اذهب الي المحتوي
ArabHosters
rewsha

حد هنا بيحب الفسيخ....؟

Recommended Posts

طق في دماغي اكل فسيخ .وانا هنا في الرياض .

وبصراحه ماكنتش اعرف انهم بيبعتوا يجيبوه من مصر . tct::

ولما ساْلت عليه لو كان بيتباع هنا ؟....ناس كتيرررررررر قالوا لي ان اللي هنا رغم انه جاي من مصر بس مش بيكون حلو :rolleyes:

فاْخذت افكر وافكر . (همه بيقولوا كده)

وهمه مين ؟.....ماعرفش wst::

المهم...........

قلت لنفسي ...تعملي ايه يا روشه ....تعملي ايه يا روشه .....هاتجيبي فسيخ منين يا روشه ؟

وتضمني منين انه يبقى حلو ونضيف .....( برضو يا روشه )

مهو انا اللي عاوزه اْكل فسيخ.

وبصراحه باتكسف جدا اني اطلب من اي حد وهو جاي من مصر يجيب لي فسيخ. :wub:

اصلها حاجه (ريحتها وحشه)...قصدي حاجه تكسف بصراحه ....ومش اي حد ممكن يجازف بريحته .......(قصدي بشكله ) :roseop: ويشيل فسيخ من مصر لهنا

واخيرا قررت الاتي :tease:

اني اجازف انا chf:: :

واعمل فسيخ في البيت f((:

ها .....؟ حد عاوز يعرف .....النتيجه طلعت ايه؟؟؟؟؟؟؟؟؟؟؟ :lol: :

حد بيحب الفسيخ هنا؟؟؟؟؟؟؟؟

اما اشوف المشجعين الاول ,ولو لقيت تشجيع هاقول لكم على السر..

التجربه نجحت ...........نجاح ساااااااااااحق

باركووووووولي :110:

مين بقه عاوز يعرف الطريقه ؟

شارك هذه المشاركه


رابط المشاركه
شارك

انا وبلا فخر ....

بموووت في الفسيخ ..

بس يكون عادب مش مالح ويكون كبير ويكون لونه وردي مش احمر .. يااه تصدقي جعت ..

المشكلة اني مش بعرف اكل منه كتير يعني لقمه او لقمتين واشبع ولو ان الفسيخ بالذات زي المش والانشوجه .. مينشبعش منهم ابدا ..

على العموم لو عاوزه فسيخ من مصر الطريقة سهله جدا بتروحي لاحد محلات الفسيخ المشهورة وبتقولي لهم عاوزه الكمية الفلانية وتقولي لهم برضه انها ( مسافرة ) هم لهم تغليفه خاصه بيحطوه في كيس بلاستيك سميك ( وبيتبرشم ) ومستحيل يطلع له رائحه .. وزياده في الامان ممكن تحطي الكيس المغلف ده في كيس تاني محتوي على ( بن ) او باكيتات فانيليا لامتصاص اكتر .. وزياده في الامان اكتر واكتر .. اي اطعمه بتكون معاكي بتنحط في شنطه لوحدها وبتتغلف في المطار من الخارج بنايلون شفاف بيحكم اغلاقها .. وريحتها كمان ..

بس سيبك من ده كله .. اتحفيني انتي بالطريقة الي عندك من زمان نفسي اعرف بيعملوا الفسيخ ازاي ..

شارك هذه المشاركه


رابط المشاركه
شارك

هو حضرتك عملتى فسيخ فى السعودية؟ :lol:

انا شفت زمان ازاى بيعملوا الفسيخ... بس عايز اعرف الطريقة...

و طبعا مش محتاج أقول رأيى فى الفسيخ..

بكره سيرته مش ريحته :roseop: و عمرى ما اكلته فى حياتى

تم تعديل بواسطة myusername

شارك هذه المشاركه


رابط المشاركه
شارك

مؤخرا حبيته جدا :tease: .. رغم ان اهل بيتى للاسف مش بيحبوه :rolleyes: .. وممنوع عليا منعا باتا اكله :lol:

ياريت تقولينا على الطريقه .. خصوصا السردين .. انا مره كلته بس كان متملح بطريقه غريبه شويه .. كان صغير ومخلى من العضم ومن غير راس .. وجلده متنضف بحيث يتاكل على طول .. وكان منقوع فى عصير لمون مركز وزيت زتون .. يا سلام على اكله مع البصل الاخضر فى سندويتشات فينو صغيره ساعة المغربيه .. والواحد يحبس بعديه بشاى منقوع فيه ورق نعناع chf:: .. وبعدين يريح له ساعه كده :roseop:

تم تعديل بواسطة التونسى

شارك هذه المشاركه


رابط المشاركه
شارك

انا وبلا فخر ....

بموووت في الفسيخ ..

بس سيبك من ده كله .. اتحفيني انتي بالطريقة الي عندك من زمان نفسي اعرف بيعملوا الفسيخ ازاي ..

من عيوني يا ضحى

هاحكي لك بالتفصيل .........الممل

بس استني اما نشوف الناس اللي داخله تستغرب وتستعجب من الناس التانيين ............... اللي بياكلوا الفسيخ دول :roseop:

ولو ملاقيتش مشجعين

هابعت لك الطريقه على الخاص

علشان ماحدش يعرف السر :lol:

شارك هذه المشاركه


رابط المشاركه
شارك
مؤخرا حبيته جدا chf:: .. رغم ان اهل بيتى للاسف مش بيحبوه :rolleyes: .. وممنوع عليا منعا باتا اكله :lol:

ياريت تقولينا على الطريقه .. خصوصا السردين .. انا مره كلته بس كان متملح بطريقه غريبه شويه .. كان صغير ومخلى من العضم ومن غير راس .. وجلده متنضف بحيث يتاكل على طول .. وكان منقوع فى عصير لمون مركز وزيت زتون .. يا سلام على اكله مع البصل الاخضر فى سندويتشات فينو صغيره ساعة المغربيه .. والواحد يحبس بعديه بشاى منقوع فيه ورق نعناع :wub: .. وبعدين يريح له ساعه كده :roseop:

الاستاذ الفاضل التونسى...

أحلى حاجة بتعجبنى فى مداخلات حضرتك... هى الدقة المتناهية و السلاسة... و التسلسل التاريخى المنضبط.. :tease:

حضرتك بتقول اللى بيحصل بالمسطرة.. wst::

شارك هذه المشاركه


رابط المشاركه
شارك

الاختلاف في الفسيخ لا يفسد للود قضية

انا باحب الفسيخ وبعت جبته من مصر بس للأسف خلص

لما اجي من مصر في الاجازة ان شاء الله هاعمل حسابي وازود الكمية شوية

او نتعلم الطريقة

شارك هذه المشاركه


رابط المشاركه
شارك
مؤخرا حبيته جدا wst:: .. رغم ان اهل بيتى للاسف مش بيحبوه :tease: .. وممنوع عليا منعا باتا اكله :lol:

ياريت تقولينا على الطريقه .. خصوصا السردين .. انا مره كلته بس كان متملح بطريقه غريبه شويه .. كان صغير ومخلى من العضم ومن غير راس .. وجلده متنضف بحيث يتاكل على طول .. وكان منقوع فى عصير لمون مركز وزيت زتون .. يا سلام على اكله مع البصل الاخضر فى سندويتشات فينو صغيره ساعة المغربيه .. والواحد يحبس بعديه بشاى منقوع فيه ورق نعناع tct:: .. وبعدين يريح له ساعه كده :roseop:

الاستاذ الفاضل التونسى...

أحلى حاجة بتعجبنى فى مداخلات حضرتك... هى الدقة المتناهية و السلاسة... و التسلسل التاريخى المنضبط.. chf::

حضرتك بتقول اللى بيحصل بالمسطرة.. :110:

المهم انت بس جرب الموضوع اللى انا شرحته ده :rolleyes: وصدقنى.. حتندم على كل ساعة مغربيه فاتت من عمرك ..من غير ما تاكل فسيخ :wub:

تم تعديل بواسطة التونسى

شارك هذه المشاركه


رابط المشاركه
شارك
والله انا اللى مش عارف الناس اللى بتاكل الفسيخ ده بتاكله ازاى

هايكونوا بياكلوه ازاي يعني ؟ بيغمسوه بالعيش وبياكلوا معاه بصل اخضر .وفعلا كده جرب تاكله زي ما الاستاذ التونسي شرح الطريقه وانت مش هاتندم ابدا

ثم ان ...هل انت جربت تاْكله وله بتكرهه كده لله في لله ؟

جرب الاول وبعدين احكم بالحق :lol:

تم تعديل بواسطة rewsha

شارك هذه المشاركه


رابط المشاركه
شارك

هو حضرتك عملتى فسيخ فى السعودية؟ :big_boss:

ايون ....ايون ...يا فندم ... سيادك انا عملته في السعوديه .....وفي لاعاصمه كمان .(الرياض)

هوه في قانون هنا بيمنع عمل الفسيخ في السعوديه وله حاجه؟ :blush2: :big_boss:

و طبعا مش محتاج أقول رأيى فى الفسيخ..

بكره سيرته مش ريحته :phar: و عمرى ما اكلته فى حياتى

طب لما حضرتك عمرك ما اكلته في حياتك ....حكمت عليه ازاي ؟ :kez:

انا مش باحب الناس اللي بتحكم على الامور بظواهرها .......المفروض تدوق الاول وبعدين تقول لنا راْ يك

على فكره .......

انا باعمله مالوش ريحه خالص ........وبعد ما تاْكله يادوب تغسل ايدك بالميه والكلور بس ....يوووه ...قصدي بالميه والصابون بس

طب ا ده انا كنت عامله عليه وليمه امبارح ولقيت واحده من اللي اكلوه متصله بيه مخصوص تقول لي والنبي عرفيني السر .

ده انا اول مره اغسل ايدي بعد الاكله دي بالصابون بس .قبل كده كنت لازم ادعك ايدي بالليمون وارش برفان وكدهوه

شارك هذه المشاركه


رابط المشاركه
شارك
مؤخرا حبيته جدا :wub: .. رغم ان اهل بيتى للاسف مش بيحبوه :blush2: .. وممنوع عليا منعا باتا اكله :big_boss:

ياريت تقولينا على الطريقه .. خصوصا السردين .. انا مره كلته بس كان متملح بطريقه غريبه شويه .. كان صغير ومخلى من العضم ومن غير راس .. وجلده متنضف بحيث يتاكل على طول .. وكان منقوع فى عصير لمون مركز وزيت زتون .. يا سلام على اكله مع البصل الاخضر فى سندويتشات فينو صغيره ساعة المغربيه .. والواحد يحبس بعديه بشاى منقوع فيه ورق نعناع wst:: .. وبعدين يريح له ساعه كده :big_boss:

اهو ده الكلام اللي يفرح بجد :kez: :phar:

شارك هذه المشاركه


رابط المشاركه
شارك
الاختلاف في الفسيخ لا يفسد للود قضية

انا باحب الفسيخ وبعت جبته من مصر بس للأسف خلص

لما اجي من مصر في الاجازة ان شاء الله هاعمل حسابي وازود الكمية شوية

او نتعلم الطريقة

لا طبعا انا تحت امرك يا فندم نتعلم الطريقه .احسن وانظف واسهل واسرع واوفر .........واشرف وامجد واحمد وطنط زبيده وسهير ونانا ...كلهم برضو عاوزين يعرفوا الطريقه

