اذهب إلى المحتوى
محاورات المصريين

عز: السيارات الفارهة والمحمول دليل على ان المصريين يعيشون في رفاهية


Amr Radwan

Recommended Posts

قرات هذا المقال و كنت اريد ان انفجر ضاحكا .. و لكني تمالكت نفسي لاني في العمل

انا لا ادري هل هما مش عايشين في مصر و لا احنا اللي مش عايشين في مصر !!! انا اتوقع ان ال 80 مليون مصري هما اللي مش عايشين في مصر ..

و اهم حاجة ركز علي اخر سطر .. "وانتقد عز من قال انهم يرون الحياة بمنظار أسود رغم كل هذه الإنجازات وتلك الرفاهية."

و الله انا مش فاهم هل معني وجود حي مثل "مصر الجديدة" ينفي العشوائية و الفقر من باقي احياء القاهرة و نرجع نقول عشوائية اية و فقر اية اللي القاهرة فيها .. ما القاهرة فيها مصر الجديدة !!!!!!!!!!!!!!!!!!!!!!!!!!!!!!!!!!

هل هذا كلام يعقل !!!

اقرا المقال و استمتع .. و اوعي .. اوعي .. تكون من الناس التانيين اللي شايفينا سودا .،، الدنيا حلوة و وردي بدليل ان معاك موبايل يا مصري !!!!! و عجبي

لقاهرة - أكد أحمد عز أمين التنظيم بالحزب الوطنى أن الشعب المصرى يعيش فى رفاهية حقيقية، وان الدليل على تلك الرفاهية هو زيادة أعداد السيارات الفارهة وأجهزة التليفون المحمول بين المواطنين.

وقال عز خلال الاجتماع مع أمناء الوحدات الحزبية بمدينة طنطا الاحد: إن الشعب المصرى شهد تطورا ملحوظا فى مجالات الصحة والتعليم والمواصلات، إضافة لوجود زيادة حقيقية فى دخول الأفراد وارتفاع ملحوظ وحقيقى فى زيادة رواتب العاملين الذى يتجاوز 6 ملايين موظف.

وضرب مثالا على الرفاهية التى يعيشها الشعب بأنه فى عام 2002 وصل حجم مبيعات السيارات الجديدة إلى 80 ألف سيارة، بينما ارتفع هذا الرقم ليصل إلى 300 ألف سيارة عام 2008، وأن 96% من هذا العدد من متوسطو الدخل.

واشار إلى أن 99% من أمناء الأحزاب وأغلبهم بالقرى يحملون تليفونات محمولة، ويوجد فى مصر 40 مليون خط محمول يستعملها الفقراء.

واشار عز إلى ارتفاع نسبة ما أسماه "الطبقة المتوسطة" فى مصر.

واشاد أمين التنظيم بالحزب الوطنى بدور الحكومة فى انخفاض معدل البطالة، وزيادة دخول الأفراد.

وأشاد عز بسياسة وزير الاستثمار فى بيع الأراضى المملوكة للدولة وشركات قطاع الاعمال، لاستخدام حصيلة البيع فى تقديم خدمات، ومرافق للمواطنين.

وكان الحزب الوطني قد اجرى استطلاعا للرأي لمعرفة أولويات القضايا الجماهيرية للشعب المصري تم تطبيق هذا الاستطلاع على عينة تشمل 400 اسرة تمثل كافة محافظات مصر.

وأكدت أهم النتائج المستخلصة من استطلاع الرأي أن هناك تحسنا نسبيا في مستوى معيشة المواطنين ودخولهم مقارنة بالعام لماضي 2008، وأن انعكاس التراجع في ارتفاع الأسعار قد ظهر في تحسن رؤية المواطنين للأوضاع الأقتصادية.

وذكرت النتائج أن البطالة تعد المشكلة الاقتصادية الأولى من وجهة نظر المواطن، وأن المصريون يشعرون بتحسن نسبي في خدمات الصحة، ومياه الشرب، والصرف الصحي وتوافر الخبز المدعوم.

وأظهر استطلاع الرأي أن 39% من المواطنين قد صوتوا بنعم لثقتهم فى الحكومة مقارنة ب22% العام الماضي، بينما صوت 30% من الشباب دعما للحكومة وصوت 32% من المواطنيين فى خانة -إلى حد ما- مقارنة بنسبة 38% العام الماضى بينما صوت الشباب بنسبة 37%.

وصوت 21% من المواطنين برفض ثقتهم فى الحكومة مقارنة بنسبة 29% العام الماضس، بينما صوت الشباب بنسبة 29%.

وأظهر الاستطلاع أن هناك مؤشرات إيجابية حيث صوت المواطنون بنسبة 79% لصالح توفر مياه الشرب النقية، و65% لتوافر الخبز البلدى المدعوم ، و83% لتوافر المدارس الابتدائية والثانوية، و77% لتوافر الوحدات الصحية .

وحول الأخطار التى تواجه الأمن القومى العربي، قال الاستطلاع إن الأمراض المعدية والوبائية احتلت المرتبة الأولى كأكبر خطر يواجه الأمن القومي العربي بنسبة 66%، ثم نقص المياه ، فيما جاء الصراع العربى - الإسرائيلي في المرتبة الثالثة ثم الإرهاب الدولي وأزمة الطاقة.

وأكد أمين التنظبم الوطنى أن أعداد أعضاء الحزب الوطنى تضاعف خلال الفترة الأخيرة بشكل ملحوظ، لضعف الاشتراك الرمزى الذى لا يزيد على 5 جنيهات، فى حين وصل الاشتراك فى زمن الاتحاد الاشتراكى إلى 60 قرشا، وهو وقتها رقم مبالغ فيه.

وانتقد عز من مقال انهم يرون الحياة بمنظار أسود رغم كل هذه الإنجازات وتلك الرفاهية.

المصدر: صحيفة الشروق، مصراوي.

http://www.masrawy.com/News/Egypt/Politics...uly/28/ezz.aspx

"إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ"

قال صلى الله عليه وسلم : من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر عن معسر يسر الله عليه في الدنيا والآخرة، ومن ستر مسلما ستره الله في الدنيا والآخرة، والله في عون العبد ما كان العبد في عون أخيه ... رواه مسلم

رابط هذا التعليق
شارك

هو فيه تحسّن ملحوظ من الناحية الاقتصادية وارتفاع مستوى المعيشى

لكن المنتفعين بهذا التحسّن الاقتصادي قلة قليلة ..

وهذا هو مربط الفرس

عدم العدالة في توزيع الثروات

ومــَنْ أَحْســــَنُ مِــنَ اللـَّـــــــهِ حُـكْــــمًا لِقـــــَوْمٍ يُوقِـنــــــــــُونَ

صدق الله العظيم

رابط هذا التعليق
شارك

الاخ الكريم عمرو رضوان حمد اللة على سلامتك افتفدنا مشاركاتك الجميلة والفعالة وان شاء اللة تكون قضيت اجازة سعيدة

تسجيل متابعة للموضوع ولى عودة ان شاء اللة للمشاركة

رابط هذا التعليق
شارك

ايا جماعه الراجل ده مستفز

بيستفز الناس عن عمد عشان الناس تكرهه اكتر

دي ناس قاعده علي مكاتب بيجيلها تقارير وبس مبتنزلش بولاق ناهيا

ناس عايشه في فيلل

انت متوقع ايه يعني؟؟ يطلع يقولك الدنيا ضلمه ؟؟

امال لو عرف ان اجر عادل امام 13 مليون جنيه عن فيلم بوبوس اللي سقط كان قال ايه ؟؟

رابط هذا التعليق
شارك

طب الدخل زاد ما الاسعار في السما.وبعدين فين التطور اللي في الصحة ما شاء اللة مش ملاحقين على أنواع الانفلونزا ولا التعليم اللي هو فين اساسا قصدة على التعليم الخاص ولا على الدروس الخصوصية حاكم كل حاجة بقت متخصخصة دلوقتي.وكمان المواصلات اتطورت أحمدك يا رب هروح الكلية في اتوبيس مكيف..ده اية الدلع اللي احنا فية دة ..شوية ويقول ان كل مرضى فيرس سي خفوا خلاص بس جالهم نقرس من كتر اللحمة اللي بياكلوها.. فعلا أحمد عز نموذج للمواطن المصري النيل جواه..... والبفرة معاه.

There's what you want, and there's what's good for you, they never meet

رابط هذا التعليق
شارك

تحية طيبة للفاضل عمرو رضوان

الحقيقة ان السيد احمد عز لا يعيش في مصر

واتصور ان الامر يحتاج الى نوع من الايضاح

انا - كنت حتى وقت قريب - اتصور اني اعيش في دولة اسمها مصر وان معلوماتي عنها تساوي معلومات جميع المصريين عنها

ولكني صدمت عندما عرفت الحقيقة

وهي ان هناك اكثر من مصر فعلاً .. يعيشون بشكل متوازي ولايعرف احدهم عن الآخر شيئاً بالمره

هناك ذلك الفقر المدقع القاتل الذي يحمل أنياب وأظافر تفرز لنا ما نقرأه في صفحة الحوادث بشكل دوري ويفعجنا

يفعجنا نحن - مصر الثانية - التي تحمل ابناء الطبقة المتوسطة وماحولها من طبقات (فوق او تحت المتوسط)

ثم هناك طبقة اخرى للاغنياء (وبعض المنتفعين من حولهم)

هؤلاء نادرا ما تجدهم في سوق الجمعه او الرويعي أو القلعة (إلا لو كانت زيارة مع صديق اجنبي للفرجة)

ثم هناك طبقة اكثر من غنية

وهي تمثل اولئك الذين نتبدأ حياتهم بعد الواحدة صباحا من كل ليلة

تجدهم في " بيانو بيانو "

يتسوقون من مولات ومحلات خاصة معروفة بالاسم

تجدهم في قرى (خاصة) با لساحل في حفلات لعق الشيكولاته !!

هؤلاء يقضون الصيف في نيس او فنلندا

ليس لديهم مانع أن تأتي الابنة المراهقة بصديقها في آخر الليل وتصعد غرفتها بينما (بابا) يشاهد التلفزيون ويلقي عليهم تحية المساء

دمتم بكل خير

الذين يزيد دخلهم السنوي عن 500 الف جنيه

ثم

رابط هذا التعليق
شارك

ازيك يابشمهندس عمرو

يا بلدنا فيكى حاجه محيرانى نزرع القمح فى سنين تطلع الكوسه فى ثوانى

بس احب اقولك على حاجه بجد الناس اللى ضميرهم اتعدم بجد عملوا فلوس كتير اقوى ومش بيكونوا ماسكين مناصب ولا حاجه يعنى ممكن تلاقى موظف عادى فى محكمه علشان تروح تخلص ورقه منه لازم تدفع عشره جنيه تخيل بقى كام واحد بيروح له فى اليوم

طيب الراجل بتاع الفيش اللى بياخد من كل واحد بيعمل فيش جنيه لو مافيش زحمه ولو فيه زحمه ممكن توصل ل 5 ج

والمشكله ان الراجل بيكون بيكلمك وماسك فى ايده السبحه عن جد حاجه تغيظ

ده الى احمد عز يقصده ان الناس دول فتحوا دماغهم ياهندسه وتعبوا علشان كده مستوى دخلهم زاد اما طبعا الناس اللى بدارى فشلها خلف الامانه وده حرام وحلال فدول يستاهلوا اللى يجرى لهم

انا بفكر افتح مركز لعمل الفيشات وهاخد من كل واحد نص جنيه بس ده لو مافيش زحمه ولو فيه وحمه هاخد 10 ج

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك

بصراحة خمسة جنيه الحزب الوطني يا بلاش

دي اهم نقطة في الموضوع

بكرة اروح اعمل اشتراك

http://www.cic.gc.ca/english/resources/man...op/op06-eng.pdf

اهم مصدر من مصادر فهم كيفية التقديم للهجرة فيدراليا

رابط هذا التعليق
شارك

أفضل رد على هذا الكلام المتخلف عن ركب التفكير المنطقى هو ما ساورده فى موضوع مستقل ان شاء الله قرريبا

و ليتعلم المهندس احمد عز كيف تكون النتائج المستقبلية للافعال الانية

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

الاخوة و الاخوات .. سهل جدا ، ام بودي ، حنظلة ، محمد العنبي , مونتو ،سيفير و جناوي و هندسة البترول و التعدين كلها :roseop: ..

شكرا علي الرد و المتابعة و شكر خاص لام بودي و حنظلة ..

يا جماعة الموضوع ده خطير .. هل هو مبدأ "أفضل وسيلة للدفاع الهجوم" ؟

انا مش عارف هل فيه ناس في مصر بتصدق الكلام ده ؟ طيب ولو الاجابة ب "لالالالالالالالالالالالالالالالا" طيب ازاي يفضلوا يقولوه !!!

و بعدين احصائيات سيارات اية اللي هما جايبينها ؟؟!؟!؟ طيب مفيش احصائية تقول نسبة العربيات المتقسطة علي البنوك قد اية ؟؟!؟!؟

يعني اذا كان مش معاك فلوس و انت لازم تشتري بدلة عشان تلبسها في فرح حد من اصحابك و روحت أجرت بدلة او اشتريتها تقسيط ده معناه ان مصر كلها ولاد ذوات عشان بيلبسوا بدل و بيروحوا افراح و لابسين شيك ؟؟!!!! و اكيد معاك موبايل تبقي ابن بشوات كمان ...

انا انصح الحكومة ب :

فرض ضرائب جديدة علي من يحمل المحمول

تكون مضاعفة للي بيتكلموا ازيد من 200 جنية في الشهر

و برده ممكن مصلحة الضرائب تحط في تقيمها نوع جهاز الموبايل المستخدم

عمل كمائن في الشارع مثل كمائن الشرطة لبتوع الضرائب (مأموري الضرائب) عشان يفاجأوا المتهربين من دفع ضريبة المحمول.

يمكن الان دفع الضرائب علي الموبايل من خلال الاتصال بالرقم التالي 099999999

او عن طريق فيزا الانترنت علي الموقع www.Erhamona.com

وضع عبارة تذكيرية علي ايصال الدفع "ادفع بالتي هي احسن.. و الا ..".

كفاية كده ..

تم تعديل بواسطة Amr Radwan

"إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ"

قال صلى الله عليه وسلم : من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر عن معسر يسر الله عليه في الدنيا والآخرة، ومن ستر مسلما ستره الله في الدنيا والآخرة، والله في عون العبد ما كان العبد في عون أخيه ... رواه مسلم

رابط هذا التعليق
شارك

الكلام ده فكرني بمشهد محمد صبحي في مسرحية تخاريف لما قال للمواطن الله انت ماشي بملابس داخليه قطعتين ايه الرفاهية الي انت فيها دي .. وانت خارج ابقى سلم حته منهم ..

بس بعيدا عن الكوميديا فعادي ياجماعه انا لا استغرب كلام احمد عز نهائيا ولا اعتقد فيه نوع من المبالغه او محاولة الهجوم او استفزاز الشعب ببساطه لان هو بيقيس مايحدث لنا على عيشتنا احنا مش عيشته هو ..

اديلكم مثال بسيط جدا ..

انت النهرده لو عندك بواب في العماره الي ساكن فيها وبيقضي لك مشوار وبياخذ نص جنيه مثلا في المشوار . غير العشرة جنيه الي بياخذها كل شهر نظافة سلم ..

ممكن انت وبينك وبين نفسك كده قاعد تحسب تقول يااه الولد ده بيطلع له كده في اليوم مشاوير بس بتاع عشرين جنيه في ثلاثين يوم يبقى 600 جنيه ده غير الي بياخذه كل شهر عشره جنيه في عشر شقق يبقى مية جنيه يبقى على كده بيطلع له في الشهر بتاع سبعمية جنيه ولا طلع ولا دخل ولا تعلم ولا تعب نفسه ..

طيب ماتحسبها بطريقة تانيه .. البواب ده لو دخله فعلا وصل سبعمية جنيه ولا حتى الف .. يعملوا له ايه؟

ده هيسكن بيهم وياكل بيهم ويلبس ويتعالج بيهم وو وو و و.. لا عنده تأمين ولا عنده اشتراك ولا كرنيه ولا حاجه خالص .. دول خلاصة شقاه وتعبه مع العلم انه لو قعد يوم واحد خلاص هيصرف كل ده على عياه مش هيلاقي الي يدعمه ..

بنفس المنطق لو انت بتدي واحد شحات ولا محتاج اقصى حاجه هتديهاله ايه ؟ خمسه جنيه ؟ عشره ؟ مية حتى ؟ ولو انت راجل كريم اوي ومعاك اكثر هتقول لاه في غيره اولى ادي ده مية وواحد تاني مية تانيه ( كفايه عليه اوي ) .. انت بتقول كده والمية دي لا تعني لك شيء ولا تكفيك شيء لكن لما تيجي تتكلم عن الشحات بتشوف انها تكفي .. وزياده ..

وضحت ؟ طيب نرجع للبواب ونقول كمان ..

نفرض ان واحد فصيح جه يقولي ايوه سبعمية جنيه كتيره على البواب لانه هيوفرهم كلهم هو يعني بياكل بكام ولا يعيش بكام مهو في الاول والآخر بواب وملوش طلبات ولا التزامات زينا .. هقولك وقف عندك .. هو ده مربط الفرس .. وهو ده بالظبط منطق احمد عز .. الراجل لا بيتريق ولا بيستهبل ولا عايش في برج عاجي ولا حاجه .. هو شايف انه محتاج يصرف ومحتاج دخل كبير لانه آدمي وله متطلبات حياه .. بينما احنا وامثالنا من الدهماء اي حاجه تنفع معانا ولو حتى خشاش الارض .. اذا لما نبقى يادوب لاقيين عيش حاف حتى هيبقى كرامه لان اساسا احنا آخرنا خشاش وكل مافوقه يعتبر من الرفاهية الي المفروض نبوس ايدينا علينا وش وظهر وكرش كمان ..

يبقى كده بقى الراجل عداه العيب وازح كمان وياريت بقى كل واحد دخل الموضوع مينساش وهو خارج يسلم حته من الاثنين ..

