اذهب الي المحتوي
ArabHosters
مهندس تحكم

حد تعامل مع بنك التمويل المصري السعودي

Recommended Posts

وانا بادور علي النت امبارح علي البنوك الاسلامية في مصر ...وجدت البنك دة " بنك التمويل المصري السعودي" الموقع بتاعهم بيقول انة اسلامي او تعاملاتة تتم طبقا لقواعد الشريعة الاسلامية.

هو عارض عائد اعلي بكتير من بنك فيصل الاسلامي ....

ياريت لو في حد من الاعضاء الكرام كان لة سابق خبرة مع البنك اويعرف عنة حاجة يقولنا عنها ...

دة موقع البنك وعائد الشهادات http://www.esf-bank.com/detailsar.aspx?pagename=Pool

تم تعديل بواسطة مهندس تحكم

شارك هذه المشاركه


رابط المشاركه
شارك

السلام عليكم انا عندي حساب فى البنك ده والحمدلله انا سالت عنه بيقولوا انه اسلامي بس الفايدة المتغيرة مش كبيرة وغير محددة طبعا والحساب الجاري بتاخد الربح كل ست شهور

شارك هذه المشاركه


رابط المشاركه
شارك

السلام عليكم انا كان عندي حساب في هذا البنك فرع جاردن ستي وهو بنك متميز وراقي وعائدة الفضل من بنوك اسلامية كتير انصحك اشتري شهادات بالمبلغ الموجود معاك واعمل دفتر توفير يتم تحويل الارباح عليه عشان لو اتاخرت في صرف الارباح تعمل فائدة في الدفتر وهو بنك دايما غير مزدحم ودي اهم ميزة فية و الشيخ صالح كامل بتاع ال ART له نصيب كبير فية والبنك الاهلي يشرف علية يعني اطئن اما من ناحية اسلامي بجد ولا علي الورق الله اعلم لان كل البنوك بتشتغل مع بعض وربنا يوفقك

شارك هذه المشاركه


رابط المشاركه
شارك

السلام عليكم و رحمة الله و بركاته

لا أزيد ولا أنقص عما قاله الاخوة ... أنا أيضاً فضلت التعامل مع بنك التمويل المصري و فتحت حسابي فيه ... انا شايفه افضل من فيصل من حيث التواجد و الانتشار و نقطة مهمة فعلاً موضوع الزحمة و خدمته كويسة و موظفينه رايقين .. و انا اعرف انه بنك اسلامي فيما يخص طبعاَ موضوع الشهادات و الارباح و رأيت ان افضل طريقة حساب هو التوفير لـ 6 شهور ... زي ما قال الأخ الطير المسافر .. و كمان تقدر تسحب فلوس في اي وقت و براحة راحتك من ماكينات البنك الاهلي بدون اي تكاليف او مصاريف.

كمان خدماته كويسة في السيارات و العقارات و الحاجات دي ... و الله حق البنك يدفعلي على الماركتينج اللي عملته ده.

يلا ربنا يوفقك و يباركلك في رزقك.

مكاوي

شارك هذه المشاركه


رابط المشاركه
شارك

انا كان عندى حساب فيه و سحبته كله

ليه بقى لأن و انا بتصفح موقع البنك لقيت من ضمن اخبار البنك

انه مساهم فى مشروع ممشى تجارى سياحى فى شرم الشيخ :blush2:

يعنى ايه يعنى

اسلامى ايه بقى و عك ايه

يعنى بيستثمروا فلوسى فى السياحة

احنا عندنا تايم شير فى احد مدن البحر الأحمر

يعنى انا عارفة كويس سياحة هناك يعنى ايه

عرى

مايوهات

اختلاط محرم

و عورات و خمور

فلوسى بتساهم فى العك ده تبقى العوائد بتاعتها حرااااااااام

اللهم هل بلغت

اللهم فاشهد

عموما انا حولت فلوسى لجنيهات دهب

بس مش حابيعهم غير بعد سنييييييين باذن الله تعالى

كمان شهادات سباعية فى فيصل

اه و ماتنسوش لو بلغت الجنيهات النصاب و مر عليها الحول وجبت عليها الزكاة

شارك هذه المشاركه


رابط المشاركه
شارك

السلام عليكم ورحمة الله

عندنا حساب فى البنك دا من فترة طويلة واللى ملاحظينه ان التعامل معاه مريح زى من الاخوة قالوا لانه مش زحمة وكمان له فروع كتير نتعامل مع اى واحد منهم فى المكان اللى عايزينه يعنى انا بتعامل غالبا مع الفرع اللى فى المنصورة واللى فى الدقى واللى كان مطمنا ان ارباحه متغيره فعلا وحسبناها على كذا سنة لان فى بنوك كتير بتقول دى فوائد متغيرة وبيكون التغير صورى يعنى الحقيقة ان نسبة الارباح بتكون ثابتة فى الآخر على مدار العام على بعضه

وبالنسبة للخدمات التانية اللى سالنا عليه هو التمويل العقارى وبردوا كان تعاملاتهم هايلة وكانوا الى حد كبير بيبعدوا عن النقاط اللى بتثير الشبهات لانهم بيشتروا العقار اللى انت عايزه ويرجعوا يبيعوه للعميل مش بيسلفوك فلوسه بالربا

دا اللى اعرفه يارب اكون افدتك

ما اعرف شئ عن انهم بيستثمروا فى شرم الشيخ

ربنا يغنينا جميعا بحلاله عن حرامه .....آآآآمين

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...