المضادات الحيوية...(Antibiotics)

[fatfouta]

يا جماعة انا بقالى اسبوعين بعانى مع المضادات الحيوية اللى مابقتش تعمل حاجة مهما بدلنا الانواع

من حوالى عشر ايام محمد ابنى اللى عنده حوالى 5 سنين جاله حالة غريبة ماجاتلوش قبل كده وهو ان حرارته ارتفعت لـ39 درجة وساعات كمان 40 والله العظيم

وراح بيه باباه المستشفى والدكتور كتبله على مضاد حيوى وخافض للحرارة وقاله انه عنده التهاب فى الاذن الوسطى وكمان التهاب فى الحلق

اديتله المضاد والخافض فى المواعيد....... ومافيش فايدة برضو الحرارة عنيدة جدااااااااا ومش عاوزة تنزل

واعمل كمادات وادى خافض حرارة ولا فيه اى فايدة

كلمت الدكتور بتعنا فى مصر ولما قلتله على اسم المضاد قاللى.......لا ده النوع ده بقى ضعيف ادام كتير من الفيروسات او بمعنى قال ان الفيروسات عندها مناعة منه

طيب روحنا للدكتور تانى وغيرنا المضاد ومافيش فايدة برضو

الا اما بقى قعد فى المستشفى واتعلق له محاليل واخد المضاد عباره عن حقن لان الشرب مش عامل معاه حاجة......وفين على ما بقى كويس وقدر يقف تانى على رجله

امبارح بنتى اللى عندها ثلاث سنين جالها التهاب فى الحلق وارتفعت حرارتها برضو ولما روحنا للدكتور اداها مضاد حيوى وخااافض تااااااااااانى

المهم رجعنا البيت اخدت الدوا ونامت طول الليل كويس........صحيت الصبح لقيتها نااااار قيست الحرارة والله العظيم لقيتها 40 وشرطتين

باباها جه اخدها وراح بيها عند دكتور تانى

وقاله برضو نفس الرد........اصل المضاد ده ضعيف ادام بعض الفيروسات وغير لها النوع

ياريت حد من الصيادلة وماكترهم هنا يرد عليا........

يعنى ايه فيروس يبقى عنده مناعة من مضاد حيوى معين؟؟

على اى اساس اقدر اعرف ان النوع ده كويس لطفلى؟؟ او مش مهم كده لان انا طبعا مش دكتورة بس عالاقل اذاى اقدرر اطمن؟؟

زمان ماكناش نسمع عن المضاد الحيوى ده غير كل فين وفين لكن دلوقتى بمجرد ماتدخل العيادة الدكتور ممكن من غير مايكشف يروح علطول كاتب مضاد حيوى .......هل ده لان انواع الفيروسات دلوقتى كترت ولا ايه السبب؟؟؟

سؤال اخير بقى الله يخليكوا الفولتارين (التحميل) 12.5 هل هو مضر للطفل........عشان من ساعة مامنعه سوليد سمعت ناس قالت ان كمان فولتارين اوعى تديه لابنك هل ده صحيح؟؟

لان الدكتور اداه لبنتى دلوقتى وانا خايفة جدااااا اديهولها وهكتفى بانى اديها آدول تحميل وبروفين شراب وخلاص

لو سمحتم السؤال ده بالذات انا عاوزه رد عليه بمنتهى الشفافية والامانة وهو........

الى مدى تاثر المضادات الحيوية على اطفالنا وعلى صحتهم على المدى البعيد؟؟؟؟؟؟؟؟

فما رأيكم يا صيادلة المنتدى العظام؟؟؟؟؟؟؟

[shiko]

شفاها الله وعافاها ...يا عسلية ...اللهم رب الناس اشف الباس اشف انتى الشافى لا شفاء الا شفائك شفاء لا يغادر سقما

[زهره]

الف سلامه لاولادك و ربنا يشفيهم ان شاء الله

[Alrefaey]

بسم الله

الف سلامة على الاولاد يامدام فتفوتة

ان شاء الله نجاوبك على معظم تسأولاتك , بس فى الاول لازم نعرف بعض المستطلحات بأسلوب بسيط

اولا ماهو المضاد الحيوى هى مادة مستخرجة من بعض انواع الفطريات(يعنى الفطر بيفرزها كى يحمى نفسة من البكتريا ) ولها تأثير قاتل او خافض للنمو للبكتريا

البكتريا = الجراثيم = هى كائن حى دقيق لايرى بالعين المجردة غالبا وممكن ان يعيش فى وسط مصطنع ماء مثلا او داخل جسم الانسان او على اى سطح ويتأثر بالمضادات الحيوية البكتريا زى التهاب الاذن والحلق والصدر والمسالك البولية غالبا مايكونو اصابات بكترية ونادر اصابات فيروسية وهناك نوعين من البكتريا على حسب اختبار الصبغة بكتريا موجبة الجرام وبكتريا سالبة الجرام وهنقول فيما يلى الفرق

الفيروسات - كائنات دقيقة جدا ميتة اذا كانت خارج جسم الوسيط ولا تنشط الى داخل الجسم او الخلية ولا تتأثر بالمضاد الحيوى ولكن تتأثر بالمضاد الفيروسى زى فيروس c

الفطر = كأئن متطفل على الاسطح الرطبة او على جسم الانسان والحيوان زى التنيا

يبقى لما يجى لبنت حضرتك حرارة والتهاب فى الحلق او الاذن ده غالبا اصابة بكترية وقد تكون فيروسية فى حالات قليلة مين اللى بيحدد (الطبيب )

المضادات الحيوية زى ماقلنا هى عبارة عن سم قاتل للبكتريا ومتخصص للخلايا البكترية دون ان يؤثر على خلايا جسم الانسان

اول مضاد حيوى اكتشفوة كان البنسلين لكن كان فيه عيوب انه ضعيف نوعا ما وتأثيرة محدود ,طورة العلماء حتى انتجو الأمبسلين وبعدين الاموكسيسلين الى ان وصولوا للأجمنتين ودى مجموعة واحدة

هناك مجموعات اخرى بيسموها السيفالوسبورين او الكيفالوسبورين ودى منها كذا جيل ابتدأ من الجيل الاول فيلوسيف مرورا بالثانى زينات وسيكلو والثالث سيفوتاكس والرابع سوبركس وماكسيبيم وكل جيل اقوى من اللى قبلة بالذات فى قتل انواع البكتريا السالبة الجرام وهذه المجموعة هى من أأمن المجموعات للحوامل والمرضعات والاطفال

هناك ايضا انواع عديدة زى السلفا (سيبتازول بتاع مصر لكنه ليس مضاد حيوى بل مبيد ميكروبى ) والتتراسيكلين بتاع حب الشباب والريفامبسين بتاع اللهم احفظنا الدرن واخرى

التشخيص وتحديد المضاد الحيوى المناسب

ده دور الطبيب ويليه الصيدلى على حسب نوع الميكروب واصابة اى عضو ومدى استجابة الميكروب للمضاد

الامان

مجموعة الامبسيلينات والسيفالوسبورين معظمها امن سواء كنتى حامل او مرضع او للطفل وتأثيرتها الجانبية قليلة ممكن شوية حساسية على احيانا اضطرابات معوية

الفعالية

كما قلنا لكل ميكروب مضاد حيوى مبيد له اكثر من غيرة لكن هناك بعض المضادات الحيوية تقدرى تقولى بتاعة كلة زى الاوجمنتين والجيل الثالث من السيفالوسبورين

هل نقدر نستغنى عن المضادات الحيوية

للأسف لا والا ماكنا نقدر نعالج الكوليرا والطاعون والإلتهاب الرئوى واصابات الجهاز الهضمى والبولى والتهاب السحايا حتى الاذن الوسطى

لماذا اصبحت المضادات الحيوية ضعيفة

بعد انواع البكتريا بتسطيع ان تفرز مادة تقوم بتكسير المضاد الحيوى نفسة يعنى بتتغدى بيه قبل مايتعشى بيها ههه فما هو الحل زى الامبسلين كانت بكتريا بتكسرة فتوصل العلماء لوجود مادة تسطيع ان توقف افراز الانزيم الذى يقوم بتكسير المادة وقامو بتصنيع مضاد حيوى يحتوى على المادتين واستطاعو به قتل البكتريا وهو الاوجمنتين او بدائلة

ايضا نتيجة للاستخدام الخاطى للمضادات الحيوية هو ان اقوم بأخذ شريط وترك الاخر فالبتالى نصف البكتريا ماتت وتبقى النصف ورجعت اعراض المرض اشد من الاول لمعاودة نشاط البكتريا اكثر من الاول فيجى الشخص يكمل الشريط الاخر دون نتيجة لأن البكتريا كونت مقاومة ضد المضاد فالبتالى لايجوز ان اخذ بعد الدواء واترك بعضة لازم اكمل للنهاية ولن تستجيب هذه البكتريا الا بزيادة الجرعة او استخدام مضاد حيوى اقوى

ايضا من الاخطاء هو ان اعطى مريض مضاد حيوى اقوى بكثير من قوة الميكروب بهذا ان بقوى الميكروب لمن يصاب به مستقبلا

نصائح

تحرى الدقة فى اختيار الطبيب بعض الاطباء يهمل فى تحديد العلاج الانسب بالذات هنا بالمملكة

احرصى ان توصلى لطبيب انك فاهمة وانه يحاول يكتب لكى مضاد يتناسب مع الحالة

استفسرى من الصيدلى عن الدواء ولا مانع من تغيرة اذا كنتى بتثقى فى الصيدلى

اعطى الدواء فى ميعادة بالتمام

افضل المضادات التى تؤخذ مرة واحدة باليوم او مرتين عشان الاطفال

اى عدوى ميكروبية اوفيروسية قد يصاحبها ارتفاع فى درجة الحرارة لايام وتنخفض بعد العلاج وتعاود بعد 6-8 ساعات فلاتقلقى واعطى المسكنات وخافض الحارة فى ميعادة

التحاميل (اللبوس) افضل من الشراب سريعة المفعول وتصل كاملة للجسم بالنسبة لخافض الحرارة

الحقن افضل من الشراب فى المضادات الحيوية سريعة المفعول وكاملة التركيز بخلاف الشراب اللى الطفل بيشرب نصفة ويرجع نصفة

الفولتارين علية كلام لكن حتى الان غير رسمى و12.5 تحاميل تركيز ضعيف لكنة فعال وقوى وبيكتبة الاطباء فى التهاب الاذن والحلق لأنه له مفعول ثلاثى خافض للحرارة مسكن للالم ومضاد للالتهاب بخلاف التايلنول او الفيفادول ليسوا مضادين للالتهاب اما البروفين فمثل الفولتارين

ولى رجعة

[joo]

امانا للاطفال ومن تجريب الادوية فيهم ياريت تروحى لمستشفى متخصصة فى الاطفال فقط

زى فى مصر مثلا مستشفى ابو الريش

والف مليون سلامة الاطفال بيأسو كتير جدا وانا مجرب

[fatfouta]

امانا للاطفال ومن تجريب الادوية فيهم ياريت تروحى لمستشفى متخصصة فى الاطفال فقط

زى فى مصر مثلا مستشفى ابو الريش

والف مليون سلامة الاطفال بيأسو كتير جدا وانا مجرب

والله اهو من قلة

لان مافيش هنا مستشفيات متخصصة للاطفال ذى مستشفى تبارك...... او ابو الريش حتى

الدكاترة هن عاوزة اقولك انى لغايت دلوقتى مش لاقية واحد يكون ثقة فعلا

هنقول ايه بقى الحمد لله

[om marawan]

لا يفتى ومالك فى المدينة يادكتور رفاعى

انا بس هاضيف حاجات متعلقة بالتعامل مع الحرارة بشكل عام

الحرارة لما بتوصل لدجرة عالية بيكون خفضها أصعب كتير لذلك احرصى على ان الطفل حتى مثل لو نام والحرارة هديت تتابعى خافض الحرارة فى مواعيده والافضل ان مواعيده دى تكون مع نوعين من الخافض بالتبادل

