اذهب إلى المحتوى
محاورات المصريين

البترول تدرس استيراد الغاز من العراق لتلبية احتياجات السوق


herohero

Recommended Posts

البترول تدرس استيراد الغاز من العراق لتلبية احتياجات السوق

معلش ممكن حد يفهمني الخبر ده اللي في مصراوي ، منين بنصدر غاز ومنين هنستورده انا مش مهندس بترول ياريت بجد حد يقولي المنطق بتاعها اكيد فيه شيئ

يعني استيرادنا للغاز من العراق ارخص من استخراجه عندنا يعني هل هي فنيا صح ولا ده اختراعه من اختراعات الحكومة الذكية زي فكرة زراعة القمح في كندا

رابط هذا التعليق
شارك

انا داخل مخصوص... عشان اسال نفس السؤال؟؟

ازاى يعنى؟ ولا دى افتكاسة ولا ايه بالظبط؟

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك

انا متهيألي ان اسرائيل هاتشتري مننا الغاز

بعدين عايبيعوه للامريكان في العراق

وبعدين الامريكان يبيعهولنا تاني ................

قولتولي فين ايكونه الست اللي بتزغرد؟؟؟

رابط هذا التعليق
شارك

انا داخل مخصوص... عشان اسال نفس السؤال؟؟

ازاى يعنى؟ ولا دى افتكاسة ولا ايه بالظبط؟

لا تجادل ولا تناقش يا أخ MYUSERNAME وإشمعني دي اللي هندقق عليها !!

الغاز بتاعنا مبيولعش كويس وبعدين ريحته وحشه وكمان كان أحد أسباب أنفلونزا الخنازير

علشان كده صدرناه لإسرائيل ببلاش ( فكاكه أمال أيه بنلعب احنا ولا بنلعب)

وقلنا أيه بقى واخدلي بالك نستورد لكم غاز أصلي من اللى هو توماتيكي توماتيكي وبعدين غاز عراقي

من اللي فلوسه بتروح للأمريكان المساكين .( مساعده يعني ولا مؤاخذه )

لازم يعني تخلينا نتكلم ونفشي أسرار الدوله العظمى

ويا عم أكتر من كده وبيزيح ربنا

قولوا لا إله إلا الله تفلحوا

إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

إضغط هنا لقراءة القرآن الكريم من المصحف الشريف

إضغط هنا لزيارة موقع رسول الله

إضغط هنا لعرض البث المباشر من المسجد الحرام

تردد قناة الرحمه الجديد على النايل سات التردد 10873 معدل الترميز 27500 رأسي 3\4

تردد قناة الرحمه الجديد على العرب سات التردد 12149 معدل الترميز 27500 أفقي 3\4

6nf2hryf9fiu.gif

رابط هذا التعليق
شارك

عاجلا أو أجلا مصر حتستورد بترول و غاز .... إلا لو حصل اكتشاف بترولي ضخم مخزون مصر من البترول في طريقه للنضوب ...الخلاف قدامنا كام سنة ......أسوأ تقدير سمعته كان ٢٠ سنة

لو الخبر صحيح يبقى مؤشر سيء جدا

يا ريت حد يشرح لينا جدوي تصدير الغاز لو حنستورده ...خصوصا و الكل عارف إن سعر التصدير كان قليل جدا ....بخس الصراحة

Her şey kişisel bir

رابط هذا التعليق
شارك

انا داخل مخصوص... عشان اسال نفس السؤال؟؟

ازاى يعنى؟ ولا دى افتكاسة ولا ايه بالظبط؟

لا تجادل ولا تناقش يا أخ MYUSERNAME وإشمعني دي اللي هندقق عليها !!

الغاز بتاعنا مبيولعش كويس وبعدين ريحته وحشه وكمان كان أحد أسباب أنفلونزا الخنازير

علشان كده صدرناه لإسرائيل ببلاش ( فكاكه أمال أيه بنلعب احنا ولا بنلعب)

وقلنا أيه بقى واخدلي بالك نستورد لكم غاز أصلي من اللى هو توماتيكي توماتيكي وبعدين غاز عراقي

من اللي فلوسه بتروح للأمريكان المساكين .( مساعده يعني ولا مؤاخذه )

لازم يعني تخلينا نتكلم ونفشي أسرار الدوله العظمى

ويا عم أكتر من كده وبيزيح ربنا

حاسس ان حضرتك شايل منى... هو انت كنت بتناقش موضوع ما رأيكن ما رأيكم؟ gt:

انا قريت الخبر على مصراوى... و ممكن نكون ظالمين الحكومة :roseop: بس اللى فهمته يعنى ان كل اللى هيحصل انهم هيستخدموا الخطوط بتاعتنا عشان نصدر بيها الغاز لاسبانيا و اوروبا... و ان مصر تقريبا كده ممكن تاخد سمسرة من الموضوع ده.. cl:

بس عموما... سياسة الاهمال و الكروتة.. عايز تبقى نتيجتها ايه؟

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك

انا سعيد جدا لان حسيت مش انا الوحدي اللي مش قادر استوعب سياسة حكومتنا السنية وف انتظار معرفة حقيقة هذا الموضوع واتمنى حد يفهمنا وانا مقتنع بان تصديرنا له اي الغاز الطبيعي قرار خاطئ

لما نستخدمه ف بلدنا بصروة كويسة يبقى نفكر ف تصديره وبعدين هو مش كتير لدرجه اننا نرميه برخص التراب كده وطبعا لايخفى عليكم ازمة انابيب البوتوجاز اللي برده مش فاهمها يعني الواحد بقى اليومين دول بيحس انه مش قادر يتعايش مع الحكومة الذكية اظاهر العيب فينا فعلا

رابط هذا التعليق
شارك

انا سعيد جدا لان حسيت مش انا الوحدي اللي مش قادر استوعب سياسة حكومتنا السنية وف انتظار معرفة حقيقة هذا الموضوع واتمنى حد يفهمنا وانا مقتنع بان تصديرنا له اي الغاز الطبيعي قرار خاطئ

لما نستخدمه ف بلدنا بصروة كويسة يبقى نفكر ف تصديره وبعدين هو مش كتير لدرجه اننا نرميه برخص التراب كده وطبعا لايخفى عليكم ازمة انابيب البوتوجاز اللي برده مش فاهمها يعني الواحد بقى اليومين دول بيحس انه مش قادر يتعايش مع الحكومة الذكية اظاهر العيب فينا فعلا

سيدى الفاضل... هل تعتقد ان الحكومة او النظام غبى؟ او مش فاهم احسن منى و منك؟

مشكلة مصر هى: سياسة الاهمال و الكروتة... اللى موجودة فى كل حتة من اول اصغر مدرسة لغاية القرارات المصيرية.

عدم الرغبة فى التغيير و التكاسل...

الخوف من المستقبل و المخاطرة, و الرغبة فى ان نظل "فى المضمون"... و فى حالة الاستقرار اللامحورية (مش فاهم يعنى ايه cl: )

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك

هو لسه ماطلعش تكذيب للخبر ده يا جماعة؟

الحلقة الأخيرة من المسرسر ده حتتذاع إمتى يعنى؟

آه يانى يا أمة cl:

بدون مبالغة، اللي ناقص عشان نفهم، إن المشير يطلع في بيان على الهوا وفي ايده السلاح ويقول: أيوة يا شعب احنا الطرف التالت، واحنا اللي ورا موقعة الجمل وماسبيرو والعباسية (1) والسفارة الإسرائيلية ومسرح البالون ومحمد محمود ومجلس الوزراء وبورسعيد والعباسية (2)، عايزين حاجة يا شعب؟

shawshank

رابط هذا التعليق
شارك

على فكره الخبر صادم بس برضه ممكن يكون له جانب مش عارفينه يخليه اقل وطأه مما يبدوا عليه ..

كتير بسمع ان مصر الي بتستورد قمح من طوب الارض بتصدر قمح في نفس الوقت .. طيب ازاي ؟

بيقولوا ان القمح المصري كويس ( الي مزروع بمواصفات معينة بتحددها الدولة المستورده ) بنزرعه ونكلفه ونبيعه بسعر كبير لامريكا مثلا ونرجع نستورد من نفس امريكا دي قمح تاني بسعر ارخص طبعا نتيجه انخفاض جودته وبالتالي الي بعنا بيه هناخذ قده مرتين قمح معفن ايوه بس يكفي ( الابقاق ) المفتوحه الي عندنا ..

احتمال ضعيف جدا لو صح خبر الاستيراد ده اما اننا هنستورد بسعر اقل كتير من الي صدرنا بيه لاسرائيل ( مش عارفه ازاي واصلا احنا مصدرين بسعر التكلفة على مايبدوا )

او ان المسالة داخل فيها تبادل تجاري مثلا فغصب عننا نستورد منهم اي حاجه عشان يستوردوا هم كمان مننا اي حاجه ..

او هناخذ الغاز ده تخليص حق مثلا يعني ببلاش مقابل حاجات تانيه ..

الله اعلم ..

منقدرش نفتي ابدا غير لما يقرروا يعرفونا ايه الي بيحصل بالظبط زي ماقالوا لنا قبل كده على حكايه الغاز لاسرائيل ولو مقالوش مكناش عمرنا هنعرف فبرضه هم لهم اكيد نظرية في اخبارنا بحكاية غاز العراق فمتستعجلوش في الحكم قبل مانعرف فكرتهم من الاعلان ده ايه ..

عم اوزوزو .. بلاش وحياة والدك الي بتزغرت لو في وحده بتلطم او تشق هدومها يبقى اظبط ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

الراجل ده باين عليه ملبوس يا جماعة!!!

شوفوا من يومين بس قال إيه عن احتياطى الغاز!!!!

http://shorouknews.com/ContentData.aspx?id=168698

أكد المهندس سامح فهمي وزير البترول انه لا توجد أي نية حالية للحكومة لرفع أسعار البنزين والسولار وما يهم الدولة في هذا الشأن هو وصول الدعم لمستحقيه.

وأوضح في تصريحات لبرنامج البيت بيتك بالتلفزيون المصري أمس الأحد أن أي قرار تتخذه الحكومة في هذا الشأن يكون بعقلانية ويتناسب مع ظروف المجتمع المصري، مضيفا انه لا يوجد شيء ثابت ونحن دولة استهلاكها كبير ولكن لا نية حاليا لرفع الأسعار.

وأكد أن أموال قطاع البترول في مصر لا يتم الإنفاق منها على كرة القدم بل على العكس أن إنبى وبتروجيت ناديان يتبعان اتحاد الكرة و من أهم أهداف الأنشطة الكروية بالوزارة هو وصول مشروعاتنا للخارج.

وعن أنبوبة البوتاجاز قال الوزير أن سعرها في المستودعات 2.5 جنيه وتكلفتها تصل إلى 40 جنيه وكل سيارة تحمل أنابيب الغاز تتحمل الدولة في تكلفتها 80 ألف جنيه ، ولكن سبب أزمة أنابيب الغاز تهريبها إلى المصانع ومزارع الدواجن أو مصانع الطوب أو تهريبها لخارج مصر. وأكد أن دور وزارة البترول ينتهي عند محطات تعبئة الأنابيب ومراقبة التوزيع دور وزارة التضامن الاجتماعي، مؤكدا أنها قضية في غاية الصعوبة.

وأشار الوزير إلى أهمية توصيل الغاز لكل محافظات مصر وان الوزارة تعمل على توصيله لكل المحافظات بالتوازي، لكن توجد منازل تم التوصيل إليها ومنازل أخرى سيتم تركيبه بها تباعا حتى يكتمل التوصيل لكل منازل مصر وأكد انه خلال 10-15 عام ستنتهي أنابيب البوتاجاز نهائيا من مصر وان احتياطي مصر من الغاز يكفى كل السكان والاستهلاك في المستقبل. وأضاف انه تم إنشاء أول مصنع لإنتاج الذهب في مصر سيتم افتتاحه في يناير أو فبراير وسينتج نحو 200 أوقية في العام.

يعنى من يومين بس الاحتياطى يكفى كل السكان والاستهلاك فى المستقبل لدرجة إن أنبوبة الغاز حتختفى, والنهارده محتاجين نستورد غاز لتلبية الاحتياجات؟!!!

إيه اللى بيحصل بالظبط؟!!!

تم تعديل بواسطة محمد عبدالعزيز

بدون مبالغة، اللي ناقص عشان نفهم، إن المشير يطلع في بيان على الهوا وفي ايده السلاح ويقول: أيوة يا شعب احنا الطرف التالت، واحنا اللي ورا موقعة الجمل وماسبيرو والعباسية (1) والسفارة الإسرائيلية ومسرح البالون ومحمد محمود ومجلس الوزراء وبورسعيد والعباسية (2)، عايزين حاجة يا شعب؟

shawshank

رابط هذا التعليق
شارك

انا بقى مضايق من ساعة ماسمعت انه لانية لزيادة الاسعار قريبا لان الخبر ده سمعته قبل كده وقالت نرفانا ادريس ان فيه اشاعات لزيادة البنزين نفوا الكلام ده ومشوا نرفانا ادريس من البيت بيتك

وف الاخر ارتفع سعر البنزين فانا خايف كلامه من كم يوم يطلع تمهيد للزيادة ربنا يستر

رابط هذا التعليق
شارك

والله انا سمعت هذالخبر الصادم ليا و مش فاهمة بجد دة اسمة اية دة اية العكعكة اللى بتعملها الحكومة دى زى بقية قرارتها

من بداية كادر المعلمين الل الى الان معرفش فايدتة اية و صرف مليارات لتجهيزة

تصدير الغاز لاسرائيل برخص التراب اية الى احنا فية دة

اللى عجبنى فى المقال بجد اخر السطر ان مصر عايزة تستفيد بفرق الاسعارالعالمية نعم الاسعار العالمية يعنى احنا ندى الى عندنا لغيرنا ببلاش و ندفع المليارات علشان نجيبة لنفسنا اية دة

اخرة الى احنا فية اية و اية السياسة الىل احنا بنتبعها ؟؟؟

حد يجاوبنى بجد

اخرة اللى احنا فية دة اية ؟؟؟

[على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

رابط هذا التعليق
شارك

وعن أنبوبة البوتاجاز قال الوزير أن سعرها في المستودعات 2.5 جنيه وتكلفتها تصل إلى 40 جنيه وكل سيارة تحمل أنابيب الغاز تتحمل الدولة في

تكلفتها 80 ألف جنيه ، ولكن سبب أزمة أنابيب الغاز تهريبها إلى المصانع ومزارع الدواجن أو مصانع الطوب أو تهريبها لخارج مصر

او تهريبها لخارج مصر لفين غزة مثلا

مش احسن من بيعه لاسرئيل رغم احتجاج كافة المصريين الا فئة المستفيدين

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...