مكرونة بالباشميل بيتزا....مكاريتزا ..

[Salwa]

احبائى.

مش عارفة ايه اللى خلانى القى نظرة هنا تانى؟

مع ان محدش قاللى انه جرب حاجة من اللى قلته.

بس انا برضه//تانى//حقولكم على حاجه خطيرة جدا جدا.

مش عارفه اقوللكم اسمها ازاى؟

ححكى لكم الاول قصة اسمها...وبعدين اوصفهالكم.

مرة ولادى طلبوا منى اعمل لهم صينيه مكرونة بالباشميل.

وانا بعد ما عملتها وجيت فى الاخر ادخلها الفرن...رحت بصيت لها

وقلت لنفسى...طيب مانا بدال ما اضع جبنه مبشورة على الوجه

اتصرف وكان الوجه ده،عجينه البيتزا،واعامله نفس معاملة العجينه

اى اضع طماطم وجبنه وزعتر وزيتون اسود.

والمهم اولادى كانوا مبسوطين .....وبعد الاكل ابنى قاللى....

ماما...طلعتلك حلوة قوى//الماكاريتسا//..المكاريتزا.

يعنى قصده المكرونة بالبيتزا.

سجلوا الاسم..........مش قلتلكم احنا عاملين.....عالم....خاص بنا.

وآدى الطريقه علشان انتم من العائلة.

مثلا...نصف كيلو مكرونه.

نصف كيلو لحمه مفرومه.

بصله....3 فص توم...زعتر...زيتون اسود...عصير طماطم،كوب،

نصف لتر لبن حليب...ملعقتين دقيق..جبنه موزاريللا..ملح وفلفل اسود

ملعقتين زبدة.

ــ نسلق المكرونه.

ــ نعصج اللحم.......نحمر البصله وعندما يبدا لونها يصفر نضع اللحم

ــ نعمل الباشميل....نحمر الدقيق شويه..ثم نضيف الحليب مع التقليب....//ممكن استعمال زيت الزيتون//و ممكن زيت زيتون وزبدة.

ندهن ،البرام زبده،

فى اناء آخر...نخلط المكرونة مع الباشميل.

نضع نصف المكرونة فى البرام.

نضع فوقها اللحم المعصج.

ثم نضع النصف التانى من المكرونه.

ــ نبدا تحضير البيتسا....نفرم الثوم ونضعه على عصير الطماطم.

ـــــ طبعا لانسى وضع الملح والفلفل. ــــ

نضع الطماطم فوق المكرونه.

ثم نضع الجبنه الموزاريللا.

ثم الزيتون الاسود،بدون بذر طبعا،

ثم نضع الاوريجانو...قصدى الزعتر.

ونضع البرام فى الفرن.....اقل من 40 دقيقة.

وبالهنا والشفا.

ــ على فكرة انا بعمل الاكل بسرعة...

مثلا الباشميل اول مايبدأ يغلى...اشيله من على النار..واستعمل

كتير،المينى بيمر،ده يسهل حاجات كتير.

قولولى رايكم.

شجعونى.

سلامى.

تم تعديل February 24, 2010 بواسطة Advisor

[Advisor]

طلبت من زوجتى أن تنتهز فرصة أقرب تجمع عائلى و تقوم بتجربة هذه الوجبة ، و إنتهزت هذه الفرصة "فرصة طلب أحد الأعضاء وصفة المكرونة بالبشامل" و قمت برفع هذا الموضوع.

[بندق أفندى]

بيتزاكونة ولا مكرونزا؟

[الباشمهندس ياسر]

بيتزاكونة ولا مكرونزا؟

حمدا لله ع السلامة يا بندق افندي

و الله لك وحشة

[بندق أفندى]

بيتزاكونة ولا مكرونزا؟

حمدا لله ع السلامة يا بندق افندي

و الله لك وحشة

الله يخليك يا باشمهندس ..

دا كان مرور خفيف .. لازلت مشغولا بشدة

[fatfouta]

المشكلة بقى يا ماما سلوى انى نفسى اجربها بس للأسف المكرونة بتاعتى مش بتطلع حته واحدة

يعنى لو عملتها كله هيبقى على كله والمكونات كلها هتبقى جوا بعضها :sad:

بس هحاول برضو تسلم ايديك يارب :blush2:

[doha]

المشكلة بقى يا ماما سلوى انى نفسى اجربها بس للأسف المكرونة بتاعتى مش بتطلع حته واحدة

يعنى لو عملتها كله هيبقى على كله والمكونات كلها هتبقى جوا بعضها :sad:

بس هحاول برضو تسلم ايديك يارب :blush2:

سيبيها تبرد شويه قبل التقطيع هتطلع قطعه واحده ..

[Nashwa hashem]

وصفة رائعة و سهلة و سوف أجربها قريبا و تسلم الأيادى