الكمادات مش هتجيب نتيجة مؤثرة خدى الولد كله حميه حتى لو بس من رجليه ودراعه تحت الحنفية لحد ماتحسى ان الحرارة بدأت تهدا او تقيسيها بترمومتر تلاقيها فعلا نزلت شوية و يكون واخد خافض الحرارة طبعا

كمان تكترى اوى من السوايل طول فترة السخونية ربنا يعافيهم يارب

وزى ما الدكتور رفاعى قال ان المضاد الحيوى تأثيره بيكون على انواع محددة من البكتريا لكل نوع من المضاد ومش معنى ان مثلا الجيل الثالث اقوى على البكتريا سالبة الجرام انه أفضل للحالة الموجودة المهم انه يكون مناسب لنوع البكتريا المرجح انها السبب فى المرض

حاجة كمان المضاد الحيوى غالبا مش هيكون له تأثير من اول يوم و طبعا برضه مش هيكون له تاثير لو الاصابة فيروسية لكن احيانا الدكتور بيديه لانه بيشوف ان فيه سبب اخر بكتيرى او انه خايف من ظهور تتابعات للمرض بعد الفيروس يعنى نتيجة ميكروب معين

طيب ليه الدكتور بيقول ان المضاد ضعيف ؟؟

للاسف لانه الطبيعى ان حضرتك لو غيرتى الدكتور فبعض الدكاترة ضعاف النفوس بيكون عاوز يغير المضاد وخلاص لانه مش معقول هتروحيله مخصوص ومش هيغيره المفروض ان المضاد لو مناسب يسيبه ياخد فرصة التاثير

ألف مليون سلامة عليهم وربنا يعافيهم ويشفيهم يااااارب ويشفى كل مريض ويعينك ياتوتة معاهم اللهم ااامين

[fatfouta]

دكتور رفاعى مش عارفة اقولك ايه والله ربنا يكرمك

بس الله يخليك تجاوبنى على السؤال لاخير فى مداخلتى

انا منتظرة :lol:

[fatfouta]

كما قلنا لكل ميكروب مضاد حيوى مبيد له اكثر من غيرة لكن هناك بعض المضادات الحيوية تقدرى تقولى بتاعة كلة زى الاوجمنتين والجيل الثالث من السيفالوسبورين

لماذا اصبحت المضادات الحيوية ضعيفة

بعد انواع البكتريا بتسطيع ان تفرز مادة تقوم بتكسير المضاد الحيوى نفسة يعنى بتتغدى بيه قبل مايتعشى بيها ههه فما هو الحل زى الامبسلين كانت بكتريا بتكسرة فتوصل العلماء لوجود مادة تسطيع ان توقف افراز الانزيم الذى يقوم بتكسير المادة وقامو بتصنيع مضاد حيوى يحتوى على المادتين واستطاعو به قتل البكتريا وهو الاوجمنتين او بدائلة

اهو الاوجمنتين ده انا بحس انه فعال جداااااا لان الدكتور بتاع مصر مش بيكتبلنا غيره ممكن يغير لانواع تانية بس مش علطول

وهو دكتور شاطر بصراحة

ايضا نتيجة للاستخدام الخاطى للمضادات الحيوية هو ان اقوم بأخذ شريط وترك الاخر فالبتالى نصف البكتريا ماتت وتبقى النصف ورجعت اعراض المرض اشد من الاول لمعاودة نشاط البكتريا اكثر من الاول فيجى الشخص يكمل الشريط الاخر دون نتيجة لأن البكتريا كونت مقاومة ضد المضاد فالبتالى لايجوز ان اخذ بعد الدواء واترك بعضة لازم اكمل للنهاية ولن تستجيب هذه البكتريا الا بزيادة الجرعة او استخدام مضاد حيوى اقوى

ايوه بصراحة كنت بعمل كده الاول لكن دلوقتى حرمت بعد مالقيت ان الفيروس بيرجع للولاد تانى اقوى من الاول

احرصى ان توصلى لطبيب انك فاهمة وانه يحاول يكتب لكى مضاد يتناسب مع الحالة

بعمل كده كمان وساعات بحس انى من كتر ما موضحاله انى فاهمه بيبقى عاوز يقولى.......امشى من ادامى

الفولتارين علية كلام لكن حتى الان غير رسمى و12.5 تحاميل تركيز ضعيف لكنة فعال وقوى وبيكتبة الاطباء فى التهاب الاذن والحلق لأنه له مفعول ثلاثى خافض للحرارة مسكن للالم ومضاد للالتهاب بخلاف التايلنول او الفيفادول ليسوا مضادين للالتهاب اما البروفين فمثل الفولتارين

اهو الفولتارين ده بقى انا بترعب منه من ساعة مالولد اللى كان عنده تسع سنين اللى مات بانفلونزا الخنازير اللهم احفظنا يارب.......زوقالوا انه اخد حقنه فولتارين غلط

انما السوليد فانا سمعت بنفسى وزير الصحة قال ماحدش يستخدمه مع اننا استخدمناه استخداااااااااام بيتهيالى ماحدش استخدم السوليد ادى انا فى العمل على تخفيض الحرارة

الف شكر ليك

[fatfouta]

شيكو

زهرة

شكرا يا حبايبى والله يسلمكوا الف سلامة يارب

[Alrefaey]

تأثير المضاد الحيوى على المدى البعيد

لايفترض أخذ المضاد الحيوى مدة طويلة متواصلا بمعنى كل ميكروب له مضاد مناسب ومدة علاج مناسبة بمعنى

التهاب اللوز تعالج مثلا بالاموكسيسيلين مع كلافيولينك اسيد للشخص بالغ وزنة 80 ك مثلا ياخد 1جم مرتين يوميا لمدة 7 ايام

بينما لو اخذ الاموكسيسيلين لوحدة ممكن يمتد العلاج الى 14 يوما

اجابة سؤلك

لكل مضاد حيوى اثار جانبية بخلاف الاخر وهذه الاثار ممكن تظهر من اول يوم علاج زى الحساسية والحكة واحمرار الجلد والاسهال والقىء ودى بسيطة وممكن اى مضاد حيوى يسببها

لكن هناك مضادات حيوية خطرة ينبغى الحرص الشديد عند استخدمها

اولا المضادات الحيوية الامنة

زى الامبسلين ومجموعتة والكيفالوسبورين ومجموعتة

بداية من الاعراض الخفيفة المذكورة اعلاة لكن احيانا وعند بعض المرضى ممكن ان يتسبب البنسلين فى حساسية شديدة تؤدى لا قدر الله للوفاة اذا تم اخذه عن طريق الحقن وبالذات فى الوريد عند بعض المرضى ذوى الحساسية للبنسلين لذا يجب عمل اختبار تحت الجلد قبل اعطاء البنسلين لأى مريض كان .الكيفالوسبورين اقل احتمالا لحدوث ذلك

المضادات الحيوية الخطرة

ستربتوميسين - تتراسيكلين - السلفا - الكلورامفينكول - الكينولين -فانكومايسين

لو اخذت لفترة كثيرة فلا مشكلة كبرى بينما لو اخذت لفترات طويلة ممكن تؤدى الى حساسية مهددة للحياة -انيميا حادة - خلل فى وظائف الكلى -تشوهات للاجنة

وهذا الكلام بالمختصر الشديد لأن كل دواء مما ذكر اعلاه يحتاج لموضوع لوحدة للحديث عنه

خلاصة الكلام

هناك مضادات حيوية امنة ولا خوف من اخذها طوال المدة الذى يحددها الطبيب او الصيدلى ولا مانع فى تكرارها اذا دعت الحاجة الى ذلك لكن لابد من اخذ الدواء لأخر نقطة فيه

الادوية ذى ايه فى السعودية :-

زى سوبركس - سيفيكزيم - سيفيكس - سيفوتراياكسون حقن - اموكسيسيلين- زينات -اوجمنتين زيثروماكس

هناك ادوية خطرة ولاينبغى ان تصرف الا بوصفة طبية ولا تكرر الا بأمر الطبيب وغالبا مايكون لها اثار جانبية

اعلم جيدا ان الاطفال ممكن كل شهر يمرضوا ويسخنو ويكحوا وانتى قلقة من تكرار المضاد الحيوى بشكل دورى , فلا تخافى طالما الحالة تستدعى صرف مضاد حيوى لأن عدم معالجة الاطفال بالمضاد الحيوى ممكن ان يؤدى الى تداعيات خطيرة بسبب الميكروب وسمومة اذا لم يعالج .

[fatfouta]

طب سؤال تانى ممكن؟؟

الاومنيسيف

دايما مع ولادى يعمل red stool

ودى حاجة بتزعجنى جداااااااا وخايفة منه قوى لانه كمان مش بيعمل مفعول اوى لكن الدكاترة دايما هنا يكتبوه مش عارفة ليه؟؟؟

ممكن تفسير بعد اذنك؟

[Alrefaey]

Omnisaf

هو من مجموعة الكيفالوسبورين الاكثر امنا وفعالية واستخدما لكن تحديدا هذا الدواء مشهور عنة انة بيعمل bloody diarrhea يعنى اسهال مصحوب بدم لذا لا افضلة بالنسبة لأطفالك حفظهم الله طالما ظهر معهم ذلك , قولى للطبيب ان يغيرة ب سيفيكسيم او سيفيكس او اوجمنتين

اما السبب فغريب شوية

هو الدواء مثل الكثير من المضادات الحيوية اللى بتسبب اسهال فمن الممكن ان يحدث عدوى ثانوية نتيجة للاسهال هى التى تتسب بالنزيف الذى ترينه وفى هذه الحالة يجب وقف الدواء والرجوع الى الطبيب حتى يقوم بتغير الدواء ووصف علاج امن وفعال .

[fatfouta]

تأثير المضاد الحيوى على المدى البعيد

لايفترض أخذ المضاد الحيوى مدة طويلة متواصلا بمعنى كل ميكروب له مضاد مناسب ومدة علاج مناسبة بمعنى

التهاب اللوز تعالج مثلا بالاموكسيسيلين مع كلافيولينك اسيد للشخص بالغ وزنة 80 ك مثلا ياخد 1جم مرتين يوميا لمدة 7 ايام

بينما لو اخذ الاموكسيسيلين لوحدة ممكن يمتد العلاج الى 14 يوما

اجابة سؤلك

لكل مضاد حيوى اثار جانبية بخلاف الاخر وهذه الاثار ممكن تظهر من اول يوم علاج زى الحساسية والحكة واحمرار الجلد والاسهال والقىء ودى بسيطة وممكن اى مضاد حيوى يسببها

لكن هناك مضادات حيوية خطرة ينبغى الحرص الشديد عند استخدمها

اولا المضادات الحيوية الامنة

زى الامبسلين ومجموعتة والكيفالوسبورين ومجموعتة

بداية من الاعراض الخفيفة المذكورة اعلاة لكن احيانا وعند بعض المرضى ممكن ان يتسبب البنسلين فى حساسية شديدة تؤدى لا قدر الله للوفاة اذا تم اخذه عن طريق الحقن وبالذات فى الوريد عند بعض المرضى ذوى الحساسية للبنسلين لذا يجب عمل اختبار تحت الجلد قبل اعطاء البنسلين لأى مريض كان .الكيفالوسبورين اقل احتمالا لحدوث ذلك

المضادات الحيوية الخطرة

ستربتوميسين - تتراسيكلين - السلفا - الكلورامفينكول - الكينولين -فانكومايسين

لو اخذت لفترة كثيرة فلا مشكلة كبرى بينما لو اخذت لفترات طويلة ممكن تؤدى الى حساسية مهددة للحياة -انيميا حادة - خلل فى وظائف الكلى -تشوهات للاجنة

وهذا الكلام بالمختصر الشديد لأن كل دواء مما ذكر اعلاه يحتاج لموضوع لوحدة للحديث عنه

خلاصة الكلام

هناك مضادات حيوية امنة ولا خوف من اخذها طوال المدة الذى يحددها الطبيب او الصيدلى ولا مانع فى تكرارها اذا دعت الحاجة الى ذلك لكن لابد من اخذ الدواء لأخر نقطة فيه

الادوية ذى ايه فى السعودية :-

زى سوبركس - سيفيكزيم - سيفيكس - سيفوتراياكسون حقن - اموكسيسيلين- زينات -اوجمنتين زيثروماكس

هناك ادوية خطرة ولاينبغى ان تصرف الا بوصفة طبية ولا تكرر الا بأمر الطبيب وغالبا مايكون لها اثار جانبية

اعلم جيدا ان الاطفال ممكن كل شهر يمرضوا ويسخنو ويكحوا وانتى قلقة من تكرار المضاد الحيوى بشكل دورى , فلا تخافى طالما الحالة تستدعى صرف مضاد حيوى لأن عدم معالجة الاطفال بالمضاد الحيوى ممكن ان يؤدى الى تداعيات خطيرة بسبب الميكروب وسمومة اذا لم يعالج .

معلومات فعلا قيمة جدااااا

طمنتنى يا دكتور......... بالنسبة للانواع اللى احنا بناخدها على الاقل فهى من ضمن الانواع الآمنه اللى حضرتك ذكرتها والحمد لله

مش عارفة اشكرك اذاى على تعبك معايا

:redrose:

[fatfouta]

لا يفتى ومالك فى المدينة يادكتور رفاعى

انا بس هاضيف حاجات متعلقة بالتعامل مع الحرارة بشكل عام

الحرارة لما بتوصل لدجرة عالية بيكون خفضها أصعب كتير لذلك احرصى على ان الطفل حتى مثل لو نام والحرارة هديت تتابعى خافض الحرارة فى مواعيده والافضل ان مواعيده دى تكون مع نوعين من الخافض بالتبادل

الكمادات مش هتجيب نتيجة مؤثرة خدى الولد كله حميه حتى لو بس من رجليه ودراعه تحت الحنفية لحد ماتحسى ان الحرارة بدأت تهدا او تقيسيها بترمومتر تلاقيها فعلا نزلت شوية و يكون واخد خافض الحرارة طبعا

كمان تكترى اوى من السوايل طول فترة السخونية ربنا يعافيهم يارب

وزى ما الدكتور رفاعى قال ان المضاد الحيوى تأثيره بيكون على انواع محددة من البكتريا لكل نوع من المضاد ومش معنى ان مثلا الجيل الثالث اقوى على البكتريا سالبة الجرام انه أفضل للحالة الموجودة المهم انه يكون مناسب لنوع البكتريا المرجح انها السبب فى المرض

حاجة كمان المضاد الحيوى غالبا مش هيكون له تأثير من اول يوم و طبعا برضه مش هيكون له تاثير لو الاصابة فيروسية لكن احيانا الدكتور بيديه لانه بيشوف ان فيه سبب اخر بكتيرى او انه خايف من ظهور تتابعات للمرض بعد الفيروس يعنى نتيجة ميكروب معين

طيب ليه الدكتور بيقول ان المضاد ضعيف ؟؟

للاسف لانه الطبيعى ان حضرتك لو غيرتى الدكتور فبعض الدكاترة ضعاف النفوس بيكون عاوز يغير المضاد وخلاص لانه مش معقول هتروحيله مخصوص ومش هيغيره المفروض ان المضاد لو مناسب يسيبه ياخد فرصة التاثير

ألف مليون سلامة عليهم وربنا يعافيهم ويشفيهم يااااارب ويشفى كل مريض ويعينك ياتوتة معاهم اللهم ااامين

دودى حبيبتى عارفة انك دكتورة شاطرة ربنا يخليكى ليا

انا عارفة انه مفعول المضاد مش هيبان من اول يوم بس ده قعد يومين وكنا داخلين عالتالت.........حتى عالاقل كانت الحرارة تنزل

وفعلا عندك حق فيه دكاترة معندهاش ضمير وبس عاوزة تشغل المستشفيات

بالنسبة لموضوع انك تبلى رجل الطفل ده بيبقى صعب جدااا مع ولادى مابيرضوش خالص.....ده الكمادات انا بعملها لهم بالعافية

الدكتور بيقول ان نوع المضاد ده ضعيف لانه كتبله اومنيسيف وفعلا كان ضعيف جدااا وماعملش حاجة

شكرا على تعبك معايا

[fatfouta]

Omnisaf

هو من مجموعة الكيفالوسبورين الاكثر امنا وفعالية واستخدما لكن تحديدا هذا الدواء مشهور عنة انة بيعمل bloody diarrhea يعنى اسهال مصحوب بدم لذا لا افضلة بالنسبة لأطفالك حفظهم الله طالما ظهر معهم ذلك , قولى للطبيب ان يغيرة ب سيفيكسيم او سيفيكس او اوجمنتين

اما السبب فغريب شوية

هو الدواء مثل الكثير من المضادات الحيوية اللى بتسبب اسهال فمن الممكن ان يحدث عدوى ثانوية نتيجة للاسهال هى التى تتسب بالنزيف الذى ترينه وفى هذه الحالة يجب وقف الدواء والرجوع الى الطبيب حتى يقوم بتغير الدواء ووصف علاج امن وفعال .

يا دكتور انا لما سالت الدكتور على الموضوع ده قاللى انه لون بس ومافهمنيش انه ممكن يبقى كمان دم

وفعلا ساعتها غيروا باوجمنتين

بس ليه مارضيش يقوللى ان ده دم مش لون وبس......مش عارفة والله

[goodfaith]

الف سلامة يا فتفوتة على ولادك أجر وعافية ان شاء الله ويا رب يبقوا بالف صحة وخير

انا الحقيقة معنديش اي خبرة في المضادات الحيوية لان هنا مش بيدوا مضادات حيوية ابدا الا عند الضرورة القصوى سواء للكبار او للاطفال عشان مناعة الجسم الا طبعا لو فيه التهاب او حاجة تستدعي

يعني تصوري في مرض ابني الاخير الدكتور شاف ودنه وقالي فيه بداية التهاب قالي بعد 5 ايام لو استمرت الحرارة وحسيتي انه بيلمس ودانه او بيتألم منها ارجعي عشان نكتب لك مضاد حيوي لانه كده هيبقى الالتهاب زاد في الودن بس الحمد لله الحرارة وقفت في اليوم الخامس وابني بقى كويس الحمد لله

ممكن تكتبي في ورقة المضادات الحيوية اللي مش بتجيب نتيجة مع اولادك ولما تروحي للدكتور تديهاله عشان يعرف انه ميكتبلوش الدوا ده واذا الدكتور اصلا مكتبش مضاد حيوي متطلبيش انتي

بخصوص الحرارة زي ما قالت ام مروان احسن شيء انك تحمي الطفل بميه فاترة لا باردة ولا سخنة املي البانيو شوية وسيبه يلعب حرارته هتنزل بالتدريج وكمان ممكن تقعديه على الحوض ووتشطفي رجليه ووشه وراسه وتخليه يلعب بايده في المية بجد بعدها هتلاقيه فاق

كمان تخففي لبسه ولو لابس طبقات خليه لابس طبقة واحدة بس او اتنين بالكتير ومتدخليش مثلا الفانلة جوا البنطلون سيبيها برا عشان الحررة تتسرب برا جسمه

والف سلامة مرة تانية ربنا يشفيهم ويعافيهم

[fatfouta]

goodfaith

شكرا على اهتمامك ونصائحك

:lol:

[Alshiekh]

عن خفض حرارة الطفل المرتفعة

وياريت الدكتور Alrefaey يصححنى

حمام كحول تحت الغطاء ، كثيرا ما استخدمت هذه الطريقة مع ابنائى عندما كانوا صغارا

كيف؟

خلع ملابس الطفل بالكامل ووضعه داخل سريره عحت الغطاء

ثم استعمال فوطة صغيرة مبللة بالكحول ومسح كامل خسمه بينما هو تحت الغطاء .

كانت تخفض الحرارة فى خلال دقائق .

وطبعا منتظر تعليق دكتور Alrefaey إن كان ذلك صحيحا ام خطأ

[goodfaith]

تخفيض الحرارة بالكحول والخل من اخطر الطرق لخفض الحرارة لانها بتدي ايحاء كاذب للمخ بان درجة حرارة الجسم انخفضت نتيجة تبخر المواد دي بسرعة

انا كمان منتظرة رأي الدكتور :happy: