اذهب الي المحتوي
ArabHosters
Scorpion

بنك الأفكار .. للعرسان الشطار

Recommended Posts

Scorpion مشاركة بتاريخ اليوم, 12:46 AM

طب ايه رأيك انها ما بتهزرش يا خطيب بنتها ....

ربما

طيب ياجماعه نتكلم بقى فيما بعد شراء الشبكه هل هنعمل حفله كلوز كده فى بيت العروسه وخلاص ولما الفرح يجى نبقى نعمل الى احنا عاوزينه ولا نعمل حفله فى الشبكه والفرح يسافروا فيه وخلاص

طيب سؤال تانى برده فيه ناس بتقول طالما الخطوبه هطول سنه او اتنين يبقى تكتب كتابك بعد لما تجيب شبكه علشان تبقى مراتك يعنى ويبقى دخولك وطلوعك مفيهوش حاجه يعنى ؟

طبعاً الخطوبه بتكون فى بيت العروسه فاهل العروسه بيقولوا احنا عاوزين عدد كذا من المعازيم والواحد بقى هيبقى محروج علشان كده الواحد لاما يعمل شبكه يعزم فيها كل الناس لاما بلاش منها وتبقى حاجه خاصه بالاسرتين وخلاص علشان مافيش حد يزعل

طيب التليفونات بين المخطوبين بتكون ازاى ليها حد ولا مفتوحه يعنى طالما هو الى بيتصل ؟؟ اصل فيه ناس بتعمل مشاكل على التليفونات ده ؟؟

طيب الخروجات يخرجوا لوحدهم ولا لازم وجود عسكرى مرور ؟؟

طيب لو حب يعزمها على العشا مثلاً ياخدها لوحدها ولا ياخد العيله كلها مهو لو اخد العيله كلها مش هيبقى عشى رومانسى خالص ؟؟

طيب لو العروسه ليها اخ صغير كده بتاع 8 سنوات وواد شقى وعفريت ومالوش حل ولمض وكل حاجه فيه وكل لما العريس يروح يستلمه طيب العريس يعمل فى المواقف دى ؟؟

دول الى انا فاكرهم دلوقتى وهفتكر كمان وارجع أسألكم

شارك هذه المشاركه


رابط المشاركه
شارك

السلام عليكم ورحمة الله....

الحقيقة يا سكوب انا كنت داخلة أتخانق وأهددك انك لازم تغير أقوالك....والا... :lol:

بس وجدت مفاجأة جميلة جدا اسعدتنى بشكل غير عادى..بجد والله...وسامحتك يا ابنى علشان خاطر الجميلة "سوسورانى" بس...

سعيدة جدا بوجودك معانا ياسوسو وبأشكرك على مداخلتك.......واتمنى انك تضيفى معلومات اكتر ...ماهو مش معقول نبقى كلنا اخوة عايشين على ارض واحدة وبناكل من نفس الزرع ونشرب من نفس النيل..واصدقاء وبنتزاور.....ومعظمنا لا يعلم شىء عن تقاليد الاخر....

بأشكرك مرة تانية ياسوسورانى.... :roseop:

عنبوو...

بالنسبة لحفلة الخطوبة.....القرار فيها بيرجع لاهل العروسة....اذا عندهم رغبة فى اقامة حفل كبير او حفلة صغيرة فى البيت ...تبعا لظروفهم...

شوف ياعنبو...حأكون صريحة معاك...لانى احيانا وانا بأكتب ..اقول بس مش ده اللى انا عملته.. زى موضوع الشبكة او اقتراح تأجيل الفرح للزفاف.....وده شىء بيسبب نوع من التردد والتوتر وباشعر بعدم صدق كده فى اللى باكتبه......فأنا حاتكلم عن تجربتى..

احنا اقمنا حفل كبير فى احد الفنادق.....( اى حد من الضرايب يتفضل بره الموضوع :roseop: )

لكن القرار ده اتخذناه لاننا وجدنا ان التكلفة حتكون واحدة فى جميع الحالات...

العائلة ماشاء الله كبيرة جدا وماينفعش نستثنى حد منهم...كلهم من المقربين....اصدقاء زوجى فى العمل..ماينفعش نستثنيهم....بعض المعارف المهميين جدا برضه ماينفعش نستثنيهم....اصدقاء ابنتى واصدقاء العريس كانوا اكتر من عشرين صديقة وصديق ودول اهم ناس من وجهة نظرى ....

حاولنا طبعا نقلل من الاعداد...وبعد المونتاج والقص واللزق ..وصلوا 100 فرد....وده كان اقصى شىء ممكن نعمله علشان تبقى خطوبة " على الضيق"... smk:

طيب اذا اقمنا حفل الخطوبة فى المنزل......محتاجين ترتيبات تانية كتير...اضاءات وترابيزات وبوفيهات ...وشيفات ...ده غير استهلاك المكان نفسه ...وانا ماحبش كده wst::

وبعد جولة كده اخدت مننا عدة ايام...وعقد مقارنات بين التكلفة فى اماكن مختلفة...قررنا اقامته فى احد الفنادق...فى الهواء الطلق

open air

ونأجل تفاصيل الافراح لما نوصل لها......لان لو عايز رائى بجد بقى....حفلات الخطوبة بتكون تكلفة مالهاش اى داعى....حتقولى امال انت عملتيها ليه حاقولك للاسباب الموضحة عاليه..والسبب الاخر نفسى...لانى مش ضامنة انى حأعيش لامتى فكان نفسى انا وزوجى نفرج بها واحنا عايشين...وطبعا ده سبب عاطفى لا يجب اخذه فى الاعتبار عند اتخاذ القرارات ...

ونكمل اقتراحات حفل الخطوبة اللى انا بأفضل انه يكون محدود جدا بعد الفاصل

يتبع

تحياتى

شارك هذه المشاركه


رابط المشاركه
شارك

فولانه العزيزه اشكرك لتجديد فتح الموضوع اللى بداوه سكوربيون واختفى :roseop:

انا فاضل لى يومين بالتمام ومسافره مصر لترتيبات حفل خطوبه بنتى 000ولا خاب من استشار

فى الاول انا قررت او قررنا ان الخطوبه تكون عائليه فى منزلنا مع تجهيز المكان بما يلزم من استعدادات لتشابهه حفل فى اى قاعه ولكن بشكل مختصر

وده لان فى خطوبه ابنى قبل كده كلفت فوق العشرين الف جنيه 000وكل مافى الموضوع ان الكل بيرقص والكل بياكل والكل بيفرح بنفس الكيفيه

فمن رأى ان نقتصد الى حدما فى الخطوبه والفرح والفرحه الكبيره فى الزفاف ان شاء الله يعنى انا افضل ان العروسه تلبس فستانها الابيض وتفرح وتفرح حبايبها ويوصلوها

بيتها بالسلامه وليله عمر لاتنسى 0

والافضل والافضل بقى ان يختصر الحفل على عقد القران وعشاء لذيذ للاسرتين واقرب الاصدقاء من اللى بيفرحوا من القلب " مش من اللى بيجوا يحسبوا ده بكام وده ليه"

وتكاليف الفرح تبقى هديه للعروسين يبدؤا بها حياتهم سوا 000يتفسحوا بقى يطلعوا عمره ان شالله يحطوهم فى البنك يساعدوهم فى مقتبل حياتهم

وده اللى هاعمله مع ابنى000مش بنتى :roseop:

شارك هذه المشاركه


رابط المشاركه
شارك

السلام عليكم ورحمة الله...

ألف مبروك يا صاحبة القلب الابيض ...وربنا يتم لها بالخير ان شاء الله...

أنا معاك وأوافقك الرأى ان حفل الخطوبة يكون مختصر ويضم المقربين جدا فقط....بالرغم من اللى انا عملته...لكن مش هى دى القاعدة.....ولكن ممكن الفرح يبقى فى الشبكة ...ولانهم فى المرحلة الاخيرة لتجهيز البيت حيكونوا تقريبا أفلسوا كلهم...ومافيش فائض لافراح ويقتصر الامر على الليالى الملاح ويسافروا جمصة او اى مكان اخر ..:unsure:

كل اسرة تبع ظروفها...المهم ان يتم اتخاذ القرار المناسب للظروف بدون اى ضغوط خارجية مثل فلانة (مش انا ) صاحبتى عملت فرح..او ابن الجيران كذا ....كل واحد يقرر تبعا لما يتناسب وظروفه وميزانيته ...

وياريت تشاركينا أفكارك عن كيفية إعداد المنزل لاقامة مثل هذه الحفلات.....لو بدأنا بداية بسيطة..حنقول اننا بنحدد الاماكن اللى حنستقبل فيها الضيوف...سواء كان غرفة صالون...او ريسبشن واسع..او اى مكان اخر بالمنزل

بنحدد عدد المعازيم بدون مانتورط فى اعداد كبيرة علشان مفروض الكل يكون مرتاح....

نجهز مكان للعروسين ..يعى مش حنقول كوشة...ولكن ركن خاص بهما ممكن نزينه بالورود والاضاءات الخفيفة ...

ولان كل عائلة لها طباع وتقاليد قد تكون مختلفة.......فسنترك موضوع الاغانى والمسائل دى لتقدير كل اسرة....

وايضا البوفيه يتم تحديده تبعا للظروف....يعنى ممكن جاتوهات ويفضل الجاتوه السواريه ...والمشروبات الغازية

ممكن نزود شوية ونضيف ساليزونات

ممكن نزود كمان ونعمل ساندويتشات....والحشو ايضا تبعا للظروف....يعنى من اول الجبنة الرومى لحد التركى واللحمة الباردة والسيمون فيميه.......

ولو المكان واسع والامور متيسرة..ممكن نعمل بوفيه مفتوح...ويضم ركن للحلويات وتورتاية صغيرة دورين مثلا....وتكون لون فستان العروسة ...وده متاح طبعا ...

وطبعا لو العريس حيلبس بدلة ( متهيألى مفروض)....يراعى ان تكون الكرافت فى لون فستان العروسة.....

تقديم الشبكة وهى من اهم اللحظات فى المناسبة دى....وبيتعمل لها طقوس خاصة...ولكن الاهم هى طريقة التقديم..والصينية اللى حتقدم عليها الشبكة...

فيه أفكار كتير جدا لتزيين صينية الشبكة...يعنى ممكن نروح بها عند اى محل ورد طبيعى ونطلب منه يزينها بورود مناسبة

ممكن نروح بها عند اى محل كُلف...(مش عارفة بصراحة بيبقى اسمه ايه )..لكن زى النمرسى فى ميدان الجامع....ونطلب منه تزيينها بالتل والورود وفصوص الالماظ....

ممكن تبقى صينية شيك ونرش عليها اوراق الورد وبس.....

ويوجد محل فى سيتى ستارز متخصص فى هذه الاشياء..ممكن نجد عنده افكار جديدة ...

حأحاول اضيف بعض الصور ...

93827.jpg

08091910054598.jpg

01225994506.jpg

01225993043.jpg

71225993043.gif

200906151883.gif

71225993043.gif

طبعا الصور دى من جوجل.......ولو قدرت اصور صينية خطوبة ابنتى حاضيفها اكيد....

وممكن ابتكارات مختلفة طبعا فى تزيين الصينية....

:blush2: و

يتبع...

الاخوة المشرفين ....فين خاصية اضافة الصور :rolleyes: :roseop:

شارك هذه المشاركه


رابط المشاركه
شارك

الله يبارك فى عمرك يارب وتفرحى ببنوتك عن قريب ان شاء الله

انا بالفعل بجهز مكان للكوشه ومكان للاوبن بوفيه وبالطبع هالجأ لمطعم للعمل العشاء "00لزوم الديسك" sng::

وبالفعل انا بدأت فى عمل الكاسات والصنيه بس شغل ايدى وحياة سيدى 00انا هارفق الصور عشان تقولى لى رايك طبعا انا راعيت لون التزيين من لون الفستان

وان شاء ت الله هاصور الكوشه وديكور البيت اللى صممته بالفعل وجبت خاماته وهانفذه ان شاء الله لما انزل وبعد ما يتم اليوم ببركه الله هانزل الصور الخاصه

بالديكورات يمكن تفيد حد من الاعضاء فى مناسباتهم السعيده ان شاء الله

ويمكن تبقى باب رزق برده 00اهو تنفعونا :happy:

انا صورت على اد امكانياتى بس الصور الجايه ان شاء الله تكون احسن :lol:

بكل اسف الصور بتنزل كبيييييره جدا بشكل مبالغ فيه

اللى ممكن يفيدنى ازاى اظبط الحجم عشان انزلها على المنتدى يبقى يجزيه الله خير

تم تعديل بواسطة قلب ابيض

شارك هذه المشاركه


رابط المشاركه
شارك

مساء الخطوبات والسكر نبات wst::

أنا فعلا سعيدة جدا إنى مشتركة معاكم فى الموضوع الأكتر من رائع ده ..

واللى سنيور سكوب بدؤه بكل حماس وجرى...للأسف لما بدأ الموضوع ده أنا كنت مطحونة فى الأمتحانات..بس تتعوض

أولا ميرسى أوى يا مدام فولانة على الترحيب الغير عادى ده...بجد أسعدتينى جدا...ومن زمان نفسى أتحاور معاكى بس ماكانش فيه فرصة..

بس النصيب نتقابل هنا...وأى تفاصيا عايزها أنا تحت أمرك..أصلى مابعرفش أرتجل...بس أنتى أسألينى وأنا هجاوب علطول...

قلب أبيض ...حبيبة الكل..

ألف مبروك يا حبيبتى وربنا يتمم لها على خير...موضوع البيت ده هدة حيل بس أنتى طبعا أكيد هتجيبى ناس تخدم على المعازيم بغض النظر عن الأكل من بره ولا جوه...ده فى حالة لو العدد كبير

فيه حاجة برضه بشوفها فى الخطوبات غير موضوع صينية الشبكة...وهى الخددية

بتكون على شكل قلب متبطنة بالستان ومتزينة بحروف دانتيل ...وبتشيلها غالبا بنوتة أمورة لابسة فستان بكرانيش وممكن ولد وبنت صغيرين كأنهم عريس وعروسة wst::

ويدخلوا بالشبكة ...يا إما يدخلوا بيها علطول ع العرسان...

يا إما تلف ع المعازيم يتفرجوا عليها وبعدين توصل للعرسان عشان يلبسوها...

بس أنا ضد الموضوع التانى...بحس إنها حاجة خاصة مش من حقهم يقعدوا يفصصوا فيها ويمحصوا ...غير بأه أراشانات الفرح...ودى كام قيراط يا ختى؟!!

وهما مالهم رفيعين كدة وسلوك ماكانش قادر يجيبهم أتقل شوية؟! sng::

ولو خاتم سوليتير...

إيه ده خاتم بس...بس الفص صغير قوى

دة عايز مكبرة عشان يتشاف....وهكذا من كم من الأربنة والغلاسة والنميمة...

اللى عايزة يتفرج على الشبكة يشوفها فى إيد العروسة ومن بعيد :lol:

هو كدة إذا كان عاجبهم :happy:

تحياتى

شارك هذه المشاركه


رابط المشاركه
شارك

انا حاولت ارفع الصور بمقاس معقول 000ودى النتيجه

zcuecpiakkb9.jpg

يارب تعجبكم 000

طبعا راعيت ان الالوان تتماشى مع الفستان وديكور المكان

شارك هذه المشاركه


رابط المشاركه
شارك

سوسو حبيبتى 000

جاااارى عمل الخدديه وعليها فص تركواز00000لزوم ال00000بالى بالك :sofa:

وهانزلك الصور ان شاء الله

شارك هذه المشاركه


رابط المشاركه
شارك
سوسو حبيبتى 000

جاااارى عمل الخدديه وعليها فص تركواز00000لزوم ال00000بالى بالك ;)

وهانزلك الصور ان شاء الله

مساء الفل...

على فكرة موضوع الخددية دة جميل قوى..بحس فيه بأيام ألف ليلة وليلة...

وخصوصا بأه لو معمولة من القطيفة النبيتى...

بس أهم حاجة قبل ما تقفليها...

حطى فيها كمية أسفنج كويسة عشان تبقى منفوخة ويبان قصة القلب واضحة...

موضوع الفص التيركواز...دة شر لابد منه...يعنى غالبا لازم حاجة هتحصل..

دة لو السادة المشرفين يسمحوا...إحنا ممكن نعمل قسم كاامل عن طرائف وبلاوى الحسد فى الخطوبات والأفراح...وأنا أقعد أغنى ع الربابة للصبح :sad:

على فكرة الكاس رائع ...تسلم إيدك يا قمر

ربنا يسعدها ويتمم لها على خير...

وأحلى حاجة إن الفستان بينك :waf:

لونى المفضل

تحياتى

شارك هذه المشاركه


رابط المشاركه
شارك

ثروة من الأفكار و المعلومات للمقبلين و المقبلات على الزواج.

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...