اذهب الي المحتوي
BenNeal

كيف تورث الشقةالتمليك؟

Recommended Posts

اظن انهم يقيموا الشقه ويشوفوا تساوى كام نقدا و يا اما البنات يدفعوا لكل وريث ما يستحقه من هذه القيمه النقديه من معاهم لو عاوزين يقعدوا فى الشقه او يبيعوا الشقه وكل واحد ياخد نصيبه lmo:

شارك هذه المشاركه


رابط المشاركه
شارك

طالما البنات يعشون في الشقة فهم بحكم الشاغرين لها ويمكن يقيم ايجار هذه الشقة وقت شرائها ويأخذ الملاك الجدد المشاركين نصيبهم من هذا الايجار فقط اما العفش فغالبا هو ملك والدتهم فلا يحق لاقارب ابوهم المشاركه فيه الا اذا ثبت عكس ذلك بفواتير او قائمة بالعفش

شارك هذه المشاركه


رابط المشاركه
شارك

شرعاً .. ما لا يمكن تقسيمه فإنه يجرى عليه مزاداً داخليا يقتصر من لهم حق المشاركة فيه على الورثة فقط ..

ولكن بنات المتوفى صاحب الشقة طبقاً للشرح المعروض .. لهم بالإضافة الى حق الملكية حق آخر يرتبه لهم القانون وهو حق الاقامة فى الشقة بمعنى أنهم فى حكم المستأجرين للنصيب الغير مملوك لهم .. وفى جميع الأحوال فإن الآثاث هو حق لأرملة المتوفى ..

ثم أن هناك ما يعرف بإسم "المالك الظاهر" أى الذى له نسبة غالبة فى الملكية ويرتب له الشرع والقانون حقوقاً بأن يكون متبوعاً من الآخرين فى التصرف ..

وكما أنه يوجد "الحق" فهناك أيضا ما يسمى بالتعسف فى إستخدام الحق .. ولم يجعل الله للأقارب نصيباً فى ميراث الرجل الذى لم ينجب ذكوراً لكى يرهقوا ذريته ويقاسمونهم مسكنهم الذى يأويهم .. ولكن لكى يكونوا نفعاً ومعيناً لهم ..

والله تعالى أعلم ..

شارك هذه المشاركه


رابط المشاركه
شارك
بس دى شقه تمليك وليست ايجار يا استاذ محمد  lmo:

المقيمين في الشقة بعد موت ابوهم بيعتبرو ملاك لنصيبهم ومستأجرين لنصيب الغير وبالتالي من حق الغير هو فقط نصيبهم من الايجار المقدر من لجنة ايجارات الحي

شارك هذه المشاركه


رابط المشاركه
شارك
بس دى شقه تمليك وليست ايجار يا استاذ محمد  lmo:

المقيمين في الشقة بعد موت ابوهم بيعتبرو ملاك لنصيبهم ومستأجرين لنصيب الغير وبالتالي من حق الغير هو فقط نصيبهم من الايجار المقدر من لجنة ايجارات الحي

ودى كمان جديده lmo: شكرا للاخ مصرى وللاستاذ محمد lmo:

شارك هذه المشاركه


رابط المشاركه
شارك

شكرا لاجاباتكم.

الحمد لله لا انا و لا أحد من معارفى يمر بهذه المشكلة حاليا. ولكن ما دفعنى للسؤال هو قراءتى لنموذج وصية اسلامية متداولة هنا فى امريكا. ايضا سكن معظم الأجيال الحالية فى شقق تمليك.

و كنت اتساءل هل قيمة الشقة تقيم بسعر الشراء الأصلى ولا الحالى التقديرى ومن هو المقدر المؤهل.., و هل...., وكيف...؟.....

ارجو من الله العلى القدير ان يكون اهل الأب متفهمين و مترفقين كما اشار الاستاذ مصرى.

شارك هذه المشاركه


رابط المشاركه
شارك

هل من الممكن عرض هذه الوصية الاسلاميه كخدمة للمغتربين فى كندا وامريكا. ان اقترح بعد اذن الجميع اضافتها الى باب المغتربين فى موضوع منفصل باللغة الانجليزية تحت عنوان الوصية الاسلاميه

وشكرا

شارك هذه المشاركه


رابط المشاركه
شارك

معلهش ممكن صاحب الشقه التمليك اللى ما خلفش غير بنات انه يكتبهالهم بيع و شراء علشان مش بعد ما يموت يجى اهله و يطلعوهم منها ....و بكده لا تصبح ميراثا و بصراحه الورثه اللى تفكر بالطريقه دى يبقوا يستاهلوا اللى يجرالهم

شارك هذه المشاركه


رابط المشاركه
شارك
معلهش ممكن صاحب الشقه التمليك اللى ما خلفش غير بنات انه يكتبهالهم بيع و شراء علشان مش بعد ما يموت يجى اهله و يطلعوهم منها ....و بكده لا تصبح ميراثا و بصراحه الورثه اللى تفكر بالطريقه دى يبقوا يستاهلوا اللى يجرالهم

فيتو mfb:

لا يا فريده انا لا اتفق مع هذا المبدا مع كامل احترامى لك

لان فى هذا ظلم للورثه و استباق لاحداث قد لا تقع اصلا منهم !! فلم يحرموا من حقهم لمجرد الظن انهم لن يعدلوا مع ذويهم بعد وفاة المورث؟ وهل يتحمل اى انسان مقبل على الموت ان يقابل الله بهذا الذنب لرغبته فى ايثار بناته وحدهم بالارث و حرمان باقى الورثه منه !!

