لفائف سلمون مع .. .. وبالفلفل الملون

[بندق أفندى]

سلمون فيليه يقطع شرائح طولية .. سمك 1 سم تقريبا ..

يتبل بعصير الليمون لمدة 20 دقيقة ..

تجهز له خلطة عبارة عن فصين ثوم معجون وشبت أخضر يقطع ناعم وملح وزيت زيتون ..

يتم دهن شرائح السلمون بالخليط .. وتلف دوائر وتثبت بخلة أسنان خشب .. وتوضع فى صينية فرن .. ومعها بعض شرائح الفلفل الملون

ندخلها فرن حامى مسبقا على درجة حرارة 200 لمدة 15 دقيقة ..

ثم نضيف المكون السرى (اللى مطلوب تعرفوه) ونشعل عليها الشواية على نار متوسطة لمدة 5 دقائق أخرى

وهتكون بالشكل الرائع ده

قدمتها مع أرز بسمتى مسلوق بداية فقط مع هيل حب وفلفل أسود حب (ليسهل ازالتهم بعد النضج) ..

ثم يقلى الأرز مع معلقتين زيت سمسم وهنا وعافية

يلا بقى مين الشاطر اللى هيقول ايه البنى اللى مع السلمون والأرز ده ..

[اميره]

بندق ممكن اسألك انت الى بتجهز الوصفات والأكلات الجميله اللذيذه دى بجد لو أفكارك انت اشهد لك إنك طباخ بريمو وبرغم ان مش بحب السلمون بس الطريقه حلوه أوى ويمكن اجربها وأقولك رأيى تحياتى لك ياشيف بندق

[بندق أفندى]

بندق ممكن اسألك انت الى بتجهز الوصفات والأكلات الجميله اللذيذه دى بجد لو أفكارك انت اشهد لك إنك طباخ بريمو وبرغم ان مش بحب السلمون بس الطريقه حلوه أوى ويمكن اجربها وأقولك رأيى تحياتى لك ياشيف بندق

أكيد انا اللى بأجهزها .. ولاحظى الطبق الأزرق اللى أصبح علامة بندقية مسجلة ههههههههههههه

ده كان غدايا لليوم

[بندق أفندى]

تم اضافة صوص عبارة عن بشر قشر البرتقال يحمر فى زبدة ويضاف له عصير ليمون مع ملعقتين خل حتى يتكثف ثم يضاف للسلمون فى طبق التقديم

[بندق أفندى]

حيث انه مفيش حد عاوز يفكر ايه الاضافة .. نقول وأمرنا لله

هو زيتون متحمر فى زيت زيتون .. وهو ملح خفيف اساسا .. وكان اضافة رائعة للغاية