اذهب إلى المحتوى
محاورات المصريين

حد هنا بيحب الفسيخ....؟


rewsha

Recommended Posts

طق في دماغي اكل فسيخ .وانا هنا في الرياض .

وبصراحه ماكنتش اعرف انهم بيبعتوا يجيبوه من مصر . tct::

ولما ساْلت عليه لو كان بيتباع هنا ؟....ناس كتيرررررررر قالوا لي ان اللي هنا رغم انه جاي من مصر بس مش بيكون حلو :rolleyes:

فاْخذت افكر وافكر . (همه بيقولوا كده)

وهمه مين ؟.....ماعرفش wst::

المهم...........

قلت لنفسي ...تعملي ايه يا روشه ....تعملي ايه يا روشه .....هاتجيبي فسيخ منين يا روشه ؟

وتضمني منين انه يبقى حلو ونضيف .....( برضو يا روشه )

مهو انا اللي عاوزه اْكل فسيخ.

وبصراحه باتكسف جدا اني اطلب من اي حد وهو جاي من مصر يجيب لي فسيخ. :wub:

اصلها حاجه (ريحتها وحشه)...قصدي حاجه تكسف بصراحه ....ومش اي حد ممكن يجازف بريحته .......(قصدي بشكله ) :roseop: ويشيل فسيخ من مصر لهنا

واخيرا قررت الاتي :tease:

اني اجازف انا chf:: :

واعمل فسيخ في البيت f((:

ها .....؟ حد عاوز يعرف .....النتيجه طلعت ايه؟؟؟؟؟؟؟؟؟؟؟ :lol: :

حد بيحب الفسيخ هنا؟؟؟؟؟؟؟؟

اما اشوف المشجعين الاول ,ولو لقيت تشجيع هاقول لكم على السر..

التجربه نجحت ...........نجاح ساااااااااااحق

باركووووووولي :110:

مين بقه عاوز يعرف الطريقه ؟

407086_10150519470631088_583296087_9114843_428326208_n.jpg
رابط هذا التعليق
شارك

  • الردود 67
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

انا وبلا فخر ....

بموووت في الفسيخ ..

بس يكون عادب مش مالح ويكون كبير ويكون لونه وردي مش احمر .. يااه تصدقي جعت ..

المشكلة اني مش بعرف اكل منه كتير يعني لقمه او لقمتين واشبع ولو ان الفسيخ بالذات زي المش والانشوجه .. مينشبعش منهم ابدا ..

على العموم لو عاوزه فسيخ من مصر الطريقة سهله جدا بتروحي لاحد محلات الفسيخ المشهورة وبتقولي لهم عاوزه الكمية الفلانية وتقولي لهم برضه انها ( مسافرة ) هم لهم تغليفه خاصه بيحطوه في كيس بلاستيك سميك ( وبيتبرشم ) ومستحيل يطلع له رائحه .. وزياده في الامان ممكن تحطي الكيس المغلف ده في كيس تاني محتوي على ( بن ) او باكيتات فانيليا لامتصاص اكتر .. وزياده في الامان اكتر واكتر .. اي اطعمه بتكون معاكي بتنحط في شنطه لوحدها وبتتغلف في المطار من الخارج بنايلون شفاف بيحكم اغلاقها .. وريحتها كمان ..

بس سيبك من ده كله .. اتحفيني انتي بالطريقة الي عندك من زمان نفسي اعرف بيعملوا الفسيخ ازاي ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

والله انا اللى مش عارف الناس اللى بتاكل الفسيخ ده بتاكله ازاى وبيجيلهم قلب منين ياكلوه .. عيلتى كلها بتحب الفسيخ بس استحالة يجيبوه وانا موجود

رابط هذا التعليق
شارك

هو حضرتك عملتى فسيخ فى السعودية؟ :lol:

انا شفت زمان ازاى بيعملوا الفسيخ... بس عايز اعرف الطريقة...

و طبعا مش محتاج أقول رأيى فى الفسيخ..

بكره سيرته مش ريحته :roseop: و عمرى ما اكلته فى حياتى

تم تعديل بواسطة myusername

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك

مؤخرا حبيته جدا :tease: .. رغم ان اهل بيتى للاسف مش بيحبوه :rolleyes: .. وممنوع عليا منعا باتا اكله :lol:

ياريت تقولينا على الطريقه .. خصوصا السردين .. انا مره كلته بس كان متملح بطريقه غريبه شويه .. كان صغير ومخلى من العضم ومن غير راس .. وجلده متنضف بحيث يتاكل على طول .. وكان منقوع فى عصير لمون مركز وزيت زتون .. يا سلام على اكله مع البصل الاخضر فى سندويتشات فينو صغيره ساعة المغربيه .. والواحد يحبس بعديه بشاى منقوع فيه ورق نعناع chf:: .. وبعدين يريح له ساعه كده :roseop:

تم تعديل بواسطة التونسى

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

انا وبلا فخر ....

بموووت في الفسيخ ..

بس سيبك من ده كله .. اتحفيني انتي بالطريقة الي عندك من زمان نفسي اعرف بيعملوا الفسيخ ازاي ..

من عيوني يا ضحى

هاحكي لك بالتفصيل .........الممل

بس استني اما نشوف الناس اللي داخله تستغرب وتستعجب من الناس التانيين ............... اللي بياكلوا الفسيخ دول :roseop:

ولو ملاقيتش مشجعين

هابعت لك الطريقه على الخاص

علشان ماحدش يعرف السر :lol:

407086_10150519470631088_583296087_9114843_428326208_n.jpg
رابط هذا التعليق
شارك

مؤخرا حبيته جدا chf:: .. رغم ان اهل بيتى للاسف مش بيحبوه :rolleyes: .. وممنوع عليا منعا باتا اكله :lol:

ياريت تقولينا على الطريقه .. خصوصا السردين .. انا مره كلته بس كان متملح بطريقه غريبه شويه .. كان صغير ومخلى من العضم ومن غير راس .. وجلده متنضف بحيث يتاكل على طول .. وكان منقوع فى عصير لمون مركز وزيت زتون .. يا سلام على اكله مع البصل الاخضر فى سندويتشات فينو صغيره ساعة المغربيه .. والواحد يحبس بعديه بشاى منقوع فيه ورق نعناع :wub: .. وبعدين يريح له ساعه كده :roseop:

الاستاذ الفاضل التونسى...

أحلى حاجة بتعجبنى فى مداخلات حضرتك... هى الدقة المتناهية و السلاسة... و التسلسل التاريخى المنضبط.. :tease:

حضرتك بتقول اللى بيحصل بالمسطرة.. wst::

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك

الاختلاف في الفسيخ لا يفسد للود قضية

انا باحب الفسيخ وبعت جبته من مصر بس للأسف خلص

لما اجي من مصر في الاجازة ان شاء الله هاعمل حسابي وازود الكمية شوية

او نتعلم الطريقة

رابط هذا التعليق
شارك

مؤخرا حبيته جدا wst:: .. رغم ان اهل بيتى للاسف مش بيحبوه :tease: .. وممنوع عليا منعا باتا اكله :lol:

ياريت تقولينا على الطريقه .. خصوصا السردين .. انا مره كلته بس كان متملح بطريقه غريبه شويه .. كان صغير ومخلى من العضم ومن غير راس .. وجلده متنضف بحيث يتاكل على طول .. وكان منقوع فى عصير لمون مركز وزيت زتون .. يا سلام على اكله مع البصل الاخضر فى سندويتشات فينو صغيره ساعة المغربيه .. والواحد يحبس بعديه بشاى منقوع فيه ورق نعناع tct:: .. وبعدين يريح له ساعه كده :roseop:

الاستاذ الفاضل التونسى...

أحلى حاجة بتعجبنى فى مداخلات حضرتك... هى الدقة المتناهية و السلاسة... و التسلسل التاريخى المنضبط.. chf::

حضرتك بتقول اللى بيحصل بالمسطرة.. :110:

المهم انت بس جرب الموضوع اللى انا شرحته ده :rolleyes: وصدقنى.. حتندم على كل ساعة مغربيه فاتت من عمرك ..من غير ما تاكل فسيخ :wub:

تم تعديل بواسطة التونسى

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

والله انا اللى مش عارف الناس اللى بتاكل الفسيخ ده بتاكله ازاى

هايكونوا بياكلوه ازاي يعني ؟ بيغمسوه بالعيش وبياكلوا معاه بصل اخضر .وفعلا كده جرب تاكله زي ما الاستاذ التونسي شرح الطريقه وانت مش هاتندم ابدا

ثم ان ...هل انت جربت تاْكله وله بتكرهه كده لله في لله ؟

جرب الاول وبعدين احكم بالحق :lol:

تم تعديل بواسطة rewsha
407086_10150519470631088_583296087_9114843_428326208_n.jpg
رابط هذا التعليق
شارك

هو حضرتك عملتى فسيخ فى السعودية؟ :big_boss:

ايون ....ايون ...يا فندم ... سيادك انا عملته في السعوديه .....وفي لاعاصمه كمان .(الرياض)

هوه في قانون هنا بيمنع عمل الفسيخ في السعوديه وله حاجه؟ :blush2: :big_boss:

و طبعا مش محتاج أقول رأيى فى الفسيخ..

بكره سيرته مش ريحته :phar: و عمرى ما اكلته فى حياتى

طب لما حضرتك عمرك ما اكلته في حياتك ....حكمت عليه ازاي ؟ :kez:

انا مش باحب الناس اللي بتحكم على الامور بظواهرها .......المفروض تدوق الاول وبعدين تقول لنا راْ يك

على فكره .......

انا باعمله مالوش ريحه خالص ........وبعد ما تاْكله يادوب تغسل ايدك بالميه والكلور بس ....يوووه ...قصدي بالميه والصابون بس

طب ا ده انا كنت عامله عليه وليمه امبارح ولقيت واحده من اللي اكلوه متصله بيه مخصوص تقول لي والنبي عرفيني السر .

ده انا اول مره اغسل ايدي بعد الاكله دي بالصابون بس .قبل كده كنت لازم ادعك ايدي بالليمون وارش برفان وكدهوه

407086_10150519470631088_583296087_9114843_428326208_n.jpg
رابط هذا التعليق
شارك

مؤخرا حبيته جدا :wub: .. رغم ان اهل بيتى للاسف مش بيحبوه :blush2: .. وممنوع عليا منعا باتا اكله :big_boss:

ياريت تقولينا على الطريقه .. خصوصا السردين .. انا مره كلته بس كان متملح بطريقه غريبه شويه .. كان صغير ومخلى من العضم ومن غير راس .. وجلده متنضف بحيث يتاكل على طول .. وكان منقوع فى عصير لمون مركز وزيت زتون .. يا سلام على اكله مع البصل الاخضر فى سندويتشات فينو صغيره ساعة المغربيه .. والواحد يحبس بعديه بشاى منقوع فيه ورق نعناع wst:: .. وبعدين يريح له ساعه كده :big_boss:

اهو ده الكلام اللي يفرح بجد :kez: :phar:

407086_10150519470631088_583296087_9114843_428326208_n.jpg
رابط هذا التعليق
شارك

الاختلاف في الفسيخ لا يفسد للود قضية

انا باحب الفسيخ وبعت جبته من مصر بس للأسف خلص

لما اجي من مصر في الاجازة ان شاء الله هاعمل حسابي وازود الكمية شوية

او نتعلم الطريقة

لا طبعا انا تحت امرك يا فندم نتعلم الطريقه .احسن وانظف واسهل واسرع واوفر .........واشرف وامجد واحمد وطنط زبيده وسهير ونانا ...كلهم برضو عاوزين يعرفوا الطريقه

بس لما اشوقكم شويه :big_boss:

407086_10150519470631088_583296087_9114843_428326208_n.jpg
رابط هذا التعليق
شارك

انا بحب الفسيخ اوووووي

وانا بحب كل اللي بيحبوا الفسيخ اْووووووي :big_boss:

يا ريت اعرف طريقة عملة

طيب ...حاضر حاضر حاضر

استعدوا للطريقه بقه

بس لازم تتنفذ بالحرف .وعاوزه صبر وطولة بال شويه

جهزوا العده وتعالوا ورايا ........زبس مش عاوزه ضرب

لو طلع مش مظبوط يبقى العيب من عندكم ...انا مجرباه وبشهادة لفيف من الناس كلهم من مدمني الفسيخ :big_boss:

تم تعديل بواسطة rewsha
407086_10150519470631088_583296087_9114843_428326208_n.jpg
رابط هذا التعليق
شارك

أنا عملته مرة وطلع ناشف وطعمه مش حلو

ياريت تقوليلنا الطريقة بالتفصيل الممل.

التفصيل الممل :big_boss: ...وانا ما بحبش اكتر من التفصيل الممل

بس يارب ما تملوش من التفصيل ده

تعالوا نفصل سوى بقه :big_boss: :blush2:

407086_10150519470631088_583296087_9114843_428326208_n.jpg
رابط هذا التعليق
شارك

مرة زمان شوفت الوالدة بتعمله

جابت السمك البورى الطازج وغسلته كويس وتركته ينشف شوية وقامت بحشو رأسة بالملح والشطه الخفيفة وتقريبا جوز طيب على ما اتذكر

وبدأت فى رصة فى حلة طبقة اولى ووضعت فوق الطبقة رشة من الخلطة وليمون وهكذا حتى صارت طبقات وفى الاخر وضعت ليمون كتير وزيت واحكمت غلق الحلة ووضعتها يجى فى عشر اكياس وتركته اسبوعين

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك

العده الاول اللي هانجهزها

1-السمك .....2-ملح خشن ....3-.كركم (طبعا لونه اصفر )....والكركم غير الكاري علشان ماحدش يلخبط بينهم .....4-.شوال خيش من بتاع الرز ...وده ممكن توصي عليه اي بقال او سوبر ماركيت قريب منك من اللي بيبيعوا الرز بالكيلو ..اول ما يفضى عنده شوال يشيلهولك ....5-وده اهم حاجه في بودره بيضاء كده اسمها دنكار ...او دواء الجبنه

البودره دي يعرفها الناس اللي بيعملوا جبنه قديمه (مش يعني)او السواحليه او الدمايطه او الفلاحين دي بقه وظيفتها انها بتمنع فساد السمك او بمعنى اصح بتخليه نظيف ما فيهوش حاجات وحشه بتلعب وتتحرك (طبعا كلم فاهميني )

دي العده ...الطريقه بقه .........هاقوم اعمل كوباية شاي واجي اكتبهالكم علشان انا لسه واكله النهارده كمان فسيخ ومحتاجه احبس بكوباية شاي بنوعناع اخضر

(صحيح همه ليه دايما يقواوا احبس بكوباية شاي واحبس مين بالظبط؟) :big_boss:

تم تعديل بواسطة rewsha
407086_10150519470631088_583296087_9114843_428326208_n.jpg
رابط هذا التعليق
شارك

الطريقه بقه 1-

ملحوظه الاول

اللي عاوز مادة الدنكار ...اما يبعت يجيبها من مصر وهيه رخيصه جدا وعند العطارين ويقول لهم دواء الجبنه لو ما عرفوش كلمة دنكار .او يوصي اي محل هنا من اللي بيبيع منتجات مصريه (في محل في الخزان جنب حديقه متحف الملك عبد العزيز التاريخي)ويقول له يجيب له من مصر بالطلب

ندخل على المفيد بقه

بنشتري السمك البوري المصري ...وباقول المصري لاْن في بوري مش مصري .ودي معلومه انا عرفتها من ناس مصريين هنا بقالهم زمن

يعني تجيبوه من حد يكون مصري موثوق فيه علشان يديكم بوري مصري بجد

وبتكون راْس السمكه صغيره شكلها صغير يعني بالنسبه لجسمها

2-نجيب السمك ونغسله كويس قوي من عند الخياشيم بحيت ما يكونش فيها دم خالص (لان سبب فساد الفسيخ وانه يكون له ريحه وحشه هوه وجود دم فيه عند عمله)

3- بعد ما نغسل الخياشيم كويس جدا جدا بنسيب السمك يتنقع في ميه بس لمدة 12 ساعه في مكان بارد يعني لو في الشتا يكون خارج التلاجه عادي لكن لو في الصيف يبقى ننقعه في ميه في طبق بلاستيك جوه التلاجه

الغرض من كده هوه انه بينزل باقي الدم الموجود فيه في الميه المنقوع فيها

4-ناخد السمك ونغسله تاني كويس جدا من عند الخاشيم برضو لحد ما يبقى لونها ابيض خالص وواحنا بنغسل من عند الخياشيم نمد ايدنا من فوق بحيث نطلع الاحشاء والبطن من جوه .يعني مش نفتح السمكه من عند البطن ..لا لا نمد صباعنا بس علشان نطله البطن والاحشاء من فوق من عند الخياشيم

5-ننقعه تاني لمدة ساعه واحده بس

بعد كده نشطفه تاني ونسيبه يصفي الميه اللي فيه كلها على مصفاة الحوض وممكن نحطه بطريقه مايله شويه بحيث ان راْسه تكون لتحت علشان تصفي كل الميه اللي فيها من جوه .ولو لقينا دم لسه نازل منها نغسلها تاني وننقعها ونصفيها

المهم اننا بمعنى اصح ...نشتفل دراكولا ... :big_boss: ...يعني نصفي دمه كله :big_boss:

6- نجهز لكل كيلو سمك نقول حبة ملح خشن قد كفة الايد او بين ربه كيلو ونص كيلوا يعني نقول تلت كيلو ملح خشن وعليهم ملعقتين كركم كبار وملعقة دنكار كبيره برضو

ونخلط الخلطه دي كويس

7- نجيب الشوال وناخد طبقه واحده منه يعني نقسمه بالنص مش ناخد الشوال وهوه مقفول ونفرده على حاجه ونرش من المخلطه دي على الشوال في الاول

وبعدين ناخد كل سمكايه نحط شوية خلطه في الخياشيم ونزق شويه في بطنها مكان ما طلعنا الاحشاء

بس خلوا بالكم مش كتير علشان ما يبقاش حادق قوي

8- نرص السمك على الشوال فوق الملح اللي احنا كنا راشينه عليه .ولو في سمك كتير نرص مثلا 6 سمكات وبعدين نرش طبقه من الملح اللي احنا مجهزينه فوقهم وبعدين نحط طبقة سمك تانيه وبعدين نرش فوقها ملح تاني

يعني زي مثلا المكرونه بالباشاميل ..طبقه مكرونه وفوقها اللحمه المفرومه وبعدبن مكرونه تاني

اهو الملح على الشوال وبعدين طبقه سمك وبعدين ملح تاني وبعدين سمك وبعدين ملح

المهم ان الملح يكون مرشوش على السمك من الجهتين

ولو رصينا كذا طبقة سمك نحطهم عكس بعض يعني الطبقه الاولى الراْس في ناحيه والطبقه التانيه عكسها ذيل السمك الاولاني يكون عليه راْس الطقه التانيه من السمك

اريح ايدي شويه من الكتابه وارجع لكم

انا خلصت خلاص ولسه المشوار ما خلصش

فاصل ونواصل

تم تعديل بواسطة rewsha
407086_10150519470631088_583296087_9114843_428326208_n.jpg
رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • Guest أبو العريف
      0
      http://www.bbc.com/travel/story/20170323-the-deadly-dish-people-love-to-eat Every year, the Egyptian Ministry of Health issues a warning: stay away from feseekh, the country’s traditionally salty – and smelly – fermented mullet fish that dates back thousands of years. If not prepared properly, the Ministry has cautioned, the spoiled fish can lead to botulism poisoning and, in rare cases, death. At Shaheen for Salted Fish and Caviar, Cairo’s famed fish shop specialising in the putrid de
    • 25
      السلام عليكم و رحمة الله و بركاته أيها المحاورون و المحاورات .. و بالأخص المغتربين منكم و المغتربات .. و اللي بيستنوا أي فرصه حد جاي من مصر و يطلبوا منه الفسيخ بالذات .. إسمعوا و إعوا .. فإن ما فات قد فات .. و زمن الفسيخ هو الزمن الآت القصه و ما فيها يا جماعه انه بمناسبة إقتراب شم النسيم و كل عام و الجميع بخير .. قررت أشارككم بطريقتي لعمل الفسيخ علشان الكل يشم النسيم براحته الطريقه مجربه أكثر من مره و الحمد لله... و النتيجه أكثر من رائعه و آخرها إنهرضه إتغدينا فسيخ فوق الو
    • 3
      سؤال ... مطروح منذ قيام الثورة المصرية المجيدة وحتى يومنا هذا ... سؤال قد يكون في بال الكثير من المصريين الذين اصبحوا بلا فهم او دراية بما يجري حولهم في ظل حالة التضليل والتشتت التي اشترك فيها المجلس العسكري والاحزاب والمهتمين بالشأن السياسي لعموم المصريين. فقد يرى المواطن المصري في ما يحدث الان من مظاهرات واعتصامات متكرره بانها فوضى خلاقة وممنهجة لتعطيل سير البلاد نجو الديمقراطية والبناء والرغبة الملحة في اسقاط هيبة الدولة واهانة الجيش المصري ... وهي الافكار التي استطاع المجلس العسكري ان يزرعه
    • 16
      رصد | مصر| تهيب وزارة الصحة بالمواطنين الامتناع نهائيا عن تناول الفسيخ، نظرا لما يمثله من خطر داهم على صحتهم، حيث إن طريقة تحضيره غالبا ما تكون غير آمنة من الناحية الصحية لقلة استخدام الملح بالفسيخ، بالإضافة إلى استخدام الأسماك الطافية على سطح الماء، والتي نفقت وتعرضت لأشعة الشمس، وبدأت تنتفخ وتتحلل وانبعثت منها رائحة كريهة، ثم يضاف إليها بعد ذلك قليل من الملح، ويتم بيعها على أنها فسيخا بعد 3 أو 4 أيام#RNN
    • 26
      ايه رأيكم في اللي يوعد مواطن مطحون غلبان وحيد متغرب شريد بفسيخه مصريه لولبيه و يقلبه قلبة مفتريه غير انسانيه تطنيشيه؟ smk: عايز رأيكم حضرت الطبق و الصينيه و جبت اللمون و الزيت و العيش السخن و استنيت استنيت استنيت خلفت ليه الميعاد ايه اللي نساك مواعيدي؟ :P الفسيخ راح يفسد و انا اللي صايده بإيدي :) و البصل راح يترمي و ابكي في ليلة عيدي ;) يا ترى المقصود طال غيابه ليه ده الفؤاد حيدوب لإنشغاله عليه س : من هو السيد المقصود؟ :)
×
×
  • أضف...