35 وشرطة

[Simba]

تصدق يا سمبا والله كنت عاوزة ادخل اكتب لك حاجة بس قولت لا لانى مش عاوزا اقولك معلش لانى حسيت اوى بكلامك

عارف ليه اصلى انا كمان 34 وشرطة(قصدى و21 يوم)

انت 1-1 برضو؟؟؟؟؟ الظاهر كلنا كده بنمر بنفس الشعور ....... وقفة مع النفس

دمت دايما بكل رضا وايمان يارب

كل سنة وانتي طيبة يارب

نجيب تورتة ولا نجيب جاتوه

تقريبا فعلا مواليد او السنة بيققوا مع نفسهم كل سنة

[الباشمهندس ياسر]

تصدق مصدقك والله باشمهندس

مصدقك جدا

وبعدين ده انت حبيبي اصلا clp::

عارف يا سمبا

انا كنت بكتب الكلام ده لنفسي قبل ما يبقي ليك

الطموح سرح بيا اوي لغاية ما وصلت السن ده و نسيت نفسي

و النهاية ايه ...ولا حاجة

شوية خبرات علي شوية علاقات و يوم بعيشه بطوله و عرضه و خلاص

فعلا بدأت ازعل اني معشتش لحظات كتير اوي من سعادة و دفء الاسرة

[MaYousof]

كل سنة وإنت طيب يا سمبا

ودي طورطة مخصوصة بالفوندان :closedeyes:

وكل سنة وانت طيب يا عسل .. وعقبال 120 سنة

[لماضة مصرية جدا]

السلام عليكم و رحمة الله و بركاته

يا استاذي سمبا

سمبا يا استاذي

استاذي سمبا....يا.....يا.....يعيش...يعيش....يعيش

:waving: :waving: :waving:

مش أنا اول ما ابتديت اقرا التوبيك الاثيرلدي..."أحاديث رجل"

كل مرة بسأل نفسي....يا تري الاحساس الحلو ده بيجي منين

يا تري هي توليفة السجاير مع كوباية الشاي....مع احساس الغربة...بيعملوا المفردات المنسابة اوي دي

ياتري الاسم "سمبا" فيه ايه من الشخصية الكارتونية اللي بتمشي جوه غابة البني آدمين....و لسه عينيها مليانة دهشة و قلبها مفتوح للاكتشاف و عينيها بتلقط و ترصد و قلمها بيسجل

يا تري.....الراجل اللي ماشي و بيخبط برجله في الارض....يمكن بيحدف طوبة....و يمكن بيدور علي حاجة.....و يمكن عايز يعاند في معركة....لسه مش باينة ملامحها

يا تري الاحساس لرجل يرقص تحت المطر.....لسه بيغني....و لسه قادر يحب....و لسه قادر يدغدغ مشاعر قراءه بكلمات بتطلع من القلب

يا تري نقوله ايه بقي في يوم ميلاده

مش لاقية حاجة غير

كل سنة و حضرتك......أنت.....لأنك أنت بتوليفة الغربة....الشاي....التأمل....احلي ما في سمبا

مل سنة و حضرتك في طاعة....و تكون كل خطوة ليك في الغربة...رضا و راحة بال

صباح حضرتك سنة هيتغير فيها رقم....و هينضاف عليها رقم....و هتفضل الاكف مرفوعة بالدعاء و القلب مليان يقين

ريهام

[م تيمور المراغي]

كل سنه اونت طيب يا اجمل سيمبا

وعقبال يارب ماتعدي 136 سنه وشرطتين كمان :happy:

ويكون ربنا وفقك وقتها وجيت لنا السعوديه وترتاح وتتنفس وتنتعش بقى ان شاء الله هههههه

تحيتي لقلمك الرشيق الحساس يا غالي ,,

ملحوظه :

مرفق صورة الحساس عشان ماتدورش كتير :happy:

[Dreamwithme]

السلام عليكم ورحمة الله وبركاته

كل سنة وحضرتك بألف خير يا أستاذي سمبا وربنا يرزقك عمر مديد بصحة وسعادة وسلام نفسي

أثر في جدا كلام حضرتك وأعتقد أني فهمت حضرتك هو مش موضوع عدم رضا لكن أنا حسيت الموضوع ده بعد ما عديت الثلاثين (أبوس أيديكم محدش يقول لماما أني بأقولها بصوت عالي)

الواحد بيحس أنه عدي منتصف العمر بيحس أنه عاش كتير وبيبدأ يحاسب نفسه

وبعدين مشكلة المشاكل أن الواحد وهو صغير أتربي دائما علي أنه يحلم أني لما أكبر هأكون كذا وكذا وحياتي هتكون بالشكل الفلاني

وغالبا كان بيبقي تصوره أنه في الثلاثينات الحاجات دي هتحصل فلما تيجي الثلاثينات أو منتصفها في حالة حضرتك وتلاقي أنه الصورة مش هي اللي كانت في خيالك

الواحد شوية بيجيلوا شوية احباط ويحس أمال أنا أمتي هأكبر؟

الحل اللي أنا وصلت له أنك ترمي من الشباك فكرة أن الأحلام كانت لفترة الثلاثينات وأن أنا كبرت علي الأحلام والتغيير

مفيش حاجة أسمها كبرت خالص ...........أنا شخصيا حاسة أني هأفضل طفلة وهأفضل بنفس روحي اللي لم تتغير من أيام ثانوي ...نضجت لكن معجزتش

لسه في أحلام وناس كتير بتبدأ حياتها وهي عندها ستين سنة أحب أشارك حضرتك بالقصة دي

الفاشل الذي أصبح رئيس جمهورية..

كان هناك رجل قرر أن يخوض التجارة وعمره وقتها كان ...عمره 31

سنة وخسر أغلب أمواله وفشل.. .

وحينما أصبح عمره 32 سنة قرر أن يرشح نفسه في الإنتخابات

و سقط و فشل.. .

ويوم صار عمره 34 سنة قرر أن يعود مرة أخرى الى التجاره

ويجرّب و لكنه خسر و فشل.. .

ولما صار عمره 35 سنة ماتت زوجته و فقد الأمل في الحياة..

.

ولما صار عمره 36 سنة أصيب بإنهيار عصبي..

.

وعندما بلغ من العمر 43 سنة رشح نفسه للإنتخابات في

الكونجرس الأمريكي ، و سقط و فشل في إحراز النجاح.. .

وهو عنده 46 سنة عاد ورشّح نفسه مرة أخرى في إنتخابات

الكونجرس و خسرها و فشل.. .

وعندما كان 48 سنة رجع ورشّح نفسة مرّة ثالثة في

إنتخابات الكونجرس وفشل.. .

ولما وصل عمره 55 سنة رشّح نفسه في إنتخابات مجلس الشيوخ

ولم ينجح فيها و فشل.. .

و عندما كان عمره 56 سنة حاول أن يصبح نائباً لرئيس

الجمهورية و فشل أيضاً.. .

و عندما كان عنده 58 سنة عاد ورشّح نفسه لإنتخابات مجلس

الشيوخ وخسر فيها و فشل.. .

و عندما أصبح عمره 60 سنة عاد ورشّح نفسه للرئاسة

وانتُخب كرئيس للولايات المتحدة الأمريكية ..

إنه

.....

إبراهام لنيكولن ..

أقوى رؤساء الولايات المتحدة

الأمريكية..

المحاولة المحاولة المحاولة المحاولة المحاولة..

كلمة دائما نسمعها في علم التحفيز الاداري..

Keep going keep practice

فلنتعلّم كيف نجعل من الفشل قاعدة كبرى للنجاح و لنتذكر

دائماً أن الإصرار هو النجاح..

المشكلة أنا أحنا قوالبنا الفكرية ثابتة علي أن المفروض يكون حصل استقرار في الحياة في هذه الفترة مش ضروري خالص ....الموضوع رزق

ونجاح الانسان وتميزه ربنا كاتبه في لحظة معينة بشكل معين .....والحاجة الحلوة بتبقي حلوة بالحدث والتوقيت يعني ممكن حاجات لوجأت في توقيت مختلف متبقاش حلوة

وسأستعير جملة كنت سمعتها من محاضرة أمريكية (معالجة روحية) اسمها لويس هاي عندها 70سنة تقريبا ومرت بأشياءسيئة كثيرة في حياتها

كانت بتقول وعجبتني جدا هذه المقولة أنا عارفة أن هذا العقد وهذا العام هيكون أفضل فترة في حياتي .....سأكون أكثر جمالا وصحة وشبابا وتألقا وسعادة

أتمني لحضرتك كل الخير وسامحني أنا اعتبرت أني بأكلم نفسي

[Simba]

ربنا يخليكم كلكم

ويسعد ايامكم ويطيب قلوبكم اكثر ما هي طيبة :)

انا حقيقي اسم للجميع

وبعتذر لكل فرد باسم شخصه الكريم

كنت اتمني اني ارد علي كل مشاركة ,, لكن انا شايف انه مش وقته وتعاطفا مع الحدث القاسي والمرير للاخوة المسيحين ... فنأجل التهئنة لوقت تاني يكون فيه للفرحة مكان