طريقة عمل القهوه السعودي.....ممكن؟

[rewsha]

كنت عاوزه اعرف طريقه عمل القهوه السعودي ازاي؟

يعني بنغليها كده وخلاص .وله ليها طقوس معينه .ومقادير معينه؟

ممكن لو حد يعرف الطريقه والمقادير يقول لي ؟

وياربت كمان لو يكتب لي اجيب البن بتاعهم منين وماركته اسمها ايه؟ :lol:

تم تعديل 17 يناير 2010 بواسطة rewsha

[fatfouta]

يعنى تعرفى تعملى الفسيخ وماتعرفيش تعملى القهوة

بصى انا معرفش اعملها لانى مش بحبها بحس انها ذى اليمون المغلى كده... لكن انا بجيبها لاخواتى فى مصر عشان هما بيحبوها اوى

هقولك منين....عندك فى الملز فى شارع الاربعين وانتى داخله من عند المستشفى الوطنى كده هتلاقى محمصة مش فاكرة اسمها تقريبا (محمصة الستين) دى بنجيب منها والقهوة بتاعتها حلوة اوى ونظيفة

وفى اى محمصة نظيفة من اللى بيبقوا ليهم فروع داخل المولات او الهايبر ماركت ذى بندا وكده برضو هتلاقى

لكن الطريقة معرفش والله

[rewsha]

ايه ده؟

هوه انا بقيت معروفه قوي كده؟؟؟ :)

بصراحه البركه في ماما .هيه اللي علمتني طريقه الفسيخ . :rolleyes:

نيجي بقه للقهوه

بصراحه انا كنت فاكره انها بتتغلي في الميه علطول كده .لكن لقيت واحده جارتي مصريه بتقول لي لاْ دي ليها طريقه معينه :blush2:

فقلت اساْل يمكن الاقي اجابه لسؤالي هنا .

كمان جارتي دي عملتها مره ودوقتهالي وبعدين سافرت مصر بعدها بيومين يالظبط .ومالحقتش اساْلها عن الطريقه

[se_ Elsyed]

وفي العثيم وبنده في قسم البهارات والحركات وهما بيطحنوها أمامك ويبيعوها لك محوجه بالهيل - الحبهان - كمان لو حبيتي

هي سهله عمايلها بصراحه

بس شوفي هي لها أسرار ... العبد لله أستاذ في عمايلها .. بس لما يكون مزاجي رايق

- أول سر إنك تشتري البن بتاعها مطحون من غير أي أضافات للبهارات

- تاني سر .. تجيبي الحبهان حب سليم كده وتخليه عندك .. له استخدامات عديده في المطبخ الحديث

- تالت سر طريقة الصنع بقى ... تغلي لتر ميه وبعدين تضعي عليه قيمة 4 معالق بن مطحون او فنجان صغير يعني عشان الفكرة توصل ...

خلي بالك لحد دلوقت ما حطناش اي بهارات ...

وتسيبي الخليط ده يغلي مع نفسه على نار هاديه ييجي عشر دقايق قولي ربع ساعه ...

بعد كده تطفي النار وتسيبي الموضوع يهدا والقهوة تنزل تحت في البراد ... اوكي ؟

تروحي بقى جايبه التُرمس وتصبي فيه القهوه ... وتكوني بقى محضره معلقتين شاي صغيرين حبهان محطون ... أطحنيه طازه بطازه عند الحاجه ... عشان ريحته وعطره يبقى فيه .. وتضعيهم في الترمس ...

- السر الرابع .. تكوني شاريه زعفران ... هو غالي شويه بس حدوته بصراحه ... وتحطي يادوب .. زعفرننايه أو زعفرانانيتين ...

قولي أتنين او تلاته وبلاش الحاجات المكلكعه دي ...

وتشربيها بقى مع تمر أو حاجه مسكره زي الكيك او الحاجات دي ..

اوعي تحطي عالقهوة دي سكر .. هي بتتعمل كده من غير سكر ..

بس ظريفه وصحية لأن البن ما بيبقاش محمص ولا محروق والواحد وهو قاعد بيضرب له ييجي 5 فناجين

بس طبعاً لا غنى عن البن التركي المحمص بتاع المزجانجيه

خلي بالك ساعات لما بتحطي القهوة في الترمس بيفرقع بعد شويه زي ما حصل فيه من أسبوعين ... :blush2: :rolleyes:

[rewsha]

بصى انا معرفش اعملها

هقولك منين....عندك فى الملز فى شارع الاربعين وانتى داخله من عند المستشفى الوطنى كده هتلاقى محمصة مش فاكرة اسمها تقريبا (محمصة الستين) دى بنجيب منها والقهوة بتاعتها حلوة اوى ونظيفة

وفى اى محمصة نظيفة من اللى بيبقوا ليهم فروع داخل المولات او الهايبر ماركت ذى بندا وكده برضو هتلاقى

لكن الطريقة معرفش والله

دي وصفه سهله .دي وصفه هايله .تمشي كده علطول علطول .لحد ماتلاقي............ززز (محمصه مش فاكره اسمها) :rolleyes:

عموما ميرسي ليكي قوي يا فتفوته انك وصفتي لي مكان المحمصه

كده بقه لسه الطريقه

ها؟

مين هايقول هات؟

قصدي مين هايقول الطريقه؟ :blush2:

[rewsha]

وفي العثيم وبنده في قسم البهارات والحركات وهما بيطحنوها أمامك ويبيعوها لك محوجه بالهيل - الحبهان - كمان لو حبيتي

هي سهله عمايلها بصراحه

بس شوفي هي لها أسرار ... العبد لله أستاذ في عمايلها .. بس لما يكون مزاجي رايق

- أول سر إنك تشتري البن بتاعها مطحون من غير أي أضافات للبهارات

- تاني سر .. تجيبي الحبهان حب سليم كده وتخليه عندك .. له استخدامات عديده في المطبخ الحديث

- تالت سر طريقة الصنع بقى ... تغلي لتر ميه وبعدين تضعي عليه قيمة 4 معالق بن مطحون او فنجان صغير يعني عشان الفكرة توصل ...

خلي بالك لحد دلوقت ما حطناش اي بهارات ...

وتسيبي الخليط ده يغلي مع نفسه على نار هاديه ييجي عشر دقايق قولي ربع ساعه ...

بعد كده تطفي النار وتسيبي الموضوع يهدا والقهوة تنزل تحت في البراد ... اوكي ؟

تروحي بقى جايبه التُرمس وتصبي فيه القهوه ... وتكوني بقى محضره معلقتين شاي صغيرين حبهان محطون ... أطحنيه طازه بطازه عند الحاجه ... عشان ريحته وعطره يبقى فيه .. وتضعيهم في الترمس ...

- السر الرابع .. تكوني شاريه زعفران ... هو غالي شويه بس حدوته بصراحه ... وتحطي يادوب .. زعفرننايه أو زعفرانانيتين ...

قولي أتنين او تلاته وبلاش الحاجات المكلكعه دي ...

وتشربيها بقى مع تمر أو حاجه مسكره زي الكيك او الحاجات دي ..

اوعي تحطي عالقهوة دي سكر .. هي بتتعمل كده من غير سكر ..

بس ظريفه وصحية لأن البن ما بيبقاش محمص ولا محروق والواحد وهو قاعد بيضرب له ييجي 5 فناجين

بس طبعاً لا غنى عن البن التركي المحمص بتاع المزجانجيه

خلي بالك ساعات لما بتحطي القهوة في الترمس بيفرقع بعد شويه زي ما حصل فيه من أسبوعين ... :blush2:

شكرا جزيلا ( للعلامه ) س س ....................... بوضع شده بفتحه على اللام

(’معلم) يعني ........يييييه.................. مش باعرف اكتب تشكيل على الحروف :) :wub: :

المهم يعني متشكرين قوي على طريقة القهوه دي :rolleyes:

وهاضيف لك بقه معلومه علشان الترمس ما يفرقعش تاني wst::

لما تحط حاجه في الترمس .ماتقفلش الغطاء علطول خصوصا لو كانت الحاجه دي سخنه قوي علشان البخار والضغط بتاعه جوه الترمس ممكن يخليه يفرقع زي ماحصل معاك من اسبوعين

بس من الواضح ان حضرتك كنت مستعجل وانت بتحط القهوه في الترمس وقفلت عليها بسرعه وهيه سخنه .علشان كده الترمس فرقع

عموما

مايقع الا الشاطر :)

وماحدش بيتعلم ببلاش

المره الجايه ماتحطش القهوه في الترمس .وهيه سخنه قوي wst::

[rewsha]

آآآآآآآآآآآآآآه .نسيت اقول لك يا سي السيد

انك لو حطيت القهوه سخنه في الترمس ...........هايعمل بووووووووم ....ويفرقع :blush2:

ولو القهوه كانت سخنه قووووووووووووووي ..........برضو الترمس هايفرقع

اما بقه لو قفلت عليها بسرعه وهيه سخنه ...........هاتفرقع برضو :rolleyes:

(وش اشرف عبد الباقي )

[بركة]

الترمس عشان مايفرقعش

نصب فيه الحاجة مهما كانت سخنة جدا ما فيش مشكلة بس المهم

ما نقفلش الغطاء بإحكام نسيبو مهوي شويتين قد 5 دقائق وبعدين نقفله جامد

وان شاء الله كله هيبقى تمام.. :rolleyes:

[rewsha]

ميرسي يا بركه على المعلومه بتاعت الترمس دي

بس تعالي انا وانت نمسك ايد بعض ونطلع من هنا جررررررررري

لاحسن سي السيد يدخل ويفتكر اننا بنجرسه (ونسيحله علشان موضوع الترمس ده)

اصل انا وانت سيبنا القهوه ومسكنا في الترمس اللي اتكسر :closedeyes:

[Folana]

السلام عليكم ورحمة الله....

أنا أول ما قرأت العنوان ..قلت أدخل أشرب لى كام فنجان...حيت انى من عشاق القهوة العربى..او السعودى (مش الاتنين واحد؟ )...

فكرتونى بأيام رمضان الجميلة فى الحرم...أحب جدا اتسول لى كام فنجان قهوة أفطر عليهم مع التمر....والغريب ان مافيش طعم بيكون زى التانى..مش عارفة ليه السبب...هل الاختلاف ده يرجع لنوع البن نفسه..ولا الصنعة..ولا النَفَس؟..:)

ولانى من عشاقها بطريقة مش طبيعية...فدائما ما احمل التموين معايا من هناك.....وبأشترى البن من محلات اسمها "الرفاعى".....او "النقلى"..مش متأكده من الاسم الاخير ده ....وباشترى معاها "بهار القهوة...مكتوب عليها "خلطة حائل"...مكوناتها عبارة عن..(حبهان - زعفران - قرنفل - خليجان ؟ - شعير - قهوة تركى )

لكن اجمل قهوة عملتها بنفسى..كنت اشترتها من بن داوود جاهزة اظن اسمها قهوة البادية ...دى تشبه كتير اللى باشربها هناك...بيكون البن معبأ فى كيس..والبهار فى كيس ويحضر بنفس الطريقة اللى ذكرها سى السيد...ده سهل قوى الحقيقة وطعمها ممتاز

وده رابط موضوع لعمل القهوة للفاضل أبو الاسيان ومدعم بالصور كمان ...:)

http://www.egyptiantalks.org/invb/?showtopic=64844

نروح نشوف موضوع الفسيخ بقى..:yahoo:

تحياتى

:closedeyes:

[بندق أفندى]

بس حبيت أدخل أخبط فى الكنك ..

هأقولك على طريقة طنط فيفى .. وهى مصرية كانت متزوجة من سعودى رحمها الله .. كانت الطريقة بسيطة وتحفة .. ومن سنين طويلة بأستخدمها ..

من العصر لو هنفطر عليها فى رمضان يعنى ..

نجرش الهيل (حوالى 4 ملاعق كبار) ونضعهم فى التورموس (مجروش) آه والله .. وممكن التورموس يكون ساتانلس عشان ما يتفجرش (اول مرة بصراحة اسمع عن تورموس انفجر)

ونصب عليه ماء بيغلى .. ونقفل عليه ..

قبل المغرب ييجى بنص ساعة نجيب كنكة قهوة كبيرة ونحط عليها ملعقة بن عربى (قد كده .. بين أصبعى طنط فيفى وهى تحكى رحمها الله) يعنى معلقة كبيرة واخدة حقها أوى ..

نغليها ييجى 7 دقايق ونص ومعاها عودين زعفران ايرانى أو اسبانى نخب أول ونصبها فى التورموس .. مع الماء التهيل أو الحبهان الغرقان

وعلى قدر التورموس نكرر ركوة القهوة المغلية .. بحيث يكون تقريبا القهوى 20% من الماء ابو هيل ولا حبهان

رحم الله هذه السيدة بجد علمتنى شئ عبقرى فى القهوة التركى ..

زميلة أخرى حضرمية كانت تصنعها لنا .. بالظبط زى الشاي التلقيمة .. تحط القهوة فى الدلة (الركوة) معها زنجبيل مطحون وعودين زعفران كمان .. وأول ما تغلى ترفع من على النار (بس ترفع) ودى حاجة تانية لها طعم مختلف وعبقرى ..

