حملات للقبض على المجاهرين بالإفطار في شوارع أسوان

[حسام يوسف]

ياجماعة الموضوع مش أنهم بيمسكوا واحد مسيحي ولقيوه بياكل

ولا حتى مسلم مفطر وبياكل

مش كدة خالص

بقى فيه ظاهرة من فترة في أسوان خصوصا بين السائقين بالتدخين جهارا نهارا فى أسوان

وأحيانا كمان مش سجاير

بانجو وغيره

الشرطة ماتعرضتش لحد مسيحي

ولا حتى لواحد مسلم بياكل

لكن بجد لما يلاقوا واحد مسلم وشاب قد الحيطة كدة وبيدخن

وأحيانا ممنوعات

هل ده شيئ كويس؟

كل الناس هنا مبسوطة من الحملات دي

وكل البلطجية دول اتلموا على طول بعد ما كانوا بيبلطجوا على خلق الله

الحقيقة انا بحب أسوان جدا

وأهلها مسالمين

لكن بخصوص الادمان وخصوصا العقاقير المهلوسة والمهدئة بجانب البانجو

فحدث ولا حرج

تحتل أسوان أعلى بورصة فى أسعار الترامادول والباركينول وغيره بكل تركيزاتها

بمعنى اخر

شريط الترامادول أعلى سعر ليه فى الجمهورية بيبقى هنا فى أسوان

وده سبب ارتفاع فى معدلات الجريمة فى المدينة الهادئة

ياريت التواجد الامنى ده يفضل

وياريت كمان يكملوا ويقضوا على مافيا الأدوية الممنوعة

والصيدليات المشبوهة

[جيمي]

يا جماعه الموضوع ده موجود من زمان .. الشرطه عربيات البوكس يعني طول عمرها بتلم المشتبه فى كونهم بلطجيه .. يعني اللى باين عليه علامات البلطجه .. اللى لابس حزام حديد مثلا .. اللى فى وشه علامع (بشله) يعني ... اللى ماشي بيتطوح وسنانه واقعه او متفحمه من الهباب اللى بيشربه .... يعني الغرض انهم بيلمو البلطجيه ... ومفيش بلطجه اكتر من وااحد ماشى يشرب سجاير جهارا ظهارا كده فى نهار رمضان .. يعني مش حكاية فريضه وتعذير والحوار دهوت ... يعني ممكن امين الشرطه اللى واخده اشتباه يكون فاطر اساسا ... بس مش دي القضيه يعني

[MZohairy]

و اشمعنى الحملات دي في اسوان بس؟

ليه مش في القاهره كمان و باقي المحافظات؟؟

مفروض تطبيق القانون يكون على جمهورية مصر العربيه بالكامل

مش جمهورية اسوان المصريه بس

[حسام يوسف]

و اشمعنى الحملات دي في اسوان بس؟

ليه مش في القاهره كمان و باقي المحافظات؟؟

مفروض تطبيق القانون يكون على جمهورية مصر العربيه بالكامل

مش جمهورية اسوان المصريه بس

يعنى انت يا عم زهيري بتعترض على اللى حصل فى أسوان عشان اقتصر عليها؟

ولا بتتمنى التجربة الأسوانية تتعمم؟ :h!!!h:

[زعلان]

شكلها جلت منك المرة ده يا زهيري و معرفتش تمارس هوايتك :h!!!h:

معلش خيرها في غيرها الجايات اكثر من الرايحات :h!!!h:

[se_ Elsyed]

زُهيري والأعتراض من أجل الأعتراض ..

أنا زهيري .. إذاً أنا معترض

ولو كانت الفكرة إتعممت في مصر كلها ..

كان زهيري نفسه طلع على المنبر وقال : طب مش كان من الأفضل إنهم يبدأوها تاتا تاتا مش لوكشه واحده ؟ يعني مثلاً نبدأ بأسوان .. لقينا الفكرة نجحت .. ندخل في رمضان اللي بعده على جرجا ثم سمالوط ... وهكذا حتى يعم الخير على الجميع .. و .. وحوي يا وحوي

[doha]

زُهيري والأعتراض من أجل الأعتراض ..

أنا زهيري .. إذاً أنا معترض

ولو كانت الفكرة إتعممت في مصر كلها ..

كان زهيري نفسه طلع على المنبر وقال : طب مش كان من الأفضل إنهم يبدأوها تاتا تاتا مش لوكشه واحده ؟ يعني مثلاً نبدأ بأسوان .. لقينا الفكرة نجحت .. ندخل في رمضان اللي بعده على جرجا ثم سمالوط ... وهكذا حتى يعم الخير على الجميع .. و .. وحوي يا وحوي

مابلاش ياعم سين خليك ماشي جنب الحيط احسن حد من المشرفين يسمعك ويقول عليك بتشخصن ..

يجعل كلامنا خفيف عليهم ..

************************

تم تعديل 31 أغسطس 2009 بواسطة عصام
حذف مقطع احتوى على سخرية من إدارة الموقع

[فــيــروز]

بصراحه أنا من المعترضين على الموقف ..

حسب كلام "حسام" الموضوع ليس مرتبطا بالجهر بالفطر فى نهار "رمضان" .. لكنّه محاوله لفرض الانضباط فى الشارع و هو شئ لا يمكن إلاّ أن نحمده طبعا لرجال الشرطه .. لكن لماذا إسباغ شكل دينى عليه؟ و هل منع تعاطى المخدّرات و الممنوعات فى الطريق العام لا يكون سوى فى "رمضان" !! أم هم يقولون لنا ضمنيا أن هذا الانضباط لن يكون سوى خلال الشهر -طالما تحجّجوا بالجهر بالفطر فى "رمضان- و بعد انقضاء الشهر ستعود الأحوال لما كانت عليه !! و هيجرى إيه لو كان فرض الانضباط و محاربة البلطجه طول العام و ليس فى رمضان فقط :sad:

[حسام يوسف]

بصراحه أنا من المعترضين على الموقف ..

حسب كلام "حسام" الموضوع ليس مرتبطا بالجهر بالفطر فى نهار "رمضان" .. لكنّه محاوله لفرض الانضباط فى الشارع و هو شئ لا يمكن إلاّ أن نحمده طبعا لرجال الشرطه .. لكن لماذا إسباغ شكل دينى عليه؟ و هل منع تعاطى المخدّرات و الممنوعات فى الطريق العام لا يكون سوى فى "رمضان" !! أم هم يقولون لنا ضمنيا أن هذا الانضباط لن يكون سوى خلال الشهر -طالما تحجّجوا بالجهر بالفطر فى "رمضان- و بعد انقضاء الشهر ستعود الأحوال لما كانت عليه !! و هيجرى إيه لو كان فرض الانضباط و محاربة البلطجه طول العام و ليس فى رمضان فقط :sad:

أختنا الفاضلة فيروز

أنا مع حضرتك تماما ان هذة الاجراءات لاعادة الانضباط الى الشارع كانت مطلوبة من زمان

ومطلوبة برضة بعد رمضان

وياريتهم يستمروا كدة

[elfakhrany]

ماظنش ان الخبر ده صحيح .. ممكن يكون القبض عليهم للاشتباه وليس للمجاهرة بالافطار.. والله اعلم :sad:

[Diab]

حسام انت بتتكلم بجد

بقي سعر الترامادول في اسوان الاعلي في مصر

وبعدين لما تلاقي اسوان المدينة الهادئة تحولت الي عشوائيات وكل نماذجها مثل ابراهيم الابيض محدش يبقي يقول ان دي مش مؤامرة علي البلد

[حسام يوسف]

حسام انت بتتكلم بجد

بقي سعر الترامادول في اسوان الاعلي في مصر

وبعدين لما تلاقي اسوان المدينة الهادئة تحولت الي عشوائيات وكل نماذجها مثل ابراهيم الابيض محدش يبقي يقول ان دي مش مؤامرة علي البلد

العزيز دياب

نعم أسوان أصبحت ماركة مسجلة لدي تجار الأدوية المهدئة والمهلوسة

يكفى أقولك ان فيه ناس بتلم أدوية الجدول-دي تسميتها بتاعتنا كصيادلة-من كل صيدليات محافظات الصعيد وتيجي تصبها هنا فى أسوان

وهل ان كل أسوان بقت بلطجية؟

لأ طبعا

لكن انزل وشوف فئات السواقين والتباعين وغيرهم

انا مش عارف تعبير مؤامرة ده أنا اللى مقصود بيه ولا تقصد ايه؟

عموما تحياتى

[White heart]

... نيجي بقي للجد و السؤال المهم

مشاركات ما بعد 1 سبتمبر .....هل سترجع أم من الأفضل نسيانها تماما كأنها لم تكن

علي الأرجح ان المداخلات دي يجب ان نعتبرها راحت مع هنادي ....

هو احنا حنبقي احسن من امريكا ... التوين تاورز طاروا في سبتمبر ... ما نشاركهمش احنا بمداخلات اربع ايام في سبتمبر برضه ....

عالعموم اتمني من كل من احتفظ بنسخة مما تمت كتابته في تلك الفترة ( و أخص العزيز وايت هارت بهذا الأمر كونه أرشيف المحاورات المتحرك ) أن يضيفه مرة أخري .. علي الأقل لا ينقطع سياق بعض المواضيع الهامة ....

أشكرك كثيرا يا عزيزي على تلك الثقة الغالية ... ولكن مع الأسف أنا لا أحتفظ بجميع ما ينشر على صفحات هذا الصالون الثقافي الراقي .. وإنما فقط بالمواضيع التي أشارك بها، أو تلك التي تهمني وتستهويني .. وليكن موضوعنا هذا ... ولهذا سأقوم بإعادة وضع جميع المشاركات التي فقدت منذ هذا التاريخ ( 01.09.2009 ) وحتى المداخلة الأخيرة منه (حوالي 53 مداخلة ) على هيئة إقتاباسات ... وأدعو بالمثل جميع الزميلات والزملاء ممن يحتفظون بمواضيعهم أو مشاركتهم فى المواضيع المختلفة بإعادة وضعها .... ولا كأن أى شئ حدث .. من وجهة نظري المتواضعة هذه هى أفضل وقفة إحترام وتقدير لهذا الصالون الثقافي/هذا التجمع الراقي، من قبل أن يكون أفضل رد على من حاول النيل من أى شئ كان (مهما كان حجمه صغير أم كبير) يخصنا نحن أعضاء/ملاك هذا المكان ... هذا المنـــــــــــــــزل ....

تحياتي للجميع

[White heart]

شيء مخيف ان تتحول اسوان التي احمل لها كل ذكريات جميلة الى مثل هذا الكابوس

وشيء يدعو الى القلق فعلا ان يتسرب الى النسيج الاجتماعي المصري هذا الكم الضخم من العنف واللامبالاه

العنف في القول والفعل والتبجح بالخطأ والبلطجة

شيء يدعو الى القلق ايضا ان نتحول من النقاش الجاد الى السفسطة والسخرية !!

بالتأكيد الأمر كله يحتاج الى وقفه ومراجعة النفس

انا رايح لفين !!؟

مصر رايحة لفين ؟!!

[White heart]

لماذا لم نتطرق بعد إلى المشكلة الأصل؟

لماذا يجاهر هؤلاء فعلاً بإفطارهم؟ ولماذا أصبحنا نرى تلك الظاهرة بأعيننا في مصر بعد أن كانت قاصرة على بلاد أخرى وثقافات أخرى؟

خلص الكلام

[White heart]

هو ليه الخلط ده بين موضوعين ما لهمش أي علاقة ببعض...

العزيز سي السيد قال:

هو مش جهاز الشرطة يعتبر الجهة التنفيذية التابعه لولي الأمر برضوا ؟

طب وولي الامر مش مطلوب منه الامر بالمعروف والنهي عن المنكر ومعه عامة الشعب ولكنه منوط بهذا الدور اكتر عشان هو صاحب السلطة ؟

يقوم لما يعمل كده في مره نستنكر وندين ونقول حريه وملوخيه ؟

يعني واحد مجاهر وقليل الادب ... نسمي عليه ولا ندلعه ونقول له براحتك

يا فندم جهاز الشرطة هو الجهة التنفيذية و ليس التشريعية... جهاز الشرطة ليس له و لا لبقية الشعب أن يطبق ما يراه هو من أمر بمعروف و لا حتي نهي عن منكر... جهاز الشرطة و بقية الشعب له أن يطبق ال"قانون" الذي تقره الأجهزة التشريعية (مجلسي الشعب و الشوري، و استفتاءات الشعب متي استخدمت)... من أين تستقي تلك الجهات التشريعية قوانينها ده موضوع تاني... و لكن في جميع الأحوال، هذه هي القوانين التي اختاروها و أقروها و الشرطة و القضاء ليس لهم التعقيب و لا التغيير فيها بحسب "رؤيتهم"...

لا يوجد قانون في مصر يمنع أحدا من الافطار مجاهرة في رمضان... كما لا يوجد قانون يمنع الكباريهات من العمل في رمضان... هذا هو القانون الموجود بغض النظر عن رأينا فيه... لو كان غير الصائمين يحترمون مشاعر الصائمين و لا يفطرون جهارا... فده من باب الأدب و حسن المعاشره، و لكن القانون لا يجبر أحد علي ذلك... لو كانت الكباريهات تغلق في رمضان لل"تجديد" فلها الشكر... و لكن لا يحق للشرطة و لا لل"هيئة" و لا حتي لرئيس الجمهورية أن يجبرهم علي الاغلاق في هذا الشهر الكريم لأنه لا يوجد قانون يأمر بذلك... من يري غير ذلك فليأخذ الأمر للجهة التشريعية و يطالب بقانون يضمن هذه الأشياء...

لو كانت الشرطة تقبض علي ال"بلطجية" شكا في ما يدخنون... فهذا اجراء قانوني... و لكن لو كان يدخن سيجارة كيلوباترا في مكان مفتوح... فالشرطة ليس لها أن تقبض عليه بحجة حماية الأخلاق العامة أو مشاعر الصائمين... هذا يعتبر اساءة استخدام سلطة من الشرطة... مثلما لا يحق لقاض أن يحكم بما يراه "روح" الشريعة الاسلامية... لأن المفترض أنه يحكم طبقا للقانون الوضعي المستلهم من "روح" الشريعة... و ليس برؤيته الشخصية...

لو فتحنا الباب للشرطة أن تنفذ ما تري من قوانين، حتي لو كنا نقبلها و نراها صحيحة... هتخرب أكتر ما هي خربانة... الشرطة مش ناقصة تشجيع علي كده...

[White heart]

من حق من أراد الإفطار أن يفطر وحسابه عند ربه .. أما أن يجاهر بالإفطار في الشارع في نهار رمضان فهذا ليس من حق أحد لأن فيه إيذاء لمشاعر المسلمين في هذا الشهر الكريم ..

يا سلام .. ماشاء الله .. ماشاء الله ... حقوق و إيذاء لمشاعر حتة واحدة؟

أن يرى أى مواطن "إختار" (كحق) ان يقوي العلاقة التي بينه و بين خالقه وقرر أن يصوم تقربا لله و طمعا فى رحمته .. ستتأذى مشاعره عندما يرى مواطن آخر "إختار" (كحق) أن يفعل فى ذات الوقت أى شئ آخر غيره (أو حتى عكسه) ؟؟؟!!!

(وأعتذر مسبقا) يا ترى المواطن اللي طول النهار و الضهر و العصر و الليل و الفجر اللي بيقابل مشاهد من عينة الصور اللي وردت فى الموضوع دة: يبقى انت اكيد فى مصر بتسبب له ايه بالظبط؟ بلاش ... عند مثلا كوبري الليمون اللى جنب محطة السكة الحديد (رمسيس سابقا) لما يبقى ماشي فوق الكوبري و هوووب يلاقي واحد راح واقف فى أى حتة من الجنب اليمين من مطلع الكوبري لحد نصه (قبل الجامع) وراح "مشلح" جلبيته، أو فتح سوستة بنطلونه... و .. و .... يالله نمشيها "روى الشجرة" مع ان مافيش هناك حتى أى رسم لزرعة خضرا صغيرة!!! ... او غيره اللي "سلك زوره" و راح "تا..هها" واحدة "وثب عالي" وتنزل مطرح ما تنزل بقى مش مهم!!! .... أو أكياس "المفرقعات" الليلية (او نمشيها المعونات الغذائية المجانية للقطط والكلاب الضالة بالشوارع) التي تتساقط من نوافذ بعض العمارات هنا وهناك سواء بالمناور أو الشوارع!!! ... أو سينفونيات العزف الجماعي وتغريد البلابل بالشوارع لو حصل وداس واحد على طرف واحد تاني بقصد أوبدون قصد!!! .... و الا محترفي ممارسة التلوث السمعي بأنواعه وأشكاله، وممتهني التسول، و معذبي الحيوانات بل وقتلها فى الشوارع العامة ... و غيره و غيره ...كل دول بيسببوا ايه يا ترى؟؟؟!!! .. كل دول من حقهم و أكتر ... إنما أن يأكل أو يشرب أحدهم أمام من هو صائم فهذا ليس من حقه لأن فيه إيذا لمشاعره ... مدهش!!!

تحياتي.

[White heart]

بس هقولك نقطة واحدة

المسلم اللى يجاهر بالفطر يطبق عليه التعزير .. او زى ما يشوف وكيل النيابة باعتبار انها هتبقى تهمة

يا سلام ... ماشاء الله ... ماشاء الله ...

زى ما يشوف سعادته ... يعني بلاها بقى دساتير وقوانين و قضايا و محامين و محاكم وقضاة .. وكل الغلبة دي .. نمشيها "تهمة" حسب ما يشوف سعادته ... مدهش!!!

تحياتي.

[White heart]

عفوا وايت هارت ..

هذا ديننا .. ركن من أركان إسلامنا .. والصيام في بلادنا ليس عادة يحق لي أن أصوم ويحق للأخر أن يجاهر بالافطار هكذا جهاراً في الشارع ..

هو ليس وجهات نظر يعجبني أحدها ولا يعجبني وجهة النظر الأخرى فأجاهر برفضها ..

هذا ديننا ..

المسيحيون في بلادنا هم أحرص الناس على إحترام مشاعر المسلمين والعكس صحيح بالطبع .. فلماذا تحرص دائماً يا وايت هارت على إثارة النزعات الطائفية هنا في المنتدى ..

أتمنى أن تكون الرسالة قد وصلت ..

لا أعتقد ..

[White heart]

(مصري المصري @ Sep 3 2009, 11:28 PM)

المسيحيون في بلادنا هم أحرص الناس على إحترام مشاعر المسلمين والعكس صحيح بالطبع ..

معلش عفوا لهذا السؤال ..

لماذا أصلا تُجرَح مشاعر المسلم و هو يرى غير المسلم يفطر و يتناول طعامه !! هو نفس المسلم الذى يسافر لدول غير مسلمه و يعمل يوم عمل كامل و الجميع حوله يفطرون و يدخّنون و يشربون الشاى و القهوه دون أن يعتبر هذا جرحا لمشاعره !! و هو نفس المسلم الذى لا يرى حرجا و هو يطلب سندوتشات اللحوم و الدواجن بينما صديقه المسيحى أو زميله المسيحى فى العمل لا يتناولها لصومه !!

بصراحه أنا لا أفهم علاقة المشاعر و جرحها بممارسة "الآخر" لحياته بالشكل الذى يسمح له به دينه كما نفعل نحن دون تفكير فى موضوع المشاعر ده !! هو المسلم ده طفل صغيّر سيتألّم حين يرى غيره يأكل و يشرب و هو محرّم عليه الأكل و الشرب حتى الآذان !! و بصراحه أكثر أعتبر مدحنا ل "مراعاة المسيحيين لمشاعرنا بعدم تناول أكل و شرب خلال صومنا" فيه قدر من الضغط النفسى عليهم و كأنّنا بنقول لهم ضمنيا لو أكلتم أو شربتم خلال صومنا يبقوا مش بتراعوا مشاعرنا و بتجرحونا !! لا يا جماعه الصوم أكبر كثير من هذا كلّه .. و الله أعلم