اذهب الي المحتوي
ArabHosters
engmido

كفاك تشويه لصورة و سمعة مصر يا خالد يوسف

قيم هذا الموضوع:

Recommended Posts

هوة فيه سؤال

والحقيقة السبب فيه أختنا ريم رجب

السؤال بيقول

علل

افطن

هية سمعة مصر للدرجة دي ممكن أى حد يعيبها حتى لو كان فيلم او أفلام سينما؟

سؤال تانى وبرضة مقتبس من مشاركة الاخت ريم

هية السمعة بتاعة مصر حضرتك مش شايف مساس بيها من اى حاجة تانية خالص م اللى بيحصل؟

ا/ حسام

اولا تحياتى لحضرتك

ثانيا هو ليه حضرتك مناقض نفسك .. مش كان الاول رايك ان الافلام دى فن ورسالة وطلعتنا اننا ما بنفهمش حاجة خالص لا فى الفن واننا جهلة

دلوقتى الفن مش مؤثر قوى ومش بيأثر على سمعة مصر وان سمعة مصر اقوى من ذلك ( بصراحة معنديش غير اكتر من اللى قالته الاخت doha )

مفيش تناقض ولا حاجة

الفن رسالة سامية

وسمعة مصر أكبر من أن ينالها فيلم سينما

سهلة خالص أهي

ثالثا انا ما انكرتش ان سمعة مصر ليس بها مساس آخر ولكن لا انكر هذا المساس

ولا انكر هذه الاشياء ولكن عندما نسلط الضوء على عيب معين يظهر

واستدل مرة اخرى باخبار اليابان..اليابان بها فساد ولكن عندما تطغى اخبار التقدم الصناعى والتكنولوجيا على اخبار الفساد

يستتر الفساد لانه لا يوجد من يركز عليه

وكما قالات الاخت ضحى الثقافة والانطباع تاتى من الاعلام

وكما ذكر اخوة كثير فى الخليج ..عن ما تتركه تلك الافلام من اثر

لا

مش كدة خالص

الفساد بيظهر وماحدش بيخبيه فى اليابان

هوة ظهور الفساد أقل من ظهور الايجابيات لان بالفعل الفساد أقل وبكثير من الايجابيات

مش عشان رغبتهم أنهم يبينوا الايجابيات

ويداروا الفساد

مرة أخرى أؤكد على أن الموضوع يتكلم عن التأثير السيئ لأفلام خالد يوسف على سمعة مصر

وهوة ما لا أتفق معه جملة وتفصيلا

وأرى كما راى أختنا ريم رجب أن سمعة مصر ينالها بالفعل بكل سوء أشياء أخرى تحدث مرارا وتكرارا

ونهارا جهارا

تحياتى لك :lol:

والنبى لما تعمل ايه

ادى دقنى اهه

يادى المصيبة عاجبك كده ؟ادينى نسيت اسال استاذ محمد الزهيرى وكنت بارد عليه من شوية

هو احنا دلوقتى فى المنطقة بتاعة سمعة مصر والصورة بتاعتها والبرواز؟

ولا فى الحلال والحرام؟ يعنى احنا فى مصر ولا فى اليابان؟

والقلعة دى ايه اللى جابها جنب البحر؟

نورنى يا دكتور انت طيب ..الله ينور بصيرتك يا شيخ

وعلى فكرة مجرد قراءة حضرتك لمشاركاتى يزيدنى شرف

تقبل تحياتى :blush2:

شارك هذه المشاركه


رابط المشاركه
شارك
الفاضلة reemragab

تصحيح بسيط فقط بخصوص ما ذكرته عن المسيار وإرضاع الكبير ونسبتهما الى جمال البنا

المسيار أفتى بحلّه كبار المشايخ مثل القرضاوي وبن باز

وآدي الروابط التي تثبت ذلك

http://www.qaradawi.net/site/topics/articl...mp;parent_id=16

http://www.islamqa.com/ar/ref/97642

وفتوى إرضاع الكبير من قالها هو الدكتور عزت عطية رئيس قسم الحديث بجامعة الأزهر بناء على حديث في كتاب البخاري.

وجلّ من لا يسهو.

استاذ احمد

صباح الخير

جل من لا يسهو فعلا

اعتذر عن تأخيرى فى الرد على حضرتك وهو شىء غير مقصود والله

اولا شكرا على مجهود حضرتك فى تجميع هذه الروابط

وبصراحة انا ما فتحتهاش يا استاذ احمد

ليا وجهة نظر على قدى كده لو سمحت لى اذكرها

مبدئيا جمال البنا له فتاوى وافكار بصراحة ليا عليها تحفظات كتيرة

وهذا الرجل لم يبرىء من الحديث عن الاشياء التى ذكرتها لحضرتك

سواء استند لاراء مشايخ اخرين او قالها دون استناد واتفق معه فيها اخرون او حتى لم يتفق معه احد

انا مش حابه اعمل اى تركيز عليها مع كل احترامى لاى عالم جليل

القرضاوى او بن باز او حتى الدكتور عزت عطيه

لانه ببساطة لا انا ولا اختى ولا بنتى او حتى ابنى احب له انه يتزوج مسيار او حتى عرفى (وان كان مشهر كما افتى ايضا بعض الشيوخ بصحته)

ولا انا ولا اختى ولا بنتى سوف نطبق فتوى ارضاع الكبير دى ولو احلها عشرات الشيوخ

والكلام ده كله يا استاذ احمد يسرى على باقى الفتاوى الهايلة اللى بتظهر كل يوم

الفكرة بس انه عرض اسماء هؤلاء العلماء مع هذه الفتاوى وروابطها (والتى تفضلت حضرتك مشكورا بعرضها للتاكيد وانا لا اكذب حضرتك طبعاً) حتى وان افتوا بها قد يساء فهمه فى هذا الوقت بالذات بدرجة كبيرة ويساء ايضا استغلاله (وهذا ما كنت ارمى اليه عندما تكلمت عن اشياء لها تأثير فعلا اخطر واشد من المخرج ولا الفيلم )

فقد يعتبرها البعض فرصة للتفريج عن الكبت الذى يحاصر الشباب فى مجتمعنا حاليا نظرا للظروف الاقتصادية وحاجات تانية كتيرة جدا

وهاتكون ساعتها العواقب غير محمودة بالمرة وهاتبقى على المجتمع ككل مش عليا ولا على بنتى ولا اخويا وخلصنا

وساعتها ولا عشرين فتوى من العلماء دول ها تقدر تصلح اللى وقعنا فيه

اتمنى اكون قدرت اوصل رأييى لحضرتك

تقبل تحياتى mfb:

شارك هذه المشاركه


رابط المشاركه
شارك
"انما تتكشف الاجساد وتتعرى بارادتها....

أكيد بإرادتها بس بتوجيه وإشراف من المخرج بيقول إعمل أو متعملش

مثلما تسترق النظرات وتتملق الأعين بإرادة اصحابها"

الشباب المحروم ومش قادر يتزوج والمراهقين اللي متلهفين لمشاهدة المناظر الساخنه واجب علينا نحميهم من المشاهد الرخيصه المسممه واللحم الرخيص اللي بيتكشف عمال على بطال زي ماهو واجب علينا نحميهم من تجار المخدرات وأوكار الدعاره والقواديين وبائعات الهوى ( الزانيات ) وده طبعا قياسا بأنهم بيذهبوا للأماكن دي بإرادتهم زي مابيتفرجوا عالمشاهد دي بإرادتهم .

كما أن المشاهد العادي المحترم واجب علينا نحميه من الوساخه والمسخره اللي بتدخل عليه بيته وهو قاعد في حاله بيتفرج عالتليفزيون مع عياله ومراته ذنبه أيه بيتفرج عالتليفزيون يسمع كلام خارج ومناظر سافله وعياله تتعلم الكلام ده وتألف المناظر دي.

تحياتى للاخ صاحب المشاركة على رده الجرىء

تحيه طيبه لحضرتك وخدي شوية الورد دول mfb: :) :roseop:

تم تعديل بواسطة عاشق الترحال

شارك هذه المشاركه


رابط المشاركه
شارك
"انما تتكشف الاجساد وتتعرى بارادتها....

أكيد بإرادتها بس بتوجيه وإشراف من المخرج بيقول إعمل أو متعملش

معاك والله بس الممثلة( او الممثل) برضه بتدخل وهى عارفة تماما هى ها تعمل ايه ودورها يتطلب ايه يعنى عارفة الدور ومتطلباته واحيانا هى( او هو الممثل يعنى )اللى بتقترح او بيقترح اضافة جملةاو طريقة للاداء شايف من وجهة نظره انها هاتضيف.

وده كان قصدى من الجملة الاولى

مثلما تسترق النظرات وتتملق الأعين بإرادة اصحابها"

الشباب المحروم ومش قادر يتزوج والمراهقين اللي متلهفين لمشاهدة المناظر الساخنه

واجب علينا نحميهم من المشاهد الرخيصه المسممه واللحم الرخيص اللي بيتكشف عمال على بطال زي ماهو واجب علينا نحميهم من تجار المخدرات وأوكار الدعاره والقواديين وبائعات الهوى ( الزانيات ) وده طبعا قياسا بأنهم بيذهبوا للأماكن دي بإرادتهم زي مابيتفرجوا عالمشاهد دي بإرادتهم .

اهو هو ده الموضوع بجد وبالذات جملة( الشباب المحروم ومش قادر يتزوج والمراهقين اللي متلهفين لمشاهدة المناظر الساخنه )

انت عايز تحمى الفئة دى دلوقتى طيب ماشى امنع افلام خالد يوسف ولا فى تليفزيون ولا فى سينما

هاتلاقى 5 او 6 افلام نازلين معاه فى نفس الوقت لمخرجيين تانيين نفس النظام

طب امنعهم دول كمان ولا تليفزيون ولا سينما برضه

هاتلاقى القنوات الاوربية 7/24

هاتلاقى الانترنت7/24 زى الفل وسرعات وايه

ولسه موجود نفس الشباب المحروم والمراهق والمتلهف برضه لمشاهدة المشاهد الساخنة (مع اننا بعدنا عنه خالد يوسف وافلامه )

هل ها تقدر تمنعه انه يشوف كل اللى هو عايزة ويعمل كل اللى هو عايزة كمان؟ لا مش ها تقدر حضرتك .عارف ليه مش هاتقدر

لان هذا الشباب يتصرف تحت تأثير مشكلته واللى هى موجودة وبتزيد كل يوم وهى الحالة الاقتصادية او عدم قدرته على الزواج او البطالة او غياب الوازع الدينى مع الترسيخ المتزايد لاسس العولمة وتشبعنا النهائى تقريبا بنتائجها.

وهاتلاقى هذا الشاب ايضا سهل الوقوع بالخطأ من كل جوانبه التى ذكرتها سالفا سواء المخدرات (الحقيقية بقى مش اللى فى الفيلم) و اوكار الدعارة وفتيات الهوى كما قلت حضرتك (الحقيقين برضه مش بتوع الافلام)

هانعمل ايه بقى دلوقتى؟ الموضوع اهه انا خرجت لك منه خالد يوسف خالص ولا هايقرب من حد

قدرت تحافظ على الشباب؟ لا

الموضوع ده لازم يعالج من الداء وليس بمسكنات تخفيف الاعراض لان الاعراض فى هذه الحالة لا حصر لها.

كما أن المشاهد العادي المحترم واجب علينا نحميه من الوساخه والمسخره اللي بتدخل عليه بيته وهو قاعد في حاله بيتفرج عالتليفزيون مع عياله ومراته ذنبه أيه بيتفرج عالتليفزيون يسمع كلام خارج ومناظر سافله وعياله تتعلم الكلام ده وتألف المناظر دي.

معك تماما ومن حق كل شخص فينا ان يرى او يرى اهل بيته مايراه مناسبا كل وتقديره ويتبع الاسلوب الذى يراه مناسبا ايضا للتحكم فى المادة المعروضه

ويساعد على ذلك الان العدد الرهيب من القنوات والذى يجعل الاختيار او الترك من الامور السهلة.

وانا لا اشجع ان تتم معاملة اى فيلم جرىء كمعاملة افلام توم وجيرى للاطفال (مع ان الاطفال دلوقتى اتغيروا كتييييييييير :baby: )

اما بالنسبة للراشدين (اللى تموا سن الرشد يعنى) هم قادرون على اختيار ما يرغبون بمشاهدته.

تحياتى للاخ صاحب المشاركة على رده الجرىء

تحيه طيبه لحضرتك وخدي شوية الورد دول :wub: :) :baby:

ورد وبلدى واحمر كمان وكل دول ربنا يخليك يا رب

تم تعديل بواسطة reemragab

شارك هذه المشاركه


رابط المشاركه
شارك

مره واحد بيسأل واحد صاحبه

بيقوله : ايه رأيك في فيفي عبده و سهير زكي؟

قاله رقصهم حلو قوي بس تدينهم ضعيف

شارك هذه المشاركه


رابط المشاركه
شارك
يا استاذ زهيرى

ارحمنا ارجوك احنا بنلم فى الموضوع متفرشوش تانى الله يكرمك

مش حضرتك قلت ولا كانك شايف حاجة..ههههههه

أو في رواية أخرى يا زهيري ... كشكشها ما تعرضهاش

وأنا كمان رأيي الموضوع كده خذ أكثر من حقه وكلّ اللي ممكن يتقال فيه اتقال ... فالأحسن إنهاءه في أقرب فرصة لإنه أصبح مصدر للمشاكل والشكاوي كل شويه.

شارك هذه المشاركه


رابط المشاركه
شارك
يا استاذ زهيرى

ارحمنا ارجوك احنا بنلم فى الموضوع متفرشوش تانى الله يكرمك

مش حضرتك قلت ولا كانك شايف حاجة..ههههههه

أو في رواية أخرى يا زهيري ... كشكشها ما تعرضهاش

وأنا كمان رأيي الموضوع كده خذ أكثر من حقه وكلّ اللي ممكن يتقال فيه اتقال ... فالأحسن إنهاءه في أقرب فرصة لإنه أصبح مصدر للمشاكل والشكاوي كل شويه.

سبحان الله وماشاء الله لاقوة إلا بالله الظاهر يا بشمهندس ميدو أن الراجل بيقدر يعرف الطالع وعرف اللي في نيتك لأ وييقول على لسانك كمان اللي أنت ماقلتوش لأ وأيه وفي روايه كشكشها متعرضهاش..

ناقص يقولك قلبك قلب خسايه :rolleyes:

ولا يقولك يا نجااااااااتي إنفخ البلالين يا نجاتي :)

أنا بهدي النفوووووووووووس محدش يفهمني غلط :)

تم تعديل بواسطة عاشق الترحال

شارك هذه المشاركه


رابط المشاركه
شارك
معاك والله بس الممثلة( او الممثل) برضه بتدخل وهى عارفة تماما هى ها تعمل ايه ودورها يتطلب ايه يعنى عارفة الدور ومتطلباته واحيانا هى( او هو الممثل يعنى )اللى بتقترح او بيقترح اضافة جملةاو طريقة للاداء شايف من وجهة نظره انها هاتضيف.

وده كان قصدى من الجملة الاولى

أنا مقلتش لحضرتك أن الممثلات اللي بتعمل كده بيبيعوا سبح :happy: مثلا أكيد اللي بتعرض جسمها عالشاشه أو تظهر في لقطة جنسيه أو مشهد زنا ماهي إلا نموذج آخر من خالد يوسف وشريك في أعماله المغموسه في بئر النجاسه لأنه وببساطه مفيش واحده ست عندها أخلاق أو شرف أو عرض بغض النظر كمان عن دينها هتقبل أنها تنام في حضن واحد غريب عنها وتبادله القبلات والأحضان وأنتوا عارفين الباقي وقال أيه خير اللهم إجعله خير :blink: ( بتمثل ) فين أهلها وفين الخنزير جوزها ولا الناس دي على رأي زعيم القباحه ( ناس طيبين أوي ) :lol:

اهو هو ده الموضوع بجد وبالذات جملة( الشباب المحروم ومش قادر يتزوج والمراهقين اللي متلهفين لمشاهدة المناظر الساخنه )

انت عايز تحمى الفئة دى دلوقتى طيب ماشى امنع افلام خالد يوسف ولا فى تليفزيون ولا فى سينما

هاتلاقى 5 او 6 افلام نازلين معاه فى نفس الوقت لمخرجيين تانيين نفس النظام

طب امنعهم دول كمان ولا تليفزيون ولا سينما برضه

هاتلاقى القنوات الاوربية 7/24

هاتلاقى الانترنت7/24 زى الفل وسرعات وايه

ولسه موجود نفس الشباب المحروم والمراهق والمتلهف برضه لمشاهدة المشاهد الساخنة (مع اننا بعدنا عنه خالد يوسف وافلامه )

هل ها تقدر تمنعه انه يشوف كل اللى هو عايزة ويعمل كل اللى هو عايزة كمان؟ لا مش ها تقدر حضرتك .عارف ليه مش هاتقدر

لان هذا الشباب يتصرف تحت تأثير مشكلته واللى هى موجودة وبتزيد كل يوم وهى الحالة الاقتصادية او عدم قدرته على الزواج او البطالة او غياب الوازع الدينى مع الترسيخ المتزايد لاسس العولمة وتشبعنا النهائى تقريبا بنتائجها.

وهاتلاقى هذا الشاب ايضا سهل الوقوع بالخطأ من كل جوانبه التى ذكرتها سالفا سواء المخدرات (الحقيقية بقى مش اللى فى الفيلم) و اوكار الدعارة وفتيات الهوى كما قلت حضرتك (الحقيقين برضه مش بتوع الافلام)

هانعمل ايه بقى دلوقتى؟ الموضوع اهه انا خرجت لك منه خالد يوسف خالص ولا هايقرب من حد

قدرت تحافظ على الشباب؟ لا

الموضوع ده لازم يعالج من الداء وليس بمسكنات تخفيف الاعراض لان الاعراض فى هذه الحالة لا حصر لها.

لو حضرتك أخدتي بالك من مداخلاتي السابقه هتلاقيني مش ضد خالد يوسف بس أن ضد أي عمل بينشر الرزيله وبيشيع الفاحشه وقلت كمان أن ده تمهيد لإلغاء الرقابه ولو حضراتكم لاحظتم الفتره اللي فاتت مبقاش خالد يوسف بس وأفلامه هي اللي فيها لقطات قباحه ومسخره الموضوع أصبح شبيه بسباق بين المخرجين والممثلين لتقديم أفلام تحتوي على مشاهد وسخه وعبارات وسخه وقلة أدب وسفاله .

وقلت في موضوع إسمه لحد إمتى هانتفرج ونسكت

http://www.egyptiantalks.org/invb/?showtop...395#entry569087

المداخله دي

صورة بالكربون لأفلام خالد يوسف وإيناس الدغيدي وداواو عبدالسيد و هاني جرجس فوزي وغيرهم من المخرجين الذين يدسون السم في العسل بدعوى فيلم جرئ يناقش قضايا حساسه ويوضع عليه شعار ( للكبار فقط ) !!!!

عبارات بذيئه ولقطات جنسيه صريحه وقباحه ما بعدها قباحه هذه هي محتويات الافلام الجريئه والهادفه التي تناقش قضايا حساسه في نظر هؤلاء القواديين .

{ألا يظن أولئك أنهم مبعوثون**ليومٍ عظيم**يوم يقوم الناس لرب العالمين}

الموضوع كل يوم بقى في أسوأ وبكره هيلغوا الرقابه وهتشوفوا بعنيكم .

{يومَ تشهدُ عليهم ألسنتهم وأيديهم وأرجلهم بما كانواْ يعملون**يومئذٍ يوفيهم اللهُ دينهم الحق ويعلمون أن الله هو الحق المبين }

وحسبنا الله ونعم الوكيل فيهم وفي كل من روج لأفكارهم

يعني بالبلدي كده معظم الأفلام الوقتى خلاص دخلت في سكة البورنو وبرضه على رأي زعيم القباحه ( كله هايبقى عالطبيعه ) والرقابه خلاص بتلفظ أنفاسها الأخيره وشويه هاتتلغي .

أما عن القنوات الأوروبيه والنت والكلام ده فأنا عارف أن الأفلام دي سهل جدا الحصول عليها بس هاقولك على حاجه لما يبقى عندك تاجر مخدرات في المنطقه بتاعتك هاتسيبيه يبيع لشباب الحي وإبني وإبنك ونقول ماهي كده كده موجوده ولو مااشتراش منه هايشتري من تاجر تاني خارج المنطقه ولا أبلغ عنه ومسكتش عنه لحد ما يتقبض عليه ؟؟!!!وطالما السلعه المحرمه مش سهله كده للشباب فعلى الأقل لو مقدرتيش تمنعيها تماماَ فهتقدري تحدي من إنتشارها ولا نقول بقى خلاص طالما أفلام الجنس بالعبيط على النت والأوروبي يبقى خلاص ميضرش بقى لو عملنا مشاهد جنسيه داخل الأفلام بتاعتنا !!!

لا ديننا ولا أخلاقنا ولا ثقافتنا ولا اللي اتربينا عليه بيقول كده !! صح ولا أنا غلطان ؟؟

معك تماما ومن حق كل شخص فينا ان يرى او يرى اهل بيته مايراه مناسبا كل وتقديره ويتبع الاسلوب الذى يراه مناسبا ايضا للتحكم فى المادة المعروضه

ويساعد على ذلك الان العدد الرهيب من القنوات والذى يجعل الاختيار او الترك من الامور السهلة.

وانا لا اشجع ان تتم معاملة اى فيلم جرىء كمعاملة افلام توم وجيرى للاطفال (مع ان الاطفال دلوقتى اتغيروا كتييييييييير :lol: )

اما بالنسبة للراشدين (اللى تموا سن الرشد يعنى) هم قادرون على اختيار ما يرغبون بمشاهدته.

بداية لا اتفق مع حضرتك على تسمية الأشياء بغير أسمها الطبيعي فكثيرا ما نقول على القباحه والمسخره وكل ما لا يقره الشرع أو الأخلاق والفضائل أنها جرأه هذه النوعيه من الافلام ليست كما يقولون أنها جريئه أو ساخنه بل الأصح أنها أفلام قبيحه ولقطات دعاره وزنا.

وبنلاقي بعض الناس تقول عالخمره ( ميه أو ويسكي أو شامبانيا أو أو ) وهي إسمها خمره.

فلان عامل دماااغ لأ الأصح ( سكران ) أو مخمور

كذلك بيقولوا بائعة الهوى والأصح ( زانيه ) & فلان بيمارس الحب مع عشيقته والأصح ( الزنا ) وغيرها

الفعل لما بيتسمى بإسمه الحقيقي بيتضح مدي شرعيته لعامة الناس .

والراشدين اللي حضرتك بتتكلمي عليهم ممكن نسيبهم يجربوا المخدرات والبودره وبالمره نسيبهم يروحوا بيوت الدعاره ونقول أنهم قادرون على إختيار ما يرغبون بفعله وعارفين الصح من الغلط !!!

ولا هو عيب ولا حرااام wst::

من وجهة نظري لا أعتقد أن من المنطق أننا نسيب الناس دي كده يشيعوا الفساد والرذيله في أجيال بنأمل فيهم انهم ياخدوا بأيد البلد للأمام فبالله عليك ماذا تتوقعين من أجيال لا تعرف العيب أو الحرام ؟؟؟

ورد وبلدى واحمر كمان وكل دول ربنا يخليك يا رب

خدي يا ستي ورد كمان أهو :) :ninja: :sad: :sad: :sad: وربنا يخليكي يارب

تم تعديل بواسطة عاشق الترحال

شارك هذه المشاركه


رابط المشاركه
شارك

يعني انتو تخدروني و تنيموني و تقعدوا تكتبوا؟

انا افتكرته اتفاق جنتل من و كلنا حنتخدر سوا

انتو أحرار و شكلنا راجعين للمربع رقم واحد قريبا جدا

اورفوار :)

شارك هذه المشاركه


رابط المشاركه
شارك
يعني انتو تخدروني و تنيموني و تقعدوا تكتبوا؟

انا افتكرته اتفاق جنتل من و كلنا حنتخدر سوا

انتو أحرار و شكلنا راجعين للمربع رقم واحد قريبا جدا

اورفوار :)

زهيري باشا بالله عليك بلاش المربع واحد :sad: :sad:

كله إلا كده ( كهربا لأ كهربا لأ ) :sad:

كده برضه أنت مش قلت ولا كأني هنا :happy:

أقولك على حاجه خد شم دي :ninja:

وعلى رأي محمد صبحي

قلت ياواد طنث خااااااااااااااااالث

تم تعديل بواسطة عاشق الترحال

شارك هذه المشاركه


رابط المشاركه
شارك

الإخوة الأفاضل

بعد أن تحول الموضوع لجدل بيزنطي لا جدوى منه وتكرار للأفكار وحتى الألفاظ من جانب نفس الأعضاء ... وبعد أن تحول الى مصدر دائم للشكاوى والاعتراضات

وحيث أنه أصبح جليا أن كلا من الفريقين المتحاورين لم ولن يستطيع إقناع الطرف الآخر بوجهة نظره وسيظلان يكرران نفس الحجج والحجج المضادة ويعيدان النقاش الى نقطة الصفر مرارا وتكرارا

وبعد أن وردت في مداخلات الأعضاء من كلا الفريقين إشارات تفيد برغبتهما في إغلاق النقاش عند هذه النقطة و (لمّ) الموضوع

فقد تقرر إغلاق الموضوع بعد استنفاذ الغرض منه

عن فريق التنسيق والإشراف

أحمد سيف

شارك هذه المشاركه


رابط المشاركه
شارك
زوار
هذا الموضوع مغلق.

  • محاورات مشابهه

    • أنتم الناس أيها الشعراء

      بداية هل تعلم أن هناك علم يسمى علم القافية وأنه ليس كما يفهم بعض الناس حينما يعتقدون أن القافية : هي الحرف الأخير  في البيت للأسف خطأ شائع فالقافية : ليست حرفا واحد وليست عددا محددا من الحروف ولكنها تقدر دائما : بآخر ساكنين في البيت والمتحرك الذي بينهما والمتحرك الذي قبل الساكن الأول الغرض ليس تعليم بقدر ما هو نقاش مع الشعراء إن أرادوا دعوة للشعر العمودي الغير متحلل من القافية الغير متحلل من الوزن هاتوا شعركم وهقول لكم رأيي وهنقوم بتظبيطه معا

      في أدب و شعر و قراءات

    • الناس الحلوة

      🔘     *(الناس الحلوة)* ●  *الناس الحلوة* مش هي الناس المرشوشة سكّر .. لا دي ناس كده بتحلّي الأيام والظروف وبتفتّح الغامق ، وتجيب طراوة في الأيام الزِمتة الحر اللّي مافيهاش هوا  . ●  *الناس الحلوة 😘  دي بتبتسملك وهي من جوه مايعلم بيها إلا ربنا ،  بس هي بتخاف تتعبك بألمها وحاسة إن اللي فيك مكفيك . ●  *الناس الحلوة 😘  اللي أول ماتشوفك داخل عليها مكان توسعلك جنبها كده ووشها ينور حتي لو كانت تحب إنها تبقي قاعدة لوحدها علشان بتفكر في حالها .. تحسّهُم بيفرشولك إبتسامتهم تقعد في رحا

      في موضوعات شخصية

    • شارك كمواطن في القضاء على بلطجة الشوارع وأبلغ عن ( اتاوات السايس)

      ظاهرة السايس اللي بيعتبر الشارع العام ملكه ويفرض على سائقي السيارات  "اتاوة " مقابل ركن السيارة السايس اللي مش بتشوفه الا وانت ركنت خلاص بمعرفتك او وانت طالع بعربيتك ومن غير ما يساعدك تطلع وايده مفرودة عشان ياخد المعلوم نفسك ده ما يحصلش؟؟ طيب اهي ادارة المرور اهي بتقوم بدورها عشان نقضي على البلطجة دي ايه رأيك تشارك بقى كمواطن وتبلغ عنهم؟؟  

      في موضوعات جادة

    • ذكرىَ رحيل سندريلا الشاشة العربية!

      ذكرىَ رحيل سندريلا الشاشة العربية! ليست كل جميلة هي سندريلا، فالجميلات في الشاشة الفضية كثيرات لكن كانت هناك سندريلا واحدة بدون زوجة الأب تحيل حياتها إلى جحيم! لو قامت كليوباترا من مرقدها لخافت على يوليوس قيصر من تلك المصرية/السورية التي تشرح بعينيها ما يعجز عنه لسانها، والتي تــَـسابق الرجال للفوز بابتسامتها حتى أجهزة الاستخبارات الوطنية طمعت في جسدها بحجة العمل الوطني تماما كما طمعت نظيرتها البريطانية في أسمهان. أما الجميلة .. الأقوى إرادة وطنية فكانت ليلى مراد عندما حاولت الاست

      في المغتربين المصريين - egyptian expatriates

×
×
  • اضف...