اذهب الي المحتوي
ArabHosters
حسام يوسف

الاستيميشن

Recommended Posts

الاستيميشن

اللعبة اللى بيعتقد البعض وأنا منهم انها لعبة الجامعات المصرية الأولى

واحد يسألنى ويقوللى يا كابتن لطيف ليه؟

أقولله لأن كتير مننا اتعلمها فى فترة الجامعة

واللى متعلمها قبل الجامعة

فوقت لعبها الذهبي فترة الكلية والجامعة

لأنها بتحتاج لأربع لاعيبة

وياريت أكتر

عشان ناس تتفرج وتسخن

وتبقى عايزة تنزل البولة-يعنى الفورة -يعنى الماتش أو البطولة اللى بعدها مكان الكوز

انا قلت الكوز؟

اه الكوز

ويقصد بيها اللى ترتيبه آخر القايمة فى النقط

حد فاكرها؟

حد لسة بيلعبها من اللى عجزوا زينا وسابوا الجامعة من عشرتاشر سنة؟

حد عايز يقول خواطره وذكرياته عنها؟

حد عايز يتعلمها -لان فيه صديق عزيز هنعلمهاله من خلال التوبيك ده ان شاء الله-؟

الكل مدعو

للحديث عن الاستيميشن

ما فات كان مقدمة بسيطة للموضوع

والله زمان

والله العظيم حاسس انى صغرت دلوقتى بتاع خمستاشر سنة

أيااااااااااااااااااااااااااااااااااااااااام

شارك هذه المشاركه


رابط المشاركه
شارك

شارك هذه المشاركه


رابط المشاركه
شارك

اللى عايز يلعب مع اصحابه أو مع لاعبين حقيقيين أونلاين من هنا :

http://msn.el3ab.com/Game.aspx?GID=21&GName=Estimation

أدخل والعب وما تحزنش على أيام زمان يا عم ..

أنا شخصيا أحيانا كتير بارتب مع اصحابى ونلعب لنا بولة وللا اتنين أونلاين كل كام يوم

شارك هذه المشاركه


رابط المشاركه
شارك

مادام حضرتك عارف الاستيميشن يبقي اكيد لعبت الترنيب :blush2:

دي قضينا عليها ايام و ليالي بجد bv:-

شارك هذه المشاركه


رابط المشاركه
شارك

انا لسه بلعب يوميا تقريبا و مع ناس كثير معظكهك بره مصر على www.estmesh.co وترنيب و جاك كمان

شارك هذه المشاركه


رابط المشاركه
شارك

صباح الخير

د.حسام فعلا الاستيميشن لعبة الجامعات الاولى مقولة صحيحة 100% انا كنت بستغرب جدا على الطلبه اللي تضييع محاضرتين تلاتة وهما بيلعبوا واللعبة مبتخلصش وكان جوايا امنية دفينة اني اتعلمها بس الحمد لله بعد عشر سنين من التخرج جوزي علمهالي واتضح انها لعبة ممتعة ومحتاجة تركيز عالي جدا وانت بتلعب عشان تعرف اية الورق اللي نزل واللعيبة مين طالب اية بس مع التدريب الكتير ممكن احترف اوعوا تقولوا ان اللعبة دي بس للرجاله والله ازعل منكوا :give_rose

شارك هذه المشاركه


رابط المشاركه
شارك

فكرتني بأحلى أيام يا عم حسام ... أيام السهرات الصبّاحي على أنغام مزيكا رزع الحلل و تسطير الجداول وطبعا أساسي الشاي والسجاير ... جو رهيب.

فاكر أيام سنة ثالثة هندسه في المدينة الجامعية في الاسكندريه نظمنا دورة استميشن على مستوى المدينة كلها ... تصفيات على مستوى كل مبنى بين الادوار وبعدين الفريق اللي يكسب يطلع يلاعب الفرق من المباني الثانيه ... صباح الدماغ ... الكتشينه أساسا كانت ممنوعه في المدينة الجامعية وكل ده اتعمل في السكرته.

العبد لله مش حريف أوي ولو إني ساعات كنت باكسب ... لكن كان معانا شوية لعيبه ما حصلوش ... من ثالث لفه يبقوا عارفين الورق اللي معاك وهتلعبه امتى. وحلاوتها بأه لما يبقى كل اللي بيلعبوا فاهمين ومحترفين من غير ما يكون وسطهم مبتدئين يلخبطوا الحسبه.

دلوقت كل فين وفين على ما ألعب بوله ... المشاغل كثرت والاصحاب بعدوا ... والحكومه شديده :sad: .

متابع معاك.

شارك هذه المشاركه


رابط المشاركه
شارك

حاليا مبلعبهاش غير لما بيكون عندي شيفت بلليل فلمستشفي وملاقيش حاجة تسليني الم العيال زمايلي ونلعب :closedeyes:

شارك هذه المشاركه


رابط المشاركه
شارك

يا سلام يا سلام والله فكرتونى بايام الكليه وايام المصيف واخويا الكبير وقوانينه الشخصيه فى اللعبه دى ياما يكسب يا يخسر الكل ههههههههههههههه

شارك هذه المشاركه


رابط المشاركه
شارك
حاليا مبلعبهاش غير لما بيكون عندي شيفت بلليل فلمستشفي وملاقيش حاجة تسليني الم العيال زمايلي ونلعب :roseop:

يا سلام ...

لا والله ..طب والعيانين؟؟

بيعملوا ايه بيشجعوا ..

ولا بيفنطوا ...

شارك هذه المشاركه


رابط المشاركه
شارك

والله فكرتنى بايام زمان لما كنا نسهر للصبح فى قهوة حمادة وطبعا انا كنت عمرى مابكسب

اخوكو مابيركزش خالص

وطبعا كان فيه زمايلنا تعبانين طحن

عشان كه كنت ياما سب كوز ياما سب كنج

بس فيه مرة كنت الكووز بمراحل وجه الورق ممتاز فطلبت كبوت (يعنى كل اللمات من الاخر)

ولميت 12 لمة من التلاتاشر وبرضه خسرت كانت حاجة تعقد ههههه

شارك هذه المشاركه


رابط المشاركه
شارك

الله يمسيك بالخير يا عم حسام ....انت جت علي بالك اللعبة دي ازاي

صحيح علي رأي المثل دي اخدت مننا ( رئات )

بقالي سنين ملعبتهاش لكن مرة كنت في اجازة وقابلت اصحابي الاسكندرانية طبعا واجتمعنا لنعيد الايام الجميلة

والسهرة كانت للصيح طبعا

...

وكان لي صديق عزيز اسمه الجزيري كنت دايما اتحداه علي المنصب الاعلي للاستماشن وهو الكنج

وعادة لو جمعتنا بولة لازم واحد مننا كنج والتاني السب

لدرجة اننا كنا نعاند بعضنا في اخذ المزاد علشان ناخد البونص ونستميت للفوز بالمزاد

ولو المزاد رسي علي واحد مننا التاني كل همه يخسر صاحب المزاد علشان تبقي برضه الخسارة مضاعفة

....

هيييييييييييييه ايام وذكريات جميلة

شارك هذه المشاركه


رابط المشاركه
شارك

ياه أه طبعا كنت بلعبها زمااااااااان مع أصحابى (جرنا فى العمارة) أو مع بابا الله يرحمة و أخواتى

لكن دلوقتى بلعبها ساعات فى المصيف لما يبقى أبنى و أولاد عمتة معانا بلعب ماهم بس ديما مش الأخيرة لكن قبل الأخيرة :lol:

شارك هذه المشاركه


رابط المشاركه
شارك

لسه مستنيين الوصف التفصيلي من العزيز حسام... ياه فكرتنا بالذي مضي و أحلي صحاب مش هأعرف أعمل زيهم تاني...

سؤال كنا دايما بنتخانق عليه: لو واحد فينا void لون من الأربعة... الدور يتعاد ولا يتلعب رغم انه ميزة غير عادلة؟

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...