اذهب إلى المحتوى
محاورات المصريين

هواية تربية القطط....


toota

Recommended Posts

مش عارفة انا ابتديت حبي للقطط من امتى...يمكن من يوم ما ابتديت افهم يعني ايه قطة...؟

بس الاكيد اني ورثتها من جدتي لامي رحمة الله عليهم..ومن بابا لانه كان بيحبهم كمان....

من صغري عندي قطط....وكانت قطط دايما غريبة....في الحرب ناس كتير طفشت وسابت قططها وكانت القطط دي جميلة ومميزة...وسبحان الله كانت بتوصل عندي بقدرة قادر... :roseop:

وكمان كان بابا ليه صديق مقرب....ابنه كان قبطان....وبيسافر وبيجيب لاختته الصغيرة الي من سني قطط غريبه دايما.....وكانت برضو بقدرة قادر بتجيلي في الاخر ...لان امها بتكره القطط ولانها كانت بتعرف عشقي للقطط كانت بتفضل تسيبها عندي وبعدين برضو....بتختفي بقدرة قادر :roseop:

مع الوقت...اكتشفت انها بتتوزع من ورايا ....ومبشوفهاش تاني لان امي الله يرحمها كانت بتكره القطط .... :blink:

المهم....من ساعة ما استقليت بمنزل خاص بي.....وانا مفوتش مناسبة انه يبقى عندي قطط ومستغلتهاش...لحد ما بقى عندي اطفال...قررت اني ابعد القطط شويه عشان ما يبقاش فيه اي اثر على اولادي ولا يحصلهم مشاكل صحية.....ولما الاولاد كبروا شويه....رجعت لعشقي ...بس المرة دي بشكل اكبر من الاول...ومبقتش قطة او قطتين بترضي غروري وعشقي ليهم....

وكمان اكتشفت انه من الغلط اننا نربي قط او قطة بدون ما يبقى لهم وليف....وحرام نحرمهم من حقهم في الحياة بشكل صحيح....وبقيت دائما بربي القطط جماعات جماعات.....

ربيت البلدي والسيامي والشيرازي...والرومي....ومؤخرا استقريت على الهملايا...وبصراحة احلى طبع في الهملايا....لانه بيجمع بين جمال القطط الشيرازي....وذكاء القطط السيامي

الهملايا نوع مهجن من القطط البيرشن الي هو شيرازي ...والسيامي...بس تهجين علمي...يعني من اكتر من خمسين تجربة تهجين طلع اخيرا السلالة المطلوبة ...وعشان كده سموها الهملايا...اي قمة الانتاج...

حعرض لكم بداية حبي للهملايا مع حبيبة قلبي ناتاشا ...ودي قطة هملايا بلو...زرار...والبلو ده تسميه للون الرمادي المزرق....والبيكي الزرار يعني المناخير عبارة عن فتحتين بدون اي عظمة تمسك الانف بالظبط زي الزرار...والنوع ده معرض لالتهابات العيون لانه معندوش جيوب انفية او مجرى دمع....

دي ناتاش وهي بيبي وهي ام العيال والبركة.... هنا كانت بالظبط قد كف الايد لما جبتها.....

463150015_bbbb959803_m.jpg

463143982_d77885c588_m.jpg

3803271400_520af68f2e.jpg

يتبع..............

رابط هذا التعليق
شارك

  • الردود 87
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

الصور المنشورة

حسألك سؤال جانبي يا توتا

امبارح دخلنا من الجنينه فار كندي محترم

يعني يصعب عليكي تموتيه من كتر ماهو عليه القيمه

ابن ناس قوي

المهم و عايز نصيحتك بجد

لتلافي المشاكل دي مستقبلا

تفتكري لو جبنا قطه ...هل ممكن فعلا تمنع دخول الفيران او تصطادهم او تاكلهم ؟

ولا ده نظام توم و جيري بس؟

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

حسألك سؤال جانبي يا توتا

امبارح دخلنا من الجنينه فار كندي محترم

يعني يصعب عليكي تموتيه من كتر ماهو عليه القيمه

ابن ناس قوي

المهم و عايز نصيحتك بجد

لتلافي المشاكل دي مستقبلا

تفتكري لو جبنا قطه ...هل ممكن فعلا تمنع دخول الفيران او تصطادهم او تاكلهم ؟

ولا ده نظام توم و جيري بس؟

القطط مش بتاكل الفيران...ممكن تصطادها وتلعب بيها وتموتها....بس مش بتاكلها الا لو كانت قطة مهبهبه وجعانه ومش لاقيه اللضا :roseop: ...

القطط انواع...ومش شرط حسب السلالة..حسب شخصية كل قط...تلاقي قط مستعد ياكل صراصير وقط يقرف...وهكذا....بس لو عايز قط يصطاد بجد عليك وعلى القط البلدي...ابو شعر قصير وعينين بتشع نباهه....النوع ده من القطط صياد بارع فعلا...وتعرف؟؟؟ حقولك على معلومة مهمة يمكن لما تيجي مصر تستغلها ...

القطط المصرية والمسماة ب الماو...قطط مطلوبة جدا في اوروبا وامريكا وسعرها بيوصل لمئات الدولارات...القطط دي من اقوى واشرس القطط الصيادة...وفيه هنا في المقطم عيادة بتتبنى القطط دي وبتسفرها بره وغالبا بتقبض عليها بالعملة الصعبة.....

لو عملت سيرش على النت حتفهم اكتر قصدي ايه....ابقى هاتلك قطة ماو مصري وحتشوف الكنديين عندك حيتهبلوا عليها ازاي...ومش بعيد انك تعرضها للشوفة بفلوس كمان :roseop:

حعرض لك صور من النت للنوع الي قصدي عليه والنوع ده مميز جدا وبشوفه كتير في الشارع وبيبقى نفسي اني اخده معايا بس للاسف بيبقى شرس وصعب استئناسه..لازم يبقى مولود جوه البيت عشان يتعود على البشر....