شارك هذه المشاركه


رابط المشاركه
شارك

طيب ..فيه سؤال مهم ....

اذا لم يعدل الزوج فى حياته ....

وتلجأ الزوجة للتزوير ..........حرام والا حلال ؟؟؟

لى جارة فى مصر ........اعلم وواثقة انها دفعت نصف ثمن الشقة التمليك ..وزوجها دفع

النصف الآخر ......ولأسباب لا يعلمها الا الله ...او ..لنقل للنعرة الرجولية الزائدة عن الحد عند البعض ....

صمم الزوج على كتابة عقد التمليك باسمه .........

ليس لديهما الا ابنة واحدة .....وكان الاتفاق بينهما ...ان الشقة للبنت ...// بيع وشراء //..

وتوفى الرجل .......

وحضرت اخته من الأقاليم تطالب بحقها .........// وهى سيدة موسرة //..

فقالت لها الارملة ......ان الشقة شقتها ومعها عقد يفيد ذلك ....

وعندما سألتها ...انا...كيف قالت هذا ...وكيف صدقت الاخرى ....واين هو هذا العقد ..

قالت ان زوجها ترك ورقتين فيهم توقيع ..على بياض ...احتياطى لأى اسباب ...

وهى عن طريق محامى صديق ....عملت عقد بيعه هو للشقة ..لصالحها ..

وقالت لى انا لن اكتب شئ لابنتى ...خالص..

لكنى كتبت عقد بيعى للشقة لصالح ابنتى ..مع حق انتفاعى بها طيلة حياتى ....

والمفروض ...وهذا رأيى الشخصى ......الأعمار بيد الله ..وكل واحد مفروض يراعى ضميره فى كل شئ ....

يعنى الرجل لم يعطى المرأة حقها .......آهى اخدت كله هى وابنتها ....// هل هذا عدل ام لا ...الله اعلم ؟؟ //..

مع العلم ان هذه السيدة ...تصلى وتعرف دينها ...وهى تقول انها لم تظلم احد ...

ايه رأيكم ؟؟؟

شارك هذه المشاركه


رابط المشاركه
شارك

يا فيروز لما انا ابقى حى أرزق و اكتب حاجه باسم بناتى يبقى مش حرام و لا ظلم لأن المال معايا و لم يصبح ارثا بعد ...... الأرث هو ما يتركه المتوفى لكن انا لسه حى ما متش و ان كان ربنا بيحاسب على النيات فالوضع انى لم احرم ورثتى من مال او من عقارات و انما ضمنت لبناتى اقامه فى بيتهم اللى اتربوا فيه بدل ما يبقوا عاله على غيرهم ...

شارك هذه المشاركه


رابط المشاركه
شارك

شوفى يا ستى :D ربنا اعلم بنوايا كل انسان

فالاب الذى يكتب لبناته كل ممتلكاته كى يحرم اقاربه من الارث من بعد وفاته ربنا اعلم بنيته وسيحاسبه عليها

وبالطبع من حق الاب ان يضمن لبناته ان يقمن فى بيت ابيهن بعد وفاته ولكن المشكله فى رايى تحدث بعد ان تكبر البنات و تستقل كل منهن فى بيت زوجها !! والله لو ردوا الحقوق لاصحابها يبقى خير و بركه .. ولكن اذا لم يحدث و اعتبروا ان طول الاقامه بها ترتب لهم حق الانفراد بها و الاستئثار بها يبقى الموضوع فيه ظلم .. واذا كان القانون يعطى للبنات حق الاقامه ببيت الاب يبقى ما الداعى لكتابة البيت لهن اذا كان هذا الحق محفوظ بالفعل؟

شارك هذه المشاركه


رابط المشاركه
شارك

يا فيروز اللى يكتبه الأب فى حياته يبقى مش ارث يبقى هبه و من حقه يهب ماله لمن شاء طالما لم يعتد على غيره و انه يكتب الشقه اة العربيه لبناته لا غبار عليه و دى فتاوى ناس علماء مش من عندى .......

شارك هذه المشاركه


رابط المشاركه
شارك
يا فيروز اللى يكتبه الأب فى حياته يبقى مش ارث يبقى هبه و من حقه يهب ماله لمن شاء طالما لم يعتد على غيره و انه يكتب الشقه اة العربيه لبناته لا غبار عليه و دى فتاوى ناس علماء مش من عندى .......

خلاص يا فريده مادام بتقولى دى آراء علماء الدين يبقى الموضوع منتهى :D

شارك هذه المشاركه


رابط المشاركه
شارك

كنت اتمنى ان استقر على رأى و اقتنع به كما هى الحالة لمعظم الأخوة و الأخوات الذين ساهموا برأيهم. و لكنى للأسف لا استطيع ان استقر على رأى.

طاعتى لله تحتم على ان استمع للأخ مصرى و منطق الأخت فيروز... ولكن (و ادعوا الله ان يغفر لى فيما سأقول لو به اية شبهة)

ان كان الارث مالا او عقارا فانى اعتقد ان الاجابة على السؤال قد تكون اسهل بكثير. و لكن لنفترض ان الأب قد اشترى الشقة بعد غربة سنين ليقيم فيها هو وعائلته ثم توفاه الله. ترى ماذا تفعل ارملته عندما تجد نفسها ملزمة اما ببيع الشقة لاعطاء اهل زوجها حقهم فى الميراث (الشقة) او اعطاءهم حقهم نقدا اذا "توافرت" الفلوس واذا اتفقوا الورثة على القيمة النقدية للشقة.

بالرغم اننى اعتقد ان الهبة قبل الموت قد يكون بهاشبة تحايل... فمازلت لا استطيع ان استقر على رأى !!!!

"ربنا لا تذغ قلوبنا بعد اذ هديتنا و هب لنا من لدنك رحمة"

شارك هذه المشاركه


رابط المشاركه
شارك

طيب انا عندى حل .........

نفرض مثلا ان الرجل وزوجته كافحا ...طويلا ..وكل ما لديهما هو هذه الشقة ...

محدش شعر بيهم لما ....جاعوا ..او حرموا نفسهم ...او او او ...وكفاية ثمن الغربة ..

وهذا الشخص عاوز يرضى ضميره .......

لو اخواته محتاجين .......بينه وبين نفسه ...يقدر تقدير تقريبى ...نصيبهم من المال ويراضيهم.............او ...على قد مقدرته ..

ثم كما قال اخونا مصرى .....لو بناته كبار ....الهبة مشروعة ..

وبصراحة انا رأيت ..السيدة اللى حكيت لكم عنها ...وغيرها كتير ......

يعنى نصف الشقة حلال للزوجة لأنه مالها هى .

ثم هى وبناتها لهم فى نصف الشقة اللى باسم الزوج .....اذن نصيب الورثة حايكون .// بسيط //.....

بالمنطق الحالى ....يقولك ...طيب واحد قاعد فى بلده ....حتى ساعات يستخسروا يكتبوا جواب .....وساعات يكون اخوهم مريض حتى ولا يسألوا ....وفجأة يورثوا ؟؟

هو ده المنطق ؟؟؟

مثلا...يعنى مثلا ....قلنا مثلا ..........لو انا اخى ملياردير حتى ...

..و..عنده 5 بنات ..وزوجة ..

لو مرض ..هى اللى جانبه ..انا ازوره شوية وخلاص ..شئ طبيعى ...اولاده كبار ...

اخواته مش محتاجين ......عنده اخوة رجال .....

هل مطلوب منه يعطى اخوته ؟؟؟......وهم غير محتاجين ....وبعيد عن اولاده ؟؟؟

شئ طبيعى انه يكتب املاكه بيع وشراء لأولاده ....

خصوصا لو واحد عائش فى اوروبا مثلا .....القانون يحتم عليه كتابة نصف املاكه لزوجته .

كل واحد له وضع لوحده ..........ممكن يصل الرحم ويجود ببعض ما يملك على المحتاج من اهله ...

مش عارفة ؟؟؟

لكن فيه حاجات كتير اتغيرت ......وكل شئ ينظر له بطريقة اخرى ...

ومن غير المعقول ان واحد يترك لزوجته واولاده شقة فقط ........وهن ....كمان ..

يضطروا للعمل والكفاح حتى ................يعطوا لواحد مش محتاج ......حاجة مش من حقه .....؟؟؟..والا يبيعوا الشقة ويتسولوا ؟؟؟.....اذن العم مفروض يتنازل ...

لو فيه مفهوم صحيح لحكمة توزيع الارث بهذه الطريقة ....

مش المطلوب انه ياخذ نصيب ...لو البنات قصر ؟؟؟ وذلك كى يحميهم ؟؟؟

اذن تنازله حماية لهن ........

بلاش حد يضرب .....قلنا بلاش حدف طوب ...

ده مجرد رأى .............................

شارك هذه المشاركه


رابط المشاركه
شارك

يجب ان يتم الموافقه علي هذا المحتوي قبل نشره.

زوار
انت تقوم بالتعليق كزائر. اذا كنت تمتلك حساب فقم بتسجيل الدخول تسجيل دخول.
اضف رد علي هذا الموضوع....

×   Pasted as rich text.   Paste as plain text instead

  Only 75 emoticons maximum are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×