اذهب إلى المحتوى
محاورات المصريين

30 اكله ل 30 يوم


HanaaOsama

Recommended Posts

كتير مننا كل يوم بنفكر نعمل اكل ايه انهارده

فكرت اعمل ورقة لكل شهر مكتوب فيها 30 اكله ....

وجبه متكامله للغذاء

الفكره مميزاتها

1-ان مش هنعد نفكر كل يوم اعمل ايه انهارده

2-ان مكونات الوجبه هتكون موجوده من الاول

3-عدم تكرار الاكلات الا كل فتره طويله

الاكلات ديه في الشهر منها البسيط و منها الي زي اكل العزومات و منها العادي و كل و احد حسب ذوقه

عايزين نقترح اكلات و يا ريت لو منها الجديد " بتاع اليومين دول :clapping: "

يا ريت الاقتراحات تكون بلون مختلف ليسهل تجميعها فيما بعد

انا هقترح مثلا

1- كباب حله + رز بالخلطه + شوربه لسان عصفور + سلطه طحينه + سلطه خضرا

2- رز ابيض + قلقاس بالسلق + فراخ محمره + شوربه + سلطه خضرا

3- صينيه مسقعة + شوربه عدس مع عيش محمص مربعات " بدل العيش ممكن ورق السمبوسك مقطع مربعات و يحمر في الزيت و يضاف علي وش طبق العدس " + عيش + سلطه خضرا

و ايه كمان فكروا معايا :waving:

تم تعديل بواسطة HanaaOsama

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك

يعنى ايه.........طب هتقولى طريقة كل اكلة ولا هتمشيها كده؟

لا انا رايى انك تقولى طريقة الاكلة بتاعة كل يوم عشان الكل يستفيد

عشان انا واحدة من الناس بزهق من السؤال بتاع.......هناكل ايه النهاردة او هنطبخ ايه بكرة؟

بصى يا هناء كان فيه موضوع كانت عاملاه ريم حلو اوى اسمة هناكل ايه بكرة تقريبا......كان نفسى الموضوع ده يستمر فعلا واللى هتعمل حاجة مثلا تيجى تكتب طريقتها لينا وهكذا

ده رابط الموضوع

http://www.egyptiantalks.org/invb/?showtopic=88934

وضحى اكتر فكرة موضوعك ايه؟؟؟؟

رابط هذا التعليق
شارك

يعنى ايه.........طب هتقولى طريقة كل اكلة ولا هتمشيها كده؟

لا انا رايى انك تقولى طريقة الاكلة بتاعة كل يوم عشان الكل يستفيد

عشان انا واحدة من الناس بزهق من السؤال بتاع.......هناكل ايه النهاردة او هنطبخ ايه بكرة؟

بصى يا هناء كان فيه موضوع كانت عاملاه ريم حلو اوى اسمة هناكل ايه بكرة تقريبا......كان نفسى الموضوع ده يستمر فعلا واللى هتعمل حاجة مثلا تيجى تكتب طريقتها لينا وهكذا

ده رابط الموضوع

http://www.egyptiantalks.org/invb/?showtopic=88934

وضحى اكتر فكرة موضوعك ايه؟؟؟؟

انا بصراحه مشفتش موضوع ريم ده قبل كدا لكن هو تقريبا نفس الفكره لكن عايزه اجمع 30 اكله او اكتر طبعا مفيش مشكله " الاسامي فقط"

لكن اكيد لو جت اكله في النص مش معروفه لاي منا هنسأل اكيد عن الطريقه

عشان كدا بقول نكتب اسم الاكله " او مكونات الوجبه " بلون مختلف زي ما انا عملت كدا

اما الشرح عادي في نص الكلام

ولا ايه؟

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك

مش قصدي كمان يا فتفوته ان كل يوم نكتب اكله لكن زي ما قلتك نجمع ورقة لاكلات الشهر كله و مع استمرار الموضوع اي حد يعرف اكله جديده يقولها

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك

كتير مننا كل يوم بنفكر نعمل اكل ايه انهارده

فكرت اعمل ورقة لكل شهر مكتوب فيها 30 اكله ....

وجبه متكامله للغذاء

الفكره مميزاتها

1-ان مش هنعد نفكر كل يوم اعمل ايه انهارده

2-ان مكونات الوجبه هتكون موجوده من الاول

3-عدم تكرار الاكلات الا كل فتره طويله

الاكلات ديه في الشهر منها البسيط و منها الي زي اكل العزومات و منها العادي و كل و احد حسب ذوقه

عايزين نقترح اكلات و يا ريت لو منها الجديد " بتاع اليومين دول :clapping: "

يا ريت الاقتراحات تكون بلون مختلف ليسهل تجميعها فيما بعد

انا هقترح مثلا

1- كباب حله + رز بالخلطه + شوربه لسان عصفور + سلطه طحينه + سلطه خضرا

2- رز ابيض + قلقاس بالسلق + فراخ محمره + شوربه + سلطه خضرا

3- صينيه مسقعة + شوربه عدس مع عيش محمص مربعات " بدل العيش ممكن ورق السمبوسك مقطع مربعات و يحمر في الزيت و يضاف علي وش طبق العدس " + عيش + سلطه خضرا

و ايه كمان فكروا معايا :waving:

ممتازه يا نونا والله مش عارفه اقولك ايه

سبحان الله فكرت فيها وعملت ورقه والله واهه من اول امبارح ووجوده جنب الكمبيوتر وهنقلهل اقتراحاتى التقليديه جدا واتمنى تزودولى عليها وجبات خفيفه

ودى اقتراحاتى :

1- ملوخيه +فراخ او لحمه او بط او حمام

2- طبق كبده وكلاوى وقلب بالبصل ومعاه طبق شيبسي او بطاطس محمره

3- بميه +فراخ او لحمه او بط

4- بانيه فراخ + مكرونه بصلصه + بطاطس محمره

5-كفته مغربي +مكرونه +بطاطسمحمره

6-بطاطس فالفرن +فراخ

7-مكرونه بالتونه او تونه وجنبها سلطه خضراء

8-جلاش باللحمه المفرومه +لحمه

9- مكرونه بشاميل + فراخ (يفضل في يوم اجازه علشان بتاخد شويه شغل)

10-كفته برز + أرز + مخلل

11- لحمه ببصل او كباب حله +بطاطس محمره +مخلل

12- شاورمه فراخ او لحمه +بطاطس +مخلل

13- بيتزا جمبري او بيتزا لحمه مفرومه او نقاقنق اللى تحبوه + مخلل

14- سمك وجمبري+ شوربه فواكه البحر+ورز صياديه طبعا

15- محشي بكل انواعه ومعاه فراخ ومخلل (وده يفضل في يوم اجازه)

ووكفايه كده واسيب معاكم الميكروفون

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

نونا هو انا فهمتك صح ولا لا؟؟؟؟؟؟؟؟؟؟؟

انا اصل الفكره دى جت على بالى علشان كده كنت مجهزه الورقه لي

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

بعد اذن ريمو طبعا انا هقتبس من موضوعن و احطه هنا بناءا علي طلب فتفوته

من موضوع تحبوا تكلوا ايه بكره

1- كتب بواسطه لماضه مصريه جدا

لكي يا سيدتي الوصفة دي لكل عشاق القرنبيط

1- اسلقي القرنبيط و متنسيش تحطي عليه كومن عشان الريحة و طبعا شغلي الشفاط يا ههانم عشان ريحة القرنبيط مدمرة

2-تكوني مجهزة لحمة معصجة و انا بحب اعمل علبة كده و اخليها عندي في الفريزر بتنفع في حاجات كتير

3- حبة زبدة او زيت اقدحيهم ع النار و يكون عندك بصل اخضر مقطعاه ز كمان فلفل اخضر و لو فيه بقدونس او كزبرة خضرا حمري الزيت 3 دقايق.... و يا ريت نمسك الستوب واتش.......ههههههههه............حطي الخليط الاخضر ده ع الللحمة الفرومة

4- صينية بقي فرن رصي وردات القرنبيط........حطي تسبيكة و بعدين اللحمة المفرومة رقات رقات....

5- حطيهم في الفرن.......ارجعي للمنتدي.......تعالي ارغي شوية........و بعدين هتعرفي امتي استوت

دي بقي ممكن تقدميها مع رز أبيض او مع عيش

انا احيانا بضيف عليهم كوسة بس بتاخدلها تقلبتين كده مع البصل الاخضر و كمان لو جزر مبشور تبقي حكاية؟؟؟

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك

و انت يا بوسي كتبتي 15 اكله بس و ال15 يوم الباقيين هتصوموا :clapping: :waving: :rosebd:

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك

كتب بواسطه mrs gehad ahmed

الكانيلوني بعمله بمقاديري

1:1:1

بيض: ك دقيق :ك لبن

وعليهم ذره ملح وفلفل

وباضرربهم ف الكيتشن ماشين 10 ثواني وينفع طبعا بمضرب يدوي عادي

وف طاسه تيفال صغننه بحط نقطتين زيت ( عشان ميلزقشي)

وبيقي الخليط سائل بحط كميه صغننه ( عشان تبقي رفيعه مش تخينه )

وبدورها بسرعه ف الطاسه عشان تتوزع بالتساوي

ثواني وبقلب ع الوش التاني

وبحشيها لحمه مفرومه معصجه وبلفها ((وممكن حشوها اي حاجه تانيه حلوه او حادقه جبنه او مربي او بيض ))

وبرصهم ف صينيه جمب بعض وبرش موزاريلا بعد ما اوزع عليهم صلصه من فوق وبشغل الشوايه لمده دقيقتين

وبالهنا والشفا

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك

كتب بواسطه سهيله

الكبسه

لحمه ملبسه كندوز طبعا وتقطع قطع صغيرة

صلصه

طماطم

اهم حاجة البهارات عبارة عن

5 فصوص حباهان او هيل

5 قرنفل

شوية فلفل اسود حب

2 ورق لورى

نصف ملعقة لومى مطحون ( اللومي ليمون اسود ناشف )

الطريقه

2 بصله كبيرة تتقطع ترنشات رفيعه وتحطيها ف زيت حتى يصبح لونها دهبى ماءل للاحمرارثم نرفع البصل من الزيت

يضاف اللحم ويقلب حتى ياخد لون ف نفس الزيت السابق

يضاف 3 طماطم مقطعه مكعبات وربع كوب صلصله

يضاف كوب ماء

يضاف البهارات ما عدا الملح

تترك على نار هاديه حتى يستوى اللحم وممكن نزود ماؤ من وقت لاخر

رز بسمتى منقوع نص ساعه يضاف

ويوضع عيار الرز

تقليب

يترك على نار هاديه لغاااااااااااااااية ما يستوى

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك

كتب بواسطه rewsha

صينيه كوسه بالباشاميل

الاول الكوسه تتنضف وتتقطع بالطول .مش بالعرض

تكوني مجهزه لحمه مفرومه معصجه وعليها معلقتين صلصه طماطم

ومجهزه باشاميل (اكيد ناس كتير بتعرف تعمله )لكن في طريقه سهله قوي لعمله

زي المهلبيه بالظبط .بنشا لكن حطي بدل السكر اللي في اللبن .ملح وفلفل ومعلقتين سمنه بلدي

ودوبي النشا في شوية لبن باردين وضيفي اللبن اللي بالنشا على اللبن التاني اللي على النار .وقلبي هايبقى باشاميل توحفه وكمان خفيف على المعده

نرجه بقه للكوسه

في طريقتين

1-ممكن بعد ما تقطعيها بالطول تقليها في سمنه

2- لو مش بتحبي الدسامه في الاكل يبقى اسلقيها في شويه ميه بملح وفلفل .وخلي بالك الكوسه بتتهري بسرعه .يعني اسقطيها في الميه اللي بتغلي وشيليها علطول ...ودي بتكون اخف كتير من المقليه في سمنه

نيجي بقه لصينيه الكوسه

صينيف فاضيه ادهنيها بسمنه .

صبي شوية باشاميل الاول في الصينيه وبعدين رصي طبقه من الكوسه على الباشاميل وحدات جنب بعض كده لحد ما تغطي طبقة الباشاميل

حطي طبقه اللحمه المفرومه بقه المتعصجه بالصلصه

رصي طبقه كوسه تانيه زي اللي في قاع الصينيه بس دي بقه فوق الكوسه

صبي باقي الباشاميل بعد طبقة الكوسه التانيه

باقي السمنه او الدهون اللي نزلت من تعصيج اللحمه رشي منها على سطح لصينيه من فوق بعد اخر طبقة باشاميل

ولو عندك بقسماط حطي شويه في منخل او مصفى صغيره ورشي رشه جريئه .قصدي خفيفه جدا جدا وزعيها بالمصفى او المنخل على وش الصينيه علشان يحمر

دخليها الفرن بقه

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك

كتب بواسطه مصرية متغربة

الرز البخاري

المقادير :

- رز طويل الحبة

(مقدارك العادي بس يكون منقوع خمس ساعات قبل ما تبتدي يعني ممكن تنقعيه قبل ما تنامي على طول و تحطيه في التلاجة لو كنتي بتطبخي بدري

أو تنقعيه الفجر عشان تطبخي على السعة 10 أو 11 الصبح)

-كيلو لحم مقطع أو قطع فراخ

- 3-4 جزرات

- 2 بصلة مقطع شرائح بالطول رفيع جدا

-3-4 فصوص توم

-معجون طماطم

- 2-3 حبات طماطم

- بهارات مشكلة

- زيت نباتي

- ملح

:الطريقة

نبشر الجزر و نشوحه في زيت نباتي حتى يدخل في السوى ثم نرفعه من على النار و نطلعه في طبق من غير الزيت

في نفس الزيت اللي شوحنا فيه الجزر نشوح البصل لحد ما يصفر ثم نضع البهارات و قطع اللحم أو الفراخ

و بعد لما تتشوح كويس نكون ضربنا الطماطم في الخلاط و معاها التوم

و نحطهم على اللحم أو الفراخ

و نهدي النار عشان تستوي براحتها

لما تستوي اللحمة حطي الرز المنقوع بعد تصفيته من مية النقع

على اللحم و غطيه بمية مغلية و حطي الملح

و غطيه لحد ما يستوي

لما يستوي و يهدى شوية

اقلبي الحلة في طبق تقديم كبير مستدير

حيبقى الرز تحت و فوقه قطع اللحم

و بألف هنا و شفا

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك

كتب بواسطه بوسي

نبدأ ب طبق السمك الفيليه

المقادير :-

1- كيلو سمك فيليه (يفضل تقطيعه جزل قطع يعنى )

2- بهارات سمك هنديه او بهارات سمك وخلاص

3-كمون -فلفل اسود- ملح -شطه -فصين توم مفروم - ليمون او خل

4- دقيق طبعا

الوصفه :-

ا- يحضر تتبيله السمك بوضع بهارات السمك وباقى البهارات والتوم والليمون او الخل مع بعض فى طبق

2- يوضع السمك الفيليه المقطع فى التتبيله وتترك فى التلاجه لمده ساعتين (نصيحه ياربت تغطى الطبق كويس حتى لا تترك رائحه فى التلاجه )

3-يخرج من التلاجه ويوضع فى الدقيق ويتم قليه فى زيت عميق

ملحوظه نفس الطريقه دى بنعملها للجمبري بس طبعا ينظف الجمبري ويشال منه خط التراب اللى فالظهر ويوضع فى نفس التتبيله ثم فى الدقيق ثم فى الزيت وبالهنا والشفا)

شوربه فواكه البحر

المقادير :-

1- كيس فواكه البحر

2- بصلتين متوسطى الحجم

3- مياه

4- زيت او سمن

5- بهارات

الوصفه :-

1- يتم تقطيع البصل ثم تحمريه فى بعض من الزيت او السمن

2-ثم يوضع ما بداخل كيس فواكه البحر ويقلب كام تقليبه كده

2- ثم نضع المياه ولا ننسي الملح واللكمون والفلفل الاسود

4- يترك على النار حتى يصبح طعمه مالهاش حل ويطفى عليه وبالهنا وبالشفا

(ملحوظه انا بصراحه بضيف عليها كابوريا ودى بقي بعملها ازاى الاول طبعا انضف الكابوريا بانى اشيل الغطاء الخارجى وينظف من الحاجات الصفرا اللى فيه ويقسم الى نصفين ثم اضعه فى ماء وملح واسلقه على النار حتى يأخد اللون البرتقالي وتحس انه اتعمل وبعدين تحطه وانت بتحط كيس فواكه البحر وتكمل الطبخه بيقي طعمه خرافه وادعولى )

الارز الصياديه

المقادير :-

1- ارز بسمتى او مصري على حسب الرغبه (لو ارز بسمتى انقعه فى ميه قبل كده نص ساعه علشان بياخد سوا اكتر من المصري ) ويغسل جيدا طبعا

2- بصل على حسب الكميه والكميه على حسب الاشخاص يعنى الفرد الطبيعى (ههههههه) نص مج زجاج فرنساوى

3- ملح وميه (في ناس بتحط كمون بس انا مش بحطه وبراحتكم طبعا

الوصفه :-

1- يتم تحمير البصل حتى يقترب لونه من الاسود يعنى مش تحرقه لا قبل حرق البصل بشويه ههههه

2- ثم يوضع الرز المغسول مسبقا جيدا على البصل البنى الغامق وبعدين نقلبهم فى بعض ثم نضع الميه ومقدار الماء يكون لو ارز بسمتى يغطى الرز بمقدار عقله ونص من الصبع اما لو كان رز مصري يبقي المقدار للمياه فوق الرز بعقله صباع واحد

3-يترك الرز حتى يتشرب المياه ثم يوطى عليه حتى يستوى ويارب ما يشيط ويفضل تحط الشياطه تحت حله الرز علشان يستوى براحته

سلطه الخضراء (ودى ضروريه جدا لما فيها من فوايد عظيمه وخصوصا لمرضي السكر )

المقادير

1- طماطم - خيار - جرجير -بقدونس -خس -بصل اخضر (لاكله السمك ضرورى)- فلفل اخضر واصفر واحمر للتزين

2-البهارت فلفل اسود- ملح -ليمون او خل بس طبعا يفضل ليمون

الوصفه

يتم تقطيع جميع المقادير وتقليبهم مع بعض ووضع البهارات وتقليبها وبس كده خلاص

طبعا يا جماعه مش تنسوا اوراق بقدونس وتقطيع الفلفل الاخضر والاحمر والاصفر شرايح للتزيين لطبق السمك ومنتصف طبق الرز لكل فرد

وبالهنا والعافيه

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك

كتب بواسطه OReX

طريقة عمل صينية البطاطس باللحمة المفرومة

نقشر البطاطس كالعادة ونقطعها مكعبات (لية مكعبات عشان تنجز فى السلق احنا ورنا دوام بليل) نسلقها ومعاها شوية ملح وفية توابل هندية كدا مش عارف فاكر اسمها نحطها معاها

بعد ما خلصت سلق نسيبها تبرد وعلى الكاتشن ماشين ونضربها ضربا مبرحا حتى تستغيث

على النحية التانية من البوتجاز بقى نجيب حلة حلوة كدا ونحط فيها شوية زيت ونحط اللحمة المفرومة وعليها شوية بصل وشوية بقدونس اى حاجة تديلها اى ملامح

بعد ما نخلص على اللحمة المفرومة هنجيب صينية ونحط اللحمه المفرومة وعليها من فوق البطاطس المهروسة وفوق على الوش شوية زيت او سمنة ايهما اقرب للفرن يعنى

بس وتساب فى الفرن لغاية لما تكسف ووشها يحمر ويبان عليها انها بنت ناس

بس وبالهنا والشفا

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك

كتب بواسطه ريمو

طريقة عمل اللازانيا

المقادير طبعا حسب العدد و الكمية اللي هاتعملوها

انا باعملها في صينية مستطيلة في اغلب الاحيان

فا بتاخد نص كيلو لحمة مفرومة

و علبة لازانيا

بشاميل يكون اخف شوية من اللي بنعمله للمكرونة

و كمان باكت صلصلة طماطم

جبنة موتزارلا

الطريقة

نعصج اللحمة المفرومة مع بصل و ملح و فلفل و قرفة و زنجبيل و بهارات مشكلة

و لما تستوي اللحمة نضيف عليها باكت صلصلة الطماطم و نزود شوية مايا عشان نحل الصلصة

نعمل البشاميل و زي ما قولتلكم يكون خفيف شوية عن بشاميل المكرونة

نجيب الصينية و نغطيها بطبقه من البشاميل و بعدين نرص شرائح اللازانيا جنب بعض بالطريقة اللي تلاقوها مناسبة للصينية اللي بتعملوا فيها يعني بالعرض بالطول حسب الصينية ماشي

بعدين نحط طبقة من اللحمة بالصلصة و بعدين طبقة لازانيا تاني و بعدين طبقة لحمة بعدها اخر طبقة تكون من اللازانيا

و بعد كده نصب عليها البشاميل بحيث يغطي الصينية كلها و نرش الجبنة الموتزارلا على الوش

ندخل الصينية فرن يكون متوسط الحرارة بس تتحط على الشبكة في النص يعني

سيبوها تستوي براحتها خالص بقى و عشان تعرفوا انها استوت و لا لسا تجيبوا سكينة و تغرزوها فيها لو لقيتوا شرائح اللازانيا لسا ناشفة يبقى لسا ما استوتش تسيبوها شوية لحد ما تحطوا السكينة تلاقوا الشرائح كلها بقت طرية

تشغلوا الشواية عشان الوش ياخد اللون الدهبي و خلاص

تسيبوها تبرد شوية قبل الاكل

ملحوظة مهمة

شرائح اللازانيا ما تتسلقش تتحط زي ما هي لانها هاتستوي من صلصلة البشاميل و صلصة اللحمة المفرومة

لو حد حابب يحط مشروم مع اللحمة كمان ما فيش اي مشاكل بيديها طعم لطيف

و بالهنا و الشفا

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك

كتب بواسطه ام مروان

البطاطس المحشية لحمة مفرومة

طبعا نعصج اللحمة عادى من غير صلصلة ببص وملح وفلفل وشوية بهارات

والبطاطس تكون حجم صغير شوية تتقور بحيث ماتكونش الفتحة كبيرة اوى و تتحط طبعا فى مية وملح على مانخلص

تحشى لحمة مفرومة وتترص فى صينية فرن ونحط تحتها فرشة من البطاطس اللى طلعت فى التقوير مع شوية لحمة مفرومة برضه

وفى طبق نقلب معلقتين مثلا صلصلة فى كوباية او كوب ونص مية وملح وفلفل وبهارات او ممكن مرقة بسيط

وبس على النار من فوق نغطى عليها لحد ماتتشرب معظم الصلصة وبعدين تدخل الفرن

نسيت اقول نحط زيت طبعا فى الصينية الاول هى اكله سريعة وتتاكل بالرز الابيض البسمتى او العيش

وبالهنا والشفا

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك

السلام عليكم ورحمة الله....

ممكن أشارك بوضع رابط لموضوع ذو صلة...:roseop:

قائمة الطعام الاسبوعى للبيت متوسط الحال

للاستاذ بندق افندى......

بأشكر الفاضلة هناء على موضوعها ومجهودها

تحياتى brth)

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

كتب بواسطه ام مروان

صدور دجاج مقطعة شرائح متوسطة الحجم

زبادى

توم

ملح وفلفل وزعتر ( زعتر ناشف مش الاخضر بيبقا قريب من شكل الدقة المصرى شوية ) بصراحة جارتى السورية ربنا يكرمها هى اللى جابتهولى

وممكن يستبدل باى نوع اعشاب عطرية تفضلوه

وشوية زيت

بطاطس متقطعة زى مراكب كده

نتبل الفراخ بالزبادى والثوم والملح والفلفل والزعتر

نحمى صينية فرن فيها شوية زيت

نحط الفراخ تاخد لون ع الناحيتين

البطاطس تاخد نفس التتبيلة وتضاف على طول وبرضه تتقلب تاخد لون بسيط

هنلاحظ ان فيه اثار تحمير فى الصينية نضيف المية ونكحت كل اللون ونقلب مع الفراخ والبطاطس

الحقيقة ان بواقى التحمير السريع ده بتدى لون وطعم بس طبعا مايكونش محروق واسود يعنى

بس كده ضفنا المية نغطى الصينية ونسيبها فوق شوية على نار متوسطة ولما تتشرب والبطاطس تقرب م السوا تدخل الفرن على الرف العلوى والفرن مولع عادى تحت مش شواية يعنى

نسيبها يعنى حوالى تلت ساعة هتكون الفراخ استوت والصينية اتحمرت شوية

ياريت تجربوها بالزعتر ده لانه بيمشى اوى مع التوم وزيت الزيتون اللى ممكن نرش منه رشة اخيرة على الصينية

ووتتاكل برضه مع رز او افضل فى ساندويتشات مع شوية خس وزيتون اسود

وبالهنا والشفا

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك

كدا الموضوع تحبوا تكلوا ايه بكره خلص نرجع بقي لموضوعنا عايزين اقتراحات لاكلات الغدا غير دول

1- كباب حله + رز بالخلطه + شوربه لسان عصفور + سلطه طحينه + سلطه خضرا

2- رز ابيض + قلقاس بالسلق + فراخ محمره + شوربه + سلطه خضرا

3- صينيه مسقعة + شوربه عدس مع عيش محمص مربعات " بدل العيش ممكن ورق السمبوسك مقطع مربعات و يحمر في الزيت و يضاف علي وش طبق العدس " + عيش + سلطه خضرا

4- ملوخيه +فراخ او لحمه او بط او حمام

5- طبق كبده وكلاوى وقلب بالبصل ومعاه طبق شيبسي او بطاطس محمره

6- بميه +فراخ او لحمه او بط

7- بانيه فراخ + مكرونه بصلصه + بطاطس محمره

8-كفته مغربي +مكرونه +بطاطسمحمره

9-بطاطس فالفرن +فراخ

10-مكرونه بالتونه او تونه وجنبها سلطه خضراء

11-جلاش باللحمه المفرومه +لحمه

12- مكرونه بشاميل + فراخ (يفضل في يوم اجازه علشان بتاخد شويه شغل)

13-كفته برز + أرز + مخلل

14- لحمه ببصل او كباب حله +بطاطس محمره +مخلل

15- شاورمه فراخ او لحمه +بطاطس +مخلل

16- بيتزا جمبري او بيتزا لحمه مفرومه او نقاقنق اللى تحبوه + مخلل

17- سمك وجمبري+ شوربه فواكه البحر+ورز صياديه طبعا

18- محشي بكل انواعه ومعاه فراخ ومخلل (وده يفضل في يوم اجازه)

تم تعديل بواسطة HanaaOsama

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك

استفسار بسيط لبوسي " ايه هي الكفته المغربي و طريقه عملها لو سمحتي brth)

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...