اذهب إلى المحتوى
محاورات المصريين

مذكرات واحدة متغربة


Recommended Posts

ربنا كريم يا فتفوته كلنا معاك

يارب ينصركم ويعزكم ويفرج كربكم وكربنا ويرفع عنا جميعا الظلم

"وَذَا النُّونِ إِذْ ذَهَبَ مُغَاضِبًا فَظَنَّ أَنْ لَنْ نَقْدِرَ عَلَيْهِ فَنَادَى

فِي الظُّلُمَاتِ أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ"الانبياء 87

عن سعد بن أبي وقاص رضي الله عنه عن النبي عليه الصلاة والسلام قال" دعوة ذي النون

إذ هو في بطن الحوت

( لا إله إلا أنت سبحانك إني كنت من الظالمين )

لم يدع بها مسلم ربه في شيء قط إلا استجاب له

دي دعوة سيدنا يونس في بطن الحوت ورد عليه ربنا سبحانه

" فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ } سورة الانبياء

خلاص يافتفوتة ربنا قال سبحانه ونجيناه من الغم وكذلك ننجي المؤمنين .

تم تعديل بواسطة بركة

قال الله تعالى في حديث قدسي

( أنا عند ظن عبدي بي فليظن بي ما شاء........... )

نستطيع تغيير حياتنا بهذا الحديث من الان

مع الأخذ بالأسباب............

رابط هذا التعليق
شارك

  • الردود 128
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

السلام عليكم و رحمة الله و بركاته

ربنا يهون عليكي اي صعب يا رب.....عارفة يا فتافيتو...هي الغربة كده....ممكن تخنق ساعات جدا و يحصلك فيها حاجات ورا بعضها و الواحد يبقي مش ملاحق....بس افتكري ان في كل مرة ربنا معاكي مش هيسيبك...و افتكري كمان ان بعدها هتطلعي أقوي

ربنا كررها في القرآن "إن مع العسر يسرا"..."إن مع العسر يسرا" اتذكرت مرتين ورا بعض...عشان نصبر و نطمن..."اليسر" قادم بإذن الله

طمنينا عليكي

في امان الله

رابط هذا التعليق
شارك

بصي يا فتفوتة .. إدعي إن ربنا يكتبلك الخير

إدعي بزوال الهم .. و طلب الرزق .. و دوام الصحة .. و الستر

ما تحدديش في الدعاء .. إنك عايزة إن شيء ما يحصل

ما تعرفيش الخير فين ..أطلبي الخير من ربنا ..

و هو سبحانه بقدرته أعلم بما يصلح حالك

و عسى أن تكرهوا شيئاً و هو خير لكم

ربنا آتنا في الدنيا حسنة .. و في الآخرة حسنة .. و قنا عذاب النار

.. يا رب ..

احفظ مصر و المصريين

رابط هذا التعليق
شارك

أحمس

لونا

بركة

لماضة

engmido

والله قعلا متشكرة على مشاركتم ليا ودعواتكم وربنا يخليكم ليا فعلا ونعم الاخوات :roseop: :blush2:

نرجع للمذكرات

تخيلوا اما شركة مايبقاش فيها اى تنظيم ولما تيجى تمشى ناس او تستغنى عنهم يبقى برضو من غير تنظيم وفجأة كده وبدون اى انذار ييجوا فى يوم ويستغنوا عن ملا يقل عن 90 واحد كل الاجانب وكام واحد سعودى من اللى رواتبهم تتعدى ال 100 الف عشان تعمل تخفيض لحجمها ومرتباتها

قعدنا شهر بحاله واحنا مستنيين الخبر لان الاشاعات منتشرة فى الشركة بطريقة فظيعة

والمدير اللبنانى الصغنتوتى جه فى التقدير السنوى لجوزى عمله افاليويشن ذى الزفت وكل ده هو كان بيخطط انه يمشيه ويجيب بداله لبنانى ذيه

