أحبك نعم أتزوجك لا

[روبي]

الموضوع ده كنت كتبته في منتدى تاني ، وأحب أتناقش معاكم فيه هنا...

الموضوع هو

(احبك نعم.... اتزوجك لا)

لننـظر إلى هذه العبارة....

أحبك نعم، أتزوّجك لا

واعتقد انة كثير من البنات تعرضو لمثل هذى العبارة ودمرت حياتهم

ومااخص البنات فيها اكيد في شباب تعرضو لها مع انها نسبة قليلة

الآن جاء دور الاسئلة

واتمنى انكم تردون عليها بكل صراحه؟

- لو قالها لك من تحبه هل تستمر في حبه؟

- هل تؤمن بالحب بدون إطار الزواج الشرعي؟

- هل تعتقد أن من يقول مثل هذه العبارة قادر على الحب مئات المرات مادام لن يرتبط برباط الزواج أبداً؟

- ما رأيك في من يقول هذه العبارة إذا كانت ظروفه تسمح بالزواج فعلاً؟

- هل تعتقد أن الحب كعاطفة يقتلها الزواج؟

هل تستطيع ان تستحقر الطرف الأخر لدرجة أنك لا تريد أن ترتبط فيه إلى الأبد و في الوقت نفسه تحبه ؟

اريد ان اعرف جوابكم

وان شاء الله الموضوع يعجبكم

و ادي تعليقي

اللي بيقول كده واحد بيتسلي اصلا ومش جد وواحد فاضي وتافه . بس علي كل حال هو احسن من اللي بيخدع من الاول وبيقول هنتجوز طبعا بس لما الظروف تناسب لان علي الاقل ده صريح من البداية والبنت هي اللي عليها تختار ولما يمشي في الاخر مش هيبقالها الحق انها تلوم غير نفسها ومش هيبقي هو غلطان لانه فهمها كل حاجة من الاول .

والبنت اللي توافق بحاجة زي كده تبقي غبية , مش هقول انها مش متربية او فاسدة او هكذا لان يمكن هيا تعبانة نفسيا ومحتاجة اي حب وهمي والسلام لكن لازم نقول انها غبية لانها هتدي اجمل ما عندها وهي مشارعها لواحد مش ليها اصلا وكمان هتبدا معاه قصة نهايتها مكتوبة من قبل ما تبتدي .

ومن رأيي ان الزواج هو الطريق الوحيد للحب لانه برده غباء اني احب الاول وبعدين اشوف هل هينفع اتجوزه ولا لأ . لكن انا افضل اني لما احب احب جوزي او خطيبي لانه هو الوحيد اللي يستاهل قلبي ومشاعري وهو اللي ممكن ادخل الجنة برضاه وهو اللي ربنا امرني بطاعته . وكمان هو ده شريك حياتي ورفيق دربي وابو ولادي .

يلا عاوزة الاراء

[Princesse]

والله يا روبي موضوع مهم لينا كبنات

و كمان بقى منتشر كتير اوي بين الولاد اليومين دول

اسمحي لي ابدأ الاول و اجاوب على اسألتك و بعدين عندي تعليق صغير

- لو قالها لك من تحبه هل تستمر في حبه؟

لا طبعا

- هل تؤمن بالحب بدون إطار الزواج الشرعي؟

الحب بيكون في الاول و لكن الزواج بيكون تتويج لقصة الحب دي و دليل قاطع ان كل فرد بيحب الاخر لدرجة انه اختار يرتبط به لاخر العمر

- هل تعتقد أن من يقول مثل هذه العبارة قادر على الحب مئات المرات مادام لن يرتبط برباط الزواج أبداً؟ طبعا ايوة لانه انسان غير جاد و ساعات كتير جداا بيكون متزوج و بيحب يتعرف على بنات تانية و يعيش مغامراته

- ما رأيك في من يقول هذه العبارة إذا كانت ظروفه تسمح بالزواج فعلاً؟

انسان لا يستحق الثقة و الاحترام و جاهل بتعاليم الدين و اناني

- هل تعتقد أن الحب كعاطفة يقتلها الزواج؟

لا طبعا... الي بيقتل الزواج هو الملل ....و زي احنا ما بنبتكر في شغلنا علشان نرضي المدير لازم نبتكر في حياتنا الشخصة

و يكون في مساحة من الحرية و الثقة بين زوجين..الخنقة و الغيرة و النكد و المسؤلية و الفلوس و الملل كل دا يموت الحب

هل تستطيع ان تستحقر الطرف الأخر لدرجة أنك لا تريد أن ترتبط فيه إلى الأبد و في الوقت نفسه تحبه

الاستحقار و الحب لا يتفقان يا روبي

و الي بيحب بيسامح و يتغضى

اسمحي لي اذكر لكي اكثر من مثال على الموضوع الي بناقشه

واحدة صاحبتي كانت بتحب واحد لسة في بداية طريقة و هي في وظيفة محترمة

الاستاذ الهمام وعدها بالارتباط لما يأخد الماجيستير و صاحبنا صدقت

فضل الاستاذ ينصحها انها تحوش كل قرش من مرتبها على تبقي تساعده بيه في الشقة

يقولها : مفيش فرح

هي حاضر

مفيش شبكة

حاضر

عفش ؟؟ هو انا معايا فلوس اجيب عفش؟ همة طربيزة و كام كرسي كدة و خلصنا

هي : حاضر كل الي هينقص انا اكمله ولا يهمك

في الاخر صاحبتي تطلبت منه يتقدم لما لقت الماجيستير مش هيخلص عمره و طلبت منه انه بس يجي يكلم والدها بس و يقرأ فاتحة

حتى العبيطة اشترت له الشبكة

و بعدين هو مرضيش

طيب ايه المطلوب من البنات اكتر من كدة؟ و ليه وجع القلب دا من الاول

واحدة تانية: برضه صاحبتي كانت بتحب واحد اوي و كان هو كل الدنيا عندها

كانت مستعدة تروح معاه اخر الدنيا

و اقل كلمة منه ترضيها

كانت تتمنى انها ترتبط بيه و كانت هتقف في وجه الدنيا كلها علشان ترتبط به

لكن هو كان زاهد فيها ....و كل يوم بيبعد عنها اكتر و كان مش بيفكر في الارتباط بيها

ساعتها نصحتها بنصيحة الامام على رضى الله عنه : زهدك في راغب فيك نقصان حظ , ورغبتك في زاهد فيك ذل نفس

الي يقول ان البنات و الاهل بيغالوا في الطلبات يبقى كدااااااااااااااااااااااااااااااااااااااااب

الولاد دلوقتي مش بتوع مسؤلية و لا حد يعتمد عليهم

الجيل بتعنا دا البنت فيه اجدع من ميت راجل

تم تعديل 15 أغسطس 2009 بواسطة Princesse

[rewsha]

الجيل بتعنا دا البنت فيه اجدع من ميت راجل

[Alrefaey]

هى اكذوبة كبيرة بيضحك بيها الشاب الضال على البنت وفى الغالب بيكون لها دور فى استمرار الاكذوبة

الفاضلة روبى

من يرفض الزواج من انسانه مرتبط بها بطريقة ما تأكدى تمام التأكد انه لا حبها ولا هيحبها بل بالعكس هو استحقار للبنت والتى تقبل بذالك وهم كثيرون يبقى تستاهل اللى يجرالها فيما بعد

لابد من اطار شرعى تقليدى لأى علاقة عاطفية حتى لو كانت ظروف الشاب لاتسمح كلا على حسب امكانياته

وانى لفى حالة استغراب شديد من غباء البنت التى تقبل بذلك والوم البنت تحديدا لأن الشاب اظهر نيته الدنيئه وكان واضح معاها بالرغم من قبح نيته

دمتى بود

[Princesse]

[[font="Times New Roman"]color="#FF0000"]

تعليق على مداخلة الاستاذ : Alrefaey

(وانى لفى حالة استغراب شديد من غباء البنت التى تقبل بذلك والوم البنت تحديدا لأن الشاب اظهر نيته الدنيئه وكان واضح معاها بالرغم من قبح نيته)

هي ساعات البنت بتتعلق بقشة...ساعات بيكون عندها امل ان الانسان دا ممكن يتغير

او ساعات بتكون البنت محتاجة تعيش احساس الحب 0حتى لو كان كاذب) بغض النظر عن النتائج المترتبة على هذا الحب الوقتي

اي انسان عاقل ان البنت دي غبية و بتنفخ في قربة مقطوعة

لكن البنات يمكن يفهمه النقطة دي اكتر من الولاد..ان البنت وقتها بتكون زي المسحورة مش قادرة تمنع نفسها من الحب دا و مش قادرة تتراجع

مرة الناس سألوا واحد كان معروف عنه الحكمة: متى تعرف انك تحب؟

فأجاب الحكيم: عندما ابدأ في فعل اشياء ضد مصلحتى و في مصلحة الطرف الاخر

من يرفض الزواج من انسانه مرتبط بها بطريقة ما تأكدى تمام التأكد انه لا حبها ولا هيحبها بل بالعكس هو استحقار للبنت

rs: m8: clp:: ِ كلام صح و مية مية

ِ

تم تعديل 15 أغسطس 2009 بواسطة Princesse

[mandoo]

الجيل بتعنا دا البنت فيه اجدع من ميت راجل

ماتصدقوا جنازة وتشبعوا فيها .. هقول كلمتين للأخوات السابقات وللتاليات من بعدى

ياعينى ياعينى بقى البنت فى الزمن ده أجدع من مييت راجل .. طيب أسأل سؤال ماهو معنى الرجولة فى نظركم ؟

الرجولة ليست كلمة بل هى شهامة وصدق وإخلاص ووفاء وذكاء وحنان وإحترام الآخر والقدرة على قيادة السفينة بمهارة وإقتدار .... وكل حاجة جميلة وحلوة

لكن للأسف هذه النوعية التى تتكلمون عنها خارج التصنيف .. وعلشان كده أقدر أقول الجيل بتاعكم البنت فيه أجدع من المخنثين .

مش كده ولا إيه ؟ ياريت يكون النقاش عقلانى دون التجريح الأجيال .

[Princesse]

أستاذ Mando

الرجولة من اجمل الاشياء الموجودة في الرجل الشرقي، بس لسبب او لاخر الصفة دي اصبحت قليلة أو بمعنى اصح في ناس بتمثل الرجولة لكن في الحقيقة همة ميعرفوش معناها

طبعا انا مش بعمم...انا بكلم عن نماذج للاسف بقت كتيرة اوي في جيل الشباب

ممكن اجيب لحضرتك اكتر من مثال:

1) كام واحد في المترو ممكن يقوم لبنت علشان تقعد؟

2) لو واحد شاف واحدة (لابسة محترم و انسانة محترمة ) و حد بيتحرش بيها في الاتوبيس كام واحد هيدافع عنها؟؟

الموقف دا حصل مع اكتر من صديقة لي و محدش كلف خاطره يقول للراجل المتحرش عيب بالعكس الناس كلها غلطوا البنت (مع انها محجبة) و الكلمات المعروفة في المواقف دي : " ما خلاص بقي يا انسة " تفتكر كل الموجودين في الاتوبيس دول مش رجالة؟

3) كام واحد ممكن يدافع عن بنت الحي البتاعه زي زمان؟

4) كام واحد اتجوز على مراته في السر او صاحب عليها واحدة تانية؟ (مش الرجولة برضه صراحة ووضوح؟)

5) كام واحد بيروح يخطب بنات الناس و بخرج و يدخل و بعدين يفسخ الخطوبة ؟ فين الرجولة هنا

6) فين الرجولة في واحد بيأخذ مرتب مراته كله و يجبرها انها تشتغل؟ و البجاحة انه لما يتقدم لواحدة يبقى شرط اساسي انها تشتغل علشان يأخد مرتبها

7) فين الرجولة لما حصلت حوادث التحرش العيد الي فات في شوارع طلعت حرب و المهندسين؟

8) كام واحد ممكن يوصل زميلته بليل؟

9) فين الرجولة في اب مش بيتابع دراسة اولاده في المدرسة و تارك حمل البيت كله على زوجته؟

10) فين الرجولة في واحد بيصرف مرتبه كله في القهوة او على شرب السجاير و بيبخل على مراته و بيته؟

11) فين الرجولة في شباب كتير بيسقطوا و يعيدوا السنة ورى سنة في الجامعة ولاهل تدفع المصريف؟

مثال تاني : هات 20 بنت من سن 23 الي 27 و هات ولاد من نفس الفئة العمرية و قارن بين انجازات كل منهما: اي منهما احسن في التعليم و حقق نجاح اكبر على مستوى الشغل؟ هتلاقي البنات تكسب بكل جدارة

الدليل على كلامي: شوف اوائل الثانوية العامة و اوائل الاعدادية و الابتدائية اغلبهم بنات.. يا ترى ليه

علشان اغلب الولاد عقلهم في الكورة او الجيمز او السجاير و القهوة

مرة تانية كلامي دا مش تعميم انا بس بكلم على ظاهرة منتشرة بوضوح في جيلنا

تم تعديل 15 أغسطس 2009 بواسطة Princesse

[Princesse]

عودوا رجالا ...كي نعود نساء

عفواً جدَّاتنا الفاُضلات..

لقـد ولدنـا في زمـان مخـتلف..

فـوجدنـا "الحيـطــه" فيـه

أفـضل من ظـل الكـثير من الرجـال

كانـت النسـاء في المـاضي يقـلن

(ظـل راجـل ولا ظـل حيـطــه)

لأن ظـل الرجـل في ذلك الـزمان كان..

حبـــاً

واحـترامـــاً

وواحــة أمـــان

تـستـظل بـها المــرأة

كان الـرجـل في ذلك الـزمـان

وطنــاً .. وانتمــاءً .. واحتــواءً ..

فماذا عسـانا نقـول الآن؟

وما مساحة الظِّل المتبقية من الرجل في هذا الزمان؟

وهـل مـازال الرجـل

ذلك الظـل الذي يُـظللنـا بالرأفـة والرحمـة والإنسانيـة؟

ذلك الظـل الـذي نسـتظل به من شـمـس الأيـام

ونبحـث عنـه عنـد اشتـداد واشتـعال جـمر العـمر؟

ماذا عسانا أن نقول الآن؟

فــي زمـــن...

وجـدت فيه المـرأة نفسهـا بـلا ظل تستظـل بـه

برغـم وجـود الرجـل في حيـاتـها

فتنـازلت عن رقتـها وخلعـت رداء الأُنوثـة مجـبرة

واتقـنت دور الرجـل بجـدارة..

وأصبـحت مع مـرور الوقـت لا تعـلم إنْ كانـت...

أُمّــــاً.. أم.. أبــــاً

أخـــاً.. أم.. أُختـــاً

ذكـــراً.. أم.. أُنـثـــى

رجـلاً.. أم.. امـرأة

فالمـرأة أصـبحـت تـعمـل خـارج البـيت..

والمـرأة تـعمـل داخـل البــيت..

والمـرأة تـتكفَّـل بمصـاريف الأبنـاء..

والمـرأة تـتكفَّـل باحتيـاجات المـنزل..

والمـرأة تـدفع فـواتـير الهـاتـف..

والمـرأة تـدفع للخـادمـة..

والمـرأة تـدفع للسـائق..

والمـرأة تـدخل الجـمعيات التـعاونيـة..

فإن كانـت تقـوم بـكل هـذه الأدوار

فماذا تبـقَّى من المـرأة.. لنفسـها؟

وماذا تبـقَّى من الرجـل.. للـمرأة؟

لقد تحـوّلنـا مع مـرور الوقـت إلى رجـال

وأصبـحت حاجتنـا إلى "الحـيطــه " تـزداد..

فالمـرأة المـتـزوجة في حـاجة إلى "حيـطــه"

تســتند عليـها من عنـاء العمـل

وعنـاء الأطفـال

وعنـاء الرجـل

وعنـاء حيـاة زوجيـة حوّلتـها إلى...

نصف امرأة .. ونصف رجل

والمـرأة غـير المـتزوجة

في حاجـة إلى "حيطـة"

تسـتند عليـها من عنـاء الـوقت

وتستمـتـع بظلّـها

بعد أن سرقـها الـوقت من كل شـيء

حـتى نفسـهـا

فتعـاستها لا تقـلُّ عن تعاسـة المـرأة المـتزوجة

مـع فـارق بســيط بينـهمــا

أن الأُولى تمارس دور الرجل في بيت زوجها

والثانية تمارس الدور ذاته في بيت والدها

والطفـل الصغـير في حاجـة إلى "حيـطـــه"

يلـوِّنـها برسـومـه الطفـولية

ويكـتب عليـها أحـلامه

ويـرسـم عليـها وجـه فتــاة أحـلامه

امــرأة قــويـة كـجـدتـه

صبُــورة كأُمّـــه

لا مانـع لـديـها أن تـكون رجـل البــيت

وتكــتفي بظــل..

"الحيـطــــه"..

والطفلـة الصغـيرة في حاجـة إلى "حيـطـــه"

تحـجـزها مـن الآن.

فـذات يـوم ستـكـبر.

وستـزداد حاجتـها إلى "الحيـطـــه"

لأن أدوارهـا في الحيـاة سـتزداد.

وإحسـاسها بالإرهـاق سـيزداد.

فمـلامح رجـال الجيـل القـادم مازالـت مجهـولة..

والـواقع الحـالي.. لا يُبـشّر بالخــير

وربـمـا ازداد سـعر "الحيـطــه" ذات جيــل

لكــن..

وبرغـم مــرارة الــواقع

إلا أنـه مازال هنـاك رجـال يُعـتمد عليـهم

وتستظـل نسـاؤهم بظـلّهم

وهـؤلاء وإن كانــوا قلّـة

إلا أنـه لا يمكـننـا إنــكار وجــودهم..

فشكـــــــــــرا لهـــــــــم

فاكس عاجل..

اشتقنا إلى أُنوثتنا كثيراً..

فعـــودوا .... رجــالاً

كي نعـود .... نســاءً

فالمعذره لاخواننا الرجال

هذا هو الواقع

[جيمي]

[font="Times New Roman

6) فين الرجولة في واحد بيأخذ مرتب مراته كله و يجبرها انها تشتغل؟ و البجاحة انه لما يتقدم لواحدة يبقى شرط اساسي انها تشتغل علشان يأخد مرتبها

مرة تانية كلامي دا مش تعميم انا بس بكلم على ظاهرة منتشرة بوضوح في جيلنا

للاسف دي بقت ظاهره عامه لدرجة اني بقيت مستغرب فعلا ... ده حتي بقت نصيحه من الناس الكبيره للشباب اللي ناوي يتجوز ... لما الجيل القديم والجديد بالشكل ده مش رجاله امال بلدنا امتي كان فيها رجاله ولا كانو علي ايام ابو محمد ابو سويلم بس ... بجد النقطه مش فاهمها ... والله مافاهمها

[عنبو]

الجيل بتعنا دا البنت فيه اجدع من ميت راجل

:rolleyes: :lol:

مبسوطه اقوى ماشى

اولا احب اقول حاجه بس اولا شباب اليومين دول مية فل و14 والله العظيم شايلين حمل اكبر منهم بكتير وبعدين الشباب دول لو فيهم اى صفه سلبيه هم جابوها منين مش من المجتمع اللى هم اتربوا فيه ولا هم اقعدوا مع بعض واتفقوا بينهم وبين انفسهم على الحاجه دى

اما لنسبه للرجاله اللى بياخدوا فلوس من مراتهم اولا دول مش تبع الجيل الجديد خالص انا بتكلم عن جيل من 20 الى 30 سنه وبعدين كل شخص بيكون واضح من الاول لكن فيه مثل مصرى العيله بتتبعه وهو ضل راجل ولا ضل حيط فممكن يجوزوا النبت لاى حد والسلام علشان مش تعنس ويكون النتيجه انه يهينها ويضربها ويشغلها طيب مهى الى فى الاول اختارت غلط نيجى بقى نلوم على الجيل

الجيل ده الى اتولد فى ظروف ما يعلم بيها الا ربنا يعنى لا شغل ولا تعليم واللى هيتعلم طبعا هيخلص مش هيلاقى وظيفه وممكن يكون ممتاز فى شغله بس علشان مامعوش وسطه يضطر يشتغل فى اى حاجه على عربية كشرى يعنى من الاخر جيل محطم من الاول انتوا عاوزين منه ايه وبعدين مهو لولا سلبية الناس الكبيره مكنش الجيل ده وصل للمرحله دى يعنى من المسؤال عن تربية الاجيال الصغيره مش الاجيال الكبيره طيب لما يكون الجيل الصغير طلع بايظ ده دليل على ان الجيل الكبير كان فاشل فى تربيته وبعدين مين اللى بيقزل ان مصر القديمه كانت احسن من مصر دلوقتى ؟؟؟

اسألوا الناس اللى كان ليها فكر فى الوقت ده اتعمل فيهم ايه مش تسألوا الناس اللى كانوا مقضينها حب وغرام

اما بالنسبه لموضوع الدراسه فمن المعروف ان المرأه تنجح فقط فى الدراسه لكن التطبيق العملى فلا اسألوا الشركات الكبيره وشوفوا كام عالم فى مختلف التخصصاصات وكام عالمه

انا شخصياً شايف ان شبابنا زى الفل وان شاء الله اللى جاى احسن من الرايح وفى ظل الظروف دى بنشوف ناس معاهم بكالوريوسات يقبلوا يشتغلوا فى اى حاجه ويبقى على قلبهم زى العسل ويوقلك ان شاء الله ربنا هيكرمنا وتلاقى الضحكه على طول على وجوهم هم دول الشباب

اما عن موضوع التحرش فتعالوا بقى نشوف الاول لبس البنات فى الشارع عامل ايه انا طبعا مش مع التحرش بس لازم اقبل لما نشوف المشكله نعرف سبب المشكله يعنى لا جواز و البنات ماشيه مش لابسه فى الشارع انتوا متوقعين ايه ؟؟

احنا شباب زى العسل وان شاء الله بعد لما انتوا سلمتونا الرايه مايله ان شاء الله هنعدلها واللى جاى احسن من اللى راح

انا بعتذر للاخت روبى على ردى اللى هو خارج الموضوع بس هرجع تانى وارد

[عنبو]

روبي مشاركة بتاريخ أمس, 09:35 PM

الموضوع ده كنت كتبته في منتدى تاني ، وأحب أتناقش معاكم فيه هنا...

الموضوع هو

(احبك نعم.... اتزوجك لا)

لننـظر إلى هذه العبارة....

أحبك نعم، أتزوّجك لا

واعتقد انة كثير من البنات تعرضو لمثل هذى العبارة ودمرت حياتهم

ومااخص البنات فيها اكيد في شباب تعرضو لها مع انها نسبة قليلة

الآن جاء دور الاسئلة

واتمنى انكم تردون عليها بكل صراحه؟

- لو قالها لك من تحبه هل تستمر في حبه؟

لا طبعاً

- هل تؤمن بالحب بدون إطار الزواج الشرعي؟

لا يوجد حب بدون ما الاتينن يعيشوا مع بعض وطبعا مينفعش يعيشوا مع بعض الا لما يكون فيه اطار شرعى يبقى ازاى هيحبوا بعض اذا كان اساسا ميعرفوش بعض

- هل تعتقد أن من يقول مثل هذه العبارة قادر على الحب مئات المرات مادام لن يرتبط برباط الزواج أبداً؟

طبعا ده بيكون استاذ تسالى انا اعرف واحد صاحبى مشى مع 50 واحده فى نفس الوقت وبعد كده خطب واحد تانيه خالص

- ما رأيك في من يقول هذه العبارة إذا كانت ظروفه تسمح بالزواج فعلاً؟

ده واحد بيكون واحد بيستعبط يعنى بيكون عاوز حاجه معينه وطبعا بيكون شايفه قدامه واحده هبله الشيطان ضاحك عليها وبالتالى بيقول اللى هو عاوزه

- هل تعتقد أن الحب كعاطفة يقتلها الزواج؟

يقتلها الزواج اذا كان هدف كل واحد فيهم مجرد الزواج فقط لا غير فبعد لما يقع الزواج خلاص بيصير كل واحد يزهد فى التانى وتبقى خلاص تدخل البيت تحس انك داخل قبر لازم يكون فيه تجديد على شوية هبل على شوية رومانسيه كده يعنى فيه موضوع للاستاذ هشام عبدالوهاب فى باب الاسره والطفل بس بجد جامد مووووووت

هل تستطيع ان تستحقر الطرف الأخر لدرجة أنك لا تريد أن ترتبط فيه إلى الأبد و في الوقت نفسه تحبه ؟

اسؤال ده مش طبيبعى يعنى ايه استحقره لمجرد ان هتربط بيه للابد مهو دى سنة الحياه ولا خلاص نتزوج شويه ولما نزهق من بعض نسيب بعض لا انا شخصيا ان شاء الله لما اجى اخطب لازم اخد واحده مقتنع بيها بنسبة 1000000000000000000000000 الميه والا بلاش منها اساسا وخلينا عايشن وخلاص

اريد ان اعرف جوابكم

وان شاء الله الموضوع يعجبكم

[بندق أفندى]

اسمحي لي اذكر لكي اكثر من مثال على الموضوع الي بناقشه

واحدة صاحبتي كانت بتحب واحد لسة في بداية طريقة و هي في وظيفة محترمة

الاستاذ الهمام وعدها بالارتباط لما يأخد الماجيستير و صاحبنا صدقت

فضل الاستاذ ينصحها انها تحوش كل قرش من مرتبها على تبقي تساعده بيه في الشقة

يقولها : مفيش فرح

هي حاضر

مفيش شبكة

حاضر

عفش ؟؟ :rolleyes: هو انا معايا فلوس اجيب عفش؟ همة طربيزة و كام كرسي كدة و خلصنا

هي : حاضر كل الي هينقص انا اكمله ولا يهمك

في الاخر صاحبتي تطلبت منه يتقدم لما لقت الماجيستير مش هيخلص عمره و طلبت منه انه بس يجي يكلم والدها بس و يقرأ فاتحة

حتى العبيطة اشترت له الشبكة

و بعدين هو مرضيش

طيب ايه المطلوب من البنات اكتر من كدة؟ و ليه وجع القلب دا من الاول

الاقيش عند حضرتك واحدة من دولم ؟؟

جتنا نيلة فى حظنا الهباب ههههههههههههههههههههه

[روبي]

الي يقول ان البنات و الاهل بيغالوا في الطلبات يبقى كدااااااااااااااااااااااااااااااااااااااااب

الولاد دلوقتي مش بتوع مسؤلية و لا حد يعتمد عليهم

الجيل بتعنا دا البنت فيه اجدع من ميت راجل

أولا أحب أسجل اعجابي بالفكر الحواري الجميل ككل و في جميع الردود

نجي للتعقيب

الولاد الان مش بتوع مسؤوليه اه بس مش هم السبب الواقع الزفت ده لي عايشينه و الظروف المهببة

تلاقيه المسكين حامل اجازة لا و كمان ممكن يكون خريج كلية طب و لا هندسة و قاعد يبيع فل و طعمية و لا ترمس

و ياعيني نطلب منه يكون مسؤول و يبني بيت بكم الملالين دول لي مش ينفعوا حتى يبل ريقه

و بالمقابل بنات كمان محدش دق بابهم و ساخطين على الكل و طبعا لابسين هدوم يعني من غير هدوم

طب ايه لي حننتظروا من الاثنين صياعة وووووووو

لهذا اقول المسؤول الدولة اولا من اجل توفير مناصب شغل للشباب على جميع الفئات

تربية الاباء لاولادهم على القناعة و العفة و الحياء من استطاع منكم البائة فليتزوج ......او صيام

التعليم لانه هو الاساس الاستاذ لازم يكون حامل رسالة مش زي ما بنشوف الان معلمين محتاجين تعليم وتأديب

نجي بقه لي البنت دي لي اجدع من الراجل

هي مش قضية مين اجدع من الثاني لا

ارجع واقول المجتمع هو السبب

البنت لما يتاخر زواجها تلقائي تبدا تتساهل و تضحي خوفا من العيون و التلميحات لي ممكن تشير اليها انها عانس

و هنا الغلط طبعا اي تساهل من البنت تلاقيها بالاخير هي الضحية

و يا بنات ليه مش نعز نفسينا و نقعد ببتنا و ماله بيت بابا ده حتى هنا العز هنا أوفر و أجمل و لما يجي البيه يدخل من الباب

و طبعا يكون مستوفي الشروط من دين اخلاق و قيم

يوه احنا ابتعدنا عن الموضوع الاصلي بس مش مشكل طبعا

المهم احنا متفقين انه مفيش حب خارج اطار الزوجية

[روبي]

الجيل بتعنا دا البنت فيه اجدع من ميت راجل

:rolleyes: :lol:

هههههه

تعالي نعمل تحالف

[روبي]

هى اكذوبة كبيرة بيضحك بيها الشاب الضال على البنت وفى الغالب بيكون لها دور فى استمرار الاكذوبة

الفاضلة روبى

من يرفض الزواج من انسانه مرتبط بها بطريقة ما تأكدى تمام التأكد انه لا حبها ولا هيحبها بل بالعكس هو استحقار للبنت والتى تقبل بذالك وهم كثيرون يبقى تستاهل اللى يجرالها فيما بعد

لابد من اطار شرعى تقليدى لأى علاقة عاطفية حتى لو كانت ظروف الشاب لاتسمح كلا على حسب امكانياته

وانى لفى حالة استغراب شديد من غباء البنت التى تقبل بذلك والوم البنت تحديدا لأن الشاب اظهر نيته الدنيئه وكان واضح معاها بالرغم من قبح نيته

دمتى بود

الله ينور

جبت المفيد كله

و لا تستغرب لانه فيه بنات كثير يخافون من كلمة عانس و هنا يقدمون التنازلات و يقفلون ادمعتهم بس جواهم حاسين انه غلط

ده و ستين مليون غلط

دمت بخير و سعادة و جزاكم الله خيرا

[روبي]

[[font="Times New Roman"]color="#FF0000"]

تعليق على مداخلة الاستاذ : Alrefaey

لكن البنات يمكن يفهمه النقطة دي اكتر من الولاد..ان البنت وقتها بتكون زي المسحورة مش قادرة تمنع نفسها من الحب دا و مش قادرة تتراجع

من يرفض الزواج من انسانه مرتبط بها بطريقة ما تأكدى تمام التأكد انه لا حبها ولا هيحبها بل بالعكس هو استحقار للبنت

ِ كلام صح و مية مية

:rolleyes: :lol: ِ

كلام جميل

بس انا بقول انه ده مش حب ده وهم الحب لي عايشينه البنات

من كثر الافلام الدنيئة لي بيشوفها و التي ترسخ في عقلهم حب و احاسيس و العريس الفارس

لي حيجي غلى فرسه و يخطفها وووو

[herohero]

ياجماعه او يا اخواتي العزيزات براحة علينا شوية والله احنا كشباب غلابة مش كل الشباب كده احنا بيبقى نفسنا ف واحده تقف معانا ولو حتى بالكلام فيه نوعيا اي كلام ولا تمط للرجولة بصلة لكن محسوبين رجالة

لكن برده البنات مش ملايكة للاسف فيه نماذج مادية بحته بتبقى علاقتك مبنية ع كل شيئ مرتبط بالماده

يعني شبكة وشقه وتكاليف فرح

وتحس انك داخل مناقصة ومهمتك انك تتفاوض ف الفلوس لما بتخلي الواحد يكره نفسه قبل ماتحاسبونا حاسبوا نفسكم يا بنات عاوزين واحد صغنن وامور ووسيم وشهاده كويسة وشوقه كبيرة ف حته راقيه وعربية وفرح كويس

طيب بكل هدوء كده على ايه كل ده البنت المصرية بتقدم ايه ؟؟؟ بالعكس بتكون سلبية وف اوقات كتيرة بتجيب الشاب لورا مش بتدفعه لقدام

الشباب المصري مش مستهتر بالعكس بيروح وبيتغرب وبيحاول يعتمد ع نفسه لكن بنات اليومين دول عاوزين الفافي والمدلع والله اتقالت لناس كتيره تتعب نفسك ليه ما البركة ف انكل والدك هو يعمل كل شيئ

[mandoo]

أستاذ Mando

الرجولة من اجمل الاشياء الموجودة في الرجل الشرقي، بس لسبب او لاخر الصفة دي اصبحت قليلة أو بمعنى اصح في ناس بتمثل الرجولة لكن في الحقيقة همة ميعرفوش معناها

طبعا انا مش بعمم...انا بكلم عن نماذج للاسف بقت كتيرة اوي في جيل الشباب

ممكن اجيب لحضرتك اكتر من مثال:

1) كام واحد في المترو ممكن يقوم لبنت علشان تقعد؟

2) لو واحد شاف واحدة (لابسة محترم و انسانة محترمة ) و حد بيتحرش بيها في الاتوبيس كام واحد هيدافع عنها؟؟

الموقف دا حصل مع اكتر من صديقة لي و محدش كلف خاطره يقول للراجل المتحرش عيب بالعكس الناس كلها غلطوا البنت (مع انها محجبة) و الكلمات المعروفة في المواقف دي : " ما خلاص بقي يا انسة " تفتكر كل الموجودين في الاتوبيس دول مش رجالة؟

3) كام واحد ممكن يدافع عن بنت الحي البتاعه زي زمان؟

4) كام واحد اتجوز على مراته في السر او صاحب عليها واحدة تانية؟ (مش الرجولة برضه صراحة ووضوح؟)

5) كام واحد بيروح يخطب بنات الناس و بخرج و يدخل و بعدين يفسخ الخطوبة ؟ فين الرجولة هنا

6) فين الرجولة في واحد بيأخذ مرتب مراته كله و يجبرها انها تشتغل؟ و البجاحة انه لما يتقدم لواحدة يبقى شرط اساسي انها تشتغل علشان يأخد مرتبها

7) فين الرجولة لما حصلت حوادث التحرش العيد الي فات في شوارع طلعت حرب و المهندسين؟

8) كام واحد ممكن يوصل زميلته بليل؟

9) فين الرجولة في اب مش بيتابع دراسة اولاده في المدرسة و تارك حمل البيت كله على زوجته؟

10) فين الرجولة في واحد بيصرف مرتبه كله في القهوة او على شرب السجاير و بيبخل على مراته و بيته؟

11) فين الرجولة في شباب كتير بيسقطوا و يعيدوا السنة ورى سنة في الجامعة ولاهل تدفع المصريف؟

مثال تاني : هات 20 بنت من سن 23 الي 27 و هات ولاد من نفس الفئة العمرية و قارن بين انجازات كل منهما: اي منهما احسن في التعليم و حقق نجاح اكبر على مستوى الشغل؟ هتلاقي البنات تكسب بكل جدارة

الدليل على كلامي: شوف اوائل الثانوية العامة و اوائل الاعدادية و الابتدائية اغلبهم بنات.. يا ترى ليه

علشان اغلب الولاد عقلهم في الكورة او الجيمز او السجاير و القهوة

مرة تانية كلامي دا مش تعميم انا بس بكلم على ظاهرة منتشرة بوضوح في جيلنا

والله أنا أشهد إنكم نابغة وأذكياء ومالكوش حل وربنا يكتر من البنات علشان حال بلدنا ينصلح ... يعنى سعادتك شايفة إنكم المستقبل والأمل فى الإصلاح .. بس أرجع تانى وأسأل نفس السؤال ..... ماهو معنى الرجولة فى نظر سعادتك ؟ أما بخصوص ال 11 بند المذكورين أعلاه فأعتقد بأنها خارج التصنيف

[روبي]

الجيل بتعنا دا البنت فيه اجدع من ميت راجل

:rolleyes: :lol:

الرجولة ليست كلمة بل هى شهامة وصدق وإخلاص ووفاء وذكاء وحنان وإحترام الآخر والقدرة على قيادة السفينة بمهارة وإقتدار .... وكل حاجة جميلة وحلوة

.

:roseop:

اضف ان الرجولة شرف و عز و تضحية و عطاء و احترام وقول الحق ولا تأخذك فيه لومة لائم

دمتم بخير

[herohero]

أستاذ Mando

الرجولة من اجمل الاشياء الموجودة في الرجل الشرقي، بس لسبب او لاخر الصفة دي اصبحت قليلة أو بمعنى اصح في ناس بتمثل الرجولة لكن في الحقيقة همة ميعرفوش معناها

طبعا انا مش بعمم...انا بكلم عن نماذج للاسف بقت كتيرة اوي في جيل الشباب

ممكن اجيب لحضرتك اكتر من مثال:

1) كام واحد في المترو ممكن يقوم لبنت علشان تقعد؟

2) لو واحد شاف واحدة (لابسة محترم و انسانة محترمة ) و حد بيتحرش بيها في الاتوبيس كام واحد هيدافع عنها؟؟

الموقف دا حصل مع اكتر من صديقة لي و محدش كلف خاطره يقول للراجل المتحرش عيب بالعكس الناس كلها غلطوا البنت (مع انها محجبة) و الكلمات المعروفة في المواقف دي : " ما خلاص بقي يا انسة " تفتكر كل الموجودين في الاتوبيس دول مش رجالة؟

3) كام واحد ممكن يدافع عن بنت الحي البتاعه زي زمان؟

4) كام واحد اتجوز على مراته في السر او صاحب عليها واحدة تانية؟ (مش الرجولة برضه صراحة ووضوح؟)

5) كام واحد بيروح يخطب بنات الناس و بخرج و يدخل و بعدين يفسخ الخطوبة ؟ فين الرجولة هنا

6) فين الرجولة في واحد بيأخذ مرتب مراته كله و يجبرها انها تشتغل؟ و البجاحة انه لما يتقدم لواحدة يبقى شرط اساسي انها تشتغل علشان يأخد مرتبها

7) فين الرجولة لما حصلت حوادث التحرش العيد الي فات في شوارع طلعت حرب و المهندسين؟

8) كام واحد ممكن يوصل زميلته بليل؟

9) فين الرجولة في اب مش بيتابع دراسة اولاده في المدرسة و تارك حمل البيت كله على زوجته؟

10) فين الرجولة في واحد بيصرف مرتبه كله في القهوة او على شرب السجاير و بيبخل على مراته و بيته؟

11) فين الرجولة في شباب كتير بيسقطوا و يعيدوا السنة ورى سنة في الجامعة ولاهل تدفع المصريف؟

مثال تاني : هات 20 بنت من سن 23 الي 27 و هات ولاد من نفس الفئة العمرية و قارن بين انجازات كل منهما: اي منهما احسن في التعليم و حقق نجاح اكبر على مستوى الشغل؟ هتلاقي البنات تكسب بكل جدارة

الدليل على كلامي: شوف اوائل الثانوية العامة و اوائل الاعدادية و الابتدائية اغلبهم بنات.. يا ترى ليه

علشان اغلب الولاد عقلهم في الكورة او الجيمز او السجاير و القهوة

مرة تانية كلامي دا مش تعميم انا بس بكلم على ظاهرة منتشرة بوضوح في جيلنا

والله أنا أشهد إنكم نابغة وأذكياء ومالكوش حل وربنا يكتر من البنات علشان حال بلدنا ينصلح ... يعنى سعادتك شايفة إنكم المستقبل والأمل فى الإصلاح .. بس أرجع تانى وأسأل نفس السؤال ..... ماهو معنى الرجولة فى نظر سعادتك ؟ أما بخصوص ال 11 بند المذكورين أعلاه فأعتقد بأنها خارج التصنيف

اللي بتقوليه مالوش دعوة بالرجولة لان مجتمعك يدفع للسلبية مجتمع سلبي وخانع لكل شيئ مجتمع منبطح ومش بيحاول يحل مشاكله وسلبياته كل ده مظاهر لهذا الخنوع والضعف