سؤال الى خبراء السفارات المصريه

[MZohairy]

مهنتي القديمه يا جماعة الخير في الجواز المصري هي محاسب بقطاع البنوك

هل ممكن اروح السفاره اخليها محاسب فقط؟؟؟

[هيشو]

نفس السؤال

بس انا حظي أحلي

انا سباك و عاوز اخليها مهندس طيران

[MZohairy]

نفس السؤال

بس انا حظي أحلي

انا سباك و عاوز اخليها مهندس طيران

بتتكلم جد؟ :sad:

بس متهيألي لو معاك شهادات تثبت الكلام ده يبقى مفيش مشاكل

انما انا محاسب في الحالتين و عايز اشيل التخصص القديم بس

هل ينفع؟

[Diab]

لما طلبت اغير المهنة في الباسبور يا زوهيري طلبوا اني اغيرها في البطاقة الأول

والبطاقة بتاعتنا مبتتغيرش المهنة غير بتصديق النقابة

مش عارف هل نفس الكلام عندكم يا نقابة التجاريين ولا لأ

[أبو هريدي]

السلام عليكم عندي سؤال وأعتذر عن استخدام الرد لأني معنديش صلاحية بدء موضوع جديد.

سؤالي هو في حالة الخروج النهائي ونية العودة على عمل آخر بعد فترة قصيرة هل يجب بيع السيارة وغلق الحساب في البنك وترك الشقة المؤجرة بما يستلزم بيع العفش؟

وجزاكم الله كل خير

[MZohairy]

مهنتي القديمه يا جماعة الخير في الجواز المصري هي محاسب بقطاع البنوك

هل ممكن اروح السفاره اخليها محاسب فقط؟؟؟

شكرا يا ديابيبو على الرد

هل فيه حد عنده معلومه يا جماعه؟

شكرا

[drmedo]

مهنتي القديمه يا جماعة الخير في الجواز المصري هي محاسب بقطاع البنوك

هل ممكن اروح السفاره اخليها محاسب فقط؟؟؟

بص ياسيدي فعلا زي ما دياب قال علشان تغير المهنة في الجواز لازم تغيرها في الرقم القومي

نرجع للرقم القومي مهنة محاسب بتحتاج الى 3 اختام على الاستمارة بعدها تقدر تطلعها حسب الاختام

هتقولي ازاي هقولك

مينفعش تطلع في بطاقة الرقم القومي محاسب بس الا لو كنت محاسب قانوني معتمد من وزارة التجارة والصناعة

ولو مش محاسب قانوني

ممكن تطلعها محاسب لدى شركة مثلا دي عادي بتحتاج ختم العمل وختم التامينات الاجتماعية وختم نقابة التجاريين( لازم تكون مشترك في النقابة ) على استمارة الرقم القومي + صورة من شهادة البكالوريوس

ولو انت بتشتغل محاسب في السعودية مثلا ممكن تطلعها محاسب عام بالخارج ودي بتحتاج عقد عمل موثق من وزارة القوى العاملة والسفارة المصرية بمهنة محاسب عام وختم النقاية بس

دي المعلومات اللي عندي عن خبرة في تغيير المهنة داخل مصر بمهنة محاسب يارب اكون افادتك

[MZohairy]

ولو انت بتشتغل محاسب في السعودية مثلا ممكن تطلعها محاسب عام بالخارج ودي بتحتاج عقد عمل موثق من وزارة القوى العاملة والسفارة المصرية بمهنة محاسب عام وختم النقاية بس

دي المعلومات اللي عندي عن خبرة في تغيير المهنة داخل مصر بمهنة محاسب يارب اكون افادتك

اشكرك شكرا جزيلا

يعني لو بشتغل خارج مصر ممكن اجيب عقد عمل بمهنة محاسب عام مثلا من الشركه و اروح اوثقه من السفاره المصريه و خلاص؟ ولا لازم ابعت العقد ده لوزارة القوى العامله في مصر للتوثيق و بعدين ارجع تاني للسفاره لتغيير المهنه؟

شكرا

[se_ Elsyed]

إنت وقعت من السما وأنا أستلقفتك يا زهرهر

بص يا عم الموضوع زي شكة الدبوس

حيث إنما إنت في الرياض

فخد خطاب من غير ختم غرفة تجارية ولا غرفة الغاز ... وخلي الكفيل يقول إنه لا مانع من تغيير مهنة المدعو إلى كذا ... وأطلع بيه على سفارتنا في الحي الدبلوناسي ... بس قبل الساعة 11 .. ومعاك أصل الشهادة والجواز طبعاً ...

وهاتغيرها على طول من مشاكل ولا رقم قومي ولا رقم كودي حيث إنك خارج المملكة ...

أنا عملت كده على فكره

غيرتها محاسب ...

جيت أغيرها في الأقامة قالوا لي المحاسب متسعودة ...

قلت لهم إيه الموجود عندكم ؟

كان ساعتها في فراخ ومندوب مبيعات ..

غيرتها في الأقامة مندوب مبيعات وأمري لله

والله يا زهيري زي ما بأقول لك

فبقيت عندي أنفصال في السخصية

في الجواز محاسب وفي الأقامة مندوب مبيعات

لدرجة جيت أغير الجواز من سنتين في مصر فبتوع الجوازات سألوني : إنت مين ؟

إنت ليفي كوهين ولا جون دارلنج ؟

[عنبو]

طيب سؤال هو بعد لما يغير المهنه فى الجواز هل هتتغير فى نفس الجواز ولا هياخد جواز جديد

[هيشو]

لأ انا مش طيار

لكني مبرمج كمبيوتر

دي الحقيقة المرة

لكني اصبحت عضو في نقابة السباكين علشان آخد الفيزا

و علي فكرة مش زعلان و لا مضايق عادي خالص

المهم

في سؤال مهم

انا لما باسبوري مدتة تخلص و عاوز اجددة من مصر

الفيزا بتتحط تاني علي الجواز او الخروجح و العودة يعني

و برضة آسف اني خرجحت عن الموضوع لكن للأسف مليش صلاحية فتح مواتضيع جديدة\

منهم لله عملوا الأكاونت بس شالوا منه الفتاحة

[MaYousof]

لو معاه الجواز القديم وصفحة 9 بتاعت الملاحظات فيه فاضية هيعملوا التغير فيها ويختموله نسر ويكتبوله "انظر ص 9" جنب الوظيفة القديمة

له معاه الجواز الجديد بيطلع جواز تاني بداله ويختموله الأولاني لاغي ويسلموه الإتنين

[MaYousof]

لأ

بتستعمل الإتنين, المنتهي بتثبت بيه الفيزا والجديد عشان تاخد أختام الخروج والدخول

لما بترجع بتسلم الإتنين للكفيل عشان تغيير بيانات الإقامة برقم الجواز الجديد

بعد كده بتاخد الخروج والعودة على الجديد وتنسى المنتهي

[se_ Elsyed]

طيب سؤال هو بعد لما يغير المهنه فى الجواز هل هتتغير فى نفس الجواز ولا هياخد جواز جديد

يا عم هي كيميا حيويه ؟

المهنة تغيرها 100 مره في نفس الجواز طالما في براح وصفحات فاضية

بس خلاص

بالمناسبة ...

مش شرط تغيير المهنة في الجواز عشان تغيرها في الأقامة

بدليل

جوازات جنسيات كتير جداً لا بيكتبوا المهنة ولا الديانة في الجواز

[geeemooo]

إنت وقعت من السما وأنا أستلقفتك يا زهرهر

بص يا عم الموضوع زي شكة الدبوس

حيث إنما إنت في الرياض

فخد خطاب من غير ختم غرفة تجارية ولا غرفة الغاز ... وخلي الكفيل يقول إنه لا مانع من تغيير مهنة المدعو إلى كذا ... وأطلع بيه على سفارتنا في الحي الدبلوناسي ... بس قبل الساعة 11 .. ومعاك أصل الشهادة والجواز طبعاً ...

وهاتغيرها على طول من مشاكل ولا رقم قومي ولا رقم كودي حيث إنك خارج المملكة ...

أنا عملت كده على فكره

غيرتها محاسب ...

جيت أغيرها في الأقامة قالوا لي المحاسب متسعودة ...

قلت لهم إيه الموجود عندكم ؟

كان ساعتها في فراخ ومندوب مبيعات ..

غيرتها في الأقامة مندوب مبيعات وأمري لله

والله يا زهيري زي ما بأقول لك

فبقيت عندي أنفصال في السخصية

في الجواز محاسب وفي الأقامة مندوب مبيعات

لدرجة جيت أغير الجواز من سنتين في مصر فبتوع الجوازات سألوني : إنت مين ؟

إنت ليفي كوهين ولا جون دارلنج ؟

الأخ الكريم سى السيد

انا عاوز اسألك سؤال بصفتك راجل ذو خبرة كبيرة انا دلوقتى محاسب وهاشتغل فى السعودية فى شركة مقاولات وجالى فيزة نجار مسلح هل ممكن اغير المهنة لما اسافر الى محاسب (امبارح انا كلمت كفيلى وقالى انه غير المهنة لواحد بشتغل فى نفس الشركة الى محاسب ) هل لسة فيه امكانية لتغيير المهنة اصل انا مهتم جدا بتغير المهنة عشان امرين مهمين جدا اولهم الأستقدام وثانيهم المسمى الوظيفى ( نجار مسلح ) مسمى ما يعلم بيه الا ربنا جاوبنى ربنا يخاليك

[aboueyad alex]

الأخوة الكرام

إستفسار أنا تأشيرتى محاسب عام لما تطلع الإقامة حتفضل محاسب عام ولا حتتغير عشان متسعودة

[drmedo]

الأخوة الكرام

إستفسار أنا تأشيرتى محاسب عام لما تطلع الإقامة حتفضل محاسب عام ولا حتتغير عشان متسعودة

المهنة في الاقامة تطابف المهنة في التاشيرة يعني المهنة في الاقامة هتطلع محاسب عام

[Guest محسن عبد الصبور]

لو سمحت المهنه في الباسبور بكالوريوس تجاره والمكتب قالي هات 10000 جنيه وانا اخلصهالك هل ممكن يظبطها فعلا ولا دا اي كلام