فى كل حى من احياء مصر .....مرفأ للسعادة.

[Salwa]

الاخوة الأفاضل..

لاداعى لاجترار احزان وتذكر اوضاع فى مصر لاترضى ضمير اى انسان سوى ..

محاولات التكافل كثيرة جدا جدااا..والحمدلله رب العالمين ينجح كثير من الصالحين فى فعل الخير ..من مساعدات مادية وتقديم طعام ودواء ...ومداواة بعض من يحتاج لمساعدة معنوية حتى باحضار اطباء الامراض النفسية لهم ..!!

كل هذا معروف ...

لكن؟؟

هى مجرد فكرة اردت ان اناقشها معكم ولعل من يستطيع منكم تفعيلها يكون بهذا قد اسدى معروفا وفعل ما يرضى الله ويرضيه .

الفكرة هى ..

تفعيل دور بعض كبار السن ..واضفاء السعادة عليهم من ( دمجهم داخل المجتمع مرة اخرى ) احساسهم بقيمتهم وانهم يقدمون شئ نافع جدااا..

مطلوب ..

اقامة مخزن له واجهة ..ك ..محل لتلبية احتياجات الجماهير ...فى كل حى .

المشكلة الوحيدة هى ...(( ايجار هذا المخزن ...والمصاريف ))...وهذا سهل ايضا ..

يدير هذا المخزن او يرعاه..........كبار السن....ممن لديهم طاقة ورغبة فى عدم البقاء فى المنزل او ...على القهوة ...او..الجلوس لساعات امام التلفزيون .

رجال او نساء لايهم ..

اذن....لاتوجد مصاريف عمال .. :rolleyes:

البضاعة ....عبارة عن ...

كل ما يستغنى عنه اى بيت من مفروشات وبطاطين وملابس سيدات ورجال وشباب واطفال وحتى عربات اطفال وكراسى صالحة ...فى حالة جيدة .

و...

اطعمة محفوظة فى معلبات وارز ومكرونة وعدس وفاصوليا ناشفة ( اى ..بقول ) ..وزيت وسكر ومسحوق غسيل يدوى ...وصابون ...وحتى شامبو وكلونيا واى شئ يتبرع به اى متبرع ..

حتى من الممكن ان يكون فيه ...عكاز لايستعمله صاحبه...او ..صاحبه خلاص خف ...ممكن كرسى متحرك ...

اقصد اى شئ ....فى حالة جيدة ....

احذية ..اشاربات ...ادوية مثلا لمرضى السكر ..مواد اسعافات اولية .

يتم عمل اماكن مخصصة لكل شئ...ويتم تدوينها وتسجيلها عن طريق الكمبيوتر ..ثم ...حفظها للرجوع اليها ..

يتم يوميا تحضير شنطة للاحتياجات اللازمة للاسر التى تحتاج فعلا للمساعدة اليومية ..

كيف يتم عمل كونترول على كل هذا ؟؟

ايضا يتم عن طريق البطاقات ...او..الرقم القومى ...(( اتحدث عن الشنطة اليومية ...مثلا بها خبز وحليب وبطاطس وزيت وارز ))..

بهذا نكون قدرنا نعمل حاجات كتير ونفيد الناس وكمان نشعر اننا مش بننسى بلدنا وبس بنفكر فى نفسنا وكل واحد (( بيهرب بجلده فى الطوفان ده ))..

والناس اللى طلعت معاش وفاكرين ان حياتهم انتهت ...ممكن يكونوا فعالين اكتر من الشباب خصوصا فى المهمة دى ..

ايجار المخزن ......ممكن يكون عن طريق جمعية ...اقصد كل واحد يدفع جزء .

المخزون من المأكولات....ببساطة فى حالة التبرعات ....تتبرع اغلب المؤسسات بكميات من منتجها شهريا لو تم اثبات نشاط المشروع ..

الباقى ؟؟ هو عبارة عن تبرعات او فائض من الناس ...لن يستخدموه...(( يتم غسل الملابس ومكوتها ...ايضا تبرع ))..

فكرت بصوت عالى ...

هل من الممكن تحقيق مثل هذا المشروع ؟؟

اعتذر لو كانت الفكرة ...لاتلقى اى ترحيب .

لكن؟؟

ان اراد الله ولى عمر ...سوف انفذها فى المرحلة القادمة ...من حياتى .

[Salwa]

ممكن ايضا ..

التبرع بكتب او مستلزمات المدارس...

او توزيع اوراق بها ارقام تليفونات شباب جامعى مستعد لاعطاء دروس (( ببلاش )) ...لمدة ساعتين فى الاسبوع .........الاوراق دى تكون عبارة عن نشرة ظاهرة للعيان ..

ممكن عناوين اطباء عيون...مستعدين للكشف ببلاش على عشر حالات شهريا ..

ممكن التبرع بالالبان للاطفال ..

كدة يعنى ..

[لماضة مصرية جدا]

السلام عليكم و رحمة الله و بركاته

ماما سلوي.....فكرة حضرتك جديرة بكل الاحترام و التأمل

كتير من الجمعيات الاهلية في مصر بتقوم بدور حقيقي علي مستويات مختلفة.....انا شخصيا معجبة جدا بعدد من المجهودات في مصر و هم

1- جمعية رسالة...لانها مجموعة شباب يقودهم اساتذهم الجامعي اللي عاش بره بس لما رجع مصر مقالشي اخي و ايه القرف ده.....شمر عن دراعاته وربنا كرمه بجمعية رسالة اللي بتكبر كل مدي

2- صناع الحياة.....و دي من افكار الداعية عمرو خالد....و لها صدي كبير جدا داخل القاهرة و خارجها....حتي في الاقاليم

3- بنك الطعام المصري......كنت متابعة بداياته لما كان عبارة عن مجموعة من رجال الاعمال بس بيفكروا في الفائض من الطعام من المطاعم و الفنادق الكبري...و دلوقتي بقي ما شاء الله اكبر بنك طعام في مصر.

بس عارفة يا ماما سلوي........معظم الافكار دي و المجهودات محدش بيوجهها لاشراك فعلا كبار السن في المجتمع...ده علي حدود علمي

بس انا ممكن افكر مع حضرتك في حاجة

ان شاء الله انا هنزل مصر....و ممكن اطرح فكرة حضرتك علي جمعية رسالة.......و صدقيني لما بننوي....و الله ربنا بيفتحها من عنده

مساااااااا حضرتك مرفأ للسعادة يحل أينما حللتي