اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

قهوة الشراقوة


رضوي

Recommended Posts

السلام عليكم ورحمة الله وبركاتة

أعزائي كل المحاوراتية الكرام

النهاردة بنعلن عن افتتاح ( قهوة الشراقوة )

دي لكل المصريين مش الشراقوة بس

وعلي كل شرقاوي التفضل بالحضور

علي فكرة المشروبات عندنا كلها مجاناً

سحلب

حلبة

كابوتشينو

نسكافيه

ينسون

كراوية

كراكاديه

عناب

تمرهندي

وحتي الأمريكان كوفي

والتركش كافي كمان

لو حد عايز عصير قصب نجيبله عادي يعني احنا شراقوة

يالابقي نفتح القهوة ونرش ميه ( علشان الرزق يعني )

منورين ......................

وعلي كل من ينتمي للشرقية التقدم لحضور مجلس اجتماع الجمعية العمومية

والتقدم للترحيب بالسادة الضيوف ( من مختلف الجنسيات )

اجمل صباح

مستنينكم :roseop:

رابط هذا التعليق
شارك

  • الردود 266
  • Created
  • اخر رد

Top Posters In This Topic

Top Posters In This Topic

Posted Images

لما بصيت على اسم الموضوع... افتكرت ان العنبى هو اللى عامله.. :roseop:

و بما ان المشروبات مجانا... انا عايز واحد كاوتشينو بالمانجة(يعنى كابتشينو بالشرقاوى), و كمان سينكافيه.. و فخفخينا. كفايه كده.... لما اخلصهم هطلب تانى.

تم تعديل بواسطة myusername
رابط هذا التعليق
شارك

السلام عليكم ورحمة الله وبركاتة

الأخ myusername

لما بصيت على اسم الموضوع... افتكرت ان العنبى هو اللى عامله..

و بما ان المشروبات مجانا... انا عايز واحد كاوتشينو بالمانجة(يعنى كابتشينو بالشرقاوى), و كمان سينكافيه.. و فخفخينا. كفايه كده.... لما اخلصهم هطلب تانى.

اهلا بيك في القهوة .............................. منور

وبما إن حضرتك من أول الحضور فطلبات سيادتك كلها عندنا ( ومش حنعملك ميني تشارج بعد كدة براحتك يعني ) :roseop:

وايه حكاية كابوتشينو بالشراقاوي دي..........

لالالالالا دة احنا الشراقوة عندنا أفضل أنواع الكابوتشينو ........... ولو مش عندنا تستورده مخصوص لسيادتك

وعند واحد كابوتشينو وصلحه

واد رمانة نزل طلبات البيه وظيطله الفخفخينا ................... أي خدمة

رابط هذا التعليق
شارك

myusername مشاركة بتاريخ اليوم, 11:51 AM

لما بصيت على اسم الموضوع... افتكرت ان العنبى هو اللى عامله..

وانا الى كنت فاكر ان مافيش حد يعرف انى من الشرقيه

منور ياعم يوزر اتفضل ياعم اعزمك على حجر شيشه اصل انا مبحبش الشيشه بس احب اتفرج على الى بيشربها

احسن تحيه لكل الناس الى شرفوا قهوة الشراقوه

ونعدكم باحسن خدمه

الدعوه عاااااااااااااامه للجميع من ابناء الوطن وابناء الجنسيات الاخرى

رابط هذا التعليق
شارك

ياحلاوة يا ولاد والله وبقى لينا قهوة وهنطلع على النت ونتشهر فى الفضائيات .. هو ده الكلام ولا بلاش .. بس انا عايز كرسى على ناصية الشارع عشان بتخنق من الدخان والشيشة والكلام ده :blush2:

رابط هذا التعليق
شارك

ممكن أقعد معاكو عالقهوه ؟

محسوبكم شرقاوي أصيل وأعتز بشرقاويتي ...

بس هل في إمكانية إننا نقبل عضوية الأخوة الاجانب من الدول الصديقة ؟

ولا مش هاندخلهم الزقازيق إلا بتأشيرة زياة .. وخروج وعودة وكفيل وكدهوت ؟

عامةً إحنا أهل كرم .. أنا ممكن أكفل لي بتاع 100 واحد خصوصاً بتوع المنوفية - انا متغاظ منهم غيظ -

بس هاخد منهم 1000 ريال في الشهر في مقابل إنهم يشتغلوا في محافظتنا براحتهم واللي هايخالف .. هاخرج له نهائي بعد ما يبصم وأكتبه تعهد إنه ما يهوبش ناحية منيا القمح لمدة 3 سنين ..

-----------------------------

أنا عندي أفكار حلوه قوي للقهوة دي ..

1- ممكن مثلاً نعمل side business جنب المشاريب اللي في القهوة ... إحنا مشهورين بالخيل العربية الأصيلة ... ممكن نأجر خيل للسواح اللي بييجوا لنا من المنوفية والغربية وهذه البلاد الشقيقة .. بس مش خيل متاكله قبل كده زي اللي تحت سفح الهرم وتحس إن الحصان من دول طالع معاش بقى له 100 سنة .

2- مونكن ... نعمل افران بلدي وفطير مشلتت وجبنه قديمة بدود ومن غير دود - دايت يعني -

3- مونكن نستجلب عماله خارجية يلموا الدوده واللطع اللي في القطن بحيث الفلاح بتاعنا تبقى صحته حلوه وكل واحد راكب كرته بيدور بيها على الارض بتاعته بس .

4- ممكن ننمي الترع اللي عندنا ونحولها إلى " بورتو زقازيق " .. ومرسى لليخوت .... وألواح شراعيه ... وكدهوت ..

5- ممكن نجيب حناطير - حنطير من الفرحه - ونشغلها عالكورنيش ... من أول الجامعة لحد مبنى المحافظة ... واللفه بعشره يورو

6- ممكن ننظم رحلات سفاري لحد القرى والنجوع الجوانيه ونبني للسُياح بيوت من الطين - أي الطوب اللبن - ونقدم لهم وجبات عباره عن سريس وجعضيض مع قليل من الجبنه القريش وكثير من العيش الملدن .

7 - ممكن ننمي الثروة الحيوانية عندنا من الجاموس والبقر والماعز ونعمل زرايب حديثة مكيفه ونشغل فيها موسيقى بيتهوفن وموتسارت وعم باخ .. بحيث الجواميس تدينا لبن أكتر ... هما بحبوا الحاجات دي .

ياااااااااه نفسي أشوف الشرقية أعظم الدولة في الدنيا .. ونحكم العالم ونفتري عليهم بقى ..

رابط هذا التعليق
شارك

قررنا تعيين مدام رضوى " أمينة المرأة في دولتنا الحبيبة " ودورها إنها توعي الستات وتخليهم كويسين مع جوازاتهم وكده .

كما قررنا تعيين عنبو .... أمين عام لجنة السياسات التحتانية .... ودوره هايبقى حماية مكتسبات الثورة وسحل أي معارض ...

وبالمرة منح الزميل أمباشيوس .. لقب أومباشه ... وهايبقى مسول عن الامن الداخلي ... وزير داخلية يعني بدرجة أمباشا ...

هنيئاً لكم

الله

الشرقية ....

سين سين

رابط هذا التعليق
شارك

عاوزكو تفتكسوا معايا نشدي وطني لدولتنا العظمى ؟

- إيه رأيكم في أنشودة " يا حلاوتك ياستافندي يابن عم البرتقان " ؟

لأ بلاش دي

طب إيه رأيكم في نشيد " البحر بيضحك ليه .. وأنا نازله اتدلع أملى القُلل "

برضوا لأ عشان البلهارسيا

بس وجدتها

إيه رأيكم ..

شرقية شرقية شرقية ... لكي حُبي وبرضوا شويه

ها ؟ ... ده المطلع بس .. لو عجبتكو ممنك أكمله التأليف والتلحيم كمان

رابط هذا التعليق
شارك

طالما وصلت لحد التلحيم

يبقي الف بركة يا عمنا

و ربنا يملالكم القهوة بركة

بس خليكوا فاكرين

احنا ولاد عم يا جماعه

و سمعني

خلي السلاح صااااااااااااااااااااحي

رابط هذا التعليق
شارك

السلام عليكم و رحمة الله و بركاته

طب انا مش عارفة أخش... و لا ايه؟؟؟ :giverose: (نحب نفكر بس ان احنا كبير الهوارة من فتشنة)

أصلي شايفة مارشات عسكرية....و مورسي ابن المعلم زناااااااااااااااااااااتي انضرب يا رجالة

و ايه ده هي دي قهوة الشراقوة... و لا مركز قيادة الثورة...(ع ر ايك يا عم احمد فؤاد نجم....مركز قيادة السطوح.... و كان حادف وراه قولة بدل النسر)

بس عجبتني بقي...الفقرة الزراعية بتاعت عيد حواش قصدي استاذ سي السيد.... بقر ...و معيز.. و فطير مشلتت....حراااااااااااااااااااااااام

ع فكرة انا معرفش عن الشرقية ايتوها حاجة خالص....

فبلاش تعتبروني م القلة المندسة... بس حابة اعرف ايه اللي يميزها غير انها بعد محطة الاتوبيس يعنفوتكي؟؟؟

محدش قالي يعني تشربي ايه......

ممكن بقي واحد بينا كالادا.... و متنساش الشاليمو :blush2:

يوه كده كنتوا هتنسوني..... :rolleyes:

فوتكم بعافية... يا ثراقوة

رابط هذا التعليق
شارك

اقتراح للنشيد الوطني لكل الشراقوة

تم تعديل بواسطة justme
رابط هذا التعليق
شارك

معلش اقتراح تاني علشان الموضوع يبقى فيه حبة انتماء اكتر ومننساش النشيد الوطني الاصلي ونبدأ بيه

دي اقتراح مبدأي

احنا بس نغير بدل مصر نحط الشرقية وبدل العلم نحط الحصان

ايه رأيكم

تم تعديل بواسطة justme
رابط هذا التعليق
شارك

وسجلوا عندكم واحد شرقاوى جامد اوى من شراقوة زمان مش نص نص و اول حاجة طلبات البهوات النهاردة كلها على حسابى :blush2:

رابط هذا التعليق
شارك

ممكن لو تكرمتم اجيب عربية كبدة واعمل سنكوتشات جنب القهوة ع الناصية ادى احنا بنتسلى ونجيب رزق العيال وينوبكوا ثواب فيا

وسوف التزم بمعايير الصحة والجمال وتنسيق السنكوتش للذبون وهعمل تخفيض بمناسبة الافتتاح اشترى واحد واحصل على الاخر مجانا خلينا نحارب الغلاء وخللى الغلابة يتعشوا من عندكم سارمار بتاع الكبدة والممبار ويجعلى عامر

رابط هذا التعليق
شارك

قررنا تعيين مدام رضوى " أمينة المرأة في دولتنا الحبيبة " ودورها إنها توعي الستات وتخليهم كويسين مع جوازاتهم وكده .

كما قررنا تعيين عنبو .... أمين عام لجنة السياسات التحتانية .... ودوره هايبقى حماية مكتسبات الثورة وسحل أي معارض ...

وبالمرة منح الزميل أمباشيوس .. لقب أومباشه ... وهايبقى مسول عن الامن الداخلي ... وزير داخلية يعني بدرجة أمباشا ...

هنيئاً لكم

الله

الشرقية ....

سين سين

وقررنا تعيين السيد سين سين

كبير الحيتية

لأ قصدي كبير الشرقية

تم تعديل بواسطة justme
رابط هذا التعليق
شارك

ياسلاااااام اهى دى الموضوعات اللى تفتح النفس

مشاريب وفطير وسانكويتشات كبدة من ع الناصية

ايوا جااااااااااااااى

منورين ياشراقوة وطبعا الضيوف المنضمين زى لماضة وابن العم باشمهندس ياسر

طبعا رضوى فتحت القهوة وعملت الدعوة عااااامة وهتبقا لمة

انا هاوزع مشاريب الافتتاح وارجع تانى

لماضة ؟؟ بينا كولادا ؟؟؟؟ دى هتلاقيها فى قهوة هاواى الناصية اللى جاية

ماعندناش غير زيت خروع طب ينفع شاى وهاحطهولك فى جوزة هند

رابط هذا التعليق
شارك

انا بقول بدل بقى ما تبقى مشاريب لازم كده نخش على التقيل

الللللححمممممممة

ولذلك فاني ادعو كافة الاعضاء للعشاء على اضواء الفحم عند ابو بلاسي

وعلى حسابي

الموعد

أمس

:lol:

رابط هذا التعليق
شارك

ممكن أقعد معاكو عالقهوه ؟

ياريس ياريت تيجى وتعزم الزملا المحاوراتية

محسوبكم شرقاوي أصيل وأعتز بشرقاويتي ...

بس هل في إمكانية إننا نقبل عضوية الأخوة الاجانب من الدول الصديقة ؟

طبعا ممكن بس يدفعوا بقا تامين صحى فيزا اقامة انما لو سياحة خلاص خليها كادووو

ولا مش هاندخلهم الزقازيق إلا بتأشيرة زياة .. وخروج وعودة وكفيل وكدهوت ؟

عامةً إحنا أهل كرم .. أنا ممكن أكفل لي بتاع 100 واحد خصوصاً بتوع المنوفية - انا متغاظ منهم غيظ -

بس هاخد منهم 1000 ريال في الشهر في مقابل إنهم يشتغلوا في محافظتنا براحتهم واللي هايخالف .. هاخرج له نهائي بعد ما يبصم وأكتبه تعهد إنه ما يهوبش ناحية منيا القمح لمدة 3 سنين ..

-----------------------------

والله فكرة الكفيل دى نفسى تتطبق فى مصر من زمان احنا نطبقها فى الزقازيق كتجربة ونعممها

أنا عندي أفكار حلوه قوي للقهوة دي ..

1- ممكن مثلاً نعمل side business جنب المشاريب اللي في القهوة ... إحنا مشهورين بالخيل العربية الأصيلة ... ممكن نأجر خيل للسواح اللي بييجوا لنا من المنوفية والغربية وهذه البلاد الشقيقة .. بس مش خيل متاكله قبل كده زي اللي تحت سفح الهرم وتحس إن الحصان من دول طالع معاش بقى له 100 سنة .

موجودة والمهرجان شغال كل سنة فى حتة مش عارفاها يمكن ناحية الخطارة وفيه كمان مهرجان صقور

3- مونكن نستجلب عماله خارجية يلموا الدوده واللطع اللي في القطن بحيث الفلاح بتاعنا تبقى صحته حلوه وكل واحد راكب كرته بيدور بيها على الارض بتاعته بس .

ربنا يرجع لنا القطن بالسلامة ده ماعدتش بيتزرع فى الشرقية من زمان :lol:

5- ممكن نجيب حناطير - حنطير من الفرحه - ونشغلها عالكورنيش ... من أول الجامعة لحد مبنى المحافظة ... واللفه بعشره يورو

بتهيألى المشروع ده لازم نعمل طريق للحناطير مخصوص لان العربيات اصلا بتمشى فوق البنى ادمين

6- ممكن ننظم رحلات سفاري لحد القرى والنجوع الجوانيه ونبني للسُياح بيوت من الطين - أي الطوب اللبن - ونقدم لهم وجبات عباره عن سريس وجعضيض مع قليل من الجبنه القريش وكثير من العيش الملدن .

7 - ممكن ننمي الثروة الحيوانية عندنا من الجاموس والبقر والماعز ونعمل زرايب حديثة مكيفه ونشغل فيها موسيقى بيتهوفن وموتسارت وعم باخ .. بحيث الجواميس تدينا لبن أكتر ... هما بحبوا الحاجات دي .

ياااااااااه نفسي أشوف الشرقية أعظم الدولة في الدنيا .. ونحكم العالم ونفتري عليهم بقى ..

افكار اقصادية استثمارية انبعاجية فى الصميم

ياسلام ياريت نعمل جذب تانى للعقول المعلملية الفذة اللى هاجرت برة شيبة وابوحماد وميت القرشى

عجبتنى اوى فكرة السفارى الزراعى وممكن فعلا ناخد حتة ارض فى الحقول وعلى مدد الشوف خضرة وزرع ونعمل تعريشة جنبها فرن للفطير والذى منه

ونا هانزل على شركات السياحة اللى بتودى السياح صان الحجر ونحط الفرن فى البروجرام السياحى

ح

رابط هذا التعليق
شارك

ياحلاوة يا ولاد والله وبقى لينا قهوة وهنطلع على النت ونتشهر فى الفضائيات .. هو ده الكلام ولا بلاش .. بس انا عايز كرسى على ناصية الشارع عشان بتخنق من الدخان والشيشة والكلام ده :lol:

اهلا وسهلا بحضرتك منور القهوة

من زماااااااااااااااااااااااان والشراقوة مشهورين مش محاتجين ولا نت ولافضائيات

ولا ايه يارجالة ؟

سيادتك تقعد في المكان اللي يريح حضرتك

واد يانصة ........... شوف الاستاذ امبيشس يشرب ايه ..................... الطلبات النهاردة كلها مجاناً

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان

×
×
  • أضف...