. الحمد لله

وبفضل من الله تعالي وضعنا عدة روابط خاصة CMA النظام الجديد وهي كالتالي :

1- كتاب IMA المعهد النظام الجديد CMA الجزء الأول

2- كتاب GLEIM النظام الجديد CMA الجزء الأول

3- برنامج GLEIM النظام الجديد كاااااااامل علشان نتدرب عملي علي طريقة الإمتحان ونراجع كل يونت ذاكرناه بطريقة عملية كانك بالإمتحان بالظبط

4- كتاب HOCK النظام الجديد CMA الجزء الأول

* الصفحة من ( 0 حتي 67 فقط // ) وبإذن الله في الحلقات الجاية هنكمل وضع باقي الكتاب

خدلك بريك مع ..

في إنتظار أي أسئلة أو إستفسارات من السادة الأعضاء

:waf:

wst:: wst::

أخوكم

omda2006

EMAD HAMDY

[doha]

ياريت لو ترفع كتاب هوك على رابط تاني لان الي عليه حاليا ده محجوب ..

لو امكن ترفعه على الرابدشير يبقى شكرا جزيلا ..

[عماد حمدي]

روابــط آخــري لكتــاب

HOCK CMA 2010 Part 1 new system

**( page from 1 till 67 )**

سيستكمل بإذن الله في الحلقات القادمة .. إنتظرونا

tot::

إضغط هنا للتحميل

Links to Download Sites containing COPYRIGHTED or OFFENSIVE MATERIALS may be removed by the moderation team!

:waf:

omda2006

Emad Hamdy

[عماد حمدي]

:lol: حد يجي يتشقط معايا

[hOuSsAm]

:blush2: حد يجي يتشقط معايا :blink:

لاء ياعم انا مش فاضى للتنطيط عندى مذاكرة ولو مخلصتهاش هتضرب على نافوخى

عايز اضيف شوية حجات بعد اذن عمدة لتساعدكوا عالمذاكرة لان السى ام ايه ليها طريقة مختلفة للمذاكرة عن الكلية

اول حاجة نشمر ونقول بسم الله

بعد المذاكروة من كتاب هوك يفضل الحل من اسئة جليم وطريقة المذاكرة كافضل طريقة كالتالى ((best practice

1- ترجمة بعض الكلمات الغريبة فى الفصل كله سريعا وبدون قراءة او فهم

2- قراءة الفصل كله بتعمق وفهم من هوك

3- الذهاب لاسطوانة جليم لحل الفصل كما هو موضح اسفل والرجوع الى الشرح اذا كانت هناك نقطة ناقصة

4- بعد الانتهاء من الحل سواء كان الاجابات صحيحة او خطا يتم الحل فى نفس الوقت قبل الدخول للفصل التالى مرة اخرى

5- بعد الانتهاء من الفصل التالى يفضل حل اسئلة الفصل الاول مرة ثالثة

معلومة مهمة اوى يا جماعة الحل الكتير اهم وافضل من المذاكرة والعبرة فى الامتحان للحل الكتير وليس المذاكرة الكتيرة

يفضل الالتزام بالمذاكرة اليومية ساعتين عالاقل او ثلاثة حتى تكون دائما فى المووووود

وبالتوفيق للجميع :lol:

[عماد حمدي]

:blush2: حد يجي يتشقط معايا :blink:

لاء ياعم انا مش فاضى للتنطيط عندى مذاكرة ولو مخلصتهاش هتضرب على نافوخى

عايز اضيف شوية حجات بعد اذن عمدة لتساعدكوا عالمذاكرة لان السى ام ايه ليها طريقة مختلفة للمذاكرة عن الكلية

خلاص هتنطط لواحدي brth)

يا باشا خد راحتك وبسم الله ما شاء الله عليك انتة كدة ربط معايا بتحدد كل حاجة في نقط واضحة

.. خليك بقا بعد إذنك ع نفس النظام دا .. ومنتظرين نصايحك يا باشا ..

وياريت لو تنزل كتاب هوك اللي انا حطيتة تبص بصة سريعة كدة وتقولنا مدي سهولة أو صعوبة المنهج الجديد ...

:lol:

أخوكم

omda2006

Emad Hamdy

[hOuSsAm]

خلاص هتنطط لواحدي

يا باشا خد راحتك وبسم الله ما شاء الله عليك انتة كدة ربط معايا بتحدد كل حاجة في نقط واضحة

.. خليك بقا بعد إذنك ع نفس النظام دا .. ومنتظرين نصايحك يا باشا ..

وياريت لو تنزل كتاب هوك اللي انا حطيتة تبص بصة سريعة كدة وتقولنا مدي سهولة أو صعوبة المنهج الجديد ...

أخوكم

omda2006

Emad Hamdy

بصراحة مش هقدر افتحه دلوقتى خالص لانى اخدت قرار الفترة اللى فاتت ممكن يكون صعب تحقيقه بس اخدت المخاطرة وبدات فيه

الا وهو انى قررت ازاكر بارت 3 النظام القديم وادخل الامتحان فى شهر اكتوبر

لو نجحت وظبطت يبقى تمام

ولو محصلش يبقى استفدت بجزء التسويق والتخطيط اللى فيهم وازاكر الجزء المضاف عالجزء الجديد بالاضافة لمذاكرتى للثلاث فصول القديمة وادخله تانى فى يناير 2011

هو بصراحة الموضوع صعب ومضغوط فيه اوى

بس الله المستعان وربنا يهدينى وازاكر

[doha]

سؤال يااستاذ حسام بعد اذنك بما انك دخلت الامتحان ..

هل الامتحان صعب في حد ذاته ولا فقط مقارنة بامتحانات الكلية ؟

وهل لمادخلت لقيت نفسك معتاد على الاسئلة وعادي بتحل ولا حسيت بنوع من الصدمه مثلا ؟

تقريبا بنسبة قد ايه الشبه بين الاسئلة الي ذاكرتها في جليم وغيره وبين اسئلة الامتحان ؟ لا اقصد نهائي ان ممكن نحفظ الاسئلة مثلا انما قصدي لاي مدا افادتك المذاكرة من اسئلة جليم ؟ يعني من غيرها كان ممكن تجتاز الاختبار ؟

اخيرا سؤال بايخ . . حضرتك اجتزت الامتحان من اول مرة ؟ طيب جبت كام ؟

[محمد افندى]

عماد باشا

مش سايبك معاك

خطوة بخطوة

حملت ال 67 صفحة بس لسة

هشوفها النهاردة بالليل

وهقولك معاك وهمشى وراك

ولا اقولك

مع السلامة يا حبيب العمر مع نفسك

[عماد حمدي]

عماد باشا

مش سايبك معاك

خطوة بخطوة

حملت ال 67 صفحة بس لسة

هشوفها النهاردة بالليل

وهقولك معاك وهمشى وراك

ولا اقولك

مع السلامة يا حبيب العمر مع نفسك

بعون الله هتبقي معايا وتمشي ورايا :blink: بس بالله عليك نام كويس ومتفتحش الكتاب إلا لو مزاجك رايق أوي وشاربلك فنجان قهوه مظبوط كدة وجنبك علبة مارلبور أحمر وتعيش brth)

لو فية كلمة مش عارف معناها عندك القاموس اللي انا حاطة فية كل مصطلحات الـ CMA

عايزين صبر وعزيمة يا محمد أفندي :lol:

بالتوفيق ,,

:blush2:

أخوك

omda2006

Emad Hamdy

تم تعديل 22 مارس 2010 بواسطة omda2006

[عماد حمدي]

مدام Doha

حضرتك روابط كتاب هوك فتحت معاكي ولا مازالت محجوبة ..؟؟

[lovelyramy]

مجهود رائع يا عمده وانا ان شاء الله معاااااك

ياريت كل الناس اللى ناويه تبدأ تدخل وتقول علشان نتواصل مع بعض ونشجع بعض

اكيد هنذاكر من هوك ونراجع ونحل امتحانات جليم ثم نتوكل على الله على اللجنه علشان نمتحن :closedeyes: :lol:

[عماد حمدي]

:lol:

الي السادة الأعضاء والسادة الزوار الكرام .. وفقكم الله جميعا ً بإذن الله,,

:old:

أي شخص نزل كتاب HOCK الصفحة من صفر حتي 67 وناوي انه يطبعها .. ياريت يتنظر غدا ً إن شاء الله نسخة أنقي من كدة وبدون علامة مائية والكلام واضح أكثر من النسخة دي ... وفي الطباعة ممتازة .. وفيها ميزة الكوبي باست حتي يسهل نسخ أي قطعة مش مفهومة ولصقها في أي برنامج ترجمة لترجمة أي قطعة انت مش فاهما كمثال .. برنامج الوافي للترجمة .. وهرفعها ع كذا سيرفر ..

بالإضافة إلي دمجي للجزء الجديد وذلك حتي الصفحة رقم 97 .. لذا لزم التنويه

:closedeyes:

وفي الحلقات القادمة سنتبع هذا الأسلوب لإستكمال الكتاب إن شاء الله ..

كمثال وضعنا الكتاب من الصفحة 0 حتي 97

في الحلقة الجاية هنكمل من الصفحة 98 .. ياعني مش هنتبع الأسلوب التراكمي ..

بس إستثناء الحلقة الجاية فقط علشان زي ما قولت شيلنا العلامة المائية والنسخة أنقي

:waf:

:lol: :sad:

أخوكم

omda2006

Emad Hamdy

تم تعديل 22 مارس 2010 بواسطة omda2006

[hOuSsAm]

:lol:

سؤال يااستاذ حسام بعد اذنك بما انك دخلت الامتحان ..

هل الامتحان صعب في حد ذاته ولا فقط مقارنة بامتحانات الكلية ؟

وهل لمادخلت لقيت نفسك معتاد على الاسئلة وعادي بتحل ولا حسيت بنوع من الصدمه مثلا ؟

تقريبا بنسبة قد ايه الشبه بين الاسئلة الي ذاكرتها في جليم وغيره وبين اسئلة الامتحان ؟ لا اقصد نهائي ان ممكن نحفظ الاسئلة مثلا انما قصدي لاي مدا افادتك المذاكرة من اسئلة جليم ؟ يعني من غيرها كان ممكن تجتاز الاختبار ؟

اخيرا سؤال بايخ . . حضرتك اجتزت الامتحان من اول مرة ؟ طيب جبت كام ؟

لاء الامتحان مش صعب بالنسبة للحجات اللى كنت حليت عليها كتير وكنت مذاكرها كويس لكن طبعا كان فيه صعوبة بالنسبة لجزء انا مذكرتوش لانى اتزنقت فى الاخر وده كان سوء تخطيط منى وعدم ترتيب اولويات

مفيش مقارنة بين امتحان الكلية والسى ام ايه دى قصة وده قصة تانية بس بالنسبة للسى ام ايه على اد متحلى كتير على اد متجيبى درجات اكتر

لاء متصدمتش كنت متعود عالاسئلة لانى اخر اسبوع ركزت كل مجهودى فى حل اسئلة كتير اوى بس اتصدمت فى الاخر فى الجزء اللى مذكرتوش كويس وزعلت من سوء التخطيط بتاعى

انا ملحقتش احل اسئلة كتيرة من جليم ولكن اكتر حاجة ركزت عليها اسئلة جاتلى من الاى ام ايه ودى اللى بيجبها بيجبها بفلوس من عالموقع واتبعتتلى من زمايلى فى مصر واظن ان مصدرها فى مصر هو هبة سرور او طالب عندها مش فاكر بالنسبة للشبه اسئلة كتيرة جتلى بالارقام وعشان كدة مكنتش بتعب نفسى فى الاسئلة دى واديها وقت كنت بعلم عالطول (ولعلمك سر النجاح فى الامتحان هو تنظيم الوقت لانه امتحان بيقيس قدرات اكتر من معلومات وبيشوف قدرتك على حل المشكلات فى اسرع وقت

بالنسبة لاجتياز النجاح انا دخلت بارت ون القديم اللى هما لاغوه فى النظام الجديد ومنجحتش جبت تقريبا 460 من 700 ودرجة النجاح من 500 كان باقيلى كام سؤال يتعدوا عالصوابع وانجح بس مشيئة الله والحمد لله اعتبره انجاز بالنسبة لنفسى لان وقت المذاكرة كان قليل اوى وضغطت نفسى غير انى كان عندى اهداف فى الشغل لازم احققها فكنت باجى عالمذاكرة ودى كانت بردوا غلطة تانية

فكاهة :closedeyes: كدة حصلتلى قبل الامتحان كان امتخانى الساعة 8 صباحا فكنت فاكر انك تروح عادى فى اى وقت منتا هتمتحن عالنت صحيت من النوم وصليت الفجر واتشيكت عالاخر وطبعا مكنتش عارف عنوان السنتر بالظبط ركبت لموزين وتهنا طبعا ووصلت الساعة 9 وربع :old:

الراجل المراقب بيبص فى الميعاد بتاعى لانى متاخر ساعة وربع وشطفنى وروقنى ساعتها وادانى كلام فى العضم :sad:

وقالى مش هينفع تدخل الامتحان وامتحانك اتغلى :lol:

اديته كلمتين حلويين وفهمته انى مكنتش اعرف العنوان كويس قالى طيب ادخل بس لو اللى بعدك جه هقومك واهى اعدت وقضيت الثلاث ساعات

قعبال الجميع باذن الله وناجحين وموفقين

[عماد حمدي]

أستاذ حسام .. بالنسبة لأسئلة المعهد IMA اللي بفلوس ومن ع الموقع .. ربنا يكرم إن شاء الله وانزلها هنا .. وكمان لو قدرت أجيب محاضرات هبة سرور ..

و بجد أحييك ع مداخلتك دي .. ومنتظرين منك المزيد ..

وفقكم الله ,,

تم تعديل 22 مارس 2010 بواسطة omda2006

[doha]

مجهود رائع يا عمده وانا ان شاء الله معاااااك

ياريت كل الناس اللى ناويه تبدأ تدخل وتقول علشان نتواصل مع بعض ونشجع بعض

اكيد هنذاكر من هوك ونراجع ونحل امتحانات جليم ثم نتوكل على الله على اللجنه علشان نمتحن bsh:)

الف شكر الرابد شير شغال عندنا تمام .. بس للامانه لسه مفتحتش الكتب ابص فيها .. عاوز الصراحه .. بدون ماتقولوا علي بفقر .. حسيت ببعض ( الفرملة ) في الموضوع وقلت لابد من ( دراسته ) الاول من جميع النواحي قبل مااخذ قرار بدراسة الشهاده ..

الي خلاني افكر كده اني تذكرت منحة وزارة الاتصالات الي اخذتها من كام سنة ..

وقتها كانت التجارة الالكترونية اشهر من نار على علم والتخصص الي اخترته ( الإي بزنس ) كان مطلوب جدا ـ او هكذا قيل لنا ـ طبعا النهرده الي اخذناه ده ولا له اي قيمه .. الكورس ده قيمته السوقية وقتها 10 الاف جنيه مدفعناش منها حاجه ايوه الوزارة تكفلت بيها ولكن ضيعت من عمري 6 شهور كاملة في مذاكرة او ( طحن ) بمعنى ادق وفي النهاية طلعت شهادتين تلاته معلقتهمش برضه في الصالون بس اظن عيناهم في فايل في الدولاب ...

ياخوفي ان على ماندرس وتتمقق عينينا نلاقي نص البلد اخذتها خاصه بعد ماتغير السستم بتاعها ممكن تكون بقت اسهل وساعتها هنبقى اكتر من الهم على القلب وساعتها برضه هنبقى معملناش حاجه ..

انا مش بقول كده عشان احبطكم بالعكس .. انا بقول بس عشان ( منندفعش ) زياده عن اللزوم او ننصدم فيما لو اكتشفنا ان الموضوع مش وردي اوي زي مايبدوا عليه ..

عن نفسي قراري لغايه دلوقت باذن الله احتمال كبير ادرسها بس لسه مدية نفسي اسبوع او اثنين ابص بصه على المنهج واستخير وبعدها اخذ القرار ..

=========

استاذ حسام استفدت من مداخلة حضرتك جدا ربنا يديلك الصحه .. بس معليش انا تهت .. هل معنى كلامك انك ماخذتش ولا بارت ولا انت دخلت البارت الاول مرتين ؟

[عماد حمدي]

مدام DOHA

طبعا ً موضوع الإستخارة شيء لابد منه

لكن لا يجب أن نقارن شهاده مهما كان تقلها في السوق المحلي بشهاده معتمدة عالميا ً ياعني ممكن تشتغل بيها في أمريكا إنجلترا أي دولة اوربية لان معايرها موحدة في كل الدول دي ..

تاني حاجة بالعكس الموضوع بقا أصعب من الأول بكتير ودا يمكن أنا وضحتة في المشاركات الأولي .. لانهم دمجوا الأربعة اجزاء إلي جزئين فقط .. ياعني مجرد الخطوة اللي هيا أخد القرار في دخول إمتحان ما لازم يسبقها تفكير مليووووون مرة نظرا ً للكم الهائل من المعلومات الموجودة وكذلك رسوم الإمتحان أصبحت 350 دولار .. لذلك حتي أتأكد أكثر طلبت من الأخ Hossam انه يطلع علي كتاب هوك أو جليم مجرد بس نظرة سريعة ويعطينا وجهة نظرة من حيث سهولتها أو صعوبتها في ظل النظام الجديد ..

خاصة أنه ذاكر قبل كدا النظام القديم وع دراية فعلية بالأمور دي .. وكان لابد من أخذ رأية

وقريب ان شاء الله في الحلقات الجاية هحطلك أسماء الناس اللي أخدت الـ CMA من الموقع الرسمي للمعهد من يوم ما أنشيء لحد الأن ونشوف الأسماء العربية كام واحد أخدها ؟؟؟ وكمان انا وضحت قبل كدة نسبة النجاح ...

دلوقتي فية ناس ممكن تفكر كالتالي :-

- اولاً الشهاده باالإنجليزي وصعبة

- ثانيا ً مكلفة

- ثالثا ً هتحتاج وقت ومجهود وتعب

** والناس دي للأسف الشديد كتير ,, لذلك فهي نقطة قوية جدا للأقلية الباقية لان هيبقي عدد الحاصلين عليها قليل جدا

والمعادلة تكون

الحاصلين علي الـ CMA أقل من المطلوب لشغر الوظائف بالشركات

ياعني العرض أقل من الطلب

لذلك فأعتبرها نقطة قوية والذكي من يستغلها في صالحة

اتمني يكون تعليقي خفيف ومكونش طولت عليكم

bsh:)

أخوكم

omda2006

Emad Hamdy

تم تعديل 22 مارس 2010 بواسطة omda2006