انواع الماو تلاته بس....الاول اللون السموكي....والثاني اللون الاخضر ...الثالث اللون الاسود وده تم اضافته مؤخرا للسلاسة دي بعد دراستهم للقطط الي كان الفراعنة بيعبدوها واكتشفوا انه موجود وسط الرسومات والتماثيل بتاعتهم....

اللون ده الي اسمه سموكي او دخاني..لان لونه نادر وضارب على الرمادي...ومش تلاقيه بسهولة.... ومطلوب جدا...شوف الرشاقة وجمال الخطوة.....كمن لازم يكون الجسم منقط مش مقلم والدواير تحت الرقبة بتتكرر بشكل منظم ....والاذن طويله والعيون واسعه ...

tammyep6.jpg

اللون ده الاخضر....او البرونزي

bronze10.jpg

وده الاسود....شبه الفهد الاسود

img225.jpg

تم تعديل بواسطة toota
رابط هذا التعليق
شارك

يعني فعلا لو جبت قطه بلدي من بتوعنا دي حتتصدى لغزو الفئران و ترحمنا من اي هجوم متوقع؟

انا مش عايزها تاكله

بس على الأقل متخليهوش يدخل و يتبسط و يأنتخ

اقصد يعني تنصحيني بالفكره دي ولا ممكن بعد فتره الاقي القطه متصاحبه على كذا فار و عايشين في ود و سعاده جوا البيت؟

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

يعني فعلا لو جبت قطه بلدي من بتوعنا دي حتتصدى لغزو الفئران و ترحمنا من اي هجوم متوقع؟

انا مش عايزها تاكله

بس على الأقل متخليهوش يدخل و يتبسط و يأنتخ

اقصد يعني تنصحيني بالفكره دي ولا ممكن بعد فتره الاقي القطه متصاحبه على كذا فار و عايشين في ود و سعاده جوا البيت؟

مش حتتصاحب عليه...ولا عمرهم حيبقوا اصحاب خالص....دي طبيعة وغريزة.....

مره حصلت معايا وانا بربي قطط شيرازي بيضا دلوعه وهبلة ....الذكر اصطاد فار كبير في البيت...ولحظه الاسود مراته كانت بترضع واولادها مكملوش شهر..وهو بغباوته قتل الفار وجاي يوريه لام العيال...راحت مدياله الم والله العظيم وقع من على السلم من فوق لتحت....والفار وقع من بقه...كانت ليلة يا عمدة على ما حاولنا نطيب خاطرهم الاتنين وتصالحه....

رابط هذا التعليق
شارك

يعني فعلا لو جبت قطه بلدي من بتوعنا دي حتتصدى لغزو الفئران و ترحمنا من اي هجوم متوقع؟

انا مش عايزها تاكله

بس على الأقل متخليهوش يدخل و يتبسط و يأنتخ

اقصد يعني تنصحيني بالفكره دي ولا ممكن بعد فتره الاقي القطه متصاحبه على كذا فار و عايشين في ود و سعاده جوا البيت؟

مش حتتصاحب عليه...ولا عمرهم حيبقوا اصحاب خالص....دي طبيعة وغريزة.....

مره حصلت معايا وانا بربي قطط شيرازي بيضا دلوعه وهبلة ....الذكر اصطاد فار كبير في البيت...ولحظه الاسود مراته كانت بترضع واولادها مكملوش شهر..وهو بغباوته قتل الفار وجاي يوريه لام العيال...راحت مدياله الم والله العظيم وقع من على السلم من فوق لتحت....والفار وقع من بقه...كانت ليلة يا عمدة على ما حاولنا نطيب خاطرهم الاتنين وتصالحه....

:roseop:

حتى القطط عندهم رجاله بهايم مبيفهموش في الاتيكيت :roseop:

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

ياه ياتوته كأنك بتتكلمي عني ..

انا كمان طور عمري بمووت في حاجه اسمها قطط وربيت كل انواع القطط تقريبا وبرضه قل حبي لهم كتير بعد مابقى عندي اطفال لاني بقيت بخاف من الامراض بتاعتهم خاصه وان شعر القطه لو متسرحش كل يوم بيكون غالبا في كل مكان ويلصق في كل حاجه يعني محتاجه عنايه فائقة لا تتيسر الا لحد فاضي ..

ده تيتو ...

hnss4o28t.jpg

آخر قط اقتنيته .. اشتريته لبنتي وهي صغيره تلعب معاه وكان صغيييير قد الكف زي ماقلتي بالظبط وفضل عندنا لحد ماكبر الى امتدت يد الغدر ليه خرج ولم يعد للاسف وبفعل فاعل .. بس دي قصة تانيه ..

كان شديد الذكاء يعني لما نحب ننادي عليه نقوله تيتو يجي جري وكان ظريف جدا في لعبه ونظيف جدا مستحيل يوسخ البيت او يقضي حاجته في مكان غير ملائم ( كان عندنا قبل كده قط رومي آيه في الجمال لكن فيه عيبين اولا انه احول مبيشوفش كويس وثانيا انه بيعمل حمام في اي مكان في البيت خاصه على الملابس او جوا الدولاب .. طبعا تخلصنا منه ) ..

بالنسبة لسؤالك يازهيري عن موضوع الفيران فده فكرني بقطه شيرازي كانت عندنا زمان

في يوم فوجئنا بيها داخله علينا وجايه تجري وفي فمها شيء .. بنبص كويس لقيناه فار مصطاداه وجيباه وجايه جري ..

طبعا اخذنا الموضوع انا واختي صراخ وجري وهي تجري ورانا بالفار الميت مش فاهمه في ايه ..

بعد شويه القطه رمت الفار ومأكلتوش .. وقعدت يومين بعدها مش طبيعيه خالص يعني منزويه في جنب كده وكأنها مكتئبة ..

بعد فترة طويله اشترينا كتاب اجنبي عن القطط وفوجئنا بالحقيقة العلميه الي فيه وهي ان ( اقيم ) هديه يجيبها القط لصاحبه هي طريده او صيد زي فار مثلا وان القط بيعتبر دي حاجه يعني مميزه اوي وفرصة للتعبير عن مشاعر الحب لصاحبه .. والجميل انهم محذرين اوعى تبدي تذمرك من الهديه دي او تقديرك لها والا القط هيصاب بالاحباط وهو ماحدث لليلى بالتاكيد لان فعلا القطه ( انفجعت ) من رد فعلنا عليها .. ملناش حق كان المفروض مدينا ايدنا وكلنا بسم الله ..

برضه فاكره كان عندنا زمان قطه سيامي وبالمناسبة السيامي اذكى وانظف من الشيرازي بكتير ..

القطه دي سبحان الله مكانتش تنام غير معانا في السرير وتدخل براسها تحت البطانيه وتلف بحيث تخلي جسمها كله تحت البطانيه وراسها برا وتنام بالطول زينا بالظبط مش زي القطط مابتنام عاده متكوره على نفسها .. واضح انها كانت فاكره نفسها وحده مننا بدليل ان لما ولدت بعد كده قطط صغيره واختارت لهم مكان تحت السرير كنت انا واخواتي مرة جالسين على السرير بنتكلم .. بعد شويه فوجئنا بالقطه عماله ( تحول ) عيالها واحد واحد تحطهم جنبنا وتنزل تجيب الي بعده وسط دهشتنا من تصرفها ده .. بعد ماخلصت نقل عيالها كلهم جنبنا جت قعدت في وسطهم وقعدت تبص لنا وهي بتهزز ديلها فرحانه .. مسكيينه .. كانت مشتته بين الجلوس مع ( العائلة ) او الاهتمام بالصغار فتصرفت بما يجمع الاثنين ..

يااه لو اقعد احكي لكم عن نوادر القطط لغايه بكرا مش هنخلص بس اكتفي بالقدر ومعليش اني دخلت موضوعك ياتوتا عرض كده بس انتي عارفه صعب حد بيموت في القطط ويلاقي الحديث عنها وميدليش بدلوه ..

واترك لك المايك ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

ياه ياتوته كأنك بتتكلمي عني ..

انا كمان طور عمري بمووت في حاجه اسمها قطط وربيت كل انواع القطط تقريبا وبرضه قل حبي لهم كتير بعد مابقى عندي اطفال لاني بقيت بخاف من الامراض بتاعتهم خاصه وان شعر القطه لو متسرحش كل يوم بيكون غالبا في كل مكان ويلصق في كل حاجه يعني محتاجه عنايه فائقة لا تتيسر الا لحد فاضي ..

ده تيتو ...

hnss4o28t.jpg

آخر قط اقتنيته .. اشتريته لبنتي وهي صغيره تلعب معاه وكان صغيييير قد الكف زي ماقلتي بالظبط وفضل عندنا لحد ماكبر الى امتدت يد الغدر ليه خرج ولم يعد للاسف وبفعل فاعل .. بس دي قصة تانيه ..

كان شديد الذكاء يعني لما نحب ننادي عليه نقوله تيتو يجي جري وكان ظريف جدا في لعبه ونظيف جدا مستحيل يوسخ البيت او يقضي حاجته في مكان غير ملائم ( كان عندنا قبل كده قط رومي آيه في الجمال لكن فيه عيبين اولا انه احول مبيشوفش كويس وثانيا انه بيعمل حمام في اي مكان في البيت خاصه على الملابس او جوا الدولاب .. طبعا تخلصنا منه ) ..

بالنسبة لسؤالك يازهيري عن موضوع الفيران فده فكرني بقطه شيرازي كانت عندنا زمان

في يوم فوجئنا بيها داخله علينا وجايه تجري وفي فمها شيء .. بنبص كويس لقيناه فار مصطاداه وجيباه وجايه جري ..

طبعا اخذنا الموضوع انا واختي صراخ وجري وهي تجري ورانا بالفار الميت مش فاهمه في ايه ..

بعد شويه القطه رمت الفار ومأكلتوش .. وقعدت يومين بعدها مش طبيعيه خالص يعني منزويه في جنب كده وكأنها مكتئبة ..

بعد فترة طويله اشترينا كتاب اجنبي عن القطط وفوجئنا بالحقيقة العلميه الي فيه وهي ان ( اقيم ) هديه يجيبها القط لصاحبه هي طريده او صيد زي فار مثلا وان القط بيعتبر دي حاجه يعني مميزه اوي وفرصة للتعبير عن مشاعر الحب لصاحبه .. والجميل انهم محذرين اوعى تبدي تذمرك من الهديه دي او تقديرك لها والا القط هيصاب بالاحباط وهو ماحدث لليلى بالتاكيد لان فعلا القطه ( انفجعت ) من رد فعلنا عليها .. ملناش حق كان المفروض مدينا ايدنا وكلنا بسم الله ..

برضه فاكره كان عندنا زمان قطه سيامي وبالمناسبة السيامي اذكى وانظف من الشيرازي بكتير ..

القطه دي سبحان الله مكانتش تنام غير معانا في السرير وتدخل براسها تحت البطانيه وتلف بحيث تخلي جسمها كله تحت البطانيه وراسها برا وتنام بالطول زينا بالظبط مش زي القطط مابتنام عاده متكوره على نفسها .. واضح انها كانت فاكره نفسها وحده مننا بدليل ان لما ولدت بعد كده قطط صغيره واختارت لهم مكان تحت السرير كنت انا واخواتي مرة جالسين على السرير بنتكلم .. بعد شويه فوجئنا بالقطه عماله ( تحول ) عيالها واحد واحد تحطهم جنبنا وتنزل تجيب الي بعده وسط دهشتنا من تصرفها ده .. بعد ماخلصت نقل عيالها كلهم جنبنا جت قعدت في وسطهم وقعدت تبص لنا وهي بتهزز ديلها فرحانه .. مسكيينه .. كانت مشتته بين الجلوس مع ( العائلة ) او الاهتمام بالصغار فتصرفت بما يجمع الاثنين ..

يااه لو اقعد احكي لكم عن نوادر القطط لغايه بكرا مش هنخلص بس اكتفي بالقدر ومعليش اني دخلت موضوعك ياتوتا عرض كده بس انتي عارفه صعب حد بيموت في القطط ويلاقي الحديث عنها وميدليش بدلوه ..

واترك لك المايك ..

النوع الي حاطه اسمه شانشيلا.....الوانه جميلة جدا ... :blink:

كان عندي انثى شبهه.....

464833176_ba47073bd3.jpg

نومة القط بتاعك فكرتني بشركس...قط شانشيلا برضو بس على اورنج...كان بيغير من ابني احمد...ولازم وراسه والف برطوشة انه ينام في النص بيني وبينه...وياسلام بقى لو احمد زنقه ...تلاقيه وهو نايم يقوم مصوت..ومزعق وزانق نفسه تاني ولازق فيا اكتر...كان رهيب واي حته في البيت اقعد فيها لازم يلزق ويقعد فوق كتافي...قعدته المفضلة...حتى وانا وافقة في المطبخ...يطلع على رجلي زي الشجرة وطبعا مقولكيش على الخرابيش ويستقر فوق كتافي بالنص ساعه والساعه....وحتى لو جيب حاجه من الارض الاقيه مسنتر نفسه ووزانها عشان ميوقعش :roseop:

3802568351_16d9a3a5c3.jpg

ومبسوطة بمشاركتك فعلا....لان معظم محبي القطط بيتعاملوا مع القطط كانهم اولادهم...والقطط بتبادلهم نفس الاحساس....الي بيقول ان القطه غدارة يبقى مش بيفهم فيهم............ :roseop:

.

تم تعديل بواسطة toota
رابط هذا التعليق
شارك

....الي بيقول ان القطه غدارة يبقى مش بيفهم فيهم............ :roseop:

.

والله طالما حتطرد الفار ححطها على راسي من فوق :roseop:

مش حتطرده

ححطها

على راسي من فوق برضه عشان خاطرك يا توتا

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

....الي بيقول ان القطه غدارة يبقى مش بيفهم فيهم............ :roseop:

.

والله طالما حتطرد الفار ححطها على راسي من فوق :roseop:

مش حتطرده

ححطها

على راسي من فوق برضه عشان خاطرك يا توتا

انشالله يخليك يا باشاا :blink:

رابط هذا التعليق
شارك

ماشاء الله عليكي يا مدام توتا دا انتي زاهي حواس بتاع فرع القطط :roseop:

القطط مش بتاكل الفيران...ممكن تصطادها وتلعب بيها وتموتها....بس مش بتاكلها الا لو كانت قطة مهبهبه وجعانه ومش لاقيه اللضا :roseop: ...

لا ازاي دا انا كان عندي قطة عندها سوابق في ابو زعبل كانت بتشم ريحتهم وتطلع صوت غريب او ما تحس بيهم غير المواء بتاع القطط خالص ومترتحش ابداً الا لما تطلع لنا من تحت السلم وواحد منهم في بئها وتقعد تستعرض قدامنا قدراتها الخارقة وممكن تتجرح وتتعور وهي بتطارد واحد فهم ولا كان بيهمها

Many of life's failures are people who did not realize how close they were to success when they gave up

Thomas Edison

Failure Is Not An Option

hazemhassan435686.jpg

رابط هذا التعليق
شارك

امبارح دخلنا من الجنينه فار كندي محترم

هيه كندا فيها فيران

لا كده الواحد يعيد النظر في موضوع الهجرة ده

تم تعديل بواسطة الحازم حسن

Many of life's failures are people who did not realize how close they were to success when they gave up

Thomas Edison

Failure Is Not An Option

hazemhassan435686.jpg

رابط هذا التعليق
شارك

امبارح دخلنا من الجنينه فار كندي محترم

هيه كندا فيها فيران mfb:

لا كده الواحد يعيد النظر في موضوع الهجرة ده

بس مش أي فار

تلاقيه كده فار شيك و كلاس و شكله حلو

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

لاظوغلى مين ... نظرة يا عرابى

بالعربى

شيرازى مين و سيامى مين .... البلدى يكسب

كفاية ان القطة البلدى عنيها بتتكلم

مع تمام احترامى و تقديرى لذوق حضرتك ف اختيار القطط

mfb:

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

ياه ياتوته كأنك بتتكلمي عني ..

انا كمان طور عمري بمووت في حاجه اسمها قطط وربيت كل انواع القطط تقريبا وبرضه قل حبي لهم كتير بعد مابقى عندي اطفال لاني بقيت بخاف من الامراض بتاعتهم خاصه وان شعر القطه لو متسرحش كل يوم بيكون غالبا في كل مكان ويلصق في كل حاجه يعني محتاجه عنايه فائقة لا تتيسر الا لحد فاضي ..

ده تيتو ...

hnss4o28t.jpg

آخر قط اقتنيته .. اشتريته لبنتي وهي صغيره تلعب معاه وكان صغيييير قد الكف زي ماقلتي بالظبط وفضل عندنا لحد ماكبر الى امتدت يد الغدر ليه خرج ولم يعد للاسف وبفعل فاعل .. بس دي قصة تانيه ..

كان شديد الذكاء يعني لما نحب ننادي عليه نقوله تيتو يجي جري وكان ظريف جدا في لعبه ونظيف جدا مستحيل يوسخ البيت او يقضي حاجته في مكان غير ملائم ( كان عندنا قبل كده قط رومي آيه في الجمال لكن فيه عيبين اولا انه احول مبيشوفش كويس وثانيا انه بيعمل حمام في اي مكان في البيت خاصه على الملابس او جوا الدولاب .. طبعا تخلصنا منه ) ..

بالنسبة لسؤالك يازهيري عن موضوع الفيران فده فكرني بقطه شيرازي كانت عندنا زمان

في يوم فوجئنا بيها داخله علينا وجايه تجري وفي فمها شيء .. بنبص كويس لقيناه فار مصطاداه وجيباه وجايه جري ..

طبعا اخذنا الموضوع انا واختي صراخ وجري وهي تجري ورانا بالفار الميت مش فاهمه في ايه ..

بعد شويه القطه رمت الفار ومأكلتوش .. وقعدت يومين بعدها مش طبيعيه خالص يعني منزويه في جنب كده وكأنها مكتئبة ..

بعد فترة طويله اشترينا كتاب اجنبي عن القطط وفوجئنا بالحقيقة العلميه الي فيه وهي ان ( اقيم ) هديه يجيبها القط لصاحبه هي طريده او صيد زي فار مثلا وان القط بيعتبر دي حاجه يعني مميزه اوي وفرصة للتعبير عن مشاعر الحب لصاحبه .. والجميل انهم محذرين اوعى تبدي تذمرك من الهديه دي او تقديرك لها والا القط هيصاب بالاحباط وهو ماحدث لليلى بالتاكيد لان فعلا القطه ( انفجعت ) من رد فعلنا عليها .. ملناش حق كان المفروض مدينا ايدنا وكلنا بسم الله ..

برضه فاكره كان عندنا زمان قطه سيامي وبالمناسبة السيامي اذكى وانظف من الشيرازي بكتير ..

القطه دي سبحان الله مكانتش تنام غير معانا في السرير وتدخل براسها تحت البطانيه وتلف بحيث تخلي جسمها كله تحت البطانيه وراسها برا وتنام بالطول زينا بالظبط مش زي القطط مابتنام عاده متكوره على نفسها .. واضح انها كانت فاكره نفسها وحده مننا بدليل ان لما ولدت بعد كده قطط صغيره واختارت لهم مكان تحت السرير كنت انا واخواتي مرة جالسين على السرير بنتكلم .. بعد شويه فوجئنا بالقطه عماله ( تحول ) عيالها واحد واحد تحطهم جنبنا وتنزل تجيب الي بعده وسط دهشتنا من تصرفها ده .. بعد ماخلصت نقل عيالها كلهم جنبنا جت قعدت في وسطهم وقعدت تبص لنا وهي بتهزز ديلها فرحانه .. مسكيينه .. كانت مشتته بين الجلوس مع ( العائلة ) او الاهتمام بالصغار فتصرفت بما يجمع الاثنين ..

يااه لو اقعد احكي لكم عن نوادر القطط لغايه بكرا مش هنخلص بس اكتفي بالقدر ومعليش اني دخلت موضوعك ياتوتا عرض كده بس انتي عارفه صعب حد بيموت في القطط ويلاقي الحديث عنها وميدليش بدلوه ..

واترك لك المايك ..

النوع الي حاطه اسمه شانشيلا.....الوانه جميلة جدا ... :roseop:

كان عندي انثى شبهه.....

464833176_ba47073bd3.jpg

نومة القط بتاعك فكرتني بشركس...قط شانشيلا برضو بس على اورنج...كان بيغير من ابني احمد...ولازم وراسه والف برطوشة انه ينام في النص بيني وبينه...وياسلام بقى لو احمد زنقه ...تلاقيه وهو نايم يقوم مصوت..ومزعق وزانق نفسه تاني ولازق فيا اكتر...كان رهيب واي حته في البيت اقعد فيها لازم يلزق ويقعد فوق كتافي...قعدته المفضلة...حتى وانا وافقة في المطبخ...يطلع على رجلي زي الشجرة وطبعا مقولكيش على الخرابيش ويستقر فوق كتافي بالنص ساعه والساعه....وحتى لو جيب حاجه من الارض الاقيه مسنتر نفسه ووزانها عشان ميوقعش :)

3802568351_16d9a3a5c3.jpg

ومبسوطة بمشاركتك فعلا....لان معظم محبي القطط بيتعاملوا مع القطط كانهم اولادهم...والقطط بتبادلهم نفس الاحساس....الي بيقول ان القطه غدارة يبقى مش بيفهم فيهم............ :)

.

اولا اهلا وسهلا بمدام توتا وحشتينا

ثانيا ندخل في الموضوع الاساسي من واقع تربيتك للقط ايه اكتر صفات محببه في القطط

ثالثا كنت زمان بربي قطط وانا صغير سيامي وكانت محترمه جدا وكمان كان عند جدتي رحمها الله قطه رومي ظلت معها سنوات طويله وكان لجدتي سطح وكانت تهوى الصعود على السطح والنوم مثل التماسيح وتظل كذلك ساعات الى ان يأتي عصفور بجانبها فتنقض عليه وبعد سنين من العشره الطويله وكما روت جدتي لي في حكايات الجده لاحفادها ظلت تمؤ وتذهب لكل شخص في البيت قليلا وتتمسح فيه ثم تعيد الكره لافراد البيت جميعهم مره اخرى وفي الصباح الباكر وجدوها في الشارع في احد الاركان مكومه وميته

اما البلدي معي فكان مقرف ففي طفولتي وكمعظم الاطفال شويه عايز حصان شويه عايز ديناصور الى ان اصررت على القطط ولم يجد والدي مفر من احضارها لسهولتها اكتر من اى شيء ولكن لم تعمر معنا يوم نظرا لقاذوراتها فزحلقناها واعدنا الكره مره اخرى مع قط اخر وكانت نفس النتيجه فضلات فتخلصنا منها وسكتنا عن الموضوع من قرفه الى ان اعدت الزن على والدي مره اخرى وكانت في هذه المره سيامي وظلت معنا سنوات تقارب ال5 على مااتذكر وكانت احد السيدات القططيات من خبراء الققط قالت لنا قبلا ان القط اذا لاعبته كثير وهو صغير يطلع هادي واذا لم تلاعبه يطلع شقي فصبرت على نفسي قليلا وفعلا قد كانت شقيه جدا ولكن نظيفه جدا وتعرف اين الحمام وكانت منظمه جدا في حياتها وفى وجباتها وفي نومها ومرتبه مش غاويه فعكشه ثم فجأه لقينا الهانم غاويه تنزل الشارع وبعدين رجعت لنا حامل المهم استحملناها وانا على قد تفكيري ساعتها كان متهيئلي هايجي ليا جيل من القطط السيامي او على الاقل خليط فوجئت ان الهانم حامل في قطط بلدي المهم استحملناها علشان العشره وخلاص سربنا اولادها لما كبروا وبعد ماكبروا ومارسنا حياتنا عادي الى ان رجعت تموؤ مره اخرى وتبحث عن الشارع وتحاول الخروج كلما فتح الباب وبرده رجعت الهانم حامل تانى وفي بلدي او قطط ماو علشان توتا ماتزعلش ماعلينا وبرده سربناهم الى ان رجعت الى انتظامها مره اخرى . وحياتها الطبيعيه ثم رجعت تبحث ولكنها لم تعد هذه المره وبرغم ال5 سنوات العشره الى اننى فرحت بعدم عودتها ( ست هانم بتاعة القطط البلدي )والحمد لله خلصنا منها ولكن فوجئنا بعد اختفائها ب 4 سنوات اخرى بعودتها ربما كنا نشك هي ام ليست هي ولكن اصرارها على دخول البيت برغم رفضنا ومحاولة دخولها المستمره وزق الباب عنوه دائما جعل لي احساس انها هي ولكن البعاد خلانا نقرف ندخلها لربما تكون اصبحت من تأثير الشارع جربانه وكمان كالعاده الهانم كانت حامل فاكيد برده بلدي وكنا نلقي لها الاكل بجوار الباب في مواعيدها القديمه ثم تركنا هذا المنزل وعزلنا منه وكان من ضمن ماتتذكره والدتى حتى الان هو استيقاظ القط من الصباح الباكر معها لان والدتي كانت تحب ان تجهز الغذاء والاعمال المنزليه قبل ذهابها الى عملها وكانت تظل ملازمه لها وتتحرك معها في كل اركان وجنبات البيت وبعد نزول والدتى تكمل نومها ثم عندي استيقاظي تأتي لي المهم كان لها طقوسها وحياتها

والان وبعد مرور السنوات بدأ اولادي في الزن وانهم محتاجو قط او اى حيوان اليف

فرجاء من مدام توتا او اى حد قططي يرد على التساؤلات الاتيه

  • هل هذه القطه التى عادت بعد هذه السنين هي قططنا القديمه فعلى حسب قرأه قديمه لي ان القط يرتبط بالمكان والكلب يرتبط بمالكه
  • برغم تربيتي السابقه لقطط وبرغم انها كانت بنت حلال قوي معانا الا انه لازال بداخلي اعتقاد ان الغدر دائما يأتي من القطط وانها غداره فهل انا محق ام مخطيء ولماذا ؟

  • اخر شيء انا ارى ان القطط ليست بحيوان ذكي او خارق الذكاء مثل الكلاب او الاحصنه او حتى الحمير واكبر دليل على ذلك اننا نادرا مانرى ان احدا يدرب قطط في السيرك .فهل اعتقادي هذا سليم ام لا؟

حتى الاعداء بينهم شرف في التعامل

رابط هذا التعليق
شارك

ماشاء الله عليكي يا مدام توتا دا انتي زاهي حواس بتاع فرع القطط :wub:
القطط مش بتاكل الفيران...ممكن تصطادها وتلعب بيها وتموتها....بس مش بتاكلها الا لو كانت قطة مهبهبه وجعانه ومش لاقيه اللضا :) ...

لا ازاي دا انا كان عندي قطة عندها سوابق في ابو زعبل كانت بتشم ريحتهم وتطلع صوت غريب او ما تحس بيهم غير المواء بتاع القطط خالص ومترتحش ابداً الا لما تطلع لنا من تحت السلم وواحد منهم في بئها وتقعد تستعرض قدامنا قدراتها الخارقة وممكن تتجرح وتتعور وهي بتطارد واحد فهم ولا كان بيهمها

ميرسي اوي ... :)

مانت بتقول سوابق اهو...ومن بتوع بير السلم....يعني لازم تعمل الكلام ده.... :roseop: هي دي الغريزة الي بتكلم عليها.....

بس مقلتش...كانت بتاكل الفار ولا بس بتستعرض؟؟؟

رابط هذا التعليق
شارك

لاظوغلى مين ... نظرة يا عرابى

بالعربى

شيرازى مين و سيامى مين .... البلدى يكسب

كفاية ان القطة البلدى عنيها بتتكلم

مع تمام احترامى و تقديرى لذوق حضرتك ف اختيار القطط

:)

الفرق مش بالشكل فقط يا باشمهندس....الفرق كمان في الطباع...وده الي حتكلم عنه لاحقا.....بس انت.............اوعى تغير المحطة :)

رابط هذا التعليق
شارك

اولا اهلا وسهلا بمدام توتا وحشتينا

ثانيا ندخل في الموضوع الاساسي من واقع تربيتك للقط ايه اكتر صفات محببه في القطط

ثالثا كنت زمان بربي قطط وانا صغير سيامي وكانت محترمه جدا وكمان كان عند جدتي رحمها الله قطه رومي ظلت معها سنوات طويله وكان لجدتي سطح وكانت تهوى الصعود على السطح والنوم مثل التماسيح وتظل كذلك ساعات الى ان يأتي عصفور بجانبها فتنقض عليه وبعد سنين من العشره الطويله وكما روت جدتي لي في حكايات الجده لاحفادها ظلت تمؤ وتذهب لكل شخص في البيت قليلا وتتمسح فيه ثم تعيد الكره لافراد البيت جميعهم مره اخرى وفي الصباح الباكر وجدوها في الشارع في احد الاركان مكومه وميته

اما البلدي معي فكان مقرف ففي طفولتي وكمعظم الاطفال شويه عايز حصان شويه عايز ديناصور الى ان اصررت على القطط ولم يجد والدي مفر من احضارها لسهولتها اكتر من اى شيء ولكن لم تعمر معنا يوم نظرا لقاذوراتها فزحلقناها واعدنا الكره مره اخرى مع قط اخر وكانت نفس النتيجه فضلات فتخلصنا منها وسكتنا عن الموضوع من قرفه الى ان اعدت الزن على والدي مره اخرى وكانت في هذه المره سيامي وظلت معنا سنوات تقارب ال5 على مااتذكر وكانت احد السيدات القططيات من خبراء الققط قالت لنا قبلا ان القط اذا لاعبته كثير وهو صغير يطلع هادي واذا لم تلاعبه يطلع شقي فصبرت على نفسي قليلا وفعلا قد كانت شقيه جدا ولكن نظيفه جدا وتعرف اين الحمام وكانت منظمه جدا في حياتها وفى وجباتها وفي نومها ومرتبه مش غاويه فعكشه ثم فجأه لقينا الهانم غاويه تنزل الشارع وبعدين رجعت لنا حامل المهم استحملناها وانا على قد تفكيري ساعتها كان متهيئلي هايجي ليا جيل من القطط السيامي او على الاقل خليط فوجئت ان الهانم حامل في قطط بلدي المهم استحملناها علشان العشره وخلاص سربنا اولادها لما كبروا وبعد ماكبروا ومارسنا حياتنا عادي الى ان رجعت تموؤ مره اخرى وتبحث عن الشارع وتحاول الخروج كلما فتح الباب وبرده رجعت الهانم حامل تانى وفي بلدي او قطط ماو علشان توتا ماتزعلش ماعلينا وبرده سربناهم الى ان رجعت الى انتظامها مره اخرى . وحياتها الطبيعيه ثم رجعت تبحث ولكنها لم تعد هذه المره وبرغم ال5 سنوات العشره الى اننى فرحت بعدم عودتها ( ست هانم بتاعة القطط البلدي )والحمد لله خلصنا منها ولكن فوجئنا بعد اختفائها ب 4 سنوات اخرى بعودتها ربما كنا نشك هي ام ليست هي ولكن اصرارها على دخول البيت برغم رفضنا ومحاولة دخولها المستمره وزق الباب عنوه دائما جعل لي احساس انها هي ولكن البعاد خلانا نقرف ندخلها لربما تكون اصبحت من تأثير الشارع جربانه وكمان كالعاده الهانم كانت حامل فاكيد برده بلدي وكنا نلقي لها الاكل بجوار الباب في مواعيدها القديمه ثم تركنا هذا المنزل وعزلنا منه وكان من ضمن ماتتذكره والدتى حتى الان هو استيقاظ القط من الصباح الباكر معها لان والدتي كانت تحب ان تجهز الغذاء والاعمال المنزليه قبل ذهابها الى عملها وكانت تظل ملازمه لها وتتحرك معها في كل اركان وجنبات البيت وبعد نزول والدتى تكمل نومها ثم عندي استيقاظي تأتي لي المهم كان لها طقوسها وحياتها

والان وبعد مرور السنوات بدأ اولادي في الزن وانهم محتاجو قط او اى حيوان اليف

فرجاء من مدام توتا او اى حد قططي يرد على التساؤلات الاتيه

  • هل هذه القطه التى عادت بعد هذه السنين هي قططنا القديمه فعلى حسب قرأه قديمه لي ان القط يرتبط بالمكان والكلب يرتبط بمالكه

  • برغم تربيتي السابقه لقطط وبرغم انها كانت بنت حلال قوي معانا الا انه لازال بداخلي اعتقاد ان الغدر دائما يأتي من القطط وانها غداره فهل انا محق ام مخطيء ولماذا ؟

  • اخر شيء انا ارى ان القطط ليست بحيوان ذكي او خارق الذكاء مثل الكلاب او الاحصنه او حتى الحمير واكبر دليل على ذلك اننا نادرا مانرى ان احدا يدرب قطط في السيرك .فهل اعتقادي هذا سليم ام لا؟

اهلا اهلا...منور يا حمودي والله :)

مشاركتك برضو ثرية جدا زي مشارة ضحى وفيها تساؤلات حلوة.....

شوف ياسيدي....القطط البلدي تشبه القطط السيامي في طبعها....الفرق في الشكل والالوان لان السيامي يعتبر من القطط الحادة الطباع جدا....

قطة جدتك لما حست انها بتموت جت تسلم عليكم وتقولكم انها عيانة...القطط بطبعها لما تمرض بتتقرب من اصحابها جدا وبتبقى حنية الدنيا فيها بس للاسف مش بتعرف تعبر اوي....وده ردا على تساؤلاتك بخصوص ذكاء القطط....القطط ذكية جدا وليها ريتم معين بتعيش فيه...بتحفظ الاصوات وكل صوت بيوصل لاي حركة واي تصرف من الي حواليها...يعني لو صحيت الصبح بتبقى عارفه انت حتعمل ايه لحد ما تنزل من البيت وبتبقى مستنية كل الخطوات دي وبتكرر نفس التصرفات بشكل روتيني زي ما كانت بتعمل معاكم في البيت ..

بس مشكلة القطط انها ينقصها التعبير بشكل واضح...وبطريقة مبسطة تقدر تشبه القطط بطفل لا يتجاوز الاربع سنوات من عمره...والفرق بينها وبين الكلب او الحيوانات الاخرى هو فقط سهولة التعبير مش اكتر...بس الي بيربي قطط بيفهم هم عايزين ايه مع التعود وحتى م نظرة العين... :)

اما بخصوص القطة السيامي عاشقة الشوارع...ف ده وضع طبيعي لانها مفتقدة الحياة الاسرية...وعايزة تبقى ام...وعلى فكرة دي غريزة مش اكتر...وبمجرد ما تحمل مش بتسمح للذكر يقرب منها حتى لو قطعته....وهي فعلا القطة بتاعتكم ورجعت لكم وهي عايزه امان بعد حملها وبهدلتها في الشوارع....وحصلت معايا لما كنت صغيرة كان عندي قطة كده تجيلي وهي حامل وتولد عندي وتاخد الرعاية اللازمه هي وعيالها لحد ما يتموا شهرين وبعدين بابا يوديهم في جنينه جنب بيت جدتي لابويا وهم عايشين في منطقة بعيدة اوي عننا وبالرغم من كده...بعدها بشهرين تلاته...الاقيها راجعالي ببطنها قدامها :roseop:

القطط مش غدارة ابدا...القطط فقط جبانة جدا وبالغريزة بمجرد ما تتخض تلاقي ظوافرها بتطلع ...يعني حركة لا اراديه ...ولو خربشت بتبقى فعلا في قمة الرعب ...طيب حقولك على قطة حبقى انشر صورتها لاحقا...القطة دي كانت عيانة اوي ولازم كل يوم تاخد حقنه في العضل...وطبعا انا اتعلمت ادي حقن للقطط عشان اعالجهم ساعة اللزوم...وانا بديها الحقنة لقيتها بتتالم اوي...وفجاة من كتر المها لقيتها مسكت ايدي بضوافرها وناويه تعضني وتهبرني...وفي ثواني لقيتها اول ما مسكت صباعي....راحت شاماه وفجاة راحت لاحسه صباعي ومعضتنيش...الموقف ده عمري ما انساه ابدا....ازاي تعض مامتها حبيبتها وهي بتعالجها :wub:

رابط هذا التعليق
شارك

بس مقلتش...كانت بتاكل الفار ولا بس بتستعرض؟؟؟

بعد ما كانت بتخلص الفقرة الاستعراضية بتاعتها كانت بتاخده وتجري بيه في مكان بعيد

كانت حريصة اوي ان محدش يشوفها

معرفش بئه كانت بتعمل فيه ايه بعد كده (أكتر من اللي كانت بتعمله) :)

عموماً دي قطة انت امي بتحبها جداً لانها بتاكل الفيران

لكن قطتي أنا كانت حاجة تانية خالص متربية ع العز كل يوم لحمة وملهاش في شغل الاجرام ده

كانت ملونة بألوان كتير قوي وخصوصاً في راسها كانت عبارة عن مكس من الأسود والابيض والرمادي والاحمر وعينيها خضرة

دي من أي فصيلة بالتقريب كده ؟؟

الله يرحمها

Many of life's failures are people who did not realize how close they were to success when they gave up

Thomas Edison

Failure Is Not An Option

hazemhassan435686.jpg

رابط هذا التعليق
شارك

مدام توتا

أنا قرأت الموضوع أكثر من مرتين ثلاثة وكل مرة أقول أدخل واشارك وارجع في كلامي واقول بلاش اصل حد يزعل مني خصوصا اني شايف الموضوع كله دلع ومدح في القطط اللي أنا بكرهم جدا جدا .. معليشي يعني إسمحيلي بعد إذنك يعني ..

كانت علاقتي بالنسبة للقطط طبيعية جداً لا بحبهم ولا بكرهم زيهم زي أي حيوان أليف عايش وسط البشر .. طالما عمره ما آذاني يبئا اكرهه ليه .. وطالما عمره ما وقف جنبي (عمل معروف معايا يعني) يبئا مش مفروض علي إني أحبه وصاحبه وكده يعني ..

المهم .. لحد اللي حصل معايا موقفين عقدوني في القطط وسنين القطط .. موقف منهم وانا في مصر وفي بيت العيلة كنت في منتصف العمر يعني حدود ال 15 او 16 سنة في بداية المراهقة كنت طالع على السلم في آمان الله وكانت الساعة واحده بعد منتصف الليل وطبعا راجع متأخر والبيت كله نايم وانا طالع على السلم ومش عايز حد يصحى وتبئا فضيحه وفجأة وأنا في إحدى لفات السلم من دور ل دور إذا بي أجد قطة نايمه وحوليها اولادها أنا لسه ما شوفتهاش ولا عملتلها اي حاجه إلا وهي تقوم نطه حتى نطة وعامله بخة زي بخة الثعبان .. أنا قومت مسرخ وياها وطبعا البيت كله صحى وحصل اللي حصل .. ده أول موقف ..

ثاني موقف .. أول ما سافرت وجيت عالكويت .. كانت الدنيا ملطشة معايا ومفيش شغل لمدة حوالي اربع او خمس شهور .. ومن هنا ل هنا وبحث وتعب على شغل لدرجة إن أعصابي كانت بدأت تفلت مني ومش طايق اي حد قدامي وكنت خلاص ناوي ارجع تاني على مصر احسن .. المهم في الفترة دي لاحظت إن فيه قطه سودا .. وانا اساسا بكره القطط السودا .. برغم ان القطط قليله هنا في الكويت إلا إني كل ما اجي اخرج من باب الشقة الاقيها نايمة وفارشة جسمها كله على عتبه الباب اقولها هش طيب بس ولا هي هنا لحد ما اجيب ايد المآشة (المكنسة يعني) وازقها علشان اعرف اخرج وتفضل واقفالي وتبص لي قعدت فترة ما اعطيش اهتمام وكانت نفس الطريقة وانا راجع على الشقة الاقيها متربصالي لدرجة إن وصل بيني وبينها حوار وبئيت اقعد اكلمها واطلع غضبي عليها وفي يوم كنت خلاص على آخري وجاي تعبان من اللف والتدوير على وظيفة وفي عز الحر وبدون سيارة لدرجة إني كنت بحس اني اخدت ضربة شمس وراجع مخنوق ولقيت دي قدامي .. طلعت بئا كل الكبت اللي فيا فيها وقومت شايطها برجلي في بطنها حتة شولت بس جاي تمام خلت القطة اترمت على مسافة حوالي خمسة متر .. إني أسكت لأ .. رحت وراها ولقيتها واقفة برضه ولا كإن فيه حاجه حصلت والشر في عينيها وروحتلها وانا بكلمها وازعق وكإن خناقة بنا وقومت شايطها تاني برجلي شوطه خلتها اترمت من شباك الدور الثالث .. ومن ساعتها ما شفتهاش .. ومن بعدها باسبوع واحد او عشر ايام بالكثير .. ربنا أكرمني بشغل ما كنتش احلم بنصف راتبه وشغل سهل وبسيط ..

بصراحة بكرههم جدا ...

إوعى يكون حد زعل مني ولا حاجة ..

تم تعديل بواسطة HDarwish
رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...