اذهب الي المحتوي
ArabHosters
HanaaOsama

30 اكله ل 30 يوم

Recommended Posts

انا باعمل فراخ كنتاكى لاولادى بتعجبهم جدااااا

صدور فراخ مخلية

علبتين زبادى و طبعا حسب الكمية اللى انتى بتعمليها

ثوم و زعتر و قرفة و ملح و فلفل و شوية خل لانة بيساعد على التسوية بسرعة

بتحطى الزبادى علية الخلطة الىل فوق دى و بعدين تحطى فيها الصدور الفراخ وتخليطهم ببعض جدااااا و بعدها

تحطيهم فى التلاجة لتانى يوم علشان يتنقعوا و ياخدوا الطعم بتاعها

بعد كدة بتحطى شوية دقيق عليهم شوية مية يعملوا كدة زى عجينة و طبعا بالمضرب اليدوى و عليهم ملح و فلفل

بتحطى بقى الفراخ عليها و تطلعيها الى البقسماط لما تخلصى الكمية كلها

تحطيها ساعة فى التلاجة قبل التحمير دة بيساعد ان البقسماط يلزق فيها و ما يتشالش فىالتحمير

و بالهنا و الشفا يارب تعجبكم

شارك هذه المشاركه


رابط المشاركه
شارك
استفسار بسيط لبوسي " ايه هي الكفته المغربي و طريقه عملها لو سمحتي :)

هلا نؤه بصي بقي يا ستى اولا انتى تأمرى والكفته المغربي سهله جدا عميلها

اولا المقادير :

1- نص كيلو لحمه مفرومه

2- 2 بصله متوسطه

3- كسبره ناشفه غير مطحونه

4- ربع رغيف مبلول لمده نص ساعه (وده علشان الخليط يمسك فى بعضه)

5- فلفل اسود +ملح

6- 2ملعقه كبيره ممتلئه سمنه وياسلام لو كانت بلدى

ثانيا : الوصفه

1- يتم تسخين الكسبره الناشفه على النار

2-ثم يتم وضع اللحمه المفرومه والبصل المفروم وربع رغيف المبلول والملح والفلفل الاسود والكسبره وتخلط جيدا

3- ثم يتم تقطيه الخليط على شكل صوابع وياريت تكون مفرغه من الداخل حتى نضمن انها مستويه من جوه (انا بصبعها على قلم او على يد الملعقه الخشب)

4-ثم يتم وضع الصوابع في صينيه البيركس على السمن ثم فى الفرن لحد ما تستوى

وبالهنا والشفي

شارك هذه المشاركه


رابط المشاركه
شارك

يا سلام عالاكلات بتاعتكو دى

الواحد لو هياكل 30 اكلة من دول

هيزيدد 30ك فالشهر

يا سلام بقى لو تراعو الدايت والريجيم

وبلاش السمنة البلدى يا بوسى

خفى شوية من اللحمة الحمرا

هو كل يوم هاعمل خضار لازم فراخ بط حمام لحمة

انا عماله ادور على اكلة اكتبها لقيتكم ما شاء الله دايسين طحن

طلب من الادارة بقى :ممكن دمج مموضوه هناء مع موضوع ريموفى موضوع واحد للتسهيل على الكل

وشكرا للجميع

شارك هذه المشاركه


رابط المشاركه
شارك
طلب من الادارة بقى :ممكن دمج مموضوه هناء مع موضوع ريموفى موضوع واحد للتسهيل على الكل

وشكرا للجميع

اولا ازيك يا ماما نونا من زمان مش بتكتبي ليه :)

موضوع ريمو عملتله فلتره والاكلات الي في الصفحة الاولي و اول التانيه منه

شارك هذه المشاركه


رابط المشاركه
شارك

برافو

شاطرة يا ام عمر

طلعالي :roseop:

تحياتي

شارك هذه المشاركه


رابط المشاركه
شارك

'طبق اليوم wst::

بيتزا :-

البيتزا اكيد سهله انا بالنسبه ليا اسهل و اسرع اكله و اليكم الطريقة :-

المقادير:-

1.5 - 2 كوب دقيق

حوالي ربع كوب زيت

حوالي نص كوب لبن

شويه ملح صغييرين

الخميره:-

عاديه و ديه صعب نلاقيها او فوريه و ديه موجوده في كل حته

مشكله الخميره الفوريه انها ساعات تبقها مش نافعة فيجب تجربتها باضافه الكيس علي ربع كوب ماء دافئ و ربع ملعقة سكر و التقليب

ثم تغطيه الكوب لمده 10 دقايق

لو لاحظتي زياده في الكوب بطبقه هشه تبقي كويسه

ولو مفيش ارميها :roseop: لانها مش هتخمر العجينه ولا بالطبل البلدي :lol:

الطريقة:-

نضيف كوب الخميره ده علي المكونات السابقه و نعجنهم باليد او في العجان

نسخن الفرن لمده 5 دقايق ثم نغلقه

نضع العجينه طبق و نغطيها بكيس بلاستك

نضع طبق العجين في الفرن الدافئ حتي يخمر

بعد حوالي ساعتين نضع العجينه الخمرانه في صينيه مدهونه بالزيت و نفردها و نتركها ختي نعد مكونات البيتزا

مكونات البيتزا :-

صلصله ( يفضل طماطم مضروبه في الكبه خفيف او مقطعة بدون قشر و ليس في الخلاط و تشوح مع بصل و نضيف عليها ملح وفلفل و زعتر )

زيتون اسود مقطع

فلفل اخضر مقطع

طماطم مقطعة حلقات

جبنه موتزريلا

لحمه مفرومه معصجة او فراخ مسلوقه و مشوحة او تونه او جمبري متشوح او مشروم او ....

الترتيب : فوق العجين الصلصه ثم اللحوم ثم الفلفل والزيتون ثم الطماطم حلقات ثم الجبنه الموتزريلا

حتي لا تحمر الجبنه قبل ان تستوي العجينه يمكن و ضعها بعد منتصف السوا

توضع البيتزا في الفرن حوالي نصف ساعة غلي درجة حراره 180

و بالهنا و الشفا

شارك هذه المشاركه


رابط المشاركه
شارك

طب جربتى التونة بالبيض يا هناء؟؟

بيحبوها ولادى وباباهم لكن انا بصراحة مش بحبها

لو عاوزا تجربيها قوليلى وانا اقولك الطريقة

وكمان الشيش طاووق مثلا مع بطاطس محمرة ولو غذاء يبقى مع مكرونة

هفتكرلك حاجات تانى كتير

فيه طريقة للانشون المنزلى كمان هبقى جيبهالك

طب فيه حد عنده طريقة صوص للمكرونة جديدة غير التقليدية ؟؟

بس بلاش الصلصات البيضاء والنبى الله يخليكوا

شارك هذه المشاركه


رابط المشاركه
شارك
طب جربتى التونة بالبيض يا هناء؟؟

بيحبوها ولادى وباباهم لكن انا بصراحة مش بحبها

لو عاوزا تجربيها قوليلى وانا اقولك الطريقة

وكمان الشيش طاووق مثلا مع بطاطس محمرة ولو غذاء يبقى مع مكرونة

هفتكرلك حاجات تانى كتير

فيه طريقة للانشون المنزلى كمان هبقى جيبهالك

طب فيه حد عنده طريقة صوص للمكرونة جديدة غير التقليدية ؟؟

بس بلاش الصلصات البيضاء والنبى الله يخليكوا

تونه مع بيض ! مش غريبه اوي

قوليلي موضوع الانشون المنزلي ده

و مالها الصلصه البيضاء يا فتفوته :closedeyes:

شارك هذه المشاركه


رابط المشاركه
شارك
محدش عنده اكلات خفيفة و سهله و محببه للاطفال

بصي يا هناء مريم بنتي اكلها يعل بصراحة

بس في اكلات هي بتحبها زي البيتزا و دي باعملها اقراص صغيرة مش في صواني كبيرة

و كمان بتحب الكانيلوني اوي

شارك هذه المشاركه


رابط المشاركه
شارك
طب جربتى التونة بالبيض يا هناء؟؟

بيحبوها ولادى وباباهم لكن انا بصراحة مش بحبها

لو عاوزا تجربيها قوليلى وانا اقولك الطريقة

وكمان الشيش طاووق مثلا مع بطاطس محمرة ولو غذاء يبقى مع مكرونة

هفتكرلك حاجات تانى كتير

فيه طريقة للانشون المنزلى كمان هبقى جيبهالك

طب فيه حد عنده طريقة صوص للمكرونة جديدة غير التقليدية ؟؟

بس بلاش الصلصات البيضاء والنبى الله يخليكوا

تونه مع بيض ! مش غريبه اوي

قوليلي موضوع الانشون المنزلي ده

و مالها الصلصه البيضاء يا فتفوته :old:

لا انا مقولتش حاجة عالصلصة البيضا.......انتى هتفهمينى غلط ولا ايه؟

بصى التونة مع البيض نفس طعم البولوبيف بالبيض......هى هى ونفس الطريقة بالضبط وبصراحة انا مش بحب الاتنين

يعنى انتى عاوزة اللانشون المنزلى اخر كلام؟

بس بعد كده ماترجعيش تقولى فتفوتة هى اللى قلتلى لو ولادك كل شوية طلبوه

شارك هذه المشاركه


رابط المشاركه
شارك
لا انا مقولتش حاجة عالصلصة البيضا.......انتى هتفهمينى غلط ولا ايه؟

بصى التونة مع البيض نفس طعم البولوبيف بالبيض......هى هى ونفس الطريقة بالضبط وبصراحة انا مش بحب الاتنين

يعنى انتى عاوزة اللانشون المنزلى اخر كلام؟

بس بعد كده ماترجعيش تقولى فتفوتة هى اللى قلتلى لو ولادك كل شوية طلبوه

لا متخافيش الصلصه البيضا مش قريبتي :unsure:

قولي يا بنتي اللنشون و يا ريت بس نور بنتي تطلبه اصلها مقرفة و مبتكولش صنف اللحوم نهائي

شارك هذه المشاركه


رابط المشاركه
شارك
لا انا مقولتش حاجة عالصلصة البيضا.......انتى هتفهمينى غلط ولا ايه؟

بصى التونة مع البيض نفس طعم البولوبيف بالبيض......هى هى ونفس الطريقة بالضبط وبصراحة انا مش بحب الاتنين

يعنى انتى عاوزة اللانشون المنزلى اخر كلام؟

بس بعد كده ماترجعيش تقولى فتفوتة هى اللى قلتلى لو ولادك كل شوية طلبوه

لا متخافيش الصلصه البيضا مش قريبتي :blink:

قولي يا بنتي اللنشون و يا ريت بس نور بنتي تطلبه اصلها مقرفة و مبتكولش صنف اللحوم نهائي

مين اللى قالك انه فيه ريجة اللحمة اساسا

حاضر هعملهولك مخصوص فى توبيك لوحدة عشان الناس كلها تستفيد

يا بنتى انا بقالى فتره اهو ولادى مجننى فى الاكل ومافيش حاجة اعملها غير لما تبوظ وتترمى ماحدش بقى ياكل فينا اصلا مش عارفة ليه

حصلينى عاللانشون المنزلى ياللا

B)

شارك هذه المشاركه


رابط المشاركه
شارك

فين الانشون يا فتفوته انت مش فاضيه ولا ايه

:blink:

انا عندي مشكله كبيره مع بنتي في الاكل مش عارفه اعمل فيها ايه

هبقي افتح موضوع للقصه ديه

شارك هذه المشاركه


رابط المشاركه
شارك

نونه انتى روحتى فين وفين بقيه وصفاتك

انا منتظره باقى الوصفات والحاجات الحلوه من الاخوات بجد موضوع ممتاز

شارك هذه المشاركه


رابط المشاركه
شارك

نكتبهم كمان مره عشان خاطر الحبابيب

1- كباب حله + رز بالخلطه + شوربه لسان عصفور + سلطه طحينه + سلطه خضرا

2- رز ابيض + قلقاس بالسلق + فراخ محمره + شوربه + سلطه خضرا

3- صينيه مسقعة + شوربه عدس مع عيش محمص مربعات " بدل العيش ممكن ورق السمبوسك مقطع مربعات و يحمر في الزيت و يضاف علي وش طبق العدس " + عيش + سلطه خضرا

4- ملوخيه +فراخ او لحمه او بط او حمام

5- طبق كبده وكلاوى وقلب بالبصل ومعاه طبق شيبسي او بطاطس محمره

6- بميه +فراخ او لحمه او بط

7- بانيه فراخ + مكرونه بصلصه + بطاطس محمره

8-كفته مغربي +مكرونه +بطاطسمحمره

9-بطاطس فالفرن +فراخ

10-مكرونه بالتونه او تونه وجنبها سلطه خضراء

11-جلاش باللحمه المفرومه +لحمه

12- مكرونه بشاميل + فراخ (يفضل في يوم اجازه علشان بتاخد شويه شغل)

13-كفته برز + أرز + مخلل

14- لحمه ببصل او كباب حله +بطاطس محمره +مخلل

15- شاورمه فراخ او لحمه +بطاطس +مخلل

16- بيتزا جمبري او بيتزا لحمه مفرومه او نقاقنق اللى تحبوه + مخلل

17- سمك وجمبري+ شوربه فواكه البحر+ورز صياديه طبعا

18- محشي بكل انواعه ومعاه فراخ ومخلل (وده يفضل في يوم اجازه)

محدش قال 19 ؟؟؟؟!!!! وجبه كامله متكامله

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...