أرجو أن تكون اضافة مفيدة

[se_ Elsyed]

وده رابط موضوع لعمل القهوة للفاضل أبو الاسيان ومدعم بالصور كمان ...:blink:

http://www.egyptiantalks.org/invb/?showtopic=64844

:ninja:

وكتاب الله نسيت الموضوع ده يا فلانه

ياااااااااااااه

ده انا هيست تهييس يا جدعان

انا عايز اعين حد بمرتب 1500 دولار مبدئياً يلم ورايا المواضيع والمداخلات ويأرشفهم ويأيفهم ... وأكله وشربه عليه .. وكمان كسوة شتوية .. واخرى صيفيه ... ها مين قال انا ؟

ميرسي يا فلانه باشا على رابط الموضوع

بالمناسبة

فاكره كام بيت الشعر اللي بعتتهم لك في عيد ميلادك مع سطل جهوه ؟

يا ما حلا يا عبيد في وقت الاسحار

جر الفراش وشب ضو المناره

معدلة تجذا على صالي النار

ونجر الى حرك تزايد عياره

النجرب طق وجاذب كل مرار

مالفه الملفوف من دون جاره

في ربعة ماهيب تحجب عن الجار

لامن ولد اللاش ما شب ناره

الغريبة ان لحد دلوقت بسأليني .. يعني إيه " النار "

[rewsha]

ميرسي مدام فولانه :ninja: .

طب انا دلوقتي عرفت اسماء المحلات ...(.الرفاعي او النقلي)....بس ياترى دول بقه عنوانهم فين بالظبط؟ :shs:

اصل انا يا جماعه ........جديده في الرياض

واخر حدودي اللي اعرفها .....العثيم اللي في شارع الستين :lol:

ممكن اتقل عليكي واعرف مكان الرفاعي او النفلي ده ,.........علشان اروح اجيب البن من هناك........... :blink:

http://www.egyptiantalks.org/invb/?showtopic=64844

نروح نشوف موضوع الفسيخ بقى..:sad:

تحياتى

wst::

تم تعديل 18 يناير 2010 بواسطة se_ Elsyed

[se_ Elsyed]

الرفاعي فروعه كتير جداً يا فندم

منها في شارع الستين

وفي واحد تاني جنب اكسترا اللي في الملك عبد العزيز وتحديداً جنب ساكو

وبعدين إيه ده ؟

معقول حد عايش في الرياض وماعندوش نافيجيتور او GPS وبالتالي أول ما تكتبي " الرفاعي " يجيب لك فروعه كلها عند أخمص قدميكي ؟

مش مسدق !!!! :ninja:

النوقلي ده ولا النوفلي ما أعرفوش ولا خدناه في طبق اليوم

وفي كمان محلات المهباج

ودول مأجرين في بنده وهايبرات أخرى

[rewsha]

بس حبيت أدخل أخبط فى الكنك ..

هأقولك على طريقة طنط فيفى .. وهى مصرية كانت متزوجة من سعودى رحمها الله .. كانت الطريقة بسيطة وتحفة .. ومن سنين طويلة بأستخدمها ..

من العصر لو هنفطر عليها فى رمضان يعنى ..

نجرش الهيل (حوالى 4 ملاعق كبار) ونضعهم فى التورموس (مجروش) آه والله .. وممكن التورموس يكون ساتانلس عشان ما يتفجرش (اول مرة بصراحة اسمع عن تورموس انفجر)

ونصب عليه ماء بيغلى .. ونقفل عليه ..

قبل المغرب ييجى بنص ساعة نجيب كنكة قهوة كبيرة ونحط عليها ملعقة بن عربى (قد كده .. بين أصبعى طنط فيفى وهى تحكى رحمها الله) يعنى معلقة كبيرة واخدة حقها أوى ..

نغليها ييجى 7 دقايق ونص ومعاها عودين زعفران ايرانى أو اسبانى نخب أول ونصبها فى التورموس .. مع الماء التهيل أو الحبهان الغرقان

وعلى قدر التورموس نكرر ركوة القهوة المغلية .. بحيث يكون تقريبا القهوى 20% من الماء ابو هيل ولا حبهان

رحم الله هذه السيدة بجد علمتنى شئ عبقرى فى القهوة التركى ..

زميلة أخرى حضرمية كانت تصنعها لنا .. بالظبط زى الشاي التلقيمة .. تحط القهوة فى الدلة (الركوة) معها زنجبيل مطحون وعودين زعفران كمان .. وأول ما تغلى ترفع من على النار (بس ترفع) ودى حاجة تانية لها طعم مختلف وعبقرى ..

أرجو أن تكون اضافة مفيدة

يااااااه .الشيف بندق بحاله عندنا هنا .........يامراحب يامراحب

ميرسي لك يا استاذ بندق على الوصفه الهايله دي (بس هايله يعني جميله )مش علشان هانحط فيها هيل يعني

هاجربها واقول لكم على النتايج md2:

[rewsha]

وبعدين إيه ده ؟

معقول حد عايش في الرياض وماعندوش نافيجيتور او GPS وبالتالي أول ما تكتبي " الرفاعي " يجيب لك فروعه كلها عند أخمص قدميكي ؟

مش مسدق !!!!

هم اليومين دول خلوا الGPSمن شروط السكن في الرياض السنه دي ؟؟؟؟

بس والله ماحد قال لي !!!!!!!!!

وبعدين احنا طلعنا الاقامه خلاص يمكن يطلبوه مننا السنه الجايه؟ md2:

[engmido]

مفيش نسكافيه؟؟؟؟؟؟؟؟؟؟

[rewsha]

وبعدين إيه ده ؟

معقول حد عايش في الرياض وماعندوش نافيجيتور او GPS

مش مسدق !!!! :lol:

.....

se Elsyed

مفيش نسكافيه؟؟؟؟؟؟؟؟؟؟ :lol:

نسكافيه!!!!!!!! :waf:

انا متهياْلي سمعت الاسم ده قبل كده ....بس فين؟......فين.....؟

اللي اعرفه ان سكان الرياض دلوقتي لازم يكون عندهم GPS.....ويكونوا بيشربوا ....كابتشينو.........والا هايسحبوا منهم الاقامه :sad:

تم تعديل 19 يناير 2010 بواسطة rewsha

[Folana]

السلام عليكم ورحمة الله...

بصراحة يا rewsha أنا كل معلوماتى عن الرياض أنها عاصمة المملكة العربية السعودية...ويديرها من الباطن العُمدة المفوض أبو الأسيان..

أنا شغالة على خط (المدينة - جدة ، مكة - جدة).....

الرفاعى اللى بأروحه ..فى المدينة فى الراشد ميجا مول...المحل نفسه أمام كارفور على طول.....أضيف ان الزعفران عنده جيد جدا...وكمان عنده لب متأزأز جاهز...حقيقى.. :yahoo:

لب ابيض بدون قشر....وده حل لى عقدة طفولتى ايام ماكنت بأكل اللب بقشره...

بالنسبة "للنقلى" (ن - ق - ل -ى )...ده فى مكة فى شارع الستين...متخصص فى الشوكولا والملبسات وانواع البن ....ذهبت اليه مرة واحدة فقط فى رمضان الماضى بتوصية من احداهن ( مش حأقدر اقول اسمها دلوقت :yahoo: )....والبن التركى المحوج عنده حكاية

كان نفسى أفيدك.... :yahoo:

:lol:

[بندق أفندى]

السلام عليكم ورحمة الله...

بصراحة يا rewsha أنا كل معلوماتى عن الرياض أنها عاصمة المملكة العربية السعودية...ويديرها من الباطن العُمدة المفوض أبو الأسيان..

أنا شغالة على خط (المدينة - جدة ، مكة - جدة).....

الرفاعى اللى بأروحه ..فى المدينة فى الراشد ميجا مول...المحل نفسه أمام كارفور على طول.....أضيف ان الزعفران عنده جيد جدا...وكمان عنده لب متأزأز جاهز...حقيقى.. :happy:

لب ابيض بدون قشر....وده حل لى عقدة طفولتى ايام ماكنت بأكل اللب بقشره...

بالنسبة "للنقلى" (ن - ق - ل -ى )...ده فى مكة فى شارع الستين...متخصص فى الشوكولا والملبسات وانواع البن ....ذهبت اليه مرة واحدة فقط فى رمضان الماضى بتوصية من احداهن ( مش حأقدر اقول اسمها دلوقت wst:: )....والبن التركى المحوج عنده حكاية

كان نفسى أفيدك.... wst::

:closedeyes:

ألا ليت الشباب يعود يوما ..

آه يا أيام ضاعت أيام كان اللب بيتقشر ليا .. مانيوال .. ومفيش حباية مكسورة .. وكمية كبيرة مشبعة