اذهب إلى المحتوى
محاورات المصريين

شخبطة على دفتر المعانى


dr gml

Recommended Posts

1

كلام:

اتكلموا

من غير تردد أو ندم

دا الكلمة نورها بيختصر

سكة وصولنا لنفسنا

والضلمة ضل كبيييييير

للعدم

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صفر السكوت

مدهون غموض

كلمة خفية و مرعبة

بين السؤال و الاجوبة

بين الحقيقة الموجبة

وبين الغبا

لما نطق

لمع الجواب

خدنا ف مرة للسحاب

وف إيدنا حلم ومكتبة

ومرة سابنا مغمضين

جوة المتاهة السالبة

ومرة خلّى الشافعى

يفرد رجوله المتعبة

تم تعديل بواسطة dr gml
رابط هذا التعليق
شارك

د.جمال ..

اكمل فأنا متابعة..

ليست شخبطة .. هذه دروس تستحق الإنصات..

هذه الحروف ماهى الا حكايات وعبرات تستبقى الذهن يقظا وتحلق به.

متابعة ..

كن بخير :roseop:

لولا

طائره ورقيه

رياح شديده

خيط قصير

الطائره ليست بين السماء ولا الأرض

..هذه انا!!

لولا

رابط هذا التعليق
شارك

  • بعد 3 أسابيع...
د.جمال ..

اكمل فأنا متابعة..

ليست شخبطة .. هذه دروس تستحق الإنصات..

هذه الحروف ماهى الا حكايات وعبرات تستبقى الذهن يقظا وتحلق به.

متابعة ..

كن بخير wst::

لولا

أختى العزيزة

كيف أشكرك..؟

أنا سعيد بكلماتك الطيبة

ولك عظيم التحية

رابط هذا التعليق
شارك

2 نور وضلمة:

مش عارف

هل ضلى

اللى ف كل مكان متابعنى

حتة من روحى ومنى ؟

واللا نتيجة لرفض مرور الضى

من عتمة بدنى؟

طب لو مرة خدعنى وفات

هل معناها بقيت شفاف ؟

او معناها الجسم دا مات؟

وانا مش عارف

راح هاعمل ايه؟

لو نور الفجر ماجاش صحانى

ولا عارف

الضلمة هتعمل ايه ؟

لو فضلت

محبوسة ف مرة

ورا أجفانى

رابط هذا التعليق
شارك

  • بعد 2 أسابيع...

اللله عليك يا دكتور جمال ......استمر وفقك الله .....

.......

ومرة خلّى الشافعى

يفرد رجوله المتعبة

هل ضلى

اللى ف كل مكان متابعنى

حتة من روحى ومنى ؟

واللا نتيجة لرفض مرور الضى

من عتمة بدنى؟

.....ما شاء الله .....تشبيهاتك جميلة جدا يا دكترة.... :)

انما الامم الاخلاق ما بقيت .............. فان همو ذهبت اخلاقهم ذهبوا

...................................................................!

وعلمتنى الحياه اضحك لأحبابى

واضحك كمان للعدو علشان يشوف نابى

واخده كمان بالحضن لو خبط على بابى

فيحس انى قوى وميشفش يوم ضعفى.......

قناتى ع اليوتيوب ....

صفحتى ع الفيس بوك .....

رابط هذا التعليق
شارك

اللله عليك يا دكتور جمال ......استمر وفقك الله .....

.......

ومرة خلّى الشافعى

يفرد رجوله المتعبة

هل ضلى

اللى ف كل مكان متابعنى

حتة من روحى ومنى ؟

واللا نتيجة لرفض مرور الضى

من عتمة بدنى؟

.....ما شاء الله .....تشبيهاتك جميلة جدا يا دكترة.... :lol:

تواجدك فى صفحتى

هو الاجمل يا دكتور

ما أسعنى بالتواصل معك

لك تحيتى وامتنانى

رابط هذا التعليق
شارك

3

حدود:

هايم

فى ظلام المستحيل

ماشى ف سقيع الكون

حيران ومش لاقى السبيل

أعلى مدارك رؤيتك

إنك تشوف لون البفسج

وأقلها

لون الجراح

ورجعت مجهول المصير

خاسئ حسير

ياواهب الكون النسق

شيل الغطا

من فوق عينيه

واهديه ب آية

أو دليل

رابط هذا التعليق
شارك

4

مراية:

وقفت قدامها

عكست على وشى شعاع الشمس

غمضت

لقيت النور وصل جوة العيون

لعبت وياها لعبة المقاسات

واللون

سالتها عن صورة لامى وابويا

قالتلى يامسكين انا مش بافتكر ولا اشوف

انا لحظة منك

ان سبتنى هانساك

انا نظرة من عينك

ماتشوفش غير لسة معاك

رابط هذا التعليق
شارك

  • بعد 2 أسابيع...

5

? ______!

؟

ياعلامة للاسئلة

واقفة ف اخر السطر

بتطاطى ليه الراس

وحانية ليه الضهر

م الحيرة و اللا

كتر السؤال والقهر

افردى طولك

وبصى لفوق

تتحولى

!

لاداة

فيها العجب والفخر

رابط هذا التعليق
شارك

ياعلامة للاسئلة

واقفة ف اخر السطر

بتطاطى ليه الراس

وحانية ليه الضهر

م الحيرة و اللا

كتر السؤال والقهر

افردى طولك

وبصى لفوق

تتحولى

!

لاداة

فيها العجب والفخر

ومين قال انها إداة الفخر

ده فيها إداة فيها الحيرة والقهر

لما تبقي الحقيقة زي نور الضهر

وناس تقلبها لظلم مر

وتقلب التمر لخمر

لما تحلف انك طيب

ويقولوا انت اصل الشر

ولما .. ولما حاجات كتير

هنقول ايه

نحذف الاداة

ونقول لله الأمر

رابط هذا التعليق
شارك

ياعلامة للاسئلة

واقفة ف اخر السطر

بتطاطى ليه الراس

وحانية ليه الضهر

م الحيرة و اللا

كتر السؤال والقهر

افردى طولك

وبصى لفوق

تتحولى

!

لاداة

فيها العجب والفخر

ومين قال انها إداة الفخر

ده فيها إداة فيها الحيرة والقهر

لما تبقي الحقيقة زي نور الضهر

وناس تقلبها لظلم مر

وتقلب التمر لخمر

لما تحلف انك طيب

ويقولوا انت اصل الشر

ولما .. ولما حاجات كتير

هنقول ايه

نحذف الاداة

ونقول لله الأمر

شكرا أخى الفاضل

على الاهتمام

وعلى الاضافة الجميلة

مع التحية والامتنان

رابط هذا التعليق
شارك

  • بعد 6 سنة...

فقد:

أجلت حلمي حتي

حتي أري

أو   أري رؤية 

فتاخرت 

وتبخرا 

قالوا 

اذن  لم تغلق عينيك دوما؟  

فاجبتهم 

حتي اري 

ابيعكم كل شئ بعين 

قالوا   لكل وقت حلمه 

انها (اشياء لا تشتري) 

رابط هذا التعليق
شارك

  • بعد 3 شهور...

لا أبرر الآثام.

فهى أشياء لا تبرر.

لا تبرير لآثام أو جرائم لا يبررها أو يقرها قانون ولكن.. هل من العدل أن ننصف فاسداً كاذباً متجملاً على حساب من صدق فى إظهار قبحه ؟؟

لا

والف لا 

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك

  • بعد 11 شهور...

السما والارض

والناس صناديق السر

ليهم  لتننين


 

زي نواية النخل

نصين

نص بيضرب جدر

والتاني يبص لفوق

للهوا والبوح

 

(مشاوير مرسومة لخطاوينا)

باجي واروح

تركيبة  بتجمع

كل خواص المادة

ونسيم  الروح

زهرة وقبر

غنوة وصمت

ضحك و موت

 

والموت دايم  حي

مستني بصبر

علي سكة قطر العمر

اه يا معادلة عجيبة

ولامة  كل الاضدادعلي سطر

لكن ف نهاية الامر

السهم مابين طرفينك هيروح

 مدبوح

ف ارجع من تاني

حاجتين

جزء سماوي بيتحرر

شايل وياه اسراره

للرب الخالق سبحانه

والتاني الارض بتختاره  

وبيفضل دايما ف مكانه

ذكري وتراب وجروح

  • أعجبني 3
رابط هذا التعليق
شارك

البوح وجع..

يا نقى الروح .

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

لسه القلم قادر ع الشخبطة

غارس جذوره ف مداد الصفا

 أسعدتني اطلالتك

وابهجني حضورك

تحية بحجم السحر المكنون

 والعبق المنثور

وقولوا للناس حسنا

رابط هذا التعليق
شارك

الفاضلة مدام سلوي

الصديق د.فولان

السحر الذي وجدته اليوم

وكنت ابحث طويلا عنه

هو انكم مازلتم هنا

كلماتكم اثارت ذكريات وشجون ايام وحروف واشخاص عرفتهم علي صفحات المحاورات

وتركوا بالغ الاثر علي بوحي وروحي

كم انا سعيد

 

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 0
      المأذون الشرعى إحدى المهن ذات الطابع الخاص فالدفتر والجبة والقفطان هى الصورة التى رسمت للمأذون فى خيالنا وقعرض الصفحة
    • 1
      هذا سؤال أرسله الفاضل  MAKER    في صورة بلاغ الي فريق المشرفين ... عسي ان يجد ردآ ممن له خبرة في تلك المسائل    فقدت دفتر تربتك سيارتى اثناء خروجى من جمرك ميناء البحر الاحمر الغردقه قادم من ميناء ضبا بالسعوديه ولم استطيع الحصول عليه اتمنى معرفه الحل او معرفه كيفيه استرجاع هذا الدفتر ضروووورى
    • 4
      بينما يلملم 2010 اخر اوراقه استعدادا للرحيل عنا الى الابد فهو بذلك لا يكون يطوى صفحه عام مر على البشريه و لكنه و فى ذات الوقت يكون ينهى عقد كامل من تاريخها عشر سنوات تنقضى بانقضاء 2010 و بالتاكيد فان بدايتها لا يشابهه نهايتها ابدا احداث كثيره حدثت نجوم علت و اخرى افلت اختراعات ظهرت و تقنيات توسع استخدامها بحيث اصبحت من عصب المعيشه الحاليه احداث سياسيه و هزات اقتصاديه و نكبات طبيعيه عشر سنوات من عمر البشريه بالتاكيد حافله بالاحداث و التغيرات لما لا نرصدها سويا كتوثيق بسيط لها دعونا نجمع
    • 0
      فقدت دفتر تربتك سيارتى اثناء خروجى من جمرك ميناء البحر الاحمر الغردقه قادم من ميناء ضبا بالسعوديه ولم استطيع الحصول عليه اتمنى معرفه الحل او معرفه كيفيه استرجاع هذا الدفتر ضروووورى
    • 1
      خلاصة الموضوع...أولا-كان شاة ايران محمد رضا بهلوي ديكتاتورا و عميلا لامريكا و اسرائيل لا شك في ذلك وكان يقوم بدور شرطي منطقة الخليج لصالح الولايات المتحدة و اسرائيل و قد ساعده الغرب لاقامة جيش قوي جدا ولا يمكن أن يتصور أن تسقط أمريكا الشاة من أجل الخوميني لان 1- كيف تستطيع أمريكا تأليب الشارع الايراني ضد الشاة و كان كل شعب ايران يكره امريكا و كذلك تأليب الشعب ضد الشاه كان معناه تأليب الرأي العام ضد امريكا نفسها و هذا غير منطقي أبدا 2- خسرت امريكا و اسرائيل حليفا لا يعوض و مصالح حقيقية في ايران ب
×
×
  • أضف...