Jump to content
ArabHosters
Alrefaey

تحذير للقادمين الى المملكة وحاملين معهم ادوية

Recommended Posts

عمل فى المملكة لمدة سنتين ونزل الى مصر حالما بالاجازة السنوية وما سوف ينجزة من خطوة هامة فى حياته من خطوبه وترخيص محل كى يفتحة صيدلية فيما بعد قضى اجازته واثناء عودته من الاجازة الى المملكة قصدة احد اصدقائة لحمل بعض الادوية لوالدته الموجودة داخل المملكة فى زيارة لأبنها وطبقا لرواية الصيدلى انه كان لا يعلم ماهى اسماء تلك الادوية ,

فجرت العادة للكثير من المصريين حمل بعض الادوية من مصر الى المملكة اما لعدم توفرها هنا او لرخص ثمنها واثناء دخوله استخرج الظابط بعض الادوية الموجودة ووجد فى وسط الادوية دواء ليبراكس ودواء زولام ,

دواء ليبراكس هودواء مهدىء للقولون ولكنة ممنوع بيعه هنا فى المملكة دون وصفة طبية لانها داخل جدول المخدرات ودواء زولام هو دواء مهدىء ومنوم ايضا وداخل الجدول فى مصر ولكنه لايوجد فى المملكة ,

حصلت مشادة بين الظابط وبين الصيدلى حيث قال الصيدلى بأنه مبدئيا لايعلم انه زولام او ليبراكس او حتى كونى اعلم وهذا على لسانة ماهى المشكله دول 10 علب ليبراكس و2 علبة زولام لوالدة صديق لى

نهاية المشادة محضر وقضية اتجار بالمخدرات وهو الان فى احدى سجون الرياض من شهر تقريبا

قام اهله ببيع كل مايمتلكون كى يوكلوا احد المحامين السعودين للدفاع عنه بعد فشل المحامين المصرين والسفارة للتوصل الى حل وهذا على حد قولهم

Share this post


Link to post
Share on other sites

اشعر بالشفقة علي هذا الصيدلي و في نفس الوقت أحمله مسئولية استخفافه بما قام به ....

أولآ هو صيدلي بالمملكة اذن يعلم تمامآ القوانين التي تنظم بيع الأدوية هناك .. و ما هي الأدوية التي تحتاج الي روشتة .. و ما هي الممنوعة ...

لا يستطيع ان يقول انه لا يعلم اسماء الأدوية التي يحملها ....

لا يستطيع ان يحمل 10 علب من دواء تم تصنيفه كمخدرات فقط ك "جميل" لصديقه ...

لا يستطيع ان يقاوح مع ظابط يقوم بأداء واجبه و تطبيق قوانين بلده بل و الدخول في مشادة معه ...

لقد أخطأ خطأً جسيمآ من أول لحظة .. لحظة موافقته علي نقل أدوية لا يعلم محتواها و هو صيدلي .. الي لحظة خلافه مع الظابط ...

التحذير الذي اشارك الفاضل Alrefaey فيه ... هو تحذير كل من يريد أن يخدم احدآ من أهله أو من أصدقائه خدمة مماثلة .. الحذر كل الحذر مما يقوم بتوصيله ... فبكل الثقة و الصداقة التي تجمعه مع من يريد أن يخدمه .. لا يجب ان يشعر بالحرج في ان يقوم بفحص "الأمانة " بجميع مكوناتها قبل أن يوافق علي نقلها .. فهي في النهاية ستكون مسئوليته .. و القربة المخرومة التي سيضعها فوق رأسه ...

Share this post


Link to post
Share on other sites

السؤال ... ماهو موقف صديقة ؟ ماذا فعل له من أجل الخدمة الكبيرة التى لم تنجز ؟ واين أم صديقة ؟

أعتقد أن هذا الصيدلى إما أنه ساذج أو أنه يعلم علم اليقين مايحمله من أدوية . وفى النهاية القانون لايحمى .........

ربنا يتولاه برحمته لأن مشكلته كبيرة وسيتم تطبيق القانون بحقه ويستبعد من البلد مع وضعه فى القائمة السوداء ...

Share this post


Link to post
Share on other sites

اشعر بالشفقة علي هذا الصيدلي و في نفس الوقت أحمله مسئولية استخفافه بما قام به ....

"استخفافه" نعم هذا ماشعرت به ,العقل لايتقبل ان يحمل صيدلى دواء لا يعرفه او يعرف مكوناته لكن اغلب الظن انه جرت العاده لنا كمصريين وبالذات زملائى الصيادلة التعامل مع الادويه حتى لوكانت مخدرة بشكل فيه نوع من التهاون نوعا ما ,فجد شاهدت الكثير من الزملاء يحملون ادوية تصنف على انها مخدرة مثل الترامادول او ليبراكس او حتى زانكس الى معارف لهم داخل المملكة غير مبالين قوانين وانظمة ,

لكن كى اوضح الامر بخصوص هذه الحالة تحديدا بشأن دواء ليبراكس هو دواء كان فى الاول اوفركاونتر لكن حصل سوء استخدام له فدخل جدول المخدارت وتم حظرة .

الفاضل مندو

ليت الحكم يقتصر على ترحيل الصيدلى وقائمة سوداء هذا اقصى طموح لنا الخوف من الحكم عليه بعقوبة اتجار مخدرات وهذا هو الواضح حتى الان

Share this post


Link to post
Share on other sites

على فكرة الموقف دا بالضبط كان هيحصل مع عمى

حد قصدهم يا خدوا ادوية معاهم لحد معرفة فى مكة

وهما طالعين عمرة وكلنا متجمعين عندهم

وعمى قام قالى تعالى شوفى دى ادوية اية بالضبط

بابص........ لاقيت زولام وترامادول بالهبل صراحة اكيد كان هيروح فى داهية بس اهة ولا دكتور ولا حاجة بس سأل

ربنا ستر الحمد للة

انما طبعا صيدلى اية ان شاء اللة الله اللى شايل دوا مش عارف اسمة اية؟

دى مش منطقية

على العموم ربنا يا رب يطمن اهلة علية

انما انا افتكرت الموضوع متعلق بالادوية العادية هى دى منها قلق يعنى شوية مضادات حيوية عشان البنات

ولا هنتمسك يها يا دكتور؟

Share this post


Link to post
Share on other sites

لسه قافل التليفون دلوقتي حالا مع صديق للصيدلي المسكين ده وبيعمل معاه فى نفس الشركه ... وللاسف الشركه فصلته من اول مالشرطه اتصلت بيهم ... واهله يا عيني باعو اللى عندهم علشان يوكلوله محامي ..ويخرجه من الحبس لسكنه لعند مالقضيه تنتهي ... وقمة الذل فى الشركه اللى خرج بضمانها (لايتعارض ذلك مع انها فصلته لان ده بوساطة المحامي) قمة الذل بقه ايه .. انه بيروح يمضى حضور الساعه 8 ويرجع يمضى انصراف الساعه 6 مساء مع انه مابيشتغلش ... والعهده على الراوي

اللى انا مستغربله راجل جايب علبتينن زولام ... يعني لا هو مهرب ولا تاجر ولا ينفع يكون مدمن بعلبتين ... هقول ايه دول يادوبك يعملو دماغ ازازتين بيره من اللى بيتشربو هنا فى الفنادق للاجانب عادي يعني .... يبقى ليه التعسف ده

والليبراكس مش جدول فى مصر .. وانا اول مره اعرف انه جدول هنا فى السعوديه مع اني كمان شغال فى صيدليه ما اظنش انه تاثيره تاثير ازازتين دوا كحه زي دوا (.....) او دوا(.....) ودول مش جدول هنا وبيتباع عادي فى الصيدليه مع انها جدول فى مصر من زمان

ولا يمكن يمكن يمكن يعني كل ده علشان تطاول على واحد سعودي ... رضي الله عنه

انا على فكره لسه باعت جايب علبتين ترمادول السنه اللى فاتت مع واحد قريبي .. وسالت ناس كتير قبل ماعمل كده وكان ردودهم كلها عادي مافيش مشكله ابعت هات دول علبتين وكمان انت لو قريت نشرة الترمادول مش هتلاقى كلمة تخدير مكتوبه فيها

واعرف كمان هنا صيدلي فاتح صيدليه لحسابه علي اسم كفيله وبيجيب كراتين ليبراكس وادويه من مصر كتير ....

مش عارف اقول ايه غير ربنا يهون عليه مصيبته ويعديه منها على خير ....... آمين

Share this post


Link to post
Share on other sites

بصراحة السعودية مفيش فيها ثوابت وأنا أتوقع ان حصلت مشادة مع الظابط المسئول واستخدام الأسلوب المصرى أنت مش عارف انت بتكلم مين ! أنا دكتور أو ماشابه مما ادى الى استفزاز الظابط وتعقيد الأمور .. والله أعلم

Edited by elfakhrany

Share this post


Link to post
Share on other sites

هى دى منها قلق يعنى شوية مضادات حيوية عشان البنات

ولا هنتمسك يها يا دكتور؟

لا اطمنى يافندم اى دواء ممكن تدخلى بيه المملكة بخلاف المسجل هنا فى المملكة على انه مخدر او control drug

وضباط المطار لا يعرفون سوى الادوية المسجلة لديهم على الحاسوب ومنها ليبراكس و زناكس وهى ادوية عالمية معروفة بمعنى انه توجد بعد الادوية المصنعه بمصر باسماء مختلفة وتحمل نفس المواد المخدرة ولكنها غير مسجلة عندهم بنفس الاسم

Edited by Alrefaey

Share this post


Link to post
Share on other sites
بصراحة السعودية مفيش فيها ثوابت وأنا أتوقع ان حصلت مشادة مع الظابط المسئول واستخدام الأسلوب المصرى أنت مش عارف انت بتكلم مين ! أنا دكتور أو ماشابه مما ادى الى استفزاز الظابط وتعقيد الأمور .. والله أعلم

أؤيد رأيك اخى فخرانى

صراحة الواحد بيعدى منهم وهو حاطط ايدية على قلبة ليقولك التأشيرة ولا ختم ناقص

Share this post


Link to post
Share on other sites

لسه قافل التليفون دلوقتي حالا مع صديق للصيدلي المسكين ده وبيعمل معاه فى نفس الشركه ...

تعرف مين يا جيمى فى زهرة الروضه ؟

بالرغم من اللوم الشديد على الصيدلى فيما حدث الا انه فى موقف لايحسد عليه

دعواتكم يا اخوانى له ربنا معاه

Edited by Alrefaey

Share this post


Link to post
Share on other sites

لسه قافل التليفون دلوقتي حالا مع صديق للصيدلي المسكين ده وبيعمل معاه فى نفس الشركه ...

تعرف مين يا جيمى فى زهرة الروضه ؟

بالرغم من اللوم الشديد على الصيدلى فيما حدث الا انه فى موقف لايحسد عليه

دعواتكم يا اخوانى له ربنا معاه

[/quote

رفاعي باشا ..هي فعلا شركة زهرة الروضه .. و مش مهم اعرف مين .. احنا كلنا اخوه

بس انا مش معاك فى حكاية اللوم الشديد على الصيدلي ده.... لوم ايه بس .... انا مش شايف في اللى عمله اي خطأ ... بالنسبه لليبراكس .. كل زمايلنا الصيادله اللى انا كلمتهم اول مره يعرفو انو جدول هنا ... وبالنسبه لعلبتين الزولام ... بالله عليك فتش تحت مخدة اي صيدلي او اي طالب فى كلية طب او صيدله يا هتلاقي زولام او زاناكس او ترمادول .. او اي علاج للارق ..... ومش معني كده انهم مدمنين يعني ....

ومش معني كلامي اني بشجع على استخدام العقاقير المهدئه او المنومه او المسكنات زي الترمادول ... ومش ده المجال اني اكلم عن اضرارها ..

بس انا حزين جداا من اللى حصل للصيدلي ده وشايف ان كل الصيادله هنا فى السعوديه عليهم واجب ناحية المسكين ده ... دي لو هتوصل ان رجالة زهرة الروضه يتوقفو عن العمل ويضغطو على الشركه تقف جمبه يا رفاعي ... ولو فى اي اقتراحات تانيه يا ريت نناقشها مع بعض .. اصل كده حرام يضيع مستقبل الغلبان ده فى غلطه ماتستاهلش العقاب ده كله

Share this post


Link to post
Share on other sites

متفق معك دك جيمى انه يجب علينا ان نقف بجانبة ونساندة ماديا ودبلوماسيا ان امكن والاخوان فى زهرة الروضه بدؤ بالفعل فى حملة للم تبرعات له لتوكيل محامى واتمنى من جميع المجموعات الاخرى ان تبادر بنفس الخطوة .

لكن دعنى نتفق على انه لا يصح الا الصحيح حمل اى دواء صنف كمخدر بدون وصفة طبية هو خطأ جسيم حتى لو كنا نحن كصيادلة اعتدنا عليه واستسهلنا الامر حتى اصبح عادة هذا لايمنع كونه خطأ ومخالف للمهنة والقانون .

قام احدا منا بحملة وخالف وتمت مصادرتة فى المطار ما الواجب عليه فعلة يعتذر ويجر ناعم ويمشى امورة ولا نعمل مشكلة مع الظابط ونعرض نفسنا للمسائلة ؟

Share this post


Link to post
Share on other sites

شكرا على تحذيرك

خاصة انني من هواة حمل الأدوية للأصدقاء .. بدون أن اعرف ما فيها ..

ولعل من اسخف المواقف التي صادفتني زميل _ بس رخم وتافه - قالي لي على اسم دواء وطلب منه كرتونة مقفولة !!!!!!!!!!!!!!!

اي والله كرتونة 24 زجاجة من الدواء

أنا قلت يمكن تكون فيه حالة صحية طارئة

وقلت اعمل معروف فيه ..

لم أسأله عن الدواء وما استخدامه .. ذهبت لشراءه وحملته معي بكل ود ..

كانت المفاجأة أنه طلع ..

مكسوف اقولكم والله

المهم انه طلع (علاج نسائي ذو استخدامات خاصة جداااااااااااااااااااااااااااااااااا)!!!!!!!!!!!!!

Share this post


Link to post
Share on other sites

من ثلاث اعوام احد زملائى طلب منى احضار ليبراكس ده لزوجته التى تعانى من القولون العصبى

وفعلا احضرت له 5 علب معى

فى الجوازات احد الظباط اخدهم منى

وقال لى دا مخدر قلت له انى لا اعرف اصلا وانى جايبه لزوجة زميلة وفعلا عدى الموضوع على خير بعدها موضوع الأدوية والدايا وشيل لى واشيلك وانت فى مصر اتوقف تماما ....

اللهم يسر له امره وفك كربه يارب بحق الشهر الكريم

Share this post


Link to post
Share on other sites

فى موضوع برضه غريب بيحصل فى المطارات مش موافق عليه شكلا او موضوعا

ان يكون فى حد معاه وزن زيادة يقوم مميل على واحد تانى خفيف ويقوله خد الشنطة دى معاك

بالرغم انه ميضرش بس واللعه برضة مسئولية

او واحد واقف على باب الجوازات ودة اخطر والعن يقولك ممكن توصلى العلبة دى

والله العظيم مرة واحدا طلب منى انى اوصله هارد دسك كمبيوتر كامل رفضت بشدة

لكن فى المقابل ممكن اقبل ورق توكيلات موبيل كدة يعنى مش هارد دسك المفترى

Share this post


Link to post
Share on other sites

للأسف الشديد

هذا الشخص وضع نفسه في مأزق شديد ..

في العادة تمر الحقائب عند الوصول للمطار في السعودية على جهاز يكشف بالأشعة ...

وتظهر الأدووية والمواد الكيماوية في هذا الجهاز

ولا يتم السؤال عن المحتوى إلا إذا كانت الكمية كبيرة وواضحة وظاهرة ..

وبالتالي يتم السؤال عن الأدوية .. وتصبح مشكلة إذا كانت أدوية ممنوعة .. وأكثر إذا كانت مدرجة على جدول المخدرات ..

وتتعاظم الأزمة إذا كان حاملها صيدلي .. أو طبيب .. لأن الشبهة ستحوم حولإتجاره بتلك الأدوية .. وهو ما يحدث بالفعل في بعض الحالات من ضعاف النفوس

هذا أمر بديهي .. ويجب الحذر منه باستمرار ..

اللهم في تلك الأيام المباركة .. فك كربه ويسر له أمره

Share this post


Link to post
Share on other sites

بصراحة الله يكون فى عون ذا الصيدلى بس الغريب فى القصة انها أدوية وهو صيدلى يعنى عارف مشاكلها بس تقريباً هو استخف بيها فربنا يعينه على اللى هو فيه اللهم أمين

طب ده بالنسبة لهذة الأدوية طب بالنسبة للأكل يا جماعة لو نواشف ومعلبات هل يتم منعها فى المطار ولا ايه النظام لأنى ان شاء الله مسافر الرياض قريب جداً لأول مرة

Share this post


Link to post
Share on other sites

عايز اسال سؤال حيرني اول ما قرأت الموضوع

ليه كل مصائب المغتربين المصريي في السعــوديه من تحت راس الاطباء او من في حكمهم

كل البلاوي بتيجي من تحتهم ليه؟؟؟

كل بلد وليها نظامها . والنظام واجب التطبيق . مش احنا نقول دول حبه ولا حبتين .

في مصر هناك ممنوعات وهناك سلع عليها جمر ك وسلع غير متجمركه ..

وبعض دول العالم تمنع الدخول بعملتها والبعض الاخر يمنع الخروج بعملة الدوله ..

هل يحق لنا ان نعترض على انظمه تلك الدول .مش عايز اخرج برا الموضوع ., ولكن يبقي التساؤل مطروج يا اطباء مصر كفايه مهدله

Share this post


Link to post
Share on other sites

طيب ما انا جوزى بيعانى من قولون عصبى و بعته بعلب ليبراكس كثير حوالى 5 علب و كمان علبة كالمبيام

عادى و سافر الى قطر كمان بنفس الادوية و عادى خالص

اعتقد ان المشادة هى السبب فلو كان قاله انا معرفش انه جدول هنا و صادره اعتقد و الله اعلم كانت هتعدى و ربنا يستر

نصيحة اللى مسافر يشيل العلب من الكرتونة او يجشى كل 3 علب فى علبه واحدة و كده

Share this post


Link to post
Share on other sites

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • Create New...