ولما جه جوزى يعترض طبعا قاله وبمنتهى البجاحة انا شايفك كده ولو عاوز تشتكيلى اطلع لمديرى

ولما رفض جوزى يوقع على التقدير السنوى قاله تعالى بقى نقعد ادام المدير بتاعنا احنا الاتنين ولما قعدوا ادامه........طبعا نصف اللبنانى اللى ذيه الصغنتوت الامور ووقد جوزى وهو مغلوب على امره ولما التقرير طلع لل hr طلب جوزى وقالله اذاى انت يا فولان يبقى التقرير بتاعك كده؟؟؟

ده انت شغلك كل الناس بتحلف بيه!!!! بس للاسف انا ماقدرش اعمل حاجة غير انى احذرك ان طالما تقريرك كده يبقى هتبقى محطوط تحت النظر

والله العظيم الراجل ده نفسه السعودى ده قالها لجوزى بلسانه انهم اللبنانيين اللى معاه فى الادارة مش عاوزين بينهم حد وهما طبعهم كده وخد بالك منهم وخليك حذر.....وطبعا حصلنا قلق وجالنا يقين ان النهاية قربت فى الشركة دى

تم تعديل بواسطة fatfouta
رابط هذا التعليق
شارك

السلام عليكم ورحمة الله وبركاته

اختى فتفوته

تابعت مذكراتك للصفحة الاخيره

وطبعا انا حاسه بيكى جدا لأنى شايفه تقريبا نفس التفاصيل بس بشكل مختلف شوية

وكل اللى اقدر اقوله ربنا ييسر لنا الحال فى البلد دى

انا برضه جوزى مدرس فى مدرسة اهليه هنا فى الرياض

...وطبعا كل الوان الشلليه والمحسوبية شغاله الله ينور

عموما ربنا يكتب لنا ويكتب لكم الخير ويوسع رزق المغتربين كلهم

تحياتى القلبية ليكى

رابط هذا التعليق
شارك

الاخت العزيرة فتفوتة لاتحزنى مايحدث مع زوجك الان اصبح هو الطبيعى فى هذا الزمان وده بيحصل من امد بعيد وعايشته بنفسى حين كنت اعمل فى احدى شركات الاستعمار الاجنبى وليس الاستثمار المصيبة كانت ان المصريين هم اللى بيعملوا كده فى بعض والاجنبى مبسوط لان المهم شغله ماشى كنت فى موقف مدير زوجك لكن كنت عارفة انها مش حاتدوم لحد فاستقلت بمزاجى من البداية رغم المرتب المغرى لانى لم يكن عندى مسؤليات وكنت مسؤلة من زوجى فكانت بالنسبة لى بسيطة لكنى صعب جدا على زوج حضرتك ياخذ هذا القرار فى ظروف بلدنا اللى زى الزفت لكن هو ادرى واحد بكيفية التعامل معاهم وصدقينى لكل انسان رزقه ربنا محدده له فى مكانه سواء هنا فى مصر او خارجها وقولى له الكلام ده (قل لن يصيبنا الا ماكتب الله لنا ) والكلام ده باقوله لزوجى لما يشكى نفس الشكوى من زملائه اختى الشكوى عامة لكن المهم ايمانا بالله والله لا يضيع اجر من احسن عملا

رابط هذا التعليق
شارك

  • بعد 2 سنة...

موضوع جميل يا مدام فتفوته ولما ابتديته معرفتش اقف غير لما خلصته

بس يا ترى وصلتم لفين حالياً؟

اتمني تكون مشاكلكم انتهت وفي احسن حال

سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ

رابط هذا التعليق
شارك

موضوع جميل يا مدام فتفوته ولما ابتديته معرفتش اقف غير لما خلصته

بس يا ترى وصلتم لفين حالياً؟

اتمني تكون مشاكلكم انتهت وفي احسن حال

الموضوع من 2010 زمان جوزها بقي صاحب الشركة

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...