السادة والسيدات الأفاضل رواد موقع محاورات المصريين، زواراً وأعضاء، يرجى العلم أنه إبتداءاً من يوم الخميس الموافق الأول من شهر ديسمبر من العام الجاري (1/12/2022) سيتم منع الدخول من خلال اسم المستخدم، وسيتم السماح بالدخول باستخدام البريد الإلكتروني فقط، لذا يرجى التحقق من بريدكم الإلكتروني المستخدم بشكل دقيق.
اذهب إلى المحتوى
محاورات المصريين

البرمجة وما أدراك ما البرمجة


الجدار
 مشاركة

Recommended Posts

لو انت واخد الموضوع جد .. مسالة حياة او موت يعني زي مابيقولوا .. انا ممكن اساعدك واعلمك جافا ..

استخير الاول وان لقيت نفسك متحمس وعندك استعداد ابعت لي ايميلك على الخاص هبعت لك كام ملف مقدمه خلصهم وابعت لك الي بعدهم ..

ممكن كمان ابعت لك تدريبات وامتحانات بعد كل جزء تخلصه عشان اقيم مستواك ..

ممكن اقف معاك واشرح لك خطوة خطوة الي انت عاوزه في الجافا بس بشرط ..

زي ماقلت لك تكون ملتزم بجد وناوي تتعلم بجد .. والاهم طبعا الانجليزي بتاعك يكون تمام لان الدروس هتكون بيه ..

قلت ايه ؟

السلام عليكم

اولا بارك الله فيكى على المساعدة وياريت فعلا لو حضرتك تفيدينا بالماتريال دى

فية كورس فيديو شغال دلوقتى جافا SE وشغالين من

1 - Head First Java

/?yyeehw1ztmd

2 - SCJP 6 Study Guide

/?wyzwin5nnhd

ممكن بس حضرتك تشوفيهم لو الماتريال اللى مع حضرتك افضل فى توصيل المعلومة او كمية الاسئلة ياريت بجد تفيدينا بيهم

دمتى بكل خير

جزاك الله كل خير ..

اطلعت النهرده على المرفقات الي في الرابط ..

الاول بصيت عليه سريعا وفريت في صفحاته فبدى لي ان معظمه تدريبات او تجميع للاسئلة الي ممكن تيجي في اختبار شهاده مبرمج الجافا المعتمد .. اعتقد الرابط ده هيكون مفيد اوي للي خلص دراسة خلاص وبيستعد للحصول على الرخصة في الجافا .

الرابط الثاني عباره عن كتاب قرات منه لغايه صفحه 60 تقريبا ..

مبدئيا هو كتاب لذيذ جدا يعني مكانش عندي وقت فقلت ابص عليه سريعا لكن شدني اني اقرأ فيه زياده ..

الكتاب نفسه بيقول انه مش مصمم للي معندهمش فكرة خالص عن البرمجه ولا للي شاطرين اوي في لغات برمجه تانيه شبيهة زي السي .. ( ده كان انطباعي الاول عنه ووجدت ان المؤلف بيؤكد لي هذا الانطباع )

عشان تقدر تستفيد من الكتاب ده محتاج يكون عندك فكرة مسبقة عن البرمجه يعني سبق وبرمجت بلغه تانيه او على الاقل درست لغه برمجه قبل كده .. لانه بيفترض وهو بيشرح الى حد ما انك فاهم يعني ايه برمجه اصلا وبتعرف تعمل هيكل برنامج وفاهم عشان تحصل على نتيجه معينة مفروض تستخدم كود شكله ايه وهكذا .. الكتاب مش بيغطي الجزئيات دي عشان كده لو انت ( ميح ) خالص واول مرة تتعامل مع لغه برمجه فالافضل تستعين بكتاب تاني يشرح لك من البداية خالص تصميم نظم يعني ايه وبرمجه يعني ايه ولو بشكل مبدئي

برضه الكتاب على مايبدوا مش متبحر اوي في الموضوع وهو نفسه بيقول انه مش مرجع وانما زي ماتقول هو ( محو امية ) او بيحطك على اول الطريق في تعلم الجافا وانت تكمل .. ( لسه مخلصتش الكتاب فمقدرش افتي ان كان دسم ولا لاه بس اتوقع انه المباديء فقط )

الكتاب محتاج تكون انجليزيتك كويسه اوي لانه معتمد اسلوب ( هزار ) في الشرح وبالتالي ففي مصطلحات كتير وجمل ملهاش علاقه اصلا بالبرمجه ولكن عشان يقرب بيها المفهوم لذهن القاريء فهتتعب في الترجمه لو هترجم الكتاب بقاموس او ماشابه ..

بس مبدئيا الكتاب بيشرح بطريقة ممتازه ومبسطه جدا وبتاخذ القاريء وحده وحده عن نفسي استفدت من كتير من الامثلة والتشبيهات الي حاططها ده غير ان اسلوبه جديد بيساعد انك تقرأ ( ومتزهقش ) .

على العموم لو توافر لي الوقت باذن الله اخلصه واقولك رايي النهائي فيه ..

بالنسبة للماتيريال الي عندي فهي مقدمة في البرمجه بشكل عام كتمهيد لدراسة الجافا ثم مقدمة في الجافا واخيرا ملخصات انا عملاها ومجمعاها من اكتر من مصدر بس لسه مكملتهاش يعني بتغطي الجزء الاولاني من التدريب واعتقد لو خلصتها تبقى واقف على ارض صلبه الى حد ما ..

لو حبيت ابعت لي ايميلك ابعت لك بعض من الي عندي وباذن الله اول ماتخلصه ابعت لك الباقي وهكذا .. نشجع بعض .. انت تتعلم وانا اجد مايشجعني عشان اكمل تلخيص ..

على فكره في رابط على اليوتيوب مفيد جدا لتعلم الجافا انصح الي عاوز بالاطلاع عليه :

http://www.youtube.com/watch?v=Hl-zzrqQoSE

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

  • الردود 127
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

اخ MARDUK

انا معاك ان C و C++ مش منتشره اوي في السوق طبعا أو يمكن مش مستخدمه أصلا بس ماحدش يقدر يقول انها ماتت وانا اعتقد انها مستخدمه في ال High Performance Applications زي ال Billing Systems و Real Time Applications وانا معاك انه يتعلم جافا احسن طبعا في سوق العمل في مصر والخليج وكمان في كندا واستراليا لاخوانا اللي عايزين يهاجروا زي كده ان شاء الله :)

_____

هو انا بقول رأيي بما اني رحاله في اللغات يعني سي++ بستخدمها من 3 سنين :blink:

مقصدش انهم ماتو كل حاجه ليها استخداماتها , بس انت عارف في استخدامهم حتحس انك بتضيع وقت في حاجات كتير ملهاش لازمه ممكن بسطر في اي لغه تانيه تحلها :P

بالمناسبه , اول لغه بس حتتعلمها حتكون اكتر مرحله حتتعب فيها , بعد كدا الموضوع مش حيتعدي انك حتتعلم syntax جديده :)

بس انا برجح بايثون ! بحيث انها سهله في التعلم + لغه مودرن ايدج و تخلصت من مخلفات الماضي في البرمجه + انها بتستفيد اساسا من قدره سي !

فا انت بتحصل علي قوه سي مع شيئ اسهل من جافا :) و ممكن تشتغل بيها علي JVM, لو حبيت :lol:

مع اني مش بحب موضوع الكورسات بس في حاجات كتير متوفره علي الانترنت من جامعه MIT

انا مش عارف مستواك في البرمجه , بس شوف هنا http://ocw.mit.edu/OcwWeb/Electrical-Engin...eHome/index.htm

فيه كل حاجه ,, نقطه كمان متخليش اللغه معضله بالنسبالك ! , و اتعلم اللي نفسك فيه

تم تعديل بواسطة MARDUK
رابط هذا التعليق
شارك

الأول بجد انا فرحان قوي قوي قوي أن الناس بتساعد هنا من كل قلبها بجد انا بشكر أو ريكس كتير قوي لصبره ولروح المساعدة اللي مش بيتأخر بيها عن حد ربنا يوقفلك دايماً ولاد الحلال

وكذلك مدام ضحى بجد مش عارف أقولك ايه على عرضك الكريم ده ربنا يكرمك ويجازيكي خير

الأستاذ ahosny ألف ألف شكر ويا رب ينفعك بما علمك ويقدرنا على رد الجميل يا باشا

ميردوك العزيز الـ Metal Brother طيب مش تقولي يا عم من الأول ان ليك في اللون :roseop: الله يكرمك ويوفقك لكل اللي يرضيه ويفرحنا بيك دايماً

انا سامحوني النت مقطوع عندي في البيت وكنت مستني النهاردة ييجي بفارغ الصبر علشان أدخل ع النت من الشغل وأشوف الردود

حرجع أقرا كل رد تاني وأرد عليكم ان شاء الله

وردة محبة ليكم كلكم :lol:

ودي لدكتور حسام يوسف :lol: أنا عارف انه محتاس زيي

لنا عودة ان شاء الله

gilmour.jpg

رابط هذا التعليق
شارك

لو محتاج حاجه قويه و تتعلمها بسرعه ! امشي في java و نصحيييييه احسن كتاب ممكن تتعلمها منه هو thinking in java ! لو مش عندك ممكن ابعتهولك

كمان ممكن تشتغل علي python من اقوي و اسهل اللغات اللي موجوده ! بسيطه جداا و تقدر تعمل بيها اي حاجه في الدنيا !!

لو عاوز تشتغل في تطوير تطبيقات انترنت ! عندك Ruby ! لا يعيبها الا اسمها :lol: Ruby on Rails مطلوبه جداا !

نصيحه ! بلاش C# "في عداء بيني و بين منتجات مايكروسوفت" !!! و متهتمش بأقوال ان البرمجه الحقيقيه بـC او بـ C++

السلام عليكم

عزرا يا اخى انا مش معاك فى بايثون او روبى لو بداية بس ممكن انما شغل معتقدش

والجافا لزيزة جدا ممكن يبدأ بيها على طول ان شاء الله

السى والسى بلس بلس ما ماتوش زى ما حضرتك وضحت تانى بس هما بقوا جزء من الماضى انا درست السى بلس بلس فى الكلية تقريبا لغوها دلوقتى وبقى اللى يتعلم برمجة بيدخل على السى شارب عدل

والله انا بقولك ماعنديش فكره لأني أشتغلت دوت نت سنه واحدة والكلام دا كان 2006 بس أنا من فتره قريبه ليا واحد صاحبي شغال في مصر دوت نت كان بيشتكي مع انه شغال في شركة كبيرة وبيقول الدنيا مريحة أوي وكان بيفكر يحول لجافا فمعني كده ان الطلب علي جافا كبير وهنا كمان في الخليج برده

ودي كلها Java Related Technologies

JavaEE , EJB3, O/R Frame Works

Oracle DB, JBoss Application Server, Weblogic AS,

Hibernate, Spring, JSF

لا يا فندم انا مكنتش بسأل انا بس كنت بوضح انا كنت عايز اية وانا الحمد لله عملت تطبيقات قبل كدا بالجافا بس كان كلها دسكتوب لسا ان شاء الله افضى نفسى واخش على الويب بقلب جامد ان شاء الله

والدوت نت كما قلت -كلام مرسل مش تخصصى- شغله كويس الايام دى

جزاك الله كل خير ..

اطلعت النهرده على المرفقات الي في الرابط ..

الاول بصيت عليه سريعا وفريت في صفحاته فبدى لي ان معظمه تدريبات او تجميع للاسئلة الي ممكن تيجي في اختبار شهاده مبرمج الجافا المعتمد .. اعتقد الرابط ده هيكون مفيد اوي للي خلص دراسة خلاص وبيستعد للحصول على الرخصة في الجافا .

الرابط الثاني عباره عن كتاب قرات منه لغايه صفحه 60 تقريبا ..

مبدئيا هو كتاب لذيذ جدا يعني مكانش عندي وقت فقلت ابص عليه سريعا لكن شدني اني اقرأ فيه زياده ..

الكتاب نفسه بيقول انه مش مصمم للي معندهمش فكرة خالص عن البرمجه ولا للي شاطرين اوي في لغات برمجه تانيه شبيهة زي السي .. ( ده كان انطباعي الاول عنه ووجدت ان المؤلف بيؤكد لي هذا الانطباع )

لو حبيت ابعت لي ايميلك ابعت لك بعض من الي عندي وباذن الله اول ماتخلصه ابعت لك الباقي وهكذا .. نشجع بعض .. انت تتعلم وانا اجد مايشجعني عشان اكمل تلخيص ..

على فكره في رابط على اليوتيوب مفيد جدا لتعلم الجافا انصح الي عاوز بالاطلاع عليه :

http://www.youtube.com/watch?v=Hl-zzrqQoSE

انطباع حضرتك فى محلة

وهوا فعلا مش مرجع انما بداية الطريق

التوتريال بتاع جافا موجود فور فرى بس صعب لاى حد يبدأ بية لوحدة هيحس انها لغة غلسة جدا يمكن اغلس من السى شارب بس الواقع انها لزيزة جدا

بالنسبة ل Standard Edition انا الحمد لله مخلصها قل كدا سواء فى الجامعة او ككورس والحمد لله عملت تطبيقات بيها مع قواعد اوراكل ومش فاضل بس انى اراجعها كويس واخد الشهادة بإذن الله

لو حضرتك تبدئى EE هتابع مع حضرتك على طول ان شاء الله اول لما يخلص كورس الاواركل ادمنستراشن

خالص شكرى وتقديرى

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ

من فقد الله ماذا وجد

رابط هذا التعليق
شارك

الأول بجد انا فرحان قوي قوي قوي أن الناس بتساعد هنا من كل قلبها بجد انا بشكر أو ريكس كتير قوي لصبره ولروح المساعدة اللي مش بيتأخر بيها عن حد ربنا يوقفلك دايماً ولاد الحلال

وكذلك مدام ضحى بجد مش عارف أقولك ايه على عرضك الكريم ده ربنا يكرمك ويجازيكي خير

الأستاذ ahosny ألف ألف شكر ويا رب ينفعك بما علمك ويقدرنا على رد الجميل يا باشا

ميردوك العزيز الـ Metal Brother طيب مش تقولي يا عم من الأول ان ليك في اللون :roseop: الله يكرمك ويوفقك لكل اللي يرضيه ويفرحنا بيك دايماً

انا سامحوني النت مقطوع عندي في البيت وكنت مستني النهاردة ييجي بفارغ الصبر علشان أدخل ع النت من الشغل وأشوف الردود

حرجع أقرا كل رد تاني وأرد عليكم ان شاء الله

وردة محبة ليكم كلكم :lol:

ودي لدكتور حسام يوسف :lol: أنا عارف انه محتاس زيي

لنا عودة ان شاء الله

معلش يا جدار(اسم فية حمز كدا:lol:) يا اخويا مشوفتش ردك غير بعد ما رديت

وياريت لما تحدد مجالك يبقى بس ادينا فكرة ان شاء الله

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ

من فقد الله ماذا وجد

رابط هذا التعليق
شارك

لا دا انت تفكر تانى وتالت ورابع طالما داخل فى موضوع جديد ومتنساش الاستخارة

الاوراكل ايوة مش مطلوبة زى الاول زيها زى اى حاجة غالية مع الازمة الناس بتدور على حاجة ارخص واقل فى الامكانيات مش معنى كدا انها بقت ضعيفة لا طبعا هتلاقى فى الفيديو الاول جايبلك رسم بيانى انها مستحوذة على 60% من قواعد بيانات العالم والنسبة دى اكبر بكتير فى المجتمع الخليجى ولسا من المتوقع النسبة تزيد جدا بعد شراء شركة صن والتعديلات البرمجية فى الاصدار الجديد واتجاة اوراكل لبرمجيات شركات ما كانتش بتبصلها الاول هيبقى الوضع اية بقى كرييييييييمة وممكن تروح اى حتة وتشوف سحنة الاوراكل العكرة دى لان شكلة مميز فعلا

وزى ما بقولك شركة اوراكل مفيهاش مجال واحد وخلاص لا دول كتير اختار اللى يناسبك وعيش وتعايش معاه

http://education.oracle.com/pls/web_prod-p...001〈=US

منتدى كامل يتحدث عن اوراكل فقط بالغة العربية طبعا

http://www.araboug.org/

فية مجال ال e-business شغال الله ينور دلوقتى

فى النهاية اوراكل شركة محترمة جدا غير ميكروسوفت خالص يعنى لو فية تعديل او حاجة بتلاقيك عارفة من قبليها بكتيييييييير وعارف سياسات الشركة ماشية ازاى وبتعمل سيمنرات (لقاء على مستوى القاعدة :lol: )تعرف الناس الاتجاة الفترة الجاية هيبقى عامل ازاى فى الخلاصة شركة محترمة هتفتخر انك اشتغلت تحتها ومرتبتها زى الفل :lol: :lol:

والله يا هندسة انا عارف ان الأوركال قوية جداً بس مشكلتها معايا ان البرامج اللي معموله بيها بحس أن مش Friendly user والإهتمام فيها بالشكل أو الـ Interface مش أد كده

مش عارف هي رؤية سطحية قوي بس ده كان انطباعي عن كل البرامج اللي متصممة بالأوراكل بحس أني شغال على ويندوز 3.11 مش عارف دهب يبقى عيب من البروجرامر ولا من الأوراكل نفسه؟

خلصنا على الاوراكل نمسك الحتة اللى بعدها

مش عارف طيب انت رأيك الشخصي ايه

ORACLE

VB.NET

عمرى ما هجاوب بصراحة اولا لانى مبرمج اوراكل واهلاوى صميم فأكيد هقولك اوراكل بدون شك

ثانيا الاختيار لميولك انت بتحب اية نظام الدتابيز والشغل دا ولا شغل البرمجيات اللزيز

بصراحة أنا بميل للبرمجة أكتر من إدارة الداتا بيز يمكن لجهلي بيها وبإمكانياتها

الموضوع زي مانت قلت لازم يتدرس كويس يعني لازم انزل الفيديوهات وادخل على اللينكات في الموضوع هنا على أساس إني أقرر مكن أكمل في ايه

ومشكلة النت عندي دي مصيبة مش حعرف أحمل كل ده هنا في الشغل

ان شاء الله حغير شركة النت اللي كنت معاها

انا مشيت شوية في الدوت نت بس المشكلة ان الكتاب امثلته كانت محدوده وزي ما قلت حسيت اني مش عارف اللي اتعلمته استفيد منه بإيه

يعني لو في فيديوهات زي اللي حطيتها للأوراكل للدوت نت

ممكن أقارن بينهم

هتقارن بينهم مش ممكن دا اتجاة ودا اتجاه تانى خالص كمان هتظلم نفسك لان هتعتمد فى الحالة دى على قوة المحاضر اللى بيشرح مش المنهج نفسة

انا بصراحة ما شوفتش VB فيديو عربى قبل كدا بس ممكن اجيبلك C# انضف

http://www.arabhardware.net/forum/showthread.php?t=130055

عايز برمجة عندك كمان الجافا شغلها دلوقتى حلو جداااااااااا ولو حصل اى كبسة ممكن تنقل اى لغة برمجة تانية كلهم متقاربين زى لغات اوربا كدا وطالما وصلت للفهم البرمجى الصحيح يبقى مش هتفرق معاك جافا او سى او جى

لو عندك اى اسئلة بخصوص الجافا وكدا شوف الفيديو دا هيجاب على كل حاجة

/?mw0zyxmagzy

ولو فية حاجة مش مفهومة بعدة قولى عليها وانا هبسطهالك ان شاء الله

معلش بقى أستحمل انت اللي جبته لنفسك

مش انت هتقدم كيبيك يبقى براحتك لو كنت فيدرال كنت قوتلك بالدور يا سيد مش شايف المكتب فاضى ازاى :D

تحت امرك فى اى وقت :lol: :lol: :roseop:

انا شايف كده ان الجافا أبتدت تلمع في الموضوع كله أجمع انها مطلوبة

انا بجد مش عارف اشكرك ازاي على صبرك وإجاباتك الوافيه بصراحة

ربنا يكرمك يا باشا

:lol:

gilmour.jpg

رابط هذا التعليق
شارك

لو انت واخد الموضوع جد .. مسالة حياة او موت يعني زي مابيقولوا .. انا ممكن اساعدك واعلمك جافا ..

استخير الاول وان لقيت نفسك متحمس وعندك استعداد ابعت لي ايميلك على الخاص هبعت لك كام ملف مقدمه خلصهم وابعت لك الي بعدهم ..

ممكن كمان ابعت لك تدريبات وامتحانات بعد كل جزء تخلصه عشان اقيم مستواك ..

ممكن اقف معاك واشرح لك خطوة خطوة الي انت عاوزه في الجافا بس بشرط ..

زي ماقلت لك تكون ملتزم بجد وناوي تتعلم بجد .. والاهم طبعا الانجليزي بتاعك يكون تمام لان الدروس هتكون بيه ..

قلت ايه ؟

مدام ضحى مش عارف أشكرك ازاي على ذوقك

الموضوع فعلاً بالنسبالي مهم جداً بس المشكلة بتاعتي وبتاعة معظم الناس اللي عايزة تتعلم مع نفسها هي

أبدأ منين ؟؟

يعني أنا بصراحة بحس ان الموضوع ده توهان بنسمع عن لغات برمجة كتييييييييييييييييييييييير لاتعد ولا تحصى

والمشكلة ان الواحد بيتوه

المهم انا حاسس من كلام الأخوة الأفاضل هنا ان الـ JAVA مطلوب وسهل ان الواحد يتعلمة

ان شاء الله أشوف الفيديو اللي الفاضل OReX حاطه وأقرر

وحبلغ حضرتك ان شاء الله لو حستمر فيه

انا الحمد لله الإنجليزي مش مشكلة بالنسبالي فمعاكي بإذن الله

جزاكي الله كل خير :lol:

gilmour.jpg

رابط هذا التعليق
شارك

السلام عليكم

عشان انا بس مبصتش على اللينك الا دلوقتى

الاوراكل هوا DBMSوالفى بى هوا لغة برمجة امال الناس بتقارن مع بعض لية

ببساطة جدا ودا لتوضيح الفكرة على قد ما اقدر يعنى اعتبرها كلام شات مش كلام علمى

قاعدة البيانات عايزلها واجهات عشان مدخلين البيانات يدخلوا بيناتهم والليلة الجميلة دى الواجهات دى بتتعمل بحاجات كتير اوى منها اوراكل ديفيلوبر سويت وجافا والفى بى وووووو..... طالما يعرف يشبك مع القاعدة يبقى حلال الله اكبر

أيوة كده يا باشا الصورة ظهرت شوية انا كنت متلخبط بين الأوراكل كقاعدة بيانات والأوراكل كمطور أو مبرمج كده أنا فهمت يا هندسة الله ينور عليك

دا غير ان فية انواع تانية غير اوراكل زى ماى سكول وقاعدة البيانات بتاعة اى بى ام ووووو

امال اية اللى حصل للشركات فى الخليج الى بتسيب الاوراكل وتتجه لقاعدة بيانات تانية او واجهات تانية

الموضوع ببساطة جدا فية شركات كتير فى الخليج ولا ليها اوراكل اصلا اوراكل عشان تحس بقيمتها لازم شركة كبيرة شركة تخاف على الداتا بتاعتها وعندها تعاملات عالية جدا وشغل داخل وطالع موال زى شركات الاتصالات كدا كام مليون عميل وكل عميل لية فاتروتة والمكالمات الواردة والصادرة غير شغل الشركة نفسه من جوا مش شغل عملاء بس

هنا تبان قوة الاوراكل زى ما شوفت في الفيديو كدا التقيم بتاع قواعد البيانات فى العالم متصدراة الاوراكل تقريبا50 % عالمى لو جيت قستها فى الخليج عموما هتلاقى النسبة معدية ال70% او اكتر كمان عارف اقرب تشبية يقربهالك اية ؟

العربيات فى الخليج تلاقى واحد جايب همر او لامبورغينى وهوا اخرة عشر دقايق للشغل ومبيخرجش الا يوم الجمعة للمول ولا حاجة زيها بالظبط فى قواعد البيانات تلاقى كتير جدا عايزين اوركل لية حضرتك ؟هوا كدا سمع انه حلو وغالى

لما الموضوع اتأزم وبقى الفلوس يتسأل عليها ومش حنفية شغالة وخلاص وعايزين نخطط بجد بقى تلاقى كلة يقول انا خسران مش كسبان بالاوراكل لا اشوفلى حاجة على مقاسى وعلى قد ميزانيتى تقضى مصلحتى والحياة تمشى بفلوس ااقل

هوا دا اكبر سبب ان فية شركات كتير بتسيب الارواكل وتجيب اى حاجة اقل تانية وهوا الجانب المادى واللى زاد ازمتة مع الازمة العالمية اللى بيدفع فى اوراكل زى العروسة البرنسيسة اللى هتصون اسرارك وتحميك ووووو دلوقتى لو عايزها اقدر على مهرها :D

شوف بس الفيديو دا وهتلاقى الدنيا بقت ابيض من كندا فى الشتا

http://www.BLOCKED77/file/40235159/ed6f81b0/1-_introduction.html?dirPwdVerified=e5617b29

متسنى ردك بعد الفيديو ان شاء الله

بصراحة شرحك بسم الله ما شاء الله ممتاز يعني بسيط وبيوصل للدماغ عدل والله

انا مشكلتي إني مش عارف أتواصل معاك دلوقتي لا عارف أنزل الفيديوهات ولا أشوفها كده لازم أشوف حل لمشكلة النت عندي في البيت

:roseop:

gilmour.jpg

رابط هذا التعليق
شارك

سلام عليكم

أنا ياأخي الفاضل شغال الحمد لله مبرمج أو مطور أول برمجيات senior software developer وبقالي أربع سنين شغال في المجال ده ومن أيام الكليه كمان وهأقولك بدايه القصه

أنا اول حاجه اشتغلت كانت C و C++ البرمجه شيئية التوجيه أو زي مابيسموها بالعربي وكانت كورسات في الكليه وقتها وبعد كده اتعلمت VB6 و VB.NET و C# و كمان Java والحمد لله كل الحاجات اتعلمتها Self study لوحدي يعني عن طريق القرأه والتطبيق لان كان عندي الاساس اللي ماشي عليه وتقريبا تقدر تقول ماأخدتش كورسات خالص .

انا شايف انك علشان تتعلم البرمجه المفروض تتعلم الاول Programming Concepts أو مفاهيم البرمجه الأساسيه وهي الحاجات الموجوده في كل لغات البرمجه مع أختلاف التطبيق بمعني ايه انت علشان تبني بيت محتاج في الاول اساس للبيت وبعدين حيطان وكمان لازم سقف البيت فانت ممكن تعمل الاساسات دي حجاره مثلا وغيرك يعملها خرسانه بس في النهايه انت عندك أساس البيت والبرمجه نفس الفكره انك ممكن تعمل نفس الوظيفه بطرق مختلفه او لغات مختلفه.

مثال مشهور اوي Hello World انت تطبعها علي الشاشه

Java:

System.out.print("Hello World");

C# :

Console.Out.WriteLine("Hello World");

C++ :

cout << "Hello World";

etc...

فالأول ماتنساش انك تختار لغه بسيطه تبدأ بيها زي VB.NET مثلا ولو انت جاد اوي ادخل علي جافا Object Oriented Programming وتركز علي انك تتعلم مفهوم البرمجه الاساسي وتركز علي مكونات اي لغه برمجه وهي كالتالي :

Variables,Constants, Data Types

Basic input/output

loops and conditions

functions and classes

Operators and Assignment

Control Structure

Data Structures

>>>

الحاجات دي هتلاقيها موجوده في اي لغه برمجه بس زي ماقلت بتطبيق مختلف وبعدين تقدر تتعلم مواضيع متقدمه في البرمجه زي Database و Network و File Handling

وان شاء الله ارجو ان اكون افتدك ولو حضرتك عندك سؤال انا ممكن اساعد ان شاء الله.

ومعلش انا رديت بسرعه كده وممكن ابقي ارتب افكاري شويه واكتبها في موضوع علشان تفيد ان شاء الله

وعليكم السلام

الأخ ahosny بارك الله لك في علمك

نصيحة حضرتك غالية قوي وإن شاء الله تبقى في دماغ الواحد وهو بيتعلم بس ليا استفسار

بما أن حضرتك اتعلمت مع نفسك البرمجة ايه المشاكل اللي كانت بتقابلك في البدايه بحيث ان الواحد ممكن يبعد عنها

كلام

وبالنسبة للـ Programming Concepts هل في كتاب معين أو سايت بيشرحها بشكل عام ولا ده حيكون موجود ضمني في كتب لغات البرمجة يعني أنا قريت الكلام الخاص بال VARIABLES وال LOOPS وال FUNCTIONS وال CLASSES وانا شغال على ال VB.NET هل دهب يفيد في اللغات الأخرى؟

ومليون ألف شكر ليك يا هندسة على النصايح الغالية :roseop:

gilmour.jpg

رابط هذا التعليق
شارك

لو محتاج حاجه قويه و تتعلمها بسرعه ! امشي في java و نصحيييييه احسن كتاب ممكن تتعلمها منه هو thinking in java ! لو مش عندك ممكن ابعتهولك

كمان ممكن تشتغل علي python من اقوي و اسهل اللغات اللي موجوده ! بسيطه جداا و تقدر تعمل بيها اي حاجه في الدنيا !!

لو عاوز تشتغل في تطوير تطبيقات انترنت ! عندك Ruby ! لا يعيبها الا اسمها :D Ruby on Rails مطلوبه جداا !

نصيحه ! بلاش C# "في عداء بيني و بين منتجات مايكروسوفت" !!! و متهتمش بأقوال ان البرمجه الحقيقيه بـC او بـ C++

ميردوك باشا

بجد انت مجنن الواحد ودايماً بتفاجأنا سواء في رزع الحلل أو رزع الأكواد :lol:

انا على معظم الأراء اللي شايفها هنا حاسس أن الجافا حتكون ممتازة ان شاء الله

ححاول أشوف الكتاب ده وأنزله ولو ماعرفتش حديلك رينج :wub:

ليا سؤال محيرني قوي

بالنسبة للأكواد

هو الواحد لازم يكون بيعرف يحفظ ؟؟ ولا الأكواد بتعتمد على الفهم ؟؟

وسمعت ان في برامج ممكن تعملها من غير ماتكتب سطر كود عندك فكرة عنها ؟؟ وهل تعتبر لغات برمجة قوية ولا ايه الحياة؟

ألف شكر ليك يا حبيب الملايين وبارك الله فيك :roseop:

gilmour.jpg

رابط هذا التعليق
شارك

لو محتاج حاجه قويه و تتعلمها بسرعه ! امشي في java و نصحيييييه احسن كتاب ممكن تتعلمها منه هو thinking in java ! لو مش عندك ممكن ابعتهولك

كمان ممكن تشتغل علي python من اقوي و اسهل اللغات اللي موجوده ! بسيطه جداا و تقدر تعمل بيها اي حاجه في الدنيا !!

لو عاوز تشتغل في تطوير تطبيقات انترنت ! عندك Ruby ! لا يعيبها الا اسمها :D Ruby on Rails مطلوبه جداا !

نصيحه ! بلاش C# "في عداء بيني و بين منتجات مايكروسوفت" !!! و متهتمش بأقوال ان البرمجه الحقيقيه بـC او بـ C++

ميردوك باشا

بجد انت مجنن الواحد ودايماً بتفاجأنا سواء في رزع الحلل أو رزع الأكواد :lol:

انا على معظم الأراء اللي شايفها هنا حاسس أن الجافا حتكون ممتازة ان شاء الله

ححاول أشوف الكتاب ده وأنزله ولو ماعرفتش حديلك رينج :lol:

ليا سؤال محيرني قوي

بالنسبة للأكواد

هو الواحد لازم يكون بيعرف يحفظ ؟؟ ولا الأكواد بتعتمد على الفهم ؟؟

وسمعت ان في برامج ممكن تعملها من غير ماتكتب سطر كود عندك فكرة عنها ؟؟ وهل تعتبر لغات برمجة قوية ولا ايه الحياة؟

ألف شكر ليك يا حبيب الملايين وبارك الله فيك :roseop:

هههههه بعد دماغ هيد بانجينج لازم تقعد تكود شويه , :wub:

الكتاب اهوو عشان متتعبش في التدوير http://www.BLOCKED77/file/166499623/221a..._Edition_r.html

,, بالمناسبه قبل ما تقرا اي كتاب ابقي ألقي نظره علي الريفيوز بتاعته علي http://www.goodreads.com/ بيكون في ناس قروه قبلك و بيقولو مميزاته و عيوبه و كدا يعني

بالنسبه للاكودا , انت مش محتاج تحفظ حاجه خالص غير انك بس تفهم الساينتاكس بتاعت اللغه ماشيه ازاي :lol: بعد كدا اي كوود حتقراه حتفهمه

" مش لازم تكون المشكله في الفهم منك علي فكره ! كان ليا تجارب انتحار مع MFC بس ربنا ستر و مطلعتش المشكله مني" :lol:

اختار اللغه اللي ترتاحلها في العموم , و متعقدش نفسك الموضوع سهل و مش صعب خالص :) اهم حاجه تقعد تقرا و تجرب كتييير !

سيبك من البرامج اللي عامله زي الاكسيس كدا , غالبا بتخليك مرتبط بشيئ واحد مش حتقدر تغيره و صعب انك تقدر تتعلم غيره , لو اتعلمت اي لغه عاديه بعد كدا سهل قووي انك تتعلم لغه غيرها !

رابط هذا التعليق
شارك

لو انت واخد الموضوع جد .. مسالة حياة او موت يعني زي مابيقولوا .. انا ممكن اساعدك واعلمك جافا ..

استخير الاول وان لقيت نفسك متحمس وعندك استعداد ابعت لي ايميلك على الخاص هبعت لك كام ملف مقدمه خلصهم وابعت لك الي بعدهم ..

ممكن كمان ابعت لك تدريبات وامتحانات بعد كل جزء تخلصه عشان اقيم مستواك ..

ممكن اقف معاك واشرح لك خطوة خطوة الي انت عاوزه في الجافا بس بشرط ..

زي ماقلت لك تكون ملتزم بجد وناوي تتعلم بجد .. والاهم طبعا الانجليزي بتاعك يكون تمام لان الدروس هتكون بيه ..

قلت ايه ؟

مدام ضحى مش عارف أشكرك ازاي على ذوقك

الموضوع فعلاً بالنسبالي مهم جداً بس المشكلة بتاعتي وبتاعة معظم الناس اللي عايزة تتعلم مع نفسها هي

أبدأ منين ؟؟

يعني أنا بصراحة بحس ان الموضوع ده توهان بنسمع عن لغات برمجة كتييييييييييييييييييييييير لاتعد ولا تحصى

والمشكلة ان الواحد بيتوه

المهم انا حاسس من كلام الأخوة الأفاضل هنا ان الـ JAVA مطلوب وسهل ان الواحد يتعلمة

ان شاء الله أشوف الفيديو اللي الفاضل OReX حاطه وأقرر

وحبلغ حضرتك ان شاء الله لو حستمر فيه

انا الحمد لله الإنجليزي مش مشكلة بالنسبالي فمعاكي بإذن الله

جزاكي الله كل خير :happy:

خلاص باذن الله لو استقريت بعد الاستخاره على الجافا قولي ارسل لك الي عندي ملفات مختصرة ومبسطة جدا وجايبه من الصفر وده اهم حاجه ..

بالنسبة لتبدأ ازاي او تتعلم منين ولا تختار ايه ..

هقولك مثال بسيط اوي ..

لغه البرمجه اساسا هي من اسمها ( لغه ) يعني زي الانجليزي زي الفرنساوي .. الكمبيوتر مش بيتكلم لا عربي ولا انجليزي وانما بيتكلم لغه يفهمها اسمها لغه الآلة .. طبعا احنا مبنتكلمش اللغه دي فصعب اوي لو عاوزين نعمل حاجه معينة اننا ندي الامر بتاعها بلغه الآلة .. فالحل كان اختراع لغه وسيطة بين الاثنين ـ لغه الانسان ولغه الكمبيوتر ـ بحيث نكتب بيها الاوامر وهو يفهمها وينفذها ..

تعرف الحكايه دي زي ايه .. لما يكون عندك موظف هندي وتكلمه وتقوله ( انا في ييجي بكرا صباح انت في معلوم ؟ فيهز راسه انه فاهم ) الجملة الاخيرة دي لا هي عربي ولا هي هندي بس الاثنين فاهمين معناها والاهم ان لها قواعد اتفق عليها خلاص ومبقيناش حافظينها وانما تعودنا على استخدامها فبقت بتيجي معانا صح .

اذا لغات البرمجه بتدينا جمل نتحاور بيها مع الكمبيوتر بنسميها ( كود ) وكل ماكنا متمكنين من اللغه ( يعني حافظين مفردات كتير منها ) وكل ماكنا فاهمين احنا عاوزين ايه بالظبط من الكمبيوتر ومطلوب منه ينفذ لنا ايه كل ما طلعنا حوار حلو مفهوم يعني ( كود ) مظبوط .

كل ماكانت اللغه اقرب للغه الكمبيوتر كانت اصعب شويه في فهمنا لها في البدايه او في تركيب الجمل بتاعتها لان مفرداتها بتكون اقل لكن بتطلع لنا برامج اقوى ..واللغات من النوع ده زي سي والجافا .. وكل ماكانت اللغه اقرب للغه البشر او بتتعامل فيها بحاجات فيجوال يعني مرئية مثلا تحب تعمل طباعه تروح تلصق زر بيطبع مش تكتب امر الطباعه .. كل ماكانت اللغات سهله كده وقريبة من لغتنا كل ماكانت برامجها اقل قوة ( بتاخذ وقت اطول في التنفيذ وده نقطه ضعف في البرنامج لانه بيستهلك موارد الجهاز , وكمان البرنامج بيبقى عرضه للانهيار او الاعطال اكتر من المكتوب بلغه قوية ) .. بس ده لاينفي ان مؤخرا ظهرت لغات بتستخدم الاسلوب المرئي والى حد ما تعتبر قوية برضه مش زي الاول كانت القاعده دي صحيحه على الاطلاق .

هتبدأ ازاي ؟

زي اي لغه بنتعلمها الاول اننا نحفظ مفردات اللغه دي .. يعني المصطلحات .. مثلا بتعلم انجليزي فاول حاجه هتعلمها كلمات زي boy girl apple

افعال زي eat read run

بعدين اتعلم تركيب الجملة نفسها بيجي ازاي .. يعني لما احب اقول ( انا باكل ) بكتبها كده لكن مكتبش ( اكل انا ) ده اسمه تركيب الجملة او الساينتاكس ..

يبقى دي المرحلة الاولى اني هتعلم مصطلحات لغه البرمجه من كلمات ومفردات زي ant , duble , variable سواء اني اعرف معاني الكلمات دي او بتستخدم في ايه

ثم اتعلم الاوامر زي print , scan , format

بعدين اتعلم السانتاكس او تركيب الجملة ازاي يعني لما احب اقول اطبع كلمه اقوله system.out.print ثم احط الكلمه المطلوبة بين قوسين وهكذا .

طيب تعلمت اللغه الانجليزية او الالمانية او الجافا .. هعمل ايه بعد كده ؟

تعلم اللغه مش في حد ذاته الهدف . وانما الهدف اني بعد ماعرف اتكلم انجليزي او اتكلم جافا اني اكتب مواضيع بقى باللغه دي .. وتماما كما ان الانسان بيقدر يكبت موضوع تعبير او انشا بالعربي او الانجليزي فهو يقدر يعمل نفس الشيء بالجافا او السي .. موضوع التعبير الي بالجافا ده اسمه برنامج جافا .. له هدف ومعلومه عاوز يوصلها ونتيجه نخلص بيها منه .

الموضوع سهل مش محتاج اكثر من شويه حفظ بسيط جدا في البداية للمصطلحات وتركيب الجملة مش للكود .. ثم كمية كافية من التكرار في كتابة الاكواد لغايه مايبقى ( لسانك ) متعود على الجملة وتقدر تنطقها لوحدك بدون تفكير .. بعدها هتلاقي نفسك لما تقرأ اي كود فاهم المقصود منه بالظبط حتى لو كان اول مرة تشوفه .. بالظبط كانك بتقرأ نص انجليزي واحد كاتبه وانت بتعرف انجليزي فخلاص هتفهم هو عاوزي قول ايه ..

بالنسبة لتتعلم منين ..

عن نفسي الطريقة المعتمده بالنسبة لي لما بتعلم حاجه جديده .. مثلا تعلمت خلاص جافا وعارفه الاساسيات وعاوزه اتعلم مثلا ازاي اعمل صوت في البرنامج مثلا .. بيكون عندي دائما مرجعين او تلاته وممكن اكتر . بمسك المرجع الاول واقرأ فيه عن الطريقة الخاصه بالحاجه الي عاوزه اعملها .. اعرفها وبعدين اشوف مرجع تاني بيتكلم عن نفس الجزئية دي وهي الاصوات وهكذا .. غالبا بطلع بمعلومه من كل واحد فيهم مكانتش في الثاني .. برجع في النهاية الخص كل الي قرأته ده بملخص خاص بي وطبعا انفذه عملي عشان اثبت المعلومه ..

في البدايه كنت بستعين بمرجعين تلاته او اكتر لكن مع تكرار القراءة والمقارنة بكتشف ان في مرجع او اثنين على الاكثر بيغني عن البقية فبعتمدهم واترك الباقي ..

بعد ماخلص تعليم الي عاوزه اتعلمه والم بالموضوع كله بعتمد مرجع واحد فقط ( يكون طخين ومتغذي ) كمرجع لي بخليه عندي دائما وبقية المراجع بتخلص منها .. طبعا المرجع ده بيكون مش للاساسيات وانما للحاجات المتخصصة اوي لان معتقدش حد ممكن يحفظ الدوال كلها وتفاصيل التفاصيل .. الحاجات الي بنستخدمها باستمرار بنكون حافظينها اما الي كل عشر سنين على مانحتاجها دي بنخليها في مرجعها ولما نعوزها نفتحه نبص عليه بصه ..

ده بشكل عام بالنسبة للبرمجه وباذن الله في مداخله جايه اقولك الاوراكيل وقواعد البيانات حكايتها ايه ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

وعليكم السلام

الأخ ahosny بارك الله لك في علمك

نصيحة حضرتك غالية قوي وإن شاء الله تبقى في دماغ الواحد وهو بيتعلم بس ليا استفسار

بما أن حضرتك اتعلمت مع نفسك البرمجة ايه المشاكل اللي كانت بتقابلك في البدايه بحيث ان الواحد ممكن يبعد عنها

كلام

وبالنسبة للـ Programming Concepts هل في كتاب معين أو سايت بيشرحها بشكل عام ولا ده حيكون موجود ضمني في كتب لغات البرمجة يعني أنا قريت الكلام الخاص بال VARIABLES وال LOOPS وال FUNCTIONS وال CLASSES وانا شغال على ال VB.NET هل دهب يفيد في اللغات الأخرى؟

ومليون ألف شكر ليك يا هندسة على النصايح الغالية :happy:

الله يكرمك ياجدار وربنا يوفقك لما فيه الخير ان شاء الله

لا انا ماتعلمتش البرمجه مع نفسي من الصفر يعني انا أول حاجه اخدتها كانت كورس مقرر عليا في الكلية كلية حاسبات القاهرة بس كان عندي فكره من الاول وكانت C++ بس الحمد لله اتعلمت منه كويس وعرفت ال Basics وأهم حاجه اتعلمتها كانت Object Oriented Programming و ال Programming Concepts ال Program Structures و Data Structures يعني ايه مثلا Object, Class, Inheritance ومفاهيم كتير بس هي كانت البدايه وقرأت كتب في ال C++ و كمان Windows APIs وطبعا اللغات دي خلاص تقريبا بس مستخدمه قليل اوي يعني.

وبعدها خلاص عرفت منين أبدا اي لغة وأدور علي الحاجات اللي لازم تكون موجوده في أي لغه فابدأت Java والموضوع بقه كله مرتبط ب Syntax و APIs بتاع اللغه.

وانا الكتاب اللي بدأت فيه في الجافا كان Core Java 2 الجزأ الأول والتاني وهما من Sun Microsystems Press وكمان Thinking in Java و Java Reference تقريبا.

بس انا راي انك تركز في حاجه واحده زي Java وتبدا تختار كتاب يكون مناسب ليك وأنا شايف ان Core Java 2 كتاب مناسب أوي وفيه أمثله كويسه واهم حاجه تتعلم بيها أي لغه انك تفكر في برنامج معين وتفكر في الوظايف بتاعته وتخلي الموضوع incremental بمعني كل ماتتعلم حاجه جديده تبدأ تحط وظايف جديده للبرنامج مثال مثلا

ممكن تقول انا هاعمل برنامج CRM يعني خاص بعملاء الشركه وتكتب الوظايف اللي ممكن يعملها

حاجه بسيطه خالص في الأول انه مثلا يطبع اسم العميل علي الشاشه ومره تانيه ياخد بيانات العميل ولو السن أكبر من 20 سنه مثلا تتطبع رساله معينه أو تعمل أكشن معين وهكذا هتلاقي نفسك في اخر الموضوع عملت برنامج كامل بيتعامل مع الداتا بيز وفيه شويه Business Requirements وتقارير وحاجات كتير بس دا طبعا في مراحل متقدمه ويخليك تدور ازاي تطبق الكلام ده في الجافا وازاي تدور علي المعلومه وتلاقيها ودي اهم حاجه بصراحه.

بس حاول ماتشتش نفسك وتوكل علي الله في الجافا واختار كتاب او tutorial شرح والجماعه هنا كلهم ماشاء الله عندهم كنز من المصادر والكتب والفيديوهات.

وربنا يكرمك يارب ان شاء الله

Man's mind, once stretched by a new idea, never regains its original dimensions

رابط هذا التعليق
شارك

لو انت واخد الموضوع جد .. مسالة حياة او موت يعني زي مابيقولوا .. انا ممكن اساعدك واعلمك جافا ..

استخير الاول وان لقيت نفسك متحمس وعندك استعداد ابعت لي ايميلك على الخاص هبعت لك كام ملف مقدمه خلصهم وابعت لك الي بعدهم ..

ممكن كمان ابعت لك تدريبات وامتحانات بعد كل جزء تخلصه عشان اقيم مستواك ..

ممكن اقف معاك واشرح لك خطوة خطوة الي انت عاوزه في الجافا بس بشرط ..

زي ماقلت لك تكون ملتزم بجد وناوي تتعلم بجد .. والاهم طبعا الانجليزي بتاعك يكون تمام لان الدروس هتكون بيه ..

قلت ايه ؟

مدام ضحى مش عارف أشكرك ازاي على ذوقك

الموضوع فعلاً بالنسبالي مهم جداً بس المشكلة بتاعتي وبتاعة معظم الناس اللي عايزة تتعلم مع نفسها هي

أبدأ منين ؟؟

يعني أنا بصراحة بحس ان الموضوع ده توهان بنسمع عن لغات برمجة كتييييييييييييييييييييييير لاتعد ولا تحصى

والمشكلة ان الواحد بيتوه

المهم انا حاسس من كلام الأخوة الأفاضل هنا ان الـ JAVA مطلوب وسهل ان الواحد يتعلمة

ان شاء الله أشوف الفيديو اللي الفاضل OReX حاطه وأقرر

وحبلغ حضرتك ان شاء الله لو حستمر فيه

انا الحمد لله الإنجليزي مش مشكلة بالنسبالي فمعاكي بإذن الله

جزاكي الله كل خير :happy:

خلاص باذن الله لو استقريت بعد الاستخاره على الجافا قولي ارسل لك الي عندي ملفات مختصرة ومبسطة جدا وجايبه من الصفر وده اهم حاجه ..

بالنسبة لتبدأ ازاي او تتعلم منين ولا تختار ايه ..

هقولك مثال بسيط اوي ..

لغه البرمجه اساسا هي من اسمها ( لغه ) يعني زي الانجليزي زي الفرنساوي .. الكمبيوتر مش بيتكلم لا عربي ولا انجليزي وانما بيتكلم لغه يفهمها اسمها لغه الآلة .. طبعا احنا مبنتكلمش اللغه دي فصعب اوي لو عاوزين نعمل حاجه معينة اننا ندي الامر بتاعها بلغه الآلة .. فالحل كان اختراع لغه وسيطة بين الاثنين ـ لغه الانسان ولغه الكمبيوتر ـ بحيث نكتب بيها الاوامر وهو يفهمها وينفذها ..

تعرف الحكايه دي زي ايه .. لما يكون عندك موظف هندي وتكلمه وتقوله ( انا في ييجي بكرا صباح انت في معلوم ؟ فيهز راسه انه فاهم ) الجملة الاخيرة دي لا هي عربي ولا هي هندي بس الاثنين فاهمين معناها والاهم ان لها قواعد اتفق عليها خلاص ومبقيناش حافظينها وانما تعودنا على استخدامها فبقت بتيجي معانا صح .

اذا لغات البرمجه بتدينا جمل نتحاور بيها مع الكمبيوتر بنسميها ( كود ) وكل ماكنا متمكنين من اللغه ( يعني حافظين مفردات كتير منها ) وكل ماكنا فاهمين احنا عاوزين ايه بالظبط من الكمبيوتر ومطلوب منه ينفذ لنا ايه كل ما طلعنا حوار حلو مفهوم يعني ( كود ) مظبوط .

كل ماكانت اللغه اقرب للغه الكمبيوتر كانت اصعب شويه في فهمنا لها في البدايه او في تركيب الجمل بتاعتها لان مفرداتها بتكون اقل لكن بتطلع لنا برامج اقوى ..واللغات من النوع ده زي سي والجافا .. وكل ماكانت اللغه اقرب للغه البشر او بتتعامل فيها بحاجات فيجوال يعني مرئية مثلا تحب تعمل طباعه تروح تلصق زر بيطبع مش تكتب امر الطباعه .. كل ماكانت اللغات سهله كده وقريبة من لغتنا كل ماكانت برامجها اقل قوة ( بتاخذ وقت اطول في التنفيذ وده نقطه ضعف في البرنامج لانه بيستهلك موارد الجهاز , وكمان البرنامج بيبقى عرضه للانهيار او الاعطال اكتر من المكتوب بلغه قوية ) .. بس ده لاينفي ان مؤخرا ظهرت لغات بتستخدم الاسلوب المرئي والى حد ما تعتبر قوية برضه مش زي الاول كانت القاعده دي صحيحه على الاطلاق .

هتبدأ ازاي ؟

زي اي لغه بنتعلمها الاول اننا نحفظ مفردات اللغه دي .. يعني المصطلحات .. مثلا بتعلم انجليزي فاول حاجه هتعلمها كلمات زي boy girl apple

افعال زي eat read run

بعدين اتعلم تركيب الجملة نفسها بيجي ازاي .. يعني لما احب اقول ( انا باكل ) بكتبها كده لكن مكتبش ( اكل انا ) ده اسمه تركيب الجملة او الساينتاكس ..

يبقى دي المرحلة الاولى اني هتعلم مصطلحات لغه البرمجه من كلمات ومفردات زي ant , duble , variable سواء اني اعرف معاني الكلمات دي او بتستخدم في ايه

ثم اتعلم الاوامر زي print , scan , format

بعدين اتعلم السانتاكس او تركيب الجملة ازاي يعني لما احب اقول اطبع كلمه اقوله system.out.print ثم احط الكلمه المطلوبة بين قوسين وهكذا .

طيب تعلمت اللغه الانجليزية او الالمانية او الجافا .. هعمل ايه بعد كده ؟

تعلم اللغه مش في حد ذاته الهدف . وانما الهدف اني بعد ماعرف اتكلم انجليزي او اتكلم جافا اني اكتب مواضيع بقى باللغه دي .. وتماما كما ان الانسان بيقدر يكبت موضوع تعبير او انشا بالعربي او الانجليزي فهو يقدر يعمل نفس الشيء بالجافا او السي .. موضوع التعبير الي بالجافا ده اسمه برنامج جافا .. له هدف ومعلومه عاوز يوصلها ونتيجه نخلص بيها منه .

الموضوع سهل مش محتاج اكثر من شويه حفظ بسيط جدا في البداية للمصطلحات وتركيب الجملة مش للكود .. ثم كمية كافية من التكرار في كتابة الاكواد لغايه مايبقى ( لسانك ) متعود على الجملة وتقدر تنطقها لوحدك بدون تفكير .. بعدها هتلاقي نفسك لما تقرأ اي كود فاهم المقصود منه بالظبط حتى لو كان اول مرة تشوفه .. بالظبط كانك بتقرأ نص انجليزي واحد كاتبه وانت بتعرف انجليزي فخلاص هتفهم هو عاوزي قول ايه ..

بالنسبة لتتعلم منين ..

عن نفسي الطريقة المعتمده بالنسبة لي لما بتعلم حاجه جديده .. مثلا تعلمت خلاص جافا وعارفه الاساسيات وعاوزه اتعلم مثلا ازاي اعمل صوت في البرنامج مثلا .. بيكون عندي دائما مرجعين او تلاته وممكن اكتر . بمسك المرجع الاول واقرأ فيه عن الطريقة الخاصه بالحاجه الي عاوزه اعملها .. اعرفها وبعدين اشوف مرجع تاني بيتكلم عن نفس الجزئية دي وهي الاصوات وهكذا .. غالبا بطلع بمعلومه من كل واحد فيهم مكانتش في الثاني .. برجع في النهاية الخص كل الي قرأته ده بملخص خاص بي وطبعا انفذه عملي عشان اثبت المعلومه ..

في البدايه كنت بستعين بمرجعين تلاته او اكتر لكن مع تكرار القراءة والمقارنة بكتشف ان في مرجع او اثنين على الاكثر بيغني عن البقية فبعتمدهم واترك الباقي ..

بعد ماخلص تعليم الي عاوزه اتعلمه والم بالموضوع كله بعتمد مرجع واحد فقط ( يكون طخين ومتغذي ) كمرجع لي بخليه عندي دائما وبقية المراجع بتخلص منها .. طبعا المرجع ده بيكون مش للاساسيات وانما للحاجات المتخصصة اوي لان معتقدش حد ممكن يحفظ الدوال كلها وتفاصيل التفاصيل .. الحاجات الي بنستخدمها باستمرار بنكون حافظينها اما الي كل عشر سنين على مانحتاجها دي بنخليها في مرجعها ولما نعوزها نفتحه نبص عليه بصه ..

ده بشكل عام بالنسبة للبرمجه وباذن الله في مداخله جايه اقولك الاوراكيل وقواعد البيانات حكايتها ايه ..

بجد مش عارفه اقول لحضرتك ايه

انا من الشغوفين لتعلم البرمجه ولكن معرفشي راسي من رجلي خااااااااااااالص .. بس من باب حب تعلم شيء غير تخصصي

انا خريجه تجاره انجلش تخصصي BUSINESS ADMINISTRATION

وبعمل ماستر في ال INTERNATIONAL ECONOMICS

بس من زمان وانا نفسي افهم ايه هو الitومين هوا البروجرامر وايه هيا لغه الاله ..

حضرتك ف المداخله دي وضحتلي ال a B c

وده مخليني مبسوطه كتير ..شكرا جزبلا ومتابعه حضرتك

رابط هذا التعليق
شارك

احب بس اضيف معلومة

لازم الأول تتعلم تفكر زي ما اي برنامج بيشتغل يعني تتعلم مبادي تحليل النظام

system analysis

بمعنى كنا زمان في الرياضيات بتعلم انه لازم معطيات وطريقة الحل ونواتج

input----process-output

دي اساسيات البرمجة

وبعد كده صدقني مش هتفرق معاك اي لغة

يعني المفروض ان لغات البرمجة كلها ممكن تؤدي نفس الوظائف طبعا مش حرفيا الكلام ده ولكن تقريبا

طب ايه الفرق

الفرق في التخصص يعني فيه لغة برمجة اتعملت اساسا للتعامل مع الهاردوير لو حبينا نتعامل من خلالها مع قاعدة بيانات ممكن لكن الي هتعمله فيها في 300 سطر مثلا تعمله في جملتين في حاجة متخصصة

وبعدين في حاجة تانية

اذا قدرت تفهم الكمبيوتر كويس بمعنى يكون عندك خلفية عن الاساسيات كلها

هتقدر انت تحدد اكتر عايز تروح فين ومحتاج ايه

بس ارجع واقول ان اول حاجة هي التفكير المنطقي في تسلسل البرنامج وبعد كده كتابته

يعني الكود مش مشكلة كبيرة لأن في الاخر محدش بيحفظ كود

تم تعديل بواسطة justme

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك

هههههه بعد دماغ هيد بانجينج لازم تقعد تكود شويه , :lol:

الكتاب اهوو عشان متتعبش في التدوير http://www.BLOCKED77/file/166499623/221a..._Edition_r.html

,, بالمناسبه قبل ما تقرا اي كتاب ابقي ألقي نظره علي الريفيوز بتاعته علي http://www.goodreads.com/ بيكون في ناس قروه قبلك و بيقولو مميزاته و عيوبه و كدا يعني

بالنسبه للاكودا , انت مش محتاج تحفظ حاجه خالص غير انك بس تفهم الساينتاكس بتاعت اللغه ماشيه ازاي :lol: بعد كدا اي كوود حتقراه حتفهمه

" مش لازم تكون المشكله في الفهم منك علي فكره ! كان ليا تجارب انتحار مع MFC بس ربنا ستر و مطلعتش المشكله مني" :lol:

اختار اللغه اللي ترتاحلها في العموم , و متعقدش نفسك الموضوع سهل و مش صعب خالص pps: اهم حاجه تقعد تقرا و تجرب كتييير !

سيبك من البرامج اللي عامله زي الاكسيس كدا , غالبا بتخليك مرتبط بشيئ واحد مش حتقدر تغيره و صعب انك تقدر تتعلم غيره , لو اتعلمت اي لغه عاديه بعد كدا سهل قووي انك تتعلم لغه غيرها !

صباح الفل يا ياشا

مش عارف أشكرك ازاي بجد حسيت بتفاؤل لما قريت مداخلتك

اصل بصراحة انا متعقد من الحفظ

كده الواحد يدخل بقلب جامد ان شاء الله

حلو قوي السايت بتاع goodreads يعني بيوفر وقت ممكن يضيع في كتاب مالهوش قيمة

ألف شكر على الكتاب وربنا يخليك لينا ودايما تتحفنا بالجديد bnd5::

تم تعديل بواسطة الجدار

gilmour.jpg

رابط هذا التعليق
شارك

خلاص باذن الله لو استقريت بعد الاستخاره على الجافا قولي ارسل لك الي عندي ملفات مختصرة ومبسطة جدا وجايبه من الصفر وده اهم حاجه ..

بالنسبة لتبدأ ازاي او تتعلم منين ولا تختار ايه ..

هقولك مثال بسيط اوي ..

لغه البرمجه اساسا هي من اسمها ( لغه ) يعني زي الانجليزي زي الفرنساوي .. الكمبيوتر مش بيتكلم لا عربي ولا انجليزي وانما بيتكلم لغه يفهمها اسمها لغه الآلة .. طبعا احنا مبنتكلمش اللغه دي فصعب اوي لو عاوزين نعمل حاجه معينة اننا ندي الامر بتاعها بلغه الآلة .. فالحل كان اختراع لغه وسيطة بين الاثنين ـ لغه الانسان ولغه الكمبيوتر ـ بحيث نكتب بيها الاوامر وهو يفهمها وينفذها ..

تعرف الحكايه دي زي ايه .. لما يكون عندك موظف هندي وتكلمه وتقوله ( انا في ييجي بكرا صباح انت في معلوم ؟ فيهز راسه انه فاهم ) الجملة الاخيرة دي لا هي عربي ولا هي هندي بس الاثنين فاهمين معناها والاهم ان لها قواعد اتفق عليها خلاص ومبقيناش حافظينها وانما تعودنا على استخدامها فبقت بتيجي معانا صح .

اذا لغات البرمجه بتدينا جمل نتحاور بيها مع الكمبيوتر بنسميها ( كود ) وكل ماكنا متمكنين من اللغه ( يعني حافظين مفردات كتير منها ) وكل ماكنا فاهمين احنا عاوزين ايه بالظبط من الكمبيوتر ومطلوب منه ينفذ لنا ايه كل ما طلعنا حوار حلو مفهوم يعني ( كود ) مظبوط .

كل ماكانت اللغه اقرب للغه الكمبيوتر كانت اصعب شويه في فهمنا لها في البدايه او في تركيب الجمل بتاعتها لان مفرداتها بتكون اقل لكن بتطلع لنا برامج اقوى ..واللغات من النوع ده زي سي والجافا .. وكل ماكانت اللغه اقرب للغه البشر او بتتعامل فيها بحاجات فيجوال يعني مرئية مثلا تحب تعمل طباعه تروح تلصق زر بيطبع مش تكتب امر الطباعه .. كل ماكانت اللغات سهله كده وقريبة من لغتنا كل ماكانت برامجها اقل قوة ( بتاخذ وقت اطول في التنفيذ وده نقطه ضعف في البرنامج لانه بيستهلك موارد الجهاز , وكمان البرنامج بيبقى عرضه للانهيار او الاعطال اكتر من المكتوب بلغه قوية ) .. بس ده لاينفي ان مؤخرا ظهرت لغات بتستخدم الاسلوب المرئي والى حد ما تعتبر قوية برضه مش زي الاول كانت القاعده دي صحيحه على الاطلاق .

هتبدأ ازاي ؟

زي اي لغه بنتعلمها الاول اننا نحفظ مفردات اللغه دي .. يعني المصطلحات .. مثلا بتعلم انجليزي فاول حاجه هتعلمها كلمات زي boy girl apple

افعال زي eat read run

بعدين اتعلم تركيب الجملة نفسها بيجي ازاي .. يعني لما احب اقول ( انا باكل ) بكتبها كده لكن مكتبش ( اكل انا ) ده اسمه تركيب الجملة او الساينتاكس ..

يبقى دي المرحلة الاولى اني هتعلم مصطلحات لغه البرمجه من كلمات ومفردات زي ant , duble , variable سواء اني اعرف معاني الكلمات دي او بتستخدم في ايه

ثم اتعلم الاوامر زي print , scan , format

بعدين اتعلم السانتاكس او تركيب الجملة ازاي يعني لما احب اقول اطبع كلمه اقوله system.out.print ثم احط الكلمه المطلوبة بين قوسين وهكذا .

طيب تعلمت اللغه الانجليزية او الالمانية او الجافا .. هعمل ايه بعد كده ؟

تعلم اللغه مش في حد ذاته الهدف . وانما الهدف اني بعد ماعرف اتكلم انجليزي او اتكلم جافا اني اكتب مواضيع بقى باللغه دي .. وتماما كما ان الانسان بيقدر يكبت موضوع تعبير او انشا بالعربي او الانجليزي فهو يقدر يعمل نفس الشيء بالجافا او السي .. موضوع التعبير الي بالجافا ده اسمه برنامج جافا .. له هدف ومعلومه عاوز يوصلها ونتيجه نخلص بيها منه .

الموضوع سهل مش محتاج اكثر من شويه حفظ بسيط جدا في البداية للمصطلحات وتركيب الجملة مش للكود .. ثم كمية كافية من التكرار في كتابة الاكواد لغايه مايبقى ( لسانك ) متعود على الجملة وتقدر تنطقها لوحدك بدون تفكير .. بعدها هتلاقي نفسك لما تقرأ اي كود فاهم المقصود منه بالظبط حتى لو كان اول مرة تشوفه .. بالظبط كانك بتقرأ نص انجليزي واحد كاتبه وانت بتعرف انجليزي فخلاص هتفهم هو عاوزي قول ايه ..

بالنسبة لتتعلم منين ..

عن نفسي الطريقة المعتمده بالنسبة لي لما بتعلم حاجه جديده .. مثلا تعلمت خلاص جافا وعارفه الاساسيات وعاوزه اتعلم مثلا ازاي اعمل صوت في البرنامج مثلا .. بيكون عندي دائما مرجعين او تلاته وممكن اكتر . بمسك المرجع الاول واقرأ فيه عن الطريقة الخاصه بالحاجه الي عاوزه اعملها .. اعرفها وبعدين اشوف مرجع تاني بيتكلم عن نفس الجزئية دي وهي الاصوات وهكذا .. غالبا بطلع بمعلومه من كل واحد فيهم مكانتش في الثاني .. برجع في النهاية الخص كل الي قرأته ده بملخص خاص بي وطبعا انفذه عملي عشان اثبت المعلومه ..

في البدايه كنت بستعين بمرجعين تلاته او اكتر لكن مع تكرار القراءة والمقارنة بكتشف ان في مرجع او اثنين على الاكثر بيغني عن البقية فبعتمدهم واترك الباقي ..

بعد ماخلص تعليم الي عاوزه اتعلمه والم بالموضوع كله بعتمد مرجع واحد فقط ( يكون طخين ومتغذي ) كمرجع لي بخليه عندي دائما وبقية المراجع بتخلص منها .. طبعا المرجع ده بيكون مش للاساسيات وانما للحاجات المتخصصة اوي لان معتقدش حد ممكن يحفظ الدوال كلها وتفاصيل التفاصيل .. الحاجات الي بنستخدمها باستمرار بنكون حافظينها اما الي كل عشر سنين على مانحتاجها دي بنخليها في مرجعها ولما نعوزها نفتحه نبص عليه بصه ..

ده بشكل عام بالنسبة للبرمجه وباذن الله في مداخله جايه اقولك الاوراكيل وقواعد البيانات حكايتها ايه ..

مداخله أكتر من رائعة وأضاءت الجانب المظلم من المخ

انا حابب أشكرك تاني لروح التعاون والمساعدة اللي عند حضرتك :lol:

قريت مداخلتك أكتر من مرة من كتر ما هي عجباني

بصراحة أنا متحمس للجافا بسبب كلام حضرتك مع ان ناس كتير بيقولولي ان الطلب عليها قليل بس زي ما أتفضل الموجودين هنا وقالوا ان طالما عرفت المبدأ تقدر تنقل على أي لغة بسهولة.

ان شاء الله استخير ربنا وأتوكل على الله في اللي ييسره ليا

انا مستني مداخلة الأوراكل وقواعد البيانات بفارغ الصبر طالما حتكون بأسلوب حضرتك المبسط ده

ربنا يباركلك ويزيدك من العلم النافع

:lol: :lol: pps:

صحيح ليا سؤال هل فعلاً في حرب بين مايكروسوفت وجافا ؟؟ وهل ده ممكن يخلي تطبيقات الجافا اللي بتشتغل على الويندوز أقل كفاءة ؟؟

وشكراً bnd5::

gilmour.jpg

رابط هذا التعليق
شارك

الله يكرمك ياجدار وربنا يوفقك لما فيه الخير ان شاء الله

لا انا ماتعلمتش البرمجه مع نفسي من الصفر يعني انا أول حاجه اخدتها كانت كورس مقرر عليا في الكلية كلية حاسبات القاهرة بس كان عندي فكره من الاول وكانت C++ بس الحمد لله اتعلمت منه كويس وعرفت ال Basics وأهم حاجه اتعلمتها كانت Object Oriented Programming و ال Programming Concepts ال Program Structures و Data Structures يعني ايه مثلا Object, Class, Inheritance ومفاهيم كتير بس هي كانت البدايه وقرأت كتب في ال C++ و كمان Windows APIs وطبعا اللغات دي خلاص تقريبا بس مستخدمه قليل اوي يعني.

وبعدها خلاص عرفت منين أبدا اي لغة وأدور علي الحاجات اللي لازم تكون موجوده في أي لغه فابدأت Java والموضوع بقه كله مرتبط ب Syntax و APIs بتاع اللغه.

وانا الكتاب اللي بدأت فيه في الجافا كان Core Java 2 الجزأ الأول والتاني وهما من Sun Microsystems Press وكمان Thinking in Java و Java Reference تقريبا.

بس انا راي انك تركز في حاجه واحده زي Java وتبدا تختار كتاب يكون مناسب ليك وأنا شايف ان Core Java 2 كتاب مناسب أوي وفيه أمثله كويسه واهم حاجه تتعلم بيها أي لغه انك تفكر في برنامج معين وتفكر في الوظايف بتاعته وتخلي الموضوع incremental بمعني كل ماتتعلم حاجه جديده تبدأ تحط وظايف جديده للبرنامج مثال مثلا

ممكن تقول انا هاعمل برنامج CRM يعني خاص بعملاء الشركه وتكتب الوظايف اللي ممكن يعملها

حاجه بسيطه خالص في الأول انه مثلا يطبع اسم العميل علي الشاشه ومره تانيه ياخد بيانات العميل ولو السن أكبر من 20 سنه مثلا تتطبع رساله معينه أو تعمل أكشن معين وهكذا هتلاقي نفسك في اخر الموضوع عملت برنامج كامل بيتعامل مع الداتا بيز وفيه شويه Business Requirements وتقارير وحاجات كتير بس دا طبعا في مراحل متقدمه ويخليك تدور ازاي تطبق الكلام ده في الجافا وازاي تدور علي المعلومه وتلاقيها ودي اهم حاجه بصراحه.

بس حاول ماتشتش نفسك وتوكل علي الله في الجافا واختار كتاب او tutorial شرح والجماعه هنا كلهم ماشاء الله عندهم كنز من المصادر والكتب والفيديوهات.

وربنا يكرمك يارب ان شاء الله

نورتنا يا هندسة

ألف شكر على النصايح القيمة دي انا بجد مش حخبي عليك انا فعلاً كنت مشتت أتعلم أنهي لغة دلوقتي وبعد ما قريت المداخلات في الموضوع هنا حسيت ان الموضوع بيوضح شوية بشوية وأن العملية مش معقدة زي ما كنت فاكر

انا موافق حضرتك ان التطبيق أهم حاجة علشان تتعلم أي حاجة صح بس لازم يبقى في حد متابع الموضوع بحيث أنه يساعدك في الحاجات اللي تقف فيها.

حنزل الكتب اللي حضرتك قلت عليها أهو يبقى في عدة مراجع زي ما اتفضلت مدام ضحى وقالت بحيث الواحد يرجعلها في الحاجات اللي يقف فيها.

جزاك الله كل خير bnd5:: :lol:

تم تعديل بواسطة الجدار

gilmour.jpg

رابط هذا التعليق
شارك

..................

يعني المفروض ان لغات البرمجة كلها ممكن تؤدي نفس الوظائف طبعا مش حرفيا الكلام ده ولكن تقريبا

طب ايه الفرق

الفرق في التخصص يعني فيه لغة برمجة اتعملت اساسا للتعامل مع الهاردوير لو حبينا نتعامل من خلالها مع قاعدة بيانات ممكن لكن الي هتعمله فيها في 300 سطر مثلا تعمله في جملتين في حاجة متخصصة

........

الفاضل justme جزاك الله كل خير على مداخلتك وتوضيحك للحته دي بالذات المشكلة فعلاً اللي كانت بتحير الواحد ايه الفرق بين كل لغات البرمجة دي إذا كانت بتعمل نفس الحاجة في الآخر

ربنا يخليك ومايحرمناش من مداخلاتك الكريمة

bnd5::

gilmour.jpg

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

  • المتواجدون الآن   0 أعضاء متواجدين الان

    • لايوجد أعضاء مسجلون يتصفحون هذه الصفحة

  • الموضوعات المشابهه

    • 12
      القصة الأولى • قصة الحزام الأسود بعد التدريبات الشاقة والطويلة استطاع أحد المتدربين في لعبة الدفاع عن النفس الحصول على الحزام الأسود ، وفي يوم الاحتفال بتسليمه الحزام الأسود وأمام الحضور سأل المدرب المتدرب قائلاً : ماذا يعني لك الحزام الأسود ، فأجاب : الحزام الأسود يعني أعلى مستوى في هذه اللعبة ، فقال له المدرب أنت لا تستحق هذا الحزام ، أذهب ثم عد العام القادم . وفي العام القادم وأمام الحضور سأل المدرب المتدرب قائلاً : ماذا يعني لك الحزام الأسود ، فأجاب : الحزام الأسود يعني القوة والثقة و
    • 6
      هل كان عبدالناصر محقا في كرهه وتحجيمه لتنظيم الإخوان المسلمين؟ تذكرت مافعله عبد الناصر ( الحليف السابق للإخوان ) والذي يبدوا انه كان يعرفهم جيدا حيث حاولوا استخدامه كما حاول هو استخدامهم، ولكنه كان أكثر حظا في التخلص من قياداتهم بحكم انه كان في السلطة المطلقة. للأسف يبدو أن السادات كان يتوسم فيهم خيرا حينما أعادهم للحياة السياسية وأخرحهم من المعتقلات والسجون سعيا لمصالحة وطنية، ولكنهم في المقابل أفرزوا كل الحماعات الإرهابية المسماة بالجهادية وكانوا عاملا مهما في إيجاد أرضية لنمو الجماعات السلف
    • 0
      الكلام ده مفيد جدا في تربية الأولاد وحتى في التعاملات اليومية وفي الاحتكاكات في الشغل والعيلة منقول بقلم الأخصائي النفسي / محمد أبو يوسف صفات البشر وكيفية التعامل معهم (برمجة عصبية). أولاً :الودود ذو الشخصية البسيطة كيف نتعامل معه ؟ 1. قابله بإحترام و حافظ على الإصغاء الجيد . 2. المحافظة على مناقشة الموضوع المطروح و عدم الخروج عنه . 3. حاول العمل على توجيه الحديث إلى الهدف المنشود . 4. تصرّف بجدية عند الحاجة . 5. حاول المحافظة على المواعيد ، و أفهمه مدى أهمية الوقت . [ خصائ
    • 5
      عايزين نعرف من الناس الخبرة و اللي على دراية بالوضع في المملكة عن فرص العمل في مجال الجرافيك و تصميم المواقع و برمجتها و هل هي متوفرة و رواتبها ايه نظامها. انا من اللي عرفته ان فرصها معقولة و رواتبها بتبدأ من 2500 في الشهر.
    • 0
      كتبت الباحثه فوزبنت عبد اللطيف كردي* الحمد لله والصلاة والسلام على رسول الله وبعد فإن أمر البرمجة اللغوية العصبية بالنسبة للباحثين المهتمين بالوافدات الفكرية العقدية الفلسفية أمر بحث علمي، ونتائج دراسات تتبعية استقرائية لذا فهي تكشف كل يوم عن جوانب جديدة ، وتبرز أنواع من المخاطر المتخفية خلف المنافع بوضوح أكثر ، وقد يسّر الله – بفضله ومنه - لي ظروف متابعة البرمجة اللغوية العصبية منذ بدايات عرضها في بلادنا ، وأعان برحمته على مشاق بحث أصولها وجذورها ودراسة مضامينها وفلسفتها ، وفحص مخرجاتها وادع
×
×
  • أضف...