طريقة عمل العاشوراء .

[arkan]

كل سنة وانتم طيبين

فكرتوني بالعشورا ان شاء الله اعملها

[طبيبة بالخارج]

كل عاشورة و انتم بخير

الظريف اني لما قرات طريقة العاشورة لقيتني عملتها بالصدفة قبل كده

في يوم عملت بليلة (قمح مسلوق) و بعدين الأولاد رفضوا اكلها و تبقت كمية كبيرة فقلت القمح زي الأرز و استخدمتها بدل الأرز في طريقة الأرز باللبن و الآن فقط اكتشفت اني عملت العاشورة و كنت فاكرة اني ايه مبدعة و عملت اختراع جديد

بس ده يثبت ان اختراعات الاكل بتيجي من واحد اتزنق فإخترع

[لماضة مصرية جدا]

السلام عليكم و رحمة الله و بركاته

المفروض طبعا كنت رفعت التوبيك دوت من انبارح

بس اعمل ايه

بنام بالصبح و بنام بالليل و الدنيا شقا و الله...(وش حد دخل في بيات شتوي و هيصحي اخر الشتا ان شاء الله)

برفع التوبيك

علشان اقولكم كل سنة و انتو بصفا اللبن و بحلاوة طبق العاشورا

كل سنة و احنا لينا طقوسنا و عادتنا الالي بتميزنا اوي

كل سنة و احنا باحلي ما فينا

وقبل ما اي حد يسالني

طبعا عملنا عاشورا....(ماما الحقيقة هي اللي عملت)

و انا اكلت و الحمد لله

من امام سلطانية العاشورا رقم 3 كان معكم

لماضة طبق اليوم:)