قمر صناعي مصري للبحث العلمي ....

[Lancelot]

قمر صناعي مصري للبحث العلمي

تستعد مصر لإطلاق أول قمر صناعي علمي متخصص ( إيجيبت سات) لأغراض البحث العلمي في مصر والعالم العربي، وذلك في إطار مواصلة البحث العلمي والاستفادة من الخبرات الأجنبية لتنفيذ الأبحاث العلمية في مختلف المجالات.

ومن المقرر إطلاق القمر" إيجيبت سات" للأغراض السلمية في أكتوبر القادم بالتعاون مع دولة أوكرانيا، حيث تم البدء في تصنيع القمر بأيد مصرية بمعرفة الهيئة العامة للاستشعار عن بعد، كما تم تدريب 60 شابا على تقنيات الأقمار الصناعية لتوفير خدمات القمر الجديد.

ويعد القمر المصري "إيجيبت سات" نقله نوعية تدخل بها مصر عالم البحث العلمي والتطور التكنولوجي، كما يعد من الأقمار التي تحمل تكنولوجية رقمية معقدة، وأكثر تطورا من التكنولوجية المستخدمة في أجيال الأقمار الصناعية المصرية"نايل سات101 و نايل سات 102 التي تحمل تكنولوجية رقمية متطورة في مجال الاتصالات ونقل المعلومات.

ومن المنتظر بعد إطلاق القمر الصناعي المصري "إيجيبت سات" لأغراض البحث العلمي إطلاق قمر آخر لأغراض الإنتاج العسكري الحربي لتطبيق الاستفادة القصوى من القمر الصناعي "إيجيبت سات" وحمل مصر نحو التكنولوجية المتطورة.

كما تفكر وزارة الإعلام المصرية في إطلاق جيل جديد من الأقمار، خاصة وأن القمرين نايل سات101 ونايل سات102 مصر يحملان مصر حتى عام 2016 .

كما حقق القمران نايل سات 101 و102 انتشارا واسعا في المنطقة مقارنة بالأقمار الصناعية بسبب إمكانياتهما التكنولوجية العالية.

هل هي خطوة علي طريق وكالة فضاء مصرية أو عربية ..... قالوا أمين ....

[Mohd Hafez]

خطوة طيبة .. نحو مزيد من التقدم العلمي .. وفهم لغة العصر ..كما أتمني أن تكون هناك تجهيزات أرضية ومعملية بمصر يمكنها الإستفادة القصوي من نتائج وجود قمر صناعي مصر في الفضاء .. نحتاج معامل تحلل المعلومات .. كما نحتاج أيضا لبرامج مصرية خاصة يمكن أن نستخدمها للملاحة العسكرية للطيران المصري .. أي أقمار ذات إمكانية للعمل بــGPS

بشكل عام .. خطوة جيدة جدا للأمام

[Mohammad Abouzied]

فيه تعامل وتعاون كبير مع اوكرانيا كأحد اقطاب الصناعه في العالم حيث انها القلعة الصناعية لدول الاتحاد السوفيتي القديم وفيه مثل بيقول في اوكرانيا لولا اوكرانيا وثرواتها الطبيعية ما كانت للأتحاد السوفيتي السابق اي اهمية

وفعلا الشعب الاوكراني يتميز بالزكاء وحبه للعمل وبالرغم مشاكله الاقتصادية التي توارثها من النظام الشيوعي فهي تقريبا اسرع دولة من الاتحاد السوفيتي للأتجاه نحو التحرر والتعاون معها في الوقت الحالي سوف يجعل لنا مكانة مرموقه في المستقبل

اعتقد افضل كثير من رومانيا والاستثمار فيها على الاقل سوف تجد كل شعبها متعلم

[صعيدي]

يوجد مثل صينى يقول " خيرا لى ان تعلمنى الصيد على ان تعطينى سمكة"

ومع فرحتى الشديدة بتلك الخطوة الا اننى تسألت عن سبب غياب الايدى المصرية فى عملية التصنيع

فى أواخر الستينات صنعت الهند أول قمر صناعى بالتعاون مع فرنسا واشترطت ان يشارك مجموعة من الهنود فى جميع مراحل التصنيع والاشراف وبعد فترة بدأت صناعة الاقمار الصناعية فى الظهور فى الهند والان الهند تصنع الاقمار الصناعية لصالح الدول الاخرى.

فياريت ريت نكون تعلمنا الدرس

[sos]

اه.....أه .......أه.......وكمان .....أه

تصنيع قمر صناعى ......كده مرة واحدة.......بعد صناعة الاستيكة 100% صناعة محلية

يا اخونا الرحمة .....احنا صحتنا لا تتحمل هذا الكلام

وكمان GPS ....امال ايه....احنا اقل منها

معذرة ....

ما كتبته اعلاه.....مجرد تخريف....

واضح انى ابتديت....اقول كلام غير مفهوم....حتى لى انا شخصيا

يا مثبت العقل والدين :blink:

[Lancelot]

ليه بس كده يا SOS ... ما إحنا ماشيين كويس ... تبوظ الحلم الجميل ليه ....

القمر أكيد مش إحنا اللي هنصنعه كله .. أكيد فيه مساعدة أوكرانية كبيرة فيه ... لكنها خطوة كويسة و لا شك ... و بعدين ده قمر - حسب ما فهمت - للإستشعار عن بعد ... و ده تكنولوجيته مش محظورة و لا سرية و متاحة للي يدفع ... صح و لا أنا غلطان ....

يا جماعة حد يقولي إن الحلم ده ممكن يتحقق ... أرجوكم أنا تعبت من الكوابيس ...

[sos]

شوف يا باشمهندس/لانس

الحلم متاح للجميع..... احلم براحتك

ما لفت نظرى فى هذا الموضوع عدة امور...سأكتبها حسب ما ترد فى ذهنى وليس حسب الاهمية:

1- القمر الصناعى له عمر يتراوح من خمسة الى خمس عشرة عام حسب المدار الذى سيودع فيه القمر (كلما بعد المدار زاد العمر والتغطية وبالتبعية التكلفة) اى ان عنصر الزمن عنصر هام هل خططنا لهذا .......سؤال؟؟؟ مجرد سؤال

2-التكلفة ....من سيدفعها.....قرض اخر.....ام ماذا؟؟؟

3-لدينا قمرين بالفعل للاتصال....تجارين بكلام اوضح....هل لدينا بيانات لنسبة اشغلاهما ...وتقيم المكسب او الخسارة ...

4- هل تتوقع ان قمر الاستشعار هذا....سيسمح به لمصر مع وجود من بالجوار من يتابع هذا...

5- ولو سمح به....هل نضمن انه لا يتجسس علينا لصالح غيرنا...

6- فى كل دول العالم من يمول المشاريع البحثية ومستلزماتها؟.. الصناعة.. او بمعنى اخر منشأت انتاجية....لكى يخدم العلم الصناعة....هناك دورة حياة ...اذا صح التعبير... بين المكسب المالى والبحث العلمى..والا لن يستمر البحث العلمى...

اقصد اذا استعمل القمر المزعوم فى البحث العلمى...

هذا بعض ما جال فى خاطرى..... ولك ان تتخيل الباقى

يا اخى نحن يلزمنا ان نطلق العشوائية طلاق بائن بينونة كبرى قبل هذا القمر...والا سيصبح قمر يغنى له او عليه....

ياهندسة الحركة العشوائية..........محصلتها صفر....

هذه الحركة اكثر ما يميزنا...

انظر حولك :blink:

[Mohammad Abouzied]

قرض ايه ونسبة اشغال ايه وتغطية تكاليف ايه

يا عم SOS انت في عصر الفضاء والتكنولوجيا والاقمار دي لازم تكون موجوده ولا بكدا لن تتقدم خطوة واحده لما بنفتح مدرسة عمرنا ما بنقول ايرادها ايه لانها بتبني الانسان والاقمار وعملها في الاتصالات هي لها دور كبير

واذا كان فيه بعض القصور في التشغيل الكامل لهذه الاقمار

يبقى ندور كيف نشغلهم مش نلغي المشروع ونتخلف عن العالم

يعني لو عندك عربية مش لازم تعرف تسوقها كويس الاول ولا لازم تعرف تصلحها وتصنعها الاول علشان تركبها

اعتقد نتعلم السواقه الاول وبعدين خطوه خطوه نتعلم نصلحها وبعدين نتعلم نصنعها المهم لازم تكون موجوده لاننا محتاجينها في مسايرة التكنولوجيا الحديثة وثورة الاتصالات

[sos]

قرض ايه ونسبة اشغال ايه وتغطية تكاليف ايه

هو قمر هدية وانا فهمت ان احنا هندفع ثمنه بالغلط والا ايه....

يا عم SOS انت في عصر الفضاء والتكنولوجيا والاقمار

ايوه يا عمنا كلام صح........احسن صح

والاقمار دي لازم تكون موجوده ولا بكدا لن تتقدم خطوة واحده

حضرتك تعميم الكلام بالشكل ده غير صحيح.....ما ينفع لغيرنا ليس بالتبعية ينفع لنا.....مثلا

هناك من يقوم بفحص كامل للجسم كل عدة شهور بدون اى داعى وهناك من لا يجد من او ما يعالجه مع شدة المه وشكواه.....اذن فالقياس والاولويات فى الحالتين مختلفة....

لما بنفتح مدرسة عمرنا ما بنقول ايرادها ايه لانها بتبني الانسان

كلام صح..... ولكن هل المدرسة كالقمر الصناعى....اشك ان هذا التشبيه يستقيم

والاقمار وعملها في الاتصالات هي لها دور كبير

كلام عام مرة اخرى...

نحن بالفعل عندنا قمرين وليس واحد....عملنا بيهم ايه ... غير الكلام الفاضى الذى يبث ليل نهار على اغلب قنواتنا الفضائية..

واذا كان فيه بعض القصور في التشغيل الكامل لهذه الاقمار

اذا فهناك تقصير.... كما تفضلت وقلت.....هل ادركناه وحاولنا علاجه

والا هنعمل زى المثل

ما قدرش يشيل معزة ....قال .....شيلونى اتنين

يعني لو عندك عربية مش لازم تعرف تسوقها كويس الاول ولا لازم تعرف تصلحها وتصنعها الاول علشان تركبها

بالفعل احنا عندنا اثنين....وما عرفناش نسوق واحدة فيهم

لاننا محتاجينها في مسايرة التكنولوجيا الحديثة وثورة الاتصالات

كلام حماسى عام...لاينفع لنا مع احترامى لك...نحن عندنا بالفعل قمرين للاتصالات...وعندنا محطة ارضية للاقمار الصناعية.. بل اكثر من محطة..عملنا بيهم ايه....؟؟؟؟؟!!!!!!!

[Mohammad Abouzied]

تشغيل الاقمار لا يقتصر فقط عن نقل القنواتالفضائية فقط بل يستعمل في التنبوء بحالة الجو كما يستخدم في الانذار المبكر لاي هجوم صاروخي على مصر ووجود هذا الاقمار تجعلنا نطور جميع اجهزة الاستشعار الموجودة من اجهزة اتصال وتليفونات وخلافة من اجهزة سواء كانت مدنية او عسكرية واختلاف مصادر التكنولوجيا وتنوعها من بلد الى بلد مثل اوكرانيا لاجيبت سات وفرنسا للنيل سات يجعل السيطرة على على اجهزة اتصالاتنا صعب على اسرائيل وغير اسرائيل

عموما يأخ SOS موضوع انشاء قمر صناعي موضوع حيوي وصاحب القرار فيه هيئات عاليه على قدر كبير من العلم والدراية وبناء على دراسات جدوى حقيقية ومناقشتها هنا يبقى مثل مشجعين الكرة الي عوزين يشوفوا اللعبة الحلوه بدون النظر لمجهود اللاعب الذي يبذله في التدريب

فاذا انت كنت متخصص في هذه الصناعة او متخصص في دراسة الجدوى لها هات ما عندك وكلنا اذان صاغية

[Hassan]

اه.....أه .......أه.......وكمان .....أه

تصنيع قمر صناعى ......كده مرة واحدة.......بعد صناعة الاستيكة 100% صناعة محلية

يا اخونا الرحمة .....احنا صحتنا لا تتحمل هذا الكلام

يا مثبت العقل والدين cr((:

و اية الغريب فى ان احنا نصنع قمر صناعى ؟!!! دة حتى طلبة الحامعة ممكن يصنّعوة خد المثل دة

Università: è in orbita il satellite costruito dagli studenti romani

E’ entrato in orbita, dopo essere stato lanciato dal cosmodromo di Baikonur in Kazhakstan, il satellite Unisat-2 che servirà a monitorare l’inquinamento terrestre. Si tratta di un satellite di 17 kg realizzato dagli studenti della Scuola di Ingegneria spaziale dell’Università La Sapienza di Roma.

الوصلة

الترجمة

طلبة مدرسة الهندسة الفضائية فى جامعة لاسابينسا فى روما يصنعون قمر صناعى Unisat-2 و يزن 17 كيلوجرام و قد تم اطلاقة الى الفضاء الخارجى من قاعدة بجمهورية كازاخستان و قد وضع فى مدارة و يقوم هذا القمر بمراقبة التلوث البيئى الارضى.

23-12-2002

[صعيدي]

موضوع وجود برنامج فضاء مصرى فى الوقت الحالى هام جدا لمصر بالعكس احنا متأخريين جدا عن دول كثيرة

وأهمية وجود أقمار صناعية تنبع من وجود استقلالية فى الحصول على المعلومات , ليس فقط مستقبليين لها من مصادر أخرى , النقطة الثانية هو بناء كوادر وخبرات مصرية فى هذا المجال ( بالمناسبة شرعا ده فرض كفاية).

إقتباس 

لما بنفتح مدرسة عمرنا ما بنقول ايرادها ايه لانها بتبني الانسان

كلام صح..... ولكن هل المدرسة كالقمر الصناعى....اشك ان هذا التشبيه يستقيم

بالعكس ده كلام سليم 100%

تعرفوا انا موضوع البحث بتاعى فى الدكتوراه اللى انتهى والحمد لله ممكن ميكونش له مجال فى مصر فى الوقت الحالى ولكن انا قلت ما يمكن البلد حالها يتعدل فى يوم من الايام ويحتاجوا تخصصى.

المهم علشان منخرجش عن الموضوع, هى فعلا خطوة للامام بكل المقاييس أما بالنسبة لحكاية للانذار المبكر للصواريخ واى استخدامات عسكرية فأشك بها وأتمنى حدوثها

اعتقد نتعلم السواقه الاول وبعدين خطوه خطوه نتعلم نصلحها وبعدين نتعلم نصنعها

أختلف معك فى تلك النقطة لان مفروض اننا عندنا قمريين اتعلمنا فيهم السواقة وبعدين مفروض اننا نكون اتعلمنا السواقة فى مدرسة سواقة الاول :blink: مش نشترى عربية نتعلم عليها cr((:

[sos]

الاخوة الاعزاء

من الواضح انى ارى الامور بنظارة سوداء.......

ومن الواضح ايضا انكم ادرى بمصر منى وانكم اكثر تفائلا....

اما سؤال الاستاذ/ محمد ابو زيد.....عما اذا كنت متخصص او ما شابه؟؟....فانا اقل من هذا بكثير....

ربنا يوفقنا ويوفق طلبتنا لتصنيع القمر الصناعى عن قريب ان شاء الله..

[Lancelot]

SOS ... شوف يا باشا ...

1- القمر الصناعى له عمر يتراوح من خمسة الى خمس عشرة عام حسب المدار الذى سيودع فيه القمر (كلما بعد المدار زاد العمر والتغطية وبالتبعية التكلفة) اى ان عنصر الزمن عنصر هام هل خططنا لهذا .......سؤال؟؟؟ مجرد سؤال

2-التكلفة ....من سيدفعها.....قرض اخر.....ام ماذا؟؟؟

3-لدينا قمرين بالفعل للاتصال....تجارين بكلام اوضح....هل لدينا بيانات لنسبة اشغلاهما ...وتقيم المكسب او الخسارة ...

4- هل تتوقع ان قمر الاستشعار هذا....سيسمح به لمصر مع وجود من بالجوار من يتابع هذا...

5- ولو سمح به....هل نضمن انه لا يتجسس علينا لصالح غيرنا...

6- فى كل دول العالم من يمول المشاريع البحثية ومستلزماتها؟.. الصناعة.. او بمعنى اخر منشأت انتاجية....لكى يخدم العلم الصناعة....هناك دورة حياة ...اذا صح التعبير... بين المكسب المالى والبحث العلمى..والا لن يستمر البحث العلمى...

اقصد اذا استعمل القمر المزعوم فى البحث العلمى...

الست نقاط اللي حضرتك ذكرتهم .. نقط في غاية الأهمية ... و للصراحة لم يخطروا علي بالي في نشوة الفرح بالخبر .... (لم يكن فرح بقدر ما كان فرك للعينين و لطم علي الوش تأكدا من كوني لا أحلم مرة أخري) ..

أختلف معك في النقاط 4 و 5 ... القمر و بيتم تصنيعه الآن .. يعني محدش إعترض .. و موضوع إن حد يستخدمه في إنه يتجسس علينا عايزة توضيح شوية .... أولا التجسس لن يكون بطريقة إنه يصور أماكن معينة في مصر أو أي حاجة ... لكن إنه يستقبل المعلومات التي يرسلها القمر أيا كانت و إستخدام هذه المعلومات سيظهر مع الوقت ... في عصر المعلومات اللي إحنا فيه ده .. نوعية المعلومات لم تعد بهذه الأهمية .. المهم فعلا هو توافر المعلومات (أي معلومة مهما كانت ستكون مهمة في وقت ما و ستظهر الحاجة إليها) و ترتيبها و تنظيمها و عمل طرق فعالة لإستخدامها و معالجتها .... لكن هذا التجسس مربوط بإستقبال هذه المعلومات ... و مدي سرية هذه المعلومات ... لو المعلومات سرية و مش هتذاع من خلال الوسائل المختلفة زي الكتب و المراجع يبقي فيه خوف من التجسس ... و بعد كده تيجي التكنولوجيا ... إزاي يتم إستقبال هذه المعلومات ... هل يتم من داخل مصر فقط أو من الممكن أن يتم من خارجها أيضا ... الإعدادات المطلوبة لإستقبال المعلومات .. هل كبيرة و معقدة و لا دش تليفزيون و خلاص ... قصدي إن الموضوع معقد و عايز خبرة في المجال علشان نعرف إذا كان التجسس ممكن و لا لأ ...

النقطة 2 ... التكلفة ... سؤال مهم أنا بأسأله معاك ....

النقاط 1 و 3 .... المشكلة هنا تكمن في مشكلة أكبر ... و هي الدعاية ... يعني القمرين الأول و الثاني .. كل اللي نعرفه عنهم هو النايل سات و قنوات النيل المتخصصة و دخلنا عصر الفضاء و الريس بيمضي عقد بناء القمر الصناعي و هيه يا حليلا ... و بس خلاص ... نعرف إيه تاني عن الموضوع ... و لا حاجة ...

و القمر ده .... قمر بحث علمي .... بحث عن إيه ... و علم إيه ... أني علم .... أنا عرفت الموضوع من الميدل إيست ... موقع علي النت ... و بعدها عرفت إن الأهرام كتبت خبر عن الموضوع حجمه صغير جدا .. بس كده ... فين الدعاية لحدث زي ده .... مش ديه حاجة مهمة برضه و لا إحنا بنطلع قمر كل يوم و أنا مش واخد بالي ... و لا علشان الموضوع مفيهوش فنانات يبقي خلاص كخه ...

النقطة الأخيرة ... علاقة البحث العلمي بالصناعة ...

لا ديه صعبة أوي أوي أوي ... لسه بدري أوي علي ما ندرك العلاقة بين الإتنين دول .... إحنا دولة مستوردة .. و الصناعات اللي عندنا صناعات مستوردة للتكنولوجيا ... مفيش حاجة تمشي في البلد ديه إلا لو كان فيها إستيراد .... الصناعة عندنا – علي رأي شريف عبد الوهاب – فهلوة ...

-------

تعليق علي مداخلتك الأخيرة ....

SOS ... لا إنت مش بتشوف الأمور بنظارة سوداء ... ديه نظرة واقعية .... المشكلة إنها هي اللي سودا ...

[Mohammad Abouzied]

عندما كنت صغير وعندي 14 سنة اي من اكثر من 42 سنة تقريبا كان الاستاذ عادل يزورنا في البيت وتكلم عن الكومبيوتر كأنه شئ كبير وقدراته فائقة ولا يستطيع احد تعلمه بسهولة لعقيدات تعليمه وكان فيه من يعارض وجود كومبيوتر في مصر ويقول يعني ايه كومبيوتر وفائدته ايه في ناس عايزة تاكل وتشرب كويس وتلاقي شقة كويسه

ولما بدأت حرب 76 وبعدها حرب 73 عرفنا ايه معني وجود كومبيوتر في البلد وعرفنا ضرورة وجود اكثر من كومبيوتر في كل جامعة وكل ركن من البلد

الان اصبح الكومبيوتر الشخصي موجود في المنزل مثل التلفزيون والثلاجة والبوتجاز

ومش غريب في المستقبل ان كل واحد من مصر في المستقبل يطلق قمر صناعي لنفسه يحد يرشده عن كل خطواته ويقوم بأتصلات له عبر انحاء العالم وهو ماشي بالسيارة ويقدر يسئلة مين الشخص الي واقف قصادي الان يقوله عليه وعلى اسمه وجاي منين وعايز ايه

دا العلم ودا المستقبل وانتظرو الكثير

على شرط انكم لا تحربوه ولا تقوموه

[sos]

استاذ/ محمد ابوزيد

تحياتى لك وللاستاذ عادل ابو زيد...

واعتذر عن نقدى لموضوع "قمر صناعى مصرى..للبحث العلمى" ..الذى ربما يكون اغضبك

من الواضح ان حضرتك اكثر دراية وتحمس لهذا الموضوع اكثر منى....

اعتذر مرة اخرى

[Mohammad Abouzied]

استاذ/ محمد ابوزيد

تحياتى لك وللاستاذ عادل ابو زيد...

واعتذر عن نقدى لموضوع "قمر صناعى مصرى..للبحث العلمى" ..الذى ربما يكون اغضبك

من الواضح ان حضرتك اكثر دراية وتحمس لهذا الموضوع اكثر منى....

اعتذر مرة اخرى

لماذا الاعتذار

عندما تنتقد شئ فانت تتيح الفرصة للجميع انهم يضعوا هنا كل ما يعرفونه ويعلموه عن الموضوع وبالتالي فانت تفيد عندما تنتقد وتفيد عندما تضع معلومات فكلا الحالتين نحن نشكرك

[sos]

العزيز/لانس

طالما انت مصمم على مناقشة هذا الموضوع....

دعنا نناقشه بالراحة....

نحن لابد ان نقيم اداء نيل سات 1و2

مع العلم انهما لا يستعملا فقط للبث الاذاعى والمرئى...بل ممكن استعمالهما للاتصالات التليفونية وكذلك الاتصال بأقمار صناعية اخرى....وكذلك فى البحث العلمى ايضا...عن طريق المحطات الارضية...بل وممكن الاتصال ايضا بمنظومة الاقمار الصناعية الامريكية GPS

..بالمناسبة..هل تعلم ان اوربا وعلى رأسها ثلاث دول هى فرنسا والمانيا وايطاليا...ستقوم بعمل منظومة قمرية... تضرب GPS وتسمى جاليليو...فى خلال سنتين ستكون فى ميدان العمل...27 قمر يغطوا الكرة الارضية بدلا من 25 فى GPS

ما علينا نرجع لقمر مصرى للبحث العلمى....الفكرة لا غبار عليها...بدون شعارات ونعرات وكلام حماسى لا يفيد....

هاضرب مثل حى لما اريد ان اقول...

مصر توسعت فى انشاء محطات توليد كهرباء (حرارية) على ظن اننا سنصبح دولة صناعية...حدث على العكس من الظن ان مصانع كثيرة توقفت عن العمل لسبب او لاخر...

اصبح هناك فائض فى انتاج الكهرباء....

ولكن المشكلة ان توقيف المحطة الحرارية يؤدى الى تلفها....فما العمل...؟؟؟؟؟!!!!!

نقلل من كفاءة السد العالى....طبعا عندنا شبكة مصرية موحدة وكذلك عربية (اشك فيها)...ما علينا...

بعد فترة وجد الاتى....ان المناطق المفروض السد عالى يغذيها اصبحت تأخذ حاجتها من المحطات الحرارية...مع الفارق الكبير جدا فى التكلفة....

والسبب ...

سوء (او انعدام) تخطيط.

التسابق على عمولات وسفريات المحطات الحرارية من القائمين عل ابرام الاتفاقات.

وغير ذلك من الاسباب

ماذا يمنع ان يحدث مثل هذا فى مسألة القمر الصناعى...سؤال...مجرد سؤال....!!!!!

منك لله يا لانس

كنت اتضايق من كل من يكتب مداخلة طويلة... فأصبحت منهم :angry:

[Lancelot]

عزيزي SOS ... أشكرك علي العودة لمناقشة الموضوع ...

قرأت ردك و هممت أن أكتب ... إلا إني توقفت عند هذا السؤال ...

ماذا يمنع ان يحدث مثل هذا فى مسألة القمر الصناعى...سؤال...مجرد سؤال....!!!!!

لكن يبدو أن السؤال .. المجرد سؤال ... إجابته خارج نطاق معرفتي ...

لم أجد إجابة ... توقفت أنظر إلي الشاشة دقائق .. و لم أجد إجابة ...

في البداية .. ظننت أن هذا المشروع خارج نطاق البيروقراطية و التخلف الإداري اللذين تتميز بهما مصر ... إلا أن مثال المحطة الحرارية أعاد المشروع إلي قلب النظام البيروقراطي المصري ....

لقد إرتفع ظني بي مترا كاملا في الهواء من الفرحة .... و أسقطني سؤالك علي حين غرة ....

من فضلك ... المرة اللي جاية نزلني واحدة واحدة ... ;) ;) <_< <_< :) B) :P :o cr((: cr((: