أكلات شهيه بدون سعرات حراريه

[MZohairy]

دعوه لصديقي بندق لعمل وصفات للناس اللي عايزه تخس و عامله ريجيم

ادينا أكلات و اصناف يا بندق و متحرمناش :h!!!h:

[بندق أفندى]

دعوه لصديقي بندق لعمل وصفات للناس اللي عايزه تخس و عامله ريجيم

ادينا أكلات و اصناف يا بندق و متحرمناش :h!!!h:

حاضرين بس خلينى اغسل ايدى من الدهون العالقة فيها ههههههههههههههه

[سهل جدا]

دعوه لصديقي بندق لعمل وصفات للناس اللي عايزه تخس و عامله ريجيم

ادينا أكلات و اصناف يا بندق و متحرمناش :h!!!h:

عليك بالمحشي والبطاطس يا أخا العرب :closedeyes:

[MZohairy]

دعوه لصديقي بندق لعمل وصفات للناس اللي عايزه تخس و عامله ريجيم

ادينا أكلات و اصناف يا بندق و متحرمناش :h!!!h:

عليك بالمحشي والبطاطس يا أخا العرب :closedeyes:

انا يا عم الحمد لله بلعب رياضه ساعه كل يوم في الجيم

و بعدها بلعب من 80 ل 120 ضغط على مرتين

و بالتالي معنديش كرش خالص بس وزني زايد شويه و عايز اكون مثالي

فعايزين معونة بندق عشان يظبط الوارد بعد ما ظبطنا الصادر

[سهيلة]

يا عم الحمد لله بلعب رياضه ساعه كل يوم في الجيم

و بعدها بلعب من 80 ل 120 ضغط على مرتين

و بالتالي معنديش كرش خالص بس وزني زايد شويه و عايز اكون مثالي

فعايزين معونة بندق عشان يظبط الوارد بعد ما ظبطنا الصادر

ما شاء الله يا استاذ زوهيرى والله برافو عليك

بس موضوع الجيم دة شكلو جديد مع كندا صح

بس معلومة كدة ع الماشى قبل ما استاذ بندق ينزل بالوصفات الهايلة بتاعته

لو بتاكل اكل عادى بس بتحرق كويس

يبقى ما فيش مخزون

مادام مداوم ع الحرق والرياضة

دمت بالصحة والعافيه

[بركة]

يا أستاذ زهيري هو حضرتك ما أخدتش بالك من موضوع أختنا أم بلال ده فيه كل اللي بتسأل عليه

ووصفات صحية بتزود معدل الحرق وبينزل الوزن عليها بإذن الله مع الرياضة

بالتوفيق إن شاء الله

http://www.egyptiantalks.org/invb/?showtopic=70541

[بندق أفندى]

نلتقى فى رمضان ان شاء الله ..

[somayasaleh]

نلتقى فى رمضان ان شاء الله ..

هو رمضان لسه مخلصش عندك يا استاذ بندق ولا ايه :blink:

فين اكلات الرجيم اللي طلبها استاذ زهيري؟؟؟

عايزن التوبيك ده ينتعش :wub:

يلا يا شباب ويا بنات......اللي عنده اي اكلة مجربها صحية ينزل بيها علي طول....وله الاجر والثواب عند الله

بعد أذن الشيف المشغول :blink: انا ح اقتبس شوية اكلات صحية من شيفنا الكبير بندق افندي وانزل بيها

دجاج مشوي بالزعتر

==========

زيت زيتون مخلوط فيه زعتر من الجاهز للأكل لأنه فيه سماق وسمسم ومزز وعليهم عصير ليمون وشوية ملح ..

عشان الفرخة أصلا طعمها لا يتغير .. بأتبلها وأتركها فى الثلاجة أى وقت يوم يومين 3 مش مشكلة ..

المهم تدهن الدجاجة بالخطة السابقة من الداخل والخارج وتترك تتبل قبلها بيوم على الأقل ..

هنضعها فى صينية ونعطيها بفويل (ورق قصدير)

وندخلها فرن على حرارة 240 درجة لمدة ساعة

ثم ننزع الفويل ..........ونترطها 40 دقيقة أخرى حتى تحمر وتكمل النضح

وهتطلع رائعة طعما وشكلا

صدور دجاج بالمسطردة

============

قطع الصدور شرائح رقيقة (كل صدر حوالى 3 شرائح) ..

تتبل فى خلطة من المسطردة وزيت الزيتون والخل والملح تخلط جيدا فبل وضع الصدور ..

تترك على الأقل ساعتين .. أو من الليلة السابقة .. ثم تحمر فى قليل من زيت الزيتون .. وهنا عافية ..

دجاج مخلي سهل التحضير

============

صدور دجاج مخلية من العضم

متبل بخل عنب وعصير برتقال وملح وفلفل أسود وبس ..

هنسويه فى قلاية تيفال بصوص التتبيلة نفسها......... بعدما نضيف اليه ملعقة دبس رمان مع ملعقة خل بلسمك ..

ونحرص على ألا يجف الصوص أو يحترق .. باضافة قليل من الماء كل فترة ونغطيه ونقلبه على الناحيتين .. بعد حوالى 25 دقيقة يكون قد نضج ..

نتركه حيتى يتكثف الصوص .. ونضيف معه شرائح برتقال للتجميل . وهتكون كما المخلل ..

دجاج مشوي في الفرن بالاعشاب

===============

بعد غسيل الدجاجة وتتبيلها بملح وفلفل أسود برة وجوة وخل عنب وعصير ليمون ..

ببساطة كأننا بنحشى الحمام .. بالأصبع وبحرص نخلى الجلد عن الدجاجة .. من ناحية الرقبة

ثم نجهز الخلطة....... وهى عبارة عن زنجبيل مبشور.... وتوم مفروم...... وبصل أخضر...... وزيت زيتو.....ن وملح وفلفل اسود..... وجوزة الطيب .....وزعتر جاف...... وشبت أخضر مفروم

وخل بلسمك (يمكن أى خل)...... ثم نحشى الخلطة بين الجلد واللحم ونتركها حوالى نصف ساعة تتشرب الخلطة ..

ومن الداخل نحشوها ببصل وفلفل أخضر أيضا ومن يحب يمكنه اضافه قليل من الشطة الحارة ..

ثم ندخلها فرن متوسط الحرارة لمدة ساعة وسنتوفة تقريبا تبعا لوزن الدجاجة .. أول 25 دقيقة هنغطيها بورق قصدير ثم نفرج عنها حتى تحمر ..

يلاحظ انه الجلد متأثر بشدة بخضرة البصل والشبت .. ميزة انها بتطلع طرية وكأنها مسلوقة بس تخلصت من كل الدهون .. وهنا وعافية

ثم نرفع الدجاج على قاعدة من الفاصوليا الخضراء المطهية على نار قوية لمدة 5 دقائق ومتبلة بزيت زيتون وملح وفلفل أسود ..

ثم نصب عليها باقى الصوص المتكثف وهنا وعافية

دجاج مقلي بس صحي

===========

صدر دجاج كامل مخلى ومفرود كشريحة واحدة .. يتبل فى خل عنب وزبادى وعصير ليمون وزيت زيتون ..

عند الطهى يضاف ثوم نفروم ناعم وتطهى فى قلاية لمدة 8 دقائق

البطاطس متبلة بملح وفلفل اسود وزيت زيتون ثم تدخل المايكرويف لمدة 5 دقائق

ثم توضع مع الصدر لثلاث دقائق لاكتساب نكهة الثوم وتتبيلة الدجاج

صدور دجاج بالفطر

==========

هى عبارة عن صدور دجاج مقطعة شرائح....... متبلة فى زيت زيتون مع خل عنب وملح وفلفل أسود..

مع جوانح بصل وماشروم وعصير كرز ..

يدبل البصل ثم يضاف الدجاج .. ويقلب حتى ينضج ثم يضاف الفطر ..

مع عصير الكرز مع التقليب حتى نحصل على ذاك المنظر الرائع طعما وشكلا

يقدم مع أرز أبيض أو مع خبز فرنسى مقرمش أو خبز عربى بايت هههههههههه

لحم بتلوبصوص التوم والزنجبيل

===============

اللحم بتلو قطع ستيك بدون عظام ..

متبله بعصير ليمون وملح وفلفل أسود وخل عنب .. مع زيت زيتون لأنه اللحم بدون أى دهون ..

يفرم فصين توم مع قطعة زنجبيل أخضر ناعم ..

ويوضع مع اللحم على النار فى شواية.. ويقلب من وقت لأخر مع مراعاة ألا يحترق ..

وحتى ينضج ونصل لهذا اللون الرائع

تم تعديل 19 أكتوبر 2009 بواسطة somayasaleh

[بندق أفندى]

تصدقى بالله يا مدام سمية انه ما عرفت انها وصفاتى الا من حكاية الخبز العربى البايت دى ههههههههههه

[بندق أفندى]

الحقيقة بأشوف كل أكلاتى صحية الى حد كبير

[somayasaleh]

تصدقى بالله يا مدام سمية انه ما عرفت انها وصفاتى الا من حكاية الخبز العربى البايت دى ههههههههههه

ربنا يبارك في حضرتك يا استاذ بندق ويديك الصحة وتسلم ايديك :blush2:

اسمح لي اكمل بعض من وصفات حضرتك الصحية واللذيذة

دجاج مخلي بدبس الرمان مع السبانخ

==================

نجيب الصدور ونرقها ولا نخفها (نقطعها شرايح يعنى)

نتبلها فى خل عنب لمدة ربع ساعة

(دقتيها مطرقة البوفتيك شان تستوى بسرعة .. مع ملح مع فلفل أسود .. مع دبس رمان .. مع زيت زيتون ..

الكل فى القلاية مع بعضه لمدة حوالى 10 دقائق لكل ناحية أو لحد ما يتشرب الصوص ..

السبانخ .. مغسولة متقطعة .. فى نفس القلاية لمدة 5 دقائق فقط ..

تصفى من ماءها وتوضع فى الطبق وعليها الدجاج ..

صيادية السمك

=======

أى نوع سمك يصلح ويستخدم سليم أو مقطع قطع كبيرة

كمية كبيرة من البصل (على حسب كمية السمك) مقطعة مكعبات

(السمك سوف يطهى فى البصل)

ندبل البصل فى زيت على النار

نضيف قليل من الملح والكسبرة المطحونة (حوالى معلقتين أكل) وفلفل أسمر حسب الذوق

نضع السمك فى الصينية مع البصل - نضيف كمية كافية ماء يغلى

او نضع الماء ونغليه ونضيف السمك بعد غليانه (هام جدا الماء يكون بيغلى وقت اضافة السمك)

نغليها حوالى 5 دقائق ونقلبها على الوجه الآخر

ثم ندخلها الى فرن حامى .. حتى تنضج وينحسر ماؤها

ثم تقدم ساخنة مع أرز أو خبز

وبالهنا والشفا

المستخدم هنا نصف سمكة موسى كبيرة مسلوخة

شريحة سمك في الفرن

==========

سمك شرائح (طرنشات) يوصى بنزع الجلد منه .. ي

نفع ديراط .. كنعد .. ناجل .. هامور حمرا كبير .. حريد (ببغاء) أى سمكة كبيرة مفيش فيها شوك ..

ننقع الشرائح فى خل مع ملح وزيت وفلفل أسود حوالى ساعة ..

ندخله الفرن كما هو .. لمدة حوالى 40 دقيقة (تختلف حسب سمك الشريحة)

الصوص عبارة عن بصل يتحمر فى الزيت .. نصفيه ونضيف قليل من الزبد وعصير ليمون وخل بلسمك .. مع التقليب حتى يتكثف ..

نضعه على شرائح السمك ثم نعيد للفرن لمدة 10 دقائق وهنا وعافية

سمك مقلى مختلف مع صوص مسطردة مع روزيتو ببشر قشر الليمون

=================================

السمك كان موسى .. زى بتاع مصر اللى هو النحيف الفاتح مش زى بتاع جدة الدسم الدهن جدا ..

المهم .. يسلخ .. يتبلع فى عصير ليمون وخل وثوم مفروم وملح وكسبرة مطحونة وكمون مطحون .. دقيق القلى متبل بملح ولفل أسود

يلف السمك فى الدقيق يقلى فى زيت حامى من 5 ل 7 دقائق حسب سمك السمكة .. ويقلب طبعا .. يرفع من الزيت ويجفف على ورق ماص للتخلص من الزي الزائد (الزيت الحار لا يترك زيت زائد)

الصوص : ملعقة مسطردة يضاف لها 3 ملاعق خل وتخلط جيدا ثم يطاف زيت الزيتون مع التقليب المستمر حتى يصير سميكا قليلا .. ثم يضاف الشبت الأخضر المفروم

الرز أو الروزيتو على الطريقة الايطالية ..

بعد غسله يوضع فى كمية ماء أكبر من العادى بمقدار مرة ونصف ويضاف له قليل من بشر قشر الليمون .. ..

يغلى الرز لمدة 15 الى 20 دقيقة وتخفض الحرارة لما يجف الماء ..

يضاف زيت زيتون (حسب الرغبة) مع عروق توم معمر أو بصل أخضر وبقدونس مفرى .. ثم يترك حتى يكمل نضجه ..

الكوسة الرهيبة دى (رهيبة عشان حجمها اللى نادرا ما نجده).. مشوية بزيت وخل وملح .. وهنا وعافية ..

سمك بخلطة فريدة

========

السمك كان بربونى .. وده لأنه كان أكتر حاجة فريش لقيتها فى السوق ..

فى العادى هو يقلى فقط .. زمان عملته صينية بكبد السمك ونخاع بقرى وكان تحفة بس كان دسم أوى ..

طيب عاوز أعمله صينية ومش عاوز مقلى .. تعمل ايه يا نبدق تعمل ايه يا بندق أفندى يا كبير البناديق؟

جت الفكرة أعمل خلطة تكون دهنية شوية عشان السمك أصلا ناشف ..

هنقطع 3 حبات بطاطس متوسطين قطع متوسطة رقيقة الى حد ما ..

ونتبلها بزيت زيتون وملح وفلفل وندخلها الفرن فى الصينية اللى هنعمل فيها السمك على ما ننتهى من السمك

بصلة .. 5 فصوص ثوم .. قرن فلفل حراق .. عود كرافس .. جزرة .. ملح .. فلفل .. عصير ليمون .. خل .. مسطردة ..

وحوالى نصف كوب زيت .. استخدمت زيت زيتون .. كل ده ينضرب فى الخلاط ناعم ..

السمك هنشقه نصفين .. لو انتهبت ما كنت خليت البياع فتح بطنه وكنت شقيته من الظهر أسهل وأشيك .

. هندهنه من الداخل بكمية كافية ونتركه حوالى ربع ساعة

بعدها هنخرج الصينية اللى فيها البطاطس وهنرص فيها السمك وندخله الفرن ونغطيه بورق قصدير لمدة 10 دقائق ..

ثم نرفع القصدير ونتركه حوالى 15 دقيقة أخرى ..

هنخرجه ندهنه خل بسلمك وندخله الفرن 10 دقائق أخرى .. ولو استلزم الأمر هنشغل عليه الشواية من فوق ..

ودى كانت الأكلة بدون أرز ولا خبز .. وأعتقد انها سالب سعرات حرارية بسبب الكرافس وطبق السلطة هيكون بواجب الشبع

السلطة هى كرافس أمريكى مع خس مع بصل أخضر مع طماطم .

. هنعمل له صوص عبارة عن مقدار ليمون مع مقدارين زيت زيتون ثم نقلبه مع بعض حتى يصير مستحلب متماسك ..

ثم نصيف معلقتين دبس رمان .. ونصبه على السلكة ونقلبهم مع بعض ..

جملتها بقطع شمام حيث انه مش مسكر وعامل زى الخيار يبقى مكانه السلطة .. بس طلع حلو وخصوصا مع الدريسن اللى عملناه ..

نصيحة اللى يعملها ياكل لسمك ويحلى بالسلطة

هندهنه من الداخل بالخلطة السابقة ..

سمكة في الفرن

========

السمكة لا يمكن النفس تيجى عليها .. لأنها شكلها وهى سليمة مش حلو نهائى .. مش عارف ليه تذكرت انها زى الفأر .

. راس كبيرة .. والجسم مسحوب لرفيع فى النهاية .. هى كلها عاملة زى ذيل الفيل ..

المهم هى عشان كده رخيصة جدا .. يعنى لو الواحد مش بينكسف ممكن ياخدها ببلاش ..

صارت خناقة بينى وبين البياع .. عشان يسلخها وهو مش راضى .. المهم قلت خلاص أقوم انا بالمهمة ..

لأنه جلدها شديد الزفارة فلابد من سلخها وازالة العمود الفقرى أيضا ..

تتبل فى خل وليمون وملح لمدة نصف ساعة ..

تحشى ببقدونس وكرافس وفلفل أخضر وشرائح ليمون وتدهن بزيت وتطهى فى فرن حامى لمدة 50 دقيقة

بعد نضجها نخرجها من الفرن .. الكرافس كان عيدلن كاملة وده خبث مطبخى شوية عشان نشيله بعد الطهى

عملت لها صوص .. عبارة عن ملعقة كبيرة مسطردة...... مع ملعقتين زبادى .....مع ملعقة مايونيز.... مع 3 فصوص توم مفرومين ....

.مع ملح مع خل مع ليمون مع كمون..... والتقليب (بديل لصلصة التارتار)

أرز صيني بالدجاج

========

قطع دجاج بالعظام .. نتبله فى خل عنب وملح وفلفل أسود وجوز الطيب ..

نقطع بصلة حوانح .. ثم نضعها فى قلاية تيفال مع زيت سمسم .

. لمدة دقيقة ثم نضيف الدجاج .. ونقلب حوالى 12 دقيقة ..

بعدها نضيف الخضار مع قليل من الكركم أو الخردل حسب الذوق ..

ثم نضيف الخضار ( بروكلى وفلفل أخضر وقرن فلفل شطة حمراء حلوة - معتدلة الحرقة بعض الشئ) لمدة 5 دفائق مع التقليب .

. نضيف معلقتين من الصويا صوص .. المعتدل .. ثم نضيف الأرز المسلوق سلفا مع التقليب لمدة دقيقتين وهنا وعافية

الشوربة الجافة

=======

انا بأسميها شوربة الخضار الجافة .. عشان من غير شوربة ..

خضار من كل الأشكال المتاحة (هنا كرافس وجزر وكوسة وذرة وفاصوليا وبسلة وذرة)

مع قليل من زيت الزيتون والملح والفلفل الأسود وعلى نار عالية الى حد ما فى قدر مغطى

مع التقليب بهز القدر نفسه كل نصف دقيقة لمدة 7 دقائق ..

هيكون عندنا سوتيه صحى محتفظ بخواصه وبيقرمش .. وطعمه لذيذ

سندويتش صحي

========

الفكرة جت كده بسرعة .. بيضتين نتبلهم بملح وفلفل

كل بيضة لوحدها رشة ملح وفلفل فى طبق ونكسر البيضة الأولى .. وبعدين رشة ملح وفلفل ونرفعها على الرغيف

ممكن نحطه فى المايكوييف 30 ثانية .. او تحت الشواية حوالى دقيقتين ونص ..

وهنكون شاويين الفرانكفورتر من قبلها .. طلعا الهدف النهائى يكون سندوتش بس عجبنى الشكل كده

البيض عيون وبرشت وطعمه رهيب .. انفلوانزا الطيور ولا سالمونيلا بقى مش مشكلة ههههههههههه

تشكيلة من كله

=======

لا عارف الفكرة جت ازاى ولا عارف ليه ..

المهم هى بطاطس تقطع شرائح رفيعة وجزر كذلك .

. فطر من الكبير يقشر (بدون غسل).... وواحدة كرات (leeks).... وقرن فلفل شيلى حراق مسكر ..

ومقانق لحم ونقانق رومى ... سبراجيروس (هليون) ملفوف عليه لحم مقدد..... وشرائح صدور كذلك ملفوف عليها لحم مقدد ..

نرش عليهم ملح خفيف ونعمل لهم خلطة من خل عنب وخل بلسمك وزيت زيتون وليمون .. بنسب متساوية وملح ..

وندخلهم الفرن فى صينية لمدة 20 دقيقة أول 5 دقائق تكون مغطاه بفويل

اللحمة المشوية متبلة فى نفس التتبيلة حوالى .نص ساعة .. ثم توضع على الجرل حتى تنضج وكل خمس دقائق نسقيها من نفس الصوص ..

شريحة سمك بصوص التوم

=============

انا زهقت من المطبخ بسبب الحر (وعين س س) ههههههههههه ..

اخدتنى رجلى لسوق السمك وكنت هامشى ومش خأشترى حاجة لولا انه عينى وقعت عهلى سمكة هامور (وقار صاحية) .. اوزن يا عم .. طلعت كيلو .

اخدتها طلعت منها شريحتين اللحم .. والباقى مع عضم الظهر هنعمل منه شوربة سبراجوس رهيبة

بسيطة خالص .. التتبيلة عصير ليمون وملح وفلفل اسود .. هنحمر الشريحتين لمدة 4 دفائق لكل وجه فى زيت زيتون (او اى زيت) (تركتهم بجلهم عشان ما تتهرى)

وهنضعهم فى الصينية اللى هندخلهم فيها الفرن ..

هنمعل لهم صوص عبارة عن ........فصين توم مع..... 3 ملاعق زيت زيتون مع..... عصير ليمونة هتضربهم فى الخلاط

هيصير معجون هندهن بيه شريحتى السمك وهندخلهم فرن حامى لمدة 15 الى 20 دقيقة

هنعمل لهم قاعدة من الخضار .. بطاطس شرائح رفيعة مع كوسة مع سبراجوس .. (اى خضار ينفع)

متحمر بسرعة على نار قوية بزيت زيتون لمدة 5 دقائق نغطيه ونطفى عليه .. حتى ينضج السمك

سمكة محشية جميري وخضار

=============

السمكة هامور .. (وقار .. ويصلح اى نوع من السمك العريض المتماسك

مفتوحة من الظهر ومخلى الشوك او الحسك ..

تتبل بزيت زيتون وثوم وعصير ليمون وملح ...

ومعها خلطة دايما موجودة فى الفريزر .. (بصل وتوم وفلفل أسود وفلفل أخضر وبقدونس وكسبرة مطحونة وزنجبيل ومسطردة)

ثم نرص الجمبرى ونجملها بشرائح ليمون وفلفل أخضر أو أحمر حسب المتاح

نلفها فى ورق زبدة ومن بعده ورق قصدير .. ثم ندخلها الفرن على أدنى رف لمدة 15 دقيقة ونقلبها على الجهة الأخرى لمدة 15 دقيقة أخرى ..

ثم نخرجها نزيل ورق الزبدة وورق القصدير وندخلها الفرن مرة أخرى لمدة 15 دقيقة أخرى وهنا وعافية

سلطة متنوعة

======

خس

وجزر

وطماطم

وخيار مقشر

ومتبلة بالسماق

والدريسنج دبس رمان

مع خل أبيض

مع عصير ليمون

مع زيت زيتون بنسب متساوية ..

شرائح سلمون

=======

خفيفة ولا كأنك أكلت

هى كلها شريحة بدون شوك نسلخ الجلد ونقطعها شرائح مرة أخرى بسمك 1 سم

فى عصير ليمون كبيرة وعصير برتقالة مع قليل من الملح وكسبرة نتركها تتيبل لمدة ساعة

ندهن صينية الفرن زبدة وندهن الشرائح ايضا وندخلها فرن حار لمدة 15 دقيقة .. وتحت الشواية لمدة 3 دقائق

نأخد عصير التتيبيلة ونضيف عليه كمون مطحون وملح نكثفه ثم نتبل فيه شرائح بطاطس وندهنها زيت زيتون

ندخلها المايكروييف لمدة ست دقائق ثم نخدلها الفرن مع السمك تحت الشواية لمدة 3 دقائق أخرى

تقدم مع سلطة خضراء ووعصير ..هنا استخدمت عصير كرز .. وألف حمد وشكر لك يارب على النعمة

لفائف السلمون

=======

سلمون فيليه يقطع شرائح طولية .. سمك 1 سم تقريبا ..

يتبل بعصير الليمون لمدة 20 دقيقة ..

تجهز له خلطة عبارة عن فصين ثوم معجون وشبت أخضر يقطع ناعم وملح وزيت زيتون ..

يتم دهن شرائح السلمون بالخليط .. وتلف دوائر وتثبت بخلة أسنان خشب ..

وتوضع فى صينية فرن .. ومعها بعض شرائح الفلفل الملون

[somayasaleh]

نتابع وصفات بسعرات حرارية منخفضة.....علشان عم زهيري ينبسط

علي فكرة...هو فين ...مش باين في المطبخ ليه اليومين دول؟؟؟؟؟

باستا سريعة وصحية

==========.

مكرونة هتسلق ل ثمانى دقائق فقط .. مع الخضار .. اللى هيكون كرافس وكوسة وجزر ..

ممكن اضافة أى خضار نريد......... الخضار هنسلقه فقط 5 دقائق .......يعنى هنضعه بعد المكرونة ما تغلى ب 3 دقائق .. ....عشان يكون حى وكرسبى ..

الصوص عبارة عن...... معلقتين كريمة مع حليب مع جبن بارميزان مبشورة مع فلفل أسمر ......... ونشوف اذا محتاج ملح (عشان الجنبة طبعا)

نكفثم قليلا ثم نضع المكرونة مع الخضار بعد تصفيتهم ونقلب على النار لمدة دقيقتين ..

اذا كانت عشاء أو حتى فطور ممكن يتاكلوا سادة كده أو نضيف له زيتون أخضر أو أسود بدون بذر .......طبق خفيف وصحى

اذا غذا ممكن نضيف معاه بصل أخضر مقطع كما هو هنا .. وهنا وعافية

.. المكرونة 250 جرام قبل الطهى ..

شيش طاووق

=======

هنا المستخدم أفخاد دجاج مخلية عشان أنعم من الصدور .. وفيها قطع صدور قليلة ..

بعد التقطيع قطع صغيرة .. تتبل بملح وفلفل .. وثوم مفروم وبصل مفروم وملعقة خل وزنجبيل أخضر مفرى وزبادى وزيت زيتون (او ذرة) .. وممكن دبس رمان ..

تنقع ليس أقل من ساعتين فى التتبيلة .. ثم توضع فى الأسياخ .. قطعة طاووق مع قطعة بصل وففل .. أخضر أو أحمر أو أصفر .. يمكن أيضا وضع أناناس أو مشمش مجفف معها ..

طبعا الأساس انها تتشوى عى الفحم .. لكن هذه مطهية فى فلاية شوى على النار من فوق ..

المكرونة سباجيتى مسلوقة 7 دقايق على النار .. والصلصة طماطم طازة (عشان كده مش حمرا أوى ) مضروبة فى الخلاط ومستوية مع قليل من الزبد ومتبلة بفلفل أسود وملح ..

توضع على النار حتى تتكثف .. وبس

[بندق أفندى]

الله يكرمك يا مدام سمية صالح .. لو قعدت احاول اعمل اللى عملتيه مش هأعرف ..

[somayasaleh]

الله يكرمك يا مدام سمية صالح .. لو قعدت احاول اعمل اللى عملتيه مش هأعرف ..

البركة في حضرتك يا شيفنا العزيز....كل ده من تفانينك

يلا عايزين شوية افتكاسات جديدة من حضرتك

يا خوانا محدش شاف عمنا زهيري؟؟؟؟؟ طلب الطلب ومدفعش الحساب

اللي يشوفه منكم يبعته علي المطبخ عدل....مش علشان يغسل الصحون لا سمح الله......لا لا لا

بس علشان الوصفات اللي شفنا الفاضل قعد يحضر فيها بالشهور... وعم زهيري عمال يتخانق في هدي الاسلام

اللي يشوفه يبعته علي طول....وله سندوتش مميز من الشيف الرسمي للمنتدي