اذهب إلى المحتوى
محاورات المصريين

الاستيميشن


حسام يوسف

Recommended Posts

الاستيميشن

اللعبة اللى بيعتقد البعض وأنا منهم انها لعبة الجامعات المصرية الأولى

واحد يسألنى ويقوللى يا كابتن لطيف ليه؟

أقولله لأن كتير مننا اتعلمها فى فترة الجامعة

واللى متعلمها قبل الجامعة

فوقت لعبها الذهبي فترة الكلية والجامعة

لأنها بتحتاج لأربع لاعيبة

وياريت أكتر

عشان ناس تتفرج وتسخن

وتبقى عايزة تنزل البولة-يعنى الفورة -يعنى الماتش أو البطولة اللى بعدها مكان الكوز

انا قلت الكوز؟

اه الكوز

ويقصد بيها اللى ترتيبه آخر القايمة فى النقط

حد فاكرها؟

حد لسة بيلعبها من اللى عجزوا زينا وسابوا الجامعة من عشرتاشر سنة؟

حد عايز يقول خواطره وذكرياته عنها؟

حد عايز يتعلمها -لان فيه صديق عزيز هنعلمهاله من خلال التوبيك ده ان شاء الله-؟

الكل مدعو

للحديث عن الاستيميشن

ما فات كان مقدمة بسيطة للموضوع

والله زمان

والله العظيم حاسس انى صغرت دلوقتى بتاع خمستاشر سنة

أيااااااااااااااااااااااااااااااااااااااااام

رابط هذا التعليق
شارك

اللى عايز يلعب مع اصحابه أو مع لاعبين حقيقيين أونلاين من هنا :

http://msn.el3ab.com/Game.aspx?GID=21&GName=Estimation

أدخل والعب وما تحزنش على أيام زمان يا عم ..

أنا شخصيا أحيانا كتير بارتب مع اصحابى ونلعب لنا بولة وللا اتنين أونلاين كل كام يوم

[وسط]!Question everything

[/وسط]

رابط هذا التعليق
شارك

مادام حضرتك عارف الاستيميشن يبقي اكيد لعبت الترنيب :blush2:

دي قضينا عليها ايام و ليالي بجد bv:-

Until the day when God shall deign to reveal the future to man, all human wisdom is summed up in these two words 'Wait and hope'

- = Alexandre Dumas=-

---------------------------------------------------------------------------------------------------------------------------------------------------------------------------------------------------------------------------------------------

Je dis Oh! si j'avais les ailes de la colombe, Je m'envolerais, et je trouverais le repos -----------------------------------------------------------------------------------------------------------------------------------------------------------------------------------------------------------------------------------------

اطباء بلا حقوق

------------------------------------------------------------------------------------------------------------------------------------------------------------------------------------------

كم ذا بمصر من المضحكات ..و لكنه ضحك كالبكا...المتنبي

رابط هذا التعليق
شارك

انا لسه بلعب يوميا تقريبا و مع ناس كثير معظكهك بره مصر على www.estmesh.co وترنيب و جاك كمان

إذا مــات الـسـيـد فـأقـتــل حـتـى كـلبــه لأنــه لــن يــكـون وفيـا لـغير سـيـده الأول

اذا جالست الجهال فانصت لهم

واذا جالست العلماء فانصت لهم

فان فى انصاتك للجهال زيادة فى الحلم

وفى انصاتك للعلماء زيادة فى العلم

129042712.jpg

رابط هذا التعليق
شارك

صباح الخير

د.حسام فعلا الاستيميشن لعبة الجامعات الاولى مقولة صحيحة 100% انا كنت بستغرب جدا على الطلبه اللي تضييع محاضرتين تلاتة وهما بيلعبوا واللعبة مبتخلصش وكان جوايا امنية دفينة اني اتعلمها بس الحمد لله بعد عشر سنين من التخرج جوزي علمهالي واتضح انها لعبة ممتعة ومحتاجة تركيز عالي جدا وانت بتلعب عشان تعرف اية الورق اللي نزل واللعيبة مين طالب اية بس مع التدريب الكتير ممكن احترف اوعوا تقولوا ان اللعبة دي بس للرجاله والله ازعل منكوا :give_rose

اللهم إننا نستودعك ديننا فارزقنا الثبات عليه حتى نلقاك يا ذا الجلال والإكرام

رابط هذا التعليق
شارك

شكرا لكل الردود المشجعة

وبخصوص اللى ما يعرفوش لعبة الاستيميشن

هنبدأ فى شرح اللعبة من المشاركة الجاية

رابط هذا التعليق
شارك

فكرتني بأحلى أيام يا عم حسام ... أيام السهرات الصبّاحي على أنغام مزيكا رزع الحلل و تسطير الجداول وطبعا أساسي الشاي والسجاير ... جو رهيب.

فاكر أيام سنة ثالثة هندسه في المدينة الجامعية في الاسكندريه نظمنا دورة استميشن على مستوى المدينة كلها ... تصفيات على مستوى كل مبنى بين الادوار وبعدين الفريق اللي يكسب يطلع يلاعب الفرق من المباني الثانيه ... صباح الدماغ ... الكتشينه أساسا كانت ممنوعه في المدينة الجامعية وكل ده اتعمل في السكرته.

العبد لله مش حريف أوي ولو إني ساعات كنت باكسب ... لكن كان معانا شوية لعيبه ما حصلوش ... من ثالث لفه يبقوا عارفين الورق اللي معاك وهتلعبه امتى. وحلاوتها بأه لما يبقى كل اللي بيلعبوا فاهمين ومحترفين من غير ما يكون وسطهم مبتدئين يلخبطوا الحسبه.

دلوقت كل فين وفين على ما ألعب بوله ... المشاغل كثرت والاصحاب بعدوا ... والحكومه شديده :sad: .

متابع معاك.

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

  • بعد 2 شهور...

حاليا مبلعبهاش غير لما بيكون عندي شيفت بلليل فلمستشفي وملاقيش حاجة تسليني الم العيال زمايلي ونلعب :closedeyes:

 

عفـــــــــــوا نيوتن..

أنـــــــــا...

ســـــــــــــــر الجاذبيـــــــــة

رابط هذا التعليق
شارك

يا سلام يا سلام والله فكرتونى بايام الكليه وايام المصيف واخويا الكبير وقوانينه الشخصيه فى اللعبه دى ياما يكسب يا يخسر الكل ههههههههههههههه

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

حاليا مبلعبهاش غير لما بيكون عندي شيفت بلليل فلمستشفي وملاقيش حاجة تسليني الم العيال زمايلي ونلعب :roseop:

يا سلام ...

لا والله ..طب والعيانين؟؟

بيعملوا ايه بيشجعوا ..

ولا بيفنطوا ...

18344710.jpg

رابط هذا التعليق
شارك

والله فكرتنى بايام زمان لما كنا نسهر للصبح فى قهوة حمادة وطبعا انا كنت عمرى مابكسب

اخوكو مابيركزش خالص

وطبعا كان فيه زمايلنا تعبانين طحن

عشان كه كنت ياما سب كوز ياما سب كنج

بس فيه مرة كنت الكووز بمراحل وجه الورق ممتاز فطلبت كبوت (يعنى كل اللمات من الاخر)

ولميت 12 لمة من التلاتاشر وبرضه خسرت كانت حاجة تعقد ههههه

يا طير يا عالى فى السما طز فيك

ماتفتكرشى ربنا مصطفيك

برضك بتاكل دود وللطين تعود

تمص فيه يا حلو ويمص فيك

رابط هذا التعليق
شارك

الله يمسيك بالخير يا عم حسام ....انت جت علي بالك اللعبة دي ازاي

صحيح علي رأي المثل دي اخدت مننا ( رئات )

بقالي سنين ملعبتهاش لكن مرة كنت في اجازة وقابلت اصحابي الاسكندرانية طبعا واجتمعنا لنعيد الايام الجميلة

والسهرة كانت للصيح طبعا

...

وكان لي صديق عزيز اسمه الجزيري كنت دايما اتحداه علي المنصب الاعلي للاستماشن وهو الكنج

وعادة لو جمعتنا بولة لازم واحد مننا كنج والتاني السب

لدرجة اننا كنا نعاند بعضنا في اخذ المزاد علشان ناخد البونص ونستميت للفوز بالمزاد

ولو المزاد رسي علي واحد مننا التاني كل همه يخسر صاحب المزاد علشان تبقي برضه الخسارة مضاعفة

....

هيييييييييييييه ايام وذكريات جميلة

أننـا ندفع ثمـن غالـي لسلبـيـتـنا وسكوتنـا والثمن قـابـل للارتفــاع الى أن تتعـدى تكلفـة السـكوت والخنـوع تكلفـة التغـيير وقتهـا فقـط قـد يحـدث التغـيـيـر

رابط هذا التعليق
شارك

ياه أه طبعا كنت بلعبها زمااااااااان مع أصحابى (جرنا فى العمارة) أو مع بابا الله يرحمة و أخواتى

لكن دلوقتى بلعبها ساعات فى المصيف لما يبقى أبنى و أولاد عمتة معانا بلعب ماهم بس ديما مش الأخيرة لكن قبل الأخيرة :lol:

رابط هذا التعليق
شارك

  • بعد 3 أسابيع...

لسه مستنيين الوصف التفصيلي من العزيز حسام... ياه فكرتنا بالذي مضي و أحلي صحاب مش هأعرف أعمل زيهم تاني...

سؤال كنا دايما بنتخانق عليه: لو واحد فينا void لون من الأربعة... الدور يتعاد ولا يتلعب رغم انه ميزة غير عادلة؟

اَلاِنْتِهَارُ يُؤَثِّرُ فِي الْحَكِيمِ أَكْثَرَ مِنْ مِئَةِ جَلْدَةٍ فِي الْجَاهِلِ.

امثال 17 : 10

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...