تم تعديل بواسطة doha

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

إيه يا أخوانا أنتوا كمان هتتجنوا عالراجل وتظلموه في البقين اللي قالهم ولا أيه أنتوا مش شايفين الحياه

في مصر عامله ازاي ولا أيه المواصلات فــــــــــاضيه والرغيف كبيــــــــر والراجل خفضلكم سعر الحديد علشان الشعب يبني ويعمر والناس

كلها متأنتكه وشايله محاميل ومزاجها في الجون .

ولا فيه أمراض شبه مستوطنه ولا فشل كلوي والمستشفيات العامه بصراحه موفره كل حاجه ومش مخليه الناس يحتاجوا مستشفيات

خاصه دا حتى المريض يدخل المستشفى من دول على طول يرتااااااااااح للأبد . ناهيك عن السيارات الفارهه حدث ولا حرج

(( اللادا ياعزال اللادا والفيات 128 المرصعه بالألماس والقرده وغيره وغيره .... )) متهيألي أني سمعت أنهم عاوزين يلغوا السيارات ويعمموا

فكره الطائرات الخاصه والهيليكوبتر لكل مواطن علشان الناس تعيش الرفاهيه على أصولها وميحسوش بخنقه الطريق والحر .

ولا فيه أزمة مياه شرب ولا أزمة رغيف عيش والناس كلها بتاكل لحمه والناس كلها بتدعي له ولأمثاله (( الله يخليه ويبارك فيه )) ,

ولا عندنا مشاكل سكن ولا فيه ناس مرميه في البراري مش لاقيه عشه تسترها والناس كلها اليومين دول دفعوا مقدمات علشان يسكنوا

في مدينة الرحاب والمدن الجديده بعيد عن الزحمه علشان يهدوا أعصابهم ويروقوا دمهم وطبعا الشعب الجميل بتاعنا معندوش مشكلة

بطاله ولا شباب كل يوم والتاني بيغرق في رحلات هجره غير شرعيه ولا كلام من ده , داحتى فاتحين باب لإستقدام عماله أجنبيه من

الخارج علشان الشعب بتاعنا خلاص من كتر فلوسه مش عاوز يشتغل و برضه من العز اللي مصر فيه فاتحه الباب عالبحري لنواب القروض

والهليبه علشان الغلابه (( نواب القروض )) لما يكونوا مزنوقين في كام مليار ميتكسفوش ويخدوا اللي هما عاوزينه وربنا يسامحهم دول

ولاد مصر برضه وأيه يعني دول مهما كان غلابه وعندهم ديون وعاوزين يجوزوا عيالهم و طبعا الناس الغلابه المصريين البسطاء اليومين دول

في مصر مش هنلاقيهم غير في مارينا والساحل الشمالي وشرم (( مساكين على أد فلوسهم ))أقول كمان ولا كفايه يا ظلمه !!!!!!!

معلش آسف بس كنت عاوز أقول لأحمد عز على رأي عادل إمام (( دك داء الميه أما تبقى تتجأر من تحت منك ))

عنده حق أصلهم وكلينها والعه

وبكل أمانه اللي إختشوا ماتوا.

تم تعديل بواسطة عاشق الترحال

قولوا لا إله إلا الله تفلحوا

إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

إضغط هنا لقراءة القرآن الكريم من المصحف الشريف

إضغط هنا لزيارة موقع رسول الله

إضغط هنا لعرض البث المباشر من المسجد الحرام

تردد قناة الرحمه الجديد على النايل سات التردد 10873 معدل الترميز 27500 رأسي 3\4

تردد قناة الرحمه الجديد على العرب سات التردد 12149 معدل الترميز 27500 أفقي 3\4

6nf2hryf9fiu.gif

رابط هذا التعليق
شارك

هو يقصد بالسيارات الفارهة ؟ الهيونداى والدايو اللى ناس كتير إشترتها بالقسط عشان يترحموا من ذل المواصلات العامة السيئة جداُ

هو يقصد بالمحمول ؟ الجهاز الصينى أبو 300 جنيه والخط أبو 5 جنيه

الر اجل ده مش عارف هو بيقول ايه و اذا كان المتكلم مجنون فالمستمع عاقل :roseop:

يدهشني أن يقول الأجانب :

Share What You Can To benefit The Others

وقد عملوا بذلك فتقدموا !

وقد قالها قبلهم أشرف الخلق سيدنا محمد (حب لأخيك ما تحب لنفسك)

أتمني أن لا نكون كالفراعنة القدامي أخفوا عِلمهم فمات معهم !

[وسط][/وسط]

027.gif

رابط هذا التعليق
شارك

احمد عز بيقول ان السيارات الفارهة والمحمول دليل على رفاهية مصر، ونحن بدورنا كمصريين نرفض التدخل الخارجي ونطالب عز وحزبه وحكومته بعدم التدخل في شئون مصر واصدار تصاريح كاذبة عن بلادنا، ونطالبهم بالاهتمام ببلدهم ومصالحهم فقط (تعليق منقول بس عجبنى)

رابط هذا التعليق
شارك

إحنا شعب غريب مابيشبعش .. كل الرخاء ده وبرده بنشتكى .. شعب فقرى .. شبع وحصلتله تخمة من الرخاء ونفسنا نجرب الذل والمهانة ... نفسنا نعيش على الرصيف ونجرب العشوائيات .. نفسنا نشرب ميه ملوثة ونبلبط مع البط والوز فى مية المجارى ... زهقنا من ركوب السيارات ونفسنا نجرب ركوب الحيوانات ونمشى على رجلينا ، نفسنا فى حاجات كتير بس الحكومة بعد تعديل الدستور منعت كل ده وأقسمت يمين لتخلى الشعب يعيش فى هنا ونعيم وعلشان كده تلاقينا كلنا متغربين وبندور على البلاد اللى فيها جحيم وبالعند فى الحكومة حلفنا طلاق مش راجعين لجل مانشوف وش سعادته ورجالة الحكومة المحترمين

مش قلتلكم شعب فقرى غاوى بهدلة cr((:

رابط هذا التعليق
شارك

  • بعد 3 شهور...

برده .. تاني ..

أحمد عز: تراكم القمامة فى الشوارع دليل على «رفاهية المواطنين»

مرة السيارات رفاهية و مرة القمامة في الشوارع رفاهية .. ربنا يستر بعد كده ممكن يقولك اية !!!!!

انا دائما بعلم نفسي اني انظر الي النصف الممتلئ من الكوب كنوع من الايجابية في الحياة لان احنا مش عايشين في المدينة الفاضلة ..

و لكن لما بشوف تصريحات الحكوميين الحزب وطنيين بعد كل كارثه بتهل علي البلد بحس انهم و الحمد لله عندهم الكوب مليان علي اخره و بتفيض المياه منه انهارا جارية .. و ذلك يفسر عدم وجود نصف فارغ عندهم ..

و عجبي !!!

أحمد عز: تراكم القمامة فى الشوارع دليل على «رفاهية المواطنين»

كتب عماد فؤاد وحسام صدقة 24/ 11/ 2009

تصوير ـ محمد معروف

أحمد عز أثناء حديثه فى البرلمان أمس

اتهم أعضاء فى مجلس الشعب الحكومة بالتواطؤ مع شركات النظافة الأجنبية، والسماح لها بابتزاز المواطنين، دون تقديم الخدمات المناسبة لهم. وفى الوقت الذى طالب فيه نواب بفسخ عقود هذه الشركات، وتأسيس شركات وطنية - محملين حكومة عاطف عبيد مسؤولية توقيع عقود «إذعان» مع هذه الشركات، مطالبين بلجنة لتقصى الحقائق حول هذه العقود - اعتبر النائب أحمد عز، رئيس لجنة الخطة والموازنة، أن تراكم القمامة فى الشوارع دليل على «الرفاهية»، وزيادة معدلات التنمية فى المجتمع، وزيادة أعداد السيارات فى الشوارع، وارتفاع القدرة الشرائية لسكان الريف، وتغيير أنماط الاستهلاك.

وقال عز إن الحكومة تحتاج إلى 1.5 مليار جنيه بشكل عاجل للقضاء على ظاهرة تراكم القمامة، وطالب باقتطاع هذا المبلغ من الدعم المقرر إضافته للموازنة، ويقدر بـ 10 مليارات جنيه.

وخلال مناقشة المجلس، أمس، طلبات الإحاطة والأسئلة، حول تفاقم ظاهرة تراكم القمامة فى الشوارع، أشاد نائب الحزب الوطنى طلعت مطاوع بحملة «المصرى اليوم» التى استمرت عدة شهور من أجل نظافة المدن والأحياء.

وانتقدت النائبة جورجيت قلينى تعنت الحكومة ورفضها الترخيص بإنشاء شركات وطنية للنظافة. وأعلن نائب الحزب الوطنى حيدر بغدادى تحديه للحكومة أن تقوم بفسخ عقود الشركات الأجنبية التى نجحت فى توقيع عقود إذعان تحصل بمقتضاها على 275 مليون جنيه سنوياً للشركة الواحدة.

http://www.almasry-alyoum.com/article2.asp...mp;IssueID=1599

"إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ"

قال صلى الله عليه وسلم : من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر عن معسر يسر الله عليه في الدنيا والآخرة، ومن ستر مسلما ستره الله في الدنيا والآخرة، والله في عون العبد ما كان العبد في عون أخيه ... رواه مسلم

رابط هذا التعليق
شارك

ههههههههههههه الراجل بيحسدنا على الزبالة و الله فكرنى الموضوع دة بواحد زميل جوزى معروف عنة انة عنية وحشة جدااا

و شغلتة طول النهار يقر على الناس تخيلوا حضراتكم ان واحدة زميلة لهم راحت تعمل عملية كبيرة فى القاهرة لندرة التخصص

يقول حضرتة اية

يااااة بختها دى معها فلوس تدخل مستشفى خاص فى مصر اية العز دةةةة

يعنى ساب المرض و التعب و الالم و البهدلة و حسد انها بتدخل مستشفى خاص متسغربوش فية نوعيات كتيرةةةةةةةة جدا منة

بس دول بيكون مرضى نفسين بيكونوا محتاجين دكتور يشوف مين الى كان مضهدهم و هو ضغير فعمل لهم عقدة فطلعوا بيكرهوا

نفسهم و الى حواليهم

اعتقد ان صحبنا من النوعية دىىى

الرد الى علية

ربنا يشفى كل مريض

ذهبية

[على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

رابط هذا التعليق
شارك

  • بعد 2 شهور...
قرات هذا المقال و كنت اريد ان انفجر ضاحكا .. و لكني تمالكت نفسي لاني في العمل

انا لا ادري هل هما مش عايشين في مصر و لا احنا اللي مش عايشين في مصر !!! انا اتوقع ان ال 80 مليون مصري هما اللي مش عايشين في مصر ..

و اهم حاجة ركز علي اخر سطر .. "وانتقد عز من قال انهم يرون الحياة بمنظار أسود رغم كل هذه الإنجازات وتلك الرفاهية."

و الله انا مش فاهم هل معني وجود حي مثل "مصر الجديدة" ينفي العشوائية و الفقر من باقي احياء القاهرة و نرجع نقول عشوائية اية و فقر اية اللي القاهرة فيها .. ما القاهرة فيها مصر الجديدة !!!!!!!!!!!!!!!!!!!!!!!!!!!!!!!!!!

هل هذا كلام يعقل !!!

اقرا المقال و استمتع .. و اوعي .. اوعي .. تكون من الناس التانيين اللي شايفينا سودا .،، الدنيا حلوة و وردي بدليل ان معاك موبايل يا مصري !!!!! و عجبي

لقاهرة - أكد أحمد عز أمين التنظيم بالحزب الوطنى أن الشعب المصرى يعيش فى رفاهية حقيقية، وان الدليل على تلك الرفاهية هو زيادة أعداد السيارات الفارهة وأجهزة التليفون المحمول بين المواطنين.

وقال عز خلال الاجتماع مع أمناء الوحدات الحزبية بمدينة طنطا الاحد: إن الشعب المصرى شهد تطورا ملحوظا فى مجالات الصحة والتعليم والمواصلات، إضافة لوجود زيادة حقيقية فى دخول الأفراد وارتفاع ملحوظ وحقيقى فى زيادة رواتب العاملين الذى يتجاوز 6 ملايين موظف.

وضرب مثالا على الرفاهية التى يعيشها الشعب بأنه فى عام 2002 وصل حجم مبيعات السيارات الجديدة إلى 80 ألف سيارة، بينما ارتفع هذا الرقم ليصل إلى 300 ألف سيارة عام 2008، وأن 96% من هذا العدد من متوسطو الدخل.

واشار إلى أن 99% من أمناء الأحزاب وأغلبهم بالقرى يحملون تليفونات محمولة، ويوجد فى مصر 40 مليون خط محمول يستعملها الفقراء.

واشار عز إلى ارتفاع نسبة ما أسماه "الطبقة المتوسطة" فى مصر.

واشاد أمين التنظيم بالحزب الوطنى بدور الحكومة فى انخفاض معدل البطالة، وزيادة دخول الأفراد.

وأشاد عز بسياسة وزير الاستثمار فى بيع الأراضى المملوكة للدولة وشركات قطاع الاعمال، لاستخدام حصيلة البيع فى تقديم خدمات، ومرافق للمواطنين.

وكان الحزب الوطني قد اجرى استطلاعا للرأي لمعرفة أولويات القضايا الجماهيرية للشعب المصري تم تطبيق هذا الاستطلاع على عينة تشمل 400 اسرة تمثل كافة محافظات مصر.

وأكدت أهم النتائج المستخلصة من استطلاع الرأي أن هناك تحسنا نسبيا في مستوى معيشة المواطنين ودخولهم مقارنة بالعام لماضي 2008، وأن انعكاس التراجع في ارتفاع الأسعار قد ظهر في تحسن رؤية المواطنين للأوضاع الأقتصادية.

وذكرت النتائج أن البطالة تعد المشكلة الاقتصادية الأولى من وجهة نظر المواطن، وأن المصريون يشعرون بتحسن نسبي في خدمات الصحة، ومياه الشرب، والصرف الصحي وتوافر الخبز المدعوم.

وأظهر استطلاع الرأي أن 39% من المواطنين قد صوتوا بنعم لثقتهم فى الحكومة مقارنة ب22% العام الماضي، بينما صوت 30% من الشباب دعما للحكومة وصوت 32% من المواطنيين فى خانة -إلى حد ما- مقارنة بنسبة 38% العام الماضى بينما صوت الشباب بنسبة 37%.

وصوت 21% من المواطنين برفض ثقتهم فى الحكومة مقارنة بنسبة 29% العام الماضس، بينما صوت الشباب بنسبة 29%.

وأظهر الاستطلاع أن هناك مؤشرات إيجابية حيث صوت المواطنون بنسبة 79% لصالح توفر مياه الشرب النقية، و65% لتوافر الخبز البلدى المدعوم ، و83% لتوافر المدارس الابتدائية والثانوية، و77% لتوافر الوحدات الصحية .

وحول الأخطار التى تواجه الأمن القومى العربي، قال الاستطلاع إن الأمراض المعدية والوبائية احتلت المرتبة الأولى كأكبر خطر يواجه الأمن القومي العربي بنسبة 66%، ثم نقص المياه ، فيما جاء الصراع العربى - الإسرائيلي في المرتبة الثالثة ثم الإرهاب الدولي وأزمة الطاقة.

وأكد أمين التنظبم الوطنى أن أعداد أعضاء الحزب الوطنى تضاعف خلال الفترة الأخيرة بشكل ملحوظ، لضعف الاشتراك الرمزى الذى لا يزيد على 5 جنيهات، فى حين وصل الاشتراك فى زمن الاتحاد الاشتراكى إلى 60 قرشا، وهو وقتها رقم مبالغ فيه.

وانتقد عز من مقال انهم يرون الحياة بمنظار أسود رغم كل هذه الإنجازات وتلك الرفاهية.

المصدر: صحيفة الشروق، مصراوي.

http://www.masrawy.com/News/Egypt/Politics...uly/28/ezz.aspx

والله اكيد المشكلة عندنا واحنا اللى مش عايشين فيها فعلا hypr:

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 1
      مجرد تكلفة تجديد ترخيص البرمجيات يتطلب اكثر من عشرة آلاف جنيه مصري وتكلفة استضافة الموقع تتطلب مائة دولار سنويا موقع الذكاء الاصطناعي gemeni.google.com  كر لي اكثر من مرة ان الموقع مغلق لوفاة مؤسسه عادل ابوزيد لا مفر من توقف موقع محاورات او ربما التوصل الى برمجيات اخرى غير الinvision board  في انتظار تعقيبكم على هذه الرسالة
    • 1
      يمكن مشاركة الموضوع عن طريق الواتسآب بالإضافة ل ال تويتر و الفيسبوك و غيرها
    • 8
      أرجو تصفح موضوعات دعم النزاهة و مانيفستو محاربة الفساد و الموضوعات الشبيهة فى محاورات المصريين. بإختصار شديد لقد توحش الفساد فى مصر و تحول إلى أسطورة و كالعادة - على مر التاريخ - يتجنب الجميع مواجهة الأساطير. أرى أن نقتحم أسطورة الفساد و لا نجلس كالفلاح اللى غرق دراه (للبهوات الفلاح اللى غرق دراه هو الفلاح الذى أغرق الفيضان محصول الأذرة الخاص به) ننعى سوء الطالع و ننعى العجز أمام توحش الفساد . على مر التاريخ بدأت المعارك بدراسة العدو أولا .. مواجهة الأوبئة تبدأ دائما بدراسة المرض ن
    • 2
      شركة الإستضافة التي تستضيف موقعنا  رفعت سعر الإستضافة و تطلبه بالدولار  و لتجديد الإستضافة أنا مطالب بدفع ما يقرب من 10000 جنيه   و هذا ليس في إمكانيات و لا هو مقبول  دفع هذا المبلغ من أجل الحفاظ على موقع لا يهدف للربح جار دراسة البدائل الممكنة لإستمرارية محاورات المصريين  لا أفهم كيف يتم إصدار فواتير بالدولار على خدمة تقدم في مصر دعواتكم
    • 0
      صفحة جديدة فى تاريخ العلاقات المصرية-الروسية بدأت بمدينة الضبعة فى محافظة مطروح حيث شهد الرئيس عبدالفتاح العرض الصفحة
×
×
  • أضف...