بس لما اشوقكم شويه :big_boss:

شارك هذه المشاركه


رابط المشاركه
شارك
انا بحب الفسيخ اوووووي

وانا بحب كل اللي بيحبوا الفسيخ اْووووووي :big_boss:

يا ريت اعرف طريقة عملة

طيب ...حاضر حاضر حاضر

استعدوا للطريقه بقه

بس لازم تتنفذ بالحرف .وعاوزه صبر وطولة بال شويه

جهزوا العده وتعالوا ورايا ........زبس مش عاوزه ضرب

لو طلع مش مظبوط يبقى العيب من عندكم ...انا مجرباه وبشهادة لفيف من الناس كلهم من مدمني الفسيخ :big_boss:

تم تعديل بواسطة rewsha

شارك هذه المشاركه


رابط المشاركه
شارك
أنا عملته مرة وطلع ناشف وطعمه مش حلو

ياريت تقوليلنا الطريقة بالتفصيل الممل.

التفصيل الممل :big_boss: ...وانا ما بحبش اكتر من التفصيل الممل

بس يارب ما تملوش من التفصيل ده

تعالوا نفصل سوى بقه :big_boss: :blush2:

شارك هذه المشاركه


رابط المشاركه
شارك

مرة زمان شوفت الوالدة بتعمله

جابت السمك البورى الطازج وغسلته كويس وتركته ينشف شوية وقامت بحشو رأسة بالملح والشطه الخفيفة وتقريبا جوز طيب على ما اتذكر

وبدأت فى رصة فى حلة طبقة اولى ووضعت فوق الطبقة رشة من الخلطة وليمون وهكذا حتى صارت طبقات وفى الاخر وضعت ليمون كتير وزيت واحكمت غلق الحلة ووضعتها يجى فى عشر اكياس وتركته اسبوعين

شارك هذه المشاركه


رابط المشاركه
شارك

العده الاول اللي هانجهزها

1-السمك .....2-ملح خشن ....3-.كركم (طبعا لونه اصفر )....والكركم غير الكاري علشان ماحدش يلخبط بينهم .....4-.شوال خيش من بتاع الرز ...وده ممكن توصي عليه اي بقال او سوبر ماركيت قريب منك من اللي بيبيعوا الرز بالكيلو ..اول ما يفضى عنده شوال يشيلهولك ....5-وده اهم حاجه في بودره بيضاء كده اسمها دنكار ...او دواء الجبنه

البودره دي يعرفها الناس اللي بيعملوا جبنه قديمه (مش يعني)او السواحليه او الدمايطه او الفلاحين دي بقه وظيفتها انها بتمنع فساد السمك او بمعنى اصح بتخليه نظيف ما فيهوش حاجات وحشه بتلعب وتتحرك (طبعا كلم فاهميني )

دي العده ...الطريقه بقه .........هاقوم اعمل كوباية شاي واجي اكتبهالكم علشان انا لسه واكله النهارده كمان فسيخ ومحتاجه احبس بكوباية شاي بنوعناع اخضر

(صحيح همه ليه دايما يقواوا احبس بكوباية شاي واحبس مين بالظبط؟) :big_boss:

تم تعديل بواسطة rewsha

شارك هذه المشاركه


رابط المشاركه
شارك

الطريقه بقه 1-

ملحوظه الاول

اللي عاوز مادة الدنكار ...اما يبعت يجيبها من مصر وهيه رخيصه جدا وعند العطارين ويقول لهم دواء الجبنه لو ما عرفوش كلمة دنكار .او يوصي اي محل هنا من اللي بيبيع منتجات مصريه (في محل في الخزان جنب حديقه متحف الملك عبد العزيز التاريخي)ويقول له يجيب له من مصر بالطلب

ندخل على المفيد بقه

بنشتري السمك البوري المصري ...وباقول المصري لاْن في بوري مش مصري .ودي معلومه انا عرفتها من ناس مصريين هنا بقالهم زمن

يعني تجيبوه من حد يكون مصري موثوق فيه علشان يديكم بوري مصري بجد

وبتكون راْس السمكه صغيره شكلها صغير يعني بالنسبه لجسمها

2-نجيب السمك ونغسله كويس قوي من عند الخياشيم بحيت ما يكونش فيها دم خالص (لان سبب فساد الفسيخ وانه يكون له ريحه وحشه هوه وجود دم فيه عند عمله)

3- بعد ما نغسل الخياشيم كويس جدا جدا بنسيب السمك يتنقع في ميه بس لمدة 12 ساعه في مكان بارد يعني لو في الشتا يكون خارج التلاجه عادي لكن لو في الصيف يبقى ننقعه في ميه في طبق بلاستيك جوه التلاجه

الغرض من كده هوه انه بينزل باقي الدم الموجود فيه في الميه المنقوع فيها

4-ناخد السمك ونغسله تاني كويس جدا من عند الخاشيم برضو لحد ما يبقى لونها ابيض خالص وواحنا بنغسل من عند الخياشيم نمد ايدنا من فوق بحيث نطلع الاحشاء والبطن من جوه .يعني مش نفتح السمكه من عند البطن ..لا لا نمد صباعنا بس علشان نطله البطن والاحشاء من فوق من عند الخياشيم

5-ننقعه تاني لمدة ساعه واحده بس

بعد كده نشطفه تاني ونسيبه يصفي الميه اللي فيه كلها على مصفاة الحوض وممكن نحطه بطريقه مايله شويه بحيث ان راْسه تكون لتحت علشان تصفي كل الميه اللي فيها من جوه .ولو لقينا دم لسه نازل منها نغسلها تاني وننقعها ونصفيها

المهم اننا بمعنى اصح ...نشتفل دراكولا ... :big_boss: ...يعني نصفي دمه كله :big_boss:

6- نجهز لكل كيلو سمك نقول حبة ملح خشن قد كفة الايد او بين ربه كيلو ونص كيلوا يعني نقول تلت كيلو ملح خشن وعليهم ملعقتين كركم كبار وملعقة دنكار كبيره برضو

ونخلط الخلطه دي كويس

7- نجيب الشوال وناخد طبقه واحده منه يعني نقسمه بالنص مش ناخد الشوال وهوه مقفول ونفرده على حاجه ونرش من المخلطه دي على الشوال في الاول

وبعدين ناخد كل سمكايه نحط شوية خلطه في الخياشيم ونزق شويه في بطنها مكان ما طلعنا الاحشاء

بس خلوا بالكم مش كتير علشان ما يبقاش حادق قوي

8- نرص السمك على الشوال فوق الملح اللي احنا كنا راشينه عليه .ولو في سمك كتير نرص مثلا 6 سمكات وبعدين نرش طبقه من الملح اللي احنا مجهزينه فوقهم وبعدين نحط طبقة سمك تانيه وبعدين نرش فوقها ملح تاني

يعني زي مثلا المكرونه بالباشاميل ..طبقه مكرونه وفوقها اللحمه المفرومه وبعدبن مكرونه تاني

اهو الملح على الشوال وبعدين طبقه سمك وبعدين ملح تاني وبعدين سمك وبعدين ملح

المهم ان الملح يكون مرشوش على السمك من الجهتين

ولو رصينا كذا طبقة سمك نحطهم عكس بعض يعني الطبقه الاولى الراْس في ناحيه والطبقه التانيه عكسها ذيل السمك الاولاني يكون عليه راْس الطقه التانيه من السمك

اريح ايدي شويه من الكتابه وارجع لكم

انا خلصت خلاص ولسه المشوار ما خلصش

فاصل ونواصل

تم تعديل بواسطة rewsha

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...