pink rose بتاريخ: 2 نوفمبر 2009 تقديم بلاغ مشاركة بتاريخ: 2 نوفمبر 2009 عارفه يا ماما نونا كلامك نزل عليا زي ما يكون حد رماني بجردل تلج على راسي خصوصا الجملة دي وال غايظنى اكتر انه وبكل بجاحة لما بيحب يشوف الهانم التانية بيطلب منها انها ترتب موعد للخروج سويا هي واعية للي بتعمله و لا في غيبوبة لا بجد مش مصدقة انها جاية على نفسها للدرجة دي ليه يا بنتي تعملي في نفسك كده ليه حرام عليها اعصابها عارفه هايطلع ناس تقولك هي اللي غلطانة عشان الاختلاط الجامد يعمل كده و هاقولك لا هي مش غلطانة بدليل انها ما وقعتش في حب جوز صاحبتها جوزها و التانية هما اللي مجرمين ما يستاهلوش انها تحرق نفسها كده و تفضل على علاقة بيهم لا بجد الله يكون في عونها الله يكون في عونها ماما نونا وجعتي قلبي و الله رابط هذا التعليق شارك المزيد من خيارات المشاركة
عبير يونس بتاريخ: 2 نوفمبر 2009 تقديم بلاغ مشاركة بتاريخ: 2 نوفمبر 2009 فتحتو موضوع مهم جدا كان نفسى من فترة احكيه بس حسيت انه ميصحش اكتبه عالمحاورات لانه سر من اسراربيت احدى صديقاتى باختصار احبها واحبته منذ فترة الدراسة وكنا الجميع نحسدهم على تلك العلاقة النبيلة وتزوجت وانجبت طفلين فى سن المدرسة حاليا هى مثالية لابعد الحدود فى بيتها مع اولادها وزوجها كل من يراها يحسدها على طريقة حياتها واسلوب تعاملها مع اسرتها وبحكم الغربة كونت علاقة صداقة جديدة مع احدى المغتربات وتوطدت العلاقة بينهم لدرجه انه كل خروجاتهم مع بعض زوجها احب تلك الصديقة وعندما شعرت بتغير المعاملة من زوجها راقبته وعلمت بتلك العلاقة وواجهته لم ينكر ولكنه قال لها لا اعرف كيف حدث هذا وواجهتها وبكت وقالت نفس الكلام مع العلم ان الاخرى متزوجة ولها اطفال ايضا طلبت منه ان ينهى تلك العلاقة فوافق ووعدهاولكن يظل جالسا فالبيت شاردا يفكر فى تلك الاخرى عندما حكت لى صديقتى استغربت رد فعلها كيف عليها ان تسكت على هذا الوضع قالت اولادى طلبت منها انا تحارب لاسترجاع زوجها اذا كانت تستطيع ان تسامحه فيما فعل قالت لا انا احارب ليبقى بيتى قائما اما هو وهو فلا يهمانى فالخائن حتما سيلاقى جزاءه تلك العلاقة تمت سنة الان وهى تعيشولا تحدثه فى اى شىء فقط تتفانى فى تربية اولادها وال غايظنى اكتر انه وبكل بجاحة لما بيحب يشوف الهانم التانية بيطلب منها انها ترتب موعد للخروج سويا وكمان ال غايظنى انه زوج تلك الصديقة الخائنه يشعر ان زوجته على علاقة بآخر ومنتظر كى يكشف سرها ولما طلبت من صديقتى ان تخبر زوجها قالت وما الفائده سيطلقها ويتزوجها زوجى انا بقى مصدومة صدمة عمرى من يوم مما حكت لى ومبقاش عندى ثقة فاى رجل واحاول مساعدتها ولا اجد طريقة مناسبة دلونى يمكن اقدر اساعدها ربنا ما يكتبها على اى حد سامحيني يا نونة الحكاية أصابتني بالغثيان خصوصا حتة انها اللي بترتب له مواعيد عشان يقابلها؟؟؟؟؟؟؟؟؟؟؟؟؟؟ :rolleyes: دي اوفر اوي اوي ربنا ما يكتب علينا يارب و مش عارفة والله أقول ايه أعد شحن طاقتك حدد وجهتك و اطلق قواك رابط هذا التعليق شارك المزيد من خيارات المشاركة
moamana بتاريخ: 2 نوفمبر 2009 تقديم بلاغ مشاركة بتاريخ: 2 نوفمبر 2009 سيدى الخيانة هى الخيانة الدرجات هى شدة المصائب اللى هتجرها عليك مثال لى صديقة كانت اعز صديقة لى اهلها مكانوش موافقين على زواجها و ضرب و شتيمة و بهدلة و انا و اسرتى نحاول نصلح و نهدى الامور و اكتشفت فى الاخر انها كانت متجوزاة عرفى و طبعا اهلها فاهمين انى عارفة ؟؟؟؟؟؟؟؟؟؟!!!!!!!!! و لولا ستر ربنا و ان ابى و امى كانوا دوما يهدوا الموضوع معى فطبعا ابى و امى كلموا اهلها و قالولهم بنتنا و احنا مكناش نعرف و احنا اسفين و عندكم بنتكم ولعوا فيها لانها هى التى كانت تانى الينا باكية شاكية مضروبة طبعا انا مهما بحاول اسامحها مبعرش لانها ضرتنى و انا صديقتها الحميمة و اتعلمت من الموقف ده شيئان الا اثق فى اى شخص ثقة عمياء و ثانيا اننى ساقابل خونة كثير فحاول افهم البنى ادمين اكثر من كده و مندمش على مصاحبة خاين و طبعا شفت بعدها الخيانة انواع و مواقف و اشكال لكن كنت اتعلمت ان احد الضرر اللى هتسببه الخيانة بشيئان المواجهة و كمان الثقة بالنفس لكن للحق معرفتش اسامح خاين لان دوما انانيته المفرطة حالت بينى و بين ان اكون معه على نفس درجة الود و الاخاء ممكن اتكلم و حتى اثق فيه فى نقاط اخرى لكن ابدا مسامحش مهما حاولت رابط هذا التعليق شارك المزيد من خيارات المشاركة
الباشمهندس ياسر بتاريخ: 2 نوفمبر 2009 تقديم بلاغ مشاركة بتاريخ: 2 نوفمبر 2009 اذكر نفسى و اخوانى و اخواتى بقول امير المؤمنين عمر رضى الله عنه أحيوا الحق بذكره و أميتوا الباطل بهجره تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
عنبو بتاريخ: 3 نوفمبر 2009 كاتب الموضوع تقديم بلاغ مشاركة بتاريخ: 3 نوفمبر 2009 لماضة مصرية جدا مشاركة بتاريخ أمس, 11:52 AM 5- انا عايزة اسمع راي الجنس الخشن بقي عشان الكورة في ملعبك عندك....... طيب بااااااااااااااسى على العموم هقول لكى راى الرجاله فى اخر الموضوع ده remo مشاركة بتاريخ أمس, 03:46 PM و بعدين فعلا السؤال ليك يا محمد و لكل الاخوة الرجال هل فعلا تقدر تسامح و تغفر و تنسى و دا الاهم خيانة زوجتك؟ زوجتك اللي انت ائتمنتها على بيتك و اسمك و اولادك لو خانت تقدر تآمنها عليهم تاني نوووووووووووووووووووووووووووووووو وزى ما قال اخونا ياياسر الموضوع هيتوقف بين كونها هتطلق او هتمووووووووووت ولا خيار تااااااانى مصرية متغربة مشاركة بتاريخ أمس, 04:25 PM ربنا ما يكتب علينا يارب و مش عارفة والله أقول ايه قولى رحمتك يااااااااااااااااااااارب بجد الجهل بيعمل اكثر من كده تلاقى الزوجه دى فاكره انها كده بتضحى علشان خاطر بيتها وهى فى الاساس بتهدم كل القيم والاخلاق الى فى المجتمع mama nona مشاركة بتاريخ أمس, 04:10 PM وال غايظنى اكتر انه وبكل بجاحة لما بيحب يشوف الهانم التانية بيطلب منها انها ترتب موعد للخروج سويا ومبقاش عندى ثقة فاى رجل الاخت الفاضله ماما نونا صاحبتك غلطانه وزوج صاحبتك غلطانه وصاحبة صاحبتك غلطانه وانتى غلطانه اللى انتى اساساً عارفه واحده زى دى ماااااااااااافيش واحده تقبل تعصى ربنا وتشترك فى جريمة زنا والعياذ بالله بحجة انها بتحافظ على بيتها مش عاوزه يكون ليها ضره ياسيدتى كلهم خونه الزوج "" زوج صاحبتك "" زانى وخائن الزوجه " صاحبتك "" مشتركه فى الاثم لانها بتساعد عليه وخائنه كمان صاحبة صاحبتك زانيه خائنه remo مشاركة بتاريخ أمس, 04:22 PM لا بجد مش مصدقة انها جاية على نفسها للدرجة دي ليه يا بنتي تعملي في نفسك كده ليه حرام عليها اعصابها الاخت ريم يعنى انتى كده الى صعبان عليكى اعصابها ومش واخده باااااااااااالك انها مشتركه فى جريمه خطيره والعياذ بالله وده كله من اجل انها ميبقاش ليها ضره يعنى زوجها يعصى ربنا ولا انه يعصيها الله اكبر الباشمهندس ياسر مشاركة بتاريخ أمس, 08:45 PM اذكر نفسى و اخوانى و اخواتى بقول امير المؤمنين عمر رضى الله عنه أحيوا الحق بذكره و أميتوا الباطل بهجره انا عارف ان القصه مستفزه قووووووووى بس الى انا مستغربه ان مافيش حد مجرم الزوجه الى بترتب لقاءات والكل مجرم الزوج والصاحبه بالنسبه لرأى الرجاله هقسمه الى نوعين رأى الذكور :: ودول طالما ما فيش حد عرف بالجريمه بيعيشوا عادى اصل الموضوه بالنسبه له مش مبدأ لانه اساساً بيعمل كده هو بيحسبها بالمكسب والخساره يعنى يشوف هيكسب كام وهيخسر كام رأى الرجاله بقى ودول نوعين 1- راجل طيب :: وده بتكون اساساً وقعت من نظره ومبقتش تلزمه ولكن علشان خاطر اولاده بيضطر يخليها تعيش تربى اولادها او بمعنى اصح علشان مافيش حد يعيار الاولاد فى الشارع بأمهم يعنى ويضطر يضحى علشان خاطر اولاده بس بتكون هى بالنسبه له خلاص والنوع ده من الرجاله انا بعتبره سلبى اكثر من كونه طيب 2- راجل ايجايبى :: وده بيكون عنده حل قاااااطع فى الموضوع وهو الطلاق لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
pink rose بتاريخ: 3 نوفمبر 2009 تقديم بلاغ مشاركة بتاريخ: 3 نوفمبر 2009 يا محمد انت فاهم غلط اكيد ما اعتقدش انها بترتب لقاءات من اللي دماغك راحت لها دي خالص ما اعتقدش ابدا و الا كانت ماما نونا بالتاكيد قاطعتها لالالا لا اعتقد ان الموضوع وصل لكده و الا تبقى هي كمان مجرمة اكتر منهم رابط هذا التعليق شارك المزيد من خيارات المشاركة
مصري أصيل بتاريخ: 3 نوفمبر 2009 تقديم بلاغ مشاركة بتاريخ: 3 نوفمبر 2009 صاحبتك غلطانه وزوج صاحبتك غلطانه وصاحبة صاحبتك غلطانه وانتى غلطانه اللى انتى اساساً عارفه واحده زى دى ماااااااااااافيش واحده تقبل تعصى ربنا وتشترك فى جريمة زنا والعياذ بالله بحجة انها بتحافظ على بيتها مش عاوزه يكون ليها ضره ياسيدتى كلهم خونه الزوج "" زوج صاحبتك "" زانى وخائن الزوجه " صاحبتك "" مشتركه فى الاثم لانها بتساعد عليه وخائنه كمان صاحبة صاحبتك زانيه خائنه يا أستاذ محمد الموضوع بيتكلم عن علاقه و ليس كل علاقه بين رجل و إمرأه هي علاقه جسديه لأن الفاضله ماما نونا قالت وال غايظنى اكتر انه وبكل بجاحة لما بيحب يشوف الهانم التانية بيطلب منها انها ترتب موعد للخروج سويا يعني بتتكلم عن ترتيب خروج مش ترتيب شيء تاني طبعاً أنا مش بدافع عنهم لأنهم في جميع الأحوال عايزين كلهم الحرق سواء الزوجه أو زوجها أو صديقتها أو زوجها و الموضوع حتي لو مقتصر علي ترتيب مقابلات فهو شيء مقزز لأبعد الحدود .. بس علي الأقل نحط كل حاجه في إطارها الطبيعي و علي حسب القصه المرويه و ليس ما تخيلناه في عقولنا. تقبل تحياتي من أقوال الشيخ الشعراوي رحمه الله الثائر الحق من يثور ليهدم الفساد ثم يهدأ ليبني الأمجاد رابط هذا التعليق شارك المزيد من خيارات المشاركة
mama nona بتاريخ: 3 نوفمبر 2009 تقديم بلاغ مشاركة بتاريخ: 3 نوفمبر 2009 اهلا بالاخوة الافاضل انا طبعا قريت كل تعليقاتكم الاخ عنبى طبعا الموضوع ليس كما تطرق اليه ذهنك الموضوع مجرد مقابلات بين العائلتين خارجيا بالحدائق والمولات طبعا كل اطراف القصة غلطانين من الاول للاخر انا لا انكر هذا انا طبعا تضايقت من القصة دى جدا واستنكرت من صديقتى هى ازاى تقبل بحاجات زى دى او العيشة دى وقلت لها انفصلوا بهدوء وبلاش كده وال يحصل يحصل بس طبعا هى حرة وهى صاحبة القرار الوحيدة فكده وبينى وبين نفسى فكرت انها ممكن تكون لسه بتحبه وباقية عليه وانها مجرد نزوة وهتعدى وانها ممكن تسامحه عليها او انها بتفكر مثلا لو اولادها سألوها ليه الانفصال هتقول ايه وكمان كسرتها امام المجتمع والناس بأن زوجها بص لواحدة تانية طبعا دى كلها تخمينات منى ولكن اخر معلوماتى ان زوجها قدم طلب نقل للشركة ليبعد عن المكان كله يمكن والله اعلم بدأ يفوق ويحس بغلطه رابط هذا التعليق شارك المزيد من خيارات المشاركة
عنبو بتاريخ: 3 نوفمبر 2009 كاتب الموضوع تقديم بلاغ مشاركة بتاريخ: 3 نوفمبر 2009 معلش ياجماعه كل الطرق تؤدى الى روما هو رجل متزوج وهى امرأه متزوجه يبقى لو حصل علاقه اكيد مش هتبقى علاقه زى اتنين فى الجامعه بيحبوا بعض وبيحلموا انهم يخلصوا علشان يتزوجوا طيب انا شايف ان الموضوع كله اساساً غريب يعنى ايه عائلتين يبقوا خارجين مع بعض مخصوص علشان زوج الواحده يشوف صاحبتها ويقعدوا يبصوا لبعض والراجل زوجها قاعد لا ياجماعه الله اكبر انا داخل على زواج الله يخليكم وعااااااااامل زى الى عينه فى نص رأسه ايه الناس دى واحده قاعده مع زوجها وطالعه معاه وهى اساساً بتقابل راجل تانى وقدامه اقولكم سلام عليكم لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
بنت الشاطئ1 بتاريخ: 3 نوفمبر 2009 تقديم بلاغ مشاركة بتاريخ: 3 نوفمبر 2009 استاذ محمد متفكرش كتير فى الموضوع ده لانك متعرفش ملابسات الموضوع ممكن صديقتنا ماما نونا مش عايزة تتكلم بوضوح فى هذا الموضوع لأنها اسرار صديقتها وربما ان صديقتها بدارى امور معينة حفظا لكرامتها بس اكيد مش معقول واحدة هترتب لخروجة وهى عارفة ان زوجها يريد ان ينظر لصديقتها بل انه هو اللى بيطلب من زوجته هذا الطلب الشاذ زوج كهذا ربما يكون مريض نفسيا او ربما ساذج جدا جدا وهى الله يعينها يا رب ..ويصبرها..ما احنا برضة منعرفش ظروفها ايه لو هى طلبت الطلاق .. وربنا يهديه ويرجعه لصوابه بس اهم حاجة لو هما بيشتغلوا مع تلك الصديقة لازم طبعا يبعد عنها ويشوف مكان تانى يشتغل فيه رابط هذا التعليق شارك المزيد من خيارات المشاركة
mama nona بتاريخ: 3 نوفمبر 2009 تقديم بلاغ مشاركة بتاريخ: 3 نوفمبر 2009 انا مستاءة اكتر منك والله يا محمد للموضوع ده ومش موافقة عليه من الاساس من وقت ما عرفت انا قلت لك ملابسات الموضوع ال اعرفها وقلتك كمان التخمينات ال جت فبالى وممكن تكون هى مخبية حاجات انا معرفهاش ومش حابة انها تذكرهالى انا حكيت الموضوع علشان فعلا ده مثال للخيانه بغض النظر عن موفقها انه سلبى فهى تعرضت للخيانه من زوجها وصديقتها المصيبة انها واجهت الطرفين ولم ينكرا ولكن كل طرف يعد بانه لن يحاول الاتصال بالاخر كل ما احاول افكر فالموضوع الاقى دماغى تشيط على واتجنن واتنرفز انا كمان فضلت اسبوع مش قادرة اتخيل ال حصل ولا قادرة انام حتى انسى الموضوع ده خلاص وبلاش تهاجمنى انت حسستنى انى اجرمت لما حكيت ال عندى يا عنبى رابط هذا التعليق شارك المزيد من خيارات المشاركة
نور عبده بتاريخ: 3 نوفمبر 2009 تقديم بلاغ مشاركة بتاريخ: 3 نوفمبر 2009 خيانة زملاء العمل مثلا لا تمثل لى شىء طعنة فى الضهر صحيح لكن لا اخرج منها سوى بان الشخص ده مريض بأذية الغير وربنا يبعدنا عنه خيانة الاصدقاء لا أنساها ابدا اذا كانت متعمدة و تخرج الصديقة من حياتى تمامااااا وفى الحالتين اذا الشخص اعترف فارجو من الله انى أسامحهم فعلا تماما لانى احب ان يغفر الله لى لكنى برضه بابعد عنهم بالمشوار ماهو المفروض انى مش عبيطة يعنى wst:: نيجى بقا لخيانة الزوج عافانا وعافاكم الله فهنا سؤال هل هو بطبعه خائن لا قدر الله ؟؟؟؟ يبقا شكرا ماهو الموضوع موضوع مبدا ده شخص منحرف زى كده المدمن وده بقا ربنا يكتب له بالشفا والتوبة بعيد عننا ويبقا الانفصال بهدووووء لان وجود الاب معتاد الخيانة يضر بالاطفال وبمفهومهم للحياة اكتر من الحرمان منه لكن لو هو مش طبع ولكنه موقف فانا أعتقد زى ماقالت بوسى ومن غير السيدات ومن غير لماضة ماتزعل منى انه لااااابد من وجود نقص فى البيت لا يبرر الخيانة بالطبع ولكنه يشجع عليها يعنى الزوجة لازم يكون عندها ترمومتر او رادار يلقط اى تغيير فى الشبكة ودى لها علامات ولازم يبقا لها تصرف على كل المستويات وطبعا مش منها ابدا انى ادخل ماما وبابا ولا انى انفصل لأ اقصد طبعا انها تقرب منه اكتر وتفهم احتياجاته و تتطور مع تفكيره ومع طموحاته لازم تكون الصديق قبل الزوجة وبكده تلحق تحمى نفسها قبل العاصفة طيب فرضا وجت العاصفة برضه تقرب ووتفاهم وتبقا اقل فى المشاكل واكتر فى التفاهم والاحتواء مش هاقول توطى للريح لأ تقف وتبقا اقوى وتعتبرها منافس ..... ليه لأ ؟ ماهى فعلا منافس على شىء ملكى واذا كانت هى عندها استعداد تحتفظ بيه يبقا لازم انا صاحبة الامر فى الاساس اكون اقوى منها فى الحفاظ على ما املك وانا انفصل ليه واسيبهولها wst:: طيب حد هيقولى وليه ده كله ما بالسلامة ومايلزمنيش من اساسه والحقيقة ان ده كان رأيى زمان قبل الجواز لكن بعد كده حسيت ان ده بيتى واولادى وانا اقدر وافضل شخص يدافع عن البيت ويحمى الاولاد لحد ماربنا يشفيه وبعدين نتحاسب بقا ونشوف الغلط كان فين يعنى طبعا هاتجنن وهاثور وهاكسر الدنيا بس بينى وبين نفسى وبعد المية ماترجع لمجاريها نتحاااااااااااسب بقا حساب عسيييييييير :lol: انا باتكلم على فكرة عن واقع شفته بعينى فى حالتين شفت اللى اصرت على الطلاق وبعد فترة لقت انها كانت ممكن تسامح خصوصا انه رجع نادم جدا وان كان اتكشف بدون اعتراف ولا حاجة و الواحدة ساعة الغدر ربنا يعافينا ويعافيكم مابتشوفش قدامها وشفت واحدة تانية جوزها ااتجوز ( مش موضوعنا هنا طبعا الزواج التانى ) لكنها طولت بالها جداااااا لحد ما طلق التانية ورجع لها هانقول طبعا ان الثقة راحت وان الجرح كبير وقاسى لابعد حد ولكن فيه اطفال هم اهم مافى الحياة واحساسهم بالاستقرار وبوجود الاب فى حياتهم لا يمكن تقارن براحتنا- ان وجدت- نتيجة الانفصال عن زوج حتى وان كان خان دى طبعا مجرد وجهة نظر لا معناها ان رأيى صح ولا غلط لان ده بيختلف من شخص لاخر ومش لان الخيانة بالنسبالى هينة .. أبدا ويعلم الله لانه لا شىء اقسى من ان يطعنك اللى بتحبهم ولكنك بتحاول تتسامح وتقبل الاسف من اجل اخرين تذوب من اجلهم ... اولادك ومش بس الاطفال يعنى لو فيه حب برضه هاستحمل ودى شفتها كتير ولو مافيش حب يبقا احنا اصلا مش نافعين مع بعض م الاول وسلام عليكم لان المشكلة مش فى الخيانة المشكلة ان الجوازة مش نافعة من كله :lol: امال هو الطلاق موجود ليه ؟؟ رابط هذا التعليق شارك المزيد من خيارات المشاركة
بنت الشاطئ1 بتاريخ: 3 نوفمبر 2009 تقديم بلاغ مشاركة بتاريخ: 3 نوفمبر 2009 الحاجة الوحيدة اللى متخليش الرجل يخون هو الوازع الدينى هو لما يكون الواحد بيغض البصر كما امره الله عز وجل .. هيروح يعمل علاقة غير شرعية ..مش ممكن طبعا عشان كدا امرنا بغض البصر لأنه اولى خطوات الشيطان رابط هذا التعليق شارك المزيد من خيارات المشاركة
بنت الشاطئ1 بتاريخ: 3 نوفمبر 2009 تقديم بلاغ مشاركة بتاريخ: 3 نوفمبر 2009 والله انى نفسيتى تعبت من الموضوع ده..وكل مرة افتح المنتدى اقول هو الموضوع هيتقفل امتى لكن مفيش فايده برضه ادخل واقرأ الردود واشارك كمان رابط هذا التعليق شارك المزيد من خيارات المشاركة
نور عبده بتاريخ: 3 نوفمبر 2009 تقديم بلاغ مشاركة بتاريخ: 3 نوفمبر 2009 الخيانة شىء فظييييييييييييع وأنا اتعرضت للخيانة من زوجى واتجوز علية كمان بس جة قاللى وأول ماعرفت طلقها تانى يوم وحس بالندم بس بعد ايه بعد مابقى فى شرخ أنا كنت بحبه جداااااااااااااااااااااا والمفروض هو كمان ولغاية دلوقتى بيقولى انه بيحبنى ومفيش واحدة حتقدر تاخدنى منك انا لسة معاه على فكرة وعشان الولاد مايبقاش اتحرموا من ابوهم بس فين الثقة ولسة بحبه وهو بيعمل المستحيل عشان يرجع الثقة دى تانى وانا بحاول ارجع اللى فات بس صدقونى اللى اتكسر عمره ماحيتصلح بس حعمل عشان الولاد مايتظلموش وانا مش مهم وعلى فكرة زى مافى اخت قالت ان لو زوجها قالها عايز اتجوز حتشوف يمكن تكون مقصرة بس انا مش كدة أنا قيداله صوبعى 10 شمع يارب مايعمل كدة تانى لانه لو عمل كدة تانى مش حيهمنى ولاد ولة اى حد ربنا يستر اهم حاجة اننا نقرب من ربنا لان الله سبحانه وتعالى مش بيرضى بالظلم اسفة على الاطالة بس انا كنت عايزة افضفض وصعبانة علية نفسى رابط هذا التعليق شارك المزيد من خيارات المشاركة
نور عبده بتاريخ: 3 نوفمبر 2009 تقديم بلاغ مشاركة بتاريخ: 3 نوفمبر 2009 الرجالة كلهم زى بعض رابط هذا التعليق شارك المزيد من خيارات المشاركة
بنت الشاطئ1 بتاريخ: 3 نوفمبر 2009 تقديم بلاغ مشاركة بتاريخ: 3 نوفمبر 2009 بصراحة الله يعينك.. ويا رب ميكررش ده تانى بس برضه خليكى واخده بالك..ولازم تعتمدى على نفسك ويكون ليكى مصدر رزق اخر لأن الرجالة ملهمش امان ..معذرة يا جماعة بس لو سمحتى ممكن توضحى حاجة حضرتك قلتى انك تعرضتى للخيانة من زوجك وبعديها قلتى انه اتجوز عليكى هل تقصدى انك اعتبرتى زواجه ليكى خيانة وهل فعلا الزواج الثانى يعتبر خيانة مع انه حلال طيب لو افترضنا ان الزواج الثانى مش خيانة ..ما هو اصلا بيبدأ بكلام ثم وعد بالزواج هل المرحلة اللى قبل الزواج تسمى خيانة طب يبقى ازاى الواحد هيتجوز تانى على مراته هل كل واحد متجوز تانى يبقى هو خاين والكلام ده عام مش ليكى فقط يا نور رابط هذا التعليق شارك المزيد من خيارات المشاركة
نور عبده بتاريخ: 3 نوفمبر 2009 تقديم بلاغ مشاركة بتاريخ: 3 نوفمبر 2009 بصراحة الله يعينك.. ويا رب ميكررش ده تانى بس برضه خليكى واخده بالك..ولازم تعتمدى على نفسك ويكون ليكى مصدر رزق اخرلأن الرجالة ملهمش امان ..معذرة يا جماعة بس لو سمحتى ممكن توضحى حاجة حضرتك قلتى انك تعرضتى للخيانة من زوجك وبعديها قلتى انه اتجوز عليكى هل تقصدى انك اعتبرتى زواجه ليكى خيانة وهل فعلا الزواج الثانى يعتبر خيانة مع انه حلال طيب لو افترضنا ان الزواج الثانى مش خيانة ..ما هو اصلا بيبدأ بكلام ثم وعد بالزواج هل المرحلة اللى قبل الزواج تسمى خيانة طب يبقى ازاى الواحد هيتجوز تانى على مراته هل كل واحد متجوز تانى يبقى هو خاين والكلام ده عام مش ليكى فقط يا نور طبعا لازم اعتمد على نفسى لان مفيش امان خلاص وانا بدور على شغل بالفعل انا عارفة ان العلاقة اللى قبل الزواج خيانة بس كدة هو خانى مرتين لانه لو عايز يتجوز يقولى ويخيرنى لو عايزة اكمل معاه ولة اطلق بس هو ماعملش كدة واتجوز من ورايا انا عارفة انه حلال بس هو ماعطنيش حق الاختيار واللى خلانى ابقى معاه لغاية دلوقتى انه جة قاللى انه متجوز هو اتجوزها شهر وطلقها لما عرفت كان ممكن يفضل متجوزها سنين وانا معرفش بس هو بيبان عليه وانا حسيت وطبعا لما تبقى مقربة من ربنا وتفوضى امرك لله عمره ماحيسيبك وحينور لك كل حاجة انتى مش شيفاها شكرا على اهتمامك يابنت الشاطىء رابط هذا التعليق شارك المزيد من خيارات المشاركة
بنت الشاطئ1 بتاريخ: 3 نوفمبر 2009 تقديم بلاغ مشاركة بتاريخ: 3 نوفمبر 2009 الأخ محمد عنبى ما تخلى خطيبتك تشارك معانا اهه تستفيد برضه رابط هذا التعليق شارك المزيد من خيارات المشاركة
pocy بتاريخ: 4 نوفمبر 2009 تقديم بلاغ مشاركة بتاريخ: 4 نوفمبر 2009 ياجماعه استهدوا بالله انا حاسه ان الموضوع كبر والناس كلها دخلت وشويه شويه هنتخانق طب انا جايبالكم نوع جديد من الخيانه وهل ده يعتبر خيانه فعلا ولا لا وده لانه قريته امس فى يوميات زوج خليجي وهو انه اثناء العلاقه الزوجيه بيتخيل واحده تانيه غير مراته كما يقول هو ولولا ان المقطع اللى قاله كان خادش للحياء كنت جبته ولعله غير خادش بس انا استحي اكتبه المهم تخيلوا انتوا بقي مش دى تعتبر خيانه وهل فعلا في من الرجال بيعملوا كده دا غير بقي الرجال اللى بيدخلوا ع مواقع اباحيه من غير ما المداملت يعرفوا والله المنتدى اللى انا مشتركه فيه وهو عالم الحياه الزوجيه فيه مشاكل لا حصر لها من انواع الخيانات اينعم معظمها للخليجين بس ده ميمنعش ان الرجاله صنف واحد والله فى موضوع امبارح قريته اينعم هم قفلوه بس كان الموقف بيحكى ان واحده دخلت الموقع مخصوص علشان تهزأ واحده لانها بتراسل زوجها رسايل خاصه و تكتب فيها بلاوى ومأكد جوزها كمان بيكتب بلاوى فهى اشتركت على الموقع علشان تفضحهم هم الاتنين ونقلت كل الرسايل الى بينهم وكانت فضيحه طبعا لو حد عارف شخصهم الحقيقي وربنا يستر على عباده يالا تناقشوا ايها الرجال وقولوا رأيكم فى هذا النوع الجديد من الخيانه وهو مشاهده المواقع الاباحيه والتعرف على البنات من الشات و تخيل احدى النجمات وانت مع زوجتك وعلى فراش الزوجيه هى دى كلها مش برضه تعتبر انواع من الخيانات ماما نونه متزعليش منى فى الكلام اللى هقوله صحبتك غلطانه جدا لانى لو مكانها بلاها زوجى وبلاها صحبتى في ستين داهيه هم الاتنين وجوزى ملزم انه يربي عياله كويس حتى لو منفصلين انا لو منها كنت سألت الشيخ وانفصلت عنه وسيبتهم بقي دا انا كنت عملت مجلس عرب وفضحته فى الامم المتحده والدول العربيه والاتحاد الاوروبي والله ما كنت هسكت و فضيحه بفضيحه هو مش عارف انه كده هيبقي الزوج اخطأ فى حقها جدا انا لو منك هقولها الكلمتين دول وليه باقيه عليه علشان الاولاد مالهم الاولاد تنزل بيهم مصر وتعيش احلى عيشه يعنى هم الباقيين اللى ازواجهم فى الغربه وهم قاعدين فى مصر هيموتوا يعنى انااسفه بجد انى انفعلت بس الموضوع بجد بيضايق والواحد ساعات لما بيستفز من بعض الردود مش بيعرف يمسك لسانه وانا اسفه جدا على الاطاله مدونتى ....الدخول من هنا مدونتى إسلاميات }فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * { "(الحمد لله الذي تواضع كل شئ لعظمته الحمد لله الذي استسلم كل شئ لقدرته)" "سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين" رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان