drTOTA بتاريخ: 15 سبتمبر 2009 تقديم بلاغ مشاركة بتاريخ: 15 سبتمبر 2009 السلام عليكم ورحمة الله وبركاته, انا دلوقتى حامل فى آخر الشهر التاسع يعنى فى انتظار الولادة بين لحظة والتانية, من حوالى 3 ايام لاحظت ان القدم اليمنى فيها تورم اكترمن اليسرى , هو التورم العادى نتيجة الحمل موجود من فترة وكمان كان بسيط, لحد من 3 ايام لقيته زاد فى القدم اليمنى ولونها اتغير شويه للاحمر , وفيها تنميل والم مع الحركة من عند ( وش القدم) وحرقان شديد مع اى لمس, الدكتورة النهارده قالت لى لو استمر يومين اكشفى عند طبيب باطنى بس انا بصراحة قلقانه مش عارفه ده ممكن يكون اعراض جلطة واللا ايه؟ ولو كده ايه خطورتها خصوصا فى الولادة؟ انا بفكر اكشف بكرة على طول بس مش عارفه ايه الاصح اكشف باطنه زى ما قالت واللا جراحة او اوعية دمويه؟ مع الشكر رابط هذا التعليق شارك المزيد من خيارات المشاركة
doha بتاريخ: 16 سبتمبر 2009 تقديم بلاغ مشاركة بتاريخ: 16 سبتمبر 2009 انا مش دكتوره بس بما ان عندي الى حد ما خبره في الحمل فاقدر اقولك ان تورم القدمين في الشهور الاخيرة طبيعي لغايه درجه معينة بعدها بيبقى مؤشر خطر على احتمال وجود تسمم حمل لا قدر الله .. انا مشفتش قدمك فمقدرش احكم ان كان تورمها في المحتمل ولا لاه بس من وصفك كده فالافضل انك تروحي لدكتوره نساء تانيه يكون عندها امكانية تحاليل وماشابه .. او على الاقل استشاري يؤكد لك ان التورم ده في حدود الطبيعي .. بصي اعراض تسمم الحمل على مااذكر كانت تورم القدمين وارتفاع كبير في الضغط وفي حاجه كمان في العين انا مش متذكراها بس اظن جحوظ العين او احمرارها .. للاسف نسيت والله .. هو عامه وعلى مااذكر بتعملي تحليل زلال البول برضه لان وجوده مؤشر خطر كبير .. واجمالا الكلام النظري يخوف انا شخصيا بخاف جدا من تسمم الحمل لانه حاجه مش سهله بس الي مطمني عليكي ومحسسني انك ان شاء الله بخير متقلقيش ان كان لي وحده اعرفها كانت حامل في توام ورجلها كانت ( الدبل ) يعني مستحيل تلاقي حاجه تدخل فيها خاصه في آخر يومين تلاته .. ودلوقت ماشاء الله تبارك الله زي الفل واولادها قربوا يدخلوا المدرسة .. انصحك بس تقرأي في النت عن تسمم الحمل وبرضه زي ماقلت لك تروحي للاستشاري واخيرا متقلقيش لان آخر كام يوم في الحمل توقعي فيهم كل شيء مش طبيعي وبيكون ده الطبيعي .. ..إذا دعتك قدرتك على ظلم الناس فتذكر قدرة الله عليك .. رابط هذا التعليق شارك المزيد من خيارات المشاركة
زهرة الجبل بتاريخ: 16 سبتمبر 2009 تقديم بلاغ مشاركة بتاريخ: 16 سبتمبر 2009 الأخت الكريمه توتا أنا أعرف إن في علاقه وثيقه بين الزلال و تورم القدم و كذلك علاقه بين الزلال و إرتفاع الضغط أنا مش دكتوره لكن أعتقد إن لازم تسرعي بعمل تحليل لتحديد نسبة الزلال في البول و كذلك قياس الضغط و عرض النتائج على طبيب النساء المتابع لحالة حضرتك المهم أن يتم ذلك بشكل سريع لا تؤجلي أبداً و لا تقلقي أبداً .. المهم هو سرعة التشخيص لضمان سرعة التصرف بإذن الله غاية ما هنالك إنه إذا كان - لا قدر الله - في إرتفاع في الضغط فسيسرع الطبيب بتعديل الضغط و إخحضاعك لولاده قيصريه والدتي مرت بنفس الظرف و أخبرنا الدكتور أنها لو كانت تأخرت قليلاً لتعرضت لتسمم الحمل ( عافاكِ الله ) و هذا ما لا نريده و أخيراً طمنينا عليكِ و ربنا معاكِ إن شاء الله أم كريم رابط هذا التعليق شارك المزيد من خيارات المشاركة
drTOTA بتاريخ: 16 سبتمبر 2009 كاتب الموضوع تقديم بلاغ مشاركة بتاريخ: 16 سبتمبر 2009 موضوع تسمم الحمل ده مستبعد تماما لانى عاملة كل التحاليل وكلها طبيعية الحمد لله والزلال نيجاتيف والضغط طبيعى جدا , وطبيعى انى عملت التحاليل كلها لانى زى ماقلت على وشك الولادة خلاص , حتى الورم العادى فى الحمل ده كان بسيط جدا جدا لا يكاد يكون ملحوظ مش زى حتى حملى الاول, المشكله اللى قلقانى ان الورم فى قدم واحده بس ومؤلم ولونها متغير وده بقاله 3 ايام بس , مش زى حتى مواصفات الورم العادى اللى بيكون بسبب احتباس المياه, انا حتى مش عارفه ادوس عليها, لكن التانيه عادية جدا مافيهاش اى حاجه. رابط هذا التعليق شارك المزيد من خيارات المشاركة
الزوار Guest خوووخه بتاريخ: 18 مايو 2019 الزوار تقديم بلاغ مشاركة بتاريخ: 18 مايو 2019 الحمدلله على سلامتك والله يجعل مولودك من مواليد السعادة البااااار بوالديهم يااارب يا أختي أنا أعاني من نفس مشكلتك بالضبط أنا في الشهر الثامن الآن ويالمني رجلي اليمين بس القدم مو قادرة أضغط عليها ياليت تفيديني إذا عرفتي سبب الألم أنا هذا أول حمل لي عشان كذا مو عارفه هذا طبيعي أو لا رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان