اذهب الي المحتوي
Scorpion

كرسي الأعتراف 2 ( حاليآ الفاضلة Dreamwithme )

Recommended Posts

عارفة و أنا باسأل السؤال ده ..

فكرت فعلًا إن دي العلاقة بينك و بين ربنا ما ينفعش أتدخل أنا و أقول لك إحكي عنها

بس مش عارفة أول ما لقيتك إنت على الكرسي ..

جه في بالي السؤال ده و أنا عادة مش باعرف هما بيجيبوا الأسئلة الفظيعة دي إزاي

بس حسيت إن السؤال ده بتاع دريم

بس بجد ربنا يجازيك خير في القطة دي

مش كتير حد بيفكر في غيره و يقتطع من وقته علشانه .. حتى لو كان فاضي

فما بالك بقطة ؟؟

ميرسي على إجابتك .. اللي بتقول إن بجد الدنيا لسه بخير

شارك هذه المشاركه


رابط المشاركه
شارك

أخواني وأخواتي أهالي المحاورات الكرام .....

خلاويص .....خلصتم كهربا فيا أنزل ترشيحات للي بعدي ولا لسه عندكم أسئلة؟

أنا أول واحدة تكون بتطلب الكهربا لنفسها بس مش مهم أنا مبسوطة النهاردة فميهمنيش يلا بقي

حد يكهربني من فضلكم :closedeyes:

شارك هذه المشاركه


رابط المشاركه
شارك

ياخبر ابيض

بقي سايبين دريمي من غير ماحد يكهربها ؟؟؟

معاً سوياً لنرفع شعار ...... كهربني شكراً

دريمي يادريمي

اليك تلك الاسئلة واتفضلي الميكروفون معاكي :-

- اوصفي نفسك في كلمتين اتنين

- امنية غالية اوي عليكي بتتمنيها من زمان اوي ........ ياتري ايه هي ؟؟؟

- المحاورات بالنسبالك ايه ؟؟

- مين اقرب شخصيات ليكي في المحاورات ؟؟ ( اوعي ماتقوليش رضوى هستناكي برة التوبيك )

- عرفتي المحاورات ازاي ؟؟ واستفدتي منها ايه ؟؟

- أقرب شخص ليكي في حياتك ؟؟

- فيمن تثقي ؟؟

- لو عرفتي في يوم ان احد الأعضاء عامل لنفسه عضويتين لسبب او اخر ........ هتعملي ايه ؟؟ وياتري هتبلغي الادارة ؟؟ وممكن تثقي في العضو دة ؟؟؟

- ماهو الذنب الذي لايغفر بالنسبالك ؟؟

- صيفتي السنة دي ولا اتحبستي في القاهرة العزيييييييزة ؟؟

- بتحبي الصيف أكتر ولا الشتا ؟؟ وليه ؟؟

يلا بقي جاوبي علي دول ولنا عودة ان شاء الله

شارك هذه المشاركه


رابط المشاركه
شارك

ياخبر ابيض

بقي سايبين دريمي من غير ماحد يكهربها ؟؟؟

معاً سوياً لنرفع شعار ...... كهربني شكراً

دريمي يادريمي

اليك تلك الاسئلة واتفضلي الميكروفون معاكي :-

- اوصفي نفسك في كلمتين اتنين

كلمتين بس ؟! صعب السؤال ده جدا .....بصي أعتقد إني هأختار رومانسية حالمة

- امنية غالية اوي عليكي بتتمنيها من زمان اوي ........ ياتري ايه هي ؟؟؟

ليه الاحراج ده بقي ....نفسي ألاقي نصفي الثاني لأني زهقت من المناظر اللي الواحد عمال يتكعبل فيها

وفي نفس الوقت محتاج حد أحلم معاه ;)

- المحاورات بالنسبالك ايه ؟؟

ركن خاص جدا لم أكن أتخيل وجوده علي النت بالنسبة لي مش مجرد منتدي وما بأحبش أقول عليه منتدي لأنه مش منتدي

هو بيت دافئ وبيحتوي الواحد ....مكان خاص بيا أنا بأكون علي راحتي فيه بدون تعقيدات الحياة الواقعية

- مين اقرب شخصيات ليكي في المحاورات ؟؟ ( اوعي ماتقوليش رضوى هستناكي برة التوبيك )

ناس كتير بصراحة خايفة أنسي حد ....يعني علي سبيل المثال لا الحصر ....لماضة مغتربة مصرية متغربة مدام هند علي وطبعا رضوي (العمر مش بعزقة)

الساري

- عرفتي المحاورات ازاي ؟؟ واستفدتي منها ايه ؟؟

أخويا كان جت فترة هيموت علي الهجرة لكندا وكان بيحاول يقنعني أهاجر معاه

وهو اللي عرفني علي باب الهجرة لكندا عشان أقرأ وأقتنع بالفكرة ....قوم أيه بقي أنا سيبت باب كندا

ودخلت باقية الأبواب وأدمنت المحاورات..

استفدت حاجات كتير أهمها معرفة ناس محددة علي المستوي الشخصي....واستفدت الاحتكاك بثقافات مختلفة وطريقة تفكير مختلفة

وفرحت إن في ناس في مصر حلوة كده فبقيت متفائلة أكثر لمستقبل البلد

- أقرب شخص ليكي في حياتك ؟؟

والدتي

- فيمن تثقي ؟؟

أهلي وأصدقائي المقربين جدا.....وأنا عموما من الشخصيات اللي بتصدق الناس وتثق فيهم بسرعة بس بعد الاحتكاك في الحياة بقيت أحكم عقلي أكثر وأخد وقت أطول

- لو عرفتي في يوم ان احد الأعضاء عامل لنفسه عضويتين لسبب او اخر ........ هتعملي ايه ؟؟ وياتري هتبلغي الادارة ؟؟ وممكن تثقي في العضو دة ؟؟؟

لو الادارة مش عارفة تبقي في وحهة نظري خيانة ومخالفة لقواعد أصحاب المكان يبقي أكيد هأبلغ الادارة وصعب أثق في العضو ده

- ماهو الذنب الذي لايغفر بالنسبالك ؟؟

الخيانة

- صيفتي السنة دي ولا اتحبستي في القاهرة العزيييييييزة ؟؟

اتحبست في القاهرة العزيزة الغالية ومسلوقة تماما

- بتحبي الصيف أكتر ولا الشتا ؟؟ وليه ؟؟

بحب الصيف أكثر وبأعشقه ....بدون أسباب منطقية يمكن عشان أنا مولودة في الصيف مش عارفة

بس ببقي نشيطة أكثر وسعيدة أكثر في الصيف بالرغم من مساؤي الصيف الكثيرة

يلا بقي جاوبي علي دول ولنا عودة ان شاء الله

شارك هذه المشاركه


رابط المشاركه
شارك

السلام عليكم و رحمة الله و بركاته

انتو لو تعرفوا انا ىد ايه ضليعة في تقنيات الانترنت لدرجة اني منكن اقعد 35 دقيقة ادور علي ام التوبيك دهوت و مش عارفة ليه هلت عليا صورة سنية و هي بتدور علي العدسة في مرسحية وجهة نظر

لو تعرفوا المعاناة دي....مكنتوش تسيبو التوبيك دهوت يغرق كدهوت وشط اكوام الترااااااب....(كح كح...كح)

الحاجة دريمي....(يا رب يا بنتي اشوفك حجيتي و اكتب علي باب بيتكم...حج و لبي و زار و ابصم بالخمسة:)

مش انتي اخر حد اتكهرب

احدفي بقي السلك علي اللي بعدك

يا بنتي يا ضنايا

الكورسي دوت المفروض يخليكي شريرة كدهوت

لغاية امتي هتبقي مسالمة

لغاية امتي

هفضل اقولك الدنيا تتاخد خطف

لغاية امتي هفضل اعلم فيكي

(ع فكرة كل العبارات الظريفة اللطيفة النضيفة دي مش لدريمي بوتاتا...دي انا بسمعها كل يوم كدهوت علي الريق مع كوباية النسكافيه من مامتي العزيزة)

انا بقول نرفع التوبيك دهوت و تحطولنا اختيارات

و احدف المداخلة

الاقي بقي ترشيحات شريرة نازلة ترف

عايزة الشر يملي المنكة.....عايزة بلطجة يا جدعان...(الله مش قالوا هنعيش في الطواريء...يبقي بلطجة ببلطجة بقي)

ها مين راح ياخد السنجة

قصدي مين هتقعدوه ع السلك

ياااااااااااااااااااااااااقوي

شارك هذه المشاركه


رابط المشاركه
شارك

لو ينفع يعني

يعني لو ينفع

ينفع يعني لو

منكن

نعزم حد بعزه اوي ع الكورسي

بس نعملهوله فوتيه و يكون ريش نعام

منكن نعزم

عمرو حمزاوي....(دلوقتي قاعد قدام خالتشي هالة سرحان و هو كالعادة....مبهر :closedeyes:

شارك هذه المشاركه


رابط المشاركه
شارك

بجد يعنى يالماضة ياست البنات انتى ملكيش حل.

انتى حاجة كدة زى الكرملة اللى (( عملتها وكانت سخنة )) وحطيتها على الجيلاتى...وكانت ف نظرى انا بقى (( توووووحفة )) .

يعنى متفهميش دى بقى حاجة للصيف والا للشتا...

لكن برضه سواء اكلتيها ف الصيف او اكلتيها ف الشتا حاتستمتعى بيها .

لكن انا مدخلش مزاجى الا حكاية ...(( أم التوبيك دوت اللى فضلتى تدورى عليه )).....وش سنية برضه وهى بتحاول تقنع محمد صبحى انها بتشوف ... :clappingrose: :clappingrose: :clappingrose: :clappingrose: :clappingrose:

شارك هذه المشاركه


رابط المشاركه
شارك

بجد يعنى يالماضة ياست البنات انتى ملكيش حل.

انتى حاجة كدة زى الكرملة اللى (( عملتها وكانت سخنة )) وحطيتها على الجيلاتى...وكانت ف نظرى انا بقى (( توووووحفة )) .

يعنى متفهميش دى بقى حاجة للصيف والا للشتا...

لكن برضه سواء اكلتيها ف الصيف او اكلتيها ف الشتا حاتستمتعى بيها .

لكن انا مدخلش مزاجى الا حكاية ...(( أم التوبيك دوت اللى فضلتى تدورى عليه )).....وش سنية برضه وهى بتحاول تقنع محمد صبحى انها بتشوف ... :clappingrose: :clappingrose: :clappingrose: :clappingrose: :clappingrose:

ماما سلوي الرائعة جدا جدا بحضورها اللي دايما ليه "مذاق" استثنائي جدا

انتي عارفة بقي اني في هذه اللحظة فعلا انكسفت اخر سبع حاجات :closedeyes:

و احساس الكزوف دوت الواحد و الله قرب ينساه

اخر مرة كان من حوالي 3 سنين....الراجل اللي خطبني و بعدين استشهد في الفلوكة(دي طبعا غير عبارة السلام....ده غرق في فلوكة الحياة) اداني الدبلة و بص في الارض و قالي....انتي حاسة بايه دلوقتي....قولته...انا جعاااااااانة

و دي كانت نهاية فرقة عوكاشة المسرحية

الخلاصة يعني

في هذه اللحظة

انا انكسفت

سجل يا تاااااااااااااااااااااااريخ

يسعدلي قلب حضرتك دايما يا رب

شارك هذه المشاركه


رابط المشاركه
شارك

أنا أرشح أخونا مخرج الروائع الساري أو أستاذ حسام

انت جيت....شهقة يا رمضاااااااااااان....(وش كريمة مختار)

بصي يا دريمي اللعبة بتقول

انك ترشحي 3 لبني و 3 بمبي

يعني

3 يتكهربوا رجالي و 3 يتكهربوا حريمي...(ليه حاسة اني في غرفة قياس في اي محل في وسط البلد...ما علينا)

و بعدين الناس تخش ترشح...و طبعا هنختلف و نتخانق يا تري الدستور اولا و لا الانتخابات ىاولا

و بعدين نعمل مجلس عسكر المحاورات

و بعدين قووووووووم ايه

نعملها اعتصامات بقي...(متهيقلي تبقي مداخلات فاضية يعني...مش هو ده الاعتصام الانترنتاوي و كجهوت)

و بعدين بقي....نطالب بالليبرالية...من خلال اللحظات الاعترافية

و هوووووووووووووووووووووووب نخلي الدم يفط

نضرب الكورسي في الكلوب

و بكده نجيب ضرف الموضوع

و دي محاولة هزيلة مني اني انقذ الساري من الكوهربا.....(كان ابن ناس و الله...ايييييييييييييييييييييه وحدوه)

وصلت المعلومة يا دريمي

هذا و بالله التوفيق

كان معكم

لماضة

محلل عسكري....و مبيض نحاس :)

شارك هذه المشاركه


رابط المشاركه
شارك

السلام عليكم و رحمة الله و بركاته

ده ايه اللت و العجن دوت الي انا عملته انبارح...(وش حد قام من النوم و بيسمع اغنية المطرم العاطفي علي علوكة انا مش عارفني:)

طب الخلاصة بقي و الزبدة

انا برشح

عن فريق الازرق

1- استاذ أثر الطائر...(كل اما اقراله احس اني عايزة اتعلم منه يجي ميت سنة لقدام...فاحنا نحطه ع الكورسي بقي لمدة عشرين فترة رئاسية)

2- أستاذ طائر الليل الحزين...علشان الكوهربا...تخليه يغير رايه و يغير اسمه و كدهوت يعني

3- استاذي الجميل اوي...محمود البصيلي اللي هو التونسي سابقا و شاعر العامية دلوقتي و امبارح و في كل وقت.

4- باشمهندس اركتيكت...(اصلي بحس انه ماشي في المحاورات لابس بالطون طويل كل اما اخش توبيك الاقيه رد قوام...فاحنا نحطه هنا هوت و نجيبه تثبيت اكتاف علشان نعرف ننتشر و نتوغل و نثور براحتنا يعني)

عن فريق البمبي

1- عشتار.....عشان تغرقنا زلابية...(اما خليناكي يا عشتورة زي الفوشار لما بينط من الحلة...وش حد شرير اوي)

2- نور العين

3- طنط هند علي

4- عبربورة....بيرو....عبربر....عبابير....الشهيرة بعبير الشرقاوي

اه نفسي انقطع

اروح اكمل جري حوالين الترابيزة

صباحكم...كوهربا فولت عاااااااااالي

شارك هذه المشاركه


رابط المشاركه
شارك

السلام عليكم و رحمة الله و بركاته

ده ايه اللت و العجن دوت الي انا عملته انبارح...(وش حد قام من النوم و بيسمع اغنية المطرم العاطفي علي علوكة انا مش عارفني:)

طب الخلاصة بقي و الزبدة

انا برشح

عن فريق الازرق

1- استاذ أثر الطائر...(كل اما اقراله احس اني عايزة اتعلم منه يجي ميت سنة لقدام...فاحنا نحطه ع الكورسي بقي لمدة عشرين فترة رئاسية)

2- أستاذ طائر الليل الحزين...علشان الكوهربا...تخليه يغير رايه و يغير اسمه و كدهوت يعني

3- استاذي الجميل اوي...محمود البصيلي اللي هو التونسي سابقا و شاعر العامية دلوقتي و امبارح و في كل وقت.

4- باشمهندس اركتيكت...(اصلي بحس انه ماشي في المحاورات لابس بالطون طويل كل اما اخش توبيك الاقيه رد قوام...فاحنا نحطه هنا هوت و نجيبه تثبيت اكتاف علشان نعرف ننتشر و نتوغل و نثور براحتنا يعني)

عن فريق البمبي

1- عشتار.....عشان تغرقنا زلابية...(اما خليناكي يا عشتورة زي الفوشار لما بينط من الحلة...وش حد شرير اوي)

2- نور العين

3- طنط هند علي

4- عبربورة....بيرو....عبربر....عبابير....الشهيرة بعبير الشرقاوي

اه نفسي انقطع

اروح اكمل جري حوالين الترابيزة

صباحكم...كوهربا فولت عاااااااااالي

ده على اعتبار ان عبير الشرقاوي واحدة تانية غير مصرية متغربة

:blink:

عموما انا موافقة جدا على كل الترشيحات اللي فوق دي

اختيارات موفقة ;)

عموما كهربتكم قبل كده كانت مش على المستوى المتوقع

ما استمختش منها

انا طبعا معنديش اي مانع اتكهرب تاني و تالت و رابع

hypr:

كله فداكم

و اللي ملوش أهل

المحاورات أهله

وش راقية ابراهيم في فيلم زينب

صباحك كهربا فولت 440

اموت في الكهربا

:yahoo:

شارك هذه المشاركه


رابط المشاركه
شارك

الكرسي ما يكهربش اركيتكت

اركيتكت هو اللي يكهرب الكرسي واللي جابوه

..

بعدين ماتنسوش انه لابس بالطو !

شارك هذه المشاركه


رابط المشاركه
شارك

السلام عليكم و رحمة الله و بركاته

انا هعيط....(كده و كده يعني)

هو انا مش فاهمة ليه الناس مقطعة بعضيها في التوبيكات المكشرة

ليه محدش بيجي هنا

مع ان هنا بنقدر نعرف بعض اكتر

بنعرف..."احنا"...روحنا كبني آدمين

حقيقي هي لعبة...و حقيقي هي في موضوعات خفيفة

بس انا بشوف انها بتقربنا....فوق ما نتخيل

اديني ساحبة الشلتة و مستنية التصويت و هشوف هترسي علي مين يا ميلامين

بالنوسبة للباشمهندس اركتكيت

و ربنا...كنت متأكدة انك هتقول الجملة ديت.....(ده قلب الام ع فكرة)

و اخر واحد قالها هنا هوت.....اييييييييييييييييييييه بقي ماشي يقول

هس السلعوة :P

مسا حضرتك....إززززززززززززز

و هاتلنااعضاء هنا هوت...(اعمل اي مداخلة مستفزة يعني علشان يجوا يردوا عليك هنا هوت ;)

شارك هذه المشاركه


رابط المشاركه
شارك

الفكره ان الكل ركبه بتخبط ع الجيران طب اعمل ايه !

شارك هذه المشاركه


رابط المشاركه
شارك

أنا هأيد ترشيح أركيتيكت يالماضة لأن فعلا الناس لما هتشوف اسمه علي التوبيك هتدخل علي طول :P

والتوبيك هيتزحم وهيتقلب خناقات وبعدين نبقي نروح نقعد في الليفينج روم في هداوة ;)

شارك هذه المشاركه


رابط المشاركه
شارك

اركتيكت... اركتيكت ... اوه اوه

اركتيكت ... اركتيكت... اوه اوه

انا برضه مؤيدة معاكم

ده انا حأكهربك كهرباء

ههههههههههههه

:give_rose:

شارك هذه المشاركه


رابط المشاركه
شارك

شكلي انا اللي حكهربكم لما تمشوا تنوروا ف الضلمه :happy:

شارك هذه المشاركه


رابط المشاركه
شارك

ارشح من اللون الازرق ... اركتكت .. حسام عبد المنجي ... اقصد عبد الفتاح .... عنبوف

ومن اللون البينك ....عبير الشرقاوي ... هند علي ...المهندسة

هو التوبيك دا بيحب يستخبى ليه ..؟؟

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • تأملات في سورة الأنبياء - منقول من الفاضلة نبيلة جميعي

      طول عمري اسمع إن سورة "الأنبياء" معروفة بين المشايخ وأهل العلم بإنها سورة "الاستجابة" بس عمري ما دوّرت عن السبب  السبب هو إنها السورة القرآنية الوحيدة اللي ورد فيها لفظ "فاستجبنا له" أكثر من مرة وفي أكتر من سياق، اللفظ ده لم يرد في أي موضع قرآني خارج سورة "الأنبياء"، طب ورد فيها كم مرة وفي أي سياقات؟ أول مرة :" وَنُوحًا إِذْ نَادَىٰ مِن قَبْلُ فَاسْتَجَبْنَا لَهُ فَنَجَّيْنَاهُ وَأَهْلَهُ مِنَ الْكَرْبِ الْعَظِيمِ" آية رقم 76 تاني مرة عن سيدنا أيوب عليه السلام:" فَاسْتَجَبْنَا لَه

      في هدى الإسلام

    • بكم تبيع أخيك - منقول من الفاضلة سهام

      أخ للبيع ؟؟؟؟؟؟                                              بكم تبيع  اخيك؟؟؟  مقالة أعجبتني ،،،،،،، سمعت مرةً أحد كبار السن يروي مثلاً على شكل حوار بين شخصين : قال الأول : بكم بعت  اخيك؟؟؟  فرد عليه الآخر: بعته بتسعين زلة. فقال الأول : ( أرخصته)  !! تأملت هذا المثل كثيرا،،، فذهلت من ذلك الاخ الذي غفر لاخيه تسعة و ثمانين زلة ، ثم بعد زلته التسعين تخلى عن اخوته !! و عجبت أكثر من الشخص الآخر الذي لامه على بيع  اخيه بتسعين زلة و كأنه يقول تحمل أكثر !! فالتسعون زلة ليس ثمنا منا

      في باب الإجتماعيات

    • وفاة من هي في مقام والدتي .. الوالدة الفاضلة أم هاني

      كنت معها في المستشفى مساء أمس  و قبلتها و قبلت يدها  و سمعتها و هي تطلب سماع القرآن  و تطلب نسخة من القرآن بجوارها  و صافحت  كل أخوتي  .... و في صباح اليوم آتاني  خبر إنتقالها للرفيق الأعلي   ما سبق كان إستهلالا لابد منه   عرفتها و عشت معها  سنوات و سنوات  و أشهد  و أشهد الله  أنها كانت نعم زوجة الأب  و لم  أشهد ما يمكنني الشكوى منه  لم تفضل أي من أبنائها على أو على شقيقتي  و إن كان  قد حدث تقصير فهو العادي الذي يحدث بين الأم و أبنائها   أذكرها  سنة 51  و تأخذني بيدها  لإمتحان القبول  في ا

      في باب الإجتماعيات

    • الفاضلة حرم الفاضل محمد. في رحاب الله

      توفيت الى رحمة زوجة الفاضل Mohammad نجم فريق التنسيق و الاشراف بعد ثلاث و ثلاثين سنة من الحياة الزوجية السعيدة رحم الله الفقيدة و اسكنها فسيح جناته و الهم الفاضل محمد و الاسرة الصبر و السلوان

      في باب الإجتماعيات

    • الأخت الفاضلة ايمان الدفراوى - البنت المصرية - فى ذمة الله.

      تحية طيبة اخوتى . كما تعلمون حضراتكم ...اننا فقدنا حوالى أربعة اشهر من عمر المحاورات . ونحاول الآن ولو عن طريق أى نسخة او حتى صفحة محفوظة فى جوجل الحصول على ( بعض مم ضاع ).. وأول شئ كان لمسة وفاء لذكرى اميرة الحرف ...ايمان الدفراوى . هذا موضوع فتحه الاستاذ الفاضل اشرف حسين .. سوف احاول ادراج المداخلات ( كل ما استطيع الحصول عليه )...هنا . كل التحيات .

      في باب الإجتماعيات

×
×
  • اضف...