اذهب إلى المحتوى
محاورات المصريين

كرسي الأعتراف 2 ( حاليآ الفاضلة Dreamwithme )


Scorpion

Recommended Posts

الجزء الأول من هذا الموضوع يتواجد في هذا الرابط :

يا جماعة قواعد اللعبة ما بتتغيرش ... العضو اللي قعد علي العمبوكة ما يقعدش تاني ... و بما ان جو مش عايز يرشح واحد تاني .. فبعد اذنكم انا بقترح واحد من التلاتة دول :

حسام يوسف

eslam elmasre

Ma Youssef

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

  • الردود 959
  • البداية
  • اخر رد

أكثر المشاركين في هذا الموضوع

ايوة بس المشكلة ان دول مش بيمرو هنا كتير يعنى نسأل سؤال

ونستنى كامممممممممممممممممممممممم سنة على ما ييجو يردو

وكمان انت كدا هتحرم البنات والستات اللى هنا اللى هيموتو ويعرفو اخبار ياسر

خصوصا بعد ماعرفو مين هي العروسة

حرام عليك انت عاوز يجرالهم حاجة

مانتا عارف الستات :rolleyes: :lol:

[وسط][/وسط]2ah7ju81.gif

رابط هذا التعليق
شارك

ايوة بس المشكلة ان دول مش بيمرو هنا كتير يعنى نسأل سؤال

ونستنى كامممممممممممممممممممممممم سنة على ما ييجو يردو

انت بس حط واحد منهم عالكرسي و ابقي قابلني لو قدر يفلفص ...

اما بالنسبة

وكمان انت كدا هتحرم البنات والستات اللى هنا اللى هيموتو ويعرفو اخبار ياسر

خصوصا بعد ماعرفو مين هي العروسة

يا سيدي الراجل فاتح موضوع مخصوص علشان جوازته و عروسته ...و اللي عايز يسأله علي حاجة مش حيغلب يعني ...

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

يا جماعة قواعد اللعبة ما بتتغيرش ... العضو اللي قعد علي العمبوكة ما يقعدش تاني ... و بما ان جو مش عايز يرشح واحد تاني .. فبعد اذنكم انا بقترح واحد من التلاتة دول :

حسام يوسف

eslam elmasre

Ma Youssef

دون كاميللو

أنا صدر مني حاجة زعلتك؟ :rolleyes:

وعموما

حقك عليه يا عم حتى لو انا مش عارف انا عملت ايه :lol:

رابط هذا التعليق
شارك

من الاخر

احنا طبعا بنحترم راي الكبار

وعمنا سكوب حكم خلاص

يلا يا رجاله شوفوا مين هتكتفوه

اما بالنسبة للحج ياسر فده مسيره نكلبشه بس مش هنا

ان شاء الله نمسكه على الكوشة ونقرره

يلا يا جماعة لحسان الواحد صوابعه بتاكله من ايام جوو والراجل عايز ينتقم وعايزين حد يخش بقلب جامد على الكرسي

يا ترى مين

انا عموما برشح سنيور حسام هه مين يزود

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك

بسم الله الرجمن الرحيم

الاجابه تونس لا قصدى ابو هيااااااااااااااااااااااااااااااا

بس الاول فيه شرط مافيش خطوط حمرا علشان يبقى اللعبه مشوقه ؟؟

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك

بشكر الأخوة على هديتهم المفخخة :roseop:

وبجد مش تهرب

بس فعلا نفسي اشوف أخونا اسلام المصري وأخونا محمد يوسف ع الكرسي

بتنشن صح الصح أنت يا دون كاميللو :roseop:

رابط هذا التعليق
شارك

من الاخر

احنا طبعا بنحترم راي الكبار

وعمنا سكوب حكم خلاص

يلا يا رجاله شوفوا مين هتكتفوه

اما بالنسبة للحج ياسر فده مسيره نكلبشه بس مش هنا

ان شاء الله نمسكه على الكوشة ونقرره

يلا يا جماعة لحسان الواحد صوابعه بتاكله من ايام جوو والراجل عايز ينتقم وعايزين حد يخش بقلب جامد على الكرسي

يا ترى مين

انا عموما برشح سنيور حسام هه مين يزود

"]okkkkkkkkkkkkkkkkkkkkkkkkk

[وسط][/وسط]2ah7ju81.gif

رابط هذا التعليق
شارك

حلو كده تلاته

يلا يا جماعة عايزين نستنفع

فين باقي اعضاء مجلس ادارة الكرسي

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك

تم تنجيد العمبوكة بقماش تيل نادية ابو 8 جنيه المتر بينما ضهر الكرسي مشينا حالنا بصوف العسكري نظرآ لنفاذ الميزانية المخصصة .. هذا و قد تم قبض و احضار المدعو عليه حسام يوسف لتدشين الكرسي الجديد ...

فتح المحضر في تاريخه :

س. سأوجه لك سؤال خالد الذكر زهيري كعب الغزال : من أنت ؟؟

س. ما هو تأثير نشأتك في اسوان .. و هل تعتقد انك لو كنت نشأت و ترعرعت في مدينة أخري كالقاهرة مثلآ كان سيكون لذلك تأثير مختلف ؟

س. لماذ اخترت صورة سلفادور دالي كي تعبر عن شخصيتك الأنترنتية ؟

س. هل بحوزتك بطاقة انتخابية ... لو نعم هل استخدمتها .. و لو لا .. هل لديك نية في استخراجها ؟

س. هل تعرف من هو دون كاميللو ؟

و كفاية دلوقتي

:rolleyes:

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

من أنت ؟ :rolleyes:

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

الجزء الأول من هذا الموضوع يتواجد في هذا الرابط :

يا جماعة قواعد اللعبة ما بتتغيرش ... العضو اللي قعد علي العمبوكة ما يقعدش تاني ... و بما ان جو مش عايز يرشح واحد تاني .. فبعد اذنكم انا بقترح واحد من التلاتة دول :

حسام يوسف

eslam elmasre

Ma Youssef

والله يا أبوجونيور يعز علي أرد طلبك بشكل لا تتخيله ..

بس .. بس .. أنا والله ما قرأت مداخلتين على بعض من الكرسي الأولاني فمعرفش حتى قواعد اللعبة :rolleyes:

ناهيك عن عدم معرفتي مَن مِن الرواد جلس هناك أو بم اعترف لكم ..

أنا هاطلب من حضرتك طلب .. أنا عندي موضوعين مفتوحين عايز أخلص مداخلات الطرح بتاعتهم الأول .. عشان دول في رقبتي .. بعد كده أنا هكون مشغول بشكل كبير جدا لحد 21 فبراير بحد أدنى .. فرجاء سامحني .. ومصيري للكرسي وهاقعد عليه إكراما لطلبك :rolleyes:

رابط هذا التعليق
شارك

ايه يا مستر حسام

مش هترد علشان نسأل احنا كمان

يا جماعة فين باقي اعضاء الشلتة قصدي الكرسي كتفوا الزبون عايزين نستفتح

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك

ايه يا مستر حسام

مش هترد علشان نسأل احنا كمان

يا جماعة فين باقي اعضاء الشلتة قصدي الكرسي كتفوا الزبون عايزين نستفتح

انا حسيت اعتراض منك فى الموضوع

فقلت أحترم رغبتك

تحياتى ليك :blink:

رابط هذا التعليق
شارك

انا حسيت اعتراض منك فى الموضوع

فقلت أحترم رغبتك

تحياتى ليك :blink:

سعادتك انا مرشحك من كام مشاركة هو كان طلبي اننا نعدل فيما بعد

لكن انا مستني اجابتك

اتفضل اقعد كده علشان نعرف نكتف سعادتك

تحياتي

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك

استاذ حسام حضرتك

عندك كام سنة ؟

بتشتغل اية؟ وكنت تتمنى تشتغل اية غير شغلتك؟

من هم اعداء حسام؟

هل انت متزوج عن حب ولا زواج صالونات؟

اية افضل باب بتحب تكتب فية فى المحاورات واية افضل باب بتحب تقرئة حتى لو مش بتكتب فية؟

عملت الميديكال ولا لا؟

اية اول حاجة تحب تشتريها اول ما تروح كندا 000 طبعا غير الغيارات اللى كان عاوز يجبها فطين فى فيلم حرامية فى تايلند؟

مين الشخص اللى فى المحاورات اللى قابلتة وجها لوجة ؟ ومين اللى تتمنى تقابلة؟

تم تعديل بواسطة joo

[وسط][/وسط]2ah7ju81.gif

رابط هذا التعليق
شارك

تم تنجيد العمبوكة بقماش تيل نادية ابو 8 جنيه المتر بينما ضهر الكرسي مشينا حالنا بصوف العسكري نظرآ لنفاذ الميزانية المخصصة .. هذا و قد تم قبض و احضار المدعو عليه حسام يوسف لتدشين الكرسي الجديد ...

فتح المحضر في تاريخه :

س. سأوجه لك سؤال خالد الذكر زهيري كعب الغزال : من أنت ؟؟

سؤال صعب أوى يا دون كاميللو

الاول هعمل مش واخد بالي

وهاخد السؤال بمعناه البسيط

العبد لله حسام يوسف

35سنة

خريج صيدلة المنصورة

الأصل من ناحية الوالد والوالدة قري محافظة الدقهلية

وتحديدا مركز بلقاس

لكن مقيم عمرى كله فى أسوان

يعنى المنشأ فلاح والتقفيل صعيدي

متزوج والحمدلله على كل حال :roseop:

وعندي محمد تقريبا سنتين وهيا 11يوم بحالهم

ده فى حالة الفهم البسيط لسؤال عويص اسمه من أنت

ملحوظة

حل آخر:

العبد لله واحد ممكن يقول عن نفسه انه واحد بيحاول يتعلم كل شوية ويعدل من نفسه وتفكيره حسب الخبرات الحياتية وطبقا للبحث عن الأفضل والأصح

س. ما هو تأثير نشأتك في اسوان .. و هل تعتقد انك لو كنت نشأت و ترعرعت في مدينة أخري كالقاهرة مثلآ كان سيكون لذلك تأثير مختلف ؟

أسوان بلد رائعة من ناحية الطبيعة

حتى لو كانت حر

شتاء رائع مشمس

نيل مشفتش زيه ومعتقدش ان فيه أجمل من كدة طبيعة بكر

هدوء

ده من ناحية المكان

نيجي للعنصر التاني في أسوان وهوة الناس

أسوان ليسبت بلد يسكنها أغلب سكانها الأصليون

أهل البلد الأصليون هم النوبيون والأسوانلية (وليس الأسوانية كما يقولها البعض)

وكلاهما لا يشكل ربع سكان البلد

والباقي من كل مكان فى مصر بعد حركة تعمير أسوان ومشروع السد العالى

قناوية-نسبة لقنا

سوهاجاية-نسبة الى سوهاج

أسايطة-نسبة الى اسيوط

منياوية

قاهريين

فلاحين من الدلتا

اسكندرانية

بورسعيدية

لكن كل ما تبعد عن اسوان جغرافيا بيقل طبعا عدد الناس اللى من المحافظة دي

بمعنى آخر القناوية أكثرية لقرب قنا لأسوان

والعكس صحيح

كما قلت

أسوان ليس بها أغلبية

زي ما بيقولوا فسيفساء من كل ألوان وتشكيلات أقاليم مصر على المستوي الاقليمي

وعلى المستوي الديني

نسبة الأخوة المسيحيين أكثر من الربع والباقى مسلمين طبعا

كل المقدمة دي اللى بوضح فيها طبيعة أسوان الجغرافية والسكانية بتوصل لحاجة واحدة بغيضة جدا للأسف

التعصب

يعنى لو مصلحة حكومية مسكها واحد ادفاوي -نسبة لادفو وهي مدينة شمال أسوان

يبقي كل المحاسيب والتعيينات الجديدة هتبقي من بلده ادفو

وكمان ممكن تبقى مش ادفو وخلاص

لا

تبقى من قبيلته هوة مش قبيلتين ادفو المشهورتين-الحرايزة والمناجرة-

لو مسك مكان واحد مسيحي

يبقي كل اللى جاى والأماكن المهمة والحساسة ومحاسيبة مسيحيين

ولو مسك مكان واحد نوبي

يبقي المكان هيسمر أوتوماتيك :D

وهكذا

عصبية بغيضة تحسسك اننا رجعنا للجاهلية الأولى

بعيدا عن الكفاءات والأجدر

ده علمنى حاجة

الفكر بشكل عقلاني

وكره التعصب لدين أو بلد أو ان شالله حتى للزمالك اللى بشجعه

والحمدلله على نعمة ربنا وهي العقل

وعلمنى برضة ان مش ممكن مجتمع زي ده يكبر وينهض بعيدا ن وضع الكفاءات فى مكانها

وده اللى مخلى أسوان نسبيا متأخرة جدا عن باقى الجمهورية فى النواحي الاقتصادية

لانها بلد قاتلة للاستثمار

وكتير من المشاريع نجحت فى مصر كلها

وتفشل عندنا

حتى ماكدونالدز :roseop:

الحاجة التانية اللى أثرت فيه بسبب عيشتي في أسوان

هية حب الهدوء

وضعفى الشديد أمام الضوضاء

بتشل

عشان كدة اللى زيي ماينفعشي فى بلاد كبيرة زي القاهرة أو تورنتو لو ربنا كملنا مشوار الهجرة على خير

س. لماذ اخترت صورة سلفادور دالي كي تعبر عن شخصيتك الأنترنتية ؟

أخويا الصغير

فنون جميلة-عمارة

وزهقني طبعا بالكلام عن دراسته

وعجبنى أوى قصة سلفادور دالى

الراجل ده مدرسة الفن اللى حاول يتعلم فيها فى أول حياته

وصفوه أساتذته انه فاشل

ومش بيعرف يظبط نسب البورتريهات اللى بيرسمها

وهوة كان قاصد

لأنه كان عايز يعبر عن اللى جواه

ويقصد هدف فنى تانى خالص جواه

مش انه ينقل الواقع زي ما هوة

لكنه يقصد التعبير عن اللى حواليه زي ما هوة شايفه وتعبيرا عن رأيه فيه

وقد ايه بالرغم من المعارضة الفظيعة لمدرسته الفنية

الا أنه أصر على رأيه

حتى لو الكل اختلف معاه وعارضه

وبعدين

كل العالم بدأ يفهمه ويقدره ويتفهم أسلوبه

الخلاصة بحب فيه العناد الايجابي

والاصرار على اللى فى دماغه مهما لقي معارضة من اللى حواليه

وادانى درس ان الصح مش باللتصويت وعدد المصوتين

ولكن الصح صح بفكرته

س. هل بحوزتك بطاقة انتخابية ... لو نعم هل استخدمتها .. و لو لا .. هل لديك نية في استخراجها ؟

لا

وساعات أقول اعمل اللى عليك وطلعها وانتخب

وساعات أقول مش فارقة

والحقيقة مش عارف الصح فين

ودي الكارثة طبعا

س. هل تعرف من هو دون كاميللو ؟

انا بناديك دون كاميللو عشان اسمك كامل وعايش في ايطاليا

لكن لم يسبق لي التعرف على شخصية بالاسم ده الا فى روايات أدهم صبري أعتقد كان شخصية واحد من زعماء المافيا لا مؤاخذة والمقام ليك يا عم كامل :roseop:

ولما سألتنى بحثت لقيت دون كاميللو اسم رواية ومسرحية ايطالية عن قسيس وواحد شيوعي بينهم دايما اختلافات

ويارب ماتكونشي بتتضايق من الاسم يا صديقي العزيز

:roseop:

و كفاية دلوقتي

:rolleyes:

تم تعديل بواسطة حسام يوسف
رابط هذا التعليق
شارك

استاذ حسام حضرتك

عندك كام سنة ؟

بتشتغل اية؟ وكنت تتمنى تشتغل اية غير شغلتك؟

صيدلي

نفسي أبقي صاحب بيزنس ولو صغير مش فى الدوا

يعنى تقدر تقول نفسي ابقى بيزنس مان ولو على صغير

وعشمي في ده فى كندا ان شاء الله لأنى مقدرتش أعمل ده هنا

من هم اعداء حسام؟

الظلم

الشر

القبح

هل انت متزوج عن حب ولا زواج صالونات؟

اخترت بعقلي مرة واحدة فى حياتي وهية المرة التى تزوجت فيها زوجتى

والحمدلله على اختياري وتوفيق ربنا

وبعدها أحببت زوجتى عندما ارتبطنا

مش هقول مافيهاش عيوب

انما فيها ميزات بجد بقت نادرة الزمن ده

اية افضل باب بتحب تكتب فية فى المحاورات واية افضل باب بتحب تقرئة حتى لو مش بتكتب فية؟

مش بتفرق بالباب

المهم الأفكار

لكن طبعا منكرش حبى للباب الكندي

ده حبى للمستقبل

وحبى للأمل

عملت الميديكال ولا لا؟

لسة هقد الفيدرال ان شاء الله

اية اول حاجة تحب تشتريها اول ما تروح كندا 000 طبعا غير الغيارات اللى كان عاوز يجبها فطين فى فيلم حرامية فى تايلند؟

تصدق فاجئتنى بالسؤال ده

ومش عارف أجاوب بجد

انا عايز اروح كندا عشان بدور على مكان أرتاح فيه

وأحبه

وبدور على وطن ان شالله أحارب عشانه

وعلى مكان أطمن على ولادي فيه

لكن مفكرتش أشتري ايه

عموما عايز أجيب لاب حلو كدة

وعايز كتاب كويس بيتكلم عن السوق الكندي

اتجاهاته أفكاره

بيفضل ايه

حاجات زي دي

مين الشخص اللى فى المحاورات اللى قابلتة وجها لوجة ؟

اتشرفت بمقابلة كتير على الرغم انى فى اسوان لحرصي على معرفة الناس المحترمة دي

وخايف انسي حد

شفت ابن سينا وطبعا دكتور ولاء خطيبته

نصار حبيبي

حمودي

بروف سيد منير العبقري المتواضع

عبد الحليم الكندي الشقي

امبابي الاسكندرانى الجدع

عمر عبد العزيز الهادي الحساس أوى بلدياتي من بلقاس دقهلية

حبيبي استروفي الشرقاوى الجدع

فايزر محمد فايزر اللى سنه بسم الله ماشاء الله أقل بكتير من خبراته وتفكيره ماشاء الله عليه

وأول واحد شفته من المحاورات وأكبر مكاسبي الصديق العزيز الهادئ الاسكندراني محمد عبد العزيز

وكمان اتشرفت بمقابلة دكتور قناوى

وخايف أكون نسيت حد

ياريت يسامحني

ومين اللى تتمنى تقابلة؟

يوووووووووووووووووووووووووووووه

كتير

بروف هشام ابراهيم

دون كاميللو الشهير بسكوربيون

دكتور تهامى

المايسترو زوهيري

سي السيد

عصام

ومويت دوت

وعم صعيدي فى مونتريال

والفاضل أبو محمد

والفاضل محمد عمدة الاسكندرانية

والفاضل عادل أبوزيد

ونينا حسين

والجنرال موديست

والأهلاوي الأصيل

وباشمهندس عمرو رضوان

وباشمهندس ايهاب سالم

واسلام المصري

ومحمد يوسف

أحمد سيف حبيبي

أسد

والطفشان

وaimen

خايف انسي حد

فيه كمان من أخوتنا السيدات أتمنى أتعرف بيهم عن قرب

أختنا فيروز

وأختنا كليو اللى شفت مشاركتها رغم غيابها من زمان

وأختنا فولانة

وأتمنى لو الوقت يسمح وأقابلك عشان أقنعك انى مش متعصب لما اختلفنا فى موضوع السيدة العذراء

أنت وأخواتنا العزيزات جيسيكا وأرورا :rolleyes:

تم تعديل بواسطة حسام يوسف
رابط هذا التعليق
شارك

ما تريحش يا دوك ... ده احنا لسه بنسخن ...

انسان حساس جدآ زيك .... يا تري الحساسية دي سببتلك مشاكل في الحياة ؟؟؟

من واقع تجربتك .. هل الدكاترة بيكتبوا روشتات فيها ادوية مفيدة للعيان فعلآ و لا حسب هدايا شركات الأدوية اللي عايزة تزود مبيعاتها ؟؟

لو ربنا حققلك أمنيتك و قدرت تسافر كندا ... و بعد فترة حسيت ان موضوع الهجرة ده سلبياته اكتر من ايجابياته حتلاقي الشجاعة انك تقفل الفايل و ترجع مصر تاني ؟؟ و الا كرامتك حتخليك تفضل عايش فيها بالرغم من عدم رضاك عن حياتك هناك ...

بالنسبة للمحاورات .... لو حصل خلاف بينك و بين زميل تاني .... ايه منهجك لأحتواء الخلاف ده ؟؟

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...