اذهب الي المحتوي
Scorpion

بنك الأفكار .. للعرسان الشطار

Recommended Posts

هذه دعوة لأعضاء محاورات المصريين الكرام بالمساهمة في انشاء أول بنك للأفكار لكل ما يمت لمسألة بدء حياة زوجية ..

لكل العرسان الجداد الذين قاموا بالفعل بهذه الخطوة حديثآ ... و لكل المخضرمين منا من آباء و أمهات أدعوكم للمساهمة في عرض تجاربكم و اقتراحاتكم لمن هم علي مشارف القيام بهذه الخطوة...

خطوة الزواج و ما يواجهه الشباب من مصاريف و عادات و تقاليد تجعلهم أحيانآ "يكفروا" من الحياة الزوجية فبل أن يبدأوها...

سنعرض في هذا الموضوع النقاط رئيسية ... بدءآ بالشبكة .. و البونبونيات الي الكريستال و الصيني ... الزيارات العائلية .. الطقوس و العادات و التقاليد الخاصة بتلك الخطوة ...

و متي أنتهت تلك النقاط .. نحدد نقطة منها و نبدأ في تحليلها و سرد تجاربنا و اقتراحاتنا حولها للوصول الي أفضل حل لها خاصة من جانبها الأقتصادي .. ثم ننتقل الي نقطة أخري .. و هكذا ....

هكذا نكون قد أنشأنا فعلآ بنك أفكار "للداخلين عالجواز" من الشباب يستطيعون استخدامها لتسهيل تلك التجربة عليهم ....

و لنبدأ بتحديد جميع النقاط الرئيسية التي تصاحب تلك الخطوة ....

ما أتي في خلدي في انتظار اضافاتكم هو :

الشبكة

تبادل الزيارات بين العائلات و بداية المشاكل بين طلبات كل أسرة

مكان الحفلة نفسها

ما يصاحبه من عادات و تقاليد ... للي عايز غنا .. رقص .. دي جي .. أو قاعة مناسبات ملحقة بجامع او كنيسة .. او فوق سطوح عمارة

البونبونيات

كروت الدعوة

و بعدين نخش عالتقيل

الشقة

الفرش و أجهزة الكهربائية و الموبيليا لكل الغرف

الصالة .. الصالون .. الليفينج رووم ... أوضة النوم ... المطبخ ... الحمام

السجاد

الديكور

الكريستال و الصيني

شهر ( أو اسبوع) العسل ....

هذا كان أول سهم في البنك .. هل هناك من يريد يساهم معي ؟؟؟

ملحوظة:

حتي يكون موضوعآ مفيدآ .... أرجو فقط ان نحافظ علي تبويباته .. بمعني عدم القفز الي نقطة قبل أن ننتهي من واحدة ... منعآ للتشتيت ...

حاليآ نحن في مرحلة "تجميع" النقاط الرئيسية فقط ...

تحياتي

شارك هذه المشاركه


رابط المشاركه
شارك
سنعرض في هذا الموضوع النقاط رئيسية ... بدءآ بالشبكة

عمو عمو

بجد والله مش باهزر

ممكن نجيب مرش دير شويه ونتكلم على طُرق التعارف

والله على فكره بقت مشكلة خصوصاً للمغتربني واعرف ناس بيتبهدلوا عشان يلاقي بنت الحلال أو هي تلاقي إبن الحلال ...

ولا تحب نفتح للموضوع ده توبيك تاني ؟

شارك هذه المشاركه


رابط المشاركه
شارك

ياااااه ... ده موال لوحده موضوع التعارف ده يا ابو عمر ... و بالذات بالنسبة للمغتربين ... نخليه في توبيك لوحده أحسن علشان ما نتوهش ... خلينا دلوقتي في اللي اتعرفوا علي بعض .. و نقوا بعض .. و قرروا يقوموا بأهم خطوة في حياتهم ...

شارك هذه المشاركه


رابط المشاركه
شارك
ياااااه ... ده موال لوحده موضوع التعارف ده يا ابو عمر ... و بالذات بالنسبة للمغتربين ... نخليه في توبيك لوحده أحسن علشان ما نتوهش ... خلينا دلوقتي في اللي اتعرفوا علي بعض .. و نقوا بعض .. و قرروا يقوموا بأهم خطوة في حياتهم ...

عاوز اغلس عليك

مش عارف طالبه معايا كده

يعني ... تحب نتكلمو عن عادات الزواج كمان ...

يعني مثلاً

في بلاد داخل مصر .. محافظات يعني ... بيبقى الزواج مشاركة بين الشاب والفتاة .. أنا أجيب الستاير هما يجيبوا الألمونيا .. كده يعني

وفي بلاد الراجل بيشيل الليلة كلها والبنت بتيجي بشنطة هدومها ..

وفي بلاد بتشترط المهر

وفي بيمشوها ربع جنيه

ها ؟.... الموضوع ده داخل معانا ... ولا ندخل في الرفايع على طول يا أونكل ؟

شارك هذه المشاركه


رابط المشاركه
شارك

يا ابني إهمد .. لما نخلص من تجميع كل النقط اللي ليها صلة بموضوع الجوازة .. حنعمل لكل نقطة منهم حلقة منفصلة .. و العادات و التقاليد بتاعت عقيلة راتب دي نقطة منهم و حيكون ليها حلقة منفصلة ...

مثلا .. جالي اتصال دلوقتي من مستمع طنطاوي و طلب مني إضافة نقطة جديدة .... القايمة ...

فيه حاجة تانية فاتتنا قبل ما نبتدي ....

شارك هذه المشاركه


رابط المشاركه
شارك

موضوع رااااااااااائع بجد

احب اضيف برده هتاخد مين معاك وانت رايح تتعرفوا على بعض ؟؟

اصل برده فيه ناااااس بتبقى معشمه جااااااامد وبيزعلوا ؟؟

شارك هذه المشاركه


رابط المشاركه
شارك

السلام عليكم و رحمة الله و بركاته

و الله أحب اضم صوتي لكابتن سي السيد....(مع ان الصورة مش معبرة عن كده خاااااااااااااالص.........هههههههههه)

التعارف و الاختيار نقطة مهمة جدا..........ليه بقي عشان هي بتجيب النقطة فعلا...........؟؟؟

اصل دلوقتي الواحد بقي سمع عن حاجات كتير........تلاقي واحدة اتجوزت عن طريق النت.......و لا واحد راح علي مكتب جواز.....؟؟؟

الناس اللي عايشة هنا هل ينفع انها تعمل اسرة مستقرة.........ده لو لسه ليها نفس تتجوز اصلا........؟؟؟

طب ايه؟؟؟

لو هتوافقوا تحطوه بند............هندعيلكوا من نادي القلوب المتشحتفة

لو مش هتوافقوا...................هنفضل نقر عليكم من قهوة المعلم كتكوت

بس خلاص

شارك هذه المشاركه


رابط المشاركه
شارك

ياريت نبدا بعد ان يتم التعارف الاول يعنى بمعنى اوضح نبدا من اول زيارة للعريس لاهل على العروسة على اعتبار ان الطرفين موافقين

يعنى اول زيارة للعريس لبيت العروسة ياخد معاة اية على اعتبار ان الانطباعات الاولى تدوم

و ياترى ياخد هدية غالية يرسم نفسة و لا دة يكون سبب للطمع فية و لا هدية عادية يقولوا علية بخيل لان بجد مووضع محير

و يروح فى الميعاد بالضبط و لا يتقل شوية

و يتكلم مع مين الاول الاب و لا الام

لان النقط دى بجد بتفرق يعنى بعض العائلات اللى بيكون فيها الاب صاحب سلطة بيحب يكون هو اللى يتم التعامل معاة و لو

الام صاحبة السلطة فى البيت يبقى بتحب هى اللى يتم معاة التعامل طيب الصح و الاصول اية علشان محدش يلوم العريس

نقطة تانية اول زيارة مين الى يروح مع العريس ؟؟؟و يكون الحوار ماشى ازاى ؟؟

و هل يفضل ان يتم عمل لقاء جانبى مع العروسة و العريس و لا مش مستحب من اول زيارة

ياريت نبدا مع الو الخطوات الرسمية للزواج

و هو الزيارة الاولى للتعارف و اصولها و مين المشارك فيها و ازاى تتم بنجاح و تترك اثر جميل فى الطرفين

و طبعا كلنا عارفين ان الانطباع الاول هو اللى بيدوم

و شكرااااااااا

ذهبية

شارك هذه المشاركه


رابط المشاركه
شارك

عالبركة .... فين يا ابني المقص ... طب خد بايدي الله يكرمك للشريط اللي بيقصوه لما بيفتتحوا حاجة ...

اهه ... تم بحمد الله افتتاح بنك الأفكار رسميآ ...

أول فكرة .. ستكون مباشرة بعد الخطوبة و تلبيس الدبل ... و هي لا تقل أهمية عن كل الطقوس التي ستصاحب هذه المرحلة .. بل في رأيي الشخصي هي أهمها علي الأطلاق ....

الفصل الأول

ما بعد الخطوبة

الفحص الطبي

لن أجد أفضل من الفقرة التالية التي قرأتها كي أنقلها لكم لتوضيح أهمية هذه الخطوة في مستقبل حياتكما معآ

س : ما هي أهمية الفحص قبل الزواج ؟

ج : تكمن فائدة الفحص قبل الزواج في عدة نقاط :

- المقدمين على الزواج يكونون على علم بالأمراض الوراثية المحتملة للذرية إن وجدت فتتسع الخيارات في عدم الإنجاب أو عدم إتمام الزواج.

- تقديم النصح للمقبلين على الزواج إذا ما تبين وجود ما يستدعي ذلك بعد استقصاء التاريخ المرضي والفحص السريري واختلاف زمر الدم.

- مرض (التلاسيميا) هو المرض الذي ينتشر بشكل واسع وواضح في حوض البحر المتوسط وهو المرض الذي توجد وسائل للوقاية من حدوثه قبل الزواج.

– المحافظة على سلامة الزوجين من الأمراض، فقد يكون أحدهما مصاباً بمرض يعد معدياً فينقل العدوى إلى زوجه السليم.

– إن عقد الزواج عقد عظيم يبنى على أساس الدوام والاستمرار، فإذا تبين بعد الزواج أن أحد الزوجين مصاب بمرض فإن هذا قد يكون سبباً في إنهاء الحياة الزوجية لعدم قبول الطرف الآخر به.

– بالفحص الطبي يتأكد كل واحد من الزوجين الخاطبين من مقدرة الطرف الآخر على الإنجاب وعدم وجود العقم، ويتبن مدى مقدرة الزوج على المعاشرة الزوجية.

– بالفحص الطبي يتم الحد من انتشار الأمراض المعدية والتقليل من ولادة أطفال مشوهين أو معاقين والذين يسببون متاعب لأسرهم ومجتمعاتهم .

هناك الكثير و الكثير ما يدور حول أهمية هذا الفحص الطبي و لكنني أكتفيت بتلك النقاط كي ألفت النظر لها قبل الزواج ...

خلصنا من النقطة دي ... نخش بقي علي التقيل ..

و نبتدي بالشبكة ....

مين اللي حيبتدي المرة دي ....

شارك هذه المشاركه


رابط المشاركه
شارك

سكوربيون يا جميييييييييل جدا اوى خالص :D

الموضوع ده جاى لى على الطبطاب على الاخر

انا بنتى اتقرت فتحتها الحمد لله من شهر والشبكه والفرح والذى منه كمان شهرين تقريبا :roseop: 00يعنى عدينا مرحله وملخومه فى مرحله تانيه يعنى موضوع التعارف والتقديم والارتباط ده عديناه 00وباقى التقيل بقى

لقيت نفسى حايسه ولايصه ومعنديش خبره "حماه صغننه والله " :D وخللى بالك حماه لعروسه غير حماه لعريس ارجو التثبيت وللحديث بقيه

المهم احب ان نضيف للموضوع الاستفاضه فى شرح الرفايع وعلاما تشمل " ستاير مفروشات اكسسوارات امشاط فلايات وكل ماهو أأأأأأأأت

شكرا سكوب ياغالى على التوبك المهم ده واوعدكم هاشارك بما يسركم ويفيدكم ويفيدنى ان شاء الله

شارك هذه المشاركه


رابط المشاركه
شارك
عالبركة .... فين يا ابني المقص ... طب خد بايدي الله يكرمك للشريط اللي بيقصوه لما بيفتتحوا حاجة ...

اهه ... تم بحمد الله افتتاح بنك الأفكار رسميآ ...

أول فكرة .. ستكون مباشرة بعد الخطوبة و تلبيس الدبل ... و هي لا تقل أهمية عن كل الطقوس التي ستصاحب هذه المرحلة .. بل في رأيي الشخصي هي أهمها علي الأطلاق ....

الفصل الأول

ما بعد الخطوبة

الفحص الطبي

لن أجد أفضل من الفقرة التالية التي قرأتها كي أنقلها لكم لتوضيح أهمية هذه الخطوة في مستقبل حياتكما معآ

س : ما هي أهمية الفحص قبل الزواج ؟

ج : تكمن فائدة الفحص قبل الزواج في عدة نقاط :

- المقدمين على الزواج يكونون على علم بالأمراض الوراثية المحتملة للذرية إن وجدت فتتسع الخيارات في عدم الإنجاب أو عدم إتمام الزواج.

- تقديم النصح للمقبلين على الزواج إذا ما تبين وجود ما يستدعي ذلك بعد استقصاء التاريخ المرضي والفحص السريري واختلاف زمر الدم.

- مرض (التلاسيميا) هو المرض الذي ينتشر بشكل واسع وواضح في حوض البحر المتوسط وهو المرض الذي توجد وسائل للوقاية من حدوثه قبل الزواج.

– المحافظة على سلامة الزوجين من الأمراض، فقد يكون أحدهما مصاباً بمرض يعد معدياً فينقل العدوى إلى زوجه السليم.

– إن عقد الزواج عقد عظيم يبنى على أساس الدوام والاستمرار، فإذا تبين بعد الزواج أن أحد الزوجين مصاب بمرض فإن هذا قد يكون سبباً في إنهاء الحياة الزوجية لعدم قبول الطرف الآخر به.

– بالفحص الطبي يتأكد كل واحد من الزوجين الخاطبين من مقدرة الطرف الآخر على الإنجاب وعدم وجود العقم، ويتبن مدى مقدرة الزوج على المعاشرة الزوجية.

– بالفحص الطبي يتم الحد من انتشار الأمراض المعدية والتقليل من ولادة أطفال مشوهين أو معاقين والذين يسببون متاعب لأسرهم ومجتمعاتهم .

هناك الكثير و الكثير ما يدور حول أهمية هذا الفحص الطبي و لكنني أكتفيت بتلك النقاط كي ألفت النظر لها قبل الزواج ...

خلصنا من النقطة دي ... نخش بقي علي التقيل ..

و نبتدي بالشبكة ....

مين اللي حيبتدي المرة دي ....

ايييييه هو ده يا سكوب يا خويا انايادوب عمل send لاقيتك نزلت بالكلام الجامد ده؟؟

دلوقتى يعنى قبل ما الشاب يقدم الشبكه نقوم نقوله " بس آحيات ابوك مشوار صغير انت والعروسه كده نشيك عليكو؟؟؟

والله الكلام منطقى وجميل جدا والله ومقتنعه به اوى 00بس لو تكرمت تقولى الطريقه الشيك اللى ماتجرحش فى عرض الموضوع المهم ده ومين اللى يعرضه ؟ او على

مين نعرضه ؟

يعنى مثلا انا اكلم ام العريس او العروسه ؟؟

ولا ابو العريس او العروسه يعرضه على الطرف التانى ؟؟

ماتقوليش العروسه تقول للعريس ---ده كان ابوها يبوجها باجيييج :smart:

تم تعديل بواسطة قلب ابيض

شارك هذه المشاركه


رابط المشاركه
شارك

السلام عليكم و رحمة الله و بركاته

طبعا مش عارفة اشكركم ازاي ع التنفيض......دخلنا ع طول ع الخطوبة.......الله يعلي مراتبكم

انا هشارك بشوية افكار عندي....لو معجبتكوش ارموهم ف أول فاسقية زرع

الشبكة......الدنيا بتبقي كويسة في حالة واحدة.......لو ده أول جواز في الاسرة..........أنا اختي اتجوزت و بالتالي انا في خانة لازم شبكة بنتنا متقلش عن شبكة اختها....و ده ع اساس انها هتفرق معايا مثلا....أنا بشوف ان الشبكة و الاتفاقات اللي بعد الفاتحة مباشرة هي عشان ترضي اهل العروسة......و ربنا يصبر اهل العريس......و ربنا معاه بجد

الفحص الطبي...........أنا من وجهة نظر.........ان ده حاجة بين العريس و العروسة.........يعني موضوع بتاعنا احنا الاتنين

و هقولوكم علي خبرتي من خلال زواج اختي و من خلال خطوبتي السابقة

ف زواج اختي

توقيت طرح الموضوع ده جه في سياق استكمال وثيقة الزواج الجديدة......يعني لازم منضطرين نعمله عشان الورق و كده........بس لما دخل فيها باباه و مامته و كمان البيت عندنا قلب الموضوع صداع......؟؟؟

في خطوبتي الله يبشبش الطوبة اللي تحت راسها......انا بعد اول قعدتين مع الضحية......قولت نفتح الموضوع.......و هو موضوع عام يعني......و اتكلمت كده انه عادي و اني سمعت الناس بتعمله

طبعا الضحية هرب.........مش عارفة بسبب الموضوع ده.........و لا حاجة تانية..........الله أعلم

الخلاصة:

1- الفحص ده موضوع مهم قبل ما ننشغل بالحلل و العفش و مشابك الستاير

2- ده موضوع خلوه للعريس و العروسة هما يتكلموا فيه و يحددوه مع بعض من غير ما يحسوا انهم تحت الميكرسكوب

3- التوقيت بقي اللي نتكلم عليه...........بعد فترة من التقبل و الارتياح

هو انا بس نفسي اسال هي الفترة بتاعت الخطوبة الناس ليه بتتسربع انها تشتري و تكدس حاجات و مبتديش لنفسها فرصة تكتشف ايه اللي جو البني آدمين؟؟؟

بس خلاص

عايزة اضرب زغروتة........بس بوقي واجعني

شارك هذه المشاركه


رابط المشاركه
شارك

عايزة اضرب زغروتة........بس بوقي واجعني

وانا بضم صوتى لصوت لماضه مصريه جداً جداً عاوزين نسمع زغروطه

وبرشح قلب ابيض انها الى تقوم بالمهمه دى علشان هى ام العروسه وبقت حمى وبقولها متنسيش تعزمينى ولو كنت بره مصر ابعتلى 14.5 ريال اجيب بيهم وجبه من البيك 11 ريال وجبه 1 ريال خبز 2.5 ريال باربيكان وهى تبقى فرصه الواحد يأكل فيها البيك اصل انا حالف على البيك نظراً للكليسترول الا اذا واحد عزمنى

ايه ياجماعه فين الناس الخبره ادخلوا بقى اتكلموا بس ياااااااريت بجد تكون البدايه من اول مره للتعارف بين العائلتين لان ده مهم جداً واهو الواحد يستفاد من خبرة الناس

شارك هذه المشاركه


رابط المشاركه
شارك

الموضوع دا حلو اوي

بس حسه انه ملخبط حبتين

رايي ان كل الاعضاء يقترحوا اهم النقاط اللي عاوزين يناقشوها

زين

صاحب الموضوع يرتبها من حيث الاولوية ونبدأ نتكلم فيها نجطة نجطة

داكور ياولاد؟

شارك هذه المشاركه


رابط المشاركه
شارك
عايزة اضرب زغروتة........بس بوقي واجعني

وانا بضم صوتى لصوت لماضه مصريه جداً جداً عاوزين نسمع زغروطه

وبرشح قلب ابيض انها الى تقوم بالمهمه دى علشان هى ام العروسه وبقت حمى وبقولها متنسيش تعزمينى ولو كنت بره مصر ابعتلى 14.5 ريال اجيب بيهم وجبه من البيك 11 ريال وجبه 1 ريال خبز 2.5 ريال باربيكان وهى تبقى فرصه الواحد يأكل فيها البيك اصل انا حالف على البيك نظراً للكليسترول الا اذا واحد عزمنى

ايه ياجماعه فين الناس الخبره ادخلوا بقى اتكلموا بس ياااااااريت بجد تكون البدايه من اول مره للتعارف بين العائلتين لان ده مهم جداً واهو الواحد يستفاد من خبرة الناس

وانا بضم صوتى لصوت لماضه مصريه جداً جداً عاوزين نسمع زغروطه

وبرشح قلب ابيض انها الى تقوم بالمهمه دى 000بس كده من عنيه :roseop::roseop::roseop:

انا حمى يا روش؟؟؟ اسمها حمااااا من الحمايه والحما

التانيه دى من الحمى" الحومه " بعيد عنك ودى مش انا خاااالص

ده انا ابنى وبنتى بيغيروا من خطابهم عشان بحبهم اكتر منهم 000ابقى حما ازااااى؟

ماشى ياعنبو طب محروم من الوجبه 00بس :roseop:

وموضوع التعارف ده مش هارسيك عليه 00ورينى انت بقى هاتتعرف ازاى :lol:

الموضوع دا حلو اوي

بس حسه انه ملخبط حبتين

رايي ان كل الاعضاء يقترحوا اهم النقاط اللي عاوزين يناقشوها

زين

صاحب الموضوع يرتبها من حيث الاولوية ونبدأ نتكلم فيها نجطة نجطة

داكور ياولاد؟

داكور يا ابله 0000

بس زى ما حصل كده ماينفعش عم سكوربيون قفز فجأه على الفحص الطبى 00طب فين ماقبل ذلك ؟ ولا ده الاول وبعدين الفاتحه والشبكه او النص اكليل ؟؟

نقطه نظااام بقى مش عاوزين لخبطه 00انا قدامى شهرين بس وعاوزه انجز 00ومن غير اخواتى حبايبى فى المنتدى الووووص

تم تعديل بواسطة قلب ابيض

شارك هذه المشاركه


رابط المشاركه
شارك
دلوقتى يعنى قبل ما الشاب يقدم الشبكه نقوم نقوله " بس آحيات ابوك مشوار صغير انت والعروسه كده نشيك عليكو؟؟؟

والله الكلام منطقى وجميل جدا والله ومقتنعه به اوى 00بس لو تكرمت تقولى الطريقه الشيك اللى ماتجرحش فى عرض الموضوع المهم ده ومين اللى يعرضه ؟ او على

مين نعرضه ؟

يعنى مثلا انا اكلم ام العريس او العروسه ؟؟

ولا ابو العريس او العروسه يعرضه على الطرف التانى ؟؟

ماتقوليش العروسه تقول للعريس ---ده كان ابوها يبوجها باجيييج :sad:

أولآ .. صدقيني صدقيني .. أنا لغاية دلوقتي مش مصدق ان عندك عروسة علي وش جواز ... مش بكذبك لا سمح الله .. لكن اللي اتشرفت بمعرفتها في لقاء القاهرة ما كانش ممكن اتخيل اطلاقآ انها علي وش انها تصبح حما .... و مين عارف كمان سنة تبقي جده كمان .... عالعموم ربنا يباركلك في ولادك و بناتك .. و ابوهم طبعآ ...

بالنسبة للإحراج اللي في الخطوة دي .. المفروض يعني ان ده شيء طبيعي و دليل احترام كل واحد للتاني و اهتمامهم الفعلي بمستقبلهم مع بعض .. و ان كان ده دور العريس انه يقوم بالخطوة دي ..

عالعموم بصورة شخصية و كطريقة شيك تطلعنا من الإحراج ... ممكن يكون الموضوع ده نفسه و دعوة القادمين علي الزواج لقرائته .. ثم التوقف عند النقطة دي لأخذ الرأي رسالة واضحة انه شيء هام بالفعل يجب القيام به ...

فلو أصبح مع الوقت اجراء عادي يتم قبل الزواج .. لوفرنا علي انفسنا و علي أطفال المستقبل مخاطر كان بالأمكان تلافيها بمنتهي بساطة ...

و علي هذا الأساس جعلت من هذه النقطة أول نقطة قبل أي شيء علي الأطلاق ... فمتي تأكدنا اننا علي ما يرام ... يمكننا الآن ان نبدأ في "الصرف"

نرجع بقي للشبكة ...

معلومة صغيرة عالماشي ... كسبآ للزبون و علي غرار السلع المعمرة .. هناك الآن كثيرين من الصاغة من يبيعون الشبكة ....

بالتقسيط ...

شارك هذه المشاركه


رابط المشاركه
شارك
قلب ابيض

انا حمى يا روش؟؟؟ اسمها حمااااا من الحمايه والحما

التانيه دى من الحمى" الحومه " بعيد عنك ودى مش انا خاااالص

ده انا ابنى وبنتى بيغيروا من خطابهم عشان بحبهم اكتر منهم 000ابقى حما ازااااى؟

ماشى ياعنبو طب محروم من الوجبه 00بس

وموضوع التعارف ده مش هارسيك عليه 00ورينى انت بقى هاتتعرف ازاى

يا اعدل الناس الا فى معاملتى فيك الخصام وانت الخصم والحكم

انا أثف اثف منقطع النظير

انا مقصدش ابدأً موضوع حمى ده انا قصدى حمااااااااااااااااااااااااااااااااااااااااااااا كفايه كده ولا ازود كمان ااااااااااااااااااااااااااااااااااااا

نيجى للجد بقى

كده بقى انا هتعزم مرتين او تبعتى ليا 29 ريال مره علشان ابن حضرتك ومره علشان بنت حضرتك

يلا بقى اقولى على موضوع التعارف لانه بجد مهم لينا كلنا وخصوصا ده بيكون الانطباع الاول وكل جانب بيكون مبحلق فى التانى

الف الف الف مبروووووووووك على خطوبة بنتك وابنك وياااااااااارب يجعل ايامك وايامنا كلها فرح وهناااااااااااااااااااااااااااااااااااااااا

شارك هذه المشاركه


رابط المشاركه
شارك

السلام عليكم ورحمة الله....

من الأمور المحيرة بالفعل ...والتى تستغرق منا تفكير وتفكير...وبحث وسؤال عن ماذا نفعل فى الفترة التى تبدأ بمجرد التفكير فى الاقتران بشريك\ة العمر وتنتهى بليلة العمر....

وبما أن الجميع اتفق على أن نبدأ بمرحلة مابعد التعارف .....فأنا أرى ان أولى الخطوات وأهمها هى :

- القيام بالفحص الطبى للعروسين...

والزميل العزيز "سكوربيون"...قد قام بتوضيح أهمية هذه الخطوة.....وللعزيزة "قلب أبيض"..أقولها اولا ألف مبروك لبنوتك

وثانيا....لا يوجد أى احراج فى طلب القيام بالفحص الطبى.....شخصيا طلبت هذا الطلب من أهل عريس ابنتى قبل قراءة الفاتحة...بل كان هذا شرطى لكى أبدأ اتحدث معهم فى أمر هذا الارتباط.......

مالم أتوقعه بالفعل...هو سؤال العريس لى:...وقد قال لى :

" بالنسبة لى ياطنط لو فيه أى شىء عند العروسة..أنا حأتمم الزواج بأى حال...لكن ايه موقفكم منى أنا؟"....فطمأنته ان هذه اجراءات يجب القيام بها ...حتى لا نشعر بالتقصير فى يوم من الايام....

وتم ما أردنا ...وتمت الخطوبة بعدها...

لم يعد القيام بالفحص الطبى لراغبى الزواج نوعا من أنواع الرفاهية.....أو دعونا نقول انها رفاهية هامة لابد منها....مثل الاجهزة الكهربائية التى كنا نسميها بالكماليات...هل مازالت كماليات؟..بالطبع لا....

ما أعتبره محرج بالفعل هو تقبل نتيجة هذه الفحوصات اذا ما أتت عكس التوقعات او الامنيات؟

لهذا فمن الأفضل ان يتم هذا الاجراء قبل البدء فى اتخاذ خطوات فعلية لاتمام الزواج او الخطوبة او قراءة الفاتحة...

وأظن ان الناس الان على قدر من الوعى الصحى تجعلهم يتفهموا ضرورة القيام بهذه الخطوة....

أما عن سؤال قلب أبيض....مين اللى يفتح الموضوع....الاهم هو اسلوب الطرح...واختيار الوقت الملائم...وعرض اهمية القيام بالفحص الطبى...على اقل تقدير حتى يكون الطرفين على علم بما هما مقبلين عليه....

كنت أود أن اتحدث عن الخطوة التالية وهى زيارة قراءة الفاتحة .....ولكن

لى عودة....

وبأشكرك يا سكوب على الموضوع المهم فعلا....

تحياتى :sad:

شارك هذه المشاركه


رابط المشاركه
شارك

أولآ .. صدقيني صدقيني .. أنا لغاية دلوقتي مش مصدق ان عندك عروسة علي وش جواز ... مش بكذبك لا سمح الله .. لكن اللي اتشرفت بمعرفتها في لقاء القاهرة ما كانش ممكن اتخيل اطلاقآ انها علي وش انها تصبح حما .... و مين عارف كمان سنة تبقي جده كمان .... عالعموم ربنا يباركلك في ولادك و بناتك .. و ابوهم طبعآ ...

=======================================

كلك ذوق يا سكوربيون باشا والله ---- اصلى انا اتجوزت فى تانيه اعدادى :lol:

وفى لقاء القاهره السريع ده انا اللى كان لى الشرف بمعرفتك ومعرفه الاخوه والاخوات الاعزاء --وان شاء الله معزومين على الصيف الجاى عشان فرحتى تكمل بيكم <_<

تم تعديل بواسطة قلب ابيض

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • تحرير الأفكار

      حرر أفكارك   عبارة تكررت كثيرا في حياتي  و ربما في حياة حضراتكم   و كنت حتى أيام قليلة أفهمها بأنني علي التحرر من الأفكار العقيمة و الغير مجدية  حتى أنني كنت اكتب تحت هاشتاج و اسميته حرر _افكارك :) حتى انتبهت للمعنى الحرفي للعبارة  العبارة بوضوح تقول :    حرر أفكارك    و لم تطلب منا " التحرر" من الأفكار !! بل  " تحرير" الأفكار  يعني اعطاء الحرية للفكرة للاختيار    البقاء معي  أم المغادرة في سلام    المعنى أبهرني و أطلقت صيحة اعجاب مصحوبا بذهول    قادني إلى النظر في كلمة " ا

      في  فى الثقافة و العلم

    • شريحة فى المخ تحول الأفكار إلى كلمات

      أتصفح بإنتظام مجلة scientific american الشهرية و كل مرة تنتابنى حالة من الإنبهار بما وصل إليه العلم و كذلك فى آفاق البحث العلمى النشطة فى العالم المتقدم ، و فى نفس الوقت أشعر بالألم للضحالة الشديدة التى يغطى بها الإعلام المصرى المسائل العلمية. ما سبق كان إستهلالا لابد منه اليوم أعرض لكم هذه الطفرة العلمية .... تم زراعة شريحة إليكترونية عصبية فى مخ مرضى الشلل الكامل العاجزين عن أى حركة تقوم هذه الشريحة بتمكين المريض من الكلام عن طريق الكومبيوتر إذ تقوم هذه الشريحة بنقل أفكار المريض إلى جهاز

      في  فى الثقافة و العلم

    • تطرف الأفكار ..

      إسمحوا لي أن أتحدث معكم هنا ببساطة في موضوع شغلني كثيراً ظهرت في السنوات الأخيرة بعض الأمور .. لم تكن موجودة من قبل .. على سبيل المثال .. ظهرت في قنوات متخصصة فقط في الدين باعتبارها قنوات فضائية اسلامية .... وبعضها إن لم يكن كلها يستضيف فيها كبار الشيوخ من المتشددين ... وبدأ الناس يسألون في كل كبيرة وصغيرة من تفاصيل الحياة .. وحتى الأمور البسيطة أو الشكلية .. وبدأت يظهر العلاج بالقرآن والعلاج ببول الإبل والعلاج بالكي .. والحجامة .. وكثير من تلك الأمور .. على أساس أنها علاجات وحلول إسلامية ل

      في موضوعات جادة

    • الأفكار عند مالك بن نبي

      الأفكار عند مالك بن نبي -عموميات في استعمال مالك للمصطلح: يستعمل مالك بن نبي مصطلح "الأفكار" بطرق مختلفة،فلم يكن بن نبي ممن يحرص على وضع التعاريف الواضحة الدقيقة المضطردة للمفاهيم التي يستعملها،وإن كان قارئ أعماله يخرج في النهاية في اعتقادي بمنظومة نظرية واضحة في مجملها وأصيلة، ولو اعترت تفاصيلها ألوان من الغموض وسوء اللغة. وكثير من مصطلحات بن نبي لا يتوافق مفهومه لها مع المفاهيم الشائعة مما يقود قارئه غير المتمرس إلى سوء فهم،وقبل أن أشرع في تبيان جوانب أساسية من استعمال بن نبي لمصطلح "الأفكا

      في  فى الثقافة و العلم

    • حشيش وبنك الأفكار

      الأخوة والأخوات الأعزاء طفحت على رأسى فكرة لعلها تكون بداية الطريق إلى عالم الشهرة والثراء لنا جميعاً :wub: ... لماذا لا يضع كل واحد منا هنا فكرة من الأفكار للمستقبل عل وعسى أن يشاهدها أحد المسئولين عن براءات الإختراع العالمية بالأمم المتحدة أو اليونسكو أو مؤسسة نوبل ويشترى منا الفكرة بملايين الدولارات :huh: .... يجب أن تكون هذه الفكرة جديدة ولم يسبق لأحد أن يكون قد طرحها عالمياً من قبل :P .... نشرت هذا الموضوع من قبل فى شئون مصرية وهايد بارك ولكن لم يتقدم أى مستثمر لشراء براءة أى إختراع ح

      في دعوة للأبتسام

×
×
  • اضف...