حد تعامل مع بنك التمويل المصري السعودي

[مهندس تحكم]

وانا بادور علي النت امبارح علي البنوك الاسلامية في مصر ...وجدت البنك دة " بنك التمويل المصري السعودي" الموقع بتاعهم بيقول انة اسلامي او تعاملاتة تتم طبقا لقواعد الشريعة الاسلامية.

هو عارض عائد اعلي بكتير من بنك فيصل الاسلامي ....

ياريت لو في حد من الاعضاء الكرام كان لة سابق خبرة مع البنك اويعرف عنة حاجة يقولنا عنها ...

دة موقع البنك وعائد الشهادات http://www.esf-bank.com/detailsar.aspx?pagename=Pool

تم تعديل 8 فبراير 2010 بواسطة مهندس تحكم

[الطير السافر]

السلام عليكم انا عندي حساب فى البنك ده والحمدلله انا سالت عنه بيقولوا انه اسلامي بس الفايدة المتغيرة مش كبيرة وغير محددة طبعا والحساب الجاري بتاخد الربح كل ست شهور

[ابو حودة]

انا عندي حساب في البنك ده من حوالي 4 سنوات

الفائدة متغيرة بس الحقيقة مش بقارنها باي حد تاني لان

الاساس عندي كان انه يكون بنك اسلامي وخلاص

[abuAdham]

السلام عليكم انا كان عندي حساب في هذا البنك فرع جاردن ستي وهو بنك متميز وراقي وعائدة الفضل من بنوك اسلامية كتير انصحك اشتري شهادات بالمبلغ الموجود معاك واعمل دفتر توفير يتم تحويل الارباح عليه عشان لو اتاخرت في صرف الارباح تعمل فائدة في الدفتر وهو بنك دايما غير مزدحم ودي اهم ميزة فية و الشيخ صالح كامل بتاع ال ART له نصيب كبير فية والبنك الاهلي يشرف علية يعني اطئن اما من ناحية اسلامي بجد ولا علي الورق الله اعلم لان كل البنوك بتشتغل مع بعض وربنا يوفقك

[mekkawy]

السلام عليكم و رحمة الله و بركاته

لا أزيد ولا أنقص عما قاله الاخوة ... أنا أيضاً فضلت التعامل مع بنك التمويل المصري و فتحت حسابي فيه ... انا شايفه افضل من فيصل من حيث التواجد و الانتشار و نقطة مهمة فعلاً موضوع الزحمة و خدمته كويسة و موظفينه رايقين .. و انا اعرف انه بنك اسلامي فيما يخص طبعاَ موضوع الشهادات و الارباح و رأيت ان افضل طريقة حساب هو التوفير لـ 6 شهور ... زي ما قال الأخ الطير المسافر .. و كمان تقدر تسحب فلوس في اي وقت و براحة راحتك من ماكينات البنك الاهلي بدون اي تكاليف او مصاريف.

كمان خدماته كويسة في السيارات و العقارات و الحاجات دي ... و الله حق البنك يدفعلي على الماركتينج اللي عملته ده.

يلا ربنا يوفقك و يباركلك في رزقك.

مكاوي

[ريمونتى]

انا كان عندى حساب فيه و سحبته كله

ليه بقى لأن و انا بتصفح موقع البنك لقيت من ضمن اخبار البنك

انه مساهم فى مشروع ممشى تجارى سياحى فى شرم الشيخ :blush2:

يعنى ايه يعنى

اسلامى ايه بقى و عك ايه

يعنى بيستثمروا فلوسى فى السياحة

احنا عندنا تايم شير فى احد مدن البحر الأحمر

يعنى انا عارفة كويس سياحة هناك يعنى ايه

عرى

مايوهات

اختلاط محرم

و عورات و خمور

فلوسى بتساهم فى العك ده تبقى العوائد بتاعتها حرااااااااام

اللهم هل بلغت

اللهم فاشهد

عموما انا حولت فلوسى لجنيهات دهب

بس مش حابيعهم غير بعد سنييييييين باذن الله تعالى

كمان شهادات سباعية فى فيصل

اه و ماتنسوش لو بلغت الجنيهات النصاب و مر عليها الحول وجبت عليها الزكاة

[ترنيم]

السلام عليكم ورحمة الله

عندنا حساب فى البنك دا من فترة طويلة واللى ملاحظينه ان التعامل معاه مريح زى من الاخوة قالوا لانه مش زحمة وكمان له فروع كتير نتعامل مع اى واحد منهم فى المكان اللى عايزينه يعنى انا بتعامل غالبا مع الفرع اللى فى المنصورة واللى فى الدقى واللى كان مطمنا ان ارباحه متغيره فعلا وحسبناها على كذا سنة لان فى بنوك كتير بتقول دى فوائد متغيرة وبيكون التغير صورى يعنى الحقيقة ان نسبة الارباح بتكون ثابتة فى الآخر على مدار العام على بعضه

وبالنسبة للخدمات التانية اللى سالنا عليه هو التمويل العقارى وبردوا كان تعاملاتهم هايلة وكانوا الى حد كبير بيبعدوا عن النقاط اللى بتثير الشبهات لانهم بيشتروا العقار اللى انت عايزه ويرجعوا يبيعوه للعميل مش بيسلفوك فلوسه بالربا

دا اللى اعرفه يارب اكون افدتك

ما اعرف شئ عن انهم بيستثمروا فى شرم الشيخ

ربنا يغنينا جميعا بحلاله عن حرامه .....آآآآمين

[ahmos1]

طيب ازاى افتح حساب من السعودية

[Guest حسن هجرس]

طيب يعني معلش ال 100 الف جنيه يربحو كام على